ದಶಾವತಾರ ಸ್ತುತಿ

ದಶಾವತಾರ ಸ್ತುತಿ

ಶ್ಲೋಕ 1

ನಾಮಸ್ಮರಣಾದನ್ಯೋಪಾಯಂ ನ ಹಿ ಪಶ್ಯಾಮೋ ಭವತರಣೇ ।

ರಾಮ ಹರೇ ಕೃಷ್ಣ ಹರೇ ತವ ನಾಮ ವದಾಮಿ ಸದಾ ನೃಹರೇ ॥

ವೇದೋದ್ಧಾರವಿಚಾರಮತೇ ಸೋಮಕದಾನವಸಂಹರಣೇ ।

ಮೀನಾಕಾರಶರೀರ ನಮೋ ಭಕ್ತಂ ತೇ ಪರಿಪಾಲಯ ಮಾಮ್

ಶ್ಲೋಕ 2

ಮನ್ಥಾನಾಚಲಧಾರಣಹೇತೋ ದೇವಾಸುರ ಪರಿಪಾಲ ವಿಭೋ ।

ಕೂರ್ಮಾಕಾರಶರೀರ ನಮೋ ಭಕ್ತಂ ತೇ ಪರಿಪಾಲಯ ಮಾಮ್

॥ 1 ॥

ಶ್ಲೋಕ 3

ಭೂಚೋರಕಹರ ಪುಣ್ಯಮತೇ ಕ್ರೀಡೋದ್ಧೃತಭೂದೇವಹರೇ ।

ಕ್ರೋಡಾಕಾರಶರೀರ ನಮೋ ಭಕ್ತಂ ತೇ ಪರಿಪಾಲಯ ಮಾಮ್

॥ 2 ॥

ಶ್ಲೋಕ 4

ಹಿರಣ್ಯಕಶಿಪುಚ್ಛೇದನಹೇತೋ ಪ್ರಹ್ಲಾದಾಽಭಯಧಾರಣಹೇತೋ ।

ನರಸಿಂಹಾಚ್ಯುತರೂಪ ನಮೋ ಭಕ್ತಂ ತೇ ಪರಿಪಾಲಯ ಮಾಮ್

॥ 3 ॥

ಶ್ಲೋಕ 5

ಭವಬನ್ಧನಹರ ವಿತತಮತೇ ಪಾದೋದಕವಿಹತಾಘತತೇ ।

ವಟುಪಟುವೇಷಮನೋಜ್ಞ ನಮೋ ಭಕ್ತಂ ತೇ ಪರಿಪಾಲಯ ಮಾಮ್

॥ 4 ॥

ಶ್ಲೋಕ 6

ಕ್ಷಿತಿಪತಿವಂಶಕ್ಷಯಕರಮೂರ್ತೇ ಕ್ಷಿತಿಪತಿಕರ್ತಾಹರಮೂರ್ತೇ ।

ಭೃಗುಕುಲರಾಮ ಪರೇಶ ನಮೋ ಭಕ್ತಂ ತೇ ಪರಿಪಾಲಯ ಮಾಮ್

॥ 5 ॥

ಶ್ಲೋಕ 7

ಸೀತಾವಲ್ಲಭ ದಾಶರಥೇ ದಶರಥನನ್ದನ ಲೋಕಗುರೋ ।

ರಾವಣಮರ್ದನ ರಾಮ ನಮೋ ಭಕ್ತಂ ತೇ ಪರಿಪಾಲಯ ಮಾಮ್

॥ 6 ॥

ಶ್ಲೋಕ 8

ಕೃಷ್ಣಾನನ್ತ ಕೃಪಾಜಲಧೇ ಕಂಸಾರೇ ಕಮಲೇಶ ಹರೇ ।

ಕಾಲಿಯಮರ್ದನ ಲೋಕಗುರೋ ಭಕ್ತಂ ತೇ ಪರಿಪಾಲಯ ಮಾಮ್

॥ 7 ॥

ಶ್ಲೋಕ 9

ದಾನವಸತಿಮಾನಾಪಹರ ತ್ರಿಪುರವಿಜಯಮರ್ದನರೂಪ ।

ಬುದ್ಧಜ್ಞಾಯ ಚ ಬೌದ್ಧ ನಮೋ ಭಕ್ತಂ ತೇ ಪರಿಪಾಲಯ ಮಾಮ್

॥ 8 ॥

ಶ್ಲೋಕ 10

ಶಿಷ್ಟಜನಾವನ ದುಷ್ಟಹರ ಖಗತುರಗೋತ್ತಮವಾಹನ ತೇ ।

ಕಲ್ಕಿರೂಪಪರಿಪಾಲ ನಮೋ ಭಕ್ತಂ ತೇ ಪರಿಪಾಲಯ ಮಾಮ್

॥ 9 ॥

ಶ್ಲೋಕ 11

ನಾಮಸ್ಮರಣಾದನ್ಯೋಪಾಯಂ ನ ಹಿ ಪಶ್ಯಾಮೋ ಭವತರಣೇ ।

ರಾಮ ಹರೇ ಕೃಷ್ಣ ಹರೇ ತವ ನಾಮ ವದಾಮಿ ಸದಾ ನೃಹರೇ ॥

ಇತಿ ದಶಾವತಾರ ಸ್ತುತಿಃ ।