દેવી માહાત્મ્યં દુર્ગા સપ્તશતિ પ્રથમોઽધ્યાયઃ

દેવી માહાત્મ્યં દુર્ગા સપ્તશતિ પ્રથમોઽધ્યાયઃ

શ્લોક 1

॥ દેવી માહાત્મ્યમ્ ॥

॥ શ્રીદુર્ગાયૈ નમઃ ॥

॥ અથ શ્રીદુર્ગાસપ્તશતી ॥

॥ મધુકૈટભવધો નામ પ્રથમોઽધ્યાયઃ ॥

અસ્ય શ્રી પ્રધમ ચરિત્રસ્ય બ્રહ્મા ઋષિઃ । મહાકાલી દેવતા । ગાયત્રી છન્દઃ । નન્દા શક્તિઃ । રક્ત દન્તિકા બીજમ્ । અગ્નિસ્તત્વમ્ । ઋગ્વેદઃ સ્વરૂપમ્ । શ્રી મહાકાલી પ્રીત્યર્ધે પ્રધમ ચરિત્ર જપે વિનિયોગઃ ।

ધ્યાનં

ખડ્ગં ચક્ર ગદેષુચાપ પરિઘા શૂલં ભુશુણ્ડીં શિરઃ

શંઙ્ખં સન્દધતીં કરૈસ્ત્રિનયનાં સર્વાંઙ્ગભૂષાવૃતામ્ ।

યાં હન્તું મધુકૈભૌ જલજભૂસ્તુષ્ટાવ સુપ્તે હરૌ

નીલાશ્મદ્યુતિ માસ્યપાદદશકાં સેવે મહાકાલિકાં॥

ૐ નમશ્ચણ્ડિકાયૈ

ૐ ઐં માર્કણ્ડેય ઉવાચ

શ્લોક 2

સાવર્ણિઃ સૂર્યતનયો યોમનુઃ કથ્યતેઽષ્ટમઃ।

નિશામય તદુત્પત્તિં વિસ્તરાદ્ગદતો મમ

॥1॥

શ્લોક 3

મહામાયાનુભાવેન યથા મન્વન્તરાધિપઃ

સ બભૂવ મહાભાગઃ સાવર્ણિસ્તનયો રવેઃ

॥2॥

શ્લોક 4

સ્વારોચિષેઽન્તરે પૂર્વં ચૈત્રવંશસમુદ્ભવઃ।

સુરથો નામ રાજાઽભૂત્ સમસ્તે ક્ષિતિમણ્ડલે

॥3॥

શ્લોક 5

તસ્ય પાલયતઃ સમ્યક્ પ્રજાઃ પુત્રાનિવૌરસાન્।

બભૂવુઃ શત્રવો ભૂપાઃ કોલાવિધ્વંસિનસ્તદા

॥4॥

શ્લોક 6

તસ્ય તૈરભવદ્યુદ્ધં અતિપ્રબલદણ્ડિનઃ।

ન્યૂનૈરપિ સ તૈર્યુદ્ધે કોલાવિધ્વંસિભિર્જિતઃ

॥5॥

શ્લોક 7

તતઃ સ્વપુરમાયાતો નિજદેશાધિપોઽભવત્।

આક્રાન્તઃ સ મહાભાગસ્તૈસ્તદા પ્રબલારિભિઃ

॥6॥

શ્લોક 8

અમાત્યૈર્બલિભિર્દુષ્ટૈ ર્દુર્બલસ્ય દુરાત્મભિઃ।

કોશો બલં ચાપહૃતં તત્રાપિ સ્વપુરે તતઃ

॥7॥

શ્લોક 9

તતો મૃગયાવ્યાજેન હૃતસ્વામ્યઃ સ ભૂપતિઃ।

એકાકી હયમારુહ્ય જગામ ગહનં વનમ્

॥8॥

શ્લોક 10

સતત્રાશ્રમમદ્રાક્ષી દ્દ્વિજવર્યસ્ય મેધસઃ।

પ્રશાન્તશ્વાપદાકીર્ણ મુનિશિષ્યોપશોભિતમ્

॥9॥

શ્લોક 11

તસ્થૌ કઞ્ચિત્સ કાલં ચ મુનિના તેન સત્કૃતઃ।

ઇતશ્ચેતશ્ચ વિચરંસ્તસ્મિન્ મુનિવરાશ્રમે

॥10॥

શ્લોક 12

સોઽચિન્તયત્તદા તત્ર મમત્વાકૃષ્ટચેતનઃ।

॥11॥

શ્લોક 13

મત્પૂર્વૈઃ પાલિતં પૂર્વં મયાહીનં પુરં હિ તત્

મદ્ભૃત્યૈસ્તૈરસદ્વૃત્તૈઃ ર્ધર્મતઃ પાલ્યતે ન વા

॥12॥

શ્લોક 14

ન જાને સ પ્રધાનો મે શૂર હસ્તીસદામદઃ

મમ વૈરિવશં યાતઃ કાન્ભોગાનુપલપ્સ્યતે

॥13॥

શ્લોક 15

યે મમાનુગતા નિત્યં પ્રસાદધનભોજનૈઃ

અનુવૃત્તિં ધ્રુવં તેઽદ્ય કુર્વન્ત્યન્યમહીભૃતાં

॥14॥

શ્લોક 16

અસમ્યગ્વ્યયશીલૈસ્તૈઃ કુર્વદ્ભિઃ સતતં વ્યયં

સઞ્ચિતઃ સોઽતિદુઃખેન ક્ષયં કોશો ગમિષ્યતિ

॥15॥

શ્લોક 17

એતચ્ચાન્યચ્ચ સતતં ચિન્તયામાસ પાર્થિવઃ

તત્ર વિપ્રાશ્રમાભ્યાશે વૈશ્યમેકં દદર્શ સઃ

॥16॥

શ્લોક 18

સ પૃષ્ટસ્તેન કસ્ત્વં ભો હેતુશ્ચ આગમનેઽત્ર કઃ

સશોક ઇવ કસ્માત્વં દુર્મના ઇવ લક્ષ્યસે।

॥17॥

શ્લોક 19

ઇત્યાકર્ણ્ય વચસ્તસ્ય ભૂપતેઃ પ્રણાયોદિતમ્

પ્રત્યુવાચ સ તં વૈશ્યઃ પ્રશ્રયાવનતો નૃપમ્

॥18॥

શ્લોક 20

વૈશ્ય ઉવાચ

॥19॥

શ્લોક 21

સમાધિર્નામ વૈશ્યોઽહમુત્પન્નો ધનિનાં કુલે

પુત્રદારૈર્નિરસ્તશ્ચ ધનલોભાદ્ અસાધુભિઃ

॥20॥

શ્લોક 22

વિહીનશ્ચ ધનૈદારૈઃ પુત્રૈરાદાય મે ધનમ્।

વનમભ્યાગતો દુઃખી નિરસ્તશ્ચાપ્તબન્ધુભિઃ

॥21॥

શ્લોક 23

સોઽહં ન વેદ્મિ પુત્રાણાં કુશલાકુશલાત્મિકામ્।

પ્રવૃત્તિં સ્વજનાનાં ચ દારાણાં ચાત્ર સંસ્થિતઃ

॥22॥

શ્લોક 24

કિં નુ તેષાં ગૃહે ક્ષેમં અક્ષેમં કિન્નુ સામ્પ્રતં

કથં તેકિન્નુસદ્વૃત્તા દુર્વૃત્તા કિન્નુમેસુતાઃ

॥23॥

શ્લોક 25

રાજોવાચ

॥24॥

શ્લોક 26

યૈર્નિરસ્તો ભવાઁલ્લુબ્ધૈઃ પુત્રદારાદિભિર્ધનૈઃ

॥25॥

શ્લોક 27

તેષુ કિં ભવતઃ સ્નેહ મનુબધ્નાતિ માનસમ્

॥26॥

શ્લોક 28

વૈશ્ય ઉવાચ

॥27॥

શ્લોક 29

એવમેતદ્યથા પ્રાહ ભવાનસ્મદ્ગતં વચઃ

કિં કરોમિ ન બધ્નાતિ મમ નિષ્ટુરતાં મનઃ

॥28॥

શ્લોક 30

ઐઃ સન્ત્યજ્ય પિતૃસ્નેહં ધન લુબ્ધૈર્નિરાકૃતઃ

પતિઃસ્વજનહાર્દં ચ હાર્દિતેષ્વેવ મે મનઃ।

॥29॥

શ્લોક 31

કિમેતન્નાભિજાનામિ જાનન્નપિ મહામતે

યત્પ્રેમ પ્રવણં ચિત્તં વિગુણેષ્વપિ બન્ધુષુ

॥30॥

શ્લોક 32

તેષાં કૃતે મે નિઃશ્વાસો દૌર્મનસ્યં ચજાયતે

॥31॥

શ્લોક 33

અરોમિ કિં યન્ન મનસ્તેષ્વપ્રીતિષુ નિષ્ઠુરમ્

॥32॥

શ્લોક 34

માર્કણ્ડેય ઉવાચ

॥33॥

શ્લોક 35

તતસ્તૌ સહિતૌ વિપ્ર તમ્મુનિં સમુપસ્થિતૌ

॥34॥

શ્લોક 36

સમાધિર્નામ વૈશ્યોઽસૌ સ ચ પાર્ધિવ સત્તમઃ

॥35॥

શ્લોક 37

કૃત્વા તુ તૌ યથાન્યાય્યં યથાર્હં તેન સંવિદમ્।

ઉપવિષ્ટૌ કથાઃ કાશ્ચિત્​ચ્ચક્રતુર્વૈશ્યપાર્ધિવૌ

॥36॥

શ્લોક 38

રાજોવાચ

॥37॥

શ્લોક 39

ભગવંસ્ત્વામહં પ્રષ્ટુમિચ્છામ્યેકં વદસ્વતત્

॥38॥

શ્લોક 40

દુઃખાય યન્મે મનસઃ સ્વચિત્તાયત્તતાં વિના

॥39॥

શ્લોક 41

મમત્વં ગતરાજ્યસ્ય રાજ્યાઙ્ગેષ્વખિલેષ્વપિ ।

જાનતોઽપિ યથાજ્ઞસ્ય કિમેતન્મુનિસત્તમ

॥40॥

શ્લોક 42

અયં ચ ઇકૃતઃ પુત્રૈઃ દારૈર્ભૃત્યૈસ્તથોજ્ઘિતઃ

સ્વજનેન ચ સન્ત્યક્તઃ સ્તેષુ હાર્દી તથાપ્યતિ

॥ 41 ॥

શ્લોક 43

એવ મેષ તથાહં ચ દ્વાવપ્ત્યન્તદુઃખિતૌ।

દૃષ્ટદોષેઽપિ વિષયે મમત્વાકૃષ્ટમાનસૌ

॥42॥

શ્લોક 44

તત્કેનૈતન્મહાભાગ યન્મોહॊ જ્ઞાનિનોરપિ

મમાસ્ય ચ ભવત્યેષા વિવેકાન્ધસ્ય મૂઢતા

॥43॥

શ્લોક 45

ઋષિરુવાચ

॥44॥

શ્લોક 46

જ્ઞાન મસ્તિ સમસ્તસ્ય જન્તોર્વ્ષય ગોચરે।

વિષયશ્ચ મહાભાગ યાન્તિ ચૈવં પૃથક્પૃથક્

॥45॥

શ્લોક 47

કેચિદ્દિવા તથા રાત્રૌ પ્રાણિનઃ સ્તુલ્યદૃષ્ટયઃ

॥46॥

શ્લોક 48

જ્ઞાનિનો મનુજાઃ સત્યં કિં તુ તે ન હિ કેવલમ્।

યતો હિ જ્ઞાનિનઃ સર્વે પશુપક્ષિમૃગાદયઃ

॥47॥

શ્લોક 49

જ્ઞાનં ચ તન્મનુષ્યાણાં યત્તેષાં મૃગપક્ષિણાં

મનુષ્યાણાં ચ યત્તેષાં તુલ્યમન્યત્તથોભયોઃ

॥48॥

શ્લોક 50

જ્ઞાનેઽપિ સતિ પશ્યૈતાન્ પતગાઞ્છાબચઞ્ચુષુ।

કણમોક્ષાદૃતાન્ મોહાત્પીડ્યમાનાનપિ ક્ષુધા

॥49॥

શ્લોક 51

માનુષા મનુજવ્યાઘ્ર સાભિલાષાઃ સુતાન્ પ્રતિ

લોભાત્ પ્રત્યુપકારાય નન્વેતાન્ કિં ન પશ્યસિ

॥50॥

શ્લોક 52

તથાપિ મમતાવર્તે મોહગર્તે નિપાતિતાઃ

મહામાયા પ્રભાવેણ સંસારસ્થિતિકારિણા

॥51॥

શ્લોક 53

તન્નાત્ર વિસ્મયઃ કાર્યો યોગનિદ્રા જગત્પતેઃ।

મહામાયા હરેશ્ચૈષા તયા સમ્મોહ્યતે જગત્

॥52॥

શ્લોક 54

જ્ઙાનિનામપિ ચેતાંસિ દેવી ભગવતી હિ સા

બલાદાક્ર઼્ષ્યમોહાય મહામાયા પ્રયચ્છતિ

॥53॥

શ્લોક 55

તયા વિસૃજ્યતે વિશ્વં જગદેતચ્ચરાચરમ્ ।

સૈષા પ્રસન્ના વરદા નૃણાં ભવતિ મુક્તયે

॥54॥

શ્લોક 56

સા વિદ્યા પરમા મુક્તેર્હેતુભૂતા સનાતની

સંસારબન્ધહેતુશ્ચ સૈવ સર્વેશ્વરેશ્વરી

॥55॥

શ્લોક 57

રાજોવાચ

॥56॥

શ્લોક 58

ભગવન્ કાહિ સા દેવી મામાયેતિ યાં ભવાન્ ।

બ્રવીતિ ક્થમુત્પન્ના સા કર્માસ્યાશ્ચ કિં દ્વિજ

॥57॥

શ્લોક 59

યત્પ્રભાવા ચ સા દેવી યત્સ્વરૂપા યદુદ્ભવા।

તત્સર્વં શ્રોતુમિચ્છામિ ત્વત્તો બ્રહ્મવિદાં વર

॥58॥

શ્લોક 60

ઋષિરુવાચ

॥59॥

શ્લોક 61

નિત્યૈવ સા જગન્મૂર્તિસ્તયા સર્વમિદં તતમ્

॥60॥

શ્લોક 62

તથાપિ તત્સમુત્પત્તિર્બહુધા શ્રૂયતાં મમઃ

॥61॥

શ્લોક 63

દેવાનાં કાર્યસિદ્ધ્યર્થં આવિર્ભવતિ સા યદા।

ઉત્પન્નેતિ તદા લોકે સા નિત્યાપ્યભિધીયતે

॥62॥

શ્લોક 64

યોગનિદ્રાં યદા વિષ્ણુર્જગત્યેકાર્ણવીકૃતે।

આસ્તીર્ય શેષમભજત્ કલ્પાન્તે ભગવાન્ પ્રભુઃ

॥63॥

શ્લોક 65

તદા દ્વાવસુરૌ ઘોરૌ વિખ્યાતૌ મધુકૈટભૌ।

વિષ્ણુકર્ણમલોદ્ભૂતૌ હન્તું બ્રહ્માણમુદ્યતૌ

॥64॥

શ્લોક 66

સ નાભિ કમલે વિષ્ણોઃ સ્થિતો બ્રહ્મા પ્રજાપતિઃ

દૃષ્ટ્વા તાવસુરૌ ચોગ્રૌ પ્રસુપ્તં ચ જનાર્દનમ્

॥65॥

શ્લોક 67

તુષ્ટાવ યોગનિદ્રાં તામેકાગ્રહૃદયઃ સ્થિતઃ

વિબોધનાર્ધાય હરેર્હરિનેત્રકૃતાલયામ્

॥66॥

શ્લોક 68

વિશ્વેશ્વરીં જગદ્ધાત્રીં સ્થિતિસંહારકારિણીમ્।

નિદ્રાં ભગવતીં વિષ્ણોરતુલાં તેજસઃ પ્રભુઃ

॥67॥

શ્લોક 69

બ્રહ્મોવાચ

॥68॥

શ્લોક 70

ત્વં સ્વાહા ત્વં સ્વધા ત્વંહિ વષટ્કારઃ સ્વરાત્મિકા।

સુધા ત્વમક્ષરે નિત્યે ત્રિધા માત્રાત્મિકા સ્થિતા

॥69॥

શ્લોક 71

અર્ધમાત્રા સ્થિતા નિત્યા યાનુચ્ચાર્યાવિશેષતઃ

ત્વમેવ સા ત્વં સાવિત્રી ત્વં દેવ જનની પરા

॥70॥

શ્લોક 72

ત્વયૈતદ્ધાર્યતે વિશ્વં ત્વયૈતત્ સૃજ્યતે જગત્।

ત્વયૈતત્ પાલ્યતે દેવિ ત્વમત્સ્યન્તે ચ સર્વદા

॥71॥

શ્લોક 73

વિસૃષ્ટૌ સૃષ્ટિરૂપાત્વં સ્થિતિ રૂપા ચ પાલને।

તથા સંહૃતિરૂપાન્તે જગતોઽસ્ય જગન્મયે

॥72॥

શ્લોક 74

મહાવિદ્યા મહામાયા મહામેધા મહાસ્મૃતિઃ।

મહામોહા ચ ભવતી મહાદેવી મહાસુરી

॥73॥

શ્લોક 75

પ્રકૃતિસ્ત્વં ચ સર્વસ્ય ગુણત્રય વિભાવિની।

કાલરાત્રિર્મહારાત્રિર્મોહરાત્રિશ્ચ દારુણા

॥74॥

શ્લોક 76

ત્વં શ્રીસ્ત્વમીશ્વરી ત્વં હ્રીસ્ત્વં બુદ્ધિર્ભોધલક્ષણા।

લજ્જાપુષ્ટિસ્તથા તુષ્ટિસ્ત્વં શાન્તિઃ ક્ષાન્તિ રેવ ચ

॥75॥

શ્લોક 77

ખડ્ગિની શૂલિની ઘોરા ગદિની ચક્રિણી તથા।

શઙ્ખિણી ચાપિની બાણાભુશુણ્ડીપરિઘાયુધા

॥76॥

શ્લોક 78

સૌમ્યા સૌમ્યતરાશેષસૌમ્યેભ્યસ્ત્વતિસુન્દરી

પરાપરાણાં પરમા ત્વમેવ પરમેશ્વરી

॥77॥

શ્લોક 79

યચ્ચ કિઞ્ચિત્ક્વચિદ્વસ્તુ સદસદ્વાખિલાત્મિકે।

તસ્ય સર્વસ્ય યા શક્તિઃ સા ત્વં કિં સ્તૂયસેમયા

॥78॥

શ્લોક 80

યયા ત્વયા જગત્ સ્રષ્ટા જગત્પાતાત્તિ યો જગત્।

સોઽપિ નિદ્રાવશં નીતઃ કસ્ત્વાં સ્તોતુમિહેશ્વરઃ

॥79॥

શ્લોક 81

વિષ્ણુઃ શરીરગ્રહણં અહમીશાન એવ ચ

કારિતાસ્તે યતોઽતસ્ત્વાં કઃ સ્તોતું શક્તિમાન્ ભવેત્

॥80॥

શ્લોક 82

સા ત્વમિત્થં પ્રભાવૈઃ સ્વૈરુદારૈર્દેવિ સંસ્તુતા।

મોહયૈતૌ દુરાધર્ષાવસુરૌ મધુકૈટભૌ

॥81॥

શ્લોક 83

પ્રબોધં ચ જગત્સ્વામી નીયતામચ્યુતા લઘુ

॥82॥

શ્લોક 84

બોધશ્ચ ક્રિયતામસ્ય હન્તુમેતૌ મહાસુરૌ

॥83॥

શ્લોક 85

ઋષિરુવાચ

॥83॥

શ્લોક 86

એવં સ્તુતા તદા દેવી તામસી તત્ર વેધસા

વિષ્ણોઃ પ્રભોધનાર્ધાય નિહન્તું મધુકૈટભૌ

॥84॥

શ્લોક 87

નેત્રાસ્યનાસિકાબાહુહૃદયેભ્યસ્તથોરસઃ।

નિર્ગમ્ય દર્શને તસ્થૌ બ્રહ્મણો અવ્યક્તજન્મનઃ

॥85॥

શ્લોક 88

ઉત્તસ્થૌ ચ જગન્નાથઃ સ્તયા મુક્તો જનાર્દનઃ।

એકાર્ણવે અહિશયનાત્તતઃ સ દદૃશે ચ તૌ

॥86॥

શ્લોક 89

મધુકૈટભૌ દુરાત્માના વતિવીર્યપરાક્રમૌ

ક્રોધરક્તેક્ષણાવત્તું બ્રહ્મણાં જનિતોદ્યમૌ

॥87॥

શ્લોક 90

સમુત્થાય તતસ્તાભ્યાં યુયુધે ભગવાન્ હરિઃ

પઞ્ચવર્ષસહસ્ત્રાણિ બાહુપ્રહરણો વિભુઃ

॥88॥

શ્લોક 91

તાવપ્યતિબલોન્મત્તૌ મહામાયાવિમોહિતૌ

॥89॥

શ્લોક 92

ઉક્તવન્તૌ વરોઽસ્મત્તો વ્રિયતામિતિ કેશવમ્

॥90॥

શ્લોક 93

શ્રી ભગવાનુવાચ

॥91॥

શ્લોક 94

ભવેતામદ્ય મે તુષ્ટૌ મમ વધ્યાવુભાવપિ

॥92॥

શ્લોક 95

કિમન્યેન વરેણાત્ર એતાવૃદ્દિ વૃતં મમ

॥93॥

શ્લોક 96

ઋષિરુવાચ

॥94॥

શ્લોક 97

વઞ્ચિતાભ્યામિતિ તદા સર્વમાપોમયં જગત્।

વિલોક્ય તાભ્યાં ગદિતો ભગવાન્ કમલેક્ષણઃ

॥95॥

શ્લોક 98

આવાં જહિ ન યત્રોર્વી સલિલેન પરિપ્લુતા।

॥96॥

શ્લોક 99

ઋષિરુવાચ

॥97॥

શ્લોક 100

તથેત્યુક્ત્વા ભગવતા શઙ્ખચક્રગદાભૃતા।

કૃત્વા ચક્રેણ વૈ છિન્ને જઘને શિરસી તયોઃ

॥98॥

શ્લોક 101

એવમેષા સમુત્પન્ના બ્રહ્મણા સંસ્તુતા સ્વયમ્।

પ્રભાવમસ્યા દેવ્યાસ્તુ ભૂયઃ શૃણુ વદામિ તે

॥99॥

શ્લોક 102

॥ જય જય શ્રી સ્વસ્તિ શ્રીમાર્કણ્ડેયપુરાણે સાવર્ણિકે મન્વન્તરે દેવીમહાત્મ્યે મધુકૈટભવધો નામ પ્રધમોઽધ્યાયઃ ॥

આહુતિ

ૐ એં સાઙ્ગાયૈ સાયુધાયૈ સશક્તિકાયૈ સપરિવારાયૈ સવાહનાયૈ એં બીજાધિષ્ટાયૈ મહા કાલિકાયૈ મહા અહુતિં સમર્પયામિ નમઃ સ્વાહા ॥