અર્જુન કૃત શ્રી દુર્ગા સ્તોત્રમ્

અર્જુન કૃત શ્રી દુર્ગા સ્તોત્રમ્

શ્લોક 1

અર્જુન ઉવાચ ।

નમસ્તે સિદ્ધસેનાનિ આર્યે મન્દરવાસિનિ ।

કુમારિ કાલિ કાપાલિ કપિલે કૃષ્ણપિઙ્ગલે

શ્લોક 2

ભદ્રકાલિ નમસ્તુભ્યં મહાકાલિ નમોઽસ્તુ તે ।

ચણ્ડિ ચણ્ડે નમસ્તુભ્યં તારિણિ વરવર્ણિનિ

॥ 1 ॥

શ્લોક 3

કાત્યાયનિ મહાભાગે કરાલિ વિજયે જયે ।

શિખિપિઞ્છધ્વજધરે નાનાભરણભૂષિતે

॥ 2 ॥

શ્લોક 4

અટ્ટશૂલપ્રહરણે ખડ્ગખેટકધારિણિ ।

ગોપેન્દ્રસ્યાનુજે જ્યેષ્ઠે નન્દગોપકુલોદ્ભવે

॥ 3 ॥

શ્લોક 5

મહિષાસૃક્પ્રિયે નિત્યં કૌશિકિ પીતવાસિનિ ।

અટ્ટહાસે કોકમુખે નમસ્તેઽસ્તુ રણપ્રિયે

॥ 4 ॥

શ્લોક 6

ઉમે શાકમ્ભરિ શ્વેતે કૃષ્ણે કૈટભનાશિનિ ।

હિરણ્યાક્ષિ વિરૂપાક્ષિ સુધૂમ્રાક્ષિ નમોઽસ્તુ તે

॥ 5 ॥

શ્લોક 7

વેદશ્રુતિમહાપુણ્યે બ્રહ્મણ્યે જાતવેદસિ ।

જમ્બૂકટકચૈત્યેષુ નિત્યં સન્નિહિતાલયે

॥ 6 ॥

શ્લોક 8

ત્વં બ્રહ્મવિદ્યા વિદ્યાનાં મહાનિદ્રા ચ દેહિનામ્ ।

સ્કન્દમાતર્ભગવતિ દુર્ગે કાન્તારવાસિનિ

॥ 7 ॥

શ્લોક 9

સ્વાહાકારઃ સ્વધા ચૈવ કલા કાષ્ઠા સરસ્વતી ।

સાવિત્રી વેદમાતા ચ તથા વેદાન્ત ઉચ્યતે

॥ 8 ॥

શ્લોક 10

સ્તુતાસિ ત્વં મહાદેવિ વિશુદ્ધેનાન્તરાત્મના ।

જયો ભવતુ મે નિત્યં ત્વત્પ્રસાદાદ્રણાજિરે

॥ 9 ॥

શ્લોક 11

કાન્તારભયદુર્ગેષુ ભક્તાનાં ચાલયેષુ ચ ।

નિત્યં વસસિ પાતાલે યુદ્ધે જયસિ દાનવાન્

॥ 10 ॥

શ્લોક 12

ત્વં જમ્ભની મોહિની ચ માયા હ્રીઃ શ્રીસ્તથૈવ ચ ।

સન્ધ્યા પ્રભાવતી ચૈવ સાવિત્રી જનની તથા

॥ 11 ॥

શ્લોક 13

તુષ્ટિઃ પુષ્ટિર્ધૃતિર્દીપ્તિશ્ચન્દ્રાદિત્યવિવર્ધિની ।

ભૂતિર્ભૂતિમતાં સઙ્ખ્યે વીક્ષ્યસે સિદ્ધચારણૈઃ

॥ 12 ॥

શ્લોક 14

ઇતિ શ્રીમન્મહાભારતે ભીષ્મપર્વણિ ત્રયોવિંશોઽધ્યાયે અર્જુન કૃત શ્રી દુર્ગા સ્તોત્રમ્ ।