చౌరాష్టకమ్ (శ్రీ చౌరాగ్రగణ్య పురుషాష్టకమ్)

చౌరాష్టకమ్ (శ్రీ చౌరాగ్రగణ్య పురుషాష్టకమ్)

శ్లోక 1

వ్రజే ప్రసిద్ధం నవనీతచౌరం

గోపాఙ్గనానాం చ దుకూలచౌరమ్ ।

అనేకజన్మార్జితపాపచౌరం

చౌరాగ్రగణ్యం పురుషం నమామి

శ్లోక 2

శ్రీరాధికాయా హృదయస్య చౌరం

నవామ్బుదశ్యామలకాన్తిచౌరమ్ ।

పదాశ్రితానాం చ సమస్తచౌరం

చౌరాగ్రగణ్యం పురుషం నమామి

॥ 1॥

శ్లోక 3

అకిఞ్చనీకృత్య పదాశ్రితం యః

కరోతి భిక్షుం పథి గేహహీనమ్ ।

కేనాప్యహో భీషణచౌర ఈదృగ్-

దృష్టఃశ్రుతో వా న జగత్త్రయేఽపి

॥ 2॥

శ్లోక 4

యదీయ నామాపి హరత్యశేషం

గిరిప్రసారాన్ అపి పాపరాశీన్ ।

ఆశ్చర్యరూపో నను చౌర ఈదృగ్

దృష్టః శ్రుతో వా న మయా కదాపి

॥ 3॥

శ్లోక 5

ధనం చ మానం చ తథేన్ద్రియాణి

ప్రాణాంశ్చ హృత్వా మమ సర్వమేవ ।

పలాయసే కుత్ర ధృతోఽద్య చౌర

త్వం భక్తిదామ్నాసి మయా నిరుద్ధః

॥ 4॥

శ్లోక 6

ఛినత్సి ఘోరం యమపాశబన్ధం

భినత్సి భీమం భవపాశబన్ధమ్ ।

ఛినత్సి సర్వస్య సమస్తబన్ధం

నైవాత్మనో భక్తకృతం తు బన్ధమ్

॥ 5॥

శ్లోక 7

మన్మానసే తామసరాశిఘోరే

కారాగృహే దుఃఖమయే నిబద్ధః ।

లభస్వ హే చౌర! హరే! చిరాయ

స్వచౌర్యదోషోచితమేవ దణ్డమ్

॥ 6॥

శ్లోక 8

కారాగృహే వస సదా హృదయే మదీయే

మద్భక్తిపాశదృఢబన్ధననిశ్చలః సన్ ।

త్వాం కృష్ణ హే! ప్రలయకోటిశతాన్తరేఽపి

సర్వస్వచౌర! హృదయాన్ న హి మోచయామి

॥ 7॥

శ్లోక 9

ఇతి శ్రీబిల్వమఙ్గలఠాకూరవిరచితం చౌరాష్టకం సమ్పూర్ణమ్ ।

చౌరగ్రగణ్య పురుషాష్టకమ్ ।