దేవీ మాహాత్మ్యం దుర్గా సప్తశతి చతుర్థోఽధ్యాయః

దేవీ మాహాత్మ్యం దుర్గా సప్తశతి చతుర్థోఽధ్యాయః

శ్లోక 1

శక్రాదిస్తుతిర్నామ చతుర్ధోఽధ్యాయః ॥

ధ్యానం

కాలాభ్రాభాం కటాక్షైర్ అరి కుల భయదాం మౌలి బద్ధేన్దు రేఖాం

శఙ్ఖ-చక్రం కృపాణం త్రిశిఖమపి కరై-రుద్వహన్తీం త్రినేఱ్త్రమ్ ।

సింహ స్కన్దాధిరూఢాం త్రిభువన-మఖిలం తేజసా పూరయన్తీం

ధ్యాయే-ద్దుర్గాం జయాఖ్యాం త్రిదశ-పరివృతాం సేవితాం సిద్ధి కామైః ॥

ఋషిరువాచ

శ్లోక 2

శక్రాదయః సురగణా నిహతేఽతివీర్యే

తస్మిన్దురాత్మని సురారిబలే చ దేవ్యా ।

తాం తుష్టువుః ప్రణతినమ్రశిరోధరాంసా

వాగ్భిః ప్రహర్షపులకోద్గమచారుదేహాః

॥1॥

శ్లోక 3

దేవ్యా యయా తతమిదం జగదాత్మశక్త్యా

నిఃశేషదేవగణశక్తిసమూహమూర్త్యా ।

తామమ్బికామఖిలదేవమహర్షిపూజ్యాం

భక్త్యా నతాః స్మ విదధాతుశుభాని సా నః

॥ 2 ॥

శ్లోక 4

యస్యాః ప్రభావమతులం భగవాననన్తో

బ్రహ్మా హరశ్చ నహి వక్తుమలం బలం చ ।

సా చణ్డికాఽఖిల జగత్పరిపాలనాయ

నాశాయ చాశుభభయస్య మతిం కరోతు

॥3॥

శ్లోక 5

యా శ్రీః స్వయం సుకృతినాం భవనేష్వలక్ష్మీః

పాపాత్మనాం కృతధియాం హృదయేషు బుద్ధిః ।

శ్రద్థా సతాం కులజనప్రభవస్య లజ్జా

తాం త్వాం నతాః స్మ పరిపాలయ దేవి విశ్వమ్

॥4॥

శ్లోక 6

కిం వర్ణయామ తవరూప మచిన్త్యమేతత్

కిఞ్చాతివీర్యమసురక్షయకారి భూరి ।

కిం చాహవేషు చరితాని తవాత్భుతాని

సర్వేషు దేవ్యసురదేవగణాదికేషు ।

॥5॥

శ్లోక 7

హేతుః సమస్తజగతాం త్రిగుణాపి దోషైః

న జ్ఞాయసే హరిహరాదిభిరవ్యపారా ।

సర్వాశ్రయాఖిలమిదం జగదంశభూతం

అవ్యాకృతా హి పరమా ప్రకృతిస్త్వమాద్యా

॥6॥

శ్లోక 8

యస్యాః సమస్తసురతా సముదీరణేన

తృప్తిం ప్రయాతి సకలేషు మఖేషు దేవి ।

స్వాహాసి వై పితృ గణస్య చ తృప్తి హేతు

రుచ్చార్యసే త్వమత ఏవ జనైః స్వధాచ

॥6॥

శ్లోక 9

యా ముక్తిహేతురవిచిన్త్య మహావ్రతా త్వం

అభ్యస్యసే సునియతేన్ద్రియతత్వసారైః ।

మోక్షార్థిభిర్మునిభిరస్తసమస్తదోషై

ర్విద్యాఽసి సా భగవతీ పరమా హి దేవి

॥8॥

శ్లోక 10

శబ్దాత్మికా సువిమలర్గ్యజుషాం నిధానం

ముద్గీథరమ్యపదపాఠవతాం చ సామ్నామ్ ।

దేవీ త్రయీ భగవతీ భవభావనాయ

వార్తాసి సర్వ జగతాం పరమార్తిహన్త్రీ

॥9॥

శ్లోక 11

మేధాసి దేవి విదితాఖిలశాస్త్రసారా

దుర్గాఽసి దుర్గభవసాగరసనౌరసఙ్గా ।

శ్రీః కైట భారిహృదయైకకృతాధివాసా

గౌరీ త్వమేవ శశిమౌలికృత ప్రతిష్ఠా

॥10॥

శ్లోక 12

ఈషత్సహాసమమలం పరిపూర్ణ చన్ద్ర

బిమ్బానుకారి కనకోత్తమకాన్తికాన్తమ్ ।

అత్యద్భుతం ప్రహృతమాత్తరుషా తథాపి

వక్త్రం విలోక్య సహసా మహిషాసురేణ

॥11॥

శ్లోక 13

దృష్ట్వాతు దేవి కుపితం భ్రుకుటీకరాల

ముద్యచ్ఛశాఙ్కసదృశచ్ఛవి యన్న సద్యః ।

ప్రాణాన్ ముమోచ మహిషస్తదతీవ చిత్రం

కైర్జీవ్యతే హి కుపితాన్తకదర్శనేన ।

॥12॥

శ్లోక 14

దేవిప్రసీద పరమా భవతీ భవాయ

సద్యో వినాశయసి కోపవతీ కులాని ।

విజ్ఞాతమేతదధునైవ యదస్తమేతత్

న్నీతం బలం సువిపులం మహిషాసురస్య

॥13॥

శ్లోక 15

తే సమ్మతా జనపదేషు ధనాని తేషాం

తేషాం యశాంసి న చ సీదతి ధర్మవర్గః ।

ధన్యాస్త​ఏవ నిభృతాత్మజభృత్యదారా

యేషాం సదాభ్యుదయదా భవతీ ప్రసన్నా

॥14॥

శ్లోక 16

ధర్మ్యాణి దేవి సకలాని సదైవ కర్మాని

ణ్యత్యాదృతః ప్రతిదినం సుకృతీ కరోతి ।

స్వర్గం ప్రయాతి చ తతో భవతీ ప్రసాదా

ల్లోకత్రయేఽపి ఫలదా నను దేవి తేన

॥15॥

శ్లోక 17

దుర్గే స్మృతా హరసి భీతి మశేశ జన్తోః

స్వస్థైః స్మృతా మతిమతీవ శుభాం దదాసి ।

దారిద్ర్యదుఃఖభయహారిణి కా త్వదన్యా

సర్వోపకారకరణాయ సదార్ద్రచిత్తా

॥16॥

శ్లోక 18

ఏభిర్హతైర్జగదుపైతి సుఖం తథైతే

కుర్వన్తు నామ నరకాయ చిరాయ పాపమ్ ।

సఙ్గ్రామమృత్యుమధిగమ్య దివమ్ప్రయాన్తు

మత్వేతి నూనమహితాన్వినిహంసి దేవి

॥17॥

శ్లోక 19

దృష్ట్వైవ కిం న భవతీ ప్రకరోతి భస్మ

సర్వాసురానరిషు యత్ప్రహిణోషి శస్త్రమ్ ।

లోకాన్ప్రయాన్తు రిపవోఽపి హి శస్త్రపూతా

ఇత్థం మతిర్భవతి తేష్వహి తేఽషుసాధ్వీ

॥18॥

శ్లోక 20

ఖడ్గ ప్రభానికరవిస్ఫురణైస్తధోగ్రైః

శూలాగ్రకాన్తినివహేన దృశోఽసురాణామ్ ।

యన్నాగతా విలయమంశుమదిన్దుఖణ్డ

యోగ్యాననం తవ విలోక యతాం తదేతత్

॥19॥

శ్లోక 21

దుర్వృత్త వృత్త శమనం తవ దేవి శీలం

రూపం తథైతదవిచిన్త్యమతుల్యమన్యైః ।

వీర్యం చ హన్తృ హృతదేవపరాక్రమాణాం

వైరిష్వపి ప్రకటితైవ దయా త్వయేత్థమ్

॥20॥

శ్లోక 22

కేనోపమా భవతు తేఽస్య పరాక్రమస్య

రూపం చ శతృభయ కార్యతిహారి కుత్ర ।

చిత్తేకృపా సమరనిష్టురతా చ దృష్టా

త్వయ్యేవ దేవి వరదే భువనత్రయేఽపి

॥21॥

శ్లోక 23

త్రైలోక్యమేతదఖిలం రిపునాశనేన

త్రాతం త్వయా సమరమూర్ధని తేఽపి హత్వా ।

నీతా దివం రిపుగణా భయమప్యపాస్తం

అస్మాకమున్మదసురారిభవం నమస్తే

॥22॥

శ్లోక 24

శూలేన పాహి నో దేవి పాహి ఖడ్గేన చామ్భికే ।

ఘణ్టాస్వనేన నః పాహి చాపజ్యానిస్వనేన చ

॥23॥

శ్లోక 25

ప్రాచ్యాం రక్ష ప్రతీచ్యాం చ చణ్డికే రక్ష దక్షిణే ।

భ్రామణేనాత్మశూలస్య ఉత్తరస్యాం తథేశ్వరీ

॥24॥

శ్లోక 26

సౌమ్యాని యాని రూపాణి త్రైలోక్యే విచరన్తితే ।

యాని చాత్యన్త ఘోరాణి తైరక్షాస్మాంస్తథాభువమ్

॥25॥

శ్లోక 27

ఖడ్గశూలగదాదీని యాని చాస్త్రాణి తేఽమ్బికే ।

కరపల్లవసఙ్గీని తైరస్మాన్రక్ష సర్వతః

॥26॥

శ్లోక 28

ఋషిరువాచ

॥27॥

శ్లోక 29

ఏవం స్తుతా సురైర్దివ్యైః కుసుమైర్నన్దనోద్భవైః ।

అర్చితా జగతాం ధాత్రీ తథా గన్ధాను లేపనైః

॥28॥

శ్లోక 30

భక్త్యా సమస్తైస్రి శైర్దివ్యైర్ధూపైః సుధూపితా ।

ప్రాహ ప్రసాదసుముఖీ సమస్తాన్ ప్రణతాన్ సురాన్।

॥29॥

శ్లోక 31

దేవ్యువాచ

॥30॥

శ్లోక 32

వ్రియతాం త్రిదశాః సర్వే యదస్మత్తోఽభివాఞ్ఛితమ్

॥31॥

శ్లోక 33

దేవా ఊచు

॥32॥

శ్లోక 34

భగవత్యా కృతం సర్వం న కిఞ్చిదవశిష్యతే ।

యదయం నిహతః శత్రు రస్మాకం మహిషాసురః

॥33॥

శ్లోక 35

యదిచాపి వరో దేయ స్త్వయాఽస్మాకం మహేశ్వరి ।

సంస్మృతా సంస్మృతా త్వం నో హిం సేథాఃపరమాపదః

॥34॥

శ్లోక 36

యశ్చ మర్త్యః స్తవైరేభిస్త్వాం స్తోష్యత్యమలాననే ।

తస్య విత్తర్ద్ధివిభవైర్ధనదారాది సమ్పదామ్

॥35॥

శ్లోక 37

వృద్దయేఽ స్మత్ప్రసన్నా త్వం భవేథాః సర్వదామ్భికే

॥36॥

శ్లోక 38

ఋషిరువాచ

॥37॥

శ్లోక 39

ఇతి ప్రసాదితా దేవైర్జగతోఽర్థే తథాత్మనః ।

తథేత్యుక్త్వా భద్రకాలీ బభూవాన్తర్హితా నృప

॥38॥

శ్లోక 40

ఇత్యేతత్కథితం భూప సమ్భూతా సా యథాపురా ।

దేవీ దేవశరీరేభ్యో జగత్ప్రయహితైషిణీ

॥39॥

శ్లోక 41

పునశ్చ గౌరీ దేహాత్సా సముద్భూతా యథాభవత్ ।

వధాయ దుష్ట దైత్యానాం తథా శుమ్భనిశుమ్భయోః

॥40॥

శ్లోక 42

రక్షణాయ చ లోకానాం దేవానాముపకారిణీ ।

తచ్ఛృ ణుష్వ మయాఖ్యాతం యథావత్కథయామితే

హ్రీం ఓం

॥41॥

శ్లోక 43

॥ జయ జయ శ్రీ మార్కణ్డేయ పురాణే సావర్నికే మన్వన్తరే దేవి మహత్మ్యే శక్రాదిస్తుతిర్నామ చతుర్ధోఽధ్యాయః సమాప్తమ్ ॥

ఆహుతి

హ్రీం జయన్తీ సాఙ్గాయై సాయుధాయై సశక్తికాయై సపరివారాయై సవాహనాయై శ్రీ మహాలక్ష్మ్యై లక్ష్మీ బీజాదిష్టాయై మహాహుతిం సమర్పయామి నమః స్వాహా ॥