Devi Mahatmyam Durga Saptasati Chapter 11

ଦେଵୀ ମାହାତ୍ମ୍ଯଂ ଦୁର୍ଗା ସପ୍ତଶତି ଏକାଦଶୋଽଧ୍ଯାଯଃ

ଶ୍ଲୋକ 1

ନାରାଯଣୀସ୍ତୁତିର୍ନାମ ଏକାଦଶୋଽଧ୍ଯାଯଃ ॥

ଧ୍ଯାନଂ

ଓଁ ବାଲାର୍କଵିଦ୍ଯୁତିଂ ଇନ୍ଦୁକିରୀଟାଂ ତୁଙ୍ଗକୁଚାଂ ନଯନତ୍ରଯଯୁକ୍ତାମ୍ ।

ସ୍ମେରମୁଖୀଂ ଵରଦାଙ୍କୁଶପାଶଭୀତିକରାଂ ପ୍ରଭଜେ ଭୁଵନେଶୀମ୍ ॥

ଋଷିରୁଵାଚ

ଶ୍ଲୋକ 2

ଦେଵ୍ଯା ହତେ ତତ୍ର ମହାସୁରେନ୍ଦ୍ରେ

ସେନ୍ଦ୍ରାଃ ସୁରା ଵହ୍ନିପୁରୋଗମାସ୍ତାମ୍।

କାତ୍ଯାଯନୀଂ ତୁଷ୍ଟୁଵୁରିଷ୍ଟଲାଭା-

ଦ୍ଵିକାସିଵକ୍ତ୍ରାବ୍ଜ ଵିକାସିତାଶାଃ

॥1॥

ଶ୍ଲୋକ 3

ଦେଵି ପ୍ରପନ୍ନାର୍ତିହରେ ପ୍ରସୀଦ

ପ୍ରସୀଦ ମାତର୍ଜଗତୋଽଭିଲସ୍ଯ।

ପ୍ରସୀଦଵିଶ୍ଵେଶ୍ଵରି ପାହିଵିଶ୍ଵଂ

ତ୍ଵମୀଶ୍ଵରୀ ଦେଵି ଚରାଚରସ୍ଯ

॥ 2 ॥

ଶ୍ଲୋକ 4

ଆଧାର ଭୂତା ଜଗତସ୍ତ୍ଵମେକା

ମହୀସ୍ଵରୂପେଣ ଯତଃ ସ୍ଥିତାସି

ଅପାଂ ସ୍ଵରୂପ ସ୍ଥିତଯା ତ୍ଵଯୈତ

ଦାପ୍ଯାଯତେ କୃତ୍ସ୍ନମଲଙ୍ଘ୍ଯ ଵୀର୍ଯେ

॥3॥

ଶ୍ଲୋକ 5

ତ୍ଵଂ ଵୈଷ୍ଣଵୀଶକ୍ତିରନନ୍ତଵୀର୍ଯା

ଵିଶ୍ଵସ୍ଯ ବୀଜଂ ପରମାସି ମାଯା।

ସମ୍ମୋହିତଂ ଦେଵିସମସ୍ତ ମେତତ୍-

ତ୍ତ୍ଵଂ ଵୈ ପ୍ରସନ୍ନା ଭୁଵି ମୁକ୍ତିହେତୁଃ

॥4॥

ଶ୍ଲୋକ 6

ଵିଦ୍ଯାଃ ସମସ୍ତାସ୍ତଵ ଦେଵି ଭେଦାଃ।

ସ୍ତ୍ରିଯଃ ସମସ୍ତାଃ ସକଲା ଜଗତ୍ସୁ।

ତ୍ଵଯୈକଯା ପୂରିତମମ୍ବଯୈତତ୍

କାତେ ସ୍ତୁତିଃ ସ୍ତଵ୍ଯପରାପରୋକ୍ତିଃ

॥5॥

ଶ୍ଲୋକ 7

ସର୍ଵ ଭୂତା ଯଦା ଦେଵୀ ଭୁକ୍ତି ମୁକ୍ତିପ୍ରଦାଯିନୀ।

ତ୍ଵଂ ସ୍ତୁତା ସ୍ତୁତଯେ କା ଵା ଭଵନ୍ତୁ ପରମୋକ୍ତଯଃ

॥6॥

ଶ୍ଲୋକ 8

ସର୍ଵସ୍ଯ ବୁଦ୍ଧିରୂପେଣ ଜନସ୍ଯ ହୃଦି ସଂସ୍ଥିତେ।

ସ୍ଵର୍ଗାପଵର୍ଗଦେ ଦେଵି ନାରାଯଣି ନମୋଽସ୍ତୁତେ

॥7॥

ଶ୍ଲୋକ 9

କଲାକାଷ୍ଠାଦିରୂପେଣ ପରିଣାମ ପ୍ରଦାଯିନି।

ଵିଶ୍ଵସ୍ଯୋପରତୌ ଶକ୍ତେ ନାରାଯଣି ନମୋସ୍ତୁତେ

॥8॥

ଶ୍ଲୋକ 10

ସର୍ଵ ମଙ୍ଗଲ ମାଙ୍ଗଲ୍ଯେ ଶିଵେ ସର୍ଵାର୍ଥ ସାଧିକେ।

ଶରଣ୍ଯେ ତ୍ରଯମ୍ବକେ ଗୌରୀ ନାରାଯଣି ନମୋଽସ୍ତୁତେ

॥9॥

ଶ୍ଲୋକ 11

ସୃଷ୍ଟିସ୍ଥିତିଵିନାଶାନାଂ ଶକ୍ତିଭୂତେ ସନାତନି।

ଗୁଣାଶ୍ରଯେ ଗୁଣମଯେ ନାରାଯଣି ନମୋଽସ୍ତୁତେ

॥10॥

ଶ୍ଲୋକ 12

ଶରଣାଗତ ଦୀନାର୍ତ ପରିତ୍ରାଣପରାଯଣେ।

ସର୍ଵସ୍ଯାର୍ତିହରେ ଦେଵି ନାରାଯଣି ନମୋଽସ୍ତୁତେ

॥11॥

ଶ୍ଲୋକ 13

ହଂସଯୁକ୍ତ ଵିମାନସ୍ଥେ ବ୍ରହ୍ମାଣୀ ରୂପଧାରିଣୀ।

କୌଶାମ୍ଭଃ କ୍ଷରିକେ ଦେଵି ନାରାଯଣି ନମୋଽସ୍ତୁତେ

॥12॥

ଶ୍ଲୋକ 14

ତ୍ରିଶୂଲଚନ୍ଦ୍ରାହିଧରେ ମହାଵୃଷଭଵାହିନି।

ମାହେଶ୍ଵରୀ ସ୍ଵରୂପେଣ ନାରାଯଣି ନମୋଽସ୍ତୁତେ

॥13॥

ଶ୍ଲୋକ 15

ମଯୂର କୁକ୍କୁଟଵୃତେ ମହାଶକ୍ତିଧରେଽନଘେ।

କୌମାରୀରୂପସଂସ୍ଥାନେ ନାରାଯଣି ନମୋସ୍ତୁତେ

॥14॥

ଶ୍ଲୋକ 16

ଶଙ୍ଖଚକ୍ରଗଦାଶାର୍ଙ୍ଗଗୃହୀତପରମାଯୁଧେ।

ପ୍ରସୀଦ ଵୈଷ୍ଣଵୀରୂପେନାରାଯଣି ନମୋଽସ୍ତୁତେ

॥15॥

ଶ୍ଲୋକ 17

ଗୃହୀତୋଗ୍ରମହାଚକ୍ରେ ଦଂଷ୍ତ୍ରୋଦ୍ଧୃତଵସୁନ୍ଧରେ।

ଵରାହରୂପିଣି ଶିଵେ ନାରାଯଣି ନମୋସ୍ତୁତେ

॥16॥

ଶ୍ଲୋକ 18

ନୃସିଂହରୂପେଣୋଗ୍ରେଣ ହନ୍ତୁଂ ଦୈତ୍ଯାନ୍ କୃତୋଦ୍ଯମେ।

ତ୍ରୈଲୋକ୍ଯତ୍ରାଣସହିତେ ନାରାଯଣି ନମୋଽସ୍ତୁତେ

॥17॥

ଶ୍ଲୋକ 19

କିରୀଟିନି ମହାଵଜ୍ରେ ସହସ୍ରନଯନୋଜ୍ଜ୍ଵଲେ।

ଵୃତ୍ରପ୍ରାଣହାରେ ଚୈନ୍ଦ୍ରି ନାରାଯଣି ନମୋଽସ୍ତୁତେ

॥18॥

ଶ୍ଲୋକ 20

ଶିଵଦୂତୀସ୍ଵରୂପେଣ ହତଦୈତ୍ଯ ମହାବଲେ।

ଘୋରରୂପେ ମହାରାଵେ ନାରାଯଣି ନମୋଽସ୍ତୁତେ

॥19॥

ଶ୍ଲୋକ 21

ଦଂଷ୍ତ୍ରାକରାଲ ଵଦନେ ଶିରୋମାଲାଵିଭୂଷଣେ।

ଚାମୁଣ୍ଡେ ମୁଣ୍ଡମଥନେ ନାରାଯଣି ନମୋଽସ୍ତୁତେ

॥20॥

ଶ୍ଲୋକ 22

ଲକ୍ଷ୍ମୀ ଲଜ୍ଜେ ମହାଵିଧ୍ଯେ ଶ୍ରଦ୍ଧେ ପୁଷ୍ଟି ସ୍ଵଧେ ଧ୍ରୁଵେ।

ମହାରାତ୍ରି ମହାମାଯେ ନାରାଯଣି ନମୋଽସ୍ତୁତେ

॥21॥

ଶ୍ଲୋକ 23

ମେଧେ ସରସ୍ଵତି ଵରେ ଭୂତି ବାଭ୍ରଵି ତାମସି।

ନିଯତେ ତ୍ଵଂ ପ୍ରସୀଦେଶେ ନାରାଯଣି ନମୋଽସ୍ତୁତେ

॥22॥

ଶ୍ଲୋକ 24

ସର୍ଵସ୍ଵରୂପେ ସର୍ଵେଶେ ସର୍ଵଶକ୍ତିସମନ୍ଵିତେ।

ଭଯେଭ୍ଯସ୍ତ୍ରାହି ନୋ ଦେଵି ଦୁର୍ଗେ ଦେଵି ନମୋଽସ୍ତୁତେ

॥23॥

ଶ୍ଲୋକ 25

ଏତତ୍ତେ ଵଦନଂ ସୌମ୍ଯଂ ଲୋଚନତ୍ରଯଭୂଷିତମ୍।

ପାତୁ ନଃ ସର୍ଵଭୂତେଭ୍ଯଃ କାତ୍ଯାଯିନି ନମୋଽସ୍ତୁତେ

॥24॥

ଶ୍ଲୋକ 26

ଜ୍ଵାଲାକରାଲମତ୍ଯୁଗ୍ରମଶେଷାସୁରସୂଦନମ୍।

ତ୍ରିଶୂଲଂ ପାତୁ ନୋ ଭୀତିର୍ଭଦ୍ରକାଲି ନମୋଽସ୍ତୁତେ

॥25॥

ଶ୍ଲୋକ 27

ହିନସ୍ତି ଦୈତ୍ଯତେଜାଂସି ସ୍ଵନେନାପୂର୍ଯ ଯା ଜଗତ୍।

ସା ଘଣ୍ଟା ପାତୁ ନୋ ଦେଵି ପାପେଭ୍ଯୋ ନଃ ସୁତାନିଵ

॥26॥

ଶ୍ଲୋକ 28

ଅସୁରାସୃଗ୍ଵସାପଙ୍କଚର୍ଚିତସ୍ତେ କରୋଜ୍ଵଲଃ।

ଶୁଭାଯ ଖଡ୍ଗୋ ଭଵତୁ ଚଣ୍ଡିକେ ତ୍ଵାଂ ନତା ଵଯମ୍

॥27॥

ଶ୍ଲୋକ 29

ରୋଗାନଶେଷାନପହଂସି ତୁଷ୍ଟା

ରୁଷ୍ଟା ତୁ କାମା ସକଲାନଭୀଷ୍ଟାନ୍

ତ୍ଵାମାଶ୍ରିତାନାଂ ନ ଵିପନ୍ନରାଣାଂ।

ତ୍ଵାମାଶ୍ରିତା ଶ୍ରଯତାଂ ପ୍ରଯାନ୍ତି

॥28॥

ଶ୍ଲୋକ 30

ଏତତ୍କୃତଂ ଯତ୍କଦନଂ ତ୍ଵଯାଦ୍ଯ

ଦର୍ମଦ୍ଵିଷାଂ ଦେଵି ମହାସୁରାଣାମ୍।

ରୂପୈରନେକୈର୍ଭହୁଧାତ୍ମମୂର୍ତିଂ

କୃତ୍ଵାମ୍ଭିକେ ତତ୍ପ୍ରକରୋତି କାନ୍ଯା

॥29॥

ଶ୍ଲୋକ 31

ଵିଦ୍ଯାସୁ ଶାସ୍ତ୍ରେଷୁ ଵିଵେକ ଦୀପେ

ଷ୍ଵାଦ୍ଯେଷୁ ଵାକ୍ଯେଷୁ ଚ କା ତ୍ଵଦନ୍ଯା

ମମତ୍ଵଗର୍ତେଽତି ମହାନ୍ଧକାରେ

ଵିଭ୍ରାମଯତ୍ଯେତଦତୀଵ ଵିଶ୍ଵମ୍

॥30॥

ଶ୍ଲୋକ 32

ରକ୍ଷାଂସି ଯତ୍ରୋ ଗ୍ରଵିଷାଶ୍ଚ ନାଗା

ଯତ୍ରାରଯୋ ଦସ୍ଯୁବଲାନି ଯତ୍ର।

ଦାଵାନଲୋ ଯତ୍ର ତଥାବ୍ଧିମଧ୍ଯେ

ତତ୍ର ସ୍ଥିତା ତ୍ଵଂ ପରିପାସି ଵିଶ୍ଵମ୍

॥31॥

ଶ୍ଲୋକ 33

ଵିଶ୍ଵେଶ୍ଵରି ତ୍ଵଂ ପରିପାସି ଵିଶ୍ଵଂ

ଵିଶ୍ଵାତ୍ମିକା ଧାରଯସୀତି ଵିଶ୍ଵମ୍।

ଵିଶ୍ଵେଶଵନ୍ଧ୍ଯା ଭଵତୀ ଭଵନ୍ତି

ଵିଶ୍ଵାଶ୍ରଯା ଯେତ୍ଵଯି ଭକ୍ତିନମ୍ରାଃ

॥32॥

ଶ୍ଲୋକ 34

ଦେଵି ପ୍ରସୀଦ ପରିପାଲଯ ନୋଽରି

ଭୀତେର୍ନିତ୍ଯଂ ଯଥାସୁରଵଦାଦଧୁନୈଵ ସଦ୍ଯଃ।

ପାପାନି ସର୍ଵ ଜଗତାଂ ପ୍ରଶମଂ ନଯାଶୁ

ଉତ୍ପାତପାକଜନିତାଂଶ୍ଚ ମହୋପସର୍ଗାନ୍

॥33॥

ଶ୍ଲୋକ 35

ପ୍ରଣତାନାଂ ପ୍ରସୀଦ ତ୍ଵଂ ଦେଵି ଵିଶ୍ଵାର୍ତି ହାରିଣି।

ତ୍ରୈଲୋକ୍ଯଵାସିନାମୀଡ୍ଯେ ଲୋକାନାଂ ଵରଦା ଭଵ

॥34॥

ଶ୍ଲୋକ 36

ଦେଵ୍ଯୁଵାଚ

॥35॥

ଶ୍ଲୋକ 37

ଵରଦାହଂ ସୁରଗଣା ପରଂ ଯନ୍ମନସେଚ୍ଚଥ।

ତଂ ଵୃଣୁଧ୍ଵଂ ପ୍ରଯଚ୍ଛାମି ଜଗତାମୁପକାରକମ୍

॥36॥

ଶ୍ଲୋକ 38

ଦେଵା ଊଚୁଃ

॥37॥

ଶ୍ଲୋକ 39

ସର୍ଵବାଧା ପ୍ରଶମନଂ ତ୍ରୈଲୋକ୍ଯସ୍ଯାଖିଲେଶ୍ଵରି।

ଏଵମେଵ ତ୍ଵଯାକାର୍ଯ ମସ୍ମଦ୍ଵୈରି ଵିନାଶନମ୍

॥38॥

ଶ୍ଲୋକ 40

ଦେଵ୍ଯୁଵାଚ

॥39॥

ଶ୍ଲୋକ 41

ଵୈଵସ୍ଵତେଽନ୍ତରେ ପ୍ରାପ୍ତେ ଅଷ୍ଟାଵିଂଶତିମେ ଯୁଗେ।

ଶୁମ୍ଭୋ ନିଶୁମ୍ଭଶ୍ଚୈଵାନ୍ଯାଵୁତ୍ପତ୍ସ୍ଯେତେ ମହାସୁରୌ

॥40॥

ଶ୍ଲୋକ 42

ନନ୍ଦଗୋପଗୃହେ ଜାତା ଯଶୋଦାଗର୍ଭ ସମ୍ଭଵା।

ତତସ୍ତୌନାଶଯିଷ୍ଯାମି ଵିନ୍ଧ୍ଯାଚଲନିଵାସିନୀ

॥41॥

ଶ୍ଲୋକ 43

ପୁନରପ୍ଯତିରୌଦ୍ରେଣ ରୂପେଣ ପୃଥିଵୀତଲେ।

ଅଵତୀର୍ଯ ହଵିଷ୍ଯାମି ଵୈପ୍ରଚିତ୍ତାଂସ୍ତୁ ଦାନଵାନ୍

॥42॥

ଶ୍ଲୋକ 44

ଭକ୍ଷ୍ଯ ଯନ୍ତ୍ଯାଶ୍ଚ ତାନୁଗ୍ରାନ୍ ଵୈପ୍ରଚିତ୍ତାନ୍ ମହାସୁରାନ୍।

ରକ୍ତଦନ୍ତା ଭଵିଷ୍ଯନ୍ତି ଦାଡିମୀକୁସୁମୋପମାଃ

॥43॥

ଶ୍ଲୋକ 45

ତତୋ ମାଂ ଦେଵତାଃ ସ୍ଵର୍ଗେ ମର୍ତ୍ଯଲୋକେ ଚ ମାନଵାଃ।

ସ୍ତୁଵନ୍ତୋ ଵ୍ଯାହରିଷ୍ଯନ୍ତି ସତତଂ ରକ୍ତଦନ୍ତିକାମ୍

॥44॥

ଶ୍ଲୋକ 46

ଭୂଯଶ୍ଚ ଶତଵାର୍ଷିକ୍ଯାଂ ଅନାଵୃଷ୍ଟ୍ଯାମନମ୍ଭସି।

ମୁନିଭିଃ ସଂସ୍ତୁତା ଭୂମୌ ସମ୍ଭଵିଷ୍ଯାମ୍ଯଯୋନିଜା

॥45॥

ଶ୍ଲୋକ 47

ତତଃ ଶତେନ ନେତ୍ରାଣାଂ ନିରୀକ୍ଷିଷ୍ଯାମ୍ଯହଂ ମୁନୀନ୍

କୀର୍ତିଯିଷ୍ଯନ୍ତି ମନୁଜାଃ ଶତାକ୍ଷୀମିତି ମାଂ ତତଃ

॥46॥

ଶ୍ଲୋକ 48

ତତୋଽ ହମଖିଲଂ ଲୋକମାତ୍ମଦେହସମୁଦ୍ଭଵୈଃ।

ଭରିଷ୍ଯାମି ସୁରାଃ ଶାକୈରାଵୃଷ୍ଟେଃ ପ୍ରାଣ ଧାରକୈଃ

॥47॥

ଶ୍ଲୋକ 49

ଶାକମ୍ଭରୀତି ଵିଖ୍ଯାତିଂ ତଦା ଯାସ୍ଯାମ୍ଯହଂ ଭୁଵି।

ତତ୍ରୈଵ ଚ ଵଧିଷ୍ଯାମି ଦୁର୍ଗମାଖ୍ଯଂ ମହାସୁରମ୍

॥48॥

ଶ୍ଲୋକ 50

ଦୁର୍ଗାଦେଵୀତି ଵିଖ୍ଯାତଂ ତନ୍ମେ ନାମ ଭଵିଷ୍ଯତି।

ପୁନଶ୍ଚାହଂ ଯଦାଭୀମଂ ରୂପଂ କୃତ୍ଵା ହିମାଚଲେ

॥49॥

ଶ୍ଲୋକ 51

ରକ୍ଷାଂସି କ୍ଷଯଯିଷ୍ଯାମି ମୁନୀନାଂ ତ୍ରାଣ କାରଣାତ୍।

ତଦା ମାଂ ମୁନଯଃ ସର୍ଵେ ସ୍ତୋଷ୍ଯନ୍ତ୍ଯାନ ମ୍ରମୂର୍ତଯଃ

॥50॥

ଶ୍ଲୋକ 52

ଭୀମାଦେଵୀତି ଵିଖ୍ଯାତଂ ତନ୍ମେ ନାମ ଭଵିଷ୍ଯତି।

ଯଦାରୁଣାଖ୍ଯସ୍ତ୍ରୈଲॊକ୍ଯେ ମହାବାଧାଂ କରିଷ୍ଯତି

॥51॥

ଶ୍ଲୋକ 53

ତଦାହଂ ଭ୍ରାମରଂ ରୂପଂ କୃତ୍ଵାସଜ୍ଖ୍ଯେଯଷଟ୍ପଦମ୍।

ତ୍ରୈଲୋକ୍ଯସ୍ଯ ହିତାର୍ଥାଯ ଵଧିଷ୍ଯାମି ମହାସୁରମ୍

॥52॥

ଶ୍ଲୋକ 54

ଭ୍ରାମରୀତିଚ ମାଂ ଲୋକା ସ୍ତଦାସ୍ତୋଷ୍ଯନ୍ତି ସର୍ଵତଃ।

ଇତ୍ଥଂ ଯଦା ଯଦା ବାଧା ଦାନଵୋତ୍ଥା ଭଵିଷ୍ଯତି

॥53॥

ଶ୍ଲୋକ 55

ତଦା ତଦାଵତୀର୍ଯାହଂ କରିଷ୍ଯାମ୍ଯରିସଙ୍କ୍ଷଯମ୍

॥54॥

ଶ୍ଲୋକ 56

॥ ସ୍ଵସ୍ତି ଶ୍ରୀ ମାର୍କଣ୍ଡେଯ ପୁରାଣେ ସାଵର୍ନିକେ ମନ୍ଵନ୍ତରେ ଦେଵି ମହତ୍ମ୍ଯେ ନାରାଯଣୀସ୍ତୁତିର୍ନାମ ଏକାଦଶୋଽଧ୍ଯାଯଃ ସମାପ୍ତମ୍ ॥

ଆହୁତି

ଓଁ କ୍ଲୀଂ ଜଯନ୍ତୀ ସାଙ୍ଗାଯୈ ସଶକ୍ତିକାଯୈ ସପରିଵାରାଯୈ ସଵାହନାଯୈ ଲକ୍ଷ୍ମୀବୀଜାଧିଷ୍ତାଯୈ ଗରୁଡଵାହନ୍ଯୈ ନାରଯଣୀ ଦେଵ୍ଯୈ-ମହାହୁତିଂ ସମର୍ପଯାମି ନମଃ ସ୍ଵାହା ॥