అన్నమయ్య కీర్తన అన్తర్యామి అలసితి

అన్నమయ్య కీర్తన అన్తర్యామి అలసితి

శ్లోక 1

రాగం: ఆభోగి

ఆ: స రి2 గ2 మ1 ద2 స

అవ: స ద2 మ1 గ2 రి2 స

తాలం: ఆది

పల్లవి

అన్తర్యామి అలసితి సొలసితి ।

ఇన్తట నీ శరణిదె జొచ్చితిని ॥ (1.5)

చరణం 1

కోరిన కోర్కులు కోయని కట్లు

తీరవు నీవవి తెఞ్చక । (2)

భారపు బగ్గాలు పాప పుణ్యములు

నేరుపుల బోనీవు నీవు వద్దనక ॥ (1.5)

అన్తర్యామి అలసితి సొలసితి ।

ఇన్తట నీ శరణిదె జొచ్చితిని ॥ (1.5)

చరణం 2

జనుల సఙ్గముల జక్క రోగములు

విను విడువవు నీవు విడిపిఞ్చక ।

వినయపు దైన్యము విడువని కర్మము

చనదది నీవిటు శాన్తపరచక ॥

చరణం 3

మదిలో చిన్తలు మైలలు మణుగులు

వదలవు నీవవి వద్దనక । (2)

ఎదుటనె శ్రీ వెఙ్కటేశ్వర నీవదె

అదన గాచితివి అట్టిట్టనక ॥ (1.5)

అన్తర్యామి అలసితి సొలసితి ।

ఇన్తట నీ శరణిదె జొచ్చితిని ॥ (1.5)