ദശാവതാര സ്തുതി

ദശാവതാര സ്തുതി

ശ്ലോക 1

നാമസ്മരണാദന്യോപായം ന ഹി പശ്യാമോ ഭവതരണേ ।

രാമ ഹരേ കൃഷ്ണ ഹരേ തവ നാമ വദാമി സദാ നൃഹരേ ॥

വേദോദ്ധാരവിചാരമതേ സോമകദാനവസംഹരണേ ।

മീനാകാരശരീര നമോ ഭക്തം തേ പരിപാലയ മാമ്

ശ്ലോക 2

മന്ഥാനാചലധാരണഹേതോ ദേവാസുര പരിപാല വിഭോ ।

കൂര്മാകാരശരീര നമോ ഭക്തം തേ പരിപാലയ മാമ്

॥ 1 ॥

ശ്ലോക 3

ഭൂചോരകഹര പുണ്യമതേ ക്രീഡോദ്ധൃതഭൂദേവഹരേ ।

ക്രോഡാകാരശരീര നമോ ഭക്തം തേ പരിപാലയ മാമ്

॥ 2 ॥

ശ്ലോക 4

ഹിരണ്യകശിപുച്ഛേദനഹേതോ പ്രഹ്ലാദാഽഭയധാരണഹേതോ ।

നരസിംഹാച്യുതരൂപ നമോ ഭക്തം തേ പരിപാലയ മാമ്

॥ 3 ॥

ശ്ലോക 5

ഭവബന്ധനഹര വിതതമതേ പാദോദകവിഹതാഘതതേ ।

വടുപടുവേഷമനോജ്ഞ നമോ ഭക്തം തേ പരിപാലയ മാമ്

॥ 4 ॥

ശ്ലോക 6

ക്ഷിതിപതിവംശക്ഷയകരമൂര്തേ ക്ഷിതിപതികര്താഹരമൂര്തേ ।

ഭൃഗുകുലരാമ പരേശ നമോ ഭക്തം തേ പരിപാലയ മാമ്

॥ 5 ॥

ശ്ലോക 7

സീതാവല്ലഭ ദാശരഥേ ദശരഥനന്ദന ലോകഗുരോ ।

രാവണമര്ദന രാമ നമോ ഭക്തം തേ പരിപാലയ മാമ്

॥ 6 ॥

ശ്ലോക 8

കൃഷ്ണാനന്ത കൃപാജലധേ കംസാരേ കമലേശ ഹരേ ।

കാലിയമര്ദന ലോകഗുരോ ഭക്തം തേ പരിപാലയ മാമ്

॥ 7 ॥

ശ്ലോക 9

ദാനവസതിമാനാപഹര ത്രിപുരവിജയമര്ദനരൂപ ।

ബുദ്ധജ്ഞായ ച ബൌദ്ധ നമോ ഭക്തം തേ പരിപാലയ മാമ്

॥ 8 ॥

ശ്ലോക 10

ശിഷ്ടജനാവന ദുഷ്ടഹര ഖഗതുരഗോത്തമവാഹന തേ ।

കല്കിരൂപപരിപാല നമോ ഭക്തം തേ പരിപാലയ മാമ്

॥ 9 ॥

ശ്ലോക 11

നാമസ്മരണാദന്യോപായം ന ഹി പശ്യാമോ ഭവതരണേ ।

രാമ ഹരേ കൃഷ്ണ ഹരേ തവ നാമ വദാമി സദാ നൃഹരേ ॥

ഇതി ദശാവതാര സ്തുതിഃ ।