ದೇವೀ ಮಾಹಾತ್ಮ್ಯಂ ದೇವಿ ಕವಚಮ್

ದೇವೀ ಮಾಹಾತ್ಮ್ಯಂ ದೇವಿ ಕವಚಮ್

ಶ್ಲೋಕ 1

ಓಂ ನಮಶ್ಚಣ್ಡಿಕಾಯೈ

ನ್ಯಾಸಃ

ಅಸ್ಯ ಶ್ರೀ ಚಣ್ಡೀ ಕವಚಸ್ಯ । ಬ್ರಹ್ಮಾ ಋಷಿಃ । ಅನುಷ್ಟುಪ್ ಛನ್ದಃ ।

ಚಾಮುಣ್ಡಾ ದೇವತಾ । ಅಙ್ಗನ್ಯಾಸೋಕ್ತ ಮಾತರೋ ಬೀಜಮ್ । ನವಾವರಣೋ ಮನ್ತ್ರಶಕ್ತಿಃ । ದಿಗ್ಬನ್ಧ ದೇವತಾಃ ತತ್ವಮ್ । ಶ್ರೀ ಜಗದಮ್ಬಾ ಪ್ರೀತ್ಯರ್ಥೇ ಸಪ್ತಶತೀ ಪಾಠಾಙ್ಗತ್ವೇನ ಜಪೇ ವಿನಿಯೋಗಃ ॥

ಓಂ ನಮಶ್ಚಣ್ಡಿಕಾಯೈ

ಮಾರ್ಕಣ್ಡೇಯ ಉವಾಚ ।

ಓಂ ಯದ್ಗುಹ್ಯಂ ಪರಮಂ ಲೋಕೇ ಸರ್ವರಕ್ಷಾಕರಂ ನೃಣಾಮ್ ।

ಯನ್ನ ಕಸ್ಯಚಿದಾಖ್ಯಾತಂ ತನ್ಮೇ ಬ್ರೂಹಿ ಪಿತಾಮಹ

ಶ್ಲೋಕ 2

ಬ್ರಹ್ಮೋವಾಚ ।

ಅಸ್ತಿ ಗುಹ್ಯತಮಂ ವಿಪ್ರ ಸರ್ವಭೂತೋಪಕಾರಕಮ್ ।

ದೇವ್ಯಾಸ್ತು ಕವಚಂ ಪುಣ್ಯಂ ತಚ್ಛೃಣುಷ್ವ ಮಹಾಮುನೇ

॥ 1 ॥

ಶ್ಲೋಕ 3

ಪ್ರಥಮಂ ಶೈಲಪುತ್ರೀ ಚ ದ್ವಿತೀಯಂ ಬ್ರಹ್ಮಚಾರಿಣೀ ।

ತೃತೀಯಂ ಚನ್ದ್ರಘಣ್ಟೇತಿ ಕೂಷ್ಮಾಣ್ಡೇತಿ ಚತುರ್ಥಕಮ್

॥ 2 ॥

ಶ್ಲೋಕ 4

ಪಞ್ಚಮಂ ಸ್ಕನ್ದಮಾತೇತಿ ಷಷ್ಠಂ ಕಾತ್ಯಾಯನೀತಿ ಚ ।

ಸಪ್ತಮಂ ಕಾಲರಾತ್ರೀತಿ ಮಹಾಗೌರೀತಿ ಚಾಷ್ಟಮಮ್

॥ 3 ॥

ಶ್ಲೋಕ 5

ನವಮಂ ಸಿದ್ಧಿದಾತ್ರೀ ಚ ನವದುರ್ಗಾಃ ಪ್ರಕೀರ್ತಿತಾಃ ।

ಉಕ್ತಾನ್ಯೇತಾನಿ ನಾಮಾನಿ ಬ್ರಹ್ಮಣೈವ ಮಹಾತ್ಮನಾ

॥ 4 ॥

ಶ್ಲೋಕ 6

ಅಗ್ನಿನಾ ದಹ್ಯಮಾನಸ್ತು ಶತ್ರುಮಧ್ಯೇ ಗತೋ ರಣೇ ।

ವಿಷಮೇ ದುರ್ಗಮೇ ಚೈವ ಭಯಾರ್ತಾಃ ಶರಣಂ ಗತಾಃ

॥ 5 ॥

ಶ್ಲೋಕ 7

ನ ತೇಷಾಂ ಜಾಯತೇ ಕಿಞ್ಚಿದಶುಭಂ ರಣಸಙ್ಕಟೇ ।

ನಾಪದಂ ತಸ್ಯ ಪಶ್ಯಾಮಿ ಶೋಕದುಃಖಭಯಂ ನ ಹಿ

॥ 6 ॥

ಶ್ಲೋಕ 8

ಯೈಸ್ತು ಭಕ್ತ್ಯಾ ಸ್ಮೃತಾ ನೂನಂ ತೇಷಾಂ ವೃದ್ಧಿಃ ಪ್ರಜಾಯತೇ ।

ಯೇ ತ್ವಾಂ ಸ್ಮರನ್ತಿ ದೇವೇಶಿ ರಕ್ಷಸೇ ತಾನ್ನಸಂಶಯಃ

॥ 7 ॥

ಶ್ಲೋಕ 9

ಪ್ರೇತಸಂಸ್ಥಾ ತು ಚಾಮುಣ್ಡಾ ವಾರಾಹೀ ಮಹಿಷಾಸನಾ ।

ಐನ್ದ್ರೀ ಗಜಸಮಾರೂಢಾ ವೈಷ್ಣವೀ ಗರುಡಾಸನಾ

॥ 8 ॥

ಶ್ಲೋಕ 10

ಮಾಹೇಶ್ವರೀ ವೃಷಾರೂಢಾ ಕೌಮಾರೀ ಶಿಖಿವಾಹನಾ ।

ಲಕ್ಷ್ಮೀಃ ಪದ್ಮಾಸನಾ ದೇವೀ ಪದ್ಮಹಸ್ತಾ ಹರಿಪ್ರಿಯಾ

॥ 9 ॥

ಶ್ಲೋಕ 11

ಶ್ವೇತರೂಪಧರಾ ದೇವೀ ಈಶ್ವರೀ ವೃಷವಾಹನಾ ।

ಬ್ರಾಹ್ಮೀ ಹಂಸಸಮಾರೂಢಾ ಸರ್ವಾಭರಣಭೂಷಿತಾ

॥ 10 ॥

ಶ್ಲೋಕ 12

ಇತ್ಯೇತಾ ಮಾತರಃ ಸರ್ವಾಃ ಸರ್ವಯೋಗಸಮನ್ವಿತಾಃ ।

ನಾನಾಭರಣಾಶೋಭಾಢ್ಯಾ ನಾನಾರತ್ನೋಪಶೋಭಿತಾಃ

॥ 11 ॥

ಶ್ಲೋಕ 13

ದೃಶ್ಯನ್ತೇ ರಥಮಾರೂಢಾ ದೇವ್ಯಃ ಕ್ರೋಧಸಮಾಕುಲಾಃ ।

ಶಙ್ಖಂ ಚಕ್ರಂ ಗದಾಂ ಶಕ್ತಿಂ ಹಲಂ ಚ ಮುಸಲಾಯುಧಮ್

॥ 12 ॥

ಶ್ಲೋಕ 14

ಖೇಟಕಂ ತೋಮರಂ ಚೈವ ಪರಶುಂ ಪಾಶಮೇವ ಚ ।

ಕುನ್ತಾಯುಧಂ ತ್ರಿಶೂಲಂ ಚ ಶಾರ್ಙ್ಗಮಾಯುಧಮುತ್ತಮಮ್

॥ 13 ॥

ಶ್ಲೋಕ 15

ದೈತ್ಯಾನಾಂ ದೇಹನಾಶಾಯ ಭಕ್ತಾನಾಮಭಯಾಯ ಚ ।

ಧಾರಯನ್ತ್ಯಾಯುಧಾನೀತ್ಥಂ ದೇವಾನಾಂ ಚ ಹಿತಾಯ ವೈ

॥ 14 ॥

ಶ್ಲೋಕ 16

ನಮಸ್ತೇಽಸ್ತು ಮಹಾರೌದ್ರೇ ಮಹಾಘೋರಪರಾಕ್ರಮೇ ।

ಮಹಾಬಲೇ ಮಹೋತ್ಸಾಹೇ ಮಹಾಭಯವಿನಾಶಿನಿ

॥ 15 ॥

ಶ್ಲೋಕ 17

ತ್ರಾಹಿ ಮಾಂ ದೇವಿ ದುಷ್ಪ್ರೇಕ್ಷ್ಯೇ ಶತ್ರೂಣಾಂ ಭಯವರ್ಧಿನಿ ।

ಪ್ರಾಚ್ಯಾಂ ರಕ್ಷತು ಮಾಮೈನ್ದ್ರೀ ಆಗ್ನೇಯ್ಯಾಮಗ್ನಿದೇವತಾ

॥ 16 ॥

ಶ್ಲೋಕ 18

ದಕ್ಷಿಣೇಽವತು ವಾರಾಹೀ ನೈರೃತ್ಯಾಂ ಖಡ್ಗಧಾರಿಣೀ ।

ಪ್ರತೀಚ್ಯಾಂ ವಾರುಣೀ ರಕ್ಷೇದ್ವಾಯವ್ಯಾಂ ಮೃಗವಾಹಿನೀ

॥ 17 ॥

ಶ್ಲೋಕ 19

ಉದೀಚ್ಯಾಂ ಪಾತು ಕೌಮಾರೀ ಐಶಾನ್ಯಾಂ ಶೂಲಧಾರಿಣೀ ।

ಊರ್ಧ್ವಂ ಬ್ರಹ್ಮಾಣೀ ಮೇ ರಕ್ಷೇದಧಸ್ತಾದ್ವೈಷ್ಣವೀ ತಥಾ

॥ 18 ॥

ಶ್ಲೋಕ 20

ಏವಂ ದಶ ದಿಶೋ ರಕ್ಷೇಚ್ಚಾಮುಣ್ಡಾ ಶವವಾಹನಾ ।

ಜಯಾ ಮೇ ಚಾಗ್ರತಃ ಪಾತು ವಿಜಯಾ ಪಾತು ಪೃಷ್ಠತಃ

॥ 19 ॥

ಶ್ಲೋಕ 21

ಅಜಿತಾ ವಾಮಪಾರ್ಶ್ವೇ ತು ದಕ್ಷಿಣೇ ಚಾಪರಾಜಿತಾ ।

ಶಿಖಾಮುದ್ಯೋತಿನೀ ರಕ್ಷೇದುಮಾ ಮೂರ್ಧ್ನಿ ವ್ಯವಸ್ಥಿತಾ

॥ 20 ॥

ಶ್ಲೋಕ 22

ಮಾಲಾಧರೀ ಲಲಾಟೇ ಚ ಭ್ರುವೌ ರಕ್ಷೇದ್ಯಶಸ್ವಿನೀ ।

ತ್ರಿನೇತ್ರಾ ಚ ಭ್ರುವೋರ್ಮಧ್ಯೇ ಯಮಘಣ್ಟಾ ಚ ನಾಸಿಕೇ

॥ 21 ॥

ಶ್ಲೋಕ 23

ಶಙ್ಖಿನೀ ಚಕ್ಷುಷೋರ್ಮಧ್ಯೇ ಶ್ರೋತ್ರಯೋರ್ದ್ವಾರವಾಸಿನೀ ।

ಕಪೋಲೌ ಕಾಲಿಕಾ ರಕ್ಷೇತ್ಕರ್ಣಮೂಲೇ ತು ಶಾಙ್ಕರೀ

॥ 22 ॥

ಶ್ಲೋಕ 24

ನಾಸಿಕಾಯಾಂ ಸುಗನ್ಧಾ ಚ ಉತ್ತರೋಷ್ಠೇ ಚ ಚರ್ಚಿಕಾ ।

ಅಧರೇ ಚಾಮೃತಕಲಾ ಜಿಹ್ವಾಯಾಂ ಚ ಸರಸ್ವತೀ

॥ 23 ॥

ಶ್ಲೋಕ 25

ದನ್ತಾನ್ ರಕ್ಷತು ಕೌಮಾರೀ ಕಣ್ಠದೇಶೇ ತು ಚಣ್ಡಿಕಾ ।

ಘಣ್ಟಿಕಾಂ ಚಿತ್ರಘಣ್ಟಾ ಚ ಮಹಾಮಾಯಾ ಚ ತಾಲುಕೇ

॥ 24 ॥

ಶ್ಲೋಕ 26

ಕಾಮಾಕ್ಷೀ ಚಿಬುಕಂ ರಕ್ಷೇದ್ವಾಚಂ ಮೇ ಸರ್ವಮಙ್ಗಲಾ ।

ಗ್ರೀವಾಯಾಂ ಭದ್ರಕಾಲೀ ಚ ಪೃಷ್ಠವಂಶೇ ಧನುರ್ಧರೀ

॥ 25 ॥

ಶ್ಲೋಕ 27

ನೀಲಗ್ರೀವಾ ಬಹಿಃ ಕಣ್ಠೇ ನಲಿಕಾಂ ನಲಕೂಬರೀ ।

ಸ್ಕನ್ಧಯೋಃ ಖಡ್ಗಿನೀ ರಕ್ಷೇದ್ಬಾಹೂ ಮೇ ವಜ್ರಧಾರಿಣೀ

॥ 26 ॥

ಶ್ಲೋಕ 28

ಹಸ್ತಯೋರ್ದಣ್ಡಿನೀ ರಕ್ಷೇದಮ್ಬಿಕಾ ಚಾಙ್ಗುಲೀಷು ಚ ।

ನಖಾಞ್ಛೂಲೇಶ್ವರೀ ರಕ್ಷೇತ್ಕುಕ್ಷೌ ರಕ್ಷೇತ್ಕುಲೇಶ್ವರೀ

॥ 27 ॥

ಶ್ಲೋಕ 29

ಸ್ತನೌ ರಕ್ಷೇನ್ಮಹಾದೇವೀ ಮನಃಶೋಕವಿನಾಶಿನೀ ।

ಹೃದಯೇ ಲಲಿತಾ ದೇವೀ ಉದರೇ ಶೂಲಧಾರಿಣೀ

॥ 28 ॥

ಶ್ಲೋಕ 30

ನಾಭೌ ಚ ಕಾಮಿನೀ ರಕ್ಷೇದ್ಗುಹ್ಯಂ ಗುಹ್ಯೇಶ್ವರೀ ತಥಾ ।

ಪೂತನಾ ಕಾಮಿಕಾ ಮೇಢ್ರಂ ಗುದೇ ಮಹಿಷವಾಹಿನೀ

॥ 29 ॥

ಶ್ಲೋಕ 31

ಕಟ್ಯಾಂ ಭಗವತೀ ರಕ್ಷೇಜ್ಜಾನುನೀ ವಿನ್ಧ್ಯವಾಸಿನೀ ।

ಜಙ್ಘೇ ಮಹಾಬಲಾ ರಕ್ಷೇತ್ಸರ್ವಕಾಮಪ್ರದಾಯಿನೀ

॥ 30 ॥

ಶ್ಲೋಕ 32

ಗುಲ್ಫಯೋರ್ನಾರಸಿಂಹೀ ಚ ಪಾದಪೃಷ್ಠೇ ತು ತೈಜಸೀ ।

ಪಾದಾಙ್ಗುಲೀಷು ಶ್ರೀ ರಕ್ಷೇತ್ಪಾದಾಧಸ್ತಲವಾಸಿನೀ

॥ 31 ॥

ಶ್ಲೋಕ 33

ನಖಾನ್ ದಂಷ್ಟ್ರಕರಾಲೀ ಚ ಕೇಶಾಂಶ್ಚೈವೋರ್ಧ್ವಕೇಶಿನೀ ।

ರೋಮಕೂಪೇಷು ಕೌಮಾರೀ ತ್ವಚಂ ವಾಗೀಶ್ವರೀ ತಥಾ

॥ 32 ॥

ಶ್ಲೋಕ 34

ರಕ್ತಮಜ್ಜಾವಸಾಮಾಂಸಾನ್ಯಸ್ಥಿಮೇದಾಂಸಿ ಪಾರ್ವತೀ ।

ಅನ್ತ್ರಾಣಿ ಕಾಲರಾತ್ರಿಶ್ಚ ಪಿತ್ತಂ ಚ ಮುಕುಟೇಶ್ವರೀ

॥ 33 ॥

ಶ್ಲೋಕ 35

ಪದ್ಮಾವತೀ ಪದ್ಮಕೋಶೇ ಕಫೇ ಚೂಡಾಮಣಿಸ್ತಥಾ ।

ಜ್ವಾಲಾಮುಖೀ ನಖಜ್ವಾಲಾಮಭೇದ್ಯಾ ಸರ್ವಸನ್ಧಿಷು

॥ 34 ॥

ಶ್ಲೋಕ 36

ಶುಕ್ರಂ ಬ್ರಹ್ಮಾಣಿ! ಮೇ ರಕ್ಷೇಚ್ಛಾಯಾಂ ಛತ್ರೇಶ್ವರೀ ತಥಾ ।

ಅಹಙ್ಕಾರಂ ಮನೋ ಬುದ್ಧಿಂ ರಕ್ಷೇನ್ಮೇ ಧರ್ಮಧಾರಿಣೀ

॥ 35 ॥

ಶ್ಲೋಕ 37

ಪ್ರಾಣಾಪಾನೌ ತಥಾ ವ್ಯಾನಮುದಾನಂ ಚ ಸಮಾನಕಮ್ ।

ವಜ್ರಹಸ್ತಾ ಚ ಮೇ ರಕ್ಷೇತ್ಪ್ರಾಣಂ ಕಲ್ಯಾಣಶೋಭನಾ

॥ 36 ॥

ಶ್ಲೋಕ 38

ರಸೇ ರೂಪೇ ಚ ಗನ್ಧೇ ಚ ಶಬ್ದೇ ಸ್ಪರ್ಶೇ ಚ ಯೋಗಿನೀ ।

ಸತ್ತ್ವಂ ರಜಸ್ತಮಶ್ಚೈವ ರಕ್ಷೇನ್ನಾರಾಯಣೀ ಸದಾ

॥ 37 ॥

ಶ್ಲೋಕ 39

ಆಯೂ ರಕ್ಷತು ವಾರಾಹೀ ಧರ್ಮಂ ರಕ್ಷತು ವೈಷ್ಣವೀ ।

ಯಶಃ ಕೀರ್ತಿಂ ಚ ಲಕ್ಷ್ಮೀಂ ಚ ಧನಂ ವಿದ್ಯಾಂ ಚ ಚಕ್ರಿಣೀ

॥ 38 ॥

ಶ್ಲೋಕ 40

ಗೋತ್ರಮಿನ್ದ್ರಾಣಿ! ಮೇ ರಕ್ಷೇತ್ಪಶೂನ್ಮೇ ರಕ್ಷ ಚಣ್ಡಿಕೇ ।

ಪುತ್ರಾನ್ ರಕ್ಷೇನ್ಮಹಾಲಕ್ಷ್ಮೀರ್ಭಾರ್ಯಾಂ ರಕ್ಷತು ಭೈರವೀ

॥ 39 ॥

ಶ್ಲೋಕ 41

ಪನ್ಥಾನಂ ಸುಪಥಾ ರಕ್ಷೇನ್ಮಾರ್ಗಂ ಕ್ಷೇಮಕರೀ ತಥಾ ।

ರಾಜದ್ವಾರೇ ಮಹಾಲಕ್ಷ್ಮೀರ್ವಿಜಯಾ ಸರ್ವತಃ ಸ್ಥಿತಾ

॥ 40 ॥

ಶ್ಲೋಕ 42

ರಕ್ಷಾಹೀನಂ ತು ಯತ್-ಸ್ಥಾನಂ ವರ್ಜಿತಂ ಕವಚೇನ ತು ।

ತತ್ಸರ್ವಂ ರಕ್ಷ ಮೇ ದೇವಿ! ಜಯನ್ತೀ ಪಾಪನಾಶಿನೀ

॥ 41 ॥

ಶ್ಲೋಕ 43

ಪದಮೇಕಂ ನ ಗಚ್ಛೇತ್ತು ಯದೀಚ್ಛೇಚ್ಛುಭಮಾತ್ಮನಃ ।

ಕವಚೇನಾವೃತೋ ನಿತ್ಯಂ ಯತ್ರ ಯತ್ರೈವ ಗಚ್ಛತಿ

॥ 42 ॥

ಶ್ಲೋಕ 44

ತತ್ರ ತತ್ರಾರ್ಥಲಾಭಶ್ಚ ವಿಜಯಃ ಸಾರ್ವಕಾಮಿಕಃ ।

ಯಂ ಯಂ ಚಿನ್ತಯತೇ ಕಾಮಂ ತಂ ತಂ ಪ್ರಾಪ್ನೋತಿ ನಿಶ್ಚಿತಮ್

॥ 43 ॥

ಶ್ಲೋಕ 45

ಪರಮೈಶ್ವರ್ಯಮತುಲಂ ಪ್ರಾಪ್ಸ್ಯತೇ ಭೂತಲೇ ಪುಮಾನ್ ।

ನಿರ್ಭಯೋ ಜಾಯತೇ ಮರ್ತ್ಯಃ ಸಙ್ಗ್ರಾಮೇಷ್ವಪರಾಜಿತಃ

॥ 44 ॥

ಶ್ಲೋಕ 46

ತ್ರೈಲೋಕ್ಯೇ ತು ಭವೇತ್ಪೂಜ್ಯಃ ಕವಚೇನಾವೃತಃ ಪುಮಾನ್ ।

ಇದಂ ತು ದೇವ್ಯಾಃ ಕವಚಂ ದೇವಾನಾಮಪಿ ದುರ್ಲಭಮ್

॥ 45 ॥

ಶ್ಲೋಕ 47

ಯಃ ಪಠೇತ್ಪ್ರಯತೋ ನಿತ್ಯಂ ತ್ರಿಸನ್ಧ್ಯಂ ಶ್ರದ್ಧಯಾನ್ವಿತಃ ।

ದೈವೀಕಲಾ ಭವೇತ್ತಸ್ಯ ತ್ರೈಲೋಕ್ಯೇಷ್ವಪರಾಜಿತಃ । 47 ॥

ಜೀವೇದ್ವರ್ಷಶತಂ ಸಾಗ್ರಮಪಮೃತ್ಯುವಿವರ್ಜಿತಃ ।

ನಶ್ಯನ್ತಿ ವ್ಯಾಧಯಃ ಸರ್ವೇ ಲೂತಾವಿಸ್ಫೋಟಕಾದಯಃ

॥ 46 ॥

ಶ್ಲೋಕ 48

ಸ್ಥಾವರಂ ಜಙ್ಗಮಂ ಚೈವ ಕೃತ್ರಿಮಂ ಚೈವ ಯದ್ವಿಷಮ್ ।

ಅಭಿಚಾರಾಣಿ ಸರ್ವಾಣಿ ಮನ್ತ್ರಯನ್ತ್ರಾಣಿ ಭೂತಲೇ

॥ 48 ॥

ಶ್ಲೋಕ 49

ಭೂಚರಾಃ ಖೇಚರಾಶ್ಚೈವ ಜುಲಜಾಶ್ಚೋಪದೇಶಿಕಾಃ ।

ಸಹಜಾ ಕುಲಜಾ ಮಾಲಾ ಡಾಕಿನೀ ಶಾಕಿನೀ ತಥಾ

॥ 49 ॥

ಶ್ಲೋಕ 50

ಅನ್ತರಿಕ್ಷಚರಾ ಘೋರಾ ಡಾಕಿನ್ಯಶ್ಚ ಮಹಾಬಲಾಃ ।

ಗ್ರಹಭೂತಪಿಶಾಚಾಶ್ಚ ಯಕ್ಷಗನ್ಧರ್ವರಾಕ್ಷಸಾಃ

॥ 50 ॥

ಶ್ಲೋಕ 51

ಬ್ರಹ್ಮರಾಕ್ಷಸವೇತಾಲಾಃ ಕೂಷ್ಮಾಣ್ಡಾ ಭೈರವಾದಯಃ ।

ನಶ್ಯನ್ತಿ ದರ್ಶನಾತ್ತಸ್ಯ ಕವಚೇ ಹೃದಿ ಸಂಸ್ಥಿತೇ

॥ 51 ॥

ಶ್ಲೋಕ 52

ಮಾನೋನ್ನತಿರ್ಭವೇದ್ರಾಜ್ಞಸ್ತೇಜೋವೃದ್ಧಿಕರಂ ಪರಮ್ ।

ಯಶಸಾ ವರ್ಧತೇ ಸೋಽಪಿ ಕೀರ್ತಿಮಣ್ಡಿತಭೂತಲೇ

॥ 52 ॥

ಶ್ಲೋಕ 53

ಜಪೇತ್ಸಪ್ತಶತೀಂ ಚಣ್ಡೀಂ ಕೃತ್ವಾ ತು ಕವಚಂ ಪುರಾ ।

ಯಾವದ್ಭೂಮಣ್ಡಲಂ ಧತ್ತೇ ಸಶೈಲವನಕಾನನಮ್

॥ 53 ॥

ಶ್ಲೋಕ 54

ತಾವತ್ತಿಷ್ಠತಿ ಮೇದಿನ್ಯಾಂ ಸನ್ತತಿಃ ಪುತ್ರಪೌತ್ರಿಕೀ ।

ದೇಹಾನ್ತೇ ಪರಮಂ ಸ್ಥಾನಂ ಯತ್ಸುರೈರಪಿ ದುರ್ಲಭಮ್

॥ 54 ॥

ಶ್ಲೋಕ 55

ಪ್ರಾಪ್ನೋತಿ ಪುರುಷೋ ನಿತ್ಯಂ ಮಹಾಮಾಯಾಪ್ರಸಾದತಃ ।

ಲಭತೇ ಪರಮಂ ರೂಪಂ ಶಿವೇನ ಸಹ ಮೋದತೇ

॥ 55 ॥

ಶ್ಲೋಕ 56

॥ ಇತಿ ವಾರಾಹಪುರಾಣೇ ಹರಿಹರಬ್ರಹ್ಮ ವಿರಚಿತಂ ದೇವ್ಯಾಃ ಕವಚಂ ಸಮ್ಪೂರ್ಣಮ್ ॥