Devi Mahatmyam Durga Saptasati Chapter 11

দেবী মাহাত্ম্যং দুর্গা সপ্তশতি একাদশোঽধ্যাযঃ

শ্লোক 1

নারাযণীস্তুতির্নাম একাদশোঽধ্যাযঃ ॥

ধ্যানং

ওঁ বালার্কবিদ্যুতিং ইন্দুকিরীটাং তুঙ্গকুচাং নযনত্রযযুক্তাম্ ।

স্মেরমুখীং বরদাঙ্কুশপাশভীতিকরাং প্রভজে ভুবনেশীম্ ॥

ঋষিরুবাচ

শ্লোক 2

দেব্যা হতে তত্র মহাসুরেন্দ্রে

সেন্দ্রাঃ সুরা বহ্নিপুরোগমাস্তাম্।

কাত্যাযনীং তুষ্টুবুরিষ্টলাভা-

দ্বিকাসিবক্ত্রাব্জ বিকাসিতাশাঃ

॥1॥

শ্লোক 3

দেবি প্রপন্নার্তিহরে প্রসীদ

প্রসীদ মাতর্জগতোঽভিলস্য।

প্রসীদবিশ্বেশ্বরি পাহিবিশ্বং

ত্বমীশ্বরী দেবি চরাচরস্য

॥ 2 ॥

শ্লোক 4

আধার ভূতা জগতস্ত্বমেকা

মহীস্বরূপেণ যতঃ স্থিতাসি

অপাং স্বরূপ স্থিতযা ত্বযৈত

দাপ্যাযতে কৃত্স্নমলঙ্ঘ্য বীর্যে

॥3॥

শ্লোক 5

ত্বং বৈষ্ণবীশক্তিরনন্তবীর্যা

বিশ্বস্য বীজং পরমাসি মাযা।

সম্মোহিতং দেবিসমস্ত মেতত্-

ত্ত্বং বৈ প্রসন্না ভুবি মুক্তিহেতুঃ

॥4॥

শ্লোক 6

বিদ্যাঃ সমস্তাস্তব দেবি ভেদাঃ।

স্ত্রিযঃ সমস্তাঃ সকলা জগত্সু।

ত্বযৈকযা পূরিতমম্বযৈতত্

কাতে স্তুতিঃ স্তব্যপরাপরোক্তিঃ

॥5॥

শ্লোক 7

সর্ব ভূতা যদা দেবী ভুক্তি মুক্তিপ্রদাযিনী।

ত্বং স্তুতা স্তুতযে কা বা ভবন্তু পরমোক্তযঃ

॥6॥

শ্লোক 8

সর্বস্য বুদ্ধিরূপেণ জনস্য হৃদি সংস্থিতে।

স্বর্গাপবর্গদে দেবি নারাযণি নমোঽস্তুতে

॥7॥

শ্লোক 9

কলাকাষ্ঠাদিরূপেণ পরিণাম প্রদাযিনি।

বিশ্বস্যোপরতৌ শক্তে নারাযণি নমোস্তুতে

॥8॥

শ্লোক 10

সর্ব মঙ্গল মাঙ্গল্যে শিবে সর্বার্থ সাধিকে।

শরণ্যে ত্রযম্বকে গৌরী নারাযণি নমোঽস্তুতে

॥9॥

শ্লোক 11

সৃষ্টিস্থিতিবিনাশানাং শক্তিভূতে সনাতনি।

গুণাশ্রযে গুণমযে নারাযণি নমোঽস্তুতে

॥10॥

শ্লোক 12

শরণাগত দীনার্ত পরিত্রাণপরাযণে।

সর্বস্যার্তিহরে দেবি নারাযণি নমোঽস্তুতে

॥11॥

শ্লোক 13

হংসযুক্ত বিমানস্থে ব্রহ্মাণী রূপধারিণী।

কৌশাম্ভঃ ক্ষরিকে দেবি নারাযণি নমোঽস্তুতে

॥12॥

শ্লোক 14

ত্রিশূলচন্দ্রাহিধরে মহাবৃষভবাহিনি।

মাহেশ্বরী স্বরূপেণ নারাযণি নমোঽস্তুতে

॥13॥

শ্লোক 15

মযূর কুক্কুটবৃতে মহাশক্তিধরেঽনঘে।

কৌমারীরূপসংস্থানে নারাযণি নমোস্তুতে

॥14॥

শ্লোক 16

শঙ্খচক্রগদাশার্ঙ্গগৃহীতপরমাযুধে।

প্রসীদ বৈষ্ণবীরূপেনারাযণি নমোঽস্তুতে

॥15॥

শ্লোক 17

গৃহীতোগ্রমহাচক্রে দংষ্ত্রোদ্ধৃতবসুন্ধরে।

বরাহরূপিণি শিবে নারাযণি নমোস্তুতে

॥16॥

শ্লোক 18

নৃসিংহরূপেণোগ্রেণ হন্তুং দৈত্যান্ কৃতোদ্যমে।

ত্রৈলোক্যত্রাণসহিতে নারাযণি নমোঽস্তুতে

॥17॥

শ্লোক 19

কিরীটিনি মহাবজ্রে সহস্রনযনোজ্জ্বলে।

বৃত্রপ্রাণহারে চৈন্দ্রি নারাযণি নমোঽস্তুতে

॥18॥

শ্লোক 20

শিবদূতীস্বরূপেণ হতদৈত্য মহাবলে।

ঘোররূপে মহারাবে নারাযণি নমোঽস্তুতে

॥19॥

শ্লোক 21

দংষ্ত্রাকরাল বদনে শিরোমালাবিভূষণে।

চামুণ্ডে মুণ্ডমথনে নারাযণি নমোঽস্তুতে

॥20॥

শ্লোক 22

লক্ষ্মী লজ্জে মহাবিধ্যে শ্রদ্ধে পুষ্টি স্বধে ধ্রুবে।

মহারাত্রি মহামাযে নারাযণি নমোঽস্তুতে

॥21॥

শ্লোক 23

মেধে সরস্বতি বরে ভূতি বাভ্রবি তামসি।

নিযতে ত্বং প্রসীদেশে নারাযণি নমোঽস্তুতে

॥22॥

শ্লোক 24

সর্বস্বরূপে সর্বেশে সর্বশক্তিসমন্বিতে।

ভযেভ্যস্ত্রাহি নো দেবি দুর্গে দেবি নমোঽস্তুতে

॥23॥

শ্লোক 25

এতত্তে বদনং সৌম্যং লোচনত্রযভূষিতম্।

পাতু নঃ সর্বভূতেভ্যঃ কাত্যাযিনি নমোঽস্তুতে

॥24॥

শ্লোক 26

জ্বালাকরালমত্যুগ্রমশেষাসুরসূদনম্।

ত্রিশূলং পাতু নো ভীতির্ভদ্রকালি নমোঽস্তুতে

॥25॥

শ্লোক 27

হিনস্তি দৈত্যতেজাংসি স্বনেনাপূর্য যা জগত্।

সা ঘণ্টা পাতু নো দেবি পাপেভ্যো নঃ সুতানিব

॥26॥

শ্লোক 28

অসুরাসৃগ্বসাপঙ্কচর্চিতস্তে করোজ্বলঃ।

শুভায খড্গো ভবতু চণ্ডিকে ত্বাং নতা বযম্

॥27॥

শ্লোক 29

রোগানশেষানপহংসি তুষ্টা

রুষ্টা তু কামা সকলানভীষ্টান্

ত্বামাশ্রিতানাং ন বিপন্নরাণাং।

ত্বামাশ্রিতা শ্রযতাং প্রযান্তি

॥28॥

শ্লোক 30

এতত্কৃতং যত্কদনং ত্বযাদ্য

দর্মদ্বিষাং দেবি মহাসুরাণাম্।

রূপৈরনেকৈর্ভহুধাত্মমূর্তিং

কৃত্বাম্ভিকে তত্প্রকরোতি কান্যা

॥29॥

শ্লোক 31

বিদ্যাসু শাস্ত্রেষু বিবেক দীপে

ষ্বাদ্যেষু বাক্যেষু চ কা ত্বদন্যা

মমত্বগর্তেঽতি মহান্ধকারে

বিভ্রামযত্যেতদতীব বিশ্বম্

॥30॥

শ্লোক 32

রক্ষাংসি যত্রো গ্রবিষাশ্চ নাগা

যত্রারযো দস্যুবলানি যত্র।

দাবানলো যত্র তথাব্ধিমধ্যে

তত্র স্থিতা ত্বং পরিপাসি বিশ্বম্

॥31॥

শ্লোক 33

বিশ্বেশ্বরি ত্বং পরিপাসি বিশ্বং

বিশ্বাত্মিকা ধারযসীতি বিশ্বম্।

বিশ্বেশবন্ধ্যা ভবতী ভবন্তি

বিশ্বাশ্রযা যেত্বযি ভক্তিনম্রাঃ

॥32॥

শ্লোক 34

দেবি প্রসীদ পরিপালয নোঽরি

ভীতের্নিত্যং যথাসুরবদাদধুনৈব সদ্যঃ।

পাপানি সর্ব জগতাং প্রশমং নযাশু

উত্পাতপাকজনিতাংশ্চ মহোপসর্গান্

॥33॥

শ্লোক 35

প্রণতানাং প্রসীদ ত্বং দেবি বিশ্বার্তি হারিণি।

ত্রৈলোক্যবাসিনামীড্যে লোকানাং বরদা ভব

॥34॥

শ্লোক 36

দেব্যুবাচ

॥35॥

শ্লোক 37

বরদাহং সুরগণা পরং যন্মনসেচ্চথ।

তং বৃণুধ্বং প্রযচ্ছামি জগতামুপকারকম্

॥36॥

শ্লোক 38

দেবা ঊচুঃ

॥37॥

শ্লোক 39

সর্ববাধা প্রশমনং ত্রৈলোক্যস্যাখিলেশ্বরি।

এবমেব ত্বযাকার্য মস্মদ্বৈরি বিনাশনম্

॥38॥

শ্লোক 40

দেব্যুবাচ

॥39॥

শ্লোক 41

বৈবস্বতেঽন্তরে প্রাপ্তে অষ্টাবিংশতিমে যুগে।

শুম্ভো নিশুম্ভশ্চৈবান্যাবুত্পত্স্যেতে মহাসুরৌ

॥40॥

শ্লোক 42

নন্দগোপগৃহে জাতা যশোদাগর্ভ সম্ভবা।

ততস্তৌনাশযিষ্যামি বিন্ধ্যাচলনিবাসিনী

॥41॥

শ্লোক 43

পুনরপ্যতিরৌদ্রেণ রূপেণ পৃথিবীতলে।

অবতীর্য হবিষ্যামি বৈপ্রচিত্তাংস্তু দানবান্

॥42॥

শ্লোক 44

ভক্ষ্য যন্ত্যাশ্চ তানুগ্রান্ বৈপ্রচিত্তান্ মহাসুরান্।

রক্তদন্তা ভবিষ্যন্তি দাডিমীকুসুমোপমাঃ

॥43॥

শ্লোক 45

ততো মাং দেবতাঃ স্বর্গে মর্ত্যলোকে চ মানবাঃ।

স্তুবন্তো ব্যাহরিষ্যন্তি সততং রক্তদন্তিকাম্

॥44॥

শ্লোক 46

ভূযশ্চ শতবার্ষিক্যাং অনাবৃষ্ট্যামনম্ভসি।

মুনিভিঃ সংস্তুতা ভূমৌ সম্ভবিষ্যাম্যযোনিজা

॥45॥

শ্লোক 47

ততঃ শতেন নেত্রাণাং নিরীক্ষিষ্যাম্যহং মুনীন্

কীর্তিযিষ্যন্তি মনুজাঃ শতাক্ষীমিতি মাং ততঃ

॥46॥

শ্লোক 48

ততোঽ হমখিলং লোকমাত্মদেহসমুদ্ভবৈঃ।

ভরিষ্যামি সুরাঃ শাকৈরাবৃষ্টেঃ প্রাণ ধারকৈঃ

॥47॥

শ্লোক 49

শাকম্ভরীতি বিখ্যাতিং তদা যাস্যাম্যহং ভুবি।

তত্রৈব চ বধিষ্যামি দুর্গমাখ্যং মহাসুরম্

॥48॥

শ্লোক 50

দুর্গাদেবীতি বিখ্যাতং তন্মে নাম ভবিষ্যতি।

পুনশ্চাহং যদাভীমং রূপং কৃত্বা হিমাচলে

॥49॥

শ্লোক 51

রক্ষাংসি ক্ষযযিষ্যামি মুনীনাং ত্রাণ কারণাত্।

তদা মাং মুনযঃ সর্বে স্তোষ্যন্ত্যান ম্রমূর্তযঃ

॥50॥

শ্লোক 52

ভীমাদেবীতি বিখ্যাতং তন্মে নাম ভবিষ্যতি।

যদারুণাখ্যস্ত্রৈলॊক্যে মহাবাধাং করিষ্যতি

॥51॥

শ্লোক 53

তদাহং ভ্রামরং রূপং কৃত্বাসজ্খ্যেযষট্পদম্।

ত্রৈলোক্যস্য হিতার্থায বধিষ্যামি মহাসুরম্

॥52॥

শ্লোক 54

ভ্রামরীতিচ মাং লোকা স্তদাস্তোষ্যন্তি সর্বতঃ।

ইত্থং যদা যদা বাধা দানবোত্থা ভবিষ্যতি

॥53॥

শ্লোক 55

তদা তদাবতীর্যাহং করিষ্যাম্যরিসঙ্ক্ষযম্

॥54॥

শ্লোক 56

॥ স্বস্তি শ্রী মার্কণ্ডেয পুরাণে সাবর্নিকে মন্বন্তরে দেবি মহত্ম্যে নারাযণীস্তুতির্নাম একাদশোঽধ্যাযঃ সমাপ্তম্ ॥

আহুতি

ওঁ ক্লীং জযন্তী সাঙ্গাযৈ সশক্তিকাযৈ সপরিবারাযৈ সবাহনাযৈ লক্ষ্মীবীজাধিষ্তাযৈ গরুডবাহন্যৈ নারযণী দেব্যৈ-মহাহুতিং সমর্পযামি নমঃ স্বাহা ॥