ಅರ್ಜುನ ಕೃತ ಶ್ರೀ ದುರ್ಗಾ ಸ್ತೋತ್ರಮ್

ಅರ್ಜುನ ಕೃತ ಶ್ರೀ ದುರ್ಗಾ ಸ್ತೋತ್ರಮ್

ಶ್ಲೋಕ 1

ಅರ್ಜುನ ಉವಾಚ ।

ನಮಸ್ತೇ ಸಿದ್ಧಸೇನಾನಿ ಆರ್ಯೇ ಮನ್ದರವಾಸಿನಿ ।

ಕುಮಾರಿ ಕಾಲಿ ಕಾಪಾಲಿ ಕಪಿಲೇ ಕೃಷ್ಣಪಿಙ್ಗಲೇ

ಶ್ಲೋಕ 2

ಭದ್ರಕಾಲಿ ನಮಸ್ತುಭ್ಯಂ ಮಹಾಕಾಲಿ ನಮೋಽಸ್ತು ತೇ ।

ಚಣ್ಡಿ ಚಣ್ಡೇ ನಮಸ್ತುಭ್ಯಂ ತಾರಿಣಿ ವರವರ್ಣಿನಿ

॥ 1 ॥

ಶ್ಲೋಕ 3

ಕಾತ್ಯಾಯನಿ ಮಹಾಭಾಗೇ ಕರಾಲಿ ವಿಜಯೇ ಜಯೇ ।

ಶಿಖಿಪಿಞ್ಛಧ್ವಜಧರೇ ನಾನಾಭರಣಭೂಷಿತೇ

॥ 2 ॥

ಶ್ಲೋಕ 4

ಅಟ್ಟಶೂಲಪ್ರಹರಣೇ ಖಡ್ಗಖೇಟಕಧಾರಿಣಿ ।

ಗೋಪೇನ್ದ್ರಸ್ಯಾನುಜೇ ಜ್ಯೇಷ್ಠೇ ನನ್ದಗೋಪಕುಲೋದ್ಭವೇ

॥ 3 ॥

ಶ್ಲೋಕ 5

ಮಹಿಷಾಸೃಕ್ಪ್ರಿಯೇ ನಿತ್ಯಂ ಕೌಶಿಕಿ ಪೀತವಾಸಿನಿ ।

ಅಟ್ಟಹಾಸೇ ಕೋಕಮುಖೇ ನಮಸ್ತೇಽಸ್ತು ರಣಪ್ರಿಯೇ

॥ 4 ॥

ಶ್ಲೋಕ 6

ಉಮೇ ಶಾಕಮ್ಭರಿ ಶ್ವೇತೇ ಕೃಷ್ಣೇ ಕೈಟಭನಾಶಿನಿ ।

ಹಿರಣ್ಯಾಕ್ಷಿ ವಿರೂಪಾಕ್ಷಿ ಸುಧೂಮ್ರಾಕ್ಷಿ ನಮೋಽಸ್ತು ತೇ

॥ 5 ॥

ಶ್ಲೋಕ 7

ವೇದಶ್ರುತಿಮಹಾಪುಣ್ಯೇ ಬ್ರಹ್ಮಣ್ಯೇ ಜಾತವೇದಸಿ ।

ಜಮ್ಬೂಕಟಕಚೈತ್ಯೇಷು ನಿತ್ಯಂ ಸನ್ನಿಹಿತಾಲಯೇ

॥ 6 ॥

ಶ್ಲೋಕ 8

ತ್ವಂ ಬ್ರಹ್ಮವಿದ್ಯಾ ವಿದ್ಯಾನಾಂ ಮಹಾನಿದ್ರಾ ಚ ದೇಹಿನಾಮ್ ।

ಸ್ಕನ್ದಮಾತರ್ಭಗವತಿ ದುರ್ಗೇ ಕಾನ್ತಾರವಾಸಿನಿ

॥ 7 ॥

ಶ್ಲೋಕ 9

ಸ್ವಾಹಾಕಾರಃ ಸ್ವಧಾ ಚೈವ ಕಲಾ ಕಾಷ್ಠಾ ಸರಸ್ವತೀ ।

ಸಾವಿತ್ರೀ ವೇದಮಾತಾ ಚ ತಥಾ ವೇದಾನ್ತ ಉಚ್ಯತೇ

॥ 8 ॥

ಶ್ಲೋಕ 10

ಸ್ತುತಾಸಿ ತ್ವಂ ಮಹಾದೇವಿ ವಿಶುದ್ಧೇನಾನ್ತರಾತ್ಮನಾ ।

ಜಯೋ ಭವತು ಮೇ ನಿತ್ಯಂ ತ್ವತ್ಪ್ರಸಾದಾದ್ರಣಾಜಿರೇ

॥ 9 ॥

ಶ್ಲೋಕ 11

ಕಾನ್ತಾರಭಯದುರ್ಗೇಷು ಭಕ್ತಾನಾಂ ಚಾಲಯೇಷು ಚ ।

ನಿತ್ಯಂ ವಸಸಿ ಪಾತಾಲೇ ಯುದ್ಧೇ ಜಯಸಿ ದಾನವಾನ್

॥ 10 ॥

ಶ್ಲೋಕ 12

ತ್ವಂ ಜಮ್ಭನೀ ಮೋಹಿನೀ ಚ ಮಾಯಾ ಹ್ರೀಃ ಶ್ರೀಸ್ತಥೈವ ಚ ।

ಸನ್ಧ್ಯಾ ಪ್ರಭಾವತೀ ಚೈವ ಸಾವಿತ್ರೀ ಜನನೀ ತಥಾ

॥ 11 ॥

ಶ್ಲೋಕ 13

ತುಷ್ಟಿಃ ಪುಷ್ಟಿರ್ಧೃತಿರ್ದೀಪ್ತಿಶ್ಚನ್ದ್ರಾದಿತ್ಯವಿವರ್ಧಿನೀ ।

ಭೂತಿರ್ಭೂತಿಮತಾಂ ಸಙ್ಖ್ಯೇ ವೀಕ್ಷ್ಯಸೇ ಸಿದ್ಧಚಾರಣೈಃ

॥ 12 ॥

ಶ್ಲೋಕ 14

ಇತಿ ಶ್ರೀಮನ್ಮಹಾಭಾರತೇ ಭೀಷ್ಮಪರ್ವಣಿ ತ್ರಯೋವಿಂಶೋಽಧ್ಯಾಯೇ ಅರ್ಜುನ ಕೃತ ಶ್ರೀ ದುರ್ಗಾ ಸ್ತೋತ್ರಮ್ ।