Chandrasekhara Ashtakam

candrazekharASTakam

zloka 1

candrazekhara candrazekhara candrazekhara pAhimAm |

candrazekhara candrazekhara candrazekhara rakSamAm || (2)

ratnasAnu zarAsanaM rajatAdri zRGga niketanaM

ziJjinIkRta pannagezvara macyutAnala sAyakam |

kSipradagda puratrayaM tridazAlayai-rabhivanditaM

candrazekharamAzraye mama kiM kariSyati vai yamaH || 1 ||

paJcapAdapa puSpagandha padAmbuja dvayazobhitaM

phAlalocana jAtapAvaka dagdha manmadha vigraham |

bhasmadigdha kalebaraM bhavanAzanaM bhava mavyayaM

candrazekhara candrazekhara candrazekhara rakSamAm || 2 ||

mattavAraNa mukhyacarma kRtottarIya manoharaM

paGkajAsana padmalocana pUjitAGghri saroruham |

deva sindhu taraGga zrIkara sikta zubhra jaTAdharaM

candrazekhara candrazekhara candrazekhara pAhimAm || 3 ||

yakSa rAjasakhaM bhagAkSa haraM bhujaGga vibhUSaNam

zailarAja sutA pariSkRta cAruvAma kalebaram |

kSela nIlagalaM parazvadha dhAriNaM mRgadhAriNam

candrazekhara candrazekhara candrazekhara pAhimAm || 4 ||

kuNDalIkRta kuNDalIzvara kuNDalaM vRSavAhanaM

nAradAdi munIzvara stutavaibhavaM bhuvanezvaram |

andhakAntaka mAzritAmara pAdapaM zamanAntakaM

candrazekhara candrazekhara candrazekhara rakSamAm || 5 ||

bheSajaM bhavarogiNA makhilApadA mapahAriNaM

dakSayajJa vinAzanaM triguNAtmakaM trivilocanam |

bhakti mukti phalapradaM sakalAgha saGgha nibarhaNaM

candrazekhara candrazekhara candrazekhara rakSamAm || 6 ||

bhaktavatsala-marcitaM nidhimakSayaM haridambaraM

sarvabhUta patiM parAtpara-maprameya manuttamam |

somavArina bhUhutAzana soma pAdyakhilAkRtiM

candrazekhara candrazekhara candrazekhara pAhimAm || 7 ||

vizvasRSTi vidhAyakaM punarevapAlana tatparaM

saMharaM tamapi prapaJca mazeSaloka nivAsinam |

krIDayanta maharnizaM gaNanAtha yUtha samanvitaM

candrazekhara candrazekhara candrazekhara rakSamAm || 8 ||

mRtyubhIta mRkaNDusUnukRtastavaM zivasannidhau

yatra kutra ca yaH paThenna hi tasya mRtyubhayaM bhavet |

pUrNamAyurarogatAmakhilArthasampadamAdaraM

candrazekhara eva tasya dadAti muktimayatnataH || 9 ||