অর্জুন কৃত শ্রী দুর্গা স্তোত্রম্

অর্জুন কৃত শ্রী দুর্গা স্তোত্রম্

শ্লোক 1

অর্জুন উবাচ ।

নমস্তে সিদ্ধসেনানি আর্যে মন্দরবাসিনি ।

কুমারি কালি কাপালি কপিলে কৃষ্ণপিঙ্গলে

শ্লোক 2

ভদ্রকালি নমস্তুভ্যং মহাকালি নমোঽস্তু তে ।

চণ্ডি চণ্ডে নমস্তুভ্যং তারিণি বরবর্ণিনি

॥ 1 ॥

শ্লোক 3

কাত্যাযনি মহাভাগে করালি বিজযে জযে ।

শিখিপিঞ্ছধ্বজধরে নানাভরণভূষিতে

॥ 2 ॥

শ্লোক 4

অট্টশূলপ্রহরণে খড্গখেটকধারিণি ।

গোপেন্দ্রস্যানুজে জ্যেষ্ঠে নন্দগোপকুলোদ্ভবে

॥ 3 ॥

শ্লোক 5

মহিষাসৃক্প্রিযে নিত্যং কৌশিকি পীতবাসিনি ।

অট্টহাসে কোকমুখে নমস্তেঽস্তু রণপ্রিযে

॥ 4 ॥

শ্লোক 6

উমে শাকম্ভরি শ্বেতে কৃষ্ণে কৈটভনাশিনি ।

হিরণ্যাক্ষি বিরূপাক্ষি সুধূম্রাক্ষি নমোঽস্তু তে

॥ 5 ॥

শ্লোক 7

বেদশ্রুতিমহাপুণ্যে ব্রহ্মণ্যে জাতবেদসি ।

জম্বূকটকচৈত্যেষু নিত্যং সন্নিহিতালযে

॥ 6 ॥

শ্লোক 8

ত্বং ব্রহ্মবিদ্যা বিদ্যানাং মহানিদ্রা চ দেহিনাম্ ।

স্কন্দমাতর্ভগবতি দুর্গে কান্তারবাসিনি

॥ 7 ॥

শ্লোক 9

স্বাহাকারঃ স্বধা চৈব কলা কাষ্ঠা সরস্বতী ।

সাবিত্রী বেদমাতা চ তথা বেদান্ত উচ্যতে

॥ 8 ॥

শ্লোক 10

স্তুতাসি ত্বং মহাদেবি বিশুদ্ধেনান্তরাত্মনা ।

জযো ভবতু মে নিত্যং ত্বত্প্রসাদাদ্রণাজিরে

॥ 9 ॥

শ্লোক 11

কান্তারভযদুর্গেষু ভক্তানাং চালযেষু চ ।

নিত্যং বসসি পাতালে যুদ্ধে জযসি দানবান্

॥ 10 ॥

শ্লোক 12

ত্বং জম্ভনী মোহিনী চ মাযা হ্রীঃ শ্রীস্তথৈব চ ।

সন্ধ্যা প্রভাবতী চৈব সাবিত্রী জননী তথা

॥ 11 ॥

শ্লোক 13

তুষ্টিঃ পুষ্টির্ধৃতির্দীপ্তিশ্চন্দ্রাদিত্যবিবর্ধিনী ।

ভূতির্ভূতিমতাং সঙ্খ্যে বীক্ষ্যসে সিদ্ধচারণৈঃ

॥ 12 ॥

শ্লোক 14

ইতি শ্রীমন্মহাভারতে ভীষ্মপর্বণি ত্রযোবিংশোঽধ্যাযে অর্জুন কৃত শ্রী দুর্গা স্তোত্রম্ ।