Chandra Ashtottara Sata Nama Stotram

චන්ද්ර අෂ්ටෝත්තර ශත නාම ස්තෝත්රම්

ශ්ලොක 1

ශ්රීමාන් ශශධරශ්චන්ද්රෝ තාරාධීශෝ නිශාකරඃ .

සුධානිධිඃ සදාරාධ්යඃ සත්පතිඃ සාධුපූජිතඃ .. 1 ..

ජිතේන්ද්රියෝ ජගද්යෝනිඃ ජ්යෝතිශ්චක්රප්රවර්තකඃ .

විකර්තනානුජෝ වීරෝ විශ්වේශෝ විදුෂාං පතිඃ .. 2 ..

දෝෂාකරෝ දුෂ්ටදූරඃ පුෂ්ටිමාන් ශිෂ්ටපාලකඃ .

අෂ්ටමූර්තිප්රියෝ(අ)නන්තකෂ්ටදාරුකුඨාරකඃ .. 3 ..

ස්වප්රකාශඃ ප්රකාශාත්මා ද්යුචරෝ දේවභෝජනඃ .

කලාධරඃ කාලහේතුඃ කාමකෘත්කාමදායකඃ .. 4 ..

මෘත්යුසංහාරකෝ(අ)මර්ත්යෝ නිත්යානුෂ්ඨානදායකඃ .

ක්ෂපාකරඃ ක්ෂීණපාපඃ ක්ෂයවෘද්ධිසමන්විතඃ .. 5 ..

ජෛවාතෘකඃ ශුචී ශුභ්රෝ ජයී ජයඵලප්රදඃ .

සුධාමයඃ සුරස්වාමී භක්තනාමිෂ්ටදායකඃ .. 6 ..

භුක්තිදෝ මුක්තිදෝ භද්රෝ භක්තදාරිද්ර්යභඤ්ජකඃ .

සාමගානප්රියඃ සර්වරක්ෂකඃ සාගරෝද්භවඃ .. 7 ..

භයාන්තකෘද්භක්තිගම්යෝ භවබන්ධවිමෝචකඃ .

ජගත්ප්රකාශකිරණෝ ජගදානන්දකාරණඃ .. 8 ..

නිස්සපත්නෝ නිරාහාරෝ නිර්විකාරෝ නිරාමයඃ .

භූච්ඡායා(අ)(අ)ච්ඡාදිතෝ භව්යෝ භුවනප්රතිපාලකඃ .. 9 ..

සකලාර්තිහරඃ සෞම්යජනකඃ සාධුවන්දිතඃ .

සර්වාගමජ්ඤඃ සර්වජ්ඤෝ සනකාදිමුනිස්තුතඃ .. 10 ..

සිතච්ඡත්රධ්වජෝපේතඃ සිතාඞ්ගෝ සිතභූෂණඃ .

ශ්වේතමාල්යාම්බරධරඃ ශ්වේතගන්ධානුලේපනඃ .. 11 ..

දශාශ්වරථසංරූඪෝ දණ්ඩපාණිඃ ධනුර්ධරඃ .

කුන්දපුෂ්පෝජ්ජ්වලාකාරෝ නයනාබ්ජසමුද්භවඃ .. 12 ..

ආත්රේයගෝත්රජෝ(අ)ත්යන්තවිනයඃ ප්රියදායකඃ .

කරුණාරසසම්පූර්ණඃ කර්කටප්රභුරව්යයඃ .. 13 ..

චතුරශ්රාසනාරූඪශ්චතුරෝ දිව්යවාහනඃ .

විවස්වන්මණ්ඩලාග්නේයවාසෝ වසුසමෘද්ධිදඃ .. 14 ..

මහේශ්වරප්රියෝ දාන්තඃ මේරුගෝත්රප්රදක්ෂිණඃ .

ග්රහමණ්ඩලමධ්යස්ථෝ ග්රසිතාර්කෝ ග්රහාධිපඃ .. 15 ..

ද්විජරාජෝ ද්යුතිලකෝ ද්විභුජෝ ද්විජපූජිතඃ .

ඖදුම්බරනගාවාස උදාරෝ රෝහිණීපතිඃ .. 16 ..

නිත්යෝදයෝ මුනිස්තුත්යෝ නිත්යානන්දඵලප්රදඃ .

සකලාහ්ලාදනකරඃ පලාශසමිධප්රියඃ .. 17 ..

ඒවං නක්ෂත්රනාථස්ය නාම්නාමෂ්ටෝත්තරං ශතම් ..

ඉති ශ්රී චන්ද්ර අෂ්ටෝත්තරශතනාම ස්තෝත්රම් .