ಬ್ರಹ್ಮ ಸಂಹಿತಾ

ಬ್ರಹ್ಮ ಸಂಹಿತಾ

ಶ್ಲೋಕ 1

ಈಶ್ವರಃ ಪರಮಃ ಕೃಷ್ಣಃ ಸಚ್ಚಿದಾನನ್ದವಿಗ್ರಹಃ ।

ಅನಾದಿರಾದಿರ್ಗೋವಿನ್ದಃ ಸರ್ವಕಾರಣಕಾರಣಮ್

ಶ್ಲೋಕ 2

ಸಹಸ್ರಪತ್ರಕಮಲಂ ಗೋಕುಲಾಖ್ಯಂ ಮಹತ್ಪದಮ್ ।

ತತ್ಕರ್ಣಿಕಾರಂ ತದ್ಧಾಮ ತದನನ್ತಾಶಸಮ್ಭವಮ್

॥ 1 ॥

ಶ್ಲೋಕ 3

ಕರ್ಣಿಕಾರಂ ಮಹದ್ಯನ್ತ್ರಂ ಷಟ್ಕೋಣಂ ವಜ್ರಕೀಲಕಮ್

ಷಡಙ್ಗ ಷಟ್ಪದೀಸ್ಥಾನಂ ಪ್ರಕೃತ್ಯಾ ಪುರುಷೇಣ ಚ ।

ಪ್ರೇಮಾನನ್ದಮಹಾನನ್ದರಸೇನಾವಸ್ಥಿತಂ ಹಿ ಯತ್

ಜ್ಯೋತೀರೂಪೇಣ ಮನುನಾ ಕಾಮಬೀಜೇನ ಸಙ್ಗತಮ್

॥ 2 ॥

ಶ್ಲೋಕ 4

ತತ್ಕಿಞ್ಜಲ್ಕಂ ತದಂಶಾನಾಂ ತತ್ಪತ್ರಾಣಿ ಶ್ರಿಯಾಮಪಿ

॥ 3 ॥

ಶ್ಲೋಕ 5

ಚತುರಸ್ರಂ ತತ್ಪರಿತಃ ಶ್ವೇತದ್ವೀಪಾಖ್ಯಮದ್ಭುತಮ್ ।

ಚತುರಸ್ರಂ ಚತುರ್ಮೂರ್ತೇಶ್ಚತುರ್ಧಾಮ ಚತುಷ್ಕೃತಮ್ ।

ಚತುರ್ಭಿಃ ಪುರುಷಾರ್ಥೈಶ್ಚ ಚತುರ್ಭಿರ್ಹೇತುಭಿರ್ವೃತಮ್ ।

ಶೂಲೈರ್ದಶಭಿರಾನದ್ಧಮೂರ್ಧ್ವಾಧೋ ದಿಗ್ವಿದಿಕ್ಷ್ವಪಿ ।

ಅಷ್ಟಭಿರ್ನಿಧಿಭಿರ್ಜುಷ್ಟಮಷ್ಟಭಿಃ ಸಿದ್ಧಿಭಿಸ್ತಥಾ ।

ಮನುರೂಪೈಶ್ಚ ದಶಭಿರ್ದಿಕ್ಪಾಲೈಃ ಪರಿತೋ ವೃತಮ್ ।

ಶ್ಯಾಮೈರ್ಗೌರೈಶ್ಚ ರಕ್ತೈಶ್ಚ ಶುಕ್ಲೈಶ್ಚ ಪಾರ್ಷದರ್ಷಭೈಃ ।

ಶೋಭಿತಂ ಶಕ್ತಿಭಿಸ್ತಾಭಿರದ್ಭುತಾಭಿಃ ಸಮನ್ತತಃ

॥ 4 ॥

ಶ್ಲೋಕ 6

ಏವಂ ಜ್ಯೋತಿರ್ಮಯೋ ದೇವಃ ಸದಾನನ್ದಂ ಪರಾತ್ಪರಃ ।

ಆತ್ಮಾರಾಮಸ್ಯ ತಸ್ಯಾಸ್ತಿ ಪ್ರಕೃತ್ಯಾ ನ ಸಮಾಗಮಃ

॥ 5 ॥

ಶ್ಲೋಕ 7

ಮಾಯಯಾಽರಮಮಾಣಸ್ಯ ನ ವಿಯೋಗಸ್ತಯಾ ಸಹ ।

ಆತ್ಮನಾ ರಮಯಾ ರೇಮೇ ತ್ಯಕ್ತಕಾಲಂ ಸಿಸೃಕ್ಷಯಾ

॥ 6 ॥

ಶ್ಲೋಕ 8

ನಿಯತಿಃ ಸಾ ರಮಾದೇವೀ ತತ್ಪ್ರಿಯಾ ತದ್ವಶಂ ತದಾ ।

ತಲ್ಲಿಙ್ಗಂ ಭಗವಾನ್ ಶಮ್ಭುರ್ಜೋತಿರೂಪಃ ಸನಾತನಃ ।

ಯಾ ಯೋನಿಃ ಸಾಪರಾಶಕ್ತಿಃ ಕಾಮೋ ಬೀಜಂ ಮಹದ್ಧರೇಃ

॥ 7 ॥

ಶ್ಲೋಕ 9

ಲಿಙ್ಗಯೋನ್ಯಾತ್ಮಿಕಾ ಜಾತಾ ಇಮಾ ಮಾಹೇಶ್ವರೀ ಪ್ರಜಾಃ

॥ 8 ॥

ಶ್ಲೋಕ 10

ಶಕ್ತಿಮಾನ್ ಪುರುಷಃ ಸೋಽಯಂ ಲಿಙ್ಗರೂಪೀ ಮಹೇಶ್ವರಃ ।

ತಸ್ಮಿನ್ನಾವಿರಭೂಲ್ಲಿಙ್ಗೇ ಮಹಾವಿಷ್ಣುರ್ಜಗತ್ಪತಿಃ

॥ 9 ॥

ಶ್ಲೋಕ 11

ಸಹಸ್ರಶೀರ್ಷಾ ಪುರುಷಃ ಸಹಸ್ರಾಕ್ಷಃ ಸಹಸ್ರಪಾತ್ ।

ಸಹಸ್ರಬಾಹುರ್ವಿಶ್ವಾತ್ಮಾ ಸಹಸ್ರಾಂಶಃ ಸಹಸ್ರಸೂಃ

॥ 10 ॥

ಶ್ಲೋಕ 12

ನಾರಾಯಣಃ ಸ ಭಗವಾನಾಪಸ್ತಸ್ಮಾತ್ಸನಾತನಾತ್ ।

ಆವಿರಾಸೀತ್ಕಾರಣಾರ್ಣೋ ನಿಧಿಃ ಸಙ್ಕರ್ಷಣಾತ್ಮಕಃ ।

ಯೋಗನಿದ್ರಾಂ ಗತಸ್ತಸ್ಮಿನ್ ಸಹಸ್ರಾಂಶಃ ಸ್ವಯಂ ಮಹಾನ್

॥ 11 ॥

ಶ್ಲೋಕ 13

ತದ್ರೋಮಬಿಲ ಜಾಲೇಷು ಬೀಜಂ ಸಙ್ಕರ್ಷಣಸ್ಯ ಚ ।

ಹೈಮಾನ್ಯಣ್ಡಾನಿ ಜಾತಾನಿ ಮಹಾಭೂತಾವೃತಾನಿ ತು

॥ 12 ॥

ಶ್ಲೋಕ 14

ಪ್ರತ್ಯಣ್ಡಮೇವಮೇಕಾಂಶಾದೇಕಾಂಶಾದ್ವಿಶತಿ ಸ್ವಯಮ್ ।

ಸಹಸ್ರಮೂರ್ಧಾ ವಿಶ್ವಾತ್ಮಾ ಮಹಾವಿಷ್ಣುಃ ಸನಾತನಃ

॥ 13 ॥

ಶ್ಲೋಕ 15

ವಾಮಾಙ್ಗಾದಸೃಜದ್ವಿಷ್ಣುಂ ದಕ್ಷಿಣಾಙ್ಗಾತ್ಪ್ರಜಾಪತಿಮ್ ।

ಜ್ಯೋತಿರ್ಲಿಙ್ಗಮಯಂ ಶಮ್ಭುಂ ಕೂರ್ಚದೇಶಾದವಾಸೃಜತ್

॥ 14 ॥

ಶ್ಲೋಕ 16

ಅಹಙ್ಕಾರಾತ್ಮಕಂ ವಿಶ್ವಂ ತಸ್ಮಾದೇತದ್ವ್ಯಜಾಯತ

॥ 15 ॥

ಶ್ಲೋಕ 17

ಅಥ ತೈಸ್ತ್ರಿವಿಧೈರ್ವೇಶೈರ್ಲೀಲಾಮುದ್ವಹತಃ ಕಿಲ ।

ಯೋಗನಿದ್ರಾ ಭಗವತೀ ತಸ್ಯ ಶ್ರೀರಿವ ಸಙ್ಗತಾ

॥ 16 ॥

ಶ್ಲೋಕ 18

ಸಸೃಕ್ಷಾಯಾಂ ತತೋ ನಾಭೇಸ್ತಸ್ಯ ಪದ್ಮಂ ವಿನಿರ್ಯಯೌ ।

ತನ್ನಾಲಂ ಹೇಮನಲಿನಂ ಬ್ರಹ್ಮಣೋ ಲೋಕಮದ್ಭುತಮ್

॥ 17 ॥

ಶ್ಲೋಕ 19

ತತ್ತ್ವಾನಿ ಪೂರ್ವರೂಢಾನಿ ಕಾರಣಾನಿ ಪರಸ್ಪರಮ್ ।

ಸಮವಾಯಾಪ್ರಯೋಗಾಚ್ಚ ವಿಭಿನ್ನಾನಿ ಪೃಥಕ್ ಪೃಥಕ್ ।

ಚಿಚ್ಛಕ್ತ್ಯಾ ಸಜ್ಜಮಾನೋಽಥ ಭಗವಾನಾದಿಪೂರುಷಃ ।

ಯೋಜಯನ್ಮಾಯಯಾ ದೇವೋ ಯೋಗನಿದ್ರಾಮಕಲ್ಪಯತ್

॥ 18 ॥

ಶ್ಲೋಕ 20

ಯೋಜಯಿತ್ವಾ ತು ತಾನ್ಯೇವ ಪ್ರವಿವೇಶ ಸ್ವಯಂ ಗುಹಾಮ್ ।

ಗುಹಾಂ ಪ್ರವಿಷ್ಟೇ ತಸ್ಮಿಂಸ್ತು ಜೀವಾತ್ಮಾ ಪ್ರತಿಬುಧ್ಯತೇ

॥ 19 ॥

ಶ್ಲೋಕ 21

ಸ ನಿತ್ಯೋ ನಿತ್ಯಸಮ್ಬನ್ಧಃ ಪ್ರಕೃತಿಶ್ಚ ಪರೈವ ಸಾ

॥ 20 ॥

ಶ್ಲೋಕ 22

ಏವಂ ಸರ್ವಾತ್ಮಸಮ್ಬನ್ಧಂ ನಾಭ್ಯಾಂ ಪದ್ಮಂ ಹರೇರಭೂತ್ ।

ತತ್ರ ಬ್ರಹ್ಮಾಭವದ್ಭೂಯಶ್ಚತುರ್ವೇದೀ ಚತುರ್ಮುಖಃ

॥ 21 ॥

ಶ್ಲೋಕ 23

ಸ ಜಾತೋ ಭಗವಚ್ಛಕ್ತ್ಯಾ ತತ್ಕಾಲಂ ಕಿಲ ಚೋದಿತಃ ।

ಸಿಸೃಕ್ಷಾಯಾಂ ಮತಿಂ ಚಕ್ರೇ ಪೂರ್ವಸಂಸ್ಕಾರಸಂಸ್ಕೃತಃ ।

ದದರ್ಶ ಕೇವಲಂ ಧ್ವಾನ್ತಂ ನಾನ್ಯತ್ಕಿಮಪಿ ಸರ್ವತಃ

॥ 22 ॥

ಶ್ಲೋಕ 24

ಉವಾಚ ಪುರತಸ್ತಸ್ಮೈ ತಸ್ಯ ದಿವ್ಯಾ ಸರಸ್ವತೀ ।

ಕಾಮಃ ಕೃಷ್ಣಾಯ ಗೋವಿನ್ದ ಹೇ ಗೋಪೀಜನ ಇತ್ಯಪಿ ।

ವಲ್ಲಭಾಯ ಪ್ರಿಯಾ ವಹ್ನೇರ್ಮನ್ತ್ರಂ ತೇ ದಾಸ್ಯತಿ ಪ್ರಿಯಮ್

॥ 23 ॥

ಶ್ಲೋಕ 25

ತಪಸ್ತ್ವಂ ತಪ ಏತೇನ ತವ ಸಿದ್ಧಿರ್ಭವಿಷ್ಯತಿ

॥ 24 ॥

ಶ್ಲೋಕ 26

ಅಥ ತೇಪೇ ಸ ಸುಚಿರಂ ಪ್ರೀಣನ್ ಗೋವಿನ್ದಮವ್ಯಯಮ್ ।

ಶ್ವೇತದ್ವೀಪಪತಿಂ ಕೃಷ್ಣಂ ಗೋಲೋಕಸ್ಥಂ ಪರಾತ್ಪರಮ್ ।

ಪ್ರಕೃತ್ಯಾ ಗುಣರೂಪಿಣ್ಯಾ ರೂಪಿಣ್ಯಾ ಪರ್ಯುಪಾಸಿತಮ್ ।

ಸಹಸ್ರದಲಸಮ್ಪನ್ನೇ ಕೋಟಿಕಿಞ್ಜಲ್ಕಬೃಂಹಿತೇ ।

ಭೂಮಿಶ್ಚಿನ್ತಾಮಣಿಸ್ತತ್ರ ಕರ್ಣಿಕಾರೇ ಮಹಾಸನೇ ।

ಸಮಾಸೀನಂ ಚಿದಾನನ್ದಂ ಜ್ಯೋತಿರೂಪಂ ಸನಾತನಮ್ ।

ಶಬ್ದಬ್ರಹ್ಮಮಯಂ ವೇಣುಂ ವಾದಯನ್ತಂ ಮುಖಾಮ್ಬುಜೇ ।

ವಿಲಾಸಿನೀಗಣವೃತಂ ಸ್ವೈಃ ಸ್ವೈರಂಶೈರಭಿಷ್ಟುತಮ್

॥ 25 ॥

ಶ್ಲೋಕ 27

ಅಥ ವೇಣುನಿನಾದಸ್ಯ ತ್ರಯೀಮೂರ್ತಿಮಯೀ ಗತಿಃ ।

ಸ್ಫುರನ್ತೀ ಪ್ರವಿವೇಶಾಶು ಮುಖಾಬ್ಜಾನಿ ಸ್ವಯಮ್ಭುವಃ ।

ಗಾಯತ್ರೀಂ ಗಾಯತಸ್ತಸ್ಮಾದಧಿಗತ್ಯ ಸರೋಜಜಃ ।

ಸಂಸ್ಕೃತಶ್ಚಾದಿಗುರುಣಾ ದ್ವಿಜತಾಮಗಮತ್ತತಃ

॥ 26 ॥

ಶ್ಲೋಕ 28

ತ್ರಯ್ಯಾ ಪ್ರಬುದ್ಧೋಽಥ ವಿಧಿರ್ವಿಜ್ಞಾತತತ್ತ್ವಸಾಗರಃ ।

ತುಷ್ಟಾವ ವೇದಸಾರೇಣ ಸ್ತೋತ್ರೇಣಾನೇನ ಕೇಶವಮ್

॥ 27 ॥

ಶ್ಲೋಕ 29

ಚಿನ್ತಾಮಣಿಪ್ರಕರಸದ್ಮಸು ಕಲ್ಪವೃಕ್ಷ

ಲಕ್ಷಾವೃತೇಷು ಸುರಭೀರಭಿಪಾಲಯನ್ತಮ್ ।

ಲಕ್ಷ್ಮೀಸಹಸ್ರಶತಸಮ್ಭ್ರಮಸೇವ್ಯಮಾನಂ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ

॥ 28 ॥

ಶ್ಲೋಕ 30

ವೇಣುಂ ಕ್ವಣನ್ತಮರವಿನ್ದದಲಾಯತಾಕ್ಷಂ

ಬರ್ಹಾವತಂಸಮಸಿತಾಮ್ಬುದಸುನ್ದರಾಙ್ಗಮ್ ।

ಕನ್ದರ್ಪಕೋಟಿಕಮನೀಯವಿಶೇಷಶೋಭಂ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ

॥ 29 ॥

ಶ್ಲೋಕ 31

ಆಲೋಲಚನ್ದ್ರಕಲಸದ್ವನಮಾಲ್ಯವಂಶೀ-

-ರತ್ನಾಙ್ಗದಂ ಪ್ರಣಯಕೇಲಿಕಲಾವಿಲಾಸಮ್ ।

ಶ್ಯಾಮಂ ತ್ರಿಭಙ್ಗಲಲಿತಂ ನಿಯತಪ್ರಕಾಶಂ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ

॥ 30 ॥

ಶ್ಲೋಕ 32

ಅಙ್ಗಾನಿ ಯಸ್ಯ ಸಕಲೇನ್ದ್ರಿಯವೃತ್ತಿಮನ್ತಿ

ಪಶ್ಯನ್ತಿ ಪಾನ್ತಿ ಕಲಯನ್ತಿ ಚಿರಂ ಜಗನ್ತಿ ।

ಆನನ್ದಚಿನ್ಮಯಸದುಜ್ಜ್ವಲವಿಗ್ರಹಸ್ಯ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ

॥ 31 ॥

ಶ್ಲೋಕ 33

ಅದ್ವೈತಮಚ್ಯುತಮನಾದಿಮನನ್ತರೂಪಂ

ಆದ್ಯಂ ಪುರಾಣಪುರುಷಂ ನವಯೌವನಂ ಚ ।

ವೇದೇಷು ದುರ್ಲಭಮದುರ್ಲಭಮಾತ್ಮಭಕ್ತೌ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ

॥ 32 ॥

ಶ್ಲೋಕ 34

ಪನ್ಥಾಸ್ತು ಕೋಟಿಶತವತ್ಸರಸಮ್ಪ್ರಗಮ್ಯೋ

ವಾಯೋರಥಾಪಿ ಮನಸೋ ಮುನಿಪುಙ್ಗವಾನಾಮ್ ।

ಸೋಽಪ್ಯಸ್ತಿ ಯತ್ಪ್ರಪದಸೀಮ್ನ್ಯವಿಚಿನ್ತ್ಯತತ್ತ್ವೇ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ

॥ 33 ॥

ಶ್ಲೋಕ 35

ಏಕೋಽಪ್ಯಸೌ ರಚಯಿತುಂ ಜಗದಣ್ಡಕೋಟಿಂ

ಯಚ್ಛಕ್ತಿರಸ್ತಿ ಜಗದಣ್ಡಚಯಾ ಯದನ್ತಃ ।

ಅಣ್ಡಾನ್ತರಸ್ಥಪರಮಾಣುಚಯಾನ್ತರಸ್ಥಂ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ

॥ 34 ॥

ಶ್ಲೋಕ 36

ಯದ್ಭಾವಭಾವಿತಧಿಯೋ ಮನುಜಾಸ್ತಥೈವ

ಸಮ್ಪ್ರಾಪ್ಯ ರೂಪಮಹಿಮಾಸನಯಾನಭೂಷಾಃ ।

ಸೂಕ್ತೈರ್ಯಮೇವ ನಿಗಮಪ್ರಥಿತೈಃ ಸ್ತುವನ್ತಿ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ

॥ 35 ॥

ಶ್ಲೋಕ 37

ಆನನ್ದಚಿನ್ಮಯರಸಪ್ರತಿಭಾವಿತಾಭಿ-

-ಸ್ತಾಭಿರ್ಯ ಏವ ನಿಜರೂಪತಯಾ ಕಲಾಭಿಃ ।

ಗೋಲೋಕ ಏವ ನಿವಸತ್ಯಖಿಲಾತ್ಮಭೂತೋ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ

॥ 36 ॥

ಶ್ಲೋಕ 38

ಪ್ರೇಮಾಞ್ಜನಚ್ಛುರಿತಭಕ್ತಿವಿಲೋಚನೇನ

ಸನ್ತಃ ಸದೈವ ಹೃದಯೇಷು ವಿಲೋಕಯನ್ತಿ ।

ಯಂ ಶ್ಯಾಮಸುನ್ದರಮಚಿನ್ತ್ಯಗುಣಸ್ವರೂಪಂ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ

॥ 37 ॥

ಶ್ಲೋಕ 39

ರಾಮಾದಿಮೂರ್ತಿಷು ಕಲಾನಿಯಮೇನ ತಿಷ್ಠನ್

ನಾನಾವತಾರಮಕರೋದ್ಭುವನೇಷು ಕಿನ್ತು ।

ಕೃಷ್ಣಃ ಸ್ವಯಂ ಸಮಭವತ್ಪರಮಃ ಪುಮಾನ್ ಯೋ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ

॥ 38 ॥

ಶ್ಲೋಕ 40

ಯಸ್ಯ ಪ್ರಭಾ ಪ್ರಭವತೋ ಜಗದಣ್ಡಕೋಟಿ-

-ಕೋಟಿಷ್ವಶೇಷವಸುಧಾದಿ ವಿಭೂತಿಭಿನ್ನಮ್ ।

ತದ್ಬ್ರಹ್ಮ ನಿಷ್ಕಲಮನನ್ತಮಶೇಷಭೂತಂ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ

॥ 39 ॥

ಶ್ಲೋಕ 41

ಮಾಯಾ ಹಿ ಯಸ್ಯ ಜಗದಣ್ಡಶತಾನಿ ಸೂತೇ

ತ್ರೈಗುಣ್ಯತದ್ವಿಷಯವೇದವಿತಾಯಮಾನಾ ।

ಸತ್ತ್ವಾವಲಮ್ಬಿಪರಸತ್ತ್ವಂ ವಿಶುದ್ಧಸತ್ತ್ವಂ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ

॥ 40 ॥

ಶ್ಲೋಕ 42

ಆನನ್ದಚಿನ್ಮಯರಸಾತ್ಮತಯಾ ಮನಃಸು

ಯಃ ಪ್ರಾಣಿನಾಂ ಪ್ರತಿಫಲನ್ ಸ್ಮರತಾಮುಪೇತ್ಯ ।

ಲೀಲಾಯಿತೇನ ಭುವನಾನಿ ಜಯತ್ಯಜಸ್ರಂ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ

॥ 41 ॥

ಶ್ಲೋಕ 43

ಗೋಲೋಕನಾಮ್ನಿ ನಿಜಧಾಮ್ನಿ ತಲೇ ಚ ತಸ್ಯ

ದೇವಿ ಮಹೇಶಹರಿಧಾಮಸು ತೇಷು ತೇಷು ।

ತೇ ತೇ ಪ್ರಭಾವನಿಚಯಾ ವಿಹಿತಾಶ್ಚ ಯೇನ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ

॥ 42 ॥

ಶ್ಲೋಕ 44

ಸೃಷ್ಟಿಸ್ಥಿತಿಪ್ರಲಯಸಾಧನಶಕ್ತಿರೇಕಾ

ಛಾಯೇವ ಯಸ್ಯ ಭುವನಾನಿ ಬಿಭರ್ತಿ ದುರ್ಗಾ ।

ಇಚ್ಛಾನುರೂಪಮಪಿ ಯಸ್ಯ ಚ ಚೇಷ್ಟತೇ ಸಾ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ

॥ 43 ॥

ಶ್ಲೋಕ 45

ಕ್ಷೀರಂ ಯಥಾ ದಧಿ ವಿಕಾರವಿಶೇಷಯೋಗಾತ್

ಸಞ್ಜಾಯತೇ ನ ಹಿ ತತಃ ಪೃಥಗಸ್ತಿ ಹೇತೋಃ ।

ಯಃ ಶಮ್ಭುತಾಮಪಿ ತಥಾ ಸಮುಪೈತಿ ಕಾರ್ಯಾ-

-ದ್ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ

॥ 44 ॥

ಶ್ಲೋಕ 46

ದೀಪಾರ್ಚಿರೇವ ಹಿ ದಶಾನ್ತರಮಭ್ಯುಪೇತ್ಯ

ದೀಪಾಯತೇ ವಿವೃತಹೇತುಸಮಾನಧರ್ಮಾ ।

ಯಸ್ತಾದೃಗೇವ ಹಿ ಚ ವಿಷ್ಣುತಯಾ ವಿಭಾತಿ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ

॥ 45 ॥

ಶ್ಲೋಕ 47

ಯಃ ಕಾರಣಾರ್ಣವಜಲೇ ಭಜತಿ ಸ್ಮ ಯೋಗ-

-ನಿದ್ರಾಮನನ್ತಜಗದಣ್ಡಸರೋಮಕೂಪಃ ।

ಆಧಾರಶಕ್ತಿಮವಲಮ್ಬ್ಯ ಪರಾಂ ಸ್ವಮೂರ್ತಿಂ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ

॥ 46 ॥

ಶ್ಲೋಕ 48

ಯಸ್ಯೈಕನಿಶ್ವಸಿತಕಾಲಮಥಾವಲಮ್ಬ್ಯ

ಜೀವನ್ತಿ ಲೋಮಬಿಲಜಾ ಜಗದಣ್ಡನಾಥಾಃ ।

ವಿಷ್ಣುರ್ಮಹಾನ್ ಸ ಇಹ ಯಸ್ಯ ಕಲಾವಿಶೇಷೋ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ

॥ 47 ॥

ಶ್ಲೋಕ 49

ಭಾಸ್ವಾನ್ ಯಥಾಶ್ಮಶಕಲೇಷು ನಿಜೇಷು ತೇಜಃ

ಸ್ವೀಯಂ ಕಿಯತ್ಪ್ರಕಟಯತ್ಯಪಿ ತದ್ವದತ್ರ ।

ಬ್ರಹ್ಮಾ ಯ ಏಷ ಜಗದಣ್ಡವಿಧಾನಕರ್ತಾ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ

॥ 48 ॥

ಶ್ಲೋಕ 50

ಯತ್ಪಾದಪಲ್ಲವಯುಗಂ ವಿನಿಧಾಯ ಕುಮ್ಭ-

-ದ್ವನ್ದ್ವೇ ಪ್ರಣಾಮಸಮಯೇ ಸ ಗಣಾಧಿರಾಜಃ ।

ವಿಘ್ನಾನ್ ವಿಹನ್ತುಮಲಮಸ್ಯ ಜಗತ್ತ್ರಯಸ್ಯ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ

॥ 49 ॥

ಶ್ಲೋಕ 51

ಅಗ್ನಿರ್ಮಹೀ ಗಗನಮಮ್ಬು ಮರುದ್ದಿಶಶ್ಚ

ಕಾಲಸ್ತಥಾತ್ಮಮನಸೀತಿ ಜಗತ್ತ್ರಯಾಣಿ ।

ಯಸ್ಮಾದ್ಭವನ್ತಿ ವಿಭವನ್ತಿ ವಿಶನ್ತಿ ಯಂ ಚ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ

॥ 50 ॥

ಶ್ಲೋಕ 52

ಯಚ್ಚಕ್ಷುರೇಷ ಸವಿತಾ ಸಕಲಗ್ರಹಾಣಾಂ

ರಾಜಾ ಸಮಸ್ತಸುರಮೂರ್ತಿರಶೇಷತೇಜಾಃ ।

ಯಸ್ಯಾಜ್ಞಯಾ ಭ್ರಮತಿ ಸಮ್ಭೃತಕಾಲಚಕ್ರೋ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ

॥ 51 ॥

ಶ್ಲೋಕ 53

ಧರ್ಮೋಽಥ ಪಾಪನಿಚಯಃ ಶ್ರುತಯಸ್ತಪಾಂಸಿ

ಬ್ರಹ್ಮಾದಿಕೀಟಪತಗಾವಧಯಶ್ಚ ಜೀವಾಃ ।

ಯದ್ದತಮಾತ್ರವಿಭವಪ್ರಕಟಪ್ರಭಾವಾ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ

॥ 52 ॥

ಶ್ಲೋಕ 54

ಯಸ್ತ್ವಿನ್ದ್ರಗೋಪಮಥವೇನ್ದ್ರಮಹೋ ಸ್ವಕರ್ಮ-

-ಬನ್ಧಾನುರೂಪಫಲಭಾಜನಮಾತನೋತಿ ।

ಕರ್ಮಾಣಿ ನಿರ್ದಹತಿ ಕಿನ್ತು ಚ ಭಕ್ತಿಭಾಜಾಂ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ

॥ 53 ॥

ಶ್ಲೋಕ 55

ಯಂ ಕ್ರೋಧಕಾಮಸಹಜಪ್ರಣಯಾದಿಭೀತಿ-

-ವಾತ್ಸಲ್ಯಮೋಹಗುರುಗೌರವಸೇವ್ಯಭಾವೈಃ ।

ಸಞ್ಚಿನ್ತ್ಯ ತಸ್ಯ ಸದೃಶೀಂ ತನುಮಾಪುರೇತೇ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ

॥ 54 ॥

ಶ್ಲೋಕ 56

ಶ್ರಿಯಃ ಕಾನ್ತಾಃ ಕಾನ್ತಃ ಪರಮಪುರುಷಃ ಕಲ್ಪತರವೋ

ದ್ರುಮಾ ಭೂಮಿಶ್ಚಿನ್ತಾಮಣಿಗಣಮಯಿ ತೋಯಮಮೃತಮ್ ।

ಕಥಾ ಗಾನಂ ನಾಟ್ಯಂ ಗಮನಮಪಿ ವಂಶೀ ಪ್ರಿಯಸಖಿ

ಚಿದಾನನ್ದಂ ಜ್ಯೋತಿಃ ಪರಮಪಿ ತದಾಸ್ವಾದ್ಯಮಪಿ ಚ ।

ಸ ಯತ್ರ ಕ್ಷೀರಾಬ್ಧಿಃ ಸ್ರವತಿ ಸುರಭೀಭ್ಯಶ್ಚ ಸುಮಹಾನ್

ನಿಮೇಷಾರ್ಧಾಖ್ಯೋ ವಾ ವ್ರಜತಿ ನ ಹಿ ಯತ್ರಾಪಿ ಸಮಯಃ ।

ಭಜೇ ಶ್ವೇತದ್ವೀಪಂ ತಮಹಮಿಹ ಗೋಲೋಕಮಿತಿ ಯಂ

ವಿದನ್ತಸ್ತೇ ಸನ್ತಃ ಕ್ಷಿತಿವಿರಲಚಾರಾಃ ಕತಿಪಯೇ

॥ 55 ॥

ಶ್ಲೋಕ 57

ಅಥೋವಾಚ ಮಹಾವಿಷ್ಣುರ್ಭಗವನ್ತಂ ಪ್ರಜಾಪತಿಮ್ ।

ಬ್ರಹ್ಮನ್ ಮಹತ್ತ್ವವಿಜ್ಞಾನೇ ಪ್ರಜಾಸರ್ಗೇ ಚ ಚೇನ್ಮತಿಃ ।

ಪಞ್ಚಶ್ಲೋಕೀಮಿಮಾಂ ವಿದ್ಯಾಂ ವತ್ಸ ದತ್ತಾಂ ನಿಬೋಧ ಮೇ

॥ 56 ॥

ಶ್ಲೋಕ 58

ಪ್ರಬುದ್ಧೇ ಜ್ಞಾನಭಕ್ತಿಭ್ಯಾಮಾತ್ಮನ್ಯಾನನ್ದಚಿನ್ಮಯೀ ।

ಉದೇತ್ಯನುತ್ತಮಾ ಭಕ್ತಿರ್ಭಗವತ್ಪ್ರೇಮಲಕ್ಷಣಾ

॥ 57 ॥

ಶ್ಲೋಕ 59

ಪ್ರಮಾಣೈಸ್ತತ್ ಸದಾಚಾರೈಸ್ತದಭ್ಯಾಸೈರ್ನಿರನ್ತರಮ್ ।

ಬೋಧಯನಾತ್ಮನಾತ್ಮಾನಂ ಭಕ್ತಿಮಪ್ಯುತ್ತಮಾಂ ಲಭೇತ್

॥ 58 ॥

ಶ್ಲೋಕ 60

ಯಸ್ಯಾಃ ಶ್ರೇಯಸ್ಕರಂ ನಾಸ್ತಿ ಯಯಾ ನಿರ್ವೃತಿಮಾಪ್ನುಯಾತ್ ।

ಯಾ ಸಾಧಯತಿ ಮಾಮೇವ ಭಕ್ತಿಂ ತಾಮೇವ ಸಾಧಯೇತ್

॥ 59 ॥

ಶ್ಲೋಕ 61

ಧರ್ಮಾನನ್ಯಾನ್ ಪರಿತ್ಯಜ್ಯ ಮಾಮೇಕಂ ಭಜ ವಿಶ್ವಸನ್ ।

ಯಾದೃಶೀ ಯಾದೃಶೀ ಶ್ರದ್ಧಾ ಸಿದ್ಧಿರ್ಭವತಿ ತಾದೃಶೀ ।

ಕುರ್ವನ್ನಿರನ್ತರಂ ಕರ್ಮ ಲೋಕೋಽಯಮನುವರ್ತತೇ ।

ತೇನೈವ ಕರ್ಮಣಾ ಧ್ಯಾಯನ್ಮಾಂ ಪರಾಂ ಭಕ್ತಿಮಿಚ್ಛತಿ

॥ 60 ॥

ಶ್ಲೋಕ 62

ಅಹಂ ಹಿ ವಿಶ್ವಸ್ಯ ಚರಾಚರಸ್ಯ

ಬೀಜಂ ಪ್ರಧಾನಂ ಪ್ರಕೃತಿಃ ಪುಮಾಂಶ್ಚ ।

ಮಯಾಹಿತಂ ತೇಜ ಇದಂ ಬಿಭರ್ಷಿ

ವಿಧೇ ವಿಧೇಹಿ ತ್ವಮಥೋ ಜಗನ್ತಿ

॥ 61 ॥

ಶ್ಲೋಕ 63

ಇತಿ ಶ್ರೀ ಬ್ರಹ್ಮ ಸಂಹಿತಾ ಸಮ್ಪೂರ್ಣಮ್ ।