Devi Mahatmyam Durga Saptasati Chapter 1
Devi Mahatmyam Durga Saptasati Chapter 1
ଦେଵୀ ମାହାତ୍ମ୍ଯଂ ଦୁର୍ଗା ସପ୍ତଶତି ପ୍ରଥମୋଽଧ୍ଯାଯଃ
॥ ଦେଵୀ ମାହାତ୍ମ୍ଯମ୍ ॥
॥ ଶ୍ରୀଦୁର୍ଗାଯୈ ନମଃ ॥
॥ ଅଥ ଶ୍ରୀଦୁର୍ଗାସପ୍ତଶତୀ ॥
॥ ମଧୁକୈଟଭଵଧୋ ନାମ ପ୍ରଥମୋଽଧ୍ଯାଯଃ ॥
ଅସ୍ଯ ଶ୍ରୀ ପ୍ରଧମ ଚରିତ୍ରସ୍ଯ ବ୍ରହ୍ମା ଋଷିଃ । ମହାକାଲୀ ଦେଵତା । ଗାଯତ୍ରୀ ଛନ୍ଦଃ । ନନ୍ଦା ଶକ୍ତିଃ । ରକ୍ତ ଦନ୍ତିକା ବୀଜମ୍ । ଅଗ୍ନିସ୍ତତ୍ଵମ୍ । ଋଗ୍ଵେଦଃ ସ୍ଵରୂପମ୍ । ଶ୍ରୀ ମହାକାଲୀ ପ୍ରୀତ୍ଯର୍ଧେ ପ୍ରଧମ ଚରିତ୍ର ଜପେ ଵିନିଯୋଗଃ ।
ଧ୍ଯାନଂ
ଖଡ୍ଗଂ ଚକ୍ର ଗଦେଷୁଚାପ ପରିଘା ଶୂଲଂ ଭୁଶୁଣ୍ଡୀଂ ଶିରଃ
ଶଂଙ୍ଖଂ ସନ୍ଦଧତୀଂ କରୈସ୍ତ୍ରିନଯନାଂ ସର୍ଵାଂଙ୍ଗଭୂଷାଵୃତାମ୍ ।
ଯାଂ ହନ୍ତୁଂ ମଧୁକୈଭୌ ଜଲଜଭୂସ୍ତୁଷ୍ଟାଵ ସୁପ୍ତେ ହରୌ
ନୀଲାଶ୍ମଦ୍ଯୁତି ମାସ୍ଯପାଦଦଶକାଂ ସେଵେ ମହାକାଲିକାଂ॥
ଓଁ ନମଶ୍ଚଣ୍ଡିକାଯୈ
ଓଁ ଐଂ ମାର୍କଣ୍ଡେଯ ଉଵାଚ ॥1॥
ସାଵର୍ଣିଃ ସୂର୍ଯତନଯୋ ଯୋମନୁଃ କଥ୍ଯତେଽଷ୍ଟମଃ।
ନିଶାମଯ ତଦୁତ୍ପତ୍ତିଂ ଵିସ୍ତରାଦ୍ଗଦତୋ ମମ ॥2॥
ମହାମାଯାନୁଭାଵେନ ଯଥା ମନ୍ଵନ୍ତରାଧିପଃ
ସ ବଭୂଵ ମହାଭାଗଃ ସାଵର୍ଣିସ୍ତନଯୋ ରଵେଃ ॥3॥
ସ୍ଵାରୋଚିଷେଽନ୍ତରେ ପୂର୍ଵଂ ଚୈତ୍ରଵଂଶସମୁଦ୍ଭଵଃ।
ସୁରଥୋ ନାମ ରାଜାଽଭୂତ୍ ସମସ୍ତେ କ୍ଷିତିମଣ୍ଡଲେ ॥4॥
ତସ୍ଯ ପାଲଯତଃ ସମ୍ଯକ୍ ପ୍ରଜାଃ ପୁତ୍ରାନିଵୌରସାନ୍।
ବଭୂଵୁଃ ଶତ୍ରଵୋ ଭୂପାଃ କୋଲାଵିଧ୍ଵଂସିନସ୍ତଦା ॥5॥
ତସ୍ଯ ତୈରଭଵଦ୍ଯୁଦ୍ଧଂ ଅତିପ୍ରବଲଦଣ୍ଡିନଃ।
ନ୍ଯୂନୈରପି ସ ତୈର୍ଯୁଦ୍ଧେ କୋଲାଵିଧ୍ଵଂସିଭିର୍ଜିତଃ ॥6॥
ତତଃ ସ୍ଵପୁରମାଯାତୋ ନିଜଦେଶାଧିପୋଽଭଵତ୍।
ଆକ୍ରାନ୍ତଃ ସ ମହାଭାଗସ୍ତୈସ୍ତଦା ପ୍ରବଲାରିଭିଃ ॥7॥
ଅମାତ୍ଯୈର୍ବଲିଭିର୍ଦୁଷ୍ଟୈ ର୍ଦୁର୍ବଲସ୍ଯ ଦୁରାତ୍ମଭିଃ।
କୋଶୋ ବଲଂ ଚାପହୃତଂ ତତ୍ରାପି ସ୍ଵପୁରେ ତତଃ ॥8॥
ତତୋ ମୃଗଯାଵ୍ଯାଜେନ ହୃତସ୍ଵାମ୍ଯଃ ସ ଭୂପତିଃ।
ଏକାକୀ ହଯମାରୁହ୍ଯ ଜଗାମ ଗହନଂ ଵନମ୍ ॥9॥
ସତତ୍ରାଶ୍ରମମଦ୍ରାକ୍ଷୀ ଦ୍ଦ୍ଵିଜଵର୍ଯସ୍ଯ ମେଧସଃ।
ପ୍ରଶାନ୍ତଶ୍ଵାପଦାକୀର୍ଣ ମୁନିଶିଷ୍ଯୋପଶୋଭିତମ୍ ॥10॥
ତସ୍ଥୌ କଞ୍ଚିତ୍ସ କାଲଂ ଚ ମୁନିନା ତେନ ସତ୍କୃତଃ।
ଇତଶ୍ଚେତଶ୍ଚ ଵିଚରଂସ୍ତସ୍ମିନ୍ ମୁନିଵରାଶ୍ରମେ ॥11॥
ସୋଽଚିନ୍ତଯତ୍ତଦା ତତ୍ର ମମତ୍ଵାକୃଷ୍ଟଚେତନଃ। ॥12॥
ମତ୍ପୂର୍ଵୈଃ ପାଲିତଂ ପୂର୍ଵଂ ମଯାହୀନଂ ପୁରଂ ହି ତତ୍
ମଦ୍ଭୃତ୍ଯୈସ୍ତୈରସଦ୍ଵୃତ୍ତୈଃ ର୍ଧର୍ମତଃ ପାଲ୍ଯତେ ନ ଵା ॥13॥
ନ ଜାନେ ସ ପ୍ରଧାନୋ ମେ ଶୂର ହସ୍ତୀସଦାମଦଃ
ମମ ଵୈରିଵଶଂ ଯାତଃ କାନ୍ଭୋଗାନୁପଲପ୍ସ୍ଯତେ ॥14॥
ଯେ ମମାନୁଗତା ନିତ୍ଯଂ ପ୍ରସାଦଧନଭୋଜନୈଃ
ଅନୁଵୃତ୍ତିଂ ଧ୍ରୁଵଂ ତେଽଦ୍ଯ କୁର୍ଵନ୍ତ୍ଯନ୍ଯମହୀଭୃତାଂ ॥15॥
ଅସମ୍ଯଗ୍ଵ୍ଯଯଶୀଲୈସ୍ତୈଃ କୁର୍ଵଦ୍ଭିଃ ସତତଂ ଵ୍ଯଯଂ
ସଞ୍ଚିତଃ ସୋଽତିଦୁଃଖେନ କ୍ଷଯଂ କୋଶୋ ଗମିଷ୍ଯତି ॥16॥
ଏତଚ୍ଚାନ୍ଯଚ୍ଚ ସତତଂ ଚିନ୍ତଯାମାସ ପାର୍ଥିଵଃ
ତତ୍ର ଵିପ୍ରାଶ୍ରମାଭ୍ଯାଶେ ଵୈଶ୍ଯମେକଂ ଦଦର୍ଶ ସଃ ॥17॥
ସ ପୃଷ୍ଟସ୍ତେନ କସ୍ତ୍ଵଂ ଭୋ ହେତୁଶ୍ଚ ଆଗମନେଽତ୍ର କଃ
ସଶୋକ ଇଵ କସ୍ମାତ୍ଵଂ ଦୁର୍ମନା ଇଵ ଲକ୍ଷ୍ଯସେ। ॥18॥
ଇତ୍ଯାକର୍ଣ୍ଯ ଵଚସ୍ତସ୍ଯ ଭୂପତେଃ ପ୍ରଣାଯୋଦିତମ୍
ପ୍ରତ୍ଯୁଵାଚ ସ ତଂ ଵୈଶ୍ଯଃ ପ୍ରଶ୍ରଯାଵନତୋ ନୃପମ୍ ॥19॥
ଵୈଶ୍ଯ ଉଵାଚ ॥20॥
ସମାଧିର୍ନାମ ଵୈଶ୍ଯୋଽହମୁତ୍ପନ୍ନୋ ଧନିନାଂ କୁଲେ
ପୁତ୍ରଦାରୈର୍ନିରସ୍ତଶ୍ଚ ଧନଲୋଭାଦ୍ ଅସାଧୁଭିଃ ॥21॥
ଵିହୀନଶ୍ଚ ଧନୈଦାରୈଃ ପୁତ୍ରୈରାଦାଯ ମେ ଧନମ୍।
ଵନମଭ୍ଯାଗତୋ ଦୁଃଖୀ ନିରସ୍ତଶ୍ଚାପ୍ତବନ୍ଧୁଭିଃ ॥22॥
ସୋଽହଂ ନ ଵେଦ୍ମି ପୁତ୍ରାଣାଂ କୁଶଲାକୁଶଲାତ୍ମିକାମ୍।
ପ୍ରଵୃତ୍ତିଂ ସ୍ଵଜନାନାଂ ଚ ଦାରାଣାଂ ଚାତ୍ର ସଂସ୍ଥିତଃ ॥23॥
କିଂ ନୁ ତେଷାଂ ଗୃହେ କ୍ଷେମଂ ଅକ୍ଷେମଂ କିନ୍ନୁ ସାମ୍ପ୍ରତଂ
କଥଂ ତେକିନ୍ନୁସଦ୍ଵୃତ୍ତା ଦୁର୍ଵୃତ୍ତା କିନ୍ନୁମେସୁତାଃ ॥24॥
ରାଜୋଵାଚ ॥25॥
ଯୈର୍ନିରସ୍ତୋ ଭଵାଁଲ୍ଲୁବ୍ଧୈଃ ପୁତ୍ରଦାରାଦିଭିର୍ଧନୈଃ ॥26॥
ତେଷୁ କିଂ ଭଵତଃ ସ୍ନେହ ମନୁବଧ୍ନାତି ମାନସମ୍ ॥27॥
ଵୈଶ୍ଯ ଉଵାଚ ॥28॥
ଏଵମେତଦ୍ଯଥା ପ୍ରାହ ଭଵାନସ୍ମଦ୍ଗତଂ ଵଚଃ
କିଂ କରୋମି ନ ବଧ୍ନାତି ମମ ନିଷ୍ଟୁରତାଂ ମନଃ ॥29॥
ଐଃ ସନ୍ତ୍ଯଜ୍ଯ ପିତୃସ୍ନେହଂ ଧନ ଲୁବ୍ଧୈର୍ନିରାକୃତଃ
ପତିଃସ୍ଵଜନହାର୍ଦଂ ଚ ହାର୍ଦିତେଷ୍ଵେଵ ମେ ମନଃ। ॥30॥
କିମେତନ୍ନାଭିଜାନାମି ଜାନନ୍ନପି ମହାମତେ
ଯତ୍ପ୍ରେମ ପ୍ରଵଣଂ ଚିତ୍ତଂ ଵିଗୁଣେଷ୍ଵପି ବନ୍ଧୁଷୁ ॥31॥
ତେଷାଂ କୃତେ ମେ ନିଃଶ୍ଵାସୋ ଦୌର୍ମନସ୍ଯଂ ଚଜାଯତେ ॥32॥
ଅରୋମି କିଂ ଯନ୍ନ ମନସ୍ତେଷ୍ଵପ୍ରୀତିଷୁ ନିଷ୍ଠୁରମ୍ ॥33॥
ମାର୍କଣ୍ଡେଯ ଉଵାଚ ॥34॥
ତତସ୍ତୌ ସହିତୌ ଵିପ୍ର ତମ୍ମୁନିଂ ସମୁପସ୍ଥିତୌ ॥35॥
ସମାଧିର୍ନାମ ଵୈଶ୍ଯୋଽସୌ ସ ଚ ପାର୍ଧିଵ ସତ୍ତମଃ ॥36॥
କୃତ୍ଵା ତୁ ତୌ ଯଥାନ୍ଯାଯ୍ଯଂ ଯଥାର୍ହଂ ତେନ ସଂଵିଦମ୍।
ଉପଵିଷ୍ଟୌ କଥାଃ କାଶ୍ଚିତ୍ଚ୍ଚକ୍ରତୁର୍ଵୈଶ୍ଯପାର୍ଧିଵୌ ॥37॥
ରାଜୋଵାଚ ॥38॥
ଭଗଵଂସ୍ତ୍ଵାମହଂ ପ୍ରଷ୍ଟୁମିଚ୍ଛାମ୍ଯେକଂ ଵଦସ୍ଵତତ୍ ॥39॥
ଦୁଃଖାଯ ଯନ୍ମେ ମନସଃ ସ୍ଵଚିତ୍ତାଯତ୍ତତାଂ ଵିନା ॥40॥
ମମତ୍ଵଂ ଗତରାଜ୍ଯସ୍ଯ ରାଜ୍ଯାଙ୍ଗେଷ୍ଵଖିଲେଷ୍ଵପି ।
ଜାନତୋଽପି ଯଥାଜ୍ଞସ୍ଯ କିମେତନ୍ମୁନିସତ୍ତମ ॥ 41 ॥
ଅଯଂ ଚ ଇକୃତଃ ପୁତ୍ରୈଃ ଦାରୈର୍ଭୃତ୍ଯୈସ୍ତଥୋଜ୍ଘିତଃ
ସ୍ଵଜନେନ ଚ ସନ୍ତ୍ଯକ୍ତଃ ସ୍ତେଷୁ ହାର୍ଦୀ ତଥାପ୍ଯତି ॥42॥
ଏଵ ମେଷ ତଥାହଂ ଚ ଦ୍ଵାଵପ୍ତ୍ଯନ୍ତଦୁଃଖିତୌ।
ଦୃଷ୍ଟଦୋଷେଽପି ଵିଷଯେ ମମତ୍ଵାକୃଷ୍ଟମାନସୌ ॥43॥
ତତ୍କେନୈତନ୍ମହାଭାଗ ଯନ୍ମୋହॊ ଜ୍ଞାନିନୋରପି
ମମାସ୍ଯ ଚ ଭଵତ୍ଯେଷା ଵିଵେକାନ୍ଧସ୍ଯ ମୂଢତା ॥44॥
ଋଷିରୁଵାଚ ॥45॥
ଜ୍ଞାନ ମସ୍ତି ସମସ୍ତସ୍ଯ ଜନ୍ତୋର୍ଵ୍ଷଯ ଗୋଚରେ।
ଵିଷଯଶ୍ଚ ମହାଭାଗ ଯାନ୍ତି ଚୈଵଂ ପୃଥକ୍ପୃଥକ୍ ॥46॥
କେଚିଦ୍ଦିଵା ତଥା ରାତ୍ରୌ ପ୍ରାଣିନଃ ସ୍ତୁଲ୍ଯଦୃଷ୍ଟଯଃ ॥47॥
ଜ୍ଞାନିନୋ ମନୁଜାଃ ସତ୍ଯଂ କିଂ ତୁ ତେ ନ ହି କେଵଲମ୍।
ଯତୋ ହି ଜ୍ଞାନିନଃ ସର୍ଵେ ପଶୁପକ୍ଷିମୃଗାଦଯଃ ॥48॥
ଜ୍ଞାନଂ ଚ ତନ୍ମନୁଷ୍ଯାଣାଂ ଯତ୍ତେଷାଂ ମୃଗପକ୍ଷିଣାଂ
ମନୁଷ୍ଯାଣାଂ ଚ ଯତ୍ତେଷାଂ ତୁଲ୍ଯମନ୍ଯତ୍ତଥୋଭଯୋଃ ॥49॥
ଜ୍ଞାନେଽପି ସତି ପଶ୍ଯୈତାନ୍ ପତଗାଞ୍ଛାବଚଞ୍ଚୁଷୁ।
କଣମୋକ୍ଷାଦୃତାନ୍ ମୋହାତ୍ପୀଡ୍ଯମାନାନପି କ୍ଷୁଧା ॥50॥
ମାନୁଷା ମନୁଜଵ୍ଯାଘ୍ର ସାଭିଲାଷାଃ ସୁତାନ୍ ପ୍ରତି
ଲୋଭାତ୍ ପ୍ରତ୍ଯୁପକାରାଯ ନନ୍ଵେତାନ୍ କିଂ ନ ପଶ୍ଯସି ॥51॥
ତଥାପି ମମତାଵର୍ତେ ମୋହଗର୍ତେ ନିପାତିତାଃ
ମହାମାଯା ପ୍ରଭାଵେଣ ସଂସାରସ୍ଥିତିକାରିଣା ॥52॥
ତନ୍ନାତ୍ର ଵିସ୍ମଯଃ କାର୍ଯୋ ଯୋଗନିଦ୍ରା ଜଗତ୍ପତେଃ।
ମହାମାଯା ହରେଶ୍ଚୈଷା ତଯା ସମ୍ମୋହ୍ଯତେ ଜଗତ୍ ॥53॥
ଜ୍ଙାନିନାମପି ଚେତାଂସି ଦେଵୀ ଭଗଵତୀ ହି ସା
ବଲାଦାକ୍ର଼୍ଷ୍ଯମୋହାଯ ମହାମାଯା ପ୍ରଯଚ୍ଛତି ॥54॥
ତଯା ଵିସୃଜ୍ଯତେ ଵିଶ୍ଵଂ ଜଗଦେତଚ୍ଚରାଚରମ୍ ।
ସୈଷା ପ୍ରସନ୍ନା ଵରଦା ନୃଣାଂ ଭଵତି ମୁକ୍ତଯେ ॥55॥
ସା ଵିଦ୍ଯା ପରମା ମୁକ୍ତେର୍ହେତୁଭୂତା ସନାତନୀ
ସଂସାରବନ୍ଧହେତୁଶ୍ଚ ସୈଵ ସର୍ଵେଶ୍ଵରେଶ୍ଵରୀ ॥56॥
ରାଜୋଵାଚ ॥57॥
ଭଗଵନ୍ କାହି ସା ଦେଵୀ ମାମାଯେତି ଯାଂ ଭଵାନ୍ ।
ବ୍ରଵୀତି କ୍ଥମୁତ୍ପନ୍ନା ସା କର୍ମାସ୍ଯାଶ୍ଚ କିଂ ଦ୍ଵିଜ ॥58॥
ଯତ୍ପ୍ରଭାଵା ଚ ସା ଦେଵୀ ଯତ୍ସ୍ଵରୂପା ଯଦୁଦ୍ଭଵା।
ତତ୍ସର୍ଵଂ ଶ୍ରୋତୁମିଚ୍ଛାମି ତ୍ଵତ୍ତୋ ବ୍ରହ୍ମଵିଦାଂ ଵର ॥59॥
ଋଷିରୁଵାଚ ॥60॥
ନିତ୍ଯୈଵ ସା ଜଗନ୍ମୂର୍ତିସ୍ତଯା ସର୍ଵମିଦଂ ତତମ୍ ॥61॥
ତଥାପି ତତ୍ସମୁତ୍ପତ୍ତିର୍ବହୁଧା ଶ୍ରୂଯତାଂ ମମଃ ॥62॥
ଦେଵାନାଂ କାର୍ଯସିଦ୍ଧ୍ଯର୍ଥଂ ଆଵିର୍ଭଵତି ସା ଯଦା।
ଉତ୍ପନ୍ନେତି ତଦା ଲୋକେ ସା ନିତ୍ଯାପ୍ଯଭିଧୀଯତେ ॥63॥
ଯୋଗନିଦ୍ରାଂ ଯଦା ଵିଷ୍ଣୁର୍ଜଗତ୍ଯେକାର୍ଣଵୀକୃତେ।
ଆସ୍ତୀର୍ଯ ଶେଷମଭଜତ୍ କଲ୍ପାନ୍ତେ ଭଗଵାନ୍ ପ୍ରଭୁଃ ॥64॥
ତଦା ଦ୍ଵାଵସୁରୌ ଘୋରୌ ଵିଖ୍ଯାତୌ ମଧୁକୈଟଭୌ।
ଵିଷ୍ଣୁକର୍ଣମଲୋଦ୍ଭୂତୌ ହନ୍ତୁଂ ବ୍ରହ୍ମାଣମୁଦ୍ଯତୌ ॥65॥
ସ ନାଭି କମଲେ ଵିଷ୍ଣୋଃ ସ୍ଥିତୋ ବ୍ରହ୍ମା ପ୍ରଜାପତିଃ
ଦୃଷ୍ଟ୍ଵା ତାଵସୁରୌ ଚୋଗ୍ରୌ ପ୍ରସୁପ୍ତଂ ଚ ଜନାର୍ଦନମ୍ ॥66॥
ତୁଷ୍ଟାଵ ଯୋଗନିଦ୍ରାଂ ତାମେକାଗ୍ରହୃଦଯଃ ସ୍ଥିତଃ
ଵିବୋଧନାର୍ଧାଯ ହରେର୍ହରିନେତ୍ରକୃତାଲଯାମ୍ ॥67॥
ଵିଶ୍ଵେଶ୍ଵରୀଂ ଜଗଦ୍ଧାତ୍ରୀଂ ସ୍ଥିତିସଂହାରକାରିଣୀମ୍।
ନିଦ୍ରାଂ ଭଗଵତୀଂ ଵିଷ୍ଣୋରତୁଲାଂ ତେଜସଃ ପ୍ରଭୁଃ ॥68॥
ବ୍ରହ୍ମୋଵାଚ ॥69॥
ତ୍ଵଂ ସ୍ଵାହା ତ୍ଵଂ ସ୍ଵଧା ତ୍ଵଂହି ଵଷଟ୍କାରଃ ସ୍ଵରାତ୍ମିକା।
ସୁଧା ତ୍ଵମକ୍ଷରେ ନିତ୍ଯେ ତ୍ରିଧା ମାତ୍ରାତ୍ମିକା ସ୍ଥିତା ॥70॥
ଅର୍ଧମାତ୍ରା ସ୍ଥିତା ନିତ୍ଯା ଯାନୁଚ୍ଚାର୍ଯାଵିଶେଷତଃ
ତ୍ଵମେଵ ସା ତ୍ଵଂ ସାଵିତ୍ରୀ ତ୍ଵଂ ଦେଵ ଜନନୀ ପରା ॥71॥
ତ୍ଵଯୈତଦ୍ଧାର୍ଯତେ ଵିଶ୍ଵଂ ତ୍ଵଯୈତତ୍ ସୃଜ୍ଯତେ ଜଗତ୍।
ତ୍ଵଯୈତତ୍ ପାଲ୍ଯତେ ଦେଵି ତ୍ଵମତ୍ସ୍ଯନ୍ତେ ଚ ସର୍ଵଦା ॥72॥
ଵିସୃଷ୍ଟୌ ସୃଷ୍ଟିରୂପାତ୍ଵଂ ସ୍ଥିତି ରୂପା ଚ ପାଲନେ।
ତଥା ସଂହୃତିରୂପାନ୍ତେ ଜଗତୋଽସ୍ଯ ଜଗନ୍ମଯେ ॥73॥
ମହାଵିଦ୍ଯା ମହାମାଯା ମହାମେଧା ମହାସ୍ମୃତିଃ।
ମହାମୋହା ଚ ଭଵତୀ ମହାଦେଵୀ ମହାସୁରୀ ॥74॥
ପ୍ରକୃତିସ୍ତ୍ଵଂ ଚ ସର୍ଵସ୍ଯ ଗୁଣତ୍ରଯ ଵିଭାଵିନୀ।
କାଲରାତ୍ରିର୍ମହାରାତ୍ରିର୍ମୋହରାତ୍ରିଶ୍ଚ ଦାରୁଣା ॥75॥
ତ୍ଵଂ ଶ୍ରୀସ୍ତ୍ଵମୀଶ୍ଵରୀ ତ୍ଵଂ ହ୍ରୀସ୍ତ୍ଵଂ ବୁଦ୍ଧିର୍ଭୋଧଲକ୍ଷଣା।
ଲଜ୍ଜାପୁଷ୍ଟିସ୍ତଥା ତୁଷ୍ଟିସ୍ତ୍ଵଂ ଶାନ୍ତିଃ କ୍ଷାନ୍ତି ରେଵ ଚ ॥76॥
ଖଡ୍ଗିନୀ ଶୂଲିନୀ ଘୋରା ଗଦିନୀ ଚକ୍ରିଣୀ ତଥା।
ଶଙ୍ଖିଣୀ ଚାପିନୀ ବାଣାଭୁଶୁଣ୍ଡୀପରିଘାଯୁଧା ॥77॥
ସୌମ୍ଯା ସୌମ୍ଯତରାଶେଷସୌମ୍ଯେଭ୍ଯସ୍ତ୍ଵତିସୁନ୍ଦରୀ
ପରାପରାଣାଂ ପରମା ତ୍ଵମେଵ ପରମେଶ୍ଵରୀ ॥78॥
ଯଚ୍ଚ କିଞ୍ଚିତ୍କ୍ଵଚିଦ୍ଵସ୍ତୁ ସଦସଦ୍ଵାଖିଲାତ୍ମିକେ।
ତସ୍ଯ ସର୍ଵସ୍ଯ ଯା ଶକ୍ତିଃ ସା ତ୍ଵଂ କିଂ ସ୍ତୂଯସେମଯା ॥79॥
ଯଯା ତ୍ଵଯା ଜଗତ୍ ସ୍ରଷ୍ଟା ଜଗତ୍ପାତାତ୍ତି ଯୋ ଜଗତ୍।
ସୋଽପି ନିଦ୍ରାଵଶଂ ନୀତଃ କସ୍ତ୍ଵାଂ ସ୍ତୋତୁମିହେଶ୍ଵରଃ ॥80॥
ଵିଷ୍ଣୁଃ ଶରୀରଗ୍ରହଣଂ ଅହମୀଶାନ ଏଵ ଚ
କାରିତାସ୍ତେ ଯତୋଽତସ୍ତ୍ଵାଂ କଃ ସ୍ତୋତୁଂ ଶକ୍ତିମାନ୍ ଭଵେତ୍ ॥81॥
ସା ତ୍ଵମିତ୍ଥଂ ପ୍ରଭାଵୈଃ ସ୍ଵୈରୁଦାରୈର୍ଦେଵି ସଂସ୍ତୁତା।
ମୋହଯୈତୌ ଦୁରାଧର୍ଷାଵସୁରୌ ମଧୁକୈଟଭୌ ॥82॥
ପ୍ରବୋଧଂ ଚ ଜଗତ୍ସ୍ଵାମୀ ନୀଯତାମଚ୍ଯୁତା ଲଘୁ ॥83॥
ବୋଧଶ୍ଚ କ୍ରିଯତାମସ୍ଯ ହନ୍ତୁମେତୌ ମହାସୁରୌ ॥83॥
ଋଷିରୁଵାଚ ॥84॥
ଏଵଂ ସ୍ତୁତା ତଦା ଦେଵୀ ତାମସୀ ତତ୍ର ଵେଧସା
ଵିଷ୍ଣୋଃ ପ୍ରଭୋଧନାର୍ଧାଯ ନିହନ୍ତୁଂ ମଧୁକୈଟଭୌ ॥85॥
ନେତ୍ରାସ୍ଯନାସିକାବାହୁହୃଦଯେଭ୍ଯସ୍ତଥୋରସଃ।
ନିର୍ଗମ୍ଯ ଦର୍ଶନେ ତସ୍ଥୌ ବ୍ରହ୍ମଣୋ ଅଵ୍ଯକ୍ତଜନ୍ମନଃ ॥86॥
ଉତ୍ତସ୍ଥୌ ଚ ଜଗନ୍ନାଥଃ ସ୍ତଯା ମୁକ୍ତୋ ଜନାର୍ଦନଃ।
ଏକାର୍ଣଵେ ଅହିଶଯନାତ୍ତତଃ ସ ଦଦୃଶେ ଚ ତୌ ॥87॥
ମଧୁକୈଟଭୌ ଦୁରାତ୍ମାନା ଵତିଵୀର୍ଯପରାକ୍ରମୌ
କ୍ରୋଧରକ୍ତେକ୍ଷଣାଵତ୍ତୁଂ ବ୍ରହ୍ମଣାଂ ଜନିତୋଦ୍ଯମୌ ॥88॥
ସମୁତ୍ଥାଯ ତତସ୍ତାଭ୍ଯାଂ ଯୁଯୁଧେ ଭଗଵାନ୍ ହରିଃ
ପଞ୍ଚଵର୍ଷସହସ୍ତ୍ରାଣି ବାହୁପ୍ରହରଣୋ ଵିଭୁଃ ॥89॥
ତାଵପ୍ଯତିବଲୋନ୍ମତ୍ତୌ ମହାମାଯାଵିମୋହିତୌ ॥90॥
ଉକ୍ତଵନ୍ତୌ ଵରୋଽସ୍ମତ୍ତୋ ଵ୍ରିଯତାମିତି କେଶଵମ୍ ॥91॥
ଶ୍ରୀ ଭଗଵାନୁଵାଚ ॥92॥
ଭଵେତାମଦ୍ଯ ମେ ତୁଷ୍ଟୌ ମମ ଵଧ୍ଯାଵୁଭାଵପି ॥93॥
କିମନ୍ଯେନ ଵରେଣାତ୍ର ଏତାଵୃଦ୍ଦି ଵୃତଂ ମମ ॥94॥
ଋଷିରୁଵାଚ ॥95॥
ଵଞ୍ଚିତାଭ୍ଯାମିତି ତଦା ସର୍ଵମାପୋମଯଂ ଜଗତ୍।
ଵିଲୋକ୍ଯ ତାଭ୍ଯାଂ ଗଦିତୋ ଭଗଵାନ୍ କମଲେକ୍ଷଣଃ ॥96॥
ଆଵାଂ ଜହି ନ ଯତ୍ରୋର୍ଵୀ ସଲିଲେନ ପରିପ୍ଲୁତା। ॥97॥
ଋଷିରୁଵାଚ ॥98॥
ତଥେତ୍ଯୁକ୍ତ୍ଵା ଭଗଵତା ଶଙ୍ଖଚକ୍ରଗଦାଭୃତା।
କୃତ୍ଵା ଚକ୍ରେଣ ଵୈ ଛିନ୍ନେ ଜଘନେ ଶିରସୀ ତଯୋଃ ॥99॥
ଏଵମେଷା ସମୁତ୍ପନ୍ନା ବ୍ରହ୍ମଣା ସଂସ୍ତୁତା ସ୍ଵଯମ୍।
ପ୍ରଭାଵମସ୍ଯା ଦେଵ୍ଯାସ୍ତୁ ଭୂଯଃ ଶୃଣୁ ଵଦାମି ତେ ॥100॥
॥ ଜଯ ଜଯ ଶ୍ରୀ ସ୍ଵସ୍ତି ଶ୍ରୀମାର୍କଣ୍ଡେଯପୁରାଣେ ସାଵର୍ଣିକେ ମନ୍ଵନ୍ତରେ ଦେଵୀମହାତ୍ମ୍ଯେ ମଧୁକୈଟଭଵଧୋ ନାମ ପ୍ରଧମୋଽଧ୍ଯାଯଃ ॥
ଆହୁତି
ଓଁ ଏଂ ସାଙ୍ଗାଯୈ ସାଯୁଧାଯୈ ସଶକ୍ତିକାଯୈ ସପରିଵାରାଯୈ ସଵାହନାଯୈ ଏଂ ବୀଜାଧିଷ୍ଟାଯୈ ମହା କାଲିକାଯୈ ମହା ଅହୁତିଂ ସମର୍ପଯାମି ନମଃ ସ୍ଵାହା ॥
Related Scriptures
अर्जुन कृत श्री दुर्गा स्तोत्रम्
13 verses
दकारादि दुर्गा अष्टोत्तर शत नामावलि
108 verses
देवी माहात्म्यं दुर्गा सप्तशति एकादशोऽध्यायः
55 verses
देवी माहात्म्यं दुर्गा सप्तशति द्वादशोऽध्यायः
41 verses
देवी माहात्म्यं दुर्गा सप्तशति द्वितीयोऽध्यायः
68 verses
देवी माहात्म्यं दुर्गा सप्तशति तृतीयोऽध्यायः
42 verses
About This Stotram
Overview
Durga Saptasati Chapter 1 (Madhukaitabhavadha) is the first of thirteen chapters of the Devi Mahatmyam, which forms chapters 81-93 of the Markandeya Purana. This chapter narrates the story of Vishnu's cosmic sleep and the emergence of the goddess Yoganidra, who then helps him defeat the demons Madhu and Kaitabha. It contains 101 verses and establishes the foundational mythology of the goddess as the supreme power underlying creation.
What are the benefits of chanting Durga Saptasati Chapter 1?
- Recitation is held to invoke the goddess's protective presence at the start of the full Saptasati cycle.
- The chapter establishes the narrative framework for all subsequent chapters and is considered foundational.
- Chanting is associated with protection from enemies and the cultivation of courage.
- The text is recited as part of the full Chandipatha during Navaratri and Durga Puja.
- Meditating on the narrative of Madhu and Kaitabha's defeat is held to invoke the goddess's power over the forces of ego and delusion.
When is the best time to recite this?
Navaratri is the primary occasion, during which all thirteen chapters are typically recited over the nine days. Morning and evening recitations during this period are standard. Individual chapters may also be recited throughout the year as standalone devotional practice.
What is the historical and traditional background?
The Devi Mahatmyam is embedded in the Markandeya Purana and is generally dated between the 4th and 6th centuries CE, making it among the earlier Puranic texts. Chapter 1 is titled Madhukaitabhavadha (the slaying of Madhu and Kaitabha) and forms the Prathama Charitra (first episode) of the text. The authorship is attributed to the sage Markandeya in the Puranic narrative, though the text reflects the collective development of Shakta theology over a period of time. The Devi Mahatmyam as a whole is the foundational scripture of Shaktism.
Available scripts
This text is available in 14 scripts: devanagari, tamil, telugu, kannada, malayalam, gujarati, bengali, iast, gurmukhi, oriya, assamese, sinhala, itrans, hk. Use the script selector above to switch between them.
Related Texts
- Devi Mahatmyam Devi Kavacham — the protective armor hymn recited before this chapter in the full Chandipatha sequence.
- Devi Mahatmyam Argala Stotram — another preparatory text in the Chandipatha that precedes this chapter.
- Devi Mahatmyam Durga Saptasati Chapter 2 — the next chapter, which begins the narrative of Mahishasura's defeat.