Devi Mahatmyam Durga Saptasati Chapter 11

දේවී මාහාත්ම්යං දුර්ගා සප්තශති ඒකාදශෝ(අ)ධ්යායඃ

ශ්ලොක 1

නාරායණීස්තුතිර්නාම ඒකාදශෝ(අ)ධ්යායඃ ..

ධ්යානං

ඕං බාලාර්කවිද්යුතිං ඉන්දුකිරීටාං තුඞ්ගකුචාං නයනත්රයයුක්තාම් .

ස්මේරමුඛීං වරදාඞ්කුශපාශභීතිකරාං ප්රභජේ භුවනේශීම් ..

ඍෂිරුවාච..1..

දේව්යා හතේ තත්ර මහාසුරේන්ද්රේ

සේන්ද්රාඃ සුරා වහ්නිපුරෝගමාස්තාම්.

කාත්යායනීං තුෂ්ටුවුරිෂ්ටලාභා-

ද්විකාසිවක්ත්රාබ්ජ විකාසිතාශාඃ .. 2 ..

දේවි ප්රපන්නාර්තිහරේ ප්රසීද

ප්රසීද මාතර්ජගතෝ(අ)භිලස්ය.

ප්රසීදවිශ්වේශ්වරි පාහිවිශ්වං

ත්වමීශ්වරී දේවි චරාචරස්ය ..3..

ආධාර භූතා ජගතස්ත්වමේකා

මහීස්වරූපේණ යතඃ ස්ථිතාසි

අපාං ස්වරූප ස්ථිතයා ත්වයෛත

දාප්යායතේ කෘත්ස්නමලඞ්ඝ්ය වීර්යේ ..4..

ත්වං වෛෂ්ණවීශක්තිරනන්තවීර්යා

විශ්වස්ය බීජං පරමාසි මායා.

සම්මෝහිතං දේවිසමස්ත මේතත්-

ත්ත්වං වෛ ප්රසන්නා භුවි මුක්තිහේතුඃ ..5..

විද්යාඃ සමස්තාස්තව දේවි භේදාඃ.

ස්ත්රියඃ සමස්තාඃ සකලා ජගත්සු.

ත්වයෛකයා පූරිතමම්බයෛතත්

කාතේ ස්තුතිඃ ස්තව්යපරාපරෝක්තිඃ ..6..

සර්ව භූතා යදා දේවී භුක්ති මුක්තිප්රදායිනී.

ත්වං ස්තුතා ස්තුතයේ කා වා භවන්තු පරමෝක්තයඃ ..7..

සර්වස්ය බුද්ධිරූපේණ ජනස්ය හෘදි සංස්ථිතේ.

ස්වර්ගාපවර්ගදේ දේවි නාරායණි නමෝ(අ)ස්තුතේ ..8..

කලාකාෂ්ඨාදිරූපේණ පරිණාම ප්රදායිනි.

විශ්වස්යෝපරතෞ ශක්තේ නාරායණි නමෝස්තුතේ ..9..

සර්ව මඞ්ගල මාඞ්ගල්යේ ශිවේ සර්වාර්ථ සාධිකේ.

ශරණ්යේ ත්රයම්බකේ ගෞරී නාරායණි නමෝ(අ)ස්තුතේ ..10..

සෘෂ්ටිස්ථිතිවිනාශානාං ශක්තිභූතේ සනාතනි.

ගුණාශ්රයේ ගුණමයේ නාරායණි නමෝ(අ)ස්තුතේ ..11..

ශරණාගත දීනාර්ත පරිත්රාණපරායණේ.

සර්වස්යාර්තිහරේ දේවි නාරායණි නමෝ(අ)ස්තුතේ ..12..

හංසයුක්ත විමානස්ථේ බ්රහ්මාණී රූපධාරිණී.

කෞශාම්භඃ ක්ෂරිකේ දේවි නාරායණි නමෝ(අ)ස්තුතේ..13..

ත්රිශූලචන්ද්රාහිධරේ මහාවෘෂභවාහිනි.

මාහේශ්වරී ස්වරූපේණ නාරායණි නමෝ(අ)ස්තුතේ..14..

මයූර කුක්කුටවෘතේ මහාශක්තිධරේ(අ)නඝේ.

කෞමාරීරූපසංස්ථානේ නාරායණි නමෝස්තුතේ..15..

ශඞ්ඛචක්රගදාශාර්ඞ්ගගෘහීතපරමායුධේ.

ප්රසීද වෛෂ්ණවීරූපේනාරායණි නමෝ(අ)ස්තුතේ..16..

ගෘහීතෝග්රමහාචක්රේ දංෂ්ත්රෝද්ධෘතවසුන්ධරේ.

වරාහරූපිණි ශිවේ නාරායණි නමෝස්තුතේ..17..

නෘසිංහරූපේණෝග්රේණ හන්තුං දෛත්යාන් කෘතෝද්යමේ.

ත්රෛලෝක්යත්රාණසහිතේ නාරායණි නමෝ(අ)ස්තුතේ..18..

කිරීටිනි මහාවජ්රේ සහස්රනයනෝජ්ජ්වලේ.

වෘත්රප්රාණහාරේ චෛන්ද්රි නාරායණි නමෝ(අ)ස්තුතේ..19..

ශිවදූතීස්වරූපේණ හතදෛත්ය මහාබලේ.

ඝෝරරූපේ මහාරාවේ නාරායණි නමෝ(අ)ස්තුතේ..20..

දංෂ්ත්රාකරාල වදනේ ශිරෝමාලාවිභූෂණේ.

චාමුණ්ඩේ මුණ්ඩමථනේ නාරායණි නමෝ(අ)ස්තුතේ..21..

ලක්ෂ්මී ලජ්ජේ මහාවිධ්යේ ශ්රද්ධේ පුෂ්ටි ස්වධේ ධ්රුවේ.

මහාරාත්රි මහාමායේ නාරායණි නමෝ(අ)ස්තුතේ..22..

මේධේ සරස්වති වරේ භූති බාභ්රවි තාමසි.

නියතේ ත්වං ප්රසීදේශේ නාරායණි නමෝ(අ)ස්තුතේ..23..

සර්වස්වරූපේ සර්වේශේ සර්වශක්තිසමන්විතේ.

භයේභ්යස්ත්රාහි නෝ දේවි දුර්ගේ දේවි නමෝ(අ)ස්තුතේ..24..

ඒතත්තේ වදනං සෞම්යං ලෝචනත්රයභූෂිතම්.

පාතු නඃ සර්වභූතේභ්යඃ කාත්යායිනි නමෝ(අ)ස්තුතේ..25..

ජ්වාලාකරාලමත්යුග්රමශේෂාසුරසූදනම්.

ත්රිශූලං පාතු නෝ භීතිර්භද්රකාලි නමෝ(අ)ස්තුතේ..26..

හිනස්ති දෛත්යතේජාංසි ස්වනේනාපූර්ය යා ජගත්.

සා ඝණ්ටා පාතු නෝ දේවි පාපේභ්යෝ නඃ සුතානිව..27..

අසුරාසෘග්වසාපඞ්කචර්චිතස්තේ කරෝජ්වලඃ.

ශුභාය ඛඩ්ගෝ භවතු චණ්ඩිකේ ත්වාං නතා වයම්..28..

රෝගානශේෂානපහංසි තුෂ්ටා

රුෂ්ටා තු කාමා සකලානභීෂ්ටාන්

ත්වාමාශ්රිතානාං න විපන්නරාණාං.

ත්වාමාශ්රිතා ශ්රයතාං ප්රයාන්ති..29..

ඒතත්කෘතං යත්කදනං ත්වයාද්ය

දර්මද්විෂාං දේවි මහාසුරාණාම්.

රූපෛරනේකෛර්භහුධාත්මමූර්තිං

කෘත්වාම්භිකේ තත්ප්රකරෝති කාන්යා..30..

විද්යාසු ශාස්ත්රේෂු විවේක දීපේ

ෂ්වාද්යේෂු වාක්යේෂු ච කා ත්වදන්යා

මමත්වගර්තේ(අ)ති මහාන්ධකාරේ

විභ්රාමයත්යේතදතීව විශ්වම්..31..

රක්ෂාංසි යත්රෝ ග්රවිෂාශ්ච නාගා

යත්රාරයෝ දස්යුබලානි යත්ර.

දාවානලෝ යත්ර තථාබ්ධිමධ්යේ

තත්ර ස්ථිතා ත්වං පරිපාසි විශ්වම්..32..

විශ්වේශ්වරි ත්වං පරිපාසි විශ්වං

විශ්වාත්මිකා ධාරයසීති විශ්වම්.

විශ්වේශවන්ධ්යා භවතී භවන්ති

විශ්වාශ්රයා යේත්වයි භක්තිනම්රාඃ..33..

දේවි ප්රසීද පරිපාලය නෝ(අ)රි

භීතේර්නිත්යං යථාසුරවදාදධුනෛව සද්යඃ.

පාපානි සර්ව ජගතාං ප්රශමං නයාශු

උත්පාතපාකජනිතාංශ්ච මහෝපසර්ගාන්..34..

ප්රණතානාං ප්රසීද ත්වං දේවි විශ්වාර්ති හාරිණි.

ත්රෛලෝක්යවාසිනාමීඩ්යේ ලෝකානාං වරදා භව..35..

දේව්යුවාච..36..

වරදාහං සුරගණා පරං යන්මනසේච්චථ.

තං වෘණුධ්වං ප්රයච්ඡාමි ජගතාමුපකාරකම්..37..

දේවා ඌචුඃ..38..

සර්වබාධා ප්රශමනං ත්රෛලෝක්යස්යාඛිලේශ්වරි.

ඒවමේව ත්වයාකාර්ය මස්මද්වෛරි විනාශනම්..39..

දේව්යුවාච..40..

වෛවස්වතේ(අ)න්තරේ ප්රාප්තේ අෂ්ටාවිංශතිමේ යුගේ.

ශුම්භෝ නිශුම්භශ්චෛවාන්යාවුත්පත්ස්යේතේ මහාසුරෞ..41..

නන්දගෝපගෘහේ ජාතා යශෝදාගර්භ සම්භවා.

තතස්තෞනාශයිෂ්යාමි වින්ධ්යාචලනිවාසිනී..42..

පුනරප්යතිරෞද්රේණ රූපේණ පෘථිවීතලේ.

අවතීර්ය හවිෂ්යාමි වෛප්රචිත්තාංස්තු දානවාන්..43..

භක්ෂ්ය යන්ත්යාශ්ච තානුග්රාන් වෛප්රචිත්තාන් මහාසුරාන්.

රක්තදන්තා භවිෂ්යන්ති දාඩිමීකුසුමෝපමාඃ..44..

තතෝ මාං දේවතාඃ ස්වර්ගේ මර්ත්යලෝකේ ච මානවාඃ.

ස්තුවන්තෝ ව්යාහරිෂ්යන්ති සතතං රක්තදන්තිකාම්..45..

භූයශ්ච ශතවාර්ෂික්යාං අනාවෘෂ්ට්යාමනම්භසි.

මුනිභිඃ සංස්තුතා භූමෞ සම්භවිෂ්යාම්යයෝනිජා..46..

තතඃ ශතේන නේත්රාණාං නිරීක්ෂිෂ්යාම්යහං මුනීන්

කීර්තියිෂ්යන්ති මනුජාඃ ශතාක්ෂීමිති මාං තතඃ..47..

තතෝ(අ) හමඛිලං ලෝකමාත්මදේහසමුද්භවෛඃ.

භරිෂ්යාමි සුරාඃ ශාකෛරාවෘෂ්ටේඃ ප්රාණ ධාරකෛඃ..48..

ශාකම්භරීති විඛ්යාතිං තදා යාස්යාම්යහං භුවි.

තත්රෛව ච වධිෂ්යාමි දුර්ගමාඛ්යං මහාසුරම්..49..

දුර්ගාදේවීති විඛ්යාතං තන්මේ නාම භවිෂ්යති.

පුනශ්චාහං යදාභීමං රූපං කෘත්වා හිමාචලේ..50..

රක්ෂාංසි ක්ෂයයිෂ්යාමි මුනීනාං ත්රාණ කාරණාත්.

තදා මාං මුනයඃ සර්වේ ස්තෝෂ්යන්ත්යාන ම්රමූර්තයඃ..51..

භීමාදේවීති විඛ්යාතං තන්මේ නාම භවිෂ්යති.

යදාරුණාඛ්යස්ත්රෛලොක්යේ මහාබාධාං කරිෂ්යති..52..

තදාහං භ්රාමරං රූපං කෘත්වාසජ්ඛ්යේයෂට්පදම්.

ත්රෛලෝක්යස්ය හිතාර්ථාය වධිෂ්යාමි මහාසුරම්..53..

භ්රාමරීතිච මාං ලෝකා ස්තදාස්තෝෂ්යන්ති සර්වතඃ.

ඉත්ථං යදා යදා බාධා දානවෝත්ථා භවිෂ්යති..54..

තදා තදාවතීර්යාහං කරිෂ්යාම්යරිසඞ්ක්ෂයම් ..55..

.. ස්වස්ති ශ්රී මාර්කණ්ඩේය පුරාණේ සාවර්නිකේ මන්වන්තරේ දේවි මහත්ම්යේ නාරායණීස්තුතිර්නාම ඒකාදශෝ(අ)ධ්යායඃ සමාප්තම් ..

ආහුති

ඕං ක්ලීං ජයන්තී සාඞ්ගායෛ සශක්තිකායෛ සපරිවාරායෛ සවාහනායෛ ලක්ෂ්මීබීජාධිෂ්තායෛ ගරුඩවාහන්යෛ නාරයණී දේව්යෛ-මහාහුතිං සමර්පයාමි නමඃ ස්වාහා ..