ದೇವೀ ಮಾಹಾತ್ಮ್ಯಂ ದುರ್ಗಾ ಸಪ್ತಶತಿ ದ್ವಿತೀಯೋಽಧ್ಯಾಯಃ

ದೇವೀ ಮಾಹಾತ್ಮ್ಯಂ ದುರ್ಗಾ ಸಪ್ತಶತಿ ದ್ವಿತೀಯೋಽಧ್ಯಾಯಃ

ಶ್ಲೋಕ 1

ಮಹಿಷಾಸುರ ಸೈನ್ಯವಧೋ ನಾಮ ದ್ವಿತೀಯೋಽಧ್ಯಾಯಃ ॥

ಅಸ್ಯ ಸಪ್ತ ಸತೀಮಧ್ಯಮ ಚರಿತ್ರಸ್ಯ ವಿಷ್ಣುರ್ ಋಷಿಃ । ಉಷ್ಣಿಕ್ ಛನ್ದಃ । ಶ್ರೀಮಹಾಲಕ್ಷ್ಮೀದೇವತಾ। ಶಾಕಮ್ಭರೀ ಶಕ್ತಿಃ । ದುರ್ಗಾ ಬೀಜಮ್ । ವಾಯುಸ್ತತ್ತ್ವಮ್ । ಯಜುರ್ವೇದಃ ಸ್ವರೂಪಮ್ । ಶ್ರೀ ಮಹಾಲಕ್ಷ್ಮೀಪ್ರೀತ್ಯರ್ಥೇ ಮಧ್ಯಮ ಚರಿತ್ರ ಜಪೇ ವಿನಿಯೋಗಃ ॥

ಧ್ಯಾನಂ

ಓಂ ಅಕ್ಷಸ್ರಕ್ಪರಶುಂ ಗದೇಷುಕುಲಿಶಂ ಪದ್ಮಂ ಧನುಃ ಕುಣ್ಡಿಕಾಂ

ದಣ್ಡಂ ಶಕ್ತಿಮಸಿಂ ಚ ಚರ್ಮ ಜಲಜಂ ಘಣ್ಟಾಂ ಸುರಾಭಾಜನಮ್ ।

ಶೂಲಂ ಪಾಶಸುದರ್ಶನೇ ಚ ದಧತೀಂ ಹಸ್ತೈಃ ಪ್ರವಾಲ ಪ್ರಭಾಂ

ಸೇವೇ ಸೈರಿಭಮರ್ದಿನೀಮಿಹ ಮಹಲಕ್ಷ್ಮೀಂ ಸರೋಜಸ್ಥಿತಾಮ್ ॥

ಋಷಿರುವಾಚ

ಶ್ಲೋಕ 2

ದೇವಾಸುರಮಭೂದ್ಯುದ್ಧಂ ಪೂರ್ಣಮಬ್ದಶತಂ ಪುರಾ।

ಮಹಿಷೇಽಸುರಾಣಾಂ ಅಧಿಪೇ ದೇವಾನಾಞ್ಚ ಪುರನ್ದರೇ

ತತ್ರಾಸುರೈರ್ಮಹಾವೀರ್ಯಿರ್ದೇವಸೈನ್ಯಂ ಪರಾಜಿತಂ।

ಜಿತ್ವಾ ಚ ಸಕಲಾನ್ ದೇವಾನ್ ಇನ್ದ್ರೋಽಭೂನ್ಮಹಿಷಾಸುರಃ

॥1॥

ಶ್ಲೋಕ 3

ತತಃ ಪರಾಜಿತಾ ದೇವಾಃ ಪದ್ಮಯೋನಿಂ ಪ್ರಜಾಪತಿಮ್।

ಪುರಸ್ಕೃತ್ಯಗತಾಸ್ತತ್ರ ಯತ್ರೇಶ ಗರುಡಧ್ವಜೌ

॥3॥

ಶ್ಲೋಕ 4

ಯಥಾವೃತ್ತಂ ತಯೋಸ್ತದ್ವನ್ ಮಹಿಷಾಸುರಚೇಷ್ಟಿತಮ್।

ತ್ರಿದಶಾಃ ಕಥಯಾಮಾಸುರ್ದೇವಾಭಿಭವವಿಸ್ತರಮ್

॥4॥

ಶ್ಲೋಕ 5

ಸೂರ್ಯೇನ್ದ್ರಾಗ್ನ್ಯನಿಲೇನ್ದೂನಾಂ ಯಮಸ್ಯ ವರುಣಸ್ಯ ಚ

ಅನ್ಯೇಷಾಂ ಚಾಧಿಕಾರಾನ್ಸ ಸ್ವಯಮೇವಾಧಿತಿಷ್ಟತಿ

॥5॥

ಶ್ಲೋಕ 6

ಸ್ವರ್ಗಾನ್ನಿರಾಕೃತಾಃ ಸರ್ವೇ ತೇನ ದೇವ ಗಣಾ ಭುವಿಃ।

ವಿಚರನ್ತಿ ಯಥಾ ಮರ್ತ್ಯಾ ಮಹಿಷೇಣ ದುರಾತ್ಮನಾ

॥6॥

ಶ್ಲೋಕ 7

ಏತದ್ವಃ ಕಥಿತಂ ಸರ್ವಂ ಅಮರಾರಿವಿಚೇಷ್ಟಿತಮ್।

ಶರಣಂ ವಃ ಪ್ರಪನ್ನಾಃ ಸ್ಮೋ ವಧಸ್ತಸ್ಯ ವಿಚಿನ್ತ್ಯತಾಮ್

॥6॥

ಶ್ಲೋಕ 8

ಇತ್ಥಂ ನಿಶಮ್ಯ ದೇವಾನಾಂ ವಚಾಂಸಿ ಮಧುಸೂಧನಃ

ಚಕಾರ ಕೋಪಂ ಶಮ್ಭುಶ್ಚ ಭ್ರುಕುಟೀಕುಟಿಲಾನನೌ

॥8॥

ಶ್ಲೋಕ 9

ತತೋಽತಿಕೋಪಪೂರ್ಣಸ್ಯ ಚಕ್ರಿಣೋ ವದನಾತ್ತತಃ।

ನಿಶ್ಚಕ್ರಾಮ ಮಹತ್ತೇಜೋ ಬ್ರಹ್ಮಣಃ ಶಙ್ಕರಸ್ಯ ಚ

॥9॥

ಶ್ಲೋಕ 10

ಅನ್ಯೇಷಾಂ ಚೈವ ದೇವಾನಾಂ ಶಕ್ರಾದೀನಾಂ ಶರೀರತಃ।

ನಿರ್ಗತಂ ಸುಮಹತ್ತೇಜಃ ಸ್ತಚ್ಚೈಕ್ಯಂ ಸಮಗಚ್ಛತ

॥10॥

ಶ್ಲೋಕ 11

ಅತೀವ ತೇಜಸಃ ಕೂಟಂ ಜ್ವಲನ್ತಮಿವ ಪರ್ವತಮ್।

ದದೃಶುಸ್ತೇ ಸುರಾಸ್ತತ್ರ ಜ್ವಾಲಾವ್ಯಾಪ್ತದಿಗನ್ತರಮ್

॥11॥

ಶ್ಲೋಕ 12

ಅತುಲಂ ತತ್ರ ತತ್ತೇಜಃ ಸರ್ವದೇವ ಶರೀರಜಮ್।

ಏಕಸ್ಥಂ ತದಭೂನ್ನಾರೀ ವ್ಯಾಪ್ತಲೋಕತ್ರಯಂ ತ್ವಿಷಾ

॥12॥

ಶ್ಲೋಕ 13

ಯದಭೂಚ್ಛಾಮ್ಭವಂ ತೇಜಃ ಸ್ತೇನಾಜಾಯತ ತನ್ಮುಖಮ್।

ಯಾಮ್ಯೇನ ಚಾಭವನ್ ಕೇಶಾ ಬಾಹವೋ ವಿಷ್ಣುತೇಜಸಾ

॥13॥

ಶ್ಲೋಕ 14

ಸೌಮ್ಯೇನ ಸ್ತನಯೋರ್ಯುಗ್ಮಂ ಮಧ್ಯಂ ಚೈನ್ದ್ರೇಣ ಚಾಭವತ್।

ವಾರುಣೇನ ಚ ಜಙ್ಘೋರೂ ನಿತಮ್ಬಸ್ತೇಜಸಾ ಭುವಃ

॥14॥

ಶ್ಲೋಕ 15

ಬ್ರಹ್ಮಣಸ್ತೇಜಸಾ ಪಾದೌ ತದಙ್ಗುಲ್ಯೋಽರ್ಕ ತೇಜಸಾ।

ವಸೂನಾಂ ಚ ಕರಾಙ್ಗುಲ್ಯಃ ಕೌಬೇರೇಣ ಚ ನಾಸಿಕಾ

॥15॥

ಶ್ಲೋಕ 16

ತಸ್ಯಾಸ್ತು ದನ್ತಾಃ ಸಮ್ಭೂತಾ ಪ್ರಾಜಾಪತ್ಯೇನ ತೇಜಸಾ

ನಯನತ್ರಿತಯಂ ಜಜ್ಞೇ ತಥಾ ಪಾವಕತೇಜಸಾ

॥16॥

ಶ್ಲೋಕ 17

ಭ್ರುವೌ ಚ ಸನ್ಧ್ಯಯೋಸ್ತೇಜಃ ಶ್ರವಣಾವನಿಲಸ್ಯ ಚ

ಅನ್ಯೇಷಾಂ ಚೈವ ದೇವಾನಾಂ ಸಮ್ಭವಸ್ತೇಜಸಾಂ ಶಿವ

॥17॥

ಶ್ಲೋಕ 18

ತತಃ ಸಮಸ್ತ ದೇವಾನಾಂ ತೇಜೋರಾಶಿಸಮುದ್ಭವಾಮ್।

ತಾಂ ವಿಲೋಕ್ಯ ಮುದಂ ಪ್ರಾಪುಃ ಅಮರಾ ಮಹಿಷಾರ್ದಿತಾಃ

॥18॥

ಶ್ಲೋಕ 19

ಶೂಲಂ ಶೂಲಾದ್ವಿನಿಷ್ಕೃಷ್ಯ ದದೌ ತಸ್ಯೈ ಪಿನಾಕಧೃಕ್।

ಚಕ್ರಂ ಚ ದತ್ತವಾನ್ ಕೃಷ್ಣಃ ಸಮುತ್ಪಾಟ್ಯ ಸ್ವಚಕ್ರತಃ

॥19॥

ಶ್ಲೋಕ 20

ಶಙ್ಖಂ ಚ ವರುಣಃ ಶಕ್ತಿಂ ದದೌ ತಸ್ಯೈ ಹುತಾಶನಃ

ಮಾರುತೋ ದತ್ತವಾಂಶ್ಚಾಪಂ ಬಾಣಪೂರ್ಣೇ ತಥೇಷುಧೀ

॥20॥

ಶ್ಲೋಕ 21

ವಜ್ರಮಿನ್ದ್ರಃ ಸಮುತ್ಪಾಟ್ಯ ಕುಲಿಶಾದಮರಾಧಿಪಃ।

ದದೌ ತಸ್ಯೈ ಸಹಸ್ರಾಕ್ಷೋ ಘಣ್ಟಾಮೈರಾವತಾದ್ಗಜಾತ್

॥21॥

ಶ್ಲೋಕ 22

ಕಾಲದಣ್ಡಾದ್ಯಮೋ ದಣ್ಡಂ ಪಾಶಂ ಚಾಮ್ಬುಪತಿರ್ದದೌ।

ಪ್ರಜಾಪತಿಶ್ಚಾಕ್ಷಮಾಲಾಂ ದದೌ ಬ್ರಹ್ಮಾ ಕಮಣ್ಡಲಂ

॥22॥

ಶ್ಲೋಕ 23

ಸಮಸ್ತರೋಮಕೂಪೇಷು ನಿಜ ರಶ್ಮೀನ್ ದಿವಾಕರಃ

ಕಾಲಶ್ಚ ದತ್ತವಾನ್ ಖಡ್ಗಂ ತಸ್ಯಾಃ ಶ್ಚರ್ಮ ಚ ನಿರ್ಮಲಮ್

॥23॥

ಶ್ಲೋಕ 24

ಕ್ಷೀರೋದಶ್ಚಾಮಲಂ ಹಾರಂ ಅಜರೇ ಚ ತಥಾಮ್ಬರೇ

ಚೂಡಾಮಣಿಂ ತಥಾದಿವ್ಯಂ ಕುಣ್ಡಲೇ ಕಟಕಾನಿಚ

॥24॥

ಶ್ಲೋಕ 25

ಅರ್ಧಚನ್ದ್ರಂ ತಧಾ ಶುಭ್ರಂ ಕೇಯೂರಾನ್ ಸರ್ವ ಬಾಹುಷು

ನೂಪುರೌ ವಿಮಲೌ ತದ್ವ ದ್ಗ್ರೈವೇಯಕಮನುತ್ತಮಮ್

॥25॥

ಶ್ಲೋಕ 26

ಅಙ್ಗುಲೀಯಕರತ್ನಾನಿ ಸಮಸ್ತಾಸ್ವಙ್ಗುಲೀಷು ಚ

ವಿಶ್ವ ಕರ್ಮಾ ದದೌ ತಸ್ಯೈ ಪರಶುಂ ಚಾತಿ ನಿರ್ಮಲಂ

॥26॥

ಶ್ಲೋಕ 27

ಅಸ್ತ್ರಾಣ್ಯನೇಕರೂಪಾಣಿ ತಥಾಽಭೇದ್ಯಂ ಚ ದಂಶನಮ್।

ಅಮ್ಲಾನ ಪಙ್ಕಜಾಂ ಮಾಲಾಂ ಶಿರಸ್ಯು ರಸಿ ಚಾಪರಾಮ್

॥27॥

ಶ್ಲೋಕ 28

ಅದದಜ್ಜಲಧಿಸ್ತಸ್ಯೈ ಪಙ್ಕಜಂ ಚಾತಿಶೋಭನಮ್।

ಹಿಮವಾನ್ ವಾಹನಂ ಸಿಂಹಂ ರತ್ನಾನಿ ವಿವಿಧಾನಿಚ

॥28॥

ಶ್ಲೋಕ 29

ದದಾವಶೂನ್ಯಂ ಸುರಯಾ ಪಾನಪಾತ್ರಂ ದನಾಧಿಪಃ।

ಶೇಷಶ್ಚ ಸರ್ವ ನಾಗೇಶೋ ಮಹಾಮಣಿ ವಿಭೂಷಿತಮ್

॥29॥

ಶ್ಲೋಕ 30

ನಾಗಹಾರಂ ದದಽಉ ತಸ್ಯೈ ಧತ್ತೇ ಯಃ ಪೃಥಿವೀಮಿಮಾಮ್।

ಅನ್ಯೈರಪಿ ಸುರೈರ್ದೇವೀ ಭೂಷಣೈಃ ಆಯುಧೈಸ್ತಥಾಃ

॥30॥

ಶ್ಲೋಕ 31

ಸಮ್ಮಾನಿತಾ ನನಾದೋಚ್ಚೈಃ ಸಾಟ್ಟಹಾಸಂ ಮುಹುರ್ಮುಹು।

ತಸ್ಯಾನಾದೇನ ಘೋರೇಣ ಕೃತ್ಸ್ನ ಮಾಪೂರಿತಂ ನಭಃ

॥31॥

ಶ್ಲೋಕ 32

ಅಮಾಯತಾತಿಮಹತಾ ಪ್ರತಿಶಬ್ದೋ ಮಹಾನಭೂತ್।

ಚುಕ್ಷುಭುಃ ಸಕಲಾಲೋಕಾಃ ಸಮುದ್ರಾಶ್ಚ ಚಕಮ್ಪಿರೇ

॥32॥

ಶ್ಲೋಕ 33

ಚಚಾಲ ವಸುಧಾ ಚೇಲುಃ ಸಕಲಾಶ್ಚ ಮಹೀಧರಾಃ।

ಜಯೇತಿ ದೇವಾಶ್ಚ ಮುದಾ ತಾಮೂಚುಃ ಸಿಂಹವಾಹಿನೀಮ್

॥33॥

ಶ್ಲೋಕ 34

ತುಷ್ಟುವುರ್ಮುನಯಶ್ಚೈನಾಂ ಭಕ್ತಿನಮ್ರಾತ್ಮಮೂರ್ತಯಃ।

ದೃಷ್ಟ್ವಾ ಸಮಸ್ತಂ ಸಙ್ಕ್ಷುಬ್ಧಂ ತ್ರೈಲೋಕ್ಯಂ ಅಮರಾರಯಃ

॥34॥

ಶ್ಲೋಕ 35

ಸನ್ನದ್ಧಾಖಿಲಸೈನ್ಯಾಸ್ತೇ ಸಮುತ್ತಸ್ಥುರುದಾಯುದಾಃ।

ಆಃ ಕಿಮೇತದಿತಿ ಕ್ರೋಧಾದಾಭಾಷ್ಯ ಮಹಿಷಾಸುರಃ

॥35॥

ಶ್ಲೋಕ 36

ಅಭ್ಯಧಾವತ ತಂ ಶಬ್ದಂ ಅಶೇಷೈರಸುರೈರ್ವೃತಃ।

ಸ ದದರ್ಷ ತತೋ ದೇವೀಂ ವ್ಯಾಪ್ತಲೋಕತ್ರಯಾಂ ತ್ವಿಷಾ

॥36॥

ಶ್ಲೋಕ 37

ಪಾದಾಕ್ರಾನ್ತ್ಯಾ ನತಭುವಂ ಕಿರೀಟೋಲ್ಲಿಖಿತಾಮ್ಬರಾಮ್।

ಕ್ಷೋಭಿತಾಶೇಷಪಾತಾಲಾಂ ಧನುರ್ಜ್ಯಾನಿಃಸ್ವನೇನ ತಾಮ್

॥37॥

ಶ್ಲೋಕ 38

ದಿಶೋ ಭುಜಸಹಸ್ರೇಣ ಸಮನ್ತಾದ್ವ್ಯಾಪ್ಯ ಸಂಸ್ಥಿತಾಮ್।

ತತಃ ಪ್ರವವೃತೇ ಯುದ್ಧಂ ತಯಾ ದೇವ್ಯಾ ಸುರದ್ವಿಷಾಂ

॥38॥

ಶ್ಲೋಕ 39

ಶಸ್ತ್ರಾಸ್ತ್ರೈರ್ಭಹುಧಾ ಮುಕ್ತೈರಾದೀಪಿತದಿಗನ್ತರಮ್।

ಮಹಿಷಾಸುರಸೇನಾನೀಶ್ಚಿಕ್ಷುರಾಖ್ಯೋ ಮಹಾಸುರಃ

॥39॥

ಶ್ಲೋಕ 40

ಯುಯುಧೇ ಚಮರಶ್ಚಾನ್ಯೈಶ್ಚತುರಙ್ಗಬಲಾನ್ವಿತಃ।

ರಥಾನಾಮಯುತೈಃ ಷಡ್ಭಿಃ ರುದಗ್ರಾಖ್ಯೋ ಮಹಾಸುರಃ

॥40॥

ಶ್ಲೋಕ 41

ಅಯುಧ್ಯತಾಯುತಾನಾಂ ಚ ಸಹಸ್ರೇಣ ಮಹಾಹನುಃ।

ಪಞ್ಚಾಶದ್ಭಿಶ್ಚ ನಿಯುತೈರಸಿಲೋಮಾ ಮಹಾಸುರಃ

॥41॥

ಶ್ಲೋಕ 42

ಅಯುತಾನಾಂ ಶತೈಃ ಷಡ್ಭಿಃರ್ಭಾಷ್ಕಲೋ ಯುಯುಧೇ ರಣೇ।

ಗಜವಾಜಿ ಸಹಸ್ರೌಘೈ ರನೇಕೈಃ ಪರಿವಾರಿತಃ

॥42॥

ಶ್ಲೋಕ 43

ವೃತೋ ರಥಾನಾಂ ಕೋಟ್ಯಾ ಚ ಯುದ್ಧೇ ತಸ್ಮಿನ್ನಯುಧ್ಯತ।

ಬಿಡಾಲಾಖ್ಯೋಽಯುತಾನಾಂ ಚ ಪಞ್ಚಾಶದ್ಭಿರಥಾಯುತೈಃ

॥43॥

ಶ್ಲೋಕ 44

ಯುಯುಧೇ ಸಂಯುಗೇ ತತ್ರ ರಥಾನಾಂ ಪರಿವಾರಿತಃ।

ಅನ್ಯೇ ಚ ತತ್ರಾಯುತಶೋ ರಥನಾಗಹಯೈರ್ವೃತಾಃ

॥44॥

ಶ್ಲೋಕ 45

ಯುಯುಧುಃ ಸಂಯುಗೇ ದೇವ್ಯಾ ಸಹ ತತ್ರ ಮಹಾಸುರಾಃ।

ಕೋಟಿಕೋಟಿಸಹಸ್ತ್ರೈಸ್ತು ರಥಾನಾಂ ದನ್ತಿನಾಂ ತಥಾ

॥45॥

ಶ್ಲೋಕ 46

ಹಯಾನಾಂ ಚ ವೃತೋ ಯುದ್ಧೇ ತತ್ರಾಭೂನ್ಮಹಿಷಾಸುರಃ।

ತೋಮರೈರ್ಭಿನ್ಧಿಪಾಲೈಶ್ಚ ಶಕ್ತಿಭಿರ್ಮುಸಲೈಸ್ತಥಾ

॥46॥

ಶ್ಲೋಕ 47

ಯುಯುಧುಃ ಸಂಯುಗೇ ದೇವ್ಯಾ ಖಡ್ಗೈಃ ಪರಸುಪಟ್ಟಿಸೈಃ।

ಕೇಚಿಚ್ಛ ಚಿಕ್ಷಿಪುಃ ಶಕ್ತೀಃ ಕೇಚಿತ್ ಪಾಶಾಂಸ್ತಥಾಪರೇ

॥47॥

ಶ್ಲೋಕ 48

ದೇವೀಂ ಖಡ್ಗಪ್ರಹಾರೈಸ್ತು ತೇ ತಾಂ ಹನ್ತುಂ ಪ್ರಚಕ್ರಮುಃ।

ಸಾಪಿ ದೇವೀ ತತಸ್ತಾನಿ ಶಸ್ತ್ರಾಣ್ಯಸ್ತ್ರಾಣಿ ಚಣ್ಡಿಕಾ

॥48॥

ಶ್ಲೋಕ 49

ಲೀಲ ಯೈವ ಪ್ರಚಿಚ್ಛೇದ ನಿಜಶಸ್ತ್ರಾಸ್ತ್ರವರ್ಷಿಣೀ।

ಅನಾಯಸ್ತಾನನಾ ದೇವೀ ಸ್ತೂಯಮಾನಾ ಸುರರ್ಷಿಭಿಃ

॥49॥

ಶ್ಲೋಕ 50

ಮುಮೋಚಾಸುರದೇಹೇಷು ಶಸ್ತ್ರಾಣ್ಯಸ್ತ್ರಾಣಿ ಚೇಶ್ವರೀ।

ಸೋಽಪಿ ಕ್ರುದ್ಧೋ ಧುತಸಟೋ ದೇವ್ಯಾ ವಾಹನಕೇಸರೀ

॥50॥

ಶ್ಲೋಕ 51

ಚಚಾರಾಸುರ ಸೈನ್ಯೇಷು ವನೇಷ್ವಿವ ಹುತಾಶನಃ।

ನಿಃಶ್ವಾಸಾನ್ ಮುಮುಚೇಯಾಂಶ್ಚ ಯುಧ್ಯಮಾನಾರಣೇಽಮ್ಬಿಕಾ

॥51॥

ಶ್ಲೋಕ 52

ತ ಏವ ಸಧ್ಯಸಮ್ಭೂತಾ ಗಣಾಃ ಶತಸಹಸ್ರಶಃ।

ಯುಯುಧುಸ್ತೇ ಪರಶುಭಿರ್ಭಿನ್ದಿಪಾಲಾಸಿಪಟ್ಟಿಶೈಃ

॥52॥

ಶ್ಲೋಕ 53

ನಾಶಯನ್ತೋಽಅಸುರಗಣಾನ್ ದೇವೀಶಕ್ತ್ಯುಪಬೃಂಹಿತಾಃ।

ಅವಾದಯನ್ತಾ ಪಟಹಾನ್ ಗಣಾಃ ಶಙಾಂ ಸ್ತಥಾಪರೇ

॥53॥

ಶ್ಲೋಕ 54

ಮೃದಙ್ಗಾಂಶ್ಚ ತಥೈವಾನ್ಯೇ ತಸ್ಮಿನ್ಯುದ್ಧ ಮಹೋತ್ಸವೇ।

ತತೋದೇವೀ ತ್ರಿಶೂಲೇನ ಗದಯಾ ಶಕ್ತಿವೃಷ್ಟಿಭಿಃ

॥54॥

ಶ್ಲೋಕ 55

ಖಡ್ಗಾದಿಭಿಶ್ಚ ಶತಶೋ ನಿಜಘಾನ ಮಹಾಸುರಾನ್।

ಪಾತಯಾಮಾಸ ಚೈವಾನ್ಯಾನ್ ಘಣ್ಟಾಸ್ವನವಿಮೋಹಿತಾನ್

॥55॥

ಶ್ಲೋಕ 56

ಅಸುರಾನ್ ಭುವಿಪಾಶೇನ ಬಧ್ವಾಚಾನ್ಯಾನಕರ್ಷಯತ್।

ಕೇಚಿದ್ ದ್ವಿಧಾಕೃತಾ ಸ್ತೀಕ್ಷ್ಣೈಃ ಖಡ್ಗಪಾತೈಸ್ತಥಾಪರೇ

॥56॥

ಶ್ಲೋಕ 57

ವಿಪೋಥಿತಾ ನಿಪಾತೇನ ಗದಯಾ ಭುವಿ ಶೇರತೇ।

ವೇಮುಶ್ಚ ಕೇಚಿದ್ರುಧಿರಂ ಮುಸಲೇನ ಭೃಶಂ ಹತಾಃ

॥57॥

ಶ್ಲೋಕ 58

ಕೇಚಿನ್ನಿಪತಿತಾ ಭೂಮೌ ಭಿನ್ನಾಃ ಶೂಲೇನ ವಕ್ಷಸಿ।

ನಿರನ್ತರಾಃ ಶರೌಘೇನ ಕೃತಾಃ ಕೇಚಿದ್ರಣಾಜಿರೇ

॥58॥

ಶ್ಲೋಕ 59

ಶಲ್ಯಾನುಕಾರಿಣಃ ಪ್ರಾಣಾನ್ ಮಮುಚುಸ್ತ್ರಿದಶಾರ್ದನಾಃ।

ಕೇಷಾಞ್ಚಿದ್ಬಾಹವಶ್ಚಿನ್ನಾಶ್ಚಿನ್ನಗ್ರೀವಾಸ್ತಥಾಪರೇ

॥59॥

ಶ್ಲೋಕ 60

ಶಿರಾಂಸಿ ಪೇತುರನ್ಯೇಷಾಂ ಅನ್ಯೇ ಮಧ್ಯೇ ವಿದಾರಿತಾಃ।

ವಿಚ್ಛಿನ್ನಜಜ್ಘಾಸ್ವಪರೇ ಪೇತುರುರ್ವ್ಯಾಂ ಮಹಾಸುರಾಃ

॥60॥

ಶ್ಲೋಕ 61

ಏಕಬಾಹ್ವಕ್ಷಿಚರಣಾಃ ಕೇಚಿದ್ದೇವ್ಯಾ ದ್ವಿಧಾಕೃತಾಃ।

ಛಿನ್ನೇಪಿ ಚಾನ್ಯೇ ಶಿರಸಿ ಪತಿತಾಃ ಪುನರುತ್ಥಿತಾಃ

॥61॥

ಶ್ಲೋಕ 62

ಕಬನ್ಧಾ ಯುಯುಧುರ್ದೇವ್ಯಾ ಗೃಹೀತಪರಮಾಯುಧಾಃ।

ನನೃತುಶ್ಚಾಪರೇ ತತ್ರ ಯುದ್ದೇ ತೂರ್ಯಲಯಾಶ್ರಿತಾಃ

॥62॥

ಶ್ಲೋಕ 63

ಕಬನ್ಧಾಶ್ಚಿನ್ನಶಿರಸಃ ಖಡ್ಗಶಕ್ಯ್ತೃಷ್ಟಿಪಾಣಯಃ।

ತಿಷ್ಠ ತಿಷ್ಠೇತಿ ಭಾಷನ್ತೋ ದೇವೀ ಮನ್ಯೇ ಮಹಾಸುರಾಃ

॥63॥

ಶ್ಲೋಕ 64

ಪಾತಿತೈ ರಥನಾಗಾಶ್ವೈಃ ಆಸುರೈಶ್ಚ ವಸುನ್ಧರಾ।

ಅಗಮ್ಯಾ ಸಾಭವತ್ತತ್ರ ಯತ್ರಾಭೂತ್ ಸ ಮಹಾರಣಃ

॥64॥

ಶ್ಲೋಕ 65

ಶೋಣಿತೌಘಾ ಮಹಾನದ್ಯಸ್ಸದ್ಯಸ್ತತ್ರ ವಿಸುಸ್ರುವುಃ।

ಮಧ್ಯೇ ಚಾಸುರಸೈನ್ಯಸ್ಯ ವಾರಣಾಸುರವಾಜಿನಾಮ್

॥65॥

ಶ್ಲೋಕ 66

ಕ್ಷಣೇನ ತನ್ಮಹಾಸೈನ್ಯಮಸುರಾಣಾಂ ತಥಾಽಮ್ಬಿಕಾ।

ನಿನ್ಯೇ ಕ್ಷಯಂ ಯಥಾ ವಹ್ನಿಸ್ತೃಣದಾರು ಮಹಾಚಯಮ್

॥66॥

ಶ್ಲೋಕ 67

ಸಚ ಸಿಂಹೋ ಮಹಾನಾದಮುತ್ಸೃಜನ್ ಧುತಕೇಸರಃ।

ಶರೀರೇಭ್ಯೋಽಮರಾರೀಣಾಮಸೂನಿವ ವಿಚಿನ್ವತಿ

॥67॥

ಶ್ಲೋಕ 68

ದೇವ್ಯಾ ಗಣೈಶ್ಚ ತೈಸ್ತತ್ರ ಕೃತಂ ಯುದ್ಧಂ ತಥಾಸುರೈಃ।

ಯಥೈಷಾಂ ತುಷ್ಟುವುರ್ದೇವಾಃ ಪುಷ್ಪವೃಷ್ಟಿಮುಚೋ ದಿವಿ

॥68॥

ಶ್ಲೋಕ 69

ಜಯ ಜಯ ಶ್ರೀ ಮಾರ್ಕಣ್ಡೇಯ ಪುರಾಣೇ ಸಾವರ್ನಿಕೇ ಮನ್ವನ್ತರೇ ದೇವಿ ಮಹತ್ಮ್ಯೇ ಮಹಿಷಾಸುರಸೈನ್ಯವಧೋ ನಾಮ ದ್ವಿತೀಯೋಽಧ್ಯಾಯಃ॥

ಆಹುತಿ

ಓಂ ಹ್ರೀಂ ಸಾಙ್ಗಾಯೈ ಸಾಯುಧಾಯೈ ಸಶಕ್ತಿಕಾಯೈ ಸಪರಿವಾರಾಯೈ ಸವಾಹನಾಯೈ ಅಷ್ಟಾವಿಂಶತಿ ವರ್ಣಾತ್ಮಿಕಾಯೈ ಲಕ್ಶ್ಮೀ ಬೀಜಾದಿಷ್ಟಾಯೈ ಮಹಾಹುತಿಂ ಸಮರ್ಪಯಾಮಿ ನಮಃ ಸ್ವಾಹಾ ।