ப்ரஹ்ம ஸம்ஹிதா

ப்ரஹ்ம ஸம்ஹிதா

ஶ்லோக 1

ஈஶ்வரஃ பரமஃ க்ரு'ஷ்ணஃ ஸச்சிதாநந்தவிக்ரஹஃ ।

அநாதிராதிர்கோவிந்தஃ ஸர்வகாரணகாரணம்

ஶ்லோக 2

ஸஹஸ்ரபத்ரகமலம் கோகுலாக்யம் மஹத்பதம் ।

தத்கர்ணிகாரம் தத்தாம ததநந்தாஶஸம்பவம்

॥ 1 ॥

ஶ்லோக 3

கர்ணிகாரம் மஹத்யந்த்ரம் ஷட்கோணம் வஜ்ரகீலகம்

ஷடங்க ஷட்பதீஸ்தாநம் ப்ரக்ரு'த்யா புருஷேண ச ।

ப்ரேமாநந்தமஹாநந்தரஸேநாவஸ்திதம் ஹி யத்

ஜ்யோதீரூபேண மநுநா காமபீஜேந ஸங்கதம்

॥ 2 ॥

ஶ்லோக 4

தத்கிஞ்ஜல்கம் ததம்ஶாநாம் தத்பத்ராணி ஶ்ரியாமபி

॥ 3 ॥

ஶ்லோக 5

சதுரஸ்ரம் தத்பரிதஃ ஶ்வேதத்வீபாக்யமத்புதம் ।

சதுரஸ்ரம் சதுர்மூர்தேஶ்சதுர்தாம சதுஷ்க்ரு'தம் ।

சதுர்பிஃ புருஷார்தைஶ்ச சதுர்பிர்ஹேதுபிர்வ்ரு'தம் ।

ஶூலைர்தஶபிராநத்தமூர்த்வாதோ திக்விதிக்ஷ்வபி ।

அஷ்டபிர்நிதிபிர்ஜுஷ்டமஷ்டபிஃ ஸித்திபிஸ்ததா ।

மநுரூபைஶ்ச தஶபிர்திக்பாலைஃ பரிதோ வ்ரு'தம் ।

ஶ்யாமைர்கௌரைஶ்ச ரக்தைஶ்ச ஶுக்லைஶ்ச பார்ஷதர்ஷபைஃ ।

ஶோபிதம் ஶக்திபிஸ்தாபிரத்புதாபிஃ ஸமந்ததஃ

॥ 4 ॥

ஶ்லோக 6

ஏவம் ஜ்யோதிர்மயோ தேவஃ ஸதாநந்தம் பராத்பரஃ ।

ஆத்மாராமஸ்ய தஸ்யாஸ்தி ப்ரக்ரு'த்யா ந ஸமாகமஃ

॥ 5 ॥

ஶ்லோக 7

மாயயாऽரமமாணஸ்ய ந வியோகஸ்தயா ஸஹ ।

ஆத்மநா ரமயா ரேமே த்யக்தகாலம் ஸிஸ்ரு'க்ஷயா

॥ 6 ॥

ஶ்லோக 8

நியதிஃ ஸா ரமாதேவீ தத்ப்ரியா தத்வஶம் ததா ।

தல்லிங்கம் பகவாந் ஶம்புர்ஜோதிரூபஃ ஸநாதநஃ ।

யா யோநிஃ ஸாபராஶக்திஃ காமோ பீஜம் மஹத்தரேஃ

॥ 7 ॥

ஶ்லோக 9

லிங்கயோந்யாத்மிகா ஜாதா இமா மாஹேஶ்வரீ ப்ரஜாஃ

॥ 8 ॥

ஶ்லோக 10

ஶக்திமாந் புருஷஃ ஸோऽயம் லிங்கரூபீ மஹேஶ்வரஃ ।

தஸ்மிந்நாவிரபூல்லிங்கே மஹாவிஷ்ணுர்ஜகத்பதிஃ

॥ 9 ॥

ஶ்லோக 11

ஸஹஸ்ரஶீர்ஷா புருஷஃ ஸஹஸ்ராக்ஷஃ ஸஹஸ்ரபாத் ।

ஸஹஸ்ரபாஹுர்விஶ்வாத்மா ஸஹஸ்ராம்ஶஃ ஸஹஸ்ரஸூஃ

॥ 10 ॥

ஶ்லோக 12

நாராயணஃ ஸ பகவாநாபஸ்தஸ்மாத்ஸநாதநாத் ।

ஆவிராஸீத்காரணார்ணோ நிதிஃ ஸங்கர்ஷணாத்மகஃ ।

யோகநித்ராம் கதஸ்தஸ்மிந் ஸஹஸ்ராம்ஶஃ ஸ்வயம் மஹாந்

॥ 11 ॥

ஶ்லோக 13

தத்ரோமபில ஜாலேஷு பீஜம் ஸங்கர்ஷணஸ்ய ச ।

ஹைமாந்யண்டாநி ஜாதாநி மஹாபூதாவ்ரு'தாநி து

॥ 12 ॥

ஶ்லோக 14

ப்ரத்யண்டமேவமேகாம்ஶாதேகாம்ஶாத்விஶதி ஸ்வயம் ।

ஸஹஸ்ரமூர்தா விஶ்வாத்மா மஹாவிஷ்ணுஃ ஸநாதநஃ

॥ 13 ॥

ஶ்லோக 15

வாமாங்காதஸ்ரு'ஜத்விஷ்ணும் தக்ஷிணாங்காத்ப்ரஜாபதிம் ।

ஜ்யோதிர்லிங்கமயம் ஶம்பும் கூர்சதேஶாதவாஸ்ரு'ஜத்

॥ 14 ॥

ஶ்லோக 16

அஹங்காராத்மகம் விஶ்வம் தஸ்மாதேதத்வ்யஜாயத

॥ 15 ॥

ஶ்லோக 17

அத தைஸ்த்ரிவிதைர்வேஶைர்லீலாமுத்வஹதஃ கில ।

யோகநித்ரா பகவதீ தஸ்ய ஶ்ரீரிவ ஸங்கதா

॥ 16 ॥

ஶ்லோக 18

ஸஸ்ரு'க்ஷாயாம் ததோ நாபேஸ்தஸ்ய பத்மம் விநிர்யயௌ ।

தந்நாலம் ஹேமநலிநம் ப்ரஹ்மணோ லோகமத்புதம்

॥ 17 ॥

ஶ்லோக 19

தத்த்வாநி பூர்வரூடாநி காரணாநி பரஸ்பரம் ।

ஸமவாயாப்ரயோகாச்ச விபிந்நாநி ப்ரு'தக் ப்ரு'தக் ।

சிச்சக்த்யா ஸஜ்ஜமாநோऽத பகவாநாதிபூருஷஃ ।

யோஜயந்மாயயா தேவோ யோகநித்ராமகல்பயத்

॥ 18 ॥

ஶ்லோக 20

யோஜயித்வா து தாந்யேவ ப்ரவிவேஶ ஸ்வயம் குஹாம் ।

குஹாம் ப்ரவிஷ்டே தஸ்மிம்ஸ்து ஜீவாத்மா ப்ரதிபுத்யதே

॥ 19 ॥

ஶ்லோக 21

ஸ நித்யோ நித்யஸம்பந்தஃ ப்ரக்ரு'திஶ்ச பரைவ ஸா

॥ 20 ॥

ஶ்லோக 22

ஏவம் ஸர்வாத்மஸம்பந்தம் நாப்யாம் பத்மம் ஹரேரபூத் ।

தத்ர ப்ரஹ்மாபவத்பூயஶ்சதுர்வேதீ சதுர்முகஃ

॥ 21 ॥

ஶ்லோக 23

ஸ ஜாதோ பகவச்சக்த்யா தத்காலம் கில சோதிதஃ ।

ஸிஸ்ரு'க்ஷாயாம் மதிம் சக்ரே பூர்வஸம்ஸ்காரஸம்ஸ்க்ரு'தஃ ।

ததர்ஶ கேவலம் த்வாந்தம் நாந்யத்கிமபி ஸர்வதஃ

॥ 22 ॥

ஶ்லோக 24

உவாச புரதஸ்தஸ்மை தஸ்ய திவ்யா ஸரஸ்வதீ ।

காமஃ க்ரு'ஷ்ணாய கோவிந்த ஹே கோபீஜந இத்யபி ।

வல்லபாய ப்ரியா வஹ்நேர்மந்த்ரம் தே தாஸ்யதி ப்ரியம்

॥ 23 ॥

ஶ்லோக 25

தபஸ்த்வம் தப ஏதேந தவ ஸித்திர்பவிஷ்யதி

॥ 24 ॥

ஶ்லோக 26

அத தேபே ஸ ஸுசிரம் ப்ரீணந் கோவிந்தமவ்யயம் ।

ஶ்வேதத்வீபபதிம் க்ரு'ஷ்ணம் கோலோகஸ்தம் பராத்பரம் ।

ப்ரக்ரு'த்யா குணரூபிண்யா ரூபிண்யா பர்யுபாஸிதம் ।

ஸஹஸ்ரதலஸம்பந்நே கோடிகிஞ்ஜல்கப்ரு'ம்ஹிதே ।

பூமிஶ்சிந்தாமணிஸ்தத்ர கர்ணிகாரே மஹாஸநே ।

ஸமாஸீநம் சிதாநந்தம் ஜ்யோதிரூபம் ஸநாதநம் ।

ஶப்தப்ரஹ்மமயம் வேணும் வாதயந்தம் முகாம்புஜே ।

விலாஸிநீகணவ்ரு'தம் ஸ்வைஃ ஸ்வைரம்ஶைரபிஷ்டுதம்

॥ 25 ॥

ஶ்லோக 27

அத வேணுநிநாதஸ்ய த்ரயீமூர்திமயீ கதிஃ ।

ஸ்புரந்தீ ப்ரவிவேஶாஶு முகாப்ஜாநி ஸ்வயம்புவஃ ।

காயத்ரீம் காயதஸ்தஸ்மாததிகத்ய ஸரோஜஜஃ ।

ஸம்ஸ்க்ரு'தஶ்சாதிகுருணா த்விஜதாமகமத்ததஃ

॥ 26 ॥

ஶ்லோக 28

த்ரய்யா ப்ரபுத்தோऽத விதிர்விஜ்ஞாததத்த்வஸாகரஃ ।

துஷ்டாவ வேதஸாரேண ஸ்தோத்ரேணாநேந கேஶவம்

॥ 27 ॥

ஶ்லோக 29

சிந்தாமணிப்ரகரஸத்மஸு கல்பவ்ரு'க்ஷ

லக்ஷாவ்ரு'தேஷு ஸுரபீரபிபாலயந்தம் ।

லக்ஷ்மீஸஹஸ்ரஶதஸம்ப்ரமஸேவ்யமாநம்

கோவிந்தமாதிபுருஷம் தமஹம் பஜாமி

॥ 28 ॥

ஶ்லோக 30

வேணும் க்வணந்தமரவிந்ததலாயதாக்ஷம்

பர்ஹாவதம்ஸமஸிதாம்புதஸுந்தராங்கம் ।

கந்தர்பகோடிகமநீயவிஶேஷஶோபம்

கோவிந்தமாதிபுருஷம் தமஹம் பஜாமி

॥ 29 ॥

ஶ்லோக 31

ஆலோலசந்த்ரகலஸத்வநமால்யவம்ஶீ-

-ரத்நாங்கதம் ப்ரணயகேலிகலாவிலாஸம் ।

ஶ்யாமம் த்ரிபங்கலலிதம் நியதப்ரகாஶம்

கோவிந்தமாதிபுருஷம் தமஹம் பஜாமி

॥ 30 ॥

ஶ்லோக 32

அங்காநி யஸ்ய ஸகலேந்த்ரியவ்ரு'த்திமந்தி

பஶ்யந்தி பாந்தி கலயந்தி சிரம் ஜகந்தி ।

ஆநந்தசிந்மயஸதுஜ்ஜ்வலவிக்ரஹஸ்ய

கோவிந்தமாதிபுருஷம் தமஹம் பஜாமி

॥ 31 ॥

ஶ்லோக 33

அத்வைதமச்யுதமநாதிமநந்தரூபம்

ஆத்யம் புராணபுருஷம் நவயௌவநம் ச ।

வேதேஷு துர்லபமதுர்லபமாத்மபக்தௌ

கோவிந்தமாதிபுருஷம் தமஹம் பஜாமி

॥ 32 ॥

ஶ்லோக 34

பந்தாஸ்து கோடிஶதவத்ஸரஸம்ப்ரகம்யோ

வாயோரதாபி மநஸோ முநிபுங்கவாநாம் ।

ஸோऽப்யஸ்தி யத்ப்ரபதஸீம்ந்யவிசிந்த்யதத்த்வே

கோவிந்தமாதிபுருஷம் தமஹம் பஜாமி

॥ 33 ॥

ஶ்லோக 35

ஏகோऽப்யஸௌ ரசயிதும் ஜகதண்டகோடிம்

யச்சக்திரஸ்தி ஜகதண்டசயா யதந்தஃ ।

அண்டாந்தரஸ்தபரமாணுசயாந்தரஸ்தம்

கோவிந்தமாதிபுருஷம் தமஹம் பஜாமி

॥ 34 ॥

ஶ்லோக 36

யத்பாவபாவிததியோ மநுஜாஸ்ததைவ

ஸம்ப்ராப்ய ரூபமஹிமாஸநயாநபூஷாஃ ।

ஸூக்தைர்யமேவ நிகமப்ரதிதைஃ ஸ்துவந்தி

கோவிந்தமாதிபுருஷம் தமஹம் பஜாமி

॥ 35 ॥

ஶ்லோக 37

ஆநந்தசிந்மயரஸப்ரதிபாவிதாபி-

-ஸ்தாபிர்ய ஏவ நிஜரூபதயா கலாபிஃ ।

கோலோக ஏவ நிவஸத்யகிலாத்மபூதோ

கோவிந்தமாதிபுருஷம் தமஹம் பஜாமி

॥ 36 ॥

ஶ்லோக 38

ப்ரேமாஞ்ஜநச்சுரிதபக்திவிலோசநேந

ஸந்தஃ ஸதைவ ஹ்ரு'தயேஷு விலோகயந்தி ।

யம் ஶ்யாமஸுந்தரமசிந்த்யகுணஸ்வரூபம்

கோவிந்தமாதிபுருஷம் தமஹம் பஜாமி

॥ 37 ॥

ஶ்லோக 39

ராமாதிமூர்திஷு கலாநியமேந திஷ்டந்

நாநாவதாரமகரோத்புவநேஷு கிந்து ।

க்ரு'ஷ்ணஃ ஸ்வயம் ஸமபவத்பரமஃ புமாந் யோ

கோவிந்தமாதிபுருஷம் தமஹம் பஜாமி

॥ 38 ॥

ஶ்லோக 40

யஸ்ய ப்ரபா ப்ரபவதோ ஜகதண்டகோடி-

-கோடிஷ்வஶேஷவஸுதாதி விபூதிபிந்நம் ।

தத்ப்ரஹ்ம நிஷ்கலமநந்தமஶேஷபூதம்

கோவிந்தமாதிபுருஷம் தமஹம் பஜாமி

॥ 39 ॥

ஶ்லோக 41

மாயா ஹி யஸ்ய ஜகதண்டஶதாநி ஸூதே

த்ரைகுண்யதத்விஷயவேதவிதாயமாநா ।

ஸத்த்வாவலம்பிபரஸத்த்வம் விஶுத்தஸத்த்வம்

கோவிந்தமாதிபுருஷம் தமஹம் பஜாமி

॥ 40 ॥

ஶ்லோக 42

ஆநந்தசிந்மயரஸாத்மதயா மநஃஸு

யஃ ப்ராணிநாம் ப்ரதிபலந் ஸ்மரதாமுபேத்ய ।

லீலாயிதேந புவநாநி ஜயத்யஜஸ்ரம்

கோவிந்தமாதிபுருஷம் தமஹம் பஜாமி

॥ 41 ॥

ஶ்லோக 43

கோலோகநாம்நி நிஜதாம்நி தலே ச தஸ்ய

தேவி மஹேஶஹரிதாமஸு தேஷு தேஷு ।

தே தே ப்ரபாவநிசயா விஹிதாஶ்ச யேந

கோவிந்தமாதிபுருஷம் தமஹம் பஜாமி

॥ 42 ॥

ஶ்லோக 44

ஸ்ரு'ஷ்டிஸ்திதிப்ரலயஸாதநஶக்திரேகா

சாயேவ யஸ்ய புவநாநி பிபர்தி துர்கா ।

இச்சாநுரூபமபி யஸ்ய ச சேஷ்டதே ஸா

கோவிந்தமாதிபுருஷம் தமஹம் பஜாமி

॥ 43 ॥

ஶ்லோக 45

க்ஷீரம் யதா ததி விகாரவிஶேஷயோகாத்

ஸஞ்ஜாயதே ந ஹி ததஃ ப்ரு'தகஸ்தி ஹேதோஃ ।

யஃ ஶம்புதாமபி ததா ஸமுபைதி கார்யா-

-த்கோவிந்தமாதிபுருஷம் தமஹம் பஜாமி

॥ 44 ॥

ஶ்லோக 46

தீபார்சிரேவ ஹி தஶாந்தரமப்யுபேத்ய

தீபாயதே விவ்ரு'தஹேதுஸமாநதர்மா ।

யஸ்தாத்ரு'கேவ ஹி ச விஷ்ணுதயா விபாதி

கோவிந்தமாதிபுருஷம் தமஹம் பஜாமி

॥ 45 ॥

ஶ்லோக 47

யஃ காரணார்ணவஜலே பஜதி ஸ்ம யோக-

-நித்ராமநந்தஜகதண்டஸரோமகூபஃ ।

ஆதாரஶக்திமவலம்ப்ய பராம் ஸ்வமூர்திம்

கோவிந்தமாதிபுருஷம் தமஹம் பஜாமி

॥ 46 ॥

ஶ்லோக 48

யஸ்யைகநிஶ்வஸிதகாலமதாவலம்ப்ய

ஜீவந்தி லோமபிலஜா ஜகதண்டநாதாஃ ।

விஷ்ணுர்மஹாந் ஸ இஹ யஸ்ய கலாவிஶேஷோ

கோவிந்தமாதிபுருஷம் தமஹம் பஜாமி

॥ 47 ॥

ஶ்லோக 49

பாஸ்வாந் யதாஶ்மஶகலேஷு நிஜேஷு தேஜஃ

ஸ்வீயம் கியத்ப்ரகடயத்யபி தத்வதத்ர ।

ப்ரஹ்மா ய ஏஷ ஜகதண்டவிதாநகர்தா

கோவிந்தமாதிபுருஷம் தமஹம் பஜாமி

॥ 48 ॥

ஶ்லோக 50

யத்பாதபல்லவயுகம் விநிதாய கும்ப-

-த்வந்த்வே ப்ரணாமஸமயே ஸ கணாதிராஜஃ ।

விக்நாந் விஹந்துமலமஸ்ய ஜகத்த்ரயஸ்ய

கோவிந்தமாதிபுருஷம் தமஹம் பஜாமி

॥ 49 ॥

ஶ்லோக 51

அக்நிர்மஹீ ககநமம்பு மருத்திஶஶ்ச

காலஸ்ததாத்மமநஸீதி ஜகத்த்ரயாணி ।

யஸ்மாத்பவந்தி விபவந்தி விஶந்தி யம் ச

கோவிந்தமாதிபுருஷம் தமஹம் பஜாமி

॥ 50 ॥

ஶ்லோக 52

யச்சக்ஷுரேஷ ஸவிதா ஸகலக்ரஹாணாம்

ராஜா ஸமஸ்தஸுரமூர்திரஶேஷதேஜாஃ ।

யஸ்யாஜ்ஞயா ப்ரமதி ஸம்ப்ரு'தகாலசக்ரோ

கோவிந்தமாதிபுருஷம் தமஹம் பஜாமி

॥ 51 ॥

ஶ்லோக 53

தர்மோऽத பாபநிசயஃ ஶ்ருதயஸ்தபாம்ஸி

ப்ரஹ்மாதிகீடபதகாவதயஶ்ச ஜீவாஃ ।

யத்ததமாத்ரவிபவப்ரகடப்ரபாவா

கோவிந்தமாதிபுருஷம் தமஹம் பஜாமி

॥ 52 ॥

ஶ்லோக 54

யஸ்த்விந்த்ரகோபமதவேந்த்ரமஹோ ஸ்வகர்ம-

-பந்தாநுரூபபலபாஜநமாதநோதி ।

கர்மாணி நிர்தஹதி கிந்து ச பக்திபாஜாம்

கோவிந்தமாதிபுருஷம் தமஹம் பஜாமி

॥ 53 ॥

ஶ்லோக 55

யம் க்ரோதகாமஸஹஜப்ரணயாதிபீதி-

-வாத்ஸல்யமோஹகுருகௌரவஸேவ்யபாவைஃ ।

ஸஞ்சிந்த்ய தஸ்ய ஸத்ரு'ஶீம் தநுமாபுரேதே

கோவிந்தமாதிபுருஷம் தமஹம் பஜாமி

॥ 54 ॥

ஶ்லோக 56

ஶ்ரியஃ காந்தாஃ காந்தஃ பரமபுருஷஃ கல்பதரவோ

த்ருமா பூமிஶ்சிந்தாமணிகணமயி தோயமம்ரு'தம் ।

கதா காநம் நாட்யம் கமநமபி வம்ஶீ ப்ரியஸகி

சிதாநந்தம் ஜ்யோதிஃ பரமபி ததாஸ்வாத்யமபி ச ।

ஸ யத்ர க்ஷீராப்திஃ ஸ்ரவதி ஸுரபீப்யஶ்ச ஸுமஹாந்

நிமேஷார்தாக்யோ வா வ்ரஜதி ந ஹி யத்ராபி ஸமயஃ ।

பஜே ஶ்வேதத்வீபம் தமஹமிஹ கோலோகமிதி யம்

விதந்தஸ்தே ஸந்தஃ க்ஷிதிவிரலசாராஃ கதிபயே

॥ 55 ॥

ஶ்லோக 57

அதோவாச மஹாவிஷ்ணுர்பகவந்தம் ப்ரஜாபதிம் ।

ப்ரஹ்மந் மஹத்த்வவிஜ்ஞாநே ப்ரஜாஸர்கே ச சேந்மதிஃ ।

பஞ்சஶ்லோகீமிமாம் வித்யாம் வத்ஸ தத்தாம் நிபோத மே

॥ 56 ॥

ஶ்லோக 58

ப்ரபுத்தே ஜ்ஞாநபக்திப்யாமாத்மந்யாநந்தசிந்மயீ ।

உதேத்யநுத்தமா பக்திர்பகவத்ப்ரேமலக்ஷணா

॥ 57 ॥

ஶ்லோக 59

ப்ரமாணைஸ்தத் ஸதாசாரைஸ்ததப்யாஸைர்நிரந்தரம் ।

போதயநாத்மநாத்மாநம் பக்திமப்யுத்தமாம் லபேத்

॥ 58 ॥

ஶ்லோக 60

யஸ்யாஃ ஶ்ரேயஸ்கரம் நாஸ்தி யயா நிர்வ்ரு'திமாப்நுயாத் ।

யா ஸாதயதி மாமேவ பக்திம் தாமேவ ஸாதயேத்

॥ 59 ॥

ஶ்லோக 61

தர்மாநந்யாந் பரித்யஜ்ய மாமேகம் பஜ விஶ்வஸந் ।

யாத்ரு'ஶீ யாத்ரு'ஶீ ஶ்ரத்தா ஸித்திர்பவதி தாத்ரு'ஶீ ।

குர்வந்நிரந்தரம் கர்ம லோகோऽயமநுவர்ததே ।

தேநைவ கர்மணா த்யாயந்மாம் பராம் பக்திமிச்சதி

॥ 60 ॥

ஶ்லோக 62

அஹம் ஹி விஶ்வஸ்ய சராசரஸ்ய

பீஜம் ப்ரதாநம் ப்ரக்ரு'திஃ புமாம்ஶ்ச ।

மயாஹிதம் தேஜ இதம் பிபர்ஷி

விதே விதேஹி த்வமதோ ஜகந்தி

॥ 61 ॥

ஶ்லோக 63

இதி ஶ்ரீ ப்ரஹ்ம ஸம்ஹிதா ஸம்பூர்ணம் ।