ಆಞ್ಜನೇಯ ಸಹಸ್ರ ನಾಮಮ್

ಆಞ್ಜನೇಯ ಸಹಸ್ರ ನಾಮಮ್

ಶ್ಲೋಕ 1

ಓಂ ಅಸ್ಯ ಶ್ರೀಹನುಮತ್ಸಹಸ್ರನಾಮಸ್ತೋತ್ರ ಮನ್ತ್ರಸ್ಯ ಶ್ರೀರಾಮಚನ್ದ್ರೃಷಿಃ ಅನುಷ್ಟುಪ್ಛನ್ದಃ ಶ್ರೀಹನುಮಾನ್ಮಹಾರುದ್ರೋ ದೇವತಾ ಹ್ರೀಂ ಶ್ರೀಂ ಹ್ರೌಂ ಹ್ರಾಂ ಬೀಜಂ ಶ್ರೀಂ ಇತಿ ಶಕ್ತಿಃ ಕಿಲಿಕಿಲ ಬುಬು ಕಾರೇಣ ಇತಿ ಕೀಲಕಂ ಲಙ್ಕಾವಿಧ್ವಂಸನೇತಿ ಕವಚಂ ಮಮ ಸರ್ವೋಪದ್ರವಶಾನ್ತ್ಯರ್ಥೇ ಮಮ ಸರ್ವಕಾರ್ಯಸಿದ್ಧ್ಯರ್ಥೇ ಜಪೇ ವಿನಿಯೋಗಃ ।

ಧ್ಯಾನಮ್

ಪ್ರತಪ್ತಸ್ವರ್ಣವರ್ಣಾಭಂ ಸಂರಕ್ತಾರುಣಲೋಚನಮ್ ।

ಸುಗ್ರೀವಾದಿಯುತಂ ಧ್ಯಾಯೇತ್ ಪೀತಾಮ್ಬರಸಮಾವೃತಮ್ ॥

ಗೋಷ್ಪದೀಕೃತವಾರಾಶಿಂ ಪುಚ್ಛಮಸ್ತಕಮೀಶ್ವರಮ್ ।

ಜ್ಞಾನಮುದ್ರಾಂ ಚ ಬಿಭ್ರಾಣಂ ಸರ್ವಾಲಙ್ಕಾರಭೂಷಿತಮ್ ॥

ವಾಮಹಸ್ತಸಮಾಕೃಷ್ಟದಶಾಸ್ಯಾನನಮಣ್ಡಲಮ್ ।

ಉದ್ಯದ್ದಕ್ಷಿಣದೋರ್ದಣ್ಡಂ ಹನೂಮನ್ತಂ ವಿಚಿನ್ತಯೇತ್ ॥

ಸ್ತೋತ್ರಮ್

ಹನೂಮಾನ್ ಶ್ರೀಪ್ರದೋ ವಾಯುಪುತ್ರೋ ರುದ್ರೋ ನಯೋಽಜರಃ ।

ಅಮೃತ್ಯುರ್ವೀರವೀರಶ್ಚ ಗ್ರಾಮವಾಸೋ ಜನಾಶ್ರಯಃ

ಶ್ಲೋಕ 2

ಧನದೋ ನಿರ್ಗುಣಾಕಾರೋ ವೀರೋ ನಿಧಿಪತಿರ್ಮುನಿಃ ।

ಪಿಙ್ಗಾಕ್ಷೋ ವರದೋ ವಾಗ್ಮೀ ಸೀತಾಶೋಕವಿನಾಶನಃ

॥ 1 ॥

ಶ್ಲೋಕ 3

ಶಿವಃ ಶರ್ವಃ ಪರೋಽವ್ಯಕ್ತೋ ವ್ಯಕ್ತಾವ್ಯಕ್ತೋ ಧರಾಧರಃ ।

ಪಿಙ್ಗಕೇಶಃ ಪಿಙ್ಗರೋಮಾ ಶ್ರುತಿಗಮ್ಯಃ ಸನಾತನಃ

॥ 2 ॥

ಶ್ಲೋಕ 4

ಅನಾದಿರ್ಭಗವಾನ್ ದಿವ್ಯೋ ವಿಶ್ವಹೇತುರ್ನರಾಶ್ರಯಃ ।

ಆರೋಗ್ಯಕರ್ತಾ ವಿಶ್ವೇಶೋ ವಿಶ್ವನಾಥೋ ಹರೀಶ್ವರಃ

॥ 3 ॥

ಶ್ಲೋಕ 5

ಭರ್ಗೋ ರಾಮೋ ರಾಮಭಕ್ತಃ ಕಲ್ಯಾಣಪ್ರಕೃತೀಶ್ವರಃ ।

ವಿಶ್ವಮ್ಭರೋ ವಿಶ್ವಮೂರ್ತಿರ್ವಿಶ್ವಾಕಾರೋಽಥ ವಿಶ್ವಪಃ

॥ 4 ॥

ಶ್ಲೋಕ 6

ವಿಶ್ವಾತ್ಮಾ ವಿಶ್ವಸೇವ್ಯೋಽಥ ವಿಶ್ವೋ ವಿಶ್ವಧರೋ ರವಿಃ ।

ವಿಶ್ವಚೇಷ್ಟೋ ವಿಶ್ವಗಮ್ಯೋ ವಿಶ್ವಧ್ಯೇಯಃ ಕಲಾಧರಃ

॥ 5 ॥

ಶ್ಲೋಕ 7

ಪ್ಲವಙ್ಗಮಃ ಕಪಿಶ್ರೇಷ್ಠೋ ಜ್ಯೇಷ್ಠೋ ವೇದ್ಯೋ ವನೇಚರಃ ।

ಬಾಲೋ ವೃದ್ಧೋ ಯುವಾ ತತ್ತ್ವಂ ತತ್ತ್ವಗಮ್ಯಃ ಸಖಾ ಹ್ಯಜಃ

॥ 6 ॥

ಶ್ಲೋಕ 8

ಅಞ್ಜನಾಸೂನುರವ್ಯಗ್ರೋ ಗ್ರಾಮಸ್ಯಾನ್ತೋ ಧರಾಧರಃ ।

ಭೂರ್ಭುವಃಸ್ವರ್ಮಹರ್ಲೋಕೋ ಜನೋಲೋಕಸ್ತಪೋಽವ್ಯಯಃ

॥ 7 ॥

ಶ್ಲೋಕ 9

ಸತ್ಯಮೋಙ್ಕಾರಗಮ್ಯಶ್ಚ ಪ್ರಣವೋ ವ್ಯಾಪಕೋಽಮಲಃ ।

ಶಿವಧರ್ಮಪ್ರತಿಷ್ಠಾತಾ ರಾಮೇಷ್ಟಃ ಫಲ್ಗುನಪ್ರಿಯಃ

॥ 8 ॥

ಶ್ಲೋಕ 10

ಗೋಷ್ಪದೀಕೃತವಾರೀಶಃ ಪೂರ್ಣಕಾಮೋ ಧರಾಪತಿಃ ।

ರಕ್ಷೋಘ್ನಃ ಪುಣ್ಡರೀಕಾಕ್ಷಃ ಶರಣಾಗತವತ್ಸಲಃ

॥ 9 ॥

ಶ್ಲೋಕ 11

ಜಾನಕೀಪ್ರಾಣದಾತಾ ಚ ರಕ್ಷಃಪ್ರಾಣಾಪಹಾರಕಃ ।

ಪೂರ್ಣಃ ಸತ್ಯಃ ಪೀತವಾಸಾ ದಿವಾಕರಸಮಪ್ರಭಃ

॥ 10 ॥

ಶ್ಲೋಕ 12

ದ್ರೋಣಹರ್ತಾ ಶಕ್ತಿನೇತಾ ಶಕ್ತಿರಾಕ್ಷಸಮಾರಕಃ ।

ಅಕ್ಷಘ್ನೋ ರಾಮದೂತಶ್ಚ ಶಾಕಿನೀಜೀವಿತಾಹರಃ

॥ 11 ॥

ಶ್ಲೋಕ 13

ಬುಭೂಕಾರಹತಾರಾತಿರ್ಗರ್ವಪರ್ವತಮರ್ದನಃ ।

ಹೇತುಸ್ತ್ವಹೇತುಃ ಪ್ರಾಂಶುಶ್ಚ ವಿಶ್ವಕರ್ತಾ ಜಗದ್ಗುರುಃ

॥ 12 ॥

ಶ್ಲೋಕ 14

ಜಗನ್ನಾಥೋ ಜಗನ್ನೇತಾ ಜಗದೀಶೋ ಜನೇಶ್ವರಃ ।

ಜಗತ್ಶ್ರಿತೋ ಹರಿಃ ಶ್ರೀಶೋ ಗರುಡಸ್ಮಯಭಞ್ಜಕಃ

॥ 13 ॥

ಶ್ಲೋಕ 15

ಪಾರ್ಥಧ್ವಜೋ ವಾಯುಪುತ್ರಃ ಸಿತಪುಚ್ಛೋಽಮಿತಪ್ರಭಃ ।

ಬ್ರಹ್ಮಪುಚ್ಛಃ ಪರಬ್ರಹ್ಮಪುಚ್ಛೋ ರಾಮೇಷ್ಟಕಾರಕಃ

॥ 14 ॥

ಶ್ಲೋಕ 16

ಸುಗ್ರೀವಾದಿಯುತೋ ಜ್ಞಾನೀ ವಾನರೋ ವಾನರೇಶ್ವರಃ ।

ಕಲ್ಪಸ್ಥಾಯೀ ಚಿರಞ್ಜೀವೀ ಪ್ರಸನ್ನಶ್ಚ ಸದಾಶಿವಃ

॥ 15 ॥

ಶ್ಲೋಕ 17

ಸನ್ಮತಿಃ ಸದ್ಗತಿರ್ಭುಕ್ತಿಮುಕ್ತಿದಃ ಕೀರ್ತಿದಾಯಕಃ ।

ಕೀರ್ತಿಃ ಕೀರ್ತಿಪ್ರದಶ್ಚೈವ ಸಮುದ್ರಃ ಶ್ರೀಪ್ರದಃ ಶಿವಃ

॥ 16 ॥

ಶ್ಲೋಕ 18

ಉದಧಿಕ್ರಮಣೋ ದೇವಃ ಸಂಸಾರಭಯನಾಶನಃ ।

ವಾಲಿಬನ್ಧನಕೃದ್ವಿಶ್ವಜೇತಾ ವಿಶ್ವಪ್ರತಿಷ್ಠಿತಃ

॥ 17 ॥

ಶ್ಲೋಕ 19

ಲಙ್ಕಾರಿಃ ಕಾಲಪುರುಷೋ ಲಙ್ಕೇಶಗೃಹಭಞ್ಜನಃ ।

ಭೂತಾವಾಸೋ ವಾಸುದೇವೋ ವಸುಸ್ತ್ರಿಭುವನೇಶ್ವರಃ ॥

ಶ್ರೀರಾಮರೂಪಃ ಕೃಷ್ಣಸ್ತು ಲಙ್ಕಾಪ್ರಾಸಾದಭಞ್ಜನಃ ।

ಕೃಷ್ಣಃ ಕೃಷ್ಣಸ್ತುತಃ ಶಾನ್ತಃ ಶಾನ್ತಿದೋ ವಿಶ್ವಭಾವನಃ

॥ 18 ॥

ಶ್ಲೋಕ 20

ವಿಶ್ವಭೋಕ್ತಾಽಥ ಮಾರಘ್ನೋ ಬ್ರಹ್ಮಚಾರೀ ಜಿತೇನ್ದ್ರಿಯಃ ।

ಊರ್ಧ್ವಗೋ ಲಾಙ್ಗುಲೀ ಮಾಲೀ ಲಾಙ್ಗೂಲಾಹತರಾಕ್ಷಸಃ

॥ 20 ॥

ಶ್ಲೋಕ 21

ಸಮೀರತನುಜೋ ವೀರೋ ವೀರಮಾರೋ ಜಯಪ್ರದಃ ।

ಜಗನ್ಮಙ್ಗಲದಃ ಪುಣ್ಯಃ ಪುಣ್ಯಶ್ರವಣಕೀರ್ತನಃ

॥ 21 ॥

ಶ್ಲೋಕ 22

ಪುಣ್ಯಕೀರ್ತಿಃ ಪುಣ್ಯಗೀತಿರ್ಜಗತ್ಪಾವನಪಾವನಃ ।

ದೇವೇಶೋಽಮಿತರೋಮಾಽಥ ರಾಮಭಕ್ತವಿಧಾಯಕಃ

॥ 22 ॥

ಶ್ಲೋಕ 23

ಧ್ಯಾತಾ ಧ್ಯೇಯೋ ಜಗತ್ಸಾಕ್ಷೀ ಚೇತಾ ಚೈತನ್ಯವಿಗ್ರಹಃ ।

ಜ್ಞಾನದಃ ಪ್ರಾಣದಃ ಪ್ರಾಣೋ ಜಗತ್ಪ್ರಾಣಃ ಸಮೀರಣಃ

॥ 23 ॥

ಶ್ಲೋಕ 24

ವಿಭೀಷಣಪ್ರಿಯಃ ಶೂರಃ ಪಿಪ್ಪಲಾಶ್ರಯಸಿದ್ಧಿದಃ ।

ಸಿದ್ಧಃ ಸಿದ್ಧಾಶ್ರಯಃ ಕಾಲಃ ಕಾಲಭಕ್ಷಕಪೂಜಿತಃ

॥ 24 ॥

ಶ್ಲೋಕ 25

ಲಙ್ಕೇಶನಿಧನಸ್ಥಾಯೀ ಲಙ್ಕಾದಾಹಕ ಈಶ್ವರಃ ।

ಚನ್ದ್ರಸೂರ್ಯಾಗ್ನಿನೇತ್ರಶ್ಚ ಕಾಲಾಗ್ನಿಃ ಪ್ರಲಯಾನ್ತಕಃ

॥ 25 ॥

ಶ್ಲೋಕ 26

ಕಪಿಲಃ ಕಪಿಶಃ ಪುಣ್ಯರಾತಿರ್ದ್ವಾದಶರಾಶಿಗಃ ।

ಸರ್ವಾಶ್ರಯೋಽಪ್ರಮೇಯಾತ್ಮಾ ರೇವತ್ಯಾದಿನಿವಾರಕಃ

॥ 26 ॥

ಶ್ಲೋಕ 27

ಲಕ್ಷ್ಮಣಪ್ರಾಣದಾತಾ ಚ ಸೀತಾಜೀವನಹೇತುಕಃ ।

ರಾಮಧ್ಯಾಯೀ ಹೃಷೀಕೇಶೋ ವಿಷ್ಣುಭಕ್ತೋ ಜಟೀ ಬಲೀ

॥ 27 ॥

ಶ್ಲೋಕ 28

ದೇವಾರಿದರ್ಪಹಾ ಹೋತಾ ಧಾತಾ ಕರ್ತಾ ಜಗತ್ಪ್ರಭುಃ ।

ನಗರಗ್ರಾಮಪಾಲಶ್ಚ ಶುದ್ಧೋ ಬುದ್ಧೋ ನಿರನ್ತರಃ

॥ 28 ॥

ಶ್ಲೋಕ 29

ನಿರಞ್ಜನೋ ನಿರ್ವಿಕಲ್ಪೋ ಗುಣಾತೀತೋ ಭಯಙ್ಕರಃ ।

ಹನುಮಾಂಶ್ಚ ದುರಾರಾಧ್ಯಸ್ತಪಃಸಾಧ್ಯೋ ಮಹೇಶ್ವರಃ

॥ 29 ॥

ಶ್ಲೋಕ 30

ಜಾನಕೀಘನಶೋಕೋತ್ಥತಾಪಹರ್ತಾ ಪರಾಶರಃ ।

ವಾಙ್ಮಯಃ ಸದಸದ್ರೂಪಃ ಕಾರಣಂ ಪ್ರಕೃತೇಃ ಪರಃ

॥ 30 ॥

ಶ್ಲೋಕ 31

ಭಾಗ್ಯದೋ ನಿರ್ಮಲೋ ನೇತಾ ಪುಚ್ಛಲಙ್ಕಾವಿದಾಹಕಃ ।

ಪುಚ್ಛಬದ್ಧೋ ಯಾತುಧಾನೋ ಯಾತುಧಾನರಿಪುಪ್ರಿಯಃ

॥ 31 ॥

ಶ್ಲೋಕ 32

ಛಾಯಾಪಹಾರೀ ಭೂತೇಶೋ ಲೋಕೇಶಃ ಸದ್ಗತಿಪ್ರದಃ ।

ಪ್ಲವಙ್ಗಮೇಶ್ವರಃ ಕ್ರೋಧಃ ಕ್ರೋಧಸಂರಕ್ತಲೋಚನಃ

॥ 32 ॥

ಶ್ಲೋಕ 33

ಕ್ರೋಧಹರ್ತಾ ತಾಪಹರ್ತಾ ಭಕ್ತಾಭಯವರಪ್ರದಃ ।

ಭಕ್ತಾನುಕಮ್ಪೀ ವಿಶ್ವೇಶಃ ಪುರುಹೂತಃ ಪುರನ್ದರಃ

॥ 33 ॥

ಶ್ಲೋಕ 34

ಅಗ್ನಿರ್ವಿಭಾವಸುರ್ಭಾಸ್ವಾನ್ ಯಮೋ ನಿರೃತಿರೇವ ಚ ।

ವರುಣೋ ವಾಯುಗತಿಮಾನ್ ವಾಯುಃ ಕುಬೇರ ಈಶ್ವರಃ

॥ 34 ॥

ಶ್ಲೋಕ 35

ರವಿಶ್ಚನ್ದ್ರಃ ಕುಜಃ ಸೌಮ್ಯೋ ಗುರುಃ ಕಾವ್ಯಃ ಶನೈಶ್ಚರಃ ।

ರಾಹುಃ ಕೇತುರ್ಮರುದ್ದಾತಾ ಧಾತಾ ಹರ್ತಾ ಸಮೀರಜಃ

॥ 35 ॥

ಶ್ಲೋಕ 36

ಮಶಕೀಕೃತದೇವಾರಿರ್ದೈತ್ಯಾರಿರ್ಮಧುಸೂದನಃ ।

ಕಾಮಃ ಕಪಿಃ ಕಾಮಪಾಲಃ ಕಪಿಲೋ ವಿಶ್ವಜೀವನಃ

॥ 36 ॥

ಶ್ಲೋಕ 37

ಭಾಗೀರಥೀಪದಾಮ್ಭೋಜಃ ಸೇತುಬನ್ಧವಿಶಾರದಃ ।

ಸ್ವಾಹಾ ಸ್ವಧಾ ಹವಿಃ ಕವ್ಯಂ ಹವ್ಯವಾಹಃ ಪ್ರಕಾಶಕಃ

॥ 37 ॥

ಶ್ಲೋಕ 38

ಸ್ವಪ್ರಕಾಶೋ ಮಹಾವೀರೋ ಮಧುರೋಽಮಿತವಿಕ್ರಮಃ ।

ಉಡ್ಡೀನೋಡ್ಡೀನಗತಿಮಾನ್ ಸದ್ಗತಿಃ ಪುರುಷೋತ್ತಮಃ

॥ 38 ॥

ಶ್ಲೋಕ 39

ಜಗದಾತ್ಮಾ ಜಗದ್ಯೋನಿರ್ಜಗದನ್ತೋ ಹ್ಯನನ್ತರಃ ।

ವಿಪಾಪ್ಮಾ ನಿಷ್ಕಲಙ್ಕೋಽಥ ಮಹಾನ್ ಮಹದಹಙ್ಕೃತಿಃ

॥ 39 ॥

ಶ್ಲೋಕ 40

ಖಂ ವಾಯುಃ ಪೃಥಿವೀ ಚಾಪೋ ವಹ್ನಿರ್ದಿಕ್ ಕಾಲ ಏಕಲಃ ।

ಕ್ಷೇತ್ರಜ್ಞಃ ಕ್ಷೇತ್ರಪಾಲಶ್ಚ ಪಲ್ವಲೀಕೃತಸಾಗರಃ

॥ 40 ॥

ಶ್ಲೋಕ 41

ಹಿರಣ್ಮಯಃ ಪುರಾಣಶ್ಚ ಖೇಚರೋ ಭೂಚರೋ ಮನುಃ ।

ಹಿರಣ್ಯಗರ್ಭಃ ಸೂತ್ರಾತ್ಮಾ ರಾಜರಾಜೋ ವಿಶಾಂ ಪತಿಃ

॥ 41 ॥

ಶ್ಲೋಕ 42

ವೇದಾನ್ತವೇದ್ಯ ಉದ್ಗೀಥೋ ವೇದಾಙ್ಗೋ ವೇದಪಾರಗಃ ।

ಪ್ರತಿಗ್ರಾಮಸ್ಥಿತಃ ಸದ್ಯಃ ಸ್ಫೂರ್ತಿದಾತಾ ಗುಣಾಕರಃ

॥ 42 ॥

ಶ್ಲೋಕ 43

ನಕ್ಷತ್ರಮಾಲೀ ಭೂತಾತ್ಮಾ ಸುರಭಿಃ ಕಲ್ಪಪಾದಪಃ ।

ಚಿನ್ತಾಮಣಿರ್ಗುಣನಿಧಿಃ ಪ್ರಜಾದ್ವಾರಮನುತ್ತಮಃ

॥ 43 ॥

ಶ್ಲೋಕ 44

ಪುಣ್ಯಶ್ಲೋಕಃ ಪುರಾರಾತಿಃ ಮತಿಮಾನ್ ಶರ್ವರೀಪತಿಃ ।

ಕಿಲ್ಕಿಲಾರಾವಸನ್ತ್ರಸ್ತಭೂತಪ್ರೇತಪಿಶಾಚಕಃ

॥ 44 ॥

ಶ್ಲೋಕ 45

ಋಣತ್ರಯಹರಃ ಸೂಕ್ಷ್ಮಃ ಸ್ಥೂಲಃ ಸರ್ವಗತಿಃ ಪುಮಾನ್ ।

ಅಪಸ್ಮಾರಹರಃ ಸ್ಮರ್ತಾ ಶ್ರುತಿರ್ಗಾಥಾ ಸ್ಮೃತಿರ್ಮನುಃ

॥ 45 ॥

ಶ್ಲೋಕ 46

ಸ್ವರ್ಗದ್ವಾರಂ ಪ್ರಜಾದ್ವಾರಂ ಮೋಕ್ಷದ್ವಾರಂ ಯತೀಶ್ವರಃ ।

ನಾದರೂಪಂ ಪರಂ ಬ್ರಹ್ಮ ಬ್ರಹ್ಮ ಬ್ರಹ್ಮಪುರಾತನಃ

॥ 46 ॥

ಶ್ಲೋಕ 47

ಏಕೋಽನೇಕೋ ಜನಃ ಶುಕ್ಲಃ ಸ್ವಯಞ್ಜ್ಯೋತಿರನಾಕುಲಃ ।

ಜ್ಯೋತಿರ್ಜ್ಯೋತಿರನಾದಿಶ್ಚ ಸಾತ್ತ್ವಿಕೋ ರಾಜಸಸ್ತಮಃ

॥ 47 ॥

ಶ್ಲೋಕ 48

ತಮೋಹರ್ತಾ ನಿರಾಲಮ್ಬೋ ನಿರಾಕಾರೋ ಗುಣಾಕರಃ ।

ಗುಣಾಶ್ರಯೋ ಗುಣಮಯೋ ಬೃಹತ್ಕಾಯೋ ಬೃಹದ್ಯಶಾಃ ॥

ಬೃಹದ್ಧನುರ್ಬೃಹತ್ಪಾದೋ ಬೃಹನ್ಮೂರ್ಧಾ ಬೃಹತ್ಸ್ವನಃ ।

ಬೃಹತ್ಕರ್ಣೋ ಬೃಹನ್ನಾಸೋ ಬೃಹದ್ಬಾಹುರ್ಬೃಹತ್ತನುಃ

॥ 48 ॥

ಶ್ಲೋಕ 49

ಬೃಹದ್ಗಲೋ ಬೃಹತ್ಕಾಯೋ ಬೃಹತ್ಪುಚ್ಛೋ ಬೃಹತ್ಕರಃ ।

ಬೃಹದ್ಗತಿರ್ಬೃಹತ್ಸೇವೋ ಬೃಹಲ್ಲೋಕಫಲಪ್ರದಃ

॥ 50 ॥

ಶ್ಲೋಕ 50

ಬೃಹದ್ಭಕ್ತಿರ್ಬೃಹದ್ವಾಞ್ಛಾಫಲದೋ ಬೃಹದೀಶ್ವರಃ ।

ಬೃಹಲ್ಲೋಕನುತೋ ದ್ರಷ್ಟಾ ವಿದ್ಯಾದಾತಾ ಜಗದ್ಗುರುಃ

॥ 51 ॥

ಶ್ಲೋಕ 51

ದೇವಾಚಾರ್ಯಃ ಸತ್ಯವಾದೀ ಬ್ರಹ್ಮವಾದೀ ಕಲಾಧರಃ ।

ಸಪ್ತಪಾತಾಲಗಾಮೀ ಚ ಮಲಯಾಚಲಸಂಶ್ರಯಃ

॥ 52 ॥

ಶ್ಲೋಕ 52

ಉತ್ತರಾಶಾಸ್ಥಿತಃ ಶ್ರೀಶೋ ದಿವ್ಯೌಷಧಿವಶಃ ಖಗಃ ।

ಶಾಖಾಮೃಗಃ ಕಪೀನ್ದ್ರೋಽಥ ಪುರಾಣಃ ಪ್ರಾಣಚಞ್ಚುರಃ

॥ 53 ॥

ಶ್ಲೋಕ 53

ಚತುರೋ ಬ್ರಾಹ್ಮಣೋ ಯೋಗೀ ಯೋಗಿಗಮ್ಯಃ ಪರೋಽವರಃ ।

ಅನಾದಿನಿಧನೋ ವ್ಯಾಸೋ ವೈಕುಣ್ಠಃ ಪೃಥಿವೀಪತಿಃ

॥ 54 ॥

ಶ್ಲೋಕ 54

ಅಪರಾಜಿತೋ ಜಿತಾರಾತಿಃ ಸದಾನನ್ದದ ಈಶಿತಾ ।

ಗೋಪಾಲೋ ಗೋಪತಿರ್ಯೋದ್ಧಾ ಕಲಿಃ ಸ್ಫಾಲಃ ಪರಾತ್ಪರಃ

॥ 55 ॥

ಶ್ಲೋಕ 55

ಮನೋವೇಗೀ ಸದಾಯೋಗೀ ಸಂಸಾರಭಯನಾಶನಃ ।

ತತ್ತ್ವದಾತಾಽಥ ತತ್ತ್ವಜ್ಞಸ್ತತ್ತ್ವಂ ತತ್ತ್ವಪ್ರಕಾಶಕಃ

॥ 56 ॥

ಶ್ಲೋಕ 56

ಶುದ್ಧೋ ಬುದ್ಧೋ ನಿತ್ಯಯುಕ್ತೋ ಭಕ್ತಾಕಾರೋ ಜಗದ್ರಥಃ ।

ಪ್ರಲಯೋಽಮಿತಮಾಯಶ್ಚ ಮಾಯಾತೀತೋ ವಿಮತ್ಸರಃ

॥ 57 ॥

ಶ್ಲೋಕ 57

ಮಾಯಾನಿರ್ಜಿತರಕ್ಷಾಶ್ಚ ಮಾಯಾನಿರ್ಮಿತವಿಷ್ಟಪಃ ।

ಮಾಯಾಶ್ರಯಶ್ಚ ನಿರ್ಲೇಪೋ ಮಾಯಾನಿರ್ವರ್ತಕಃ ಸುಖೀ ॥

ಸುಖೀ ಸುಖಪ್ರದೋ ನಾಗೋ ಮಹೇಶಕೃತಸಂಸ್ತವಃ ।

ಮಹೇಶ್ವರಃ ಸತ್ಯಸನ್ಧಃ ಶರಭಃ ಕಲಿಪಾವನಃ

॥ 58 ॥

ಶ್ಲೋಕ 58

ರಸೋ ರಸಜ್ಞಃ ಸನ್ಮಾನೋ ರೂಪಂ ಚಕ್ಷುಃ ಶ್ರುತೀ ರವಃ ।

ಘ್ರಾಣಂ ಗನ್ಧಃ ಸ್ಪರ್ಶನಂ ಚ ಸ್ಪರ್ಶೋ ಹಿಙ್ಕಾರಮಾನಗಃ

॥ 60 ॥

ಶ್ಲೋಕ 59

ನೇತಿ ನೇತೀತಿ ಗಮ್ಯಶ್ಚ ವೈಕುಣ್ಠಭಜನಪ್ರಿಯಃ ।

ಗಿರಿಶೋ ಗಿರಿಜಾಕಾನ್ತೋ ದುರ್ವಾಸಾಃ ಕವಿರಙ್ಗಿರಾಃ

॥ 61 ॥

ಶ್ಲೋಕ 60

ಭೃಗುರ್ವಸಿಷ್ಠಶ್ಚ್ಯವನೋ ನಾರದಸ್ತುಮ್ಬುರುರ್ಹರಃ ।

ವಿಶ್ವಕ್ಷೇತ್ರಂ ವಿಶ್ವಬೀಜಂ ವಿಶ್ವನೇತ್ರಂ ಚ ವಿಶ್ವಪಃ

॥ 62 ॥

ಶ್ಲೋಕ 61

ಯಾಜಕೋ ಯಜಮಾನಶ್ಚ ಪಾವಕಃ ಪಿತರಸ್ತಥಾ ।

ಶ್ರದ್ಧಾ ಬುದ್ಧಿಃ ಕ್ಷಮಾ ತನ್ದ್ರಾ ಮನ್ತ್ರೋ ಮನ್ತ್ರಯಿತಾ ಸುರಃ

॥ 63 ॥

ಶ್ಲೋಕ 62

ರಾಜೇನ್ದ್ರೋ ಭೂಪತೀ ರೂಢೋ ಮಾಲೀ ಸಂಸಾರಸಾರಥಿಃ ।

ನಿತ್ಯಃ ಸಮ್ಪೂರ್ಣಕಾಮಶ್ಚ ಭಕ್ತಕಾಮಧುಗುತ್ತಮಃ

॥ 64 ॥

ಶ್ಲೋಕ 63

ಗಣಪಃ ಕೇಶವೋ ಭ್ರಾತಾ ಪಿತಾ ಮಾತಾಽಥ ಮಾರುತಿಃ ।

ಸಹಸ್ರಮೂರ್ಧಾ ಸಹಸ್ರಾಸ್ಯಃ ಸಹಸ್ರಾಕ್ಷಃ ಸಹಸ್ರಪಾತ್

॥ 65 ॥

ಶ್ಲೋಕ 64

ಕಾಮಜಿತ್ ಕಾಮದಹನಃ ಕಾಮಃ ಕಾಮ್ಯಫಲಪ್ರದಃ ।

ಮುದ್ರೋಪಹಾರೀ ರಕ್ಷೋಘ್ನಃ ಕ್ಷಿತಿಭಾರಹರೋ ಬಲಃ

॥ 66 ॥

ಶ್ಲೋಕ 65

ನಖದಂಷ್ಟ್ರಾಯುಧೋ ವಿಷ್ಣುಭಕ್ತೋ ಭಕ್ತಾಭಯಪ್ರದಃ ।

ದರ್ಪಹಾ ದರ್ಪದೋ ದಂಷ್ಟ್ರಾಶತಮೂರ್ತಿರಮೂರ್ತಿಮಾನ್

॥ 67 ॥

ಶ್ಲೋಕ 66

ಮಹಾನಿಧಿರ್ಮಹಾಭಾಗೋ ಮಹಾಭರ್ಗೋ ಮಹರ್ಧಿದಃ ।

ಮಹಾಕಾರೋ ಮಹಾಯೋಗೀ ಮಹಾತೇಜಾ ಮಹಾದ್ಯುತಿಃ ॥

ಮಹಾಕರ್ಮಾ ಮಹಾನಾದೋ ಮಹಾಮನ್ತ್ರೋ ಮಹಾಮತಿಃ ।

ಮಹಾಶಮೋ ಮಹೋದಾರೋ ಮಹಾದೇವಾತ್ಮಕೋ ವಿಭುಃ

॥ 68 ॥

ಶ್ಲೋಕ 67

ರುದ್ರಕರ್ಮಾ ಕ್ರೂರಕರ್ಮಾ ರತ್ನನಾಭಃ ಕೃತಾಗಮಃ ।

ಅಮ್ಭೋಧಿಲಙ್ಘನಃ ಸಿದ್ಧಃ ಸತ್ಯಧರ್ಮಾ ಪ್ರಮೋದನಃ

॥ 70 ॥

ಶ್ಲೋಕ 68

ಜಿತಾಮಿತ್ರೋ ಜಯಃ ಸೋಮೋ ವಿಜಯೋ ವಾಯುವಾಹನಃ ।

ಜೀವೋ ಧಾತಾ ಸಹಸ್ರಾಂಶುರ್ಮುಕುನ್ದೋ ಭೂರಿದಕ್ಷಿಣಃ

॥ 71 ॥

ಶ್ಲೋಕ 69

ಸಿದ್ಧಾರ್ಥಃ ಸಿದ್ಧಿದಃ ಸಿದ್ಧಃ ಸಙ್ಕಲ್ಪಃ ಸಿದ್ಧಿಹೇತುಕಃ ।

ಸಪ್ತಪಾತಾಲಚರಣಃ ಸಪ್ತರ್ಷಿಗಣವನ್ದಿತಃ

॥ 72 ॥

ಶ್ಲೋಕ 70

ಸಪ್ತಾಬ್ಧಿಲಙ್ಘನೋ ವೀರಃ ಸಪ್ತದ್ವೀಪೋರುಮಣ್ಡಲಃ ।

ಸಪ್ತಾಙ್ಗರಾಜ್ಯಸುಖದಃ ಸಪ್ತಮಾತೃನಿಷೇವಿತಃ

॥ 73 ॥

ಶ್ಲೋಕ 71

ಸಪ್ತಲೋಕೈಕಮಕುಟಃ ಸಪ್ತಹೋತ್ರಃ ಸ್ವರಾಶ್ರಯಃ ।

ಸಪ್ತಸಾಮೋಪಗೀತಶ್ಚ ಸಪ್ತಪಾತಾಲಸಂಶ್ರಯಃ

॥ 74 ॥

ಶ್ಲೋಕ 72

ಸಪ್ತಚ್ಛನ್ದೋನಿಧಿಃ ಸಪ್ತಚ್ಛನ್ದಃ ಸಪ್ತಜನಾಶ್ರಯಃ ।

ಮೇಧಾದಃ ಕೀರ್ತಿದಃ ಶೋಕಹಾರೀ ದೌರ್ಭಾಗ್ಯನಾಶನಃ

॥ 75 ॥

ಶ್ಲೋಕ 73

ಸರ್ವವಶ್ಯಕರೋ ಗರ್ಭದೋಷಹಾ ಪುತ್ರಪೌತ್ರದಃ ।

ಪ್ರತಿವಾದಿಮುಖಸ್ತಮ್ಭೋ ರುಷ್ಟಚಿತ್ತಪ್ರಸಾದನಃ

॥ 76 ॥

ಶ್ಲೋಕ 74

ಪರಾಭಿಚಾರಶಮನೋ ದುಃಖಹಾ ಬನ್ಧಮೋಕ್ಷದಃ ।

ನವದ್ವಾರಪುರಾಧಾರೋ ನವದ್ವಾರನಿಕೇತನಃ

॥ 77 ॥

ಶ್ಲೋಕ 75

ನರನಾರಾಯಣಸ್ತುತ್ಯೋ ನವನಾಥಮಹೇಶ್ವರಃ ।

ಮೇಖಲೀ ಕವಚೀ ಖಡ್ಗೀ ಭ್ರಾಜಿಷ್ಣುರ್ಜಿಷ್ಣುಸಾರಥಿಃ ॥

ಬಹುಯೋಜನವಿಸ್ತೀರ್ಣಪುಚ್ಛಃ ಪುಚ್ಛಹತಾಸುರಃ ।

ದುಷ್ಟಹನ್ತಾ ನಿಯಮಿತಾ ಪಿಶಾಚಗ್ರಹಶಾತನಃ

॥ 78 ॥

ಶ್ಲೋಕ 76

ಬಾಲಗ್ರಹವಿನಾಶೀ ಚ ಧರ್ಮನೇತಾ ಕೃಪಾಕರಃ ।

ಉಗ್ರಕೃತ್ಯಶ್ಚೋಗ್ರವೇಗ ಉಗ್ರನೇತ್ರಃ ಶತಕ್ರತುಃ

॥ 80 ॥

ಶ್ಲೋಕ 77

ಶತಮನ್ಯುಸ್ತುತಃ ಸ್ತುತ್ಯಃ ಸ್ತುತಿಃ ಸ್ತೋತಾ ಮಹಾಬಲಃ ।

ಸಮಗ್ರಗುಣಶಾಲೀ ಚ ವ್ಯಗ್ರೋ ರಕ್ಷೋವಿನಾಶನಃ

॥ 81 ॥

ಶ್ಲೋಕ 78

ರಕ್ಷೋಽಗ್ನಿದಾವೋ ಬ್ರಹ್ಮೇಶಃ ಶ್ರೀಧರೋ ಭಕ್ತವತ್ಸಲಃ ।

ಮೇಘನಾದೋ ಮೇಘರೂಪೋ ಮೇಘವೃಷ್ಟಿನಿವಾರಣಃ

॥ 82 ॥

ಶ್ಲೋಕ 79

ಮೇಘಜೀವನಹೇತುಶ್ಚ ಮೇಘಶ್ಯಾಮಃ ಪರಾತ್ಮಕಃ ।

ಸಮೀರತನಯೋ ಧಾತಾ ತತ್ತ್ವವಿದ್ಯಾವಿಶಾರದಃ

॥ 83 ॥

ಶ್ಲೋಕ 80

ಅಮೋಘೋಽಮೋಘವೃಷ್ಟಿಶ್ಚಾಭೀಷ್ಟದೋಽನಿಷ್ಟನಾಶನಃ ।

ಅರ್ಥೋಽನರ್ಥಾಪಹಾರೀ ಚ ಸಮರ್ಥೋ ರಾಮಸೇವಕಃ

॥ 84 ॥

ಶ್ಲೋಕ 81

ಅರ್ಥೀ ಧನ್ಯೋಽಸುರಾರಾತಿಃ ಪುಣ್ಡರೀಕಾಕ್ಷ ಆತ್ಮಭೂಃ ।

ಸಙ್ಕರ್ಷಣೋ ವಿಶುದ್ಧಾತ್ಮಾ ವಿದ್ಯಾರಾಶಿಃ ಸುರೇಶ್ವರಃ

॥ 85 ॥

ಶ್ಲೋಕ 82

ಅಚಲೋದ್ಧಾರಕೋ ನಿತ್ಯಃ ಸೇತುಕೃದ್ರಾಮಸಾರಥಿಃ ।

ಆನನ್ದಃ ಪರಮಾನನ್ದೋ ಮತ್ಸ್ಯಃ ಕೂರ್ಮೋ ನಿಧಿಃ ಶಯಃ

॥ 86 ॥

ಶ್ಲೋಕ 83

ವರಾಹೋ ನಾರಸಿಂಹಶ್ಚ ವಾಮನೋ ಜಮದಗ್ನಿಜಃ ।

ರಾಮಃ ಕೃಷ್ಣಃ ಶಿವೋ ಬುದ್ಧಃ ಕಲ್ಕೀ ರಾಮಾಶ್ರಯೋ ಹರಿಃ

॥ 87 ॥

ಶ್ಲೋಕ 84

ನನ್ದೀ ಭೃಙ್ಗೀ ಚ ಚಣ್ಡೀ ಚ ಗಣೇಶೋ ಗಣಸೇವಿತಃ ।

ಕರ್ಮಾಧ್ಯಕ್ಷಃ ಸುರಾರಾಮೋ ವಿಶ್ರಾಮೋ ಜಗತೀಪತಿಃ ॥

ಜಗನ್ನಾಥಃ ಕಪೀಶಶ್ಚ ಸರ್ವಾವಾಸಃ ಸದಾಶ್ರಯಃ ।

ಸುಗ್ರೀವಾದಿಸ್ತುತೋ ದಾನ್ತಃ ಸರ್ವಕರ್ಮಾ ಪ್ಲವಙ್ಗಮಃ

॥ 88 ॥

ಶ್ಲೋಕ 85

ನಖದಾರಿತರಕ್ಷಶ್ಚ ನಖಯುದ್ಧವಿಶಾರದಃ ।

ಕುಶಲಃ ಸುಧನಃ ಶೇಷೋ ವಾಸುಕಿಸ್ತಕ್ಷಕಸ್ತಥಾ

॥ 90 ॥

ಶ್ಲೋಕ 86

ಸ್ವರ್ಣವರ್ಣೋ ಬಲಾಢ್ಯಶ್ಚ ಪುರುಜೇತಾಽಘನಾಶನಃ ।

ಕೈವಲ್ಯದೀಪಃ ಕೈವಲ್ಯೋ ಗರುಡಃ ಪನ್ನಗೋ ಗುರುಃ

॥ 91 ॥

ಶ್ಲೋಕ 87

ಕ್ಲೀಕ್ಲೀರಾವಹತಾರಾತಿಗರ್ವಃ ಪರ್ವತಭೇದನಃ ।

ವಜ್ರಾಙ್ಗೋ ವಜ್ರವಕ್ತ್ರಶ್ಚ ಭಕ್ತವಜ್ರನಿವಾರಕಃ

॥ 92 ॥

ಶ್ಲೋಕ 88

ನಖಾಯುಧೋ ಮಣಿಗ್ರೀವೋ ಜ್ವಾಲಾಮಾಲೀ ಚ ಭಾಸ್ಕರಃ ।

ಪ್ರೌಢಪ್ರತಾಪಸ್ತಪನೋ ಭಕ್ತತಾಪನಿವಾರಕಃ

॥ 93 ॥

ಶ್ಲೋಕ 89

ಶರಣಂ ಜೀವನಂ ಭೋಕ್ತಾ ನಾನಾಚೇಷ್ಟೋಽಥ ಚಞ್ಚಲಃ ।

ಸ್ವಸ್ಥಸ್ತ್ವಸ್ವಾಸ್ಥ್ಯಹಾ ದುಃಖಶಾತನಃ ಪವನಾತ್ಮಜಃ

॥ 94 ॥

ಶ್ಲೋಕ 90

ಪವನಃ ಪಾವನಃ ಕಾನ್ತೋ ಭಕ್ತಾಙ್ಗಃ ಸಹನೋ ಬಲಃ ।

ಮೇಘನಾದರಿಪುರ್ಮೇಘನಾದಸಂಹೃತರಾಕ್ಷಸಃ

॥ 95 ॥

ಶ್ಲೋಕ 91

ಕ್ಷರೋಽಕ್ಷರೋ ವಿನೀತಾತ್ಮಾ ವಾನರೇಶಃ ಸತಾಙ್ಗತಿಃ ।

ಶ್ರೀಕಣ್ಠಃ ಶಿತಿಕಣ್ಠಶ್ಚ ಸಹಾಯಃ ಸಹನಾಯಕಃ

॥ 96 ॥

ಶ್ಲೋಕ 92

ಅಸ್ಥೂಲಸ್ತ್ವನಣುರ್ಭರ್ಗೋ ದೇವಸಂಸೃತಿನಾಶನಃ ।

ಅಧ್ಯಾತ್ಮವಿದ್ಯಾಸಾರಶ್ಚಾಪ್ಯಧ್ಯಾತ್ಮಕುಶಲಃ ಸುಧೀಃ

॥ 97 ॥

ಶ್ಲೋಕ 93

ಅಕಲ್ಮಷಃ ಸತ್ಯಹೇತುಃ ಸತ್ಯದಃ ಸತ್ಯಗೋಚರಃ ।

ಸತ್ಯಗರ್ಭಃ ಸತ್ಯರೂಪಃ ಸತ್ಯಃ ಸತ್ಯಪರಾಕ್ರಮಃ

॥ 98 ॥

ಶ್ಲೋಕ 94

ಅಞ್ಜನಾಪ್ರಾಣಲಿಙ್ಗಂ ಚ ವಾಯುವಂಶೋದ್ಭವಃ ಶ್ರುತಿಃ ।

ಭದ್ರರೂಪೋ ರುದ್ರರೂಪಃ ಸುರೂಪಶ್ಚಿತ್ರರೂಪಧೃಕ್

॥ 99 ॥

ಶ್ಲೋಕ 95

ಮೈನಾಕವನ್ದಿತಃ ಸೂಕ್ಷ್ಮದರ್ಶನೋ ವಿಜಯೋ ಜಯಃ ।

ಕ್ರಾನ್ತದಿಙ್ಮಣ್ಡಲೋ ರುದ್ರಃ ಪ್ರಕಟೀಕೃತವಿಕ್ರಮಃ

॥ 100 ॥

ಶ್ಲೋಕ 96

ಕಮ್ಬುಕಣ್ಠಃ ಪ್ರಸನ್ನಾತ್ಮಾ ಹ್ರಸ್ವನಾಸೋ ವೃಕೋದರಃ ।

ಲಮ್ಬೋಷ್ಠಃ ಕುಣ್ಡಲೀ ಚಿತ್ರಮಾಲೀ ಯೋಗವಿದಾಂ ವರಃ

॥ 101 ॥

ಶ್ಲೋಕ 97

ವಿಪಶ್ಚಿತ್ ಕವಿರಾನನ್ದವಿಗ್ರಹೋಽನಲ್ಪನಾಶನಃ ।

ಫಾಲ್ಗುನೀಸೂನುರವ್ಯಗ್ರೋ ಯೋಗಾತ್ಮಾ ಯೋಗತತ್ಪರಃ

॥ 102 ॥

ಶ್ಲೋಕ 98

ಯೋಗವಿದ್ಯೋಗಕರ್ತಾ ಚ ಯೋಗಯೋನಿರ್ದಿಗಮ್ಬರಃ ।

ಅಕಾರಾದಿಕ್ಷಕಾರಾನ್ತವರ್ಣನಿರ್ಮಿತವಿಗ್ರಹಃ

॥ 103 ॥

ಶ್ಲೋಕ 99

ಉಲೂಖಲಮುಖಃ ಸಿದ್ಧಸಂಸ್ತುತಃ ಪರಮೇಶ್ವರಃ ।

ಶ್ಲಿಷ್ಟಜಙ್ಘಃ ಶ್ಲಿಷ್ಟಜಾನುಃ ಶ್ಲಿಷ್ಟಪಾಣಿಃ ಶಿಖಾಧರಃ

॥ 104 ॥

ಶ್ಲೋಕ 100

ಸುಶರ್ಮಾಽಮಿತಧರ್ಮಾ ಚ ನಾರಾಯಣಪರಾಯಣಃ ।

ಜಿಷ್ಣುರ್ಭವಿಷ್ಣೂ ರೋಚಿಷ್ಣುರ್ಗ್ರಸಿಷ್ಣುಃ ಸ್ಥಾಣುರೇವ ಚ

॥ 105 ॥

ಶ್ಲೋಕ 101

ಹರೀ ರುದ್ರಾನುಕೃದ್ವೃಕ್ಷಕಮ್ಪನೋ ಭೂಮಿಕಮ್ಪನಃ ।

ಗುಣಪ್ರವಾಹಃ ಸೂತ್ರಾತ್ಮಾ ವೀತರಾಗಃ ಸ್ತುತಿಪ್ರಿಯಃ

॥ 106 ॥

ಶ್ಲೋಕ 102

ನಾಗಕನ್ಯಾಭಯಧ್ವಂಸೀ ಕೃತಪೂರ್ಣಃ ಕಪಾಲಭೃತ್ ।

ಅನುಕೂಲೋಽಕ್ಷಯೋಽಪಾಯೋಽನಪಾಯೋ ವೇದಪಾರಗಃ

॥ 107 ॥

ಶ್ಲೋಕ 103

ಅಕ್ಷರಃ ಪುರುಷೋ ಲೋಕನಾಥಸ್ತ್ರ್ಯಕ್ಷಃ ಪ್ರಭುರ್ದೃಢಃ ।

ಅಷ್ಟಾಙ್ಗಯೋಗಫಲಭೂಃ ಸತ್ಯಸನ್ಧಃ ಪುರುಷ್ಟುತಃ

॥ 108 ॥

ಶ್ಲೋಕ 104

ಶ್ಮಶಾನಸ್ಥಾನನಿಲಯಃ ಪ್ರೇತವಿದ್ರಾವಣಕ್ಷಮಃ ।

ಪಞ್ಚಾಕ್ಷರಪರಃ ಪಞ್ಚಮಾತೃಕೋ ರಞ್ಜನೋ ಧ್ವಜಃ

॥ 109 ॥

ಶ್ಲೋಕ 105

ಯೋಗಿನೀವೃನ್ದವನ್ದ್ಯಶ್ರೀಃ ಶತ್ರುಘ್ನೋಽನನ್ತವಿಕ್ರಮಃ ।

ಬ್ರಹ್ಮಚಾರೀನ್ದ್ರಿಯವಪುರ್ಧೃತದಣ್ಡೋ ದಶಾತ್ಮಕಃ

॥ 110 ॥

ಶ್ಲೋಕ 106

ಅಪ್ರಪಞ್ಚಃ ಸದಾಚಾರಃ ಶೂರಸೇನೋ ವಿದಾರಕಃ ।

ಬುದ್ಧಃ ಪ್ರಮೋದ ಆನನ್ದಃ ಸಪ್ತಜಿಹ್ವಪತಿರ್ಧರಃ

॥ 111 ॥

ಶ್ಲೋಕ 107

ನವದ್ವಾರಪುರಾಧಾರಃ ಪ್ರತ್ಯಗ್ರಃ ಸಾಮಗಾಯನಃ ।

ಷಟ್ಚಕ್ರಧಾಮಾ ಸ್ವರ್ಲೋಕಭಯಹೃನ್ಮಾನದೋ ಮದಃ

॥ 112 ॥

ಶ್ಲೋಕ 108

ಸರ್ವವಶ್ಯಕರಃ ಶಕ್ತಿರನನ್ತೋಽನನ್ತಮಙ್ಗಲಃ ।

ಅಷ್ಟಮೂರ್ತಿಧರೋ ನೇತಾ ವಿರೂಪಃ ಸ್ವರಸುನ್ದರಃ

॥ 113 ॥

ಶ್ಲೋಕ 109

ಧೂಮಕೇತುರ್ಮಹಾಕೇತುಃ ಸತ್ಯಕೇತುರ್ಮಹಾರಥಃ ।

ನನ್ದೀಪ್ರಿಯಃ ಸ್ವತನ್ತ್ರಶ್ಚ ಮೇಖಲೀ ಡಮರುಪ್ರಿಯಃ

॥ 114 ॥

ಶ್ಲೋಕ 110

ಲೋಹಿತಾಙ್ಗಃ ಸಮಿದ್ವಹ್ನಿಃ ಷಡೃತುಃ ಶರ್ವ ಈಶ್ವರಃ ।

ಫಲಭುಕ್ ಫಲಹಸ್ತಶ್ಚ ಸರ್ವಕರ್ಮಫಲಪ್ರದಃ

॥ 115 ॥

ಶ್ಲೋಕ 111

ಧರ್ಮಾಧ್ಯಕ್ಷೋ ಧರ್ಮಫಲೋ ಧರ್ಮೋ ಧರ್ಮಪ್ರದೋಽರ್ಥದಃ ।

ಪಞ್ಚವಿಂಶತಿತತ್ತ್ವಜ್ಞಸ್ತಾರಕೋ ಬ್ರಹ್ಮತತ್ಪರಃ

॥ 116 ॥

ಶ್ಲೋಕ 112

ತ್ರಿಮಾರ್ಗವಸತಿರ್ಭೀಮಃ ಸರ್ವದುಷ್ಟನಿಬರ್ಹಣಃ ।

ಊರ್ಜಃಸ್ವಾಮೀ ಜಲಸ್ವಾಮೀ ಶೂಲೀ ಮಾಲೀ ನಿಶಾಕರಃ

॥ 117 ॥

ಶ್ಲೋಕ 113

ರಕ್ತಾಮ್ಬರಧರೋ ರಕ್ತೋ ರಕ್ತಮಾಲ್ಯವಿಭೂಷಣಃ ।

ವನಮಾಲೀ ಶುಭಾಙ್ಗಶ್ಚ ಶ್ವೇತಃ ಶ್ವೇತಾಮ್ಬರೋ ಯುವಾ

॥ 118 ॥

ಶ್ಲೋಕ 114

ಜಯೋಽಜೇಯಪರೀವಾರಃ ಸಹಸ್ರವದನಃ ಕವಿಃ ।

ಶಾಕಿನೀಡಾಕಿನೀಯಕ್ಷರಕ್ಷೋಭೂತಪ್ರಭಞ್ಜನಃ

॥ 119 ॥

ಶ್ಲೋಕ 115

ಸದ್ಯೋಜಾತಃ ಕಾಮಗತಿರ್ಜ್ಞಾನಮೂರ್ತಿರ್ಯಶಸ್ಕರಃ ।

ಶಮ್ಭುತೇಜಾಃ ಸಾರ್ವಭೌಮೋ ವಿಷ್ಣುಭಕ್ತಃ ಪ್ಲವಙ್ಗಮಃ

॥ 120 ॥

ಶ್ಲೋಕ 116

ಚತುರ್ಣವತಿಮನ್ತ್ರಜ್ಞಃ ಪೌಲಸ್ತ್ಯಬಲದರ್ಪಹಾ ।

ಸರ್ವಲಕ್ಷ್ಮೀಪ್ರದಃ ಶ್ರೀಮಾನಙ್ಗದಪ್ರಿಯವರ್ಧನಃ

॥ 121 ॥

ಶ್ಲೋಕ 117

ಸ್ಮೃತಿಬೀಜಂ ಸುರೇಶಾನಃ ಸಂಸಾರಭಯನಾಶನಃ ।

ಉತ್ತಮಃ ಶ್ರೀಪರೀವಾರಃ ಶ್ರೀಭೂರುಗ್ರಶ್ಚ ಕಾಮಧುಕ್

॥ 122 ॥

ಶ್ಲೋಕ 118

ಸದಾಗತಿರ್ಮಾತರಿಶ್ವಾ ರಾಮಪಾದಾಬ್ಜಷಟ್ಪದಃ ।

ನೀಲಪ್ರಿಯೋ ನೀಲವರ್ಣೋ ನೀಲವರ್ಣಪ್ರಿಯಃ ಸುಹೃತ್

॥ 123 ॥

ಶ್ಲೋಕ 119

ರಾಮದೂತೋ ಲೋಕಬನ್ಧುರನ್ತರಾತ್ಮಾ ಮನೋರಮಃ ।

ಶ್ರೀರಾಮಧ್ಯಾನಕೃದ್ವೀರಃ ಸದಾ ಕಿಮ್ಪುರುಷಸ್ತುತಃ

॥ 124 ॥

ಶ್ಲೋಕ 120

ರಾಮಕಾರ್ಯಾನ್ತರಙ್ಗಶ್ಚ ಶುದ್ಧಿರ್ಗತಿರನಾಮಯಃ ।

ಪುಣ್ಯಶ್ಲೋಕಃ ಪರಾನನ್ದಃ ಪರೇಶಪ್ರಿಯಸಾರಥಿಃ

॥ 125 ॥

ಶ್ಲೋಕ 121

ಲೋಕಸ್ವಾಮೀ ಮುಕ್ತಿದಾತಾ ಸರ್ವಕಾರಣಕಾರಣಃ ।

ಮಹಾಬಲೋ ಮಹಾವೀರಃ ಪಾರಾವಾರಗತಿರ್ಗುರುಃ

॥ 126 ॥

ಶ್ಲೋಕ 122

ತಾರಕೋ ಭಗವಾಂಸ್ತ್ರಾತಾ ಸ್ವಸ್ತಿದಾತಾ ಸುಮಙ್ಗಲಃ ।

ಸಮಸ್ತಲೋಕಸಾಕ್ಷೀ ಚ ಸಮಸ್ತಸುರವನ್ದಿತಃ ।

ಸೀತಾಸಮೇತಶ್ರೀರಾಮಪಾದಸೇವಾಧುರನ್ಧರಃ

॥ 127 ॥

ಶ್ಲೋಕ 123

ಇದಂ ನಾಮಸಹಸ್ರಂ ತು ಯೋಽಧೀತೇ ಪ್ರತ್ಯಹಂ ನರಃ ।

ದುಃಖೌಘೋ ನಶ್ಯತೇ ಕ್ಷಿಪ್ರಂ ಸಮ್ಪತ್ತಿರ್ವರ್ಧತೇ ಚಿರಮ್ ।

ವಶ್ಯಂ ಚತುರ್ವಿಧಂ ತಸ್ಯ ಭವತ್ಯೇವ ನ ಸಂಶಯಃ

॥ 128 ॥

ಶ್ಲೋಕ 124

ರಾಜಾನೋ ರಾಜಪುತ್ರಾಶ್ಚ ರಾಜಕೀಯಾಶ್ಚ ಮನ್ತ್ರಿಣಃ ।

ತ್ರಿಕಾಲಂ ಪಠನಾದಸ್ಯ ದೃಶ್ಯನ್ತೇ ಚ ತ್ರಿಪಕ್ಷತಃ

॥ 129 ॥

ಶ್ಲೋಕ 125

ಅಶ್ವತ್ಥಮೂಲೇ ಜಪತಾಂ ನಾಸ್ತಿ ವೈರಿಕೃತಂ ಭಯಮ್ ।

ತ್ರಿಕಾಲಪಠನಾದಸ್ಯ ಸಿದ್ಧಿಃ ಸ್ಯಾತ್ ಕರಸಂಸ್ಥಿತಾ

॥ 130 ॥

ಶ್ಲೋಕ 126

ಬ್ರಾಹ್ಮೇ ಮುಹೂರ್ತೇ ಚೋತ್ಥಾಯ ಪ್ರತ್ಯಹಂ ಯಃ ಪಠೇನ್ನರಃ ।

ಐಹಿಕಾಮುಷ್ಮಿಕಾನ್ ಸೋಽಪಿ ಲಭತೇ ನಾತ್ರ ಸಂಶಯಃ

॥ 131 ॥

ಶ್ಲೋಕ 127

ಸಙ್ಗ್ರಾಮೇ ಸನ್ನಿವಿಷ್ಟಾನಾಂ ವೈರಿವಿದ್ರಾವಣಂ ಭವೇತ್ ।

ಜ್ವರಾಪಸ್ಮಾರಶಮನಂ ಗುಲ್ಮಾದಿವ್ಯಾಧಿವಾರಣಮ್

॥ 132 ॥

ಶ್ಲೋಕ 128

ಸಾಮ್ರಾಜ್ಯಸುಖಸಮ್ಪತ್ತಿದಾಯಕಂ ಜಪತಾಂ ನೃಣಾಮ್ ।

ಯ ಇದಂ ಪಠತೇ ನಿತ್ಯಂ ಪಾಠಯೇದ್ವಾ ಸಮಾಹಿತಃ ।

ಸರ್ವಾನ್ ಕಾಮಾನವಾಪ್ನೋತಿ ವಾಯುಪುತ್ರಪ್ರಸಾದತಃ

॥ 133 ॥

ಶ್ಲೋಕ 129

ಇತಿ ಶ್ರೀಆಞ್ಜನೇಯ ಸಹಸ್ರನಾಮ ಸ್ತೋತ್ರಮ್ ।