അര്ജുന കൃത ശ്രീ ദുര്ഗാ സ്തോത്രമ്

അര്ജുന കൃത ശ്രീ ദുര്ഗാ സ്തോത്രമ്

ശ്ലോക 1

അര്ജുന ഉവാച ।

നമസ്തേ സിദ്ധസേനാനി ആര്യേ മന്ദരവാസിനി ।

കുമാരി കാലി കാപാലി കപിലേ കൃഷ്ണപിങ്ഗലേ

ശ്ലോക 2

ഭദ്രകാലി നമസ്തുഭ്യം മഹാകാലി നമോഽസ്തു തേ ।

ചണ്ഡി ചണ്ഡേ നമസ്തുഭ്യം താരിണി വരവര്ണിനി

॥ 1 ॥

ശ്ലോക 3

കാത്യായനി മഹാഭാഗേ കരാലി വിജയേ ജയേ ।

ശിഖിപിഞ്ഛധ്വജധരേ നാനാഭരണഭൂഷിതേ

॥ 2 ॥

ശ്ലോക 4

അട്ടശൂലപ്രഹരണേ ഖഡ്ഗഖേടകധാരിണി ।

ഗോപേന്ദ്രസ്യാനുജേ ജ്യേഷ്ഠേ നന്ദഗോപകുലോദ്ഭവേ

॥ 3 ॥

ശ്ലോക 5

മഹിഷാസൃക്പ്രിയേ നിത്യം കൌശികി പീതവാസിനി ।

അട്ടഹാസേ കോകമുഖേ നമസ്തേഽസ്തു രണപ്രിയേ

॥ 4 ॥

ശ്ലോക 6

ഉമേ ശാകമ്ഭരി ശ്വേതേ കൃഷ്ണേ കൈടഭനാശിനി ।

ഹിരണ്യാക്ഷി വിരൂപാക്ഷി സുധൂമ്രാക്ഷി നമോഽസ്തു തേ

॥ 5 ॥

ശ്ലോക 7

വേദശ്രുതിമഹാപുണ്യേ ബ്രഹ്മണ്യേ ജാതവേദസി ।

ജമ്ബൂകടകചൈത്യേഷു നിത്യം സന്നിഹിതാലയേ

॥ 6 ॥

ശ്ലോക 8

ത്വം ബ്രഹ്മവിദ്യാ വിദ്യാനാം മഹാനിദ്രാ ച ദേഹിനാമ് ।

സ്കന്ദമാതര്ഭഗവതി ദുര്ഗേ കാന്താരവാസിനി

॥ 7 ॥

ശ്ലോക 9

സ്വാഹാകാരഃ സ്വധാ ചൈവ കലാ കാഷ്ഠാ സരസ്വതീ ।

സാവിത്രീ വേദമാതാ ച തഥാ വേദാന്ത ഉച്യതേ

॥ 8 ॥

ശ്ലോക 10

സ്തുതാസി ത്വം മഹാദേവി വിശുദ്ധേനാന്തരാത്മനാ ।

ജയോ ഭവതു മേ നിത്യം ത്വത്പ്രസാദാദ്രണാജിരേ

॥ 9 ॥

ശ്ലോക 11

കാന്താരഭയദുര്ഗേഷു ഭക്താനാം ചാലയേഷു ച ।

നിത്യം വസസി പാതാലേ യുദ്ധേ ജയസി ദാനവാന്

॥ 10 ॥

ശ്ലോക 12

ത്വം ജമ്ഭനീ മോഹിനീ ച മായാ ഹ്രീഃ ശ്രീസ്തഥൈവ ച ।

സന്ധ്യാ പ്രഭാവതീ ചൈവ സാവിത്രീ ജനനീ തഥാ

॥ 11 ॥

ശ്ലോക 13

തുഷ്ടിഃ പുഷ്ടിര്ധൃതിര്ദീപ്തിശ്ചന്ദ്രാദിത്യവിവര്ധിനീ ।

ഭൂതിര്ഭൂതിമതാം സങ്ഖ്യേ വീക്ഷ്യസേ സിദ്ധചാരണൈഃ

॥ 12 ॥

ശ്ലോക 14

ഇതി ശ്രീമന്മഹാഭാരതേ ഭീഷ്മപര്വണി ത്രയോവിംശോഽധ്യായേ അര്ജുന കൃത ശ്രീ ദുര്ഗാ സ്തോത്രമ് ।