Devi Mahatmyam Durga Saptasati Chapter 1

devI mAhAtmyaM durgA saptazati prathamo'dhyAyaH

zloka 1

|| devI mAhAtmyam ||

|| zrIdurgAyai namaH ||

|| atha zrIdurgAsaptazatI ||

|| madhukaiTabhavadho nAma prathamo'dhyAyaH ||

asya zrI pradhama caritrasya brahmA RSiH | mahAkAlI devatA | gAyatrI chandaH | nandA zaktiH | rakta dantikA bIjam | agnistatvam | RgvedaH svarUpam | zrI mahAkAlI prItyardhe pradhama caritra jape viniyogaH |

dhyAnaM

khaDgaM cakra gadeSucApa parighA zUlaM bhuzuNDIM ziraH

zaMGkhaM sandadhatIM karaistrinayanAM sarvAMGgabhUSAvRtAm |

yAM hantuM madhukaibhau jalajabhUstuSTAva supte harau

nIlAzmadyuti mAsyapAdadazakAM seve mahAkAlikAM||

OM namazcaNDikAyai

OM aiM mArkaNDeya uvAca||1||

sAvarNiH sUryatanayo yomanuH kathyate'STamaH|

nizAmaya tadutpattiM vistarAdgadato mama ||2||

mahAmAyAnubhAvena yathA manvantarAdhipaH

sa babhUva mahAbhAgaH sAvarNistanayo raveH ||3||

svArociSe'ntare pUrvaM caitravaMzasamudbhavaH|

suratho nAma rAjA'bhUt samaste kSitimaNDale ||4||

tasya pAlayataH samyak prajAH putrAnivaurasAn|

babhUvuH zatravo bhUpAH kolAvidhvaMsinastadA ||5||

tasya tairabhavadyuddhaM atiprabaladaNDinaH|

nyUnairapi sa tairyuddhe kolAvidhvaMsibhirjitaH ||6||

tataH svapuramAyAto nijadezAdhipo'bhavat|

AkrAntaH sa mahAbhAgastaistadA prabalAribhiH ||7||

amAtyairbalibhirduSTai rdurbalasya durAtmabhiH|

kozo balaM cApahRtaM tatrApi svapure tataH ||8||

tato mRgayAvyAjena hRtasvAmyaH sa bhUpatiH|

ekAkI hayamAruhya jagAma gahanaM vanam ||9||

satatrAzramamadrAkSI ddvijavaryasya medhasaH|

prazAntazvApadAkIrNa muniziSyopazobhitam ||10||

tasthau kaJcitsa kAlaM ca muninA tena satkRtaH|

itazcetazca vicaraMstasmin munivarAzrame||11||

so'cintayattadA tatra mamatvAkRSTacetanaH| ||12||

matpUrvaiH pAlitaM pUrvaM mayAhInaM puraM hi tat

madbhRtyaistairasadvRttaiH rdharmataH pAlyate na vA ||13||

na jAne sa pradhAno me zUra hastIsadAmadaH

mama vairivazaM yAtaH kAnbhogAnupalapsyate ||14||

ye mamAnugatA nityaM prasAdadhanabhojanaiH

anuvRttiM dhruvaM te'dya kurvantyanyamahIbhRtAM ||15||

asamyagvyayazIlaistaiH kurvadbhiH satataM vyayaM

saJcitaH so'tiduHkhena kSayaM kozo gamiSyati ||16||

etaccAnyacca satataM cintayAmAsa pArthivaH

tatra viprAzramAbhyAze vaizyamekaM dadarza saH ||17||

sa pRSTastena kastvaM bho hetuzca Agamane'tra kaH

sazoka iva kasmAtvaM durmanA iva lakSyase| ||18||

ityAkarNya vacastasya bhUpateH praNAyoditam

pratyuvAca sa taM vaizyaH prazrayAvanato nRpam||19||

vaizya uvAca ||20||

samAdhirnAma vaizyo'hamutpanno dhaninAM kule

putradArairnirastazca dhanalobhAd asAdhubhiH||21||

vihInazca dhanaidAraiH putrairAdAya me dhanam|

vanamabhyAgato duHkhI nirastazcAptabandhubhiH||22||

so'haM na vedmi putrANAM kuzalAkuzalAtmikAm|

pravRttiM svajanAnAM ca dArANAM cAtra saMsthitaH||23||

kiM nu teSAM gRhe kSemaM akSemaM kinnu sAmprataM

kathaM tekinnusadvRttA durvRttA kinnumesutAH||24||

rAjovAca||25||

yairnirasto bhavA~llubdhaiH putradArAdibhirdhanaiH||26||

teSu kiM bhavataH sneha manubadhnAti mAnasam||27||

vaizya uvAca ||28||

evametadyathA prAha bhavAnasmadgataM vacaH

kiM karomi na badhnAti mama niSTuratAM manaH||29||

aiH santyajya pitRsnehaM dhana lubdhairnirAkRtaH

patiHsvajanahArdaM ca hArditeSveva me manaH| ||30||

kimetannAbhijAnAmi jAnannapi mahAmate

yatprema pravaNaM cittaM viguNeSvapi bandhuSu||31||

teSAM kRte me niHzvAso daurmanasyaM cajAyate||32||

aromi kiM yanna manasteSvaprItiSu niSThuram ||33||

mArkaNDeya uvAca ||34||

tatastau sahitau vipra tammuniM samupasthitau||35||

samAdhirnAma vaizyo'sau sa ca pArdhiva sattamaH||36||

kRtvA tu tau yathAnyAyyaM yathArhaM tena saMvidam|

upaviSTau kathAH kAzcit​ccakraturvaizyapArdhivau||37||

rAjovAca ||38||

bhagavaMstvAmahaM praSTumicchAmyekaM vadasvatat ||39||

duHkhAya yanme manasaH svacittAyattatAM vinA||40||

mamatvaM gatarAjyasya rAjyAGgeSvakhileSvapi |

jAnato'pi yathAjJasya kimetanmunisattama || 41 ||

ayaM ca ikRtaH putraiH dArairbhRtyaistathojghitaH

svajanena ca santyaktaH steSu hArdI tathApyati ||42||

eva meSa tathAhaM ca dvAvaptyantaduHkhitau|

dRSTadoSe'pi viSaye mamatvAkRSTamAnasau ||43||

tatkenaitanmahAbhAga yanmohò jJAninorapi

mamAsya ca bhavatyeSA vivekAndhasya mUDhatA ||44||

RSiruvAca||45||

jJAna masti samastasya jantorvSaya gocare|

viSayazca mahAbhAga yAnti caivaM pRthakpRthak||46||

keciddivA tathA rAtrau prANinaH stulyadRSTayaH ||47||

jJAnino manujAH satyaM kiM tu te na hi kevalam|

yato hi jJAninaH sarve pazupakSimRgAdayaH||48||

jJAnaM ca tanmanuSyANAM yatteSAM mRgapakSiNAM

manuSyANAM ca yatteSAM tulyamanyattathobhayoH||49||

jJAne'pi sati pazyaitAn patagAJchAbacaJcuSu|

kaNamokSAdRtAn mohAtpIDyamAnAnapi kSudhA||50||

mAnuSA manujavyAghra sAbhilASAH sutAn prati

lobhAt pratyupakArAya nanvetAn kiM na pazyasi||51||

tathApi mamatAvarte mohagarte nipAtitAH

mahAmAyA prabhAveNa saMsArasthitikAriNA||52||

tannAtra vismayaH kAryo yoganidrA jagatpateH|

mahAmAyA harezcaiSA tayA sammohyate jagat||53||

jGAninAmapi cetAMsi devI bhagavatI hi sA

balAdAkr2SyamohAya mahAmAyA prayacchati ||54||

tayA visRjyate vizvaM jagadetaccarAcaram |

saiSA prasannA varadA nRNAM bhavati muktaye ||55||

sA vidyA paramA mukterhetubhUtA sanAtanI

saMsArabandhahetuzca saiva sarvezvarezvarI||56||

rAjovAca||57||

bhagavan kAhi sA devI mAmAyeti yAM bhavAn |

bravIti kthamutpannA sA karmAsyAzca kiM dvija||58||

yatprabhAvA ca sA devI yatsvarUpA yadudbhavA|

tatsarvaM zrotumicchAmi tvatto brahmavidAM vara||59||

RSiruvAca ||60||

nityaiva sA jaganmUrtistayA sarvamidaM tatam||61||

tathApi tatsamutpattirbahudhA zrUyatAM mamaH||62||

devAnAM kAryasiddhyarthaM Avirbhavati sA yadA|

utpanneti tadA loke sA nityApyabhidhIyate ||63||

yoganidrAM yadA viSNurjagatyekArNavIkRte|

AstIrya zeSamabhajat kalpAnte bhagavAn prabhuH||64||

tadA dvAvasurau ghorau vikhyAtau madhukaiTabhau|

viSNukarNamalodbhUtau hantuM brahmANamudyatau||65||

sa nAbhi kamale viSNoH sthito brahmA prajApatiH

dRSTvA tAvasurau cograu prasuptaM ca janArdanam||66||

tuSTAva yoganidrAM tAmekAgrahRdayaH sthitaH

vibodhanArdhAya harerharinetrakRtAlayAm ||67||

vizvezvarIM jagaddhAtrIM sthitisaMhArakAriNIm|

nidrAM bhagavatIM viSNoratulAM tejasaH prabhuH ||68||

brahmovAca ||69||

tvaM svAhA tvaM svadhA tvaMhi vaSaTkAraH svarAtmikA|

sudhA tvamakSare nitye tridhA mAtrAtmikA sthitA||70||

ardhamAtrA sthitA nityA yAnuccAryAvizeSataH

tvameva sA tvaM sAvitrI tvaM deva jananI parA ||71||

tvayaitaddhAryate vizvaM tvayaitat sRjyate jagat|

tvayaitat pAlyate devi tvamatsyante ca sarvadA||72||

visRSTau sRSTirUpAtvaM sthiti rUpA ca pAlane|

tathA saMhRtirUpAnte jagato'sya jaganmaye ||73||

mahAvidyA mahAmAyA mahAmedhA mahAsmRtiH|

mahAmohA ca bhavatI mahAdevI mahAsurI ||74||

prakRtistvaM ca sarvasya guNatraya vibhAvinI|

kAlarAtrirmahArAtrirmoharAtrizca dAruNA||75||

tvaM zrIstvamIzvarI tvaM hrIstvaM buddhirbhodhalakSaNA|

lajjApuSTistathA tuSTistvaM zAntiH kSAnti reva ca||76||

khaDginI zUlinI ghorA gadinI cakriNI tathA|

zaGkhiNI cApinI bANAbhuzuNDIparighAyudhA||77||

saumyA saumyatarAzeSasaumyebhyastvatisundarI

parAparANAM paramA tvameva paramezvarI||78||

yacca kiJcitkvacidvastu sadasadvAkhilAtmike|

tasya sarvasya yA zaktiH sA tvaM kiM stUyasemayA||79||

yayA tvayA jagat sraSTA jagatpAtAtti yo jagat|

so'pi nidrAvazaM nItaH kastvAM stotumihezvaraH||80||

viSNuH zarIragrahaNaM ahamIzAna eva ca

kAritAste yato'tastvAM kaH stotuM zaktimAn bhavet||81||

sA tvamitthaM prabhAvaiH svairudArairdevi saMstutA|

mohayaitau durAdharSAvasurau madhukaiTabhau ||82||

prabodhaM ca jagatsvAmI nIyatAmacyutA laghu ||83||

bodhazca kriyatAmasya hantumetau mahAsurau ||83||

RSiruvAca ||84||

evaM stutA tadA devI tAmasI tatra vedhasA

viSNoH prabhodhanArdhAya nihantuM madhukaiTabhau ||85||

netrAsyanAsikAbAhuhRdayebhyastathorasaH|

nirgamya darzane tasthau brahmaNo avyaktajanmanaH ||86||

uttasthau ca jagannAthaH stayA mukto janArdanaH|

ekArNave ahizayanAttataH sa dadRze ca tau ||87||

madhukaiTabhau durAtmAnA vativIryaparAkramau

krodharaktekSaNAvattuM brahmaNAM janitodyamau ||88||

samutthAya tatastAbhyAM yuyudhe bhagavAn hariH

paJcavarSasahastrANi bAhupraharaNo vibhuH ||89||

tAvapyatibalonmattau mahAmAyAvimohitau ||90||

uktavantau varo'smatto vriyatAmiti kezavam ||91||

zrI bhagavAnuvAca ||92||

bhavetAmadya me tuSTau mama vadhyAvubhAvapi ||93||

kimanyena vareNAtra etAvRddi vRtaM mama ||94||

RSiruvAca ||95||

vaJcitAbhyAmiti tadA sarvamApomayaM jagat|

vilokya tAbhyAM gadito bhagavAn kamalekSaNaH ||96||

AvAM jahi na yatrorvI salilena pariplutA| ||97||

RSiruvAca ||98||

tathetyuktvA bhagavatA zaGkhacakragadAbhRtA|

kRtvA cakreNa vai chinne jaghane zirasI tayoH ||99||

evameSA samutpannA brahmaNA saMstutA svayam|

prabhAvamasyA devyAstu bhUyaH zRNu vadAmi te ||100||

|| jaya jaya zrI svasti zrImArkaNDeyapurANe sAvarNike manvantare devImahAtmye madhukaiTabhavadho nAma pradhamo'dhyAyaH ||

Ahuti

OM eM sAGgAyai sAyudhAyai sazaktikAyai saparivArAyai savAhanAyai eM bIjAdhiSTAyai mahA kAlikAyai mahA ahutiM samarpayAmi namaH svAhA ||