Devi Mahatmyam Durga Saptasati Chapter 1
দেবী মাহাত্ম্যং দুর্গা সপ্তশতি প্রথমোঽধ্যাযঃ
Devi Mahatmyam Durga Saptasati Chapter 1
দেবী মাহাত্ম্যং দুর্গা সপ্তশতি প্রথমোঽধ্যাযঃ
॥ দেবী মাহাত্ম্যম্ ॥
॥ শ্রীদুর্গাযৈ নমঃ ॥
॥ অথ শ্রীদুর্গাসপ্তশতী ॥
॥ মধুকৈটভবধো নাম প্রথমোঽধ্যাযঃ ॥
অস্য শ্রী প্রধম চরিত্রস্য ব্রহ্মা ঋষিঃ । মহাকালী দেবতা । গাযত্রী ছন্দঃ । নন্দা শক্তিঃ । রক্ত দন্তিকা বীজম্ । অগ্নিস্তত্বম্ । ঋগ্বেদঃ স্বরূপম্ । শ্রী মহাকালী প্রীত্যর্ধে প্রধম চরিত্র জপে বিনিযোগঃ ।
ধ্যানং
খড্গং চক্র গদেষুচাপ পরিঘা শূলং ভুশুণ্ডীং শিরঃ
শংঙ্খং সন্দধতীং করৈস্ত্রিনযনাং সর্বাংঙ্গভূষাবৃতাম্ ।
যাং হন্তুং মধুকৈভৌ জলজভূস্তুষ্টাব সুপ্তে হরৌ
নীলাশ্মদ্যুতি মাস্যপাদদশকাং সেবে মহাকালিকাং॥
ওঁ নমশ্চণ্ডিকাযৈ
ওঁ ঐং মার্কণ্ডেয উবাচ ॥1॥
সাবর্ণিঃ সূর্যতনযো যোমনুঃ কথ্যতেঽষ্টমঃ।
নিশাময তদুত্পত্তিং বিস্তরাদ্গদতো মম ॥2॥
মহামাযানুভাবেন যথা মন্বন্তরাধিপঃ
স বভূব মহাভাগঃ সাবর্ণিস্তনযো রবেঃ ॥3॥
স্বারোচিষেঽন্তরে পূর্বং চৈত্রবংশসমুদ্ভবঃ।
সুরথো নাম রাজাঽভূত্ সমস্তে ক্ষিতিমণ্ডলে ॥4॥
তস্য পালযতঃ সম্যক্ প্রজাঃ পুত্রানিবৌরসান্।
বভূবুঃ শত্রবো ভূপাঃ কোলাবিধ্বংসিনস্তদা ॥5॥
তস্য তৈরভবদ্যুদ্ধং অতিপ্রবলদণ্ডিনঃ।
ন্যূনৈরপি স তৈর্যুদ্ধে কোলাবিধ্বংসিভির্জিতঃ ॥6॥
ততঃ স্বপুরমাযাতো নিজদেশাধিপোঽভবত্।
আক্রান্তঃ স মহাভাগস্তৈস্তদা প্রবলারিভিঃ ॥7॥
অমাত্যৈর্বলিভির্দুষ্টৈ র্দুর্বলস্য দুরাত্মভিঃ।
কোশো বলং চাপহৃতং তত্রাপি স্বপুরে ততঃ ॥8॥
ততো মৃগযাব্যাজেন হৃতস্বাম্যঃ স ভূপতিঃ।
একাকী হযমারুহ্য জগাম গহনং বনম্ ॥9॥
সতত্রাশ্রমমদ্রাক্ষী দ্দ্বিজবর্যস্য মেধসঃ।
প্রশান্তশ্বাপদাকীর্ণ মুনিশিষ্যোপশোভিতম্ ॥10॥
তস্থৌ কঞ্চিত্স কালং চ মুনিনা তেন সত্কৃতঃ।
ইতশ্চেতশ্চ বিচরংস্তস্মিন্ মুনিবরাশ্রমে ॥11॥
সোঽচিন্তযত্তদা তত্র মমত্বাকৃষ্টচেতনঃ। ॥12॥
মত্পূর্বৈঃ পালিতং পূর্বং মযাহীনং পুরং হি তত্
মদ্ভৃত্যৈস্তৈরসদ্বৃত্তৈঃ র্ধর্মতঃ পাল্যতে ন বা ॥13॥
ন জানে স প্রধানো মে শূর হস্তীসদামদঃ
মম বৈরিবশং যাতঃ কান্ভোগানুপলপ্স্যতে ॥14॥
যে মমানুগতা নিত্যং প্রসাদধনভোজনৈঃ
অনুবৃত্তিং ধ্রুবং তেঽদ্য কুর্বন্ত্যন্যমহীভৃতাং ॥15॥
অসম্যগ্ব্যযশীলৈস্তৈঃ কুর্বদ্ভিঃ সততং ব্যযং
সঞ্চিতঃ সোঽতিদুঃখেন ক্ষযং কোশো গমিষ্যতি ॥16॥
এতচ্চান্যচ্চ সততং চিন্তযামাস পার্থিবঃ
তত্র বিপ্রাশ্রমাভ্যাশে বৈশ্যমেকং দদর্শ সঃ ॥17॥
স পৃষ্টস্তেন কস্ত্বং ভো হেতুশ্চ আগমনেঽত্র কঃ
সশোক ইব কস্মাত্বং দুর্মনা ইব লক্ষ্যসে। ॥18॥
ইত্যাকর্ণ্য বচস্তস্য ভূপতেঃ প্রণাযোদিতম্
প্রত্যুবাচ স তং বৈশ্যঃ প্রশ্রযাবনতো নৃপম্ ॥19॥
বৈশ্য উবাচ ॥20॥
সমাধির্নাম বৈশ্যোঽহমুত্পন্নো ধনিনাং কুলে
পুত্রদারৈর্নিরস্তশ্চ ধনলোভাদ্ অসাধুভিঃ ॥21॥
বিহীনশ্চ ধনৈদারৈঃ পুত্রৈরাদায মে ধনম্।
বনমভ্যাগতো দুঃখী নিরস্তশ্চাপ্তবন্ধুভিঃ ॥22॥
সোঽহং ন বেদ্মি পুত্রাণাং কুশলাকুশলাত্মিকাম্।
প্রবৃত্তিং স্বজনানাং চ দারাণাং চাত্র সংস্থিতঃ ॥23॥
কিং নু তেষাং গৃহে ক্ষেমং অক্ষেমং কিন্নু সাম্প্রতং
কথং তেকিন্নুসদ্বৃত্তা দুর্বৃত্তা কিন্নুমেসুতাঃ ॥24॥
রাজোবাচ ॥25॥
যৈর্নিরস্তো ভবাঁল্লুব্ধৈঃ পুত্রদারাদিভির্ধনৈঃ ॥26॥
তেষু কিং ভবতঃ স্নেহ মনুবধ্নাতি মানসম্ ॥27॥
বৈশ্য উবাচ ॥28॥
এবমেতদ্যথা প্রাহ ভবানস্মদ্গতং বচঃ
কিং করোমি ন বধ্নাতি মম নিষ্টুরতাং মনঃ ॥29॥
ঐঃ সন্ত্যজ্য পিতৃস্নেহং ধন লুব্ধৈর্নিরাকৃতঃ
পতিঃস্বজনহার্দং চ হার্দিতেষ্বেব মে মনঃ। ॥30॥
কিমেতন্নাভিজানামি জানন্নপি মহামতে
যত্প্রেম প্রবণং চিত্তং বিগুণেষ্বপি বন্ধুষু ॥31॥
তেষাং কৃতে মে নিঃশ্বাসো দৌর্মনস্যং চজাযতে ॥32॥
অরোমি কিং যন্ন মনস্তেষ্বপ্রীতিষু নিষ্ঠুরম্ ॥33॥
মার্কণ্ডেয উবাচ ॥34॥
ততস্তৌ সহিতৌ বিপ্র তম্মুনিং সমুপস্থিতৌ ॥35॥
সমাধির্নাম বৈশ্যোঽসৌ স চ পার্ধিব সত্তমঃ ॥36॥
কৃত্বা তু তৌ যথান্যায্যং যথার্হং তেন সংবিদম্।
উপবিষ্টৌ কথাঃ কাশ্চিত্চ্চক্রতুর্বৈশ্যপার্ধিবৌ ॥37॥
রাজোবাচ ॥38॥
ভগবংস্ত্বামহং প্রষ্টুমিচ্ছাম্যেকং বদস্বতত্ ॥39॥
দুঃখায যন্মে মনসঃ স্বচিত্তাযত্ততাং বিনা ॥40॥
মমত্বং গতরাজ্যস্য রাজ্যাঙ্গেষ্বখিলেষ্বপি ।
জানতোঽপি যথাজ্ঞস্য কিমেতন্মুনিসত্তম ॥ 41 ॥
অযং চ ইকৃতঃ পুত্রৈঃ দারৈর্ভৃত্যৈস্তথোজ্ঘিতঃ
স্বজনেন চ সন্ত্যক্তঃ স্তেষু হার্দী তথাপ্যতি ॥42॥
এব মেষ তথাহং চ দ্বাবপ্ত্যন্তদুঃখিতৌ।
দৃষ্টদোষেঽপি বিষযে মমত্বাকৃষ্টমানসৌ ॥43॥
তত্কেনৈতন্মহাভাগ যন্মোহॊ জ্ঞানিনোরপি
মমাস্য চ ভবত্যেষা বিবেকান্ধস্য মূঢতা ॥44॥
ঋষিরুবাচ ॥45॥
জ্ঞান মস্তি সমস্তস্য জন্তোর্ব্ষয গোচরে।
বিষযশ্চ মহাভাগ যান্তি চৈবং পৃথক্পৃথক্ ॥46॥
কেচিদ্দিবা তথা রাত্রৌ প্রাণিনঃ স্তুল্যদৃষ্টযঃ ॥47॥
জ্ঞানিনো মনুজাঃ সত্যং কিং তু তে ন হি কেবলম্।
যতো হি জ্ঞানিনঃ সর্বে পশুপক্ষিমৃগাদযঃ ॥48॥
জ্ঞানং চ তন্মনুষ্যাণাং যত্তেষাং মৃগপক্ষিণাং
মনুষ্যাণাং চ যত্তেষাং তুল্যমন্যত্তথোভযোঃ ॥49॥
জ্ঞানেঽপি সতি পশ্যৈতান্ পতগাঞ্ছাবচঞ্চুষু।
কণমোক্ষাদৃতান্ মোহাত্পীড্যমানানপি ক্ষুধা ॥50॥
মানুষা মনুজব্যাঘ্র সাভিলাষাঃ সুতান্ প্রতি
লোভাত্ প্রত্যুপকারায নন্বেতান্ কিং ন পশ্যসি ॥51॥
তথাপি মমতাবর্তে মোহগর্তে নিপাতিতাঃ
মহামাযা প্রভাবেণ সংসারস্থিতিকারিণা ॥52॥
তন্নাত্র বিস্মযঃ কার্যো যোগনিদ্রা জগত্পতেঃ।
মহামাযা হরেশ্চৈষা তযা সম্মোহ্যতে জগত্ ॥53॥
জ্ঙানিনামপি চেতাংসি দেবী ভগবতী হি সা
বলাদাক্র়্ষ্যমোহায মহামাযা প্রযচ্ছতি ॥54॥
তযা বিসৃজ্যতে বিশ্বং জগদেতচ্চরাচরম্ ।
সৈষা প্রসন্না বরদা নৃণাং ভবতি মুক্তযে ॥55॥
সা বিদ্যা পরমা মুক্তের্হেতুভূতা সনাতনী
সংসারবন্ধহেতুশ্চ সৈব সর্বেশ্বরেশ্বরী ॥56॥
রাজোবাচ ॥57॥
ভগবন্ কাহি সা দেবী মামাযেতি যাং ভবান্ ।
ব্রবীতি ক্থমুত্পন্না সা কর্মাস্যাশ্চ কিং দ্বিজ ॥58॥
যত্প্রভাবা চ সা দেবী যত্স্বরূপা যদুদ্ভবা।
তত্সর্বং শ্রোতুমিচ্ছামি ত্বত্তো ব্রহ্মবিদাং বর ॥59॥
ঋষিরুবাচ ॥60॥
নিত্যৈব সা জগন্মূর্তিস্তযা সর্বমিদং ততম্ ॥61॥
তথাপি তত্সমুত্পত্তির্বহুধা শ্রূযতাং মমঃ ॥62॥
দেবানাং কার্যসিদ্ধ্যর্থং আবির্ভবতি সা যদা।
উত্পন্নেতি তদা লোকে সা নিত্যাপ্যভিধীযতে ॥63॥
যোগনিদ্রাং যদা বিষ্ণুর্জগত্যেকার্ণবীকৃতে।
আস্তীর্য শেষমভজত্ কল্পান্তে ভগবান্ প্রভুঃ ॥64॥
তদা দ্বাবসুরৌ ঘোরৌ বিখ্যাতৌ মধুকৈটভৌ।
বিষ্ণুকর্ণমলোদ্ভূতৌ হন্তুং ব্রহ্মাণমুদ্যতৌ ॥65॥
স নাভি কমলে বিষ্ণোঃ স্থিতো ব্রহ্মা প্রজাপতিঃ
দৃষ্ট্বা তাবসুরৌ চোগ্রৌ প্রসুপ্তং চ জনার্দনম্ ॥66॥
তুষ্টাব যোগনিদ্রাং তামেকাগ্রহৃদযঃ স্থিতঃ
বিবোধনার্ধায হরের্হরিনেত্রকৃতালযাম্ ॥67॥
বিশ্বেশ্বরীং জগদ্ধাত্রীং স্থিতিসংহারকারিণীম্।
নিদ্রাং ভগবতীং বিষ্ণোরতুলাং তেজসঃ প্রভুঃ ॥68॥
ব্রহ্মোবাচ ॥69॥
ত্বং স্বাহা ত্বং স্বধা ত্বংহি বষট্কারঃ স্বরাত্মিকা।
সুধা ত্বমক্ষরে নিত্যে ত্রিধা মাত্রাত্মিকা স্থিতা ॥70॥
অর্ধমাত্রা স্থিতা নিত্যা যানুচ্চার্যাবিশেষতঃ
ত্বমেব সা ত্বং সাবিত্রী ত্বং দেব জননী পরা ॥71॥
ত্বযৈতদ্ধার্যতে বিশ্বং ত্বযৈতত্ সৃজ্যতে জগত্।
ত্বযৈতত্ পাল্যতে দেবি ত্বমত্স্যন্তে চ সর্বদা ॥72॥
বিসৃষ্টৌ সৃষ্টিরূপাত্বং স্থিতি রূপা চ পালনে।
তথা সংহৃতিরূপান্তে জগতোঽস্য জগন্মযে ॥73॥
মহাবিদ্যা মহামাযা মহামেধা মহাস্মৃতিঃ।
মহামোহা চ ভবতী মহাদেবী মহাসুরী ॥74॥
প্রকৃতিস্ত্বং চ সর্বস্য গুণত্রয বিভাবিনী।
কালরাত্রির্মহারাত্রির্মোহরাত্রিশ্চ দারুণা ॥75॥
ত্বং শ্রীস্ত্বমীশ্বরী ত্বং হ্রীস্ত্বং বুদ্ধির্ভোধলক্ষণা।
লজ্জাপুষ্টিস্তথা তুষ্টিস্ত্বং শান্তিঃ ক্ষান্তি রেব চ ॥76॥
খড্গিনী শূলিনী ঘোরা গদিনী চক্রিণী তথা।
শঙ্খিণী চাপিনী বাণাভুশুণ্ডীপরিঘাযুধা ॥77॥
সৌম্যা সৌম্যতরাশেষসৌম্যেভ্যস্ত্বতিসুন্দরী
পরাপরাণাং পরমা ত্বমেব পরমেশ্বরী ॥78॥
যচ্চ কিঞ্চিত্ক্বচিদ্বস্তু সদসদ্বাখিলাত্মিকে।
তস্য সর্বস্য যা শক্তিঃ সা ত্বং কিং স্তূযসেমযা ॥79॥
যযা ত্বযা জগত্ স্রষ্টা জগত্পাতাত্তি যো জগত্।
সোঽপি নিদ্রাবশং নীতঃ কস্ত্বাং স্তোতুমিহেশ্বরঃ ॥80॥
বিষ্ণুঃ শরীরগ্রহণং অহমীশান এব চ
কারিতাস্তে যতোঽতস্ত্বাং কঃ স্তোতুং শক্তিমান্ ভবেত্ ॥81॥
সা ত্বমিত্থং প্রভাবৈঃ স্বৈরুদারৈর্দেবি সংস্তুতা।
মোহযৈতৌ দুরাধর্ষাবসুরৌ মধুকৈটভৌ ॥82॥
প্রবোধং চ জগত্স্বামী নীযতামচ্যুতা লঘু ॥83॥
বোধশ্চ ক্রিযতামস্য হন্তুমেতৌ মহাসুরৌ ॥83॥
ঋষিরুবাচ ॥84॥
এবং স্তুতা তদা দেবী তামসী তত্র বেধসা
বিষ্ণোঃ প্রভোধনার্ধায নিহন্তুং মধুকৈটভৌ ॥85॥
নেত্রাস্যনাসিকাবাহুহৃদযেভ্যস্তথোরসঃ।
নির্গম্য দর্শনে তস্থৌ ব্রহ্মণো অব্যক্তজন্মনঃ ॥86॥
উত্তস্থৌ চ জগন্নাথঃ স্তযা মুক্তো জনার্দনঃ।
একার্ণবে অহিশযনাত্ততঃ স দদৃশে চ তৌ ॥87॥
মধুকৈটভৌ দুরাত্মানা বতিবীর্যপরাক্রমৌ
ক্রোধরক্তেক্ষণাবত্তুং ব্রহ্মণাং জনিতোদ্যমৌ ॥88॥
সমুত্থায ততস্তাভ্যাং যুযুধে ভগবান্ হরিঃ
পঞ্চবর্ষসহস্ত্রাণি বাহুপ্রহরণো বিভুঃ ॥89॥
তাবপ্যতিবলোন্মত্তৌ মহামাযাবিমোহিতৌ ॥90॥
উক্তবন্তৌ বরোঽস্মত্তো ব্রিযতামিতি কেশবম্ ॥91॥
শ্রী ভগবানুবাচ ॥92॥
ভবেতামদ্য মে তুষ্টৌ মম বধ্যাবুভাবপি ॥93॥
কিমন্যেন বরেণাত্র এতাবৃদ্দি বৃতং মম ॥94॥
ঋষিরুবাচ ॥95॥
বঞ্চিতাভ্যামিতি তদা সর্বমাপোমযং জগত্।
বিলোক্য তাভ্যাং গদিতো ভগবান্ কমলেক্ষণঃ ॥96॥
আবাং জহি ন যত্রোর্বী সলিলেন পরিপ্লুতা। ॥97॥
ঋষিরুবাচ ॥98॥
তথেত্যুক্ত্বা ভগবতা শঙ্খচক্রগদাভৃতা।
কৃত্বা চক্রেণ বৈ ছিন্নে জঘনে শিরসী তযোঃ ॥99॥
এবমেষা সমুত্পন্না ব্রহ্মণা সংস্তুতা স্বযম্।
প্রভাবমস্যা দেব্যাস্তু ভূযঃ শৃণু বদামি তে ॥100॥
॥ জয জয শ্রী স্বস্তি শ্রীমার্কণ্ডেযপুরাণে সাবর্ণিকে মন্বন্তরে দেবীমহাত্ম্যে মধুকৈটভবধো নাম প্রধমোঽধ্যাযঃ ॥
আহুতি
ওঁ এং সাঙ্গাযৈ সাযুধাযৈ সশক্তিকাযৈ সপরিবারাযৈ সবাহনাযৈ এং বীজাধিষ্টাযৈ মহা কালিকাযৈ মহা অহুতিং সমর্পযামি নমঃ স্বাহা ॥
Related Scriptures
अर्जुन कृत श्री दुर्गा स्तोत्रम्
13 verses
दकारादि दुर्गा अष्टोत्तर शत नामावलि
108 verses
देवी माहात्म्यं दुर्गा सप्तशति एकादशोऽध्यायः
55 verses
देवी माहात्म्यं दुर्गा सप्तशति द्वादशोऽध्यायः
41 verses
देवी माहात्म्यं दुर्गा सप्तशति द्वितीयोऽध्यायः
68 verses
देवी माहात्म्यं दुर्गा सप्तशति तृतीयोऽध्यायः
42 verses
About This Stotram
Overview
Durga Saptasati Chapter 1 (Madhukaitabhavadha) is the first of thirteen chapters of the Devi Mahatmyam, which forms chapters 81-93 of the Markandeya Purana. This chapter narrates the story of Vishnu's cosmic sleep and the emergence of the goddess Yoganidra, who then helps him defeat the demons Madhu and Kaitabha. It contains 101 verses and establishes the foundational mythology of the goddess as the supreme power underlying creation.
What are the benefits of chanting Durga Saptasati Chapter 1?
- Recitation is held to invoke the goddess's protective presence at the start of the full Saptasati cycle.
- The chapter establishes the narrative framework for all subsequent chapters and is considered foundational.
- Chanting is associated with protection from enemies and the cultivation of courage.
- The text is recited as part of the full Chandipatha during Navaratri and Durga Puja.
- Meditating on the narrative of Madhu and Kaitabha's defeat is held to invoke the goddess's power over the forces of ego and delusion.
When is the best time to recite this?
Navaratri is the primary occasion, during which all thirteen chapters are typically recited over the nine days. Morning and evening recitations during this period are standard. Individual chapters may also be recited throughout the year as standalone devotional practice.
What is the historical and traditional background?
The Devi Mahatmyam is embedded in the Markandeya Purana and is generally dated between the 4th and 6th centuries CE, making it among the earlier Puranic texts. Chapter 1 is titled Madhukaitabhavadha (the slaying of Madhu and Kaitabha) and forms the Prathama Charitra (first episode) of the text. The authorship is attributed to the sage Markandeya in the Puranic narrative, though the text reflects the collective development of Shakta theology over a period of time. The Devi Mahatmyam as a whole is the foundational scripture of Shaktism.
Available scripts
This text is available in 14 scripts: devanagari, tamil, telugu, kannada, malayalam, gujarati, bengali, iast, gurmukhi, oriya, assamese, sinhala, itrans, hk. Use the script selector above to switch between them.
Related Texts
- Devi Mahatmyam Devi Kavacham — the protective armor hymn recited before this chapter in the full Chandipatha sequence.
- Devi Mahatmyam Argala Stotram — another preparatory text in the Chandipatha that precedes this chapter.
- Devi Mahatmyam Durga Saptasati Chapter 2 — the next chapter, which begins the narrative of Mahishasura's defeat.