Chandra Ashtottara Sata Nama Stotram

chandra aShTottara shata nAma stotram

shloka 1

shrImAn shashadharashchandro tArAdhIsho nishAkaraH |

sudhAnidhiH sadArAdhyaH satpatiH sAdhupUjitaH || 1 ||

jitendriyo jagadyoniH jyotishchakrapravartakaH |

vikartanAnujo vIro vishvesho viduShAM patiH || 2 ||

doShAkaro duShTadUraH puShTimAn shiShTapAlakaH |

aShTamUrtipriyo.anantakaShTadArukuThArakaH || 3 ||

svaprakAshaH prakAshAtmA dyucharo devabhojanaH |

kalAdharaH kAlahetuH kAmakRRitkAmadAyakaH || 4 ||

mRRityusaMhArako.amartyo nityAnuShThAnadAyakaH |

kShapAkaraH kShINapApaH kShayavRRiddhisamanvitaH || 5 ||

jaivAtRRikaH shuchI shubhro jayI jayaphalapradaH |

sudhAmayaH surasvAmI bhaktanAmiShTadAyakaH || 6 ||

bhuktido muktido bhadro bhaktadAridryabha~njakaH |

sAmagAnapriyaH sarvarakShakaH sAgarodbhavaH || 7 ||

bhayAntakRRidbhaktigamyo bhavabandhavimochakaH |

jagatprakAshakiraNo jagadAnandakAraNaH || 8 ||

nissapatno nirAhAro nirvikAro nirAmayaH |

bhUchChAyA.a.achChAdito bhavyo bhuvanapratipAlakaH || 9 ||

sakalArtiharaH saumyajanakaH sAdhuvanditaH |

sarvAgamajnaH sarvajno sanakAdimunistutaH || 10 ||

sitachChatradhvajopetaH sitA~Ngo sitabhUShaNaH |

shvetamAlyAmbaradharaH shvetagandhAnulepanaH || 11 ||

dashAshvarathasaMrUDho daNDapANiH dhanurdharaH |

kundapuShpojjvalAkAro nayanAbjasamudbhavaH || 12 ||

Atreyagotrajo.atyantavinayaH priyadAyakaH |

karuNArasasampUrNaH karkaTaprabhuravyayaH || 13 ||

chaturashrAsanArUDhashchaturo divyavAhanaH |

vivasvanmaNDalAgneyavAso vasusamRRiddhidaH || 14 ||

maheshvarapriyo dAntaH merugotrapradakShiNaH |

grahamaNDalamadhyastho grasitArko grahAdhipaH || 15 ||

dvijarAjo dyutilako dvibhujo dvijapUjitaH |

audumbaranagAvAsa udAro rohiNIpatiH || 16 ||

nityodayo munistutyo nityAnandaphalapradaH |

sakalAhlAdanakaraH palAshasamidhapriyaH || 17 ||

evaM nakShatranAthasya nAmnAmaShTottaraM shatam ||

iti shrI chandra aShTottarashatanAma stotram |