Bala Mukundashtakam
బాల ముకున్దాష్టకమ్
Bala Mukundashtakam
బాల ముకున్దాష్టకమ్
శ్లోక 1
కరారవిన్దేన పదారవిన్దం ముఖారవిన్దే వినివేశయన్తమ్ ।
వటస్య పత్రస్య పుటే శయానం బాలం ముకున్దం మనసా స్మరామి
శ్లోక 2
సంహృత్య లోకాన్వటపత్రమధ్యే శయానమాద్యన్తవిహీనరూపమ్ ।
సర్వేశ్వరం సర్వహితావతారం బాలం ముకున్దం మనసా స్మరామి
॥ 1 ॥
శ్లోక 3
ఇన్దీవరశ్యామలకోమలాఙ్గం ఇన్ద్రాదిదేవార్చితపాదపద్మమ్ ।
సన్తానకల్పద్రుమమాశ్రితానాం బాలం ముకున్దం మనసా స్మరామి
॥ 2 ॥
శ్లోక 4
లమ్బాలకం లమ్బితహారయష్టిం శృఙ్గారలీలాఙ్కితదన్తపఙ్క్తిమ్ ।
బిమ్బాధరం చారువిశాలనేత్రం బాలం ముకున్దం మనసా స్మరామి
॥ 3 ॥
శ్లోక 5
శిక్యే నిధాయాద్యపయోదధీని బహిర్గతాయాం వ్రజనాయికాయామ్ ।
భుక్త్వా యథేష్టం కపటేన సుప్తం బాలం ముకున్దం మనసా స్మరామి
॥ 4 ॥
శ్లోక 6
కలిన్దజాన్తస్థితకాలియస్య ఫణాగ్రరఙ్గేనటనప్రియన్తమ్ ।
తత్పుచ్ఛహస్తం శరదిన్దువక్త్రం బాలం ముకున్దం మనసా స్మరామి
॥ 5 ॥
శ్లోక 7
ఉలూఖలే బద్ధముదారశౌర్యం ఉత్తుఙ్గయుగ్మార్జున భఙ్గలీలమ్ ।
ఉత్ఫుల్లపద్మాయత చారునేత్రం బాలం ముకున్దం మనసా స్మరామి
॥ 6 ॥
శ్లోక 8
ఆలోక్య మాతుర్ముఖమాదరేణ స్తన్యం పిబన్తం సరసీరుహాక్షమ్ ।
సచ్చిన్మయం దేవమనన్తరూపం బాలం ముకున్దం మనసా స్మరామి
॥ 7 ॥