దేవీ మాహాత్మ్యం దేవి కవచమ్

దేవీ మాహాత్మ్యం దేవి కవచమ్

శ్లోక 1

ఓం నమశ్చణ్డికాయై

న్యాసః

అస్య శ్రీ చణ్డీ కవచస్య । బ్రహ్మా ఋషిః । అనుష్టుప్ ఛన్దః ।

చాముణ్డా దేవతా । అఙ్గన్యాసోక్త మాతరో బీజమ్ । నవావరణో మన్త్రశక్తిః । దిగ్బన్ధ దేవతాః తత్వమ్ । శ్రీ జగదమ్బా ప్రీత్యర్థే సప్తశతీ పాఠాఙ్గత్వేన జపే వినియోగః ॥

ఓం నమశ్చణ్డికాయై

మార్కణ్డేయ ఉవాచ ।

ఓం యద్గుహ్యం పరమం లోకే సర్వరక్షాకరం నృణామ్ ।

యన్న కస్యచిదాఖ్యాతం తన్మే బ్రూహి పితామహ

శ్లోక 2

బ్రహ్మోవాచ ।

అస్తి గుహ్యతమం విప్ర సర్వభూతోపకారకమ్ ।

దేవ్యాస్తు కవచం పుణ్యం తచ్ఛృణుష్వ మహామునే

॥ 1 ॥

శ్లోక 3

ప్రథమం శైలపుత్రీ చ ద్వితీయం బ్రహ్మచారిణీ ।

తృతీయం చన్ద్రఘణ్టేతి కూష్మాణ్డేతి చతుర్థకమ్

॥ 2 ॥

శ్లోక 4

పఞ్చమం స్కన్దమాతేతి షష్ఠం కాత్యాయనీతి చ ।

సప్తమం కాలరాత్రీతి మహాగౌరీతి చాష్టమమ్

॥ 3 ॥

శ్లోక 5

నవమం సిద్ధిదాత్రీ చ నవదుర్గాః ప్రకీర్తితాః ।

ఉక్తాన్యేతాని నామాని బ్రహ్మణైవ మహాత్మనా

॥ 4 ॥

శ్లోక 6

అగ్నినా దహ్యమానస్తు శత్రుమధ్యే గతో రణే ।

విషమే దుర్గమే చైవ భయార్తాః శరణం గతాః

॥ 5 ॥

శ్లోక 7

న తేషాం జాయతే కిఞ్చిదశుభం రణసఙ్కటే ।

నాపదం తస్య పశ్యామి శోకదుఃఖభయం న హి

॥ 6 ॥

శ్లోక 8

యైస్తు భక్త్యా స్మృతా నూనం తేషాం వృద్ధిః ప్రజాయతే ।

యే త్వాం స్మరన్తి దేవేశి రక్షసే తాన్నసంశయః

॥ 7 ॥

శ్లోక 9

ప్రేతసంస్థా తు చాముణ్డా వారాహీ మహిషాసనా ।

ఐన్ద్రీ గజసమారూఢా వైష్ణవీ గరుడాసనా

॥ 8 ॥

శ్లోక 10

మాహేశ్వరీ వృషారూఢా కౌమారీ శిఖివాహనా ।

లక్ష్మీః పద్మాసనా దేవీ పద్మహస్తా హరిప్రియా

॥ 9 ॥

శ్లోక 11

శ్వేతరూపధరా దేవీ ఈశ్వరీ వృషవాహనా ।

బ్రాహ్మీ హంససమారూఢా సర్వాభరణభూషితా

॥ 10 ॥

శ్లోక 12

ఇత్యేతా మాతరః సర్వాః సర్వయోగసమన్వితాః ।

నానాభరణాశోభాఢ్యా నానారత్నోపశోభితాః

॥ 11 ॥

శ్లోక 13

దృశ్యన్తే రథమారూఢా దేవ్యః క్రోధసమాకులాః ।

శఙ్ఖం చక్రం గదాం శక్తిం హలం చ ముసలాయుధమ్

॥ 12 ॥

శ్లోక 14

ఖేటకం తోమరం చైవ పరశుం పాశమేవ చ ।

కున్తాయుధం త్రిశూలం చ శార్ఙ్గమాయుధముత్తమమ్

॥ 13 ॥

శ్లోక 15

దైత్యానాం దేహనాశాయ భక్తానామభయాయ చ ।

ధారయన్త్యాయుధానీత్థం దేవానాం చ హితాయ వై

॥ 14 ॥

శ్లోక 16

నమస్తేఽస్తు మహారౌద్రే మహాఘోరపరాక్రమే ।

మహాబలే మహోత్సాహే మహాభయవినాశిని

॥ 15 ॥

శ్లోక 17

త్రాహి మాం దేవి దుష్ప్రేక్ష్యే శత్రూణాం భయవర్ధిని ।

ప్రాచ్యాం రక్షతు మామైన్ద్రీ ఆగ్నేయ్యామగ్నిదేవతా

॥ 16 ॥

శ్లోక 18

దక్షిణేఽవతు వారాహీ నైరృత్యాం ఖడ్గధారిణీ ।

ప్రతీచ్యాం వారుణీ రక్షేద్వాయవ్యాం మృగవాహినీ

॥ 17 ॥

శ్లోక 19

ఉదీచ్యాం పాతు కౌమారీ ఐశాన్యాం శూలధారిణీ ।

ఊర్ధ్వం బ్రహ్మాణీ మే రక్షేదధస్తాద్వైష్ణవీ తథా

॥ 18 ॥

శ్లోక 20

ఏవం దశ దిశో రక్షేచ్చాముణ్డా శవవాహనా ।

జయా మే చాగ్రతః పాతు విజయా పాతు పృష్ఠతః

॥ 19 ॥

శ్లోక 21

అజితా వామపార్శ్వే తు దక్షిణే చాపరాజితా ।

శిఖాముద్యోతినీ రక్షేదుమా మూర్ధ్ని వ్యవస్థితా

॥ 20 ॥

శ్లోక 22

మాలాధరీ లలాటే చ భ్రువౌ రక్షేద్యశస్వినీ ।

త్రినేత్రా చ భ్రువోర్మధ్యే యమఘణ్టా చ నాసికే

॥ 21 ॥

శ్లోక 23

శఙ్ఖినీ చక్షుషోర్మధ్యే శ్రోత్రయోర్ద్వారవాసినీ ।

కపోలౌ కాలికా రక్షేత్కర్ణమూలే తు శాఙ్కరీ

॥ 22 ॥

శ్లోక 24

నాసికాయాం సుగన్ధా చ ఉత్తరోష్ఠే చ చర్చికా ।

అధరే చామృతకలా జిహ్వాయాం చ సరస్వతీ

॥ 23 ॥

శ్లోక 25

దన్తాన్ రక్షతు కౌమారీ కణ్ఠదేశే తు చణ్డికా ।

ఘణ్టికాం చిత్రఘణ్టా చ మహామాయా చ తాలుకే

॥ 24 ॥

శ్లోక 26

కామాక్షీ చిబుకం రక్షేద్వాచం మే సర్వమఙ్గలా ।

గ్రీవాయాం భద్రకాలీ చ పృష్ఠవంశే ధనుర్ధరీ

॥ 25 ॥

శ్లోక 27

నీలగ్రీవా బహిః కణ్ఠే నలికాం నలకూబరీ ।

స్కన్ధయోః ఖడ్గినీ రక్షేద్బాహూ మే వజ్రధారిణీ

॥ 26 ॥

శ్లోక 28

హస్తయోర్దణ్డినీ రక్షేదమ్బికా చాఙ్గులీషు చ ।

నఖాఞ్ఛూలేశ్వరీ రక్షేత్కుక్షౌ రక్షేత్కులేశ్వరీ

॥ 27 ॥

శ్లోక 29

స్తనౌ రక్షేన్మహాదేవీ మనఃశోకవినాశినీ ।

హృదయే లలితా దేవీ ఉదరే శూలధారిణీ

॥ 28 ॥

శ్లోక 30

నాభౌ చ కామినీ రక్షేద్గుహ్యం గుహ్యేశ్వరీ తథా ।

పూతనా కామికా మేఢ్రం గుదే మహిషవాహినీ

॥ 29 ॥

శ్లోక 31

కట్యాం భగవతీ రక్షేజ్జానునీ విన్ధ్యవాసినీ ।

జఙ్ఘే మహాబలా రక్షేత్సర్వకామప్రదాయినీ

॥ 30 ॥

శ్లోక 32

గుల్ఫయోర్నారసింహీ చ పాదపృష్ఠే తు తైజసీ ।

పాదాఙ్గులీషు శ్రీ రక్షేత్పాదాధస్తలవాసినీ

॥ 31 ॥

శ్లోక 33

నఖాన్ దంష్ట్రకరాలీ చ కేశాంశ్చైవోర్ధ్వకేశినీ ।

రోమకూపేషు కౌమారీ త్వచం వాగీశ్వరీ తథా

॥ 32 ॥

శ్లోక 34

రక్తమజ్జావసామాంసాన్యస్థిమేదాంసి పార్వతీ ।

అన్త్రాణి కాలరాత్రిశ్చ పిత్తం చ ముకుటేశ్వరీ

॥ 33 ॥

శ్లోక 35

పద్మావతీ పద్మకోశే కఫే చూడామణిస్తథా ।

జ్వాలాముఖీ నఖజ్వాలామభేద్యా సర్వసన్ధిషు

॥ 34 ॥

శ్లోక 36

శుక్రం బ్రహ్మాణి! మే రక్షేచ్ఛాయాం ఛత్రేశ్వరీ తథా ।

అహఙ్కారం మనో బుద్ధిం రక్షేన్మే ధర్మధారిణీ

॥ 35 ॥

శ్లోక 37

ప్రాణాపానౌ తథా వ్యానముదానం చ సమానకమ్ ।

వజ్రహస్తా చ మే రక్షేత్ప్రాణం కల్యాణశోభనా

॥ 36 ॥

శ్లోక 38

రసే రూపే చ గన్ధే చ శబ్దే స్పర్శే చ యోగినీ ।

సత్త్వం రజస్తమశ్చైవ రక్షేన్నారాయణీ సదా

॥ 37 ॥

శ్లోక 39

ఆయూ రక్షతు వారాహీ ధర్మం రక్షతు వైష్ణవీ ।

యశః కీర్తిం చ లక్ష్మీం చ ధనం విద్యాం చ చక్రిణీ

॥ 38 ॥

శ్లోక 40

గోత్రమిన్ద్రాణి! మే రక్షేత్పశూన్మే రక్ష చణ్డికే ।

పుత్రాన్ రక్షేన్మహాలక్ష్మీర్భార్యాం రక్షతు భైరవీ

॥ 39 ॥

శ్లోక 41

పన్థానం సుపథా రక్షేన్మార్గం క్షేమకరీ తథా ।

రాజద్వారే మహాలక్ష్మీర్విజయా సర్వతః స్థితా

॥ 40 ॥

శ్లోక 42

రక్షాహీనం తు యత్-స్థానం వర్జితం కవచేన తు ।

తత్సర్వం రక్ష మే దేవి! జయన్తీ పాపనాశినీ

॥ 41 ॥

శ్లోక 43

పదమేకం న గచ్ఛేత్తు యదీచ్ఛేచ్ఛుభమాత్మనః ।

కవచేనావృతో నిత్యం యత్ర యత్రైవ గచ్ఛతి

॥ 42 ॥

శ్లోక 44

తత్ర తత్రార్థలాభశ్చ విజయః సార్వకామికః ।

యం యం చిన్తయతే కామం తం తం ప్రాప్నోతి నిశ్చితమ్

॥ 43 ॥

శ్లోక 45

పరమైశ్వర్యమతులం ప్రాప్స్యతే భూతలే పుమాన్ ।

నిర్భయో జాయతే మర్త్యః సఙ్గ్రామేష్వపరాజితః

॥ 44 ॥

శ్లోక 46

త్రైలోక్యే తు భవేత్పూజ్యః కవచేనావృతః పుమాన్ ।

ఇదం తు దేవ్యాః కవచం దేవానామపి దుర్లభమ్

॥ 45 ॥

శ్లోక 47

యః పఠేత్ప్రయతో నిత్యం త్రిసన్ధ్యం శ్రద్ధయాన్వితః ।

దైవీకలా భవేత్తస్య త్రైలోక్యేష్వపరాజితః । 47 ॥

జీవేద్వర్షశతం సాగ్రమపమృత్యువివర్జితః ।

నశ్యన్తి వ్యాధయః సర్వే లూతావిస్ఫోటకాదయః

॥ 46 ॥

శ్లోక 48

స్థావరం జఙ్గమం చైవ కృత్రిమం చైవ యద్విషమ్ ।

అభిచారాణి సర్వాణి మన్త్రయన్త్రాణి భూతలే

॥ 48 ॥

శ్లోక 49

భూచరాః ఖేచరాశ్చైవ జులజాశ్చోపదేశికాః ।

సహజా కులజా మాలా డాకినీ శాకినీ తథా

॥ 49 ॥

శ్లోక 50

అన్తరిక్షచరా ఘోరా డాకిన్యశ్చ మహాబలాః ।

గ్రహభూతపిశాచాశ్చ యక్షగన్ధర్వరాక్షసాః

॥ 50 ॥

శ్లోక 51

బ్రహ్మరాక్షసవేతాలాః కూష్మాణ్డా భైరవాదయః ।

నశ్యన్తి దర్శనాత్తస్య కవచే హృది సంస్థితే

॥ 51 ॥

శ్లోక 52

మానోన్నతిర్భవేద్రాజ్ఞస్తేజోవృద్ధికరం పరమ్ ।

యశసా వర్ధతే సోఽపి కీర్తిమణ్డితభూతలే

॥ 52 ॥

శ్లోక 53

జపేత్సప్తశతీం చణ్డీం కృత్వా తు కవచం పురా ।

యావద్భూమణ్డలం ధత్తే సశైలవనకాననమ్

॥ 53 ॥

శ్లోక 54

తావత్తిష్ఠతి మేదిన్యాం సన్తతిః పుత్రపౌత్రికీ ।

దేహాన్తే పరమం స్థానం యత్సురైరపి దుర్లభమ్

॥ 54 ॥

శ్లోక 55

ప్రాప్నోతి పురుషో నిత్యం మహామాయాప్రసాదతః ।

లభతే పరమం రూపం శివేన సహ మోదతే

॥ 55 ॥

శ్లోక 56

॥ ఇతి వారాహపురాణే హరిహరబ్రహ్మ విరచితం దేవ్యాః కవచం సమ్పూర్ణమ్ ॥