ദേവീ മാഹാത്മ്യം ദുര്ഗാ സപ്തശതി അഷ്ടമോഽധ്യായഃ

ദേവീ മാഹാത്മ്യം ദുര്ഗാ സപ്തശതി അഷ്ടമോഽധ്യായഃ

ശ്ലോക 1

രക്തബീജവധോ നാമ അഷ്ടമോധ്യായ ॥

ധ്യാനം

അരുണാം കരുണാ തരങ്ഗിതാക്ഷീം ധൃതപാശാങ്കുശ പുഷ്പബാണചാപാമ് ।

അണിമാധിഭിരാവൃതാം മയൂഖൈ രഹമിത്യേവ വിഭാവയേ ഭവാനീമ് ॥

ഋഷിരുവാച

ശ്ലോക 2

ചണ്ഡേ ച നിഹതേ ദൈത്യേ മുണ്ഡേ ച വിനിപാതിതേ ।

ബഹുലേഷു ച സൈന്യേഷു ക്ഷയിതേഷ്വസുരേശ്വരഃ

॥1॥

ശ്ലോക 3

തതഃ കോപപരാധീനചേതാഃ ശുമ്ഭഃ പ്രതാപവാന് ।

ഉദ്യോഗം സര്വ സൈന്യാനാം ദൈത്യാനാമാദിദേശ ഹ

॥ 2 ॥

ശ്ലോക 4

അദ്യ സര്വ ബലൈര്ദൈത്യാഃ ഷഡശീതിരുദായുധാഃ ।

കമ്ബൂനാം ചതുരശീതിര്നിര്യാന്തു സ്വബലൈര്വൃതാഃ

॥3॥

ശ്ലോക 5

കോടിവീര്യാണി പഞ്ചാശദസുരാണാം കുലാനി വൈ ।

ശതം കുലാനി ധൌമ്രാണാം നിര്ഗച്ഛന്തു മമാജ്ഞയാ

॥4॥

ശ്ലോക 6

കാലകാ ദൌര്ഹൃദാ മൌര്വാഃ കാലികേയാസ്തഥാസുരാഃ ।

യുദ്ധായ സജ്ജാ നിര്യാന്തു ആജ്ഞയാ ത്വരിതാ മമ

॥5॥

ശ്ലോക 7

ഇത്യാജ്ഞാപ്യാസുരാപതിഃ ശുമ്ഭോ ഭൈരവശാസനഃ ।

നിര്ജഗാമ മഹാസൈന്യസഹസ്ത്രൈര്ഭഹുഭിര്വൃതഃ

॥6॥

ശ്ലോക 8

ആയാന്തം ചണ്ഡികാ ദൃഷ്ട്വാ തത്സൈന്യമതിഭീഷണമ് ।

ജ്യാസ്വനൈഃ പൂരയാമാസ ധരണീഗഗനാന്തരമ്

॥7॥

ശ്ലോക 9

തതഃസിംഹൊ മഹാനാദമതീവ കൃതവാന്നൃപ ।

ഘണ്ടാസ്വനേന താന്നാദാനമ്ബികാ ചോപബൃംഹയത്

॥8॥

ശ്ലോക 10

ധനുര്ജ്യാസിംഹഘണ്ടാനാം നാദാപൂരിതദിങ്മുഖാ ।

നിനാദൈര്ഭീഷണൈഃ കാലീ ജിഗ്യേ വിസ്താരിതാനനാ

॥9॥

ശ്ലോക 11

തം നിനാദമുപശ്രുത്യ ദൈത്യ സൈന്യൈശ്ചതുര്ദിശമ് ।

ദേവീ സിംഹസ്തഥാ കാലീ സരോഷൈഃ പരിവാരിതാഃ

॥10॥

ശ്ലോക 12

ഏതസ്മിന്നന്തരേ ഭൂപ വിനാശായ സുരദ്വിഷാമ് ।

ഭവായാമരസിംഹനാമതിവീര്യബലാന്വിതാഃ

॥11॥

ശ്ലോക 13

ബ്രഹ്മേശഗുഹവിഷ്ണൂനാം തഥേന്ദ്രസ്യ ച ശക്തയഃ ।

ശരീരേഭ്യോവിനിഷ്ക്രമ്യ തദ്രൂപൈശ്ചണ്ഡികാം യയുഃ

॥12॥

ശ്ലോക 14

യസ്യ ദേവസ്യ യദ്രൂപം യഥാ ഭൂഷണവാഹനമ് ।

തദ്വദേവ ഹി തച്ചക്തിരസുരാന്യോദ്ധുമായമൌ

॥13॥

ശ്ലോക 15

ഹംസയുക്തവിമാനാഗ്രേ സാക്ഷസൂത്രക മണ്ഡലുഃ ।

ആയാതാ ബ്രഹ്മണഃ ശക്തിബ്രഹ്മാണീ ത്യഭിധീയതേ

॥14॥

ശ്ലോക 16

മഹേശ്വരീ വൃഷാരൂഢാ ത്രിശൂലവരധാരിണീ ।

മഹാഹിവലയാ പ്രാപ്താചന്ദ്രരേഖാവിഭൂഷണാ

॥15॥

ശ്ലോക 17

കൌമാരീ ശക്തിഹസ്താ ച മയൂരവരവാഹനാ ।

യോദ്ധുമഭ്യായയൌ ദൈത്യാനമ്ബികാ ഗുഹരൂപിണീ

॥16॥

ശ്ലോക 18

തഥൈവ വൈഷ്ണവീ ശക്തിര്ഗരുഡോപരി സംസ്ഥിതാ ।

ശങ്ഖചക്രഗധാശാങ്ഖര് ഖഡ്ഗഹസ്താഭ്യുപായയൌ

॥17॥

ശ്ലോക 19

യജ്ഞവാരാഹമതുലം രൂപം യാ ഭിഭ്രതോ ഹരേഃ ।

ശക്തിഃ സാപ്യായയൌ തത്ര വാരാഹീം ബിഭ്രതീ തനുമ്

॥18॥

ശ്ലോക 20

നാരസിംഹീ നൃസിംഹസ്യ ബിഭ്രതീ സദൃശം വപുഃ ।

പ്രാപ്താ തത്ര സടാക്ഷേപക്ഷിപ്തനക്ഷത്ര സംഹതിഃ

॥19॥

ശ്ലോക 21

വജ്ര ഹസ്താ തഥൈവൈന്ദ്രീ ഗജരാജോ പരിസ്ഥിതാ ।

പ്രാപ്താ സഹസ്ര നയനാ യഥാ ശക്രസ്തഥൈവ സാ

॥20॥

ശ്ലോക 22

തതഃ പരിവൃത്തസ്താഭിരീശാനോ ദേവ ശക്തിഭിഃ ।

ഹന്യന്താമസുരാഃ ശീഘ്രം മമ പ്രീത്യാഹ ചണ്ഡികാം

॥21॥

ശ്ലോക 23

തതോ ദേവീ ശരീരാത്തു വിനിഷ്ക്രാന്താതിഭീഷണാ ।

ചണ്ഡികാ ശക്തിരത്യുഗ്രാ ശിവാശതനിനാദിനീ

॥22॥

ശ്ലോക 24

സാ ചാഹ ധൂമ്രജടിലം ഈശാനമപരാജിതാ ।

ദൂതത്വം ഗച്ഛ ഭഗവന് പാര്ശ്വം ശുമ്ഭനിശുമ്ഭയോഃ

॥23॥

ശ്ലോക 25

ബ്രൂഹി ശുമ്ഭം നിശുമ്ഭം ച ദാനവാവതിഗര്വിതൌ ।

യേ ചാന്യേ ദാനവാസ്തത്ര യുദ്ധായ സമുപസ്ഥിതാഃ

॥24॥

ശ്ലോക 26

ത്രൈലോക്യമിന്ദ്രോ ലഭതാം ദേവാഃ സന്തു ഹവിര്ഭുജഃ ।

യൂയം പ്രയാത പാതാലം യദി ജീവിതുമിച്ഛഥ

॥25॥

ശ്ലോക 27

ബലാവലേപാദഥ ചേദ്ഭവന്തോ യുദ്ധകാങ്ക്ഷിണഃ ।

തദാ ഗച്ഛത തൃപ്യന്തു മച്ഛിവാഃ പിശിതേന വഃ

॥26॥

ശ്ലോക 28

യതോ നിയുക്തോ ദൌത്യേന തയാ ദേവ്യാ ശിവഃ സ്വയമ് ।

ശിവദൂതീതി ലോകേഽസ്മിംസ്തതഃ സാ ഖ്യാതി മാഗതാ

॥27॥

ശ്ലോക 29

തേഽപി ശ്രുത്വാ വചോ ദേവ്യാഃ ശര്വാഖ്യാതം മഹാസുരാഃ ।

അമര്ഷാപൂരിതാ ജഗ്മുര്യത്ര കാത്യായനീ സ്ഥിതാ

॥28॥

ശ്ലോക 30

തതഃ പ്രഥമമേവാഗ്രേ ശരശക്ത്യൃഷ്ടിവൃഷ്ടിഭിഃ ।

വവര്ഷുരുദ്ധതാമര്ഷാഃ സ്താം ദേവീമമരാരയഃ

॥29॥

ശ്ലോക 31

സാ ച താന് പ്രഹിതാന് ബാണാന് ഞ്ഛൂലശക്തിപരശ്വധാന് ।

ചിച്ഛേദ ലീലയാധ്മാതധനുര്മുക്തൈര്മഹേഷുഭിഃ

॥30॥

ശ്ലോക 32

തസ്യാഗ്രതസ്തഥാ കാലീ ശൂലപാതവിദാരിതാന് ।

ഖട്വാങ്ഗപോഥിതാംശ്ചാരീന്കുര്വന്തീ വ്യചരത്തദാ

॥31॥

ശ്ലോക 33

കമണ്ഡലുജലാക്ഷേപഹതവീര്യാന് ഹതൌജസഃ ।

ബ്രഹ്മാണീ ചാകരോച്ഛത്രൂന്യേന യേന സ്മ ധാവതി

॥32॥

ശ്ലോക 34

മാഹേശ്വരീ ത്രിശൂലേന തഥാ ചക്രേണ വൈഷ്ണവീ ।

ദൈത്യാങ്ജഘാന കൌമാരീ തഥാ ശത്യാതി കോപനാ

॥33॥

ശ്ലോക 35

ഐന്ദ്രീ കുലിശപാതേന ശതശോ ദൈത്യദാനവാഃ ।

പേതുര്വിദാരിതാഃ പൃഥ്വ്യാം രുധിരൌഘപ്രവര്ഷിണഃ

॥34॥

ശ്ലോക 36

തുണ്ഡപ്രഹാരവിധ്വസ്താ ദംഷ്ട്രാ ഗ്രക്ഷത വക്ഷസഃ ।

വാരാഹമൂര്ത്യാ ന്യപതംശ്ചക്രേണ ച വിദാരിതാഃ

॥35॥

ശ്ലോക 37

നഖൈര്വിദാരിതാംശ്ചാന്യാന് ഭക്ഷയന്തീ മഹാസുരാന് ।

നാരസിംഹീ ചചാരാജൌ നാദാ പൂര്ണദിഗമ്ബരാ

॥36॥

ശ്ലോക 38

ചണ്ഡാട്ടഹാസൈരസുരാഃ ശിവദൂത്യഭിദൂഷിതാഃ ।

പേതുഃ പൃഥിവ്യാം പതിതാംസ്താംശ്ചഖാദാഥ സാ തദാ

॥37॥

ശ്ലോക 39

ഇതി മാതൃ ഗണം ക്രുദ്ധം മര്ദ യന്തം മഹാസുരാന് ।

ദൃഷ്ട്വാഭ്യുപായൈര്വിവിധൈര്നേശുര്ദേവാരിസൈനികാഃ

॥38॥

ശ്ലോക 40

പലായനപരാന്ദൃഷ്ട്വാ ദൈത്യാന്മാതൃഗണാര്ദിതാന് ।

യോദ്ധുമഭ്യായയൌ ക്രുദ്ധോ രക്തബീജോ മഹാസുരഃ

॥39॥

ശ്ലോക 41

രക്തബിന്ദുര്യദാ ഭൂമൌ പതത്യസ്യ ശരീരതഃ ।

സമുത്പതതി മേദിന്യാം തത്പ്രമാണോ മഹാസുരഃ

॥40॥

ശ്ലോക 42

യുയുധേ സ ഗദാപാണിരിന്ദ്രശക്ത്യാ മഹാസുരഃ ।

തതശ്ചൈന്ദ്രീ സ്വവജ്രേണ രക്തബീജമതാഡയത്

॥41॥

ശ്ലോക 43

കുലിശേനാഹതസ്യാശു ബഹു സുസ്രാവ ശോണിതമ് ।

സമുത്തസ്ഥുസ്തതോ യോധാസ്തദ്രപാസ്തത്പരാക്രമാഃ

॥42॥

ശ്ലോക 44

യാവന്തഃ പതിതാസ്തസ്യ ശരീരാദ്രക്തബിന്ദവഃ ।

താവന്തഃ പുരുഷാ ജാതാഃ സ്തദ്വീര്യബലവിക്രമാഃ

॥43॥

ശ്ലോക 45

തേ ചാപി യുയുധുസ്തത്ര പുരുഷാ രക്ത സമ്ഭവാഃ ।

സമം മാതൃഭിരത്യുഗ്രശസ്ത്രപാതാതിഭീഷണം

॥44॥

ശ്ലോക 46

പുനശ്ച വജ്ര പാതേന ക്ഷത മശ്യ ശിരോ യദാ ।

വവാഹ രക്തം പുരുഷാസ്തതോ ജാതാഃ സഹസ്രശഃ

॥45॥

ശ്ലോക 47

വൈഷ്ണവീ സമരേ ചൈനം ചക്രേണാഭിജഘാന ഹ ।

ഗദയാ താഡയാമാസ ഐന്ദ്രീ തമസുരേശ്വരമ്

॥46॥

ശ്ലോക 48

വൈഷ്ണവീ ചക്രഭിന്നസ്യ രുധിരസ്രാവ സമ്ഭവൈഃ ।

സഹസ്രശോ ജഗദ്വ്യാപ്തം തത്പ്രമാണൈര്മഹാസുരൈഃ

॥47॥

ശ്ലോക 49

ശക്ത്യാ ജഘാന കൌമാരീ വാരാഹീ ച തഥാസിനാ ।

മാഹേശ്വരീ ത്രിശൂലേന രക്തബീജം മഹാസുരമ്

॥48॥

ശ്ലോക 50

സ ചാപി ഗദയാ ദൈത്യഃ സര്വാ ഏവാഹനത് പൃഥക് ।

മാതൄഃ കോപസമാവിഷ്ടോ രക്തബീജോ മഹാസുരഃ

॥49॥

ശ്ലോക 51

തസ്യാഹതസ്യ ബഹുധാ ശക്തിശൂലാദി ഭിര്ഭുവിഃ ।

പപാത യോ വൈ രക്തൌഘസ്തേനാസഞ്ചതശോഽസുരാഃ

॥50॥

ശ്ലോക 52

തൈശ്ചാസുരാസൃക്സമ്ഭൂതൈരസുരൈഃ സകലം ജഗത് ।

വ്യാപ്തമാസീത്തതോ ദേവാ ഭയമാജഗ്മുരുത്തമമ്

॥51॥

ശ്ലോക 53

താന് വിഷണ്ണാ ന് സുരാന് ദൃഷ്ട്വാ ചണ്ഡികാ പ്രാഹസത്വരമ് ।

ഉവാച കാലീം ചാമുണ്ഡേ വിസ്തീര്ണം വദനം കുരു

॥52॥

ശ്ലോക 54

മച്ഛസ്ത്രപാതസമ്ഭൂതാന് രക്തബിന്ദൂന് മഹാസുരാന് ।

രക്തബിന്ദോഃ പ്രതീച്ഛ ത്വം വക്ത്രേണാനേന വേഗിനാ

॥53॥

ശ്ലോക 55

ഭക്ഷയന്തീ ചര രണോ തദുത്പന്നാന്മഹാസുരാന് ।

ഏവമേഷ ക്ഷയം ദൈത്യഃ ക്ഷേണ രക്തോ ഗമിഷ്യതി

॥54॥

ശ്ലോക 56

ഭക്ഷ്യ മാണാ സ്ത്വയാ ചോഗ്രാ ന ചോത്പത്സ്യന്തി ചാപരേ ।

ഇത്യുക്ത്വാ താം തതോ ദേവീ ശൂലേനാഭിജഘാന തമ്

॥55॥

ശ്ലോക 57

മുഖേന കാലീ ജഗൃഹേ രക്തബീജസ്യ ശോണിതമ് ।

തതോഽസാവാജഘാനാഥ ഗദയാ തത്ര ചണ്ഡികാം

॥56॥

ശ്ലോക 58

ന ചാസ്യാ വേദനാം ചക്രേ ഗദാപാതോഽല്പികാമപി ।

തസ്യാഹതസ്യ ദേഹാത്തു ബഹു സുസ്രാവ ശോണിതമ്

॥57॥

ശ്ലോക 59

യതസ്തതസ്തദ്വക്ത്രേണ ചാമുണ്ഡാ സമ്പ്രതീച്ഛതി ।

മുഖേ സമുദ്ഗതാ യേഽസ്യാ രക്തപാതാന്മഹാസുരാഃ

॥58॥

ശ്ലോക 60

താംശ്ചഖാദാഥ ചാമുണ്ഡാ പപൌ തസ്യ ച ശോണിതമ്

॥59॥

ശ്ലോക 61

ദേവീ ശൂലേന വജ്രേണ ബാണൈരസിഭിര് ഋഷ്ടിഭിഃ ।

ജഘാന രക്തബീജം തം ചാമുണ്ഡാ പീത ശോണിതമ്

॥60॥

ശ്ലോക 62

സ പപാത മഹീപൃഷ്ഠേ ശസ്ത്രസങ്ഘസമാഹതഃ ।

നീരക്തശ്ച മഹീപാല രക്തബീജോ മഹാസുരഃ

॥61॥

ശ്ലോക 63

തതസ്തേ ഹര്ഷ മതുലം അവാപുസ്ത്രിദശാ നൃപ ।

തേഷാം മാതൃഗണോ ജാതോ നനര്താസൃംങ്ഗമദോദ്ധതഃ

॥62॥

ശ്ലോക 64

॥ സ്വസ്തി ശ്രീ മാര്കണ്ഡേയ പുരാണേ സാവര്നികേ മന്വന്തരേ ദേവി മഹത്മ്യേ രക്തബീജവധോനാമ അഷ്ടമോധ്യായ സമാപ്തമ് ॥

ആഹുതി

ഓം ജയന്തീ സാങ്ഗായൈ സശക്തികായൈ സപരിവാരായൈ സവാഹനായൈ രക്താക്ഷ്യൈ അഷ്ടമാതൃ സഹിതായൈ മഹാഹുതിം സമര്പയാമി നമഃ സ്വാഹാ ॥