ಚೌರಾಷ್ಟಕಮ್ (ಶ್ರೀ ಚೌರಾಗ್ರಗಣ್ಯ ಪುರುಷಾಷ್ಟಕಮ್)

ಚೌರಾಷ್ಟಕಮ್ (ಶ್ರೀ ಚೌರಾಗ್ರಗಣ್ಯ ಪುರುಷಾಷ್ಟಕಮ್)

ಶ್ಲೋಕ 1

ವ್ರಜೇ ಪ್ರಸಿದ್ಧಂ ನವನೀತಚೌರಂ

ಗೋಪಾಙ್ಗನಾನಾಂ ಚ ದುಕೂಲಚೌರಮ್ ।

ಅನೇಕಜನ್ಮಾರ್ಜಿತಪಾಪಚೌರಂ

ಚೌರಾಗ್ರಗಣ್ಯಂ ಪುರುಷಂ ನಮಾಮಿ

ಶ್ಲೋಕ 2

ಶ್ರೀರಾಧಿಕಾಯಾ ಹೃದಯಸ್ಯ ಚೌರಂ

ನವಾಮ್ಬುದಶ್ಯಾಮಲಕಾನ್ತಿಚೌರಮ್ ।

ಪದಾಶ್ರಿತಾನಾಂ ಚ ಸಮಸ್ತಚೌರಂ

ಚೌರಾಗ್ರಗಣ್ಯಂ ಪುರುಷಂ ನಮಾಮಿ

॥ 1॥

ಶ್ಲೋಕ 3

ಅಕಿಞ್ಚನೀಕೃತ್ಯ ಪದಾಶ್ರಿತಂ ಯಃ

ಕರೋತಿ ಭಿಕ್ಷುಂ ಪಥಿ ಗೇಹಹೀನಮ್ ।

ಕೇನಾಪ್ಯಹೋ ಭೀಷಣಚೌರ ಈದೃಗ್-

ದೃಷ್ಟಃಶ್ರುತೋ ವಾ ನ ಜಗತ್ತ್ರಯೇಽಪಿ

॥ 2॥

ಶ್ಲೋಕ 4

ಯದೀಯ ನಾಮಾಪಿ ಹರತ್ಯಶೇಷಂ

ಗಿರಿಪ್ರಸಾರಾನ್ ಅಪಿ ಪಾಪರಾಶೀನ್ ।

ಆಶ್ಚರ್ಯರೂಪೋ ನನು ಚೌರ ಈದೃಗ್

ದೃಷ್ಟಃ ಶ್ರುತೋ ವಾ ನ ಮಯಾ ಕದಾಪಿ

॥ 3॥

ಶ್ಲೋಕ 5

ಧನಂ ಚ ಮಾನಂ ಚ ತಥೇನ್ದ್ರಿಯಾಣಿ

ಪ್ರಾಣಾಂಶ್ಚ ಹೃತ್ವಾ ಮಮ ಸರ್ವಮೇವ ।

ಪಲಾಯಸೇ ಕುತ್ರ ಧೃತೋಽದ್ಯ ಚೌರ

ತ್ವಂ ಭಕ್ತಿದಾಮ್ನಾಸಿ ಮಯಾ ನಿರುದ್ಧಃ

॥ 4॥

ಶ್ಲೋಕ 6

ಛಿನತ್ಸಿ ಘೋರಂ ಯಮಪಾಶಬನ್ಧಂ

ಭಿನತ್ಸಿ ಭೀಮಂ ಭವಪಾಶಬನ್ಧಮ್ ।

ಛಿನತ್ಸಿ ಸರ್ವಸ್ಯ ಸಮಸ್ತಬನ್ಧಂ

ನೈವಾತ್ಮನೋ ಭಕ್ತಕೃತಂ ತು ಬನ್ಧಮ್

॥ 5॥

ಶ್ಲೋಕ 7

ಮನ್ಮಾನಸೇ ತಾಮಸರಾಶಿಘೋರೇ

ಕಾರಾಗೃಹೇ ದುಃಖಮಯೇ ನಿಬದ್ಧಃ ।

ಲಭಸ್ವ ಹೇ ಚೌರ! ಹರೇ! ಚಿರಾಯ

ಸ್ವಚೌರ್ಯದೋಷೋಚಿತಮೇವ ದಣ್ಡಮ್

॥ 6॥

ಶ್ಲೋಕ 8

ಕಾರಾಗೃಹೇ ವಸ ಸದಾ ಹೃದಯೇ ಮದೀಯೇ

ಮದ್ಭಕ್ತಿಪಾಶದೃಢಬನ್ಧನನಿಶ್ಚಲಃ ಸನ್ ।

ತ್ವಾಂ ಕೃಷ್ಣ ಹೇ! ಪ್ರಲಯಕೋಟಿಶತಾನ್ತರೇಽಪಿ

ಸರ್ವಸ್ವಚೌರ! ಹೃದಯಾನ್ ನ ಹಿ ಮೋಚಯಾಮಿ

॥ 7॥

ಶ್ಲೋಕ 9

ಇತಿ ಶ್ರೀಬಿಲ್ವಮಙ್ಗಲಠಾಕೂರವಿರಚಿತಂ ಚೌರಾಷ್ಟಕಂ ಸಮ್ಪೂರ್ಣಮ್ ।

ಚೌರಗ್ರಗಣ್ಯ ಪುರುಷಾಷ್ಟಕಮ್ ।