ચૌરાષ્ટકમ્ (શ્રી ચૌરાગ્રગણ્ય પુરુષાષ્ટકમ્)

ચૌરાષ્ટકમ્ (શ્રી ચૌરાગ્રગણ્ય પુરુષાષ્ટકમ્)

શ્લોક 1

વ્રજે પ્રસિદ્ધં નવનીતચૌરં

ગોપાઙ્ગનાનાં ચ દુકૂલચૌરમ્ ।

અનેકજન્માર્જિતપાપચૌરં

ચૌરાગ્રગણ્યં પુરુષં નમામિ

શ્લોક 2

શ્રીરાધિકાયા હૃદયસ્ય ચૌરં

નવામ્બુદશ્યામલકાન્તિચૌરમ્ ।

પદાશ્રિતાનાં ચ સમસ્તચૌરં

ચૌરાગ્રગણ્યં પુરુષં નમામિ

॥ 1॥

શ્લોક 3

અકિઞ્ચનીકૃત્ય પદાશ્રિતં યઃ

કરોતિ ભિક્ષું પથિ ગેહહીનમ્ ।

કેનાપ્યહો ભીષણચૌર ઈદૃગ્-

દૃષ્ટઃશ્રુતો વા ન જગત્ત્રયેઽપિ

॥ 2॥

શ્લોક 4

યદીય નામાપિ હરત્યશેષં

ગિરિપ્રસારાન્ અપિ પાપરાશીન્ ।

આશ્ચર્યરૂપો નનુ ચૌર ઈદૃગ્

દૃષ્ટઃ શ્રુતો વા ન મયા કદાપિ

॥ 3॥

શ્લોક 5

ધનં ચ માનં ચ તથેન્દ્રિયાણિ

પ્રાણાંશ્ચ હૃત્વા મમ સર્વમેવ ।

પલાયસે કુત્ર ધૃતોઽદ્ય ચૌર

ત્વં ભક્તિદામ્નાસિ મયા નિરુદ્ધઃ

॥ 4॥

શ્લોક 6

છિનત્સિ ઘોરં યમપાશબન્ધં

ભિનત્સિ ભીમં ભવપાશબન્ધમ્ ।

છિનત્સિ સર્વસ્ય સમસ્તબન્ધં

નૈવાત્મનો ભક્તકૃતં તુ બન્ધમ્

॥ 5॥

શ્લોક 7

મન્માનસે તામસરાશિઘોરે

કારાગૃહે દુઃખમયે નિબદ્ધઃ ।

લભસ્વ હે ચૌર! હરે! ચિરાય

સ્વચૌર્યદોષોચિતમેવ દણ્ડમ્

॥ 6॥

શ્લોક 8

કારાગૃહે વસ સદા હૃદયે મદીયે

મદ્ભક્તિપાશદૃઢબન્ધનનિશ્ચલઃ સન્ ।

ત્વાં કૃષ્ણ હે! પ્રલયકોટિશતાન્તરેઽપિ

સર્વસ્વચૌર! હૃદયાન્ ન હિ મોચયામિ

॥ 7॥

શ્લોક 9

ઇતિ શ્રીબિલ્વમઙ્ગલઠાકૂરવિરચિતં ચૌરાષ્ટકં સમ્પૂર્ણમ્ ।

ચૌરગ્રગણ્ય પુરુષાષ્ટકમ્ ।