Viveka Chudamani

ଵିଵେକ ଚୂଡାମଣି

ଶ୍ଲୋକ 1

ସର୍ଵଵେଦାନ୍ତସିଦ୍ଧାନ୍ତଗୋଚରଂ ତମଗୋଚରମ୍ ।

ଗୋଵିନ୍ଦଂ ପରମାନନ୍ଦଂ ସଦ୍ଗୁରୁଂ ପ୍ରଣତୋଽସ୍ମ୍ଯହମ୍

ଶ୍ଲୋକ 2

ଜନ୍ତୂନାଂ ନରଜନ୍ମ ଦୁର୍ଲଭମତଃ ପୁଂସ୍ତ୍ଵଂ ତତୋ ଵିପ୍ରତା

ତସ୍ମାଦ୍ଵୈଦିକଧର୍ମମାର୍ଗପରତା ଵିଦ୍ଵତ୍ତ୍ଵମସ୍ମାତ୍ପରମ୍ ।

ଆତ୍ମାନାତ୍ମଵିଵେଚନଂ ସ୍ଵନୁଭଵୋ ବ୍ରହ୍ମାତ୍ମନା ସଂସ୍ଥିତିଃ

ମୁକ୍ତିର୍ନୋ ଶତଜନ୍ମକୋଟିସୁକୃତୈଃ ପୁଣ୍ଯୈର୍ଵିନା ଲଭ୍ଯତେ

॥ 1॥

ଶ୍ଲୋକ 3

॥ 2॥ (ପାଠଭେଦଃ - ଶତକୋଟିଜନ୍ମସୁ କୃତୈଃ)

ଦୁର୍ଲଭଂ ତ୍ରଯମେଵୈତଦ୍ଦେଵାନୁଗ୍ରହହେତୁକମ୍ ।

ମନୁଷ୍ଯତ୍ଵଂ ମୁମୁକ୍ଷୁତ୍ଵଂ ମହାପୁରୁଷସଂଶ୍ରଯଃ

ଶ୍ଲୋକ 4

ଲବ୍ଧ୍ଵା କଥଞ୍ଚିନ୍ନରଜନ୍ମ ଦୁର୍ଲଭଂ (ପାଠଭେଦଃ - କଥଞ୍ଚିନ୍)

ତତ୍ରାପି ପୁଂସ୍ତ୍ଵଂ ଶ୍ରୁତିପାରଦର୍ଶନମ୍ ।

ଯସ୍ତ୍ଵାତ୍ମମୁକ୍ତୌ ନ ଯତେତ ମୂଢଧୀଃ

ସ ହ୍ଯାତ୍ମହା ସ୍ଵଂ ଵିନିହନ୍ତ୍ଯସଦ୍ଗ୍ରହାତ୍

॥ 3॥

ଶ୍ଲୋକ 5

॥ 4॥ (ପାଠଭେଦଃ - ଆତ୍ମହା ସ୍ଵଂ)

ଇତଃ କୋ ନ୍ଵସ୍ତି ମୂଢାତ୍ମା ଯସ୍ତୁ ସ୍ଵାର୍ଥେ ପ୍ରମାଦ୍ଯତି ।

ଦୁର୍ଲଭଂ ମାନୁଷଂ ଦେହଂ ପ୍ରାପ୍ଯ ତତ୍ରାପି ପୌରୁଷମ୍

ଶ୍ଲୋକ 6

ଵଦନ୍ତୁ ଶାସ୍ତ୍ରାଣି ଯଜନ୍ତୁ ଦେଵାନ୍ (ପାଠଭେଦଃ - ପଠନ୍ତୁ)

କୁର୍ଵନ୍ତୁ କର୍ମାଣି ଭଜନ୍ତୁ ଦେଵତାଃ ।

ଆତ୍ମୈକ୍ଯବୋଧେନ ଵିନାପି ମୁକ୍ତି- (ପାଠଭେଦଃ - ଵିନା ଵିମୁକ୍ତିଃ ନ)

ର୍ନ ସିଧ୍ଯତି ବ୍ରହ୍ମଶତାନ୍ତରେଽପି

॥ 5॥

ଶ୍ଲୋକ 7

ଅମୃତତ୍ତ୍ଵସ୍ଯ ନାଶାସ୍ତି ଵିତ୍ତେନେତ୍ଯେଵ ହି ଶ୍ରୁତିଃ ।

ବ୍ରଵୀତି କର୍ମଣୋ ମୁକ୍ତେରହେତୁତ୍ଵଂ ସ୍ଫୁଟଂ ଯତଃ

॥ 6॥

ଶ୍ଲୋକ 8

ଅତୋ ଵିମୁକ୍ତ୍ଯୈ ପ୍ରଯତେତ ଵିଦ୍ଵାନ୍

ସନ୍ନ୍ଯସ୍ତବାହ୍ଯାର୍ଥସୁଖସ୍ପୃହଃ ସନ୍ ।

ସନ୍ତଂ ମହାନ୍ତଂ ସମୁପେତ୍ଯ ଦେଶିକଂ

ତେନୋପଦିଷ୍ଟାର୍ଥସମାହିତାତ୍ମା

॥ 7॥

ଶ୍ଲୋକ 9

ଉଦ୍ଧରେଦାତ୍ମନାଽଽତ୍ମାନଂ ମଗ୍ନଂ ସଂସାରଵାରିଧୌ ।

ଯୋଗାରୂଢତ୍ଵମାସାଦ୍ଯ ସମ୍ଯଗ୍ଦର୍ଶନନିଷ୍ଠଯା

॥ 8॥

ଶ୍ଲୋକ 10

ସନ୍ନ୍ଯସ୍ଯ ସର୍ଵକର୍ମାଣି ଭଵବନ୍ଧଵିମୁକ୍ତଯେ ।

ଯତ୍ଯତାଂ ପଣ୍ଡିତୈର୍ଧୀରୈରାତ୍ମାଭ୍ଯାସ ଉପସ୍ଥିତୈଃ

॥ 9॥

ଶ୍ଲୋକ 11

ଚିତ୍ତସ୍ଯ ଶୁଦ୍ଧଯେ କର୍ମ ନ ତୁ ଵସ୍ତୂପଲବ୍ଧଯେ ।

ଵସ୍ତୁସିଦ୍ଧିର୍ଵିଚାରେଣ ନ କିଞ୍ଚିତ୍କର୍ମକୋଟିଭିଃ

॥ 10॥

ଶ୍ଲୋକ 12

ସମ୍ଯଗ୍ଵିଚାରତଃ ସିଦ୍ଧା ରଜ୍ଜୁତତ୍ତ୍ଵାଵଧାରଣା ।

ଭ୍ରାନ୍ତୋଦିତମହାସର୍ପଭଯଦୁଃଖଵିନାଶିନୀ

॥ 11॥

ଶ୍ଲୋକ 13

॥ 12॥ (ପାଠଭେଦଃ - ଭ୍ରାନ୍ତ୍ଯୋ)

ଅର୍ଥସ୍ଯ ନିଶ୍ଚଯୋ ଦୃଷ୍ଟୋ ଵିଚାରେଣ ହିତୋକ୍ତିତଃ ।

ନ ସ୍ନାନେନ ନ ଦାନେନ ପ୍ରାଣାଯାମଶତେନ ଵା

ଶ୍ଲୋକ 14

ଅଧିକାରିଣମାଶାସ୍ତେ ଫଲସିଦ୍ଧିର୍ଵିଶେଷତଃ ।

ଉପାଯା ଦେଶକାଲାଦ୍ଯାଃ ସନ୍ତ୍ଯସ୍ମିନ୍ସହକାରିଣଃ

॥ 13॥

ଶ୍ଲୋକ 15

॥ 14॥ (ପାଠଭେଦଃ - ସନ୍ତ୍ଯସ୍ଯାଂ)

ଅତୋ ଵିଚାରଃ କର୍ତଵ୍ଯୋ ଜିଜ୍ଞାସୋରାତ୍ମଵସ୍ତୁନଃ ॥

ସମାସାଦ୍ଯ ଦଯାସିନ୍ଧୁଂ ଗୁରୁଂ ବ୍ରହ୍ମଵିଦୁତ୍ତମମ୍

ଶ୍ଲୋକ 16

ମେଧାଵୀ ପୁରୁଷୋ ଵିଦ୍ଵାନୂହାପୋହଵିଚକ୍ଷଣଃ ।

ଅଧିକାର୍ଯାତ୍ମଵିଦ୍ଯାଯାମୁକ୍ତଲକ୍ଷଣଲକ୍ଷିତଃ

॥ 15॥

ଶ୍ଲୋକ 17

ଵିଵେକିନୋ ଵିରକ୍ତସ୍ଯ ଶମାଦିଗୁଣଶାଲିନଃ ।

ମୁମୁକ୍ଷୋରେଵ ହି ବ୍ରହ୍ମଜିଜ୍ଞାସାଯୋଗ୍ଯତା ମତା

॥ 16॥

ଶ୍ଲୋକ 18

ସାଧନାନ୍ଯତ୍ର ଚତ୍ଵାରି କଥିତାନି ମନୀଷିଭିଃ ।

ଯେଷୁ ସତ୍ସ୍ଵେଵ ସନ୍ନିଷ୍ଠା ଯଦଭାଵେ ନ ସିଧ୍ଯତି

॥ 17॥

ଶ୍ଲୋକ 19

ଆଦୌ ନିତ୍ଯାନିତ୍ଯଵସ୍ତୁଵିଵେକଃ ପରିଗଣ୍ଯତେ ।

ଇହାମୁତ୍ରଫଲଭୋଗଵିରାଗସ୍ତଦନନ୍ତରମ୍ ।

ଶମାଦିଷଟ୍କସମ୍ପତ୍ତିର୍ମୁମୁକ୍ଷୁତ୍ଵମିତି ସ୍ଫୁଟମ୍

॥ 18॥

ଶ୍ଲୋକ 20

ବ୍ରହ୍ମ ସତ୍ଯଂ ଜଗନ୍ମିଥ୍ଯେତ୍ଯେଵଂରୂପୋ ଵିନିଶ୍ଚଯଃ ।

ସୋଽଯଂ ନିତ୍ଯାନିତ୍ଯଵସ୍ତୁଵିଵେକଃ ସମୁଦାହୃତଃ

॥ 19॥

ଶ୍ଲୋକ 21

ତଦ୍ଵୈରାଗ୍ଯଂ ଜିହାସା ଯା ଦର୍ଶନଶ୍ରଵଣାଦିଭିଃ । (ପାଠଭେଦଃ - ଜୁଗୁପ୍ସା ଯା)

ଦେହାଦିବ୍ରହ୍ମପର୍ଯନ୍ତେ ହ୍ଯନିତ୍ଯେ ଭୋଗଵସ୍ତୁନି

॥ 20॥

ଶ୍ଲୋକ 22

॥ 21॥ (ପାଠଭେଦଃ - ଭୋଗ୍ଯଵସ୍ତୁନି)

ଵିରଜ୍ଯ ଵିଷଯଵ୍ରାତାଦ୍ଦୋଷଦୃଷ୍ଟ୍ଯା ମୁହୁର୍ମୁହୁଃ ।

ସ୍ଵଲକ୍ଷ୍ଯେ ନିଯତାଵସ୍ଥା ମନସଃ ଶମ ଉଚ୍ଯତେ

ଶ୍ଲୋକ 23

ଵିଷଯେଭ୍ଯଃ ପରାଵର୍ତ୍ଯ ସ୍ଥାପନଂ ସ୍ଵସ୍ଵଗୋଲକେ ।

ଉଭଯେଷାମିନ୍ଦ୍ରିଯାଣାଂ ସ ଦମଃ ପରିକୀର୍ତିତଃ ।

ବାହ୍ଯାନାଲମ୍ବନଂ ଵୃତ୍ତେରେଷୋପରତିରୁତ୍ତମା

॥ 22॥

ଶ୍ଲୋକ 24

ସହନଂ ସର୍ଵଦୁଃଖାନାମପ୍ରତୀକାରପୂର୍ଵକମ୍ ।

ଚିନ୍ତାଵିଲାପରହିତଂ ସା ତିତିକ୍ଷା ନିଗଦ୍ଯତେ

॥ 23॥

ଶ୍ଲୋକ 25

ଶାସ୍ତ୍ରସ୍ଯ ଗୁରୁଵାକ୍ଯସ୍ଯ ସତ୍ଯବୁଦ୍ଧ୍ଯଵଧାରଣମ୍ । (ପାଠଭେଦଃ - ସତ୍ଯବୁଦ୍ଧ୍ଯାଵଧାରଣା)

ସା ଶ୍ରଦ୍ଧା କଥିତା ସଦ୍ଭିର୍ଯଯା ଵସ୍ତୂପଲଭ୍ଯତେ

॥ 24॥

ଶ୍ଲୋକ 26

ସର୍ଵଦା ସ୍ଥାପନଂ ବୁଦ୍ଧେଃ ଶୁଦ୍ଧେ ବ୍ରହ୍ମଣି ସର୍ଵଦା । (ପାଠଭେଦଃ - ସମ୍ଯଗାସ୍ଥାପନଂ)

ତତ୍ସମାଧାନମିତ୍ଯୁକ୍ତଂ ନ ତୁ ଚିତ୍ତସ୍ଯ ଲାଲନମ୍

॥ 25॥

ଶ୍ଲୋକ 27

ଅହଙ୍କାରାଦିଦେହାନ୍ତାନ୍ ବନ୍ଧାନଜ୍ଞାନକଲ୍ପିତାନ୍ ।

ସ୍ଵସ୍ଵରୂପାଵବୋଧେନ ମୋକ୍ତୁମିଚ୍ଛା ମୁମୁକ୍ଷୁତା

॥ 26॥

ଶ୍ଲୋକ 28

ମନ୍ଦମଧ୍ଯମରୂପାପି ଵୈରାଗ୍ଯେଣ ଶମାଦିନା ।

ପ୍ରସାଦେନ ଗୁରୋଃ ସେଯଂ ପ୍ରଵୃଦ୍ଧା ସୂଯତେ ଫଲମ୍

॥ 27॥

ଶ୍ଲୋକ 29

ଵୈରାଗ୍ଯଂ ଚ ମୁମୁକ୍ଷୁତ୍ଵଂ ତୀଵ୍ରଂ ଯସ୍ଯ ତୁ ଵିଦ୍ଯତେ ।

ତସ୍ମିନ୍ନେଵାର୍ଥଵନ୍ତଃ ସ୍ଯୁଃ ଫଲଵନ୍ତଃ ଶମାଦଯଃ

॥ 28॥

ଶ୍ଲୋକ 30

ଏତଯୋର୍ମନ୍ଦତା ଯତ୍ର ଵିରକ୍ତତ୍ଵମୁମୁକ୍ଷଯୋଃ ।

ମରୌ ସଲିଲଵତ୍ତତ୍ର ଶମାଦେର୍ଭାନମାତ୍ରତା

॥ 29॥

ଶ୍ଲୋକ 31

ମୋକ୍ଷକାରଣସାମଗ୍ର୍ଯାଂ ଭକ୍ତିରେଵ ଗରୀଯସୀ ।

ସ୍ଵସ୍ଵରୂପାନୁସନ୍ଧାନଂ ଭକ୍ତିରିତ୍ଯଭିଧୀଯତେ

॥ 30॥

ଶ୍ଲୋକ 32

ସ୍ଵାତ୍ମତତ୍ତ୍ଵାନୁସନ୍ଧାନଂ ଭକ୍ତିରିତ୍ଯପରେ ଜଗୁଃ ।

ଉକ୍ତସାଧନସମ୍ପନ୍ନସ୍ତତ୍ତ୍ଵଜିଜ୍ଞାସୁରାତ୍ମନଃ ।

ଉପସୀଦେଦ୍ଗୁରୁଂ ପ୍ରାଜ୍ଞଂ ଯସ୍ମାଦ୍ବନ୍ଧଵିମୋକ୍ଷଣମ୍

॥ 31॥

ଶ୍ଲୋକ 33

ଶ୍ରୋତ୍ରିଯୋଽଵୃଜିନୋଽକାମହତୋ ଯୋ ବ୍ରହ୍ମଵିତ୍ତମଃ ।

ବ୍ରହ୍ମଣ୍ଯୁପରତଃ ଶାନ୍ତୋ ନିରିନ୍ଧନ ଇଵାନଲଃ ।

ଅହେତୁକଦଯାସିନ୍ଧୁର୍ବନ୍ଧୁରାନମତାଂ ସତାମ୍

॥ 32॥

ଶ୍ଲୋକ 34

ତମାରାଧ୍ଯ ଗୁରୁଂ ଭକ୍ତ୍ଯା ପ୍ରହ୍ଵପ୍ରଶ୍ରଯସେଵନୈଃ । (ପାଠଭେଦଃ - ପ୍ରହ୍ଵଃ)

ପ୍ରସନ୍ନଂ ତମନୁପ୍ରାପ୍ଯ ପୃଚ୍ଛେଜ୍ଜ୍ଞାତଵ୍ଯମାତ୍ମନଃ

॥ 33॥

ଶ୍ଲୋକ 35

ସ୍ଵାମିନ୍ନମସ୍ତେ ନତଲୋକବନ୍ଧୋ

କାରୁଣ୍ଯସିନ୍ଧୋ ପତିତଂ ଭଵାବ୍ଧୌ ।

ମାମୁଦ୍ଧରାତ୍ମୀଯକଟାକ୍ଷଦୃଷ୍ଟ୍ଯା

ଋଜ୍ଵ୍ଯାତିକାରୁଣ୍ଯସୁଧାଭିଵୃଷ୍ଟ୍ଯା

॥ 34॥

ଶ୍ଲୋକ 36

ଦୁର୍ଵାରସଂସାରଦଵାଗ୍ନିତପ୍ତଂ

ଦୋଧୂଯମାନଂ ଦୁରଦୃଷ୍ଟଵାତୈଃ ।

ଭୀତଂ ପ୍ରପନ୍ନଂ ପରିପାହି ମୃତ୍ଯୋଃ

ଶରଣ୍ଯମନ୍ଯଦ୍ଯଦହଂ ନ ଜାନେ

॥ 35॥

ଶ୍ଲୋକ 37

॥ 36॥ (ପାଠଭେଦଃ - ଅନ୍ଯଂ)

ଶାନ୍ତା ମହାନ୍ତୋ ନିଵସନ୍ତି ସନ୍ତୋ

ଵସନ୍ତଵଲ୍ଲୋକହିତଂ ଚରନ୍ତଃ ।

ତୀର୍ଣାଃ ସ୍ଵଯଂ ଭୀମଭଵାର୍ଣଵଂ ଜନା-

ନହେତୁନାନ୍ଯାନପି ତାରଯନ୍ତଃ

ଶ୍ଲୋକ 38

ଅଯଂ ସ୍ଵଭାଵଃ ସ୍ଵତ ଏଵ ଯତ୍ପର-

ଶ୍ରମାପନୋଦପ୍ରଵଣଂ ମହାତ୍ମନାମ୍ ।

ସୁଧାଂଶୁରେଷ ସ୍ଵଯମର୍କକର୍କଶ-

ପ୍ରଭାଭିତପ୍ତାମଵତି କ୍ଷିତିଂ କିଲ

॥ 37॥

ଶ୍ଲୋକ 39

ବ୍ରହ୍ମାନନ୍ଦରସାନୁଭୂତିକଲିତୈଃ ପୂତୈଃ ସୁଶୀତୈର୍ଯୁତୈ- (ପାଠଭେଦଃ - ସୁଶୀତୈଃ ସିତୈଃ)

ର୍ଯୁଷ୍ମଦ୍ଵାକ୍କଲଶୋଜ୍ଝିତୈଃ ଶ୍ରୁତିସୁଖୈର୍ଵାକ୍ଯାମୃତୈଃ ସେଚଯ ।

ସନ୍ତପ୍ତଂ ଭଵତାପଦାଵଦହନଜ୍ଵାଲାଭିରେନଂ ପ୍ରଭୋ

ଧନ୍ଯାସ୍ତେ ଭଵଦୀକ୍ଷଣକ୍ଷଣଗତେଃ ପାତ୍ରୀକୃତାଃ ସ୍ଵୀକୃତାଃ

॥ 38॥

ଶ୍ଲୋକ 40

କଥଂ ତରେଯଂ ଭଵସିନ୍ଧୁମେତଂ

କା ଵା ଗତିର୍ମେ କତମୋଽସ୍ତ୍ଯୁପାଯଃ ।

ଜାନେ ନ କିଞ୍ଚିତ୍କୃପଯାଽଵ ମାଂ ପ୍ରଭୋ

ସଂସାରଦୁଃଖକ୍ଷତିମାତନୁଷ୍ଵ

॥ 39॥

ଶ୍ଲୋକ 41

ତଥା ଵଦନ୍ତଂ ଶରଣାଗତଂ ସ୍ଵଂ

ସଂସାରଦାଵାନଲତାପତପ୍ତମ୍ ।

ନିରୀକ୍ଷ୍ଯ କାରୁଣ୍ଯରସାର୍ଦ୍ରଦୃଷ୍ଟ୍ଯା

ଦଦ୍ଯାଦଭୀତିଂ ସହସା ମହାତ୍ମା

॥ 40॥

ଶ୍ଲୋକ 42

ଵିଦ୍ଵାନ୍ ସ ତସ୍ମା ଉପସତ୍ତିମୀଯୁଷେ

ମୁମୁକ୍ଷଵେ ସାଧୁ ଯଥୋକ୍ତକାରିଣେ ।

ପ୍ରଶାନ୍ତଚିତ୍ତାଯ ଶମାନ୍ଵିତାଯ

ତତ୍ତ୍ଵୋପଦେଶଂ କୃପଯୈଵ କୁର୍ଯାତ୍

॥ 41॥

ଶ୍ଲୋକ 43

ମା ଭୈଷ୍ଟ ଵିଦ୍ଵଂସ୍ତଵ ନାସ୍ତ୍ଯପାଯଃ

ସଂସାରସିନ୍ଧୋସ୍ତରଣେଽସ୍ତ୍ଯୁପାଯଃ ।

ଯେନୈଵ ଯାତା ଯତଯୋଽସ୍ଯ ପାରଂ

ତମେଵ ମାର୍ଗଂ ତଵ ନିର୍ଦିଶାମି

॥ 42॥

ଶ୍ଲୋକ 44

ଅସ୍ତ୍ଯୁପାଯୋ ମହାନ୍କଶ୍ଚିତ୍ସଂସାରଭଯନାଶନଃ ।

ତେନ ତୀର୍ତ୍ଵା ଭଵାମ୍ଭୋଧିଂ ପରମାନନ୍ଦମାପ୍ସ୍ଯସି

॥ 43॥

ଶ୍ଲୋକ 45

ଵେଦାନ୍ତାର୍ଥଵିଚାରେଣ ଜାଯତେ ଜ୍ଞାନମୁତ୍ତମମ୍ ।

ତେନାତ୍ଯନ୍ତିକସଂସାରଦୁଃଖନାଶୋ ଭଵତ୍ଯନୁ

॥ 44॥

ଶ୍ଲୋକ 46

ଶ୍ରଦ୍ଧାଭକ୍ତିଧ୍ଯାନଯୋଗାନ୍ମୁମୁକ୍ଷୋଃ

ମୁକ୍ତେର୍ହେତୂନ୍ଵକ୍ତି ସାକ୍ଷାଚ୍ଛ୍ରୁତେର୍ଗୀଃ ।

ଯୋ ଵା ଏତେଷ୍ଵେଵ ତିଷ୍ଠତ୍ଯମୁଷ୍ଯ

ମୋକ୍ଷୋଽଵିଦ୍ଯାକଲ୍ପିତାଦ୍ଦେହବନ୍ଧାତ୍

॥ 45॥

ଶ୍ଲୋକ 47

ଅଜ୍ଞାନଯୋଗାତ୍ପରମାତ୍ମନସ୍ତଵ

ହ୍ଯନାତ୍ମବନ୍ଧସ୍ତତ ଏଵ ସଂସୃତିଃ ।

ତଯୋର୍ଵିଵେକୋଦିତବୋଧଵହ୍ନିଃ

ଅଜ୍ଞାନକାର୍ଯଂ ପ୍ରଦହେତ୍ସମୂଲମ୍

॥ 46॥

ଶ୍ଲୋକ 48

ଶିଷ୍ଯ ଉଵାଚ ।

କୃପଯା ଶ୍ରୂଯତାଂ ସ୍ଵାମିନ୍ପ୍ରଶ୍ନୋଽଯଂ କ୍ରିଯତେ ମଯା ।

ଯଦୁତ୍ତରମହଂ ଶ୍ରୁତ୍ଵା କୃତାର୍ଥଃ ସ୍ଯାଂ ଭଵନ୍ମୁଖାତ୍

॥ 47॥

ଶ୍ଲୋକ 49

କୋ ନାମ ବନ୍ଧଃ କଥମେଷ ଆଗତଃ

କଥଂ ପ୍ରତିଷ୍ଠାସ୍ଯ କଥଂ ଵିମୋକ୍ଷଃ ।

କୋଽସାଵନାତ୍ମା ପରମଃ କ ଆତ୍ମା

ତଯୋର୍ଵିଵେକଃ କଥମେତଦୁଚ୍ଯତାମ୍

॥ 48॥

ଶ୍ଲୋକ 50

ଶ୍ରୀଗୁରୁଵାଚ ।

ଧନ୍ଯୋଽସି କୃତକୃତ୍ଯୋଽସି ପାଵିତଂ ତେ କୁଲଂ ତ୍ଵଯା । (ପାଠଭେଦଃ - ପାଵିତଂ)

ଯଦଵିଦ୍ଯାବନ୍ଧମୁକ୍ତ୍ଯା ବ୍ରହ୍ମୀଭଵିତୁମିଚ୍ଛସି

॥ 49॥

ଶ୍ଲୋକ 51

ଋଣମୋଚନକର୍ତାରଃ ପିତୁଃ ସନ୍ତି ସୁତାଦଯଃ ।

ବନ୍ଧମୋଚନକର୍ତା ତୁ ସ୍ଵସ୍ମାଦନ୍ଯୋ ନ କଶ୍ଚନ

॥ 50॥

ଶ୍ଲୋକ 52

ମସ୍ତକନ୍ଯସ୍ତଭାରାଦେର୍ଦୁଃଖମନ୍ଯୈର୍ନିଵାର୍ଯତେ ।

କ୍ଷୁଧାଦିକୃତଦୁଃଖଂ ତୁ ଵିନା ସ୍ଵେନ ନ କେନଚିତ୍

॥ 51॥

ଶ୍ଲୋକ 53

ପଥ୍ଯମୌଷଧସେଵା ଚ କ୍ରିଯତେ ଯେନ ରୋଗିଣା ।

ଆରୋଗ୍ଯସିଦ୍ଧିର୍ଦୃଷ୍ଟାଽସ୍ଯ ନାନ୍ଯାନୁଷ୍ଠିତକର୍ମଣା

॥ 52॥

ଶ୍ଲୋକ 54

ଵସ୍ତୁସ୍ଵରୂପଂ ସ୍ଫୁଟବୋଧଚକ୍ଷୁଷା

ସ୍ଵେନୈଵ ଵେଦ୍ଯଂ ନ ତୁ ପଣ୍ଡିତେନ ।

ଚନ୍ଦ୍ରସ୍ଵରୂପଂ ନିଜଚକ୍ଷୁଷୈଵ

ଜ୍ଞାତଵ୍ଯମନ୍ଯୈରଵଗମ୍ଯତେ କିମ୍

॥ 53॥

ଶ୍ଲୋକ 55

ଅଵିଦ୍ଯାକାମକର୍ମାଦିପାଶବନ୍ଧଂ ଵିମୋଚିତୁମ୍ ।

କଃ ଶକ୍ନୁଯାଦ୍ଵିନାଽଽତ୍ମାନଂ କଲ୍ପକୋଟିଶତୈରପି

॥ 54॥

ଶ୍ଲୋକ 56

ନ ଯୋଗେନ ନ ସାଙ୍ଖ୍ଯେନ କର୍ମଣା ନୋ ନ ଵିଦ୍ଯଯା ।

ବ୍ରହ୍ମାତ୍ମୈକତ୍ଵବୋଧେନ ମୋକ୍ଷଃ ସିଧ୍ଯତି ନାନ୍ଯଥା

॥ 55॥

ଶ୍ଲୋକ 57

ଵୀଣାଯା ରୂପସୌନ୍ଦର୍ଯଂ ତନ୍ତ୍ରୀଵାଦନସୌଷ୍ଠଵମ୍ ।

ପ୍ରଜାରଞ୍ଜନମାତ୍ରଂ ତନ୍ନ ସାମ୍ରାଜ୍ଯାଯ କଲ୍ପତେ

॥ 56॥

ଶ୍ଲୋକ 58

ଵାଗ୍ଵୈଖରୀ ଶବ୍ଦଝରୀ ଶାସ୍ତ୍ରଵ୍ଯାଖ୍ଯାନକୌଶଲମ୍ ।

ଵୈଦୁଷ୍ଯଂ ଵିଦୁଷାଂ ତଦ୍ଵଦ୍ଭୁକ୍ତଯେ ନ ତୁ ମୁକ୍ତଯେ

॥ 57॥

ଶ୍ଲୋକ 59

ଅଵିଜ୍ଞାତେ ପରେ ତତ୍ତ୍ଵେ ଶାସ୍ତ୍ରାଧୀତିସ୍ତୁ ନିଷ୍ଫଲା ।

ଵିଜ୍ଞାତେଽପି ପରେ ତତ୍ତ୍ଵେ ଶାସ୍ତ୍ରାଧୀତିସ୍ତୁ ନିଷ୍ଫଲା

॥ 58॥

ଶ୍ଲୋକ 60

ଶବ୍ଦଜାଲଂ ମହାରଣ୍ଯଂ ଚିତ୍ତଭ୍ରମଣକାରଣମ୍ ।

ଅତଃ ପ୍ରଯତ୍ନାଜ୍ଜ୍ଞାତଵ୍ଯଂ ତତ୍ତ୍ଵଜ୍ଞୈସ୍ତତ୍ତ୍ଵମାତ୍ମନଃ

॥ 59॥

ଶ୍ଲୋକ 61

॥ 60॥ ତତ୍ତ୍ଵଜ୍ଞାତ୍ତତ୍ତ୍ଵ

ଅଜ୍ଞାନସର୍ପଦଷ୍ଟସ୍ଯ ବ୍ରହ୍ମଜ୍ଞାନୌଷଧଂ ଵିନା ।

କିମୁ ଵେଦୈଶ୍ଚ ଶାସ୍ତ୍ରୈଶ୍ଚ କିମୁ ମନ୍ତ୍ରୈଃ କିମୌଷଧୈଃ

ଶ୍ଲୋକ 62

ନ ଗଚ୍ଛତି ଵିନା ପାନଂ ଵ୍ଯାଧିରୌଷଧଶବ୍ଦତଃ ।

ଵିନାଽପରୋକ୍ଷାନୁଭଵଂ ବ୍ରହ୍ମଶବ୍ଦୈର୍ନ ମୁଚ୍ଯତେ

॥ 61॥

ଶ୍ଲୋକ 63

ଅକୃତ୍ଵା ଦୃଶ୍ଯଵିଲଯମଜ୍ଞାତ୍ଵା ତତ୍ତ୍ଵମାତ୍ମନଃ ।

ବ୍ରହ୍ମଶବ୍ଦୈଃ କୁତୋ ମୁକ୍ତିରୁକ୍ତିମାତ୍ରଫଲୈର୍ନୃଣାମ୍

॥ 62॥

ଶ୍ଲୋକ 64

॥ 63॥ (ପାଠଭେଦଃ - ବାହ୍ଯଶବ୍ଦୈଃ)

ଅକୃତ୍ଵା ଶତ୍ରୁସଂହାରମଗତ୍ଵାଖିଲଭୂଶ୍ରିଯମ୍ ।

ରାଜାହମିତି ଶବ୍ଦାନ୍ନୋ ରାଜା ଭଵିତୁମର୍ହତି

ଶ୍ଲୋକ 65

ଆପ୍ତୋକ୍ତିଂ ଖନନଂ ତଥୋପରିଶିଲାଦ୍ଯୁତ୍କର୍ଷଣଂ ସ୍ଵୀକୃତିଂ (ପାଠଭେଦଃ - ପରିଶିଲାପାକର୍ଷଣଂ)

ନିକ୍ଷେପଃ ସମପେକ୍ଷତେ ନ ହି ବହିଃଶବ୍ଦୈସ୍ତୁ ନିର୍ଗଚ୍ଛତି ।

ତଦ୍ଵଦ୍ବ୍ରହ୍ମଵିଦୋପଦେଶମନନଧ୍ଯାନାଦିଭିର୍ଲଭ୍ଯତେ

ମାଯାକାର୍ଯତିରୋହିତଂ ସ୍ଵମମଲଂ ତତ୍ତ୍ଵଂ ନ ଦୁର୍ଯୁକ୍ତିଭିଃ

॥ 64॥

ଶ୍ଲୋକ 66

ତସ୍ମାତ୍ସର୍ଵପ୍ରଯତ୍ନେନ ଭଵବନ୍ଧଵିମୁକ୍ତଯେ ।

ସ୍ଵୈରେଵ ଯତ୍ନଃ କର୍ତଵ୍ଯୋ ରୋଗାଦାଵିଵ ପଣ୍ଡିତୈଃ

॥ 65॥

ଶ୍ଲୋକ 67

॥ 66॥ (ପାଠଭେଦଃ - ରୋଗାଦେରିଵ)

ଯସ୍ତ୍ଵଯାଦ୍ଯ କୃତଃ ପ୍ରଶ୍ନୋ ଵରୀଯାଞ୍ଛାସ୍ତ୍ରଵିନ୍ମତଃ । (ପାଠଭେଦଃ - ସମ୍ମତଃ)

ସୂତ୍ରପ୍ରାଯୋ ନିଗୂଢାର୍ଥୋ ଜ୍ଞାତଵ୍ଯଶ୍ଚ ମୁମୁକ୍ଷୁଭିଃ

ଶ୍ଲୋକ 68

ଶଋଣୁଷ୍ଵାଵହିତୋ ଵିଦ୍ଵନ୍ଯନ୍ମଯା ସମୁଦୀର୍ଯତେ ।

ତଦେତଚ୍ଛ୍ରଵଣାତ୍ସଦ୍ଯୋ ଭଵବନ୍ଧାଦ୍ଵିମୋକ୍ଷ୍ଯସେ

॥ 67॥

ଶ୍ଲୋକ 69

ମୋକ୍ଷସ୍ଯ ହେତୁଃ ପ୍ରଥମୋ ନିଗଦ୍ଯତେ

ଵୈରାଗ୍ଯମତ୍ଯନ୍ତମନିତ୍ଯଵସ୍ତୁଷୁ ।

ତତଃ ଶମଶ୍ଚାପି ଦମସ୍ତିତିକ୍ଷା

ନ୍ଯାସଃ ପ୍ରସକ୍ତାଖିଲକର୍ମଣାଂ ଭୃଶମ୍

॥ 68॥

ଶ୍ଲୋକ 70

ତତଃ ଶ୍ରୁତିସ୍ତନ୍ମନନଂ ସତତ୍ତ୍ଵ-

ଧ୍ଯାନଂ ଚିରଂ ନିତ୍ଯନିରନ୍ତରଂ ମୁନେଃ ।

ତତୋଽଵିକଲ୍ପଂ ପରମେତ୍ଯ ଵିଦ୍ଵାନ୍

ଇହୈଵ ନିର୍ଵାଣସୁଖଂ ସମୃଚ୍ଛତି

॥ 69॥

ଶ୍ଲୋକ 71

ଯଦ୍ବୋଦ୍ଧଵ୍ଯଂ ତଵେଦାନୀମାତ୍ମାନାତ୍ମଵିଵେଚନମ୍ ।

ତଦୁଚ୍ଯତେ ମଯା ସମ୍ଯକ୍ ଶ୍ରୁତ୍ଵାତ୍ମନ୍ଯଵଧାରଯ

॥ 70॥

ଶ୍ଲୋକ 72

ମଜ୍ଜାସ୍ଥିମେଦଃପଲରକ୍ତଚର୍ମ-

ତ୍ଵଗାହ୍ଵଯୈର୍ଧାତୁଭିରେଭିରନ୍ଵିତମ୍ ।

ପାଦୋରୁଵକ୍ଷୋଭୁଜପୃଷ୍ଠମସ୍ତକୈଃ

ଅଙ୍ଗୈରୁପାଙ୍ଗୈରୁପଯୁକ୍ତମେତତ୍

॥ 71॥

ଶ୍ଲୋକ 73

ଅହମ୍ମମେତି ପ୍ରଥିତଂ ଶରୀରଂ

ମୋହାସ୍ପଦଂ ସ୍ଥୂଲମିତୀର୍ଯତେ ବୁଧୈଃ ।

ନଭୋନଭସ୍ଵଦ୍ଦହନାମ୍ବୁଭୂମଯଃ

ସୂକ୍ଷ୍ମାଣି ଭୂତାନି ଭଵନ୍ତି ତାନି

॥ 72॥

ଶ୍ଲୋକ 74

ପରସ୍ପରାଂଶୈର୍ମିଲିତାନି ଭୂତ୍ଵା

ସ୍ଥୂଲାନି ଚ ସ୍ଥୂଲଶରୀରହେତଵଃ ।

ମାତ୍ରାସ୍ତଦୀଯା ଵିଷଯା ଭଵନ୍ତି

ଶବ୍ଦାଦଯଃ ପଞ୍ଚ ସୁଖାଯ ଭୋକ୍ତୁଃ

॥ 73॥

ଶ୍ଲୋକ 75

ଯ ଏଷୁ ମୂଢା ଵିଷଯେଷୁ ବଦ୍ଧା

ରାଗୋରୁପାଶେନ ସୁଦୁର୍ଦମେନ ।

ଆଯାନ୍ତି ନିର୍ଯାନ୍ତ୍ଯଧ ଊର୍ଧ୍ଵମୁଚ୍ଚୈଃ

ସ୍ଵକର୍ମଦୂତେନ ଜଵେନ ନୀତାଃ

॥ 74॥

ଶ୍ଲୋକ 76

ଶବ୍ଦାଦିଭିଃ ପଞ୍ଚଭିରେଵ ପଞ୍ଚ

ପଞ୍ଚତ୍ଵମାପୁଃ ସ୍ଵଗୁଣେନ ବଦ୍ଧାଃ ।

କୁରଙ୍ଗମାତଙ୍ଗପତଙ୍ଗମୀନ-

ଭୃଙ୍ଗା ନରଃ ପଞ୍ଚଭିରଞ୍ଚିତଃ କିମ୍

॥ 75॥

ଶ୍ଲୋକ 77

ଦୋଷେଣ ତୀଵ୍ରୋ ଵିଷଯଃ କୃଷ୍ଣସର୍ପଵିଷାଦପି ।

ଵିଷଂ ନିହନ୍ତି ଭୋକ୍ତାରଂ ଦ୍ରଷ୍ଟାରଂ ଚକ୍ଷୁଷାପ୍ଯଯମ୍

॥ 76॥

ଶ୍ଲୋକ 78

ଵିଷଯାଶାମହାପାଶାଦ୍ଯୋ ଵିମୁକ୍ତଃ ସୁଦୁସ୍ତ୍ଯଜାତ୍ ।

ସ ଏଵ କଲ୍ପତେ ମୁକ୍ତ୍ଯୈ ନାନ୍ଯଃ ଷଟ୍ଶାସ୍ତ୍ରଵେଦ୍ଯପି

॥ 77॥

ଶ୍ଲୋକ 79

ଆପାତଵୈରାଗ୍ଯଵତୋ ମୁମୁକ୍ଷୂନ୍

ଭଵାବ୍ଧିପାରଂ ପ୍ରତିଯାତୁମୁଦ୍ଯତାନ୍ ।

ଆଶାଗ୍ରହୋ ମଜ୍ଜଯତେଽନ୍ତରାଲେ

ନିଗୃହ୍ଯ କଣ୍ଠେ ଵିନିଵର୍ତ୍ଯ ଵେଗାତ୍

॥ 78॥

ଶ୍ଲୋକ 80

ଵିଷଯାଖ୍ଯଗ୍ରହୋ ଯେନ ସୁଵିରକ୍ତ୍ଯସିନା ହତଃ ।

ସ ଗଚ୍ଛତି ଭଵାମ୍ଭୋଧେଃ ପାରଂ ପ୍ରତ୍ଯୂହଵର୍ଜିତଃ

॥ 79॥

ଶ୍ଲୋକ 81

ଵିଷମଵିଷଯମାର୍ଗୈର୍ଗଚ୍ଛତୋଽନଚ୍ଛବୁଦ୍ଧେଃ (ପାଠଭେଦଃ - ଵିଷଯମାର୍ଗେ ଗଚ୍ଛତୋ)

ପ୍ରତିପଦମଭିଯାତୋ ମୃତ୍ଯୁରପ୍ଯେଷ ଵିଦ୍ଧି । (ପାଠଭେଦଃ - ପ୍ରତିପଦମଭିଘାତୋ ମୃତ୍ଯୁରପ୍ଯେଷ ସିଦ୍ଧଃ)

ହିତସୁଜନଗୁରୂକ୍ତ୍ଯା ଗଚ୍ଛତଃ ସ୍ଵସ୍ଯ ଯୁକ୍ତ୍ଯା

ପ୍ରଭଵତି ଫଲସିଦ୍ଧିଃ ସତ୍ଯମିତ୍ଯେଵ ଵିଦ୍ଧି

॥ 80॥

ଶ୍ଲୋକ 82

ମୋକ୍ଷସ୍ଯ କାଙ୍କ୍ଷା ଯଦି ଵୈ ତଵାସ୍ତି

ତ୍ଯଜାତିଦୂରାଦ୍ଵିଷଯାନ୍ଵିଷଂ ଯଥା ।

ପୀଯୂଷଵତ୍ତୋଷଦଯାକ୍ଷମାର୍ଜଵ-

ପ୍ରଶାନ୍ତିଦାନ୍ତୀର୍ଭଜ ନିତ୍ଯମାଦରାତ୍

॥ 81॥

ଶ୍ଲୋକ 83

ଅନୁକ୍ଷଣଂ ଯତ୍ପରିହୃତ୍ଯ କୃତ୍ଯଂ

ଅନାଦ୍ଯଵିଦ୍ଯାକୃତବନ୍ଧମୋକ୍ଷଣମ୍ ।

ଦେହଃ ପରାର୍ଥୋଽଯମମୁଷ୍ଯ ପୋଷଣେ

ଯଃ ସଜ୍ଜତେ ସ ସ୍ଵମନେନ ହନ୍ତି

॥ 82॥

ଶ୍ଲୋକ 84

ଶରୀରପୋଷଣାର୍ଥୀ ସନ୍ ଯ ଆତ୍ମାନଂ ଦିଦୃକ୍ଷତି । (ପାଠଭେଦଃ - ଦିଦୃକ୍ଷତେ)

ଗ୍ରାହଂ ଦାରୁଧିଯା ଧୃତ୍ଵା ନଦୀଂ ତର୍ତୁଂ ସ ଗଚ୍ଛତି

॥ 83॥

ଶ୍ଲୋକ 85

॥ 84॥ (ପାଠଭେଦଃ - ସ ଇଚ୍ଛତି)

ମୋହ ଏଵ ମହାମୃତ୍ଯୁର୍ମୁମୁକ୍ଷୋର୍ଵପୁରାଦିଷୁ ।

ମୋହୋ ଵିନିର୍ଜିତୋ ଯେନ ସ ମୁକ୍ତିପଦମର୍ହତି

ଶ୍ଲୋକ 86

ମୋହଂ ଜହି ମହାମୃତ୍ଯୁଂ ଦେହଦାରସୁତାଦିଷୁ ।

ଯଂ ଜିତ୍ଵା ମୁନଯୋ ଯାନ୍ତି ତଦ୍ଵିଷ୍ଣୋଃ ପରମଂ ପଦମ୍

॥ 85॥

ଶ୍ଲୋକ 87

ତ୍ଵଙ୍ମାଂସରୁଧିରସ୍ନାଯୁମେଦୋମଜ୍ଜାସ୍ଥିସଙ୍କୁଲମ୍ ।

ପୂର୍ଣଂ ମୂତ୍ରପୁରୀଷାଭ୍ଯାଂ ସ୍ଥୂଲଂ ନିନ୍ଦ୍ଯମିଦଂ ଵପୁଃ

॥ 86॥

ଶ୍ଲୋକ 88

ପଞ୍ଚୀକୃତେଭ୍ଯୋ ଭୂତେଭ୍ଯଃ ସ୍ଥୂଲେଭ୍ଯଃ ପୂର୍ଵକର୍ମଣା ।

ସମୁତ୍ପନ୍ନମିଦଂ ସ୍ଥୂଲଂ ଭୋଗାଯତନମାତ୍ମନଃ ।

ଅଵସ୍ଥା ଜାଗରସ୍ତସ୍ଯ ସ୍ଥୂଲାର୍ଥାନୁଭଵୋ ଯତଃ

॥ 87॥

ଶ୍ଲୋକ 89

ବାହ୍ଯେନ୍ଦ୍ରିଯୈଃ ସ୍ଥୂଲପଦାର୍ଥସେଵାଂ

ସ୍ରକ୍ଚନ୍ଦନସ୍ତ୍ର୍ଯାଦିଵିଚିତ୍ରରୂପାମ୍ ।

କରୋତି ଜୀଵଃ ସ୍ଵଯମେତଦାତ୍ମନା

ତସ୍ମାତ୍ପ୍ରଶସ୍ତିର୍ଵପୁଷୋଽସ୍ଯ ଜାଗରେ

॥ 88॥

ଶ୍ଲୋକ 90

ସର୍ଵୋଽପି ବାହ୍ଯସଂସାରଃ ପୁରୁଷସ୍ଯ ଯଦାଶ୍ରଯଃ ।

ଵିଦ୍ଧି ଦେହମିଦଂ ସ୍ଥୂଲଂ ଗୃହଵଦ୍ଗୃହମେଧିନଃ

॥ 89॥

ଶ୍ଲୋକ 91

ସ୍ଥୂଲସ୍ଯ ସମ୍ଭଵଜରାମରଣାନି ଧର୍ମାଃ

ସ୍ଥୌଲ୍ଯାଦଯୋ ବହୁଵିଧାଃ ଶିଶୁତାଦ୍ଯଵସ୍ଥାଃ ।

ଵର୍ଣାଶ୍ରମାଦିନିଯମା ବହୁଧାଽଽମଯାଃ ସ୍ଯୁଃ

ପୂଜାଵମାନବହୁମାନମୁଖା ଵିଶେଷାଃ

॥ 90॥

ଶ୍ଲୋକ 92

ବୁଦ୍ଧୀନ୍ଦ୍ରିଯାଣି ଶ୍ରଵଣଂ ତ୍ଵଗକ୍ଷି

ଘ୍ରାଣଂ ଚ ଜିହ୍ଵା ଵିଷଯାଵବୋଧନାତ୍ ।

ଵାକ୍ପାଣିପାଦା ଗୁଦମପ୍ଯୁପସ୍ଥଃ (ପାଠଭେଦଃ - ଉପସ୍ଥଂ)

କର୍ମେନ୍ଦ୍ରିଯାଣି ପ୍ରଵଣେନ କର୍ମସୁ

॥ 91॥

ଶ୍ଲୋକ 93

॥ 92॥ (ପାଠଭେଦଃ - ପ୍ରଵଣାନି)

ନିଗଦ୍ଯତେଽନ୍ତଃକରଣଂ ମନୋଧୀଃ

ଅହଙ୍କୃତିଶ୍ଚିତ୍ତମିତି ସ୍ଵଵୃତ୍ତିଭିଃ ।

ମନସ୍ତୁ ସଙ୍କଲ୍ପଵିକଲ୍ପନାଦିଭିଃ

ବୁଦ୍ଧିଃ ପଦାର୍ଥାଧ୍ଯଵସାଯଧର୍ମତଃ

ଶ୍ଲୋକ 94

ଅତ୍ରାଭିମାନାଦହମିତ୍ଯହଙ୍କୃତିଃ ।

ସ୍ଵାର୍ଥାନୁସନ୍ଧାନଗୁଣେନ ଚିତ୍ତମ୍

॥ 93॥

ଶ୍ଲୋକ 95

ପ୍ରାଣାପାନଵ୍ଯାନୋଦାନସମାନା ଭଵତ୍ଯସୌ ପ୍ରାଣଃ ।

ସ୍ଵଯମେଵ ଵୃତ୍ତିଭେଦାଦ୍ଵିକୃତିଭେଦାତ୍ସୁଵର୍ଣସଲିଲାଦିଵତ୍

॥ 94॥

ଶ୍ଲୋକ 96

॥ 95॥ (ପାଠଭେଦଃ - ଵିକୃତେର୍ଭେଦାତ୍ସୁଵର୍ଣସଲିଲମିଵ)

ଵାଗାଦି ପଞ୍ଚ ଶ୍ରଵଣାଦି ପଞ୍ଚ

ପ୍ରାଣାଦି ପଞ୍ଚାଭ୍ରମୁଖାନି ପଞ୍ଚ ।

ବୁଦ୍ଧ୍ଯାଦ୍ଯଵିଦ୍ଯାପି ଚ କାମକର୍ମଣୀ

ପୁର୍ଯଷ୍ଟକଂ ସୂକ୍ଷ୍ମଶରୀରମାହୁଃ

ଶ୍ଲୋକ 97

ଇଦଂ ଶରୀରଂ ଶ‍ଋଣୁ ସୂକ୍ଷ୍ମସଞ୍ଜ୍ଞିତଂ

ଲିଙ୍ଗଂ ତ୍ଵପଞ୍ଚୀକୃତଭୂତସମ୍ଭଵମ୍ ।

ସଵାସନଂ କର୍ମଫଲାନୁଭାଵକଂ

ସ୍ଵାଜ୍ଞାନତୋଽନାଦିରୁପାଧିରାତ୍ମନଃ

॥ 96॥

ଶ୍ଲୋକ 98

ସ୍ଵପ୍ନୋ ଭଵତ୍ଯସ୍ଯ ଵିଭକ୍ତ୍ଯଵସ୍ଥା

ସ୍ଵମାତ୍ରଶେଷେଣ ଵିଭାତି ଯତ୍ର ।

ସ୍ଵପ୍ନେ ତୁ ବୁଦ୍ଧିଃ ସ୍ଵଯମେଵ ଜାଗ୍ରତ୍

କାଲୀନନାନାଵିଧଵାସନାଭିଃ

॥ 97॥

ଶ୍ଲୋକ 99

କର୍ତ୍ରାଦିଭାଵଂ ପ୍ରତିପଦ୍ଯ ରାଜତେ

ଯତ୍ର ସ୍ଵଯଂ ଭାତି ହ୍ଯଯଂ ପରାତ୍ମା । (ପାଠଭେଦଃ - ସ୍ଵଯଞ୍ଜ୍ଯୋତିରଯଂ)

ଧୀମାତ୍ରକୋପାଧିରଶେଷସାକ୍ଷୀ

ନ ଲିପ୍ଯତେ ତତ୍କୃତକର୍ମଲେଶୈଃ । କର୍ମଲେପୈଃ

ଯସ୍ମାଦସଙ୍ଗସ୍ତତ ଏଵ କର୍ମଭିଃ

ନ ଲିପ୍ଯତେ କିଞ୍ଚିଦୁପାଧିନା କୃତୈଃ

॥ 98॥

ଶ୍ଲୋକ 100

ସର୍ଵଵ୍ଯାପୃତିକରଣଂ ଲିଙ୍ଗମିଦଂ ସ୍ଯାଚ୍ଚିଦାତ୍ମନଃ ପୁଂସଃ ।

ଵାସ୍ଯାଦିକମିଵ ତକ୍ଷ୍ଣସ୍ତେନୈଵାତ୍ମା ଭଵତ୍ଯସଙ୍ଗୋଽଯମ୍

॥ 99॥

ଶ୍ଲୋକ 101

ଅନ୍ଧତ୍ଵମନ୍ଦତ୍ଵପଟୁତ୍ଵଧର୍ମାଃ

ସୌଗୁଣ୍ଯଵୈଗୁଣ୍ଯଵଶାଦ୍ଧି ଚକ୍ଷୁଷଃ ।

ବାଧିର୍ଯମୂକତ୍ଵମୁଖାସ୍ତଥୈଵ

ଶ୍ରୋତ୍ରାଦିଧର୍ମା ନ ତୁ ଵେତ୍ତୁରାତ୍ମନଃ

॥ 100॥

ଶ୍ଲୋକ 102

ଉଚ୍ଛ୍ଵାସନିଃଶ୍ଵାସଵିଜୃମ୍ଭଣକ୍ଷୁ-

ତ୍ପ୍ରସ୍ଯନ୍ଦନାଦ୍ଯୁତ୍କ୍ରମଣାଦିକାଃ କ୍ରିଯାଃ । (ପାଠଭେଦଃ - ପ୍ରସ୍ପନ୍ଦନାଦ୍ଯ୍)

ପ୍ରାଣାଦିକର୍ମାଣି ଵଦନ୍ତି ତଜ୍ଞାଃ (ପାଠଭେଦଃ - ତଜ୍ଜ୍ଞାଃ)

ପ୍ରାଣସ୍ଯ ଧର୍ମାଵଶନାପିପାସେ

॥ 101॥

ଶ୍ଲୋକ 103

ଅନ୍ତଃକରଣମେତେଷୁ ଚକ୍ଷୁରାଦିଷୁ ଵର୍ଷ୍ମଣି ।

ଅହମିତ୍ଯଭିମାନେନ ତିଷ୍ଠତ୍ଯାଭାସତେଜସା

॥ 102॥

ଶ୍ଲୋକ 104

ଅହଙ୍କାରଃ ସ ଵିଜ୍ଞେଯଃ କର୍ତା ଭୋକ୍ତାଭିମାନ୍ଯଯମ୍ ।

ସତ୍ତ୍ଵାଦିଗୁଣଯୋଗେନ ଚାଵସ୍ଥାତ୍ରଯମଶ୍ନୁତେ

॥ 103॥

ଶ୍ଲୋକ 105

॥ 104॥ (ପାଠଭେଦଃ - ଯୋଗେନାଵସ୍ଥାତ୍ରିତଯମ୍ଶ୍ନୁତେ)

ଵିଷଯାଣାମାନୁକୂଲ୍ଯେ ସୁଖୀ ଦୁଃଖୀ ଵିପର୍ଯଯେ ।

ସୁଖଂ ଦୁଃଖଂ ଚ ତଦ୍ଧର୍ମଃ ସଦାନନ୍ଦସ୍ଯ ନାତ୍ମନଃ

ଶ୍ଲୋକ 106

ଆତ୍ମାର୍ଥତ୍ଵେନ ହି ପ୍ରେଯାନ୍ଵିଷଯୋ ନ ସ୍ଵତଃ ପ୍ରିଯଃ ।

ସ୍ଵତ ଏଵ ହି ସର୍ଵେଷାମାତ୍ମା ପ୍ରିଯତମୋ ଯତଃ ।

ତତ ଆତ୍ମା ସଦାନନ୍ଦୋ ନାସ୍ଯ ଦୁଃଖଂ କଦାଚନ

॥ 105॥

ଶ୍ଲୋକ 107

ଯତ୍ସୁଷୁପ୍ତୌ ନିର୍ଵିଷଯ ଆତ୍ମାନନ୍ଦୋଽନୁଭୂଯତେ ।

ଶ୍ରୁତିଃ ପ୍ରତ୍ଯକ୍ଷମୈତିହ୍ଯମନୁମାନଂ ଚ ଜାଗ୍ରତି

॥ 106॥

ଶ୍ଲୋକ 108

ଅଵ୍ଯକ୍ତନାମ୍ନୀ ପରମେଶଶକ୍ତିଃ

ଅନାଦ୍ଯଵିଦ୍ଯା ତ୍ରିଗୁଣାତ୍ମିକା ପରା ।

କାର୍ଯାନୁମେଯା ସୁଧିଯୈଵ ମାଯା

ଯଯା ଜଗତ୍ସର୍ଵମିଦଂ ପ୍ରସୂଯତେ

॥ 107॥

ଶ୍ଲୋକ 109

ସନ୍ନାପ୍ଯସନ୍ନାପ୍ଯୁଭଯାତ୍ମିକା ନୋ

ଭିନ୍ନାପ୍ଯଭିନ୍ନାପ୍ଯୁଭଯାତ୍ମିକା ନୋ ।

ସାଙ୍ଗାପ୍ଯନଙ୍ଗା ହ୍ଯୁଭଯାତ୍ମିକା ନୋ (ପାଠଭେଦଃ - ଅନଙ୍ଗାପ୍ଯୁଭଯାତ୍ମିକା)

ମହାଦ୍ଭୁତାଽନିର୍ଵଚନୀଯରୂପା

॥ 108॥

ଶ୍ଲୋକ 110

ଶୁଦ୍ଧାଦ୍ଵଯବ୍ରହ୍ମଵିବୋଧନାଶ୍ଯା

ସର୍ପଭ୍ରମୋ ରଜ୍ଜୁଵିଵେକତୋ ଯଥା ।

ରଜସ୍ତମଃସତ୍ତ୍ଵମିତି ପ୍ରସିଦ୍ଧା

ଗୁଣାସ୍ତଦୀଯାଃ ପ୍ରଥିତୈଃ ସ୍ଵକାର୍ଯୈଃ

॥ 109॥

ଶ୍ଲୋକ 111

ଵିକ୍ଷେପଶକ୍ତୀ ରଜସଃ କ୍ରିଯାତ୍ମିକା

ଯତଃ ପ୍ରଵୃତ୍ତିଃ ପ୍ରସୃତା ପୁରାଣୀ ।

ରାଗାଦଯୋଽସ୍ଯାଃ ପ୍ରଭଵନ୍ତି ନିତ୍ଯଂ

ଦୁଃଖାଦଯୋ ଯେ ମନସୋ ଵିକାରାଃ

॥ 110॥

ଶ୍ଲୋକ 112

କାମଃ କ୍ରୋଧୋ ଲୋଭଦମ୍ଭାଦ୍ଯସୂଯା (ପାଠଭେଦଃ - ଲୋଭଦମ୍ଭାଭ୍ଯସୂଯା)

ଅହଙ୍କାରେର୍ଷ୍ଯାମତ୍ସରାଦ୍ଯାସ୍ତୁ ଘୋରାଃ ।

ଧର୍ମା ଏତେ ରାଜସାଃ ପୁମ୍ପ୍ରଵୃତ୍ତି-

ର୍ଯସ୍ମାଦେଷା ତଦ୍ରଜୋ ବନ୍ଧହେତୁଃ

॥ 111॥

ଶ୍ଲୋକ 113

॥ 112॥ (ପାଠଭେଦଃ - ଯସ୍ମାଦେତତ୍ତଦ୍ରଜୋ)

ଏଷାଽଽଵୃତିର୍ନାମ ତମୋଗୁଣସ୍ଯ

ଶକ୍ତିର୍ମଯା ଵସ୍ତ୍ଵଵଭାସତେଽନ୍ଯଥା । ଶକ୍ତିର୍ଯଯା

ସୈଷା ନିଦାନଂ ପୁରୁଷସ୍ଯ ସଂସୃତେଃ

ଵିକ୍ଷେପଶକ୍ତେଃ ପ୍ରଵଣସ୍ଯ ହେତୁଃ

ଶ୍ଲୋକ 114

॥ 113॥ (ପାଠଭେଦଃ - ପ୍ରସରସ୍ଯ)

ପ୍ରଜ୍ଞାଵାନପି ପଣ୍ଡିତୋଽପି ଚତୁରୋଽପ୍ଯତ୍ଯନ୍ତସୂକ୍ଷ୍ମାତ୍ମଦୃଗ୍- (ପାଠଭେଦଃ - ସୂକ୍ଷ୍ମାର୍ଥଦୃଗ୍)

ଵ୍ଯାଲୀଢସ୍ତମସା ନ ଵେତ୍ତି ବହୁଧା ସମ୍ବୋଧିତୋଽପି ସ୍ଫୁଟମ୍ ।

ଭ୍ରାନ୍ତ୍ଯାରୋପିତମେଵ ସାଧୁ କଲଯତ୍ଯାଲମ୍ବତେ ତଦ୍ଗୁଣାନ୍

ହନ୍ତାସୌ ପ୍ରବଲା ଦୁରନ୍ତତମସଃ ଶକ୍ତିର୍ମହତ୍ଯାଵୃତିଃ

ଶ୍ଲୋକ 115

ଅଭାଵନା ଵା ଵିପରୀତଭାଵନାଽ- (ପାଠଭେଦଃ - ଵିପରୀତଭାଵନା)

ସମ୍ଭାଵନା ଵିପ୍ରତିପତ୍ତିରସ୍ଯାଃ ।

ସଂସର୍ଗଯୁକ୍ତଂ ନ ଵିମୁଞ୍ଚତି ଧ୍ରୁଵଂ

ଵିକ୍ଷେପଶକ୍ତିଃ କ୍ଷପଯତ୍ଯଜସ୍ରମ୍

॥ 114॥

ଶ୍ଲୋକ 116

ଅଜ୍ଞାନମାଲସ୍ଯଜଡତ୍ଵନିଦ୍ରା-

ପ୍ରମାଦମୂଢତ୍ଵମୁଖାସ୍ତମୋଗୁଣାଃ ।

ଏତୈଃ ପ୍ରଯୁକ୍ତୋ ନ ହି ଵେତ୍ତି କିଞ୍ଚିତ୍

ନିଦ୍ରାଲୁଵତ୍ସ୍ତମ୍ଭଵଦେଵ ତିଷ୍ଠତି

॥ 115॥

ଶ୍ଲୋକ 117

ସତ୍ତ୍ଵଂ ଵିଶୁଦ୍ଧଂ ଜଲଵତ୍ତଥାପି

ତାଭ୍ଯାଂ ମିଲିତ୍ଵା ସରଣାଯ କଲ୍ପତେ ।

ଯତ୍ରାତ୍ମବିମ୍ବଃ ପ୍ରତିବିମ୍ବିତଃ ସନ୍

ପ୍ରକାଶଯତ୍ଯର୍କ ଇଵାଖିଲଂ ଜଡମ୍

॥ 116॥

ଶ୍ଲୋକ 118

ମିଶ୍ରସ୍ଯ ସତ୍ତ୍ଵସ୍ଯ ଭଵନ୍ତି ଧର୍ମାଃ

ତ୍ଵମାନିତାଦ୍ଯା ନିଯମା ଯମାଦ୍ଯାଃ ।

ଶ୍ରଦ୍ଧା ଚ ଭକ୍ତିଶ୍ଚ ମୁମୁକ୍ଷୁତା ଚ

ଦୈଵୀ ଚ ସମ୍ପତ୍ତିରସନ୍ନିଵୃତ୍ତିଃ

॥ 117॥

ଶ୍ଲୋକ 119

ଵିଶୁଦ୍ଧସତ୍ତ୍ଵସ୍ଯ ଗୁଣାଃ ପ୍ରସାଦଃ

ସ୍ଵାତ୍ମାନୁଭୂତିଃ ପରମା ପ୍ରଶାନ୍ତିଃ ।

ତୃପ୍ତିଃ ପ୍ରହର୍ଷଃ ପରମାତ୍ମନିଷ୍ଠା

ଯଯା ସଦାନନ୍ଦରସଂ ସମୃଚ୍ଛତି

॥ 118॥

ଶ୍ଲୋକ 120

ଅଵ୍ଯକ୍ତମେତତ୍ତ୍ରିଗୁଣୈର୍ନିରୁକ୍ତଂ

ତତ୍କାରଣଂ ନାମ ଶରୀରମାତ୍ମନଃ ।

ସୁଷୁପ୍ତିରେତସ୍ଯ ଵିଭକ୍ତ୍ଯଵସ୍ଥା

ପ୍ରଲୀନସର୍ଵେନ୍ଦ୍ରିଯବୁଦ୍ଧିଵୃତ୍ତିଃ

॥ 119॥

ଶ୍ଲୋକ 121

ସର୍ଵପ୍ରକାରପ୍ରମିତିପ୍ରଶାନ୍ତିଃ

ବୀଜାତ୍ମନାଵସ୍ଥିତିରେଵ ବୁଦ୍ଧେଃ ।

ସୁଷୁପ୍ତିରେତସ୍ଯ କିଲ ପ୍ରତୀତିଃ (ପାଠଭେଦଃ - ସୁଷୁପ୍ତିରତ୍ରାସ୍ଯ)

କିଞ୍ଚିନ୍ନ ଵେଦ୍ମୀତି ଜଗତ୍ପ୍ରସିଦ୍ଧେଃ

॥ 120॥

ଶ୍ଲୋକ 122

ଦେହେନ୍ଦ୍ରିଯପ୍ରାଣମନୋଽହମାଦଯଃ

ସର୍ଵେ ଵିକାରା ଵିଷଯାଃ ସୁଖାଦଯଃ ।

ଵ୍ଯୋମାଦିଭୂତାନ୍ଯଖିଲଂ ଚ ଵିଶ୍ଵଂ

ଅଵ୍ଯକ୍ତପର୍ଯନ୍ତମିଦଂ ହ୍ଯନାତ୍ମା

॥ 121॥

ଶ୍ଲୋକ 123

ମାଯା ମାଯାକାର୍ଯଂ ସର୍ଵଂ ମହଦାଦିଦେହପର୍ଯନ୍ତମ୍ ।

ଅସଦିଦମନାତ୍ମତତ୍ତ୍ଵଂ ଵିଦ୍ଧି ତ୍ଵଂ ମରୁମରୀଚିକାକଲ୍ପମ୍

॥ 122॥

ଶ୍ଲୋକ 124

ଅଥ ତେ ସମ୍ପ୍ରଵକ୍ଷ୍ଯାମି ସ୍ଵରୂପଂ ପରମାତ୍ମନଃ ।

ଯଦ୍ଵିଜ୍ଞାଯ ନରୋ ବନ୍ଧାନ୍ମୁକ୍ତଃ କୈଵଲ୍ଯମଶ୍ନୁତେ

॥ 123॥

ଶ୍ଲୋକ 125

ଅସ୍ତି କଶ୍ଚିତ୍ସ୍ଵଯଂ ନିତ୍ଯମହମ୍ପ୍ରତ୍ଯଯଲମ୍ବନଃ ।

ଅଵସ୍ଥାତ୍ରଯସାକ୍ଷୀ ସନ୍ପଞ୍ଚକୋଶଵିଲକ୍ଷଣଃ

॥ 124॥

ଶ୍ଲୋକ 126

ଯୋ ଵିଜାନାତି ସକଲଂ ଜାଗ୍ରତ୍ସ୍ଵପ୍ନସୁଷୁପ୍ତିଷୁ ।

ବୁଦ୍ଧିତଦ୍ଵୃତ୍ତିସଦ୍ଭାଵମଭାଵମହମିତ୍ଯଯମ୍

॥ 125॥

ଶ୍ଲୋକ 127

ଯଃ ପଶ୍ଯତି ସ୍ଵଯଂ ସର୍ଵଂ ଯଂ ନ ପଶ୍ଯତି କଶ୍ଚନ । (ପାଠଭେଦଃ - କିଞ୍ଚନ)

ଯଶ୍ଚେତଯତି ବୁଦ୍ଧ୍ଯାଦି ନ ତଦ୍ଯଂ ଚେତଯତ୍ଯଯମ୍

॥ 126॥

ଶ୍ଲୋକ 128

ଯେନ ଵିଶ୍ଵମିଦଂ ଵ୍ଯାପ୍ତଂ ଯଂ ନ ଵ୍ଯାପ୍ନୋତି କିଞ୍ଚନ ।

ଆଭାରୂପମିଦଂ ସର୍ଵଂ ଯଂ ଭାନ୍ତମନୁଭାତ୍ଯଯମ୍

॥ 127॥

ଶ୍ଲୋକ 129

ଯସ୍ଯ ସନ୍ନିଧିମାତ୍ରେଣ ଦେହେନ୍ଦ୍ରିଯମନୋଧିଯଃ ।

ଵିଷଯେଷୁ ସ୍ଵକୀଯେଷୁ ଵର୍ତନ୍ତେ ପ୍ରେରିତା ଇଵ

॥ 128॥

ଶ୍ଲୋକ 130

ଅହଙ୍କାରାଦିଦେହାନ୍ତା ଵିଷଯାଶ୍ଚ ସୁଖାଦଯଃ ।

ଵେଦ୍ଯନ୍ତେ ଘଟଵଦ୍ଯେନ ନିତ୍ଯବୋଧସ୍ଵରୂପିଣା

॥ 129॥

ଶ୍ଲୋକ 131

ଏଷୋଽନ୍ତରାତ୍ମା ପୁରୁଷଃ ପୁରାଣୋ

ନିରନ୍ତରାଖଣ୍ଡସୁଖାନୁଭୂତିଃ ।

ସଦୈକରୂପଃ ପ୍ରତିବୋଧମାତ୍ରୋ

ଯେନେଷିତା ଵାଗସଵଶ୍ଚରନ୍ତି

॥ 130॥

ଶ୍ଲୋକ 132

ଅତ୍ରୈଵ ସତ୍ତ୍ଵାତ୍ମନି ଧୀଗୁହାଯାଂ

ଅଵ୍ଯାକୃତାକାଶ ଉଶତ୍ପ୍ରକାଶଃ । (ପାଠଭେଦଃ - ଉରୁପ୍ରକାଶଃ)

ଆକାଶ ଉଚ୍ଚୈ ରଵିଵତ୍ପ୍ରକାଶତେ

ସ୍ଵତେଜସା ଵିଶ୍ଵମିଦଂ ପ୍ରକାଶଯନ୍

॥ 131॥

ଶ୍ଲୋକ 133

ଜ୍ଞାତା ମନୋଽହଙ୍କୃତିଵିକ୍ରିଯାଣାଂ

ଦେହେନ୍ଦ୍ରିଯପ୍ରାଣକୃତକ୍ରିଯାଣାମ୍ ।

ଅଯୋଽଗ୍ନିଵତ୍ତାନନୁଵର୍ତମାନୋ

ନ ଚେଷ୍ଟତେ ନୋ ଵିକରୋତି କିଞ୍ଚନ

॥ 132॥

ଶ୍ଲୋକ 134

ନ ଜାଯତେ ନୋ ମ୍ରିଯତେ ନ ଵର୍ଧତେ

ନ କ୍ଷୀଯତେ ନୋ ଵିକରୋତି ନିତ୍ଯଃ ।

ଵିଲୀଯମାନେଽପି ଵପୁଷ୍ଯମୁଷ୍ମି-

ନ୍ନ ଲୀଯତେ କୁମ୍ଭ ଇଵାମ୍ବରଂ ସ୍ଵଯମ୍

॥ 133॥

ଶ୍ଲୋକ 135

ପ୍ରକୃତିଵିକୃତିଭିନ୍ନଃ ଶୁଦ୍ଧବୋଧସ୍ଵଭାଵଃ

ସଦସଦିଦମଶେଷଂ ଭାସଯନ୍ନିର୍ଵିଶେଷଃ ।

ଵିଲସତି ପରମାତ୍ମା ଜାଗ୍ରଦାଦିଷ୍ଵଵସ୍ଥା-

ସ୍ଵହମହମିତି ସାକ୍ଷାତ୍ସାକ୍ଷିରୂପେଣ ବୁଦ୍ଧେଃ

॥ 134॥

ଶ୍ଲୋକ 136

ନିଯମିତମନସାମୁଂ ତ୍ଵଂ ସ୍ଵମାତ୍ମାନମାତ୍ମ-

ନ୍ଯଯମହମିତି ସାକ୍ଷାଦ୍ଵିଦ୍ଧି ବୁଦ୍ଧିପ୍ରସାଦାତ୍ ।

ଜନିମରଣତରଙ୍ଗାପାରସଂସାରସିନ୍ଧୁଂ

ପ୍ରତର ଭଵ କୃତାର୍ଥୋ ବ୍ରହ୍ମରୂପେଣ ସଂସ୍ଥଃ

॥ 135॥

ଶ୍ଲୋକ 137

ଅତ୍ରାନାତ୍ମନ୍ଯହମିତି ମତିର୍ବନ୍ଧ ଏଷୋଽସ୍ଯ ପୁଂସଃ

ପ୍ରାପ୍ତୋଽଜ୍ଞାନାଜ୍ଜନନମରଣକ୍ଲେଶସମ୍ପାତହେତୁଃ ।

ଯେନୈଵାଯଂ ଵପୁରିଦମସତ୍ସତ୍ଯମିତ୍ଯାତ୍ମବୁଦ୍ଧ୍ଯା

ପୁଷ୍ଯତ୍ଯୁକ୍ଷତ୍ଯଵତି ଵିଷଯୈସ୍ତନ୍ତୁଭିଃ କୋଶକୃଦ୍ଵତ୍

॥ 136॥

ଶ୍ଲୋକ 138

ଅତସ୍ମିଂସ୍ତଦ୍ବୁଦ୍ଧିଃ ପ୍ରଭଵତି ଵିମୂଢସ୍ଯ ତମସା

ଵିଵେକାଭାଵାଦ୍ଵୈ ସ୍ଫୁରତି ଭୁଜଗେ ରଜ୍ଜୁଧିଷଣା ।

ତତୋଽନର୍ଥଵ୍ରାତୋ ନିପତତି ସମାଦାତୁରଧିକଃ

ତତୋ ଯୋଽସଦ୍ଗ୍ରାହଃ ସ ହି ଭଵତି ବନ୍ଧଃ ଶଋଣୁ ସଖେ

॥ 137॥

ଶ୍ଲୋକ 139

ଅଖଣ୍ଡନିତ୍ଯାଦ୍ଵଯବୋଧଶକ୍ତ୍ଯା

ସ୍ଫୁରନ୍ତମାତ୍ମାନମନନ୍ତଵୈଭଵମ୍ ।

ସମାଵୃଣୋତ୍ଯାଵୃତିଶକ୍ତିରେଷା

ତମୋମଯୀ ରାହୁରିଵାର୍କବିମ୍ବମ୍

॥ 138॥

ଶ୍ଲୋକ 140

ତିରୋଭୂତେ ସ୍ଵାତ୍ମନ୍ଯମଲତରତେଜୋଵତି ପୁମାନ୍

ଅନାତ୍ମାନଂ ମୋହାଦହମିତି ଶରୀରଂ କଲଯତି ।

ତତଃ କାମକ୍ରୋଧପ୍ରଭୃତିଭିରମୁଂ ବନ୍ଧନଗୁଣୈଃ (ପାଠଭେଦଃ - ବନ୍ଧକଗୁଣୈଃ)

ପରଂ ଵିକ୍ଷେପାଖ୍ଯା ରଜସ ଉରୁଶକ୍ତିର୍ଵ୍ଯଥଯତି

॥ 139॥

ଶ୍ଲୋକ 141

ମହାମୋହଗ୍ରାହଗ୍ରସନଗଲିତାତ୍ମାଵଗମନୋ

ଧିଯୋ ନାନାଵସ୍ଥାଂ ସ୍ଵଯମଭିନଯଂସ୍ତଦ୍ଗୁଣତଯା । (ପାଠଭେଦଃ - ନାନାଵସ୍ଥାଃ)

ଅପାରେ ସଂସାରେ ଵିଷଯଵିଷପୂରେ ଜଲନିଧୌ

ନିମଜ୍ଯୋନ୍ମଜ୍ଯାଯଂ ଭ୍ରମତି କୁମତିଃ କୁତ୍ସିତଗତିଃ

॥ 140॥

ଶ୍ଲୋକ 142

ଭାନୁପ୍ରଭାସଞ୍ଜନିତାଭ୍ରପଙ୍କ୍ତିଃ

ଭାନୁଂ ତିରୋଧାଯ ଵିଜୃମ୍ଭତେ ଯଥା ।

ଆତ୍ମୋଦିତାହଙ୍କୃତିରାତ୍ମତତ୍ତ୍ଵଂ

ତଥା ତିରୋଧାଯ ଵିଜୃମ୍ଭତେ ସ୍ଵଯମ୍

॥ 141॥

ଶ୍ଲୋକ 143

କଵଲିତଦିନନାଥେ ଦୁର୍ଦିନେ ସାନ୍ଦ୍ରମେଘୈଃ

ଵ୍ଯଥଯତି ହିମଝଞ୍ଝାଵାଯୁରୁଗ୍ରୋ ଯଥୈତାନ୍ ।

ଅଵିରତତମସାଽଽତ୍ମନ୍ଯାଵୃତେ ମୂଢବୁଦ୍ଧିଂ

କ୍ଷପଯତି ବହୁଦୁଃଖୈସ୍ତୀଵ୍ରଵିକ୍ଷେପଶକ୍ତିଃ

॥ 142॥

ଶ୍ଲୋକ 144

ଏତାଭ୍ଯାମେଵ ଶକ୍ତିଭ୍ଯାଂ ବନ୍ଧଃ ପୁଂସଃ ସମାଗତଃ ।

ଯାଭ୍ଯାଂ ଵିମୋହିତୋ ଦେହଂ ମତ୍ଵାଽଽତ୍ମାନଂ ଭ୍ରମତ୍ଯଯମ୍

॥ 143॥

ଶ୍ଲୋକ 145

ବୀଜଂ ସଂସୃତିଭୂମିଜସ୍ଯ ତୁ ତମୋ ଦେହାତ୍ମଧୀରଙ୍କୁରୋ

ରାଗଃ ପଲ୍ଲଵମମ୍ବୁ କର୍ମ ତୁ ଵପୁଃ ସ୍କନ୍ଧୋଽସଵଃ ଶାଖିକାଃ ।

ଅଗ୍ରାଣୀନ୍ଦ୍ରିଯସଂହତିଶ୍ଚ ଵିଷଯାଃ ପୁଷ୍ପାଣି ଦୁଃଖଂ ଫଲଂ

ନାନାକର୍ମସମୁଦ୍ଭଵଂ ବହୁଵିଧଂ ଭୋକ୍ତାତ୍ର ଜୀଵଃ ଖଗଃ

॥ 144॥

ଶ୍ଲୋକ 146

ଅଜ୍ଞାନମୂଲୋଽଯମନାତ୍ମବନ୍ଧୋ

ନୈସର୍ଗିକୋଽନାଦିରନନ୍ତ ଈରିତଃ ।

ଜନ୍ମାପ୍ଯଯଵ୍ଯାଧିଜରାଦିଦୁଃଖ-

ପ୍ରଵାହପାତଂ ଜନଯତ୍ଯମୁଷ୍ଯ

॥ 145॥

ଶ୍ଲୋକ 147

ନାସ୍ତ୍ରୈର୍ନ ଶସ୍ତ୍ରୈରନିଲେନ ଵହ୍ନିନା

ଛେତ୍ତୁଂ ନ ଶକ୍ଯୋ ନ ଚ କର୍ମକୋଟିଭିଃ ।

ଵିଵେକଵିଜ୍ଞାନମହାସିନା ଵିନା

ଧାତୁଃ ପ୍ରସାଦେନ ଶିତେନ ମଞ୍ଜୁନା

॥ 146॥

ଶ୍ଲୋକ 148

ଶ୍ରୁତିପ୍ରମାଣୈକମତେଃ ସ୍ଵଧର୍ମ

ନିଷ୍ଠା ତଯୈଵାତ୍ମଵିଶୁଦ୍ଧିରସ୍ଯ ।

ଵିଶୁଦ୍ଧବୁଦ୍ଧେଃ ପରମାତ୍ମଵେଦନଂ

ତେନୈଵ ସଂସାରସମୂଲନାଶଃ

॥ 147॥

ଶ୍ଲୋକ 149

କୋଶୈରନ୍ନମଯାଦ୍ଯୈଃ ପଞ୍ଚଭିରାତ୍ମା ନ ସଂଵୃତୋ ଭାତି ।

ନିଜଶକ୍ତିସମୁତ୍ପନ୍ନୈଃ ଶୈଵାଲପଟଲୈରିଵାମ୍ବୁ ଵାପୀସ୍ଥମ୍

॥ 148॥

ଶ୍ଲୋକ 150

ତଚ୍ଛୈଵାଲାପନଯେ ସମ୍ଯକ୍ ସଲିଲଂ ପ୍ରତୀଯତେ ଶୁଦ୍ଧମ୍ ।

ତୃଷ୍ଣାସନ୍ତାପହରଂ ସଦ୍ଯଃ ସୌଖ୍ଯପ୍ରଦଂ ପରଂ ପୁଂସଃ

॥ 149॥

ଶ୍ଲୋକ 151

ପଞ୍ଚାନାମପି କୋଶାନାମପଵାଦେ ଵିଭାତ୍ଯଯଂ ଶୁଦ୍ଧଃ ।

ନିତ୍ଯାନନ୍ଦୈକରସଃ ପ୍ରତ୍ଯଗ୍ରୂପଃ ପରଃ ସ୍ଵଯଞ୍ଜ୍ଯୋତିଃ

॥ 150॥

ଶ୍ଲୋକ 152

ଆତ୍ମାନାତ୍ମଵିଵେକଃ କର୍ତଵ୍ଯୋ ବନ୍ଧମୁକ୍ତଯେ ଵିଦୁଷା ।

ତେନୈଵାନନ୍ଦୀ ଭଵତି ସ୍ଵଂ ଵିଜ୍ଞାଯ ସଚ୍ଚିଦାନନ୍ଦମ୍

॥ 151॥

ଶ୍ଲୋକ 153

ମୁଞ୍ଜାଦିଷୀକାମିଵ ଦୃଶ୍ଯଵର୍ଗାତ୍

ପ୍ରତ୍ଯଞ୍ଚମାତ୍ମାନମସଙ୍ଗମକ୍ରିଯମ୍ ।

ଵିଵିଚ୍ଯ ତତ୍ର ପ୍ରଵିଲାପ୍ଯ ସର୍ଵଂ

ତଦାତ୍ମନା ତିଷ୍ଠତି ଯଃ ସ ମୁକ୍ତଃ

॥ 152॥

ଶ୍ଲୋକ 154

ଦେହୋଽଯମନ୍ନଭଵନୋଽନ୍ନମଯସ୍ତୁ କୋଶ- (ପାଠଭେଦଃ - କୋଶୋ)

ଶ୍ଚାନ୍ନେନ ଜୀଵତି ଵିନଶ୍ଯତି ତଦ୍ଵିହୀନଃ । (ପାଠଭେଦଃ - ହ୍ଯନ୍ନେନ)

ତ୍ଵକ୍ଚର୍ମମାଂସରୁଧିରାସ୍ଥିପୁରୀଷରାଶି-

ର୍ନାଯଂ ସ୍ଵଯଂ ଭଵିତୁମର୍ହତି ନିତ୍ଯଶୁଦ୍ଧଃ

॥ 153॥

ଶ୍ଲୋକ 155

ପୂର୍ଵଂ ଜନେରଧିମୃତେରପି ନାଯମସ୍ତି (ପାଠଭେଦଃ - ଜନେରପିମୃତେରଥ)

ଜାତକ୍ଷଣଃ କ୍ଷଣଗୁଣୋଽନିଯତସ୍ଵଭାଵଃ ।

ନୈକୋ ଜଡଶ୍ଚ ଘଟଵତ୍ପରିଦୃଶ୍ଯମାନଃ

ସ୍ଵାତ୍ମା କଥଂ ଭଵତି ଭାଵଵିକାରଵେତ୍ତା

॥ 154॥

ଶ୍ଲୋକ 156

ପାଣିପାଦାଦିମାନ୍ଦେହୋ ନାତ୍ମା ଵ୍ଯଙ୍ଗେଽପି ଜୀଵନାତ୍ ।

ତତ୍ତଚ୍ଛକ୍ତେରନାଶାଚ୍ଚ ନ ନିଯମ୍ଯୋ ନିଯାମକଃ

॥ 155॥

ଶ୍ଲୋକ 157

ଦେହତଦ୍ଧର୍ମତତ୍କର୍ମତଦଵସ୍ଥାଦିସାକ୍ଷିଣଃ ।

ସତ ଏଵ ସ୍ଵତଃସିଦ୍ଧଂ ତଦ୍ଵୈଲକ୍ଷଣ୍ଯମାତ୍ମନଃ

॥ 156॥

ଶ୍ଲୋକ 158

ଶଲ୍ଯରାଶିର୍ମାଂସଲିପ୍ତୋ ମଲପୂର୍ଣୋଽତିକଶ୍ମଲଃ ।

କଥଂ ଭଵେଦଯଂ ଵେତ୍ତା ସ୍ଵଯମେତଦ୍ଵିଲକ୍ଷଣଃ

॥ 157॥

ଶ୍ଲୋକ 159

ତ୍ଵଙ୍ମାଂସମେଦୋଽସ୍ଥିପୁରୀଷରାଶା-

ଵହମ୍ମତିଂ ମୂଢଜନଃ କରୋତି ।

ଵିଲକ୍ଷଣଂ ଵେତ୍ତି ଵିଚାରଶୀଲୋ

ନିଜସ୍ଵରୂପଂ ପରମାର୍ଥଭୂତମ୍

॥ 158॥

ଶ୍ଲୋକ 160

ଦେହୋଽହମିତ୍ଯେଵ ଜଡସ୍ଯ ବୁଦ୍ଧିଃ

ଦେହେ ଚ ଜୀଵେ ଵିଦୁଷସ୍ତ୍ଵହନ୍ଧୀଃ ।

ଵିଵେକଵିଜ୍ଞାନଵତୋ ମହାତ୍ମନୋ

ବ୍ରହ୍ମାହମିତ୍ଯେଵ ମତିଃ ସଦାତ୍ମନି

॥ 159॥

ଶ୍ଲୋକ 161

ଅତ୍ରାତ୍ମବୁଦ୍ଧିଂ ତ୍ଯଜ ମୂଢବୁଦ୍ଧେ

ତ୍ଵଙ୍ମାଂସମେଦୋଽସ୍ଥିପୁରୀଷରାଶୌ ।

ସର୍ଵାତ୍ମନି ବ୍ରହ୍ମଣି ନିର୍ଵିକଲ୍ପେ

କୁରୁଷ୍ଵ ଶାନ୍ତିଂ ପରମାଂ ଭଜସ୍ଵ

॥ 160॥

ଶ୍ଲୋକ 162

ଦେହେନ୍ଦ୍ରିଯାଦାଵସତି ଭ୍ରମୋଦିତାଂ

ଵିଦ୍ଵାନହନ୍ତାଂ ନ ଜହାତି ଯାଵତ୍ ।

ତାଵନ୍ନ ତସ୍ଯାସ୍ତି ଵିମୁକ୍ତିଵାର୍ତା-

ପ୍ଯସ୍ତ୍ଵେଷ ଵେଦାନ୍ତନଯାନ୍ତଦର୍ଶୀ

॥ 161॥

ଶ୍ଲୋକ 163

ଛାଯାଶରୀରେ ପ୍ରତିବିମ୍ବଗାତ୍ରେ

ଯତ୍ସ୍ଵପ୍ନଦେହେ ହୃଦି କଲ୍ପିତାଙ୍ଗେ ।

ଯଥାତ୍ମବୁଦ୍ଧିସ୍ତଵ ନାସ୍ତି କାଚି-

ଜ୍ଜୀଵଚ୍ଛରୀରେ ଚ ତଥୈଵ ମାଽସ୍ତୁ

॥ 162॥

ଶ୍ଲୋକ 164

ଦେହାତ୍ମଧୀରେଵ ନୃଣାମସଦ୍ଧିଯାଂ

ଜନ୍ମାଦିଦୁଃଖପ୍ରଭଵସ୍ଯ ବୀଜମ୍ ।

ଯତସ୍ତତସ୍ତ୍ଵଂ ଜହି ତାଂ ପ୍ରଯତ୍ନାତ୍

ତ୍ଯକ୍ତେ ତୁ ଚିତ୍ତେ ନ ପୁନର୍ଭଵାଶା

॥ 163॥

ଶ୍ଲୋକ 165

କର୍ମେନ୍ଦ୍ରିଯୈଃ ପଞ୍ଚଭିରଞ୍ଚିତୋଽଯଂ

ପ୍ରାଣୋ ଭଵେତ୍ପ୍ରାଣମଯସ୍ତୁ କୋଶଃ ॥

ଯେନାତ୍ମଵାନନ୍ନମଯୋଽନୁପୂର୍ଣଃ

ପ୍ରଵର୍ତତେଽସୌ ସକଲକ୍ରିଯାସୁ

॥ 164॥

ଶ୍ଲୋକ 166

ନୈଵାତ୍ମାପି ପ୍ରାଣମଯୋ ଵାଯୁଵିକାରୋ (ପାଠଭେଦଃ - ନୈଵାତ୍ମାଯଂ)

ଗନ୍ତାଽଽଗନ୍ତା ଵାଯୁଵଦନ୍ତର୍ବହିରେଷଃ ।

ଯସ୍ମାତ୍କିଞ୍ଚିତ୍କ୍ଵାପି ନ ଵେତ୍ତୀଷ୍ଟମନିଷ୍ଟଂ

ସ୍ଵଂ ଵାନ୍ଯଂ ଵା କିଞ୍ଚନ ନିତ୍ଯଂ ପରତନ୍ତ୍ରଃ

॥ 165॥

ଶ୍ଲୋକ 167

ଜ୍ଞାନେନ୍ଦ୍ରିଯାଣି ଚ ମନଶ୍ଚ ମନୋମଯଃ ସ୍ଯାତ୍

କୋଶୋ ମମାହମିତି ଵସ୍ତୁଵିକଲ୍ପହେତୁଃ ।

ସଞ୍ଜ୍ଞାଦିଭେଦକଲନାକଲିତୋ ବଲୀଯାଂ-

ସ୍ତତ୍ପୂର୍ଵକୋଶମଭିପୂର୍ଯ ଵିଜୃମ୍ଭତେ ଯଃ

॥ 166॥

ଶ୍ଲୋକ 168

॥ 167॥ (ପାଠଭେଦଃ - ଅନୁପୂର୍ଯ)

ପଞ୍ଚେନ୍ଦ୍ରିଯୈଃ ପଞ୍ଚଭିରେଵ ହୋତୃଭିଃ

ପ୍ରଚୀଯମାନୋ ଵିଷଯାଜ୍ଯଧାରଯା ।

ଜାଜ୍ଵଲ୍ଯମାନୋ ବହୁଵାସନେନ୍ଧନୈଃ

ମନୋମଯାଗ୍ନିର୍ଦହତି ପ୍ରପଞ୍ଚମ୍

ଶ୍ଲୋକ 169

॥ 168॥ (ପାଠଭେଦଃ - ମନୋମଯୋଽଗ୍ନିର୍ଦହତି)

ନ ହ୍ଯସ୍ତ୍ଯଵିଦ୍ଯା ମନସୋଽତିରିକ୍ତା

ମନୋ ହ୍ଯଵିଦ୍ଯା ଭଵବନ୍ଧହେତୁଃ ।

ତସ୍ମିନ୍ଵିନଷ୍ଟେ ସକଲଂ ଵିନଷ୍ଟଂ

ଵିଜୃମ୍ଭିତେଽସ୍ମିନ୍ସକଲଂ ଵିଜୃମ୍ଭତେ

ଶ୍ଲୋକ 170

ସ୍ଵପ୍ନେଽର୍ଥଶୂନ୍ଯେ ସୃଜତି ସ୍ଵଶକ୍ତ୍ଯା

ଭୋକ୍ତ୍ରାଦିଵିଶ୍ଵଂ ମନ ଏଵ ସର୍ଵମ୍ ।

ତଥୈଵ ଜାଗ୍ରତ୍ଯପି ନୋ ଵିଶେଷଃ

ତତ୍ସର୍ଵମେତନ୍ମନସୋ ଵିଜୃମ୍ଭଣମ୍

॥ 169॥

ଶ୍ଲୋକ 171

ସୁଷୁପ୍ତିକାଲେ ମନସି ପ୍ରଲୀନେ

ନୈଵାସ୍ତି କିଞ୍ଚିତ୍ସକଲପ୍ରସିଦ୍ଧେଃ ।

ଅତୋ ମନଃକଲ୍ପିତ ଏଵ ପୁଂସଃ

ସଂସାର ଏତସ୍ଯ ନ ଵସ୍ତୁତୋଽସ୍ତି

॥ 170॥

ଶ୍ଲୋକ 172

ଵାଯୁନାଽଽନୀଯତେ ମେଘଃ ପୁନସ୍ତେନୈଵ ନୀଯତେ । (ପାଠଭେଦଃ - ଵାଯୁନା ନୀଯତେ ମେଘଃ ପୁନସ୍ତେନୈଵ ଲୀଯତେ)

ମନସା କଲ୍ପ୍ଯତେ ବନ୍ଧୋ ମୋକ୍ଷସ୍ତେନୈଵ କଲ୍ପ୍ଯତେ

॥ 171॥

ଶ୍ଲୋକ 173

ଦେହାଦିସର୍ଵଵିଷଯେ ପରିକଲ୍ପ୍ଯ ରାଗଂ

ବଧ୍ନାତି ତେନ ପୁରୁଷଂ ପଶୁଵଦ୍ଗୁଣେନ ।

ଵୈରସ୍ଯମତ୍ର ଵିଷଵତ୍ ସୁଵିଧାଯ ପଶ୍ଚାଦ୍

ଏନଂ ଵିମୋଚଯତି ତନ୍ମନ ଏଵ ବନ୍ଧାତ୍

॥ 172॥

ଶ୍ଲୋକ 174

ତସ୍ମାନ୍ମନଃ କାରଣମସ୍ଯ ଜନ୍ତୋଃ

ବନ୍ଧସ୍ଯ ମୋକ୍ଷସ୍ଯ ଚ ଵା ଵିଧାନେ ।

ବନ୍ଧସ୍ଯ ହେତୁର୍ମଲିନଂ ରଜୋଗୁଣୈଃ

ମୋକ୍ଷସ୍ଯ ଶୁଦ୍ଧଂ ଵିରଜସ୍ତମସ୍କମ୍

॥ 173॥

ଶ୍ଲୋକ 175

ଵିଵେକଵୈରାଗ୍ଯଗୁଣାତିରେକା-

ଚ୍ଛୁଦ୍ଧତ୍ଵମାସାଦ୍ଯ ମନୋ ଵିମୁକ୍ତ୍ଯୈ ।

ଭଵତ୍ଯତୋ ବୁଦ୍ଧିମତୋ ମୁମୁକ୍ଷୋ-

ସ୍ତାଭ୍ଯାଂ ଦୃଢାଭ୍ଯାଂ ଭଵିତଵ୍ଯମଗ୍ରେ

॥ 174॥

ଶ୍ଲୋକ 176

ମନୋ ନାମ ମହାଵ୍ଯାଘ୍ରୋ ଵିଷଯାରଣ୍ଯଭୂମିଷୁ ।

ଚରତ୍ଯତ୍ର ନ ଗଚ୍ଛନ୍ତୁ ସାଧଵୋ ଯେ ମୁମୁକ୍ଷଵଃ

॥ 175॥

ଶ୍ଲୋକ 177

ମନଃ ପ୍ରସୂତେ ଵିଷଯାନଶେଷାନ୍

ସ୍ଥୂଲାତ୍ମନା ସୂକ୍ଷ୍ମତଯା ଚ ଭୋକ୍ତୁଃ ।

ଶରୀରଵର୍ଣାଶ୍ରମଜାତିଭେଦାନ୍

ଗୁଣକ୍ରିଯାହେତୁଫଲାନି ନିତ୍ଯମ୍

॥ 176॥

ଶ୍ଲୋକ 178

ଅସଙ୍ଗଚିଦ୍ରୂପମମୁଂ ଵିମୋହ୍ଯ

ଦେହେନ୍ଦ୍ରିଯପ୍ରାଣଗୁଣୈର୍ନିବଦ୍ଧ୍ଯ ।

ଅହମ୍ମମେତି ଭ୍ରମଯତ୍ଯଜସ୍ରଂ

ମନଃ ସ୍ଵକୃତ୍ଯେଷୁ ଫଲୋପଭୁକ୍ତିଷୁ

॥ 177॥

ଶ୍ଲୋକ 179

ଅଧ୍ଯାସଦୋଷାତ୍ପୁରୁଷସ୍ଯ ସଂସୃତିଃ (ପାଠଭେଦଃ - ଅଧ୍ଯାସଯୋଗାତ୍)

ଅଧ୍ଯାସବନ୍ଧସ୍ତ୍ଵମୁନୈଵ କଲ୍ପିତଃ ।

ରଜସ୍ତମୋଦୋଷଵତୋଽଵିଵେକିନୋ

ଜନ୍ମାଦିଦୁଃଖସ୍ଯ ନିଦାନମେତତ୍

॥ 178॥

ଶ୍ଲୋକ 180

ଅତଃ ପ୍ରାହୁର୍ମନୋଽଵିଦ୍ଯାଂ ପଣ୍ଡିତାସ୍ତତ୍ତ୍ଵଦର୍ଶିନଃ ।

ଯେନୈଵ ଭ୍ରାମ୍ଯତେ ଵିଶ୍ଵଂ ଵାଯୁନେଵାଭ୍ରମଣ୍ଡଲମ୍

॥ 179॥

ଶ୍ଲୋକ 181

ତନ୍ମନଃଶୋଧନଂ କାର୍ଯଂ ପ୍ରଯତ୍ନେନ ମୁମୁକ୍ଷୁଣା ।

ଵିଶୁଦ୍ଧେ ସତି ଚୈତସ୍ମିନ୍ମୁକ୍ତିଃ କରଫଲାଯତେ

॥ 180॥

ଶ୍ଲୋକ 182

ମୋକ୍ଷୈକସକ୍ତ୍ଯା ଵିଷଯେଷୁ ରାଗଂ

ନିର୍ମୂଲ୍ଯ ସନ୍ନ୍ଯସ୍ଯ ଚ ସର୍ଵକର୍ମ ।

ସଚ୍ଛ୍ରଦ୍ଧଯା ଯଃ ଶ୍ରଵଣାଦିନିଷ୍ଠୋ

ରଜଃସ୍ଵଭାଵଂ ସ ଧୁନୋତି ବୁଦ୍ଧେଃ

॥ 181॥

ଶ୍ଲୋକ 183

ମନୋମଯୋ ନାପି ଭଵେତ୍ପରାତ୍ମା

ହ୍ଯାଦ୍ଯନ୍ତଵତ୍ତ୍ଵାତ୍ପରିଣାମିଭାଵାତ୍ ।

ଦୁଃଖାତ୍ମକତ୍ଵାଦ୍ଵିଷଯତ୍ଵହେତୋଃ

ଦ୍ରଷ୍ଟା ହି ଦୃଶ୍ଯାତ୍ମତଯା ନ ଦୃଷ୍ଟଃ

॥ 182॥

ଶ୍ଲୋକ 184

ବୁଦ୍ଧିର୍ବୁଦ୍ଧୀନ୍ଦ୍ରିଯୈଃ ସାର୍ଧଂ ସଵୃତ୍ତିଃ କର୍ତୃଲକ୍ଷଣଃ ।

ଵିଜ୍ଞାନମଯକୋଶଃ ସ୍ଯାତ୍ପୁଂସଃ ସଂସାରକାରଣମ୍

॥ 183॥

ଶ୍ଲୋକ 185

ଅନୁଵ୍ରଜଚ୍ଚିତ୍ପ୍ରତିବିମ୍ବଶକ୍ତିଃ

ଵିଜ୍ଞାନସଞ୍ଜ୍ଞଃ ପ୍ରକୃତେର୍ଵିକାରଃ ।

ଜ୍ଞାନକ୍ରିଯାଵାନହମିତ୍ଯଜସ୍ରଂ

ଦେହେନ୍ଦ୍ରିଯାଦିଷ୍ଵଭିମନ୍ଯତେ ଭୃଶମ୍

॥ 184॥

ଶ୍ଲୋକ 186

ଅନାଦିକାଲୋଽଯମହଂସ୍ଵଭାଵୋ

ଜୀଵଃ ସମସ୍ତଵ୍ଯଵହାରଵୋଢା ।

କରୋତି କର୍ମାଣ୍ଯପି ପୂର୍ଵଵାସନଃ (ପାଠଭେଦଃ - କର୍ମାଣ୍ଯନୁ)

ପୁଣ୍ଯାନ୍ଯପୁଣ୍ଯାନି ଚ ତତ୍ଫଲାନି

॥ 185॥

ଶ୍ଲୋକ 187

ଭୁଙ୍କ୍ତେ ଵିଚିତ୍ରାସ୍ଵପି ଯୋନିଷୁ ଵ୍ରଜ-

ନ୍ନାଯାତି ନିର୍ଯାତ୍ଯଧ ଊର୍ଧ୍ଵମେଷଃ ।

ଅସ୍ଯୈଵ ଵିଜ୍ଞାନମଯସ୍ଯ ଜାଗ୍ରତ୍-

ସ୍ଵପ୍ନାଦ୍ଯଵସ୍ଥାଃ ସୁଖଦୁଃଖଭୋଗଃ

॥ 186॥

ଶ୍ଲୋକ 188

ଦେହାଦିନିଷ୍ଠାଶ୍ରମଧର୍ମକର୍ମ-

ଗୁଣାଭିମାନଃ ସତତଂ ମମେତି ।

ଵିଜ୍ଞାନକୋଶୋଽଯମତିପ୍ରକାଶଃ

ପ୍ରକୃଷ୍ଟସାନ୍ନିଧ୍ଯଵଶାତ୍ପରାତ୍ମନଃ ।

ଅତୋ ଭଵତ୍ଯେଷ ଉପାଧିରସ୍ଯ

ଯଦାତ୍ମଧୀଃ ସଂସରତି ଭ୍ରମେଣ

॥ 187॥

ଶ୍ଲୋକ 189

ଯୋଽଯଂ ଵିଜ୍ଞାନମଯଃ ପ୍ରାଣେଷୁ ହୃଦି ସ୍ଫୁରତ୍ଯଯଂ ଜ୍ଯୋତିଃ । (ପାଠଭେଦଃ - ସ୍ଫୁରତ୍ସ୍ଵଯଞ୍ଜ୍ଯୋତିଃ)

କୂଟସ୍ଥଃ ସନ୍ନାତ୍ମା କର୍ତା ଭୋକ୍ତା ଭଵତ୍ଯୁପାଧିସ୍ଥଃ

॥ 188॥

ଶ୍ଲୋକ 190

ସ୍ଵଯଂ ପରିଚ୍ଛେଦମୁପେତ୍ଯ ବୁଦ୍ଧେଃ

ତାଦାତ୍ମ୍ଯଦୋଷେଣ ପରଂ ମୃଷାତ୍ମନଃ ।

ସର୍ଵାତ୍ମକଃ ସନ୍ନପି ଵୀକ୍ଷତେ ସ୍ଵଯଂ

ସ୍ଵତଃ ପୃଥକ୍ତ୍ଵେନ ମୃଦୋ ଘଟାନିଵ

॥ 189॥

ଶ୍ଲୋକ 191

ଉପାଧିସମ୍ବନ୍ଧଵଶାତ୍ପରାତ୍ମା

ହ୍ଯୁପାଧିଧର୍ମାନନୁଭାତି ତଦ୍ଗୁଣଃ । (ପାଠଭେଦଃ - ଽପ୍ଯୁପାଧି)

ଅଯୋଵିକାରାନଵିକାରିଵହ୍ନିଵତ୍

ସଦୈକରୂପୋଽପି ପରଃ ସ୍ଵଭାଵାତ୍

॥ 190॥

ଶ୍ଲୋକ 192

ଶିଷ୍ଯ ଉଵାଚ ।

ଭ୍ରମେଣାପ୍ଯନ୍ଯଥା ଵାଽସ୍ତୁ ଜୀଵଭାଵଃ ପରାତ୍ମନଃ ।

ତଦୁପାଧେରନାଦିତ୍ଵାନ୍ନାନାଦେର୍ନାଶ ଇଷ୍ଯତେ

॥ 191॥

ଶ୍ଲୋକ 193

ଅତୋଽସ୍ଯ ଜୀଵଭାଵୋଽପି ନିତ୍ଯା ଭଵତି ସଂସୃତିଃ ।

ନ ନିଵର୍ତେତ ତନ୍ମୋକ୍ଷଃ କଥଂ ମେ ଶ୍ରୀଗୁରୋ ଵଦ

॥ 192॥

ଶ୍ଲୋକ 194

ଶ୍ରୀଗୁରୁରୁଵାଚ ।

ସମ୍ଯକ୍ପୃଷ୍ଟଂ ତ୍ଵଯା ଵିଦ୍ଵନ୍ସାଵଧାନେନ ତଚ୍ଛୃଣୁ ।

ପ୍ରାମାଣିକୀ ନ ଭଵତି ଭ୍ରାନ୍ତ୍ଯା ମୋହିତକଲ୍ପନା

॥ 193॥

ଶ୍ଲୋକ 195

ଭ୍ରାନ୍ତିଂ ଵିନା ତ୍ଵସଙ୍ଗସ୍ଯ ନିଷ୍କ୍ରିଯସ୍ଯ ନିରାକୃତେଃ ।

ନ ଘଟେତାର୍ଥସମ୍ବନ୍ଧୋ ନଭସୋ ନୀଲତାଦିଵତ୍

॥ 194॥

ଶ୍ଲୋକ 196

ସ୍ଵସ୍ଯ ଦ୍ରଷ୍ଟୁର୍ନିର୍ଗୁଣସ୍ଯାକ୍ରିଯସ୍ଯ

ପ୍ରତ୍ଯଗ୍ବୋଧାନନ୍ଦରୂପସ୍ଯ ବୁଦ୍ଧେଃ ।

ଭ୍ରାନ୍ତ୍ଯା ପ୍ରାପ୍ତୋ ଜୀଵଭାଵୋ ନ ସତ୍ଯୋ

ମୋହାପାଯେ ନାସ୍ତ୍ଯଵସ୍ତୁସ୍ଵଭାଵାତ୍

॥ 195॥

ଶ୍ଲୋକ 197

ଯାଵଦ୍ଭ୍ରାନ୍ତିସ୍ତାଵଦେଵାସ୍ଯ ସତ୍ତା

ମିଥ୍ଯାଜ୍ଞାନୋଜ୍ଜୃମ୍ଭିତସ୍ଯ ପ୍ରମାଦାତ୍ ।

ରଜ୍ଜ୍ଵାଂ ସର୍ପୋ ଭ୍ରାନ୍ତିକାଲୀନ ଏଵ

ଭ୍ରାନ୍ତେର୍ନାଶେ ନୈଵ ସର୍ପୋଽପି ତଦ୍ଵତ୍

॥ 196॥

ଶ୍ଲୋକ 198

॥ 197॥ (ପାଠଭେଦଃ - ସର୍ପୋଽସ୍ତି)

ଅନାଦିତ୍ଵମଵିଦ୍ଯାଯାଃ କାର୍ଯସ୍ଯାପି ତଥେଷ୍ଯତେ ।

ଉତ୍ପନ୍ନାଯାଂ ତୁ ଵିଦ୍ଯାଯାମାଵିଦ୍ଯକମନାଦ୍ଯପି

ଶ୍ଲୋକ 199

ପ୍ରବୋଧେ ସ୍ଵପ୍ନଵତ୍ସର୍ଵଂ ସହମୂଲଂ ଵିନଶ୍ଯତି ।

ଅନାଦ୍ଯପୀଦଂ ନୋ ନିତ୍ଯଂ ପ୍ରାଗଭାଵ ଇଵ ସ୍ଫୁଟମ୍

॥ 198॥

ଶ୍ଲୋକ 200

ଅନାଦେରପି ଵିଧ୍ଵଂସଃ ପ୍ରାଗଭାଵସ୍ଯ ଵୀକ୍ଷିତଃ ।

ଯଦ୍ବୁଦ୍ଧ୍ଯୁପାଧିସମ୍ବନ୍ଧାତ୍ପରିକଲ୍ପିତମାତ୍ମନି

॥ 199॥

ଶ୍ଲୋକ 201

ଜୀଵତ୍ଵଂ ନ ତତୋଽନ୍ଯସ୍ତୁ ସ୍ଵରୂପେଣ ଵିଲକ୍ଷଣଃ । (ପାଠଭେଦଃ - ତତୋଽନ୍ଯତ୍ତୁ)

ସମ୍ବନ୍ଧସ୍ତ୍ଵାତ୍ମନୋ ବୁଦ୍ଧ୍ଯା ମିଥ୍ଯାଜ୍ଞାନପୁରଃସରଃ

॥ 200॥

ଶ୍ଲୋକ 202

॥ 201॥ (ପାଠଭେଦଃ - ସମ୍ବନ୍ଧଃ ସ୍ଵାତ୍ମନୋ)

ଵିନିଵୃତ୍ତିର୍ଭଵେତ୍ତସ୍ଯ ସମ୍ଯଗ୍ଜ୍ଞାନେନ ନାନ୍ଯଥା ।

ବ୍ରହ୍ମାତ୍ମୈକତ୍ଵଵିଜ୍ଞାନଂ ସମ୍ଯଗ୍ଜ୍ଞାନଂ ଶ୍ରୁତେର୍ମତମ୍

ଶ୍ଲୋକ 203

ତଦାତ୍ମାନାତ୍ମନୋଃ ସମ୍ଯଗ୍ଵିଵେକେନୈଵ ସିଧ୍ଯତି ।

ତତୋ ଵିଵେକଃ କର୍ତଵ୍ଯଃ ପ୍ରତ୍ଯଗାତ୍ମସଦାତ୍ମନୋଃ

॥ 202॥

ଶ୍ଲୋକ 204

॥ 203॥ (ପାଠଭେଦଃ - ପ୍ରତ୍ଯଗାତ୍ମାସଦାତ୍ମନୋଃ)

ଜଲଂ ପଙ୍କଵଦତ୍ଯନ୍ତଂ ପଙ୍କାପାଯେ ଜଲଂ ସ୍ଫୁଟମ୍ । (ପାଠଭେଦଃ - ପଙ୍କଵଦସ୍ପଷ୍ଟଂ)

ଯଥା ଭାତି ତଥାତ୍ମାପି ଦୋଷାଭାଵେ ସ୍ଫୁଟପ୍ରଭଃ

ଶ୍ଲୋକ 205

ଅସନ୍ନିଵୃତ୍ତୌ ତୁ ସଦାତ୍ମନା ସ୍ଫୁଟଂ

ପ୍ରତୀତିରେତସ୍ଯ ଭଵେତ୍ପ୍ରତୀଚଃ ।

ତତୋ ନିରାସଃ କରଣୀଯ ଏଵ

ସଦାତ୍ମନଃ ସାଧ୍ଵହମାଦିଵସ୍ତୁନଃ

॥ 204॥

ଶ୍ଲୋକ 206

॥ 205॥ (ପାଠଭେଦଃ - ଅସଦାତ୍ମନଃ)

ଅତୋ ନାଯଂ ପରାତ୍ମା ସ୍ଯାଦ୍ଵିଜ୍ଞାନମଯଶବ୍ଦଭାକ୍ ।

ଵିକାରିତ୍ଵାଜ୍ଜଡତ୍ଵାଚ୍ଚ ପରିଚ୍ଛିନ୍ନତ୍ଵହେତୁତଃ ।

ଦୃଶ୍ଯତ୍ଵାଦ୍ଵ୍ଯଭିଚାରିତ୍ଵାନ୍ନାନିତ୍ଯୋ ନିତ୍ଯ ଇଷ୍ଯତେ

ଶ୍ଲୋକ 207

ଆନନ୍ଦପ୍ରତିବିମ୍ବଚୁମ୍ବିତତନୁର୍ଵୃତ୍ତିସ୍ତମୋଜୃମ୍ଭିତା

ସ୍ଯାଦାନନ୍ଦମଯଃ ପ୍ରିଯାଦିଗୁଣକଃ ସ୍ଵେଷ୍ଟାର୍ଥଲାଭୋଦଯଃ ।

ପୁଣ୍ଯସ୍ଯାନୁଭଵେ ଵିଭାତି କୃତିନାମାନନ୍ଦରୂପଃ ସ୍ଵଯଂ

ସର୍ଵୋ ନନ୍ଦତି ଯତ୍ର ସାଧୁ ତନୁଭୃନ୍ମାତ୍ରଃ ପ୍ରଯତ୍ନଂ ଵିନା

॥ 206॥

ଶ୍ଲୋକ 208

॥ 207॥ (ପାଠଭେଦଃ - ଭୂତ୍ଵା ନନ୍ଦତି)

ଆନନ୍ଦମଯକୋଶସ୍ଯ ସୁଷୁପ୍ତୌ ସ୍ଫୂର୍ତିରୁତ୍କଟା ।

ସ୍ଵପ୍ନଜାଗରଯୋରୀଷଦିଷ୍ଟସନ୍ଦର୍ଶନାଦିନା

ଶ୍ଲୋକ 209

ନୈଵାଯମାନନ୍ଦମଯଃ ପରାତ୍ମା

ସୋପାଧିକତ୍ଵାତ୍ପ୍ରକୃତେର୍ଵିକାରାତ୍ ।

କାର୍ଯତ୍ଵହେତୋଃ ସୁକୃତକ୍ରିଯାଯା

ଵିକାରସଙ୍ଘାତସମାହିତତ୍ଵାତ୍

॥ 208॥

ଶ୍ଲୋକ 210

ପଞ୍ଚାନାମପି କୋଶାନାଂ ନିଷେଧେ ଯୁକ୍ତିତଃ ଶ୍ରୁତେଃ । (ପାଠଭେଦଃ - ଯୁକ୍ତିତଃ କୃତେ)

ତନ୍ନିଷେଧାଵଧି ସାକ୍ଷୀ ବୋଧରୂପୋଽଵଶିଷ୍ଯତେ

॥ 209॥

ଶ୍ଲୋକ 211

॥ 210॥ (ପାଠଭେଦଃ - ତନ୍ନିଷେଧାଵଧିଃ)

ଯୋଽଯମାତ୍ମା ସ୍ଵଯଞ୍ଜ୍ଯୋତିଃ ପଞ୍ଚକୋଶଵିଲକ୍ଷଣଃ ।

ଅଵସ୍ଥାତ୍ରଯସାକ୍ଷୀ ସନ୍ନିର୍ଵିକାରୋ ନିରଞ୍ଜନଃ ।

ସଦାନନ୍ଦଃ ସ ଵିଜ୍ଞେଯଃ ସ୍ଵାତ୍ମତ୍ଵେନ ଵିପଶ୍ଚିତା

ଶ୍ଲୋକ 212

ଶିଷ୍ଯ ଉଵାଚ ।

ମିଥ୍ଯାତ୍ଵେନ ନିଷିଦ୍ଧେଷୁ କୋଶେଷ୍ଵେତେଷୁ ପଞ୍ଚସୁ ।

ସର୍ଵାଭାଵଂ ଵିନା କିଞ୍ଚିନ୍ନ ପଶ୍ଯାମ୍ଯତ୍ର ହେ ଗୁରୋ ।

ଵିଜ୍ଞେଯଂ କିମୁ ଵସ୍ତ୍ଵସ୍ତି ସ୍ଵାତ୍ମନାଽଽତ୍ମଵିପଶ୍ଚିତା

॥ 211॥

ଶ୍ଲୋକ 213

॥ 212॥ (ପାଠଭେଦଃ - ସ୍ଵାତ୍ମନାତ୍ର ଵିପଶ୍ଚିତା)

ଶ୍ରୀଗୁରୁରୁଵାଚ ।

ସତ୍ଯମୁକ୍ତଂ ତ୍ଵଯା ଵିଦ୍ଵନ୍ନିପୁଣୋଽସି ଵିଚାରଣେ ।

ଅହମାଦିଵିକାରାସ୍ତେ ତଦଭାଵୋଽଯମପ୍ଯନୁ

ଶ୍ଲୋକ 214

॥ 213॥ (ପାଠଭେଦଃ - ଽଯମପ୍ଯଥ)

ସର୍ଵେ ଯେନାନୁଭୂଯନ୍ତେ ଯଃ ସ୍ଵଯଂ ନାନୁଭୂଯତେ ।

ତମାତ୍ମାନଂ ଵେଦିତାରଂ ଵିଦ୍ଧି ବୁଦ୍ଧ୍ଯା ସୁସୂକ୍ଷ୍ମଯା

ଶ୍ଲୋକ 215

ତତ୍ସାକ୍ଷିକଂ ଭଵେତ୍ତତ୍ତଦ୍ଯଦ୍ଯଦ୍ଯେନାନୁଭୂଯତେ ।

କସ୍ଯାପ୍ଯନନୁଭୂତାର୍ଥେ ସାକ୍ଷିତ୍ଵଂ ନୋପଯୁଜ୍ଯତେ

॥ 214॥

ଶ୍ଲୋକ 216

॥ 215॥ (ପାଠଭେଦଃ - ନୋପପଦ୍ଯତେ)

ଅସୌ ସ୍ଵସାକ୍ଷିକୋ ଭାଵୋ ଯତଃ ସ୍ଵେନାନୁଭୂଯତେ ।

ଅତଃ ପରଂ ସ୍ଵଯଂ ସାକ୍ଷାତ୍ପ୍ରତ୍ଯଗାତ୍ମା ନ ଚେତରଃ

ଶ୍ଲୋକ 217

ଜାଗ୍ରତ୍ସ୍ଵପ୍ନସୁଷୁପ୍ତିଷୁ ସ୍ଫୁଟତରଂ ଯୋଽସୌ ସମୁଜ୍ଜୃମ୍ଭତେ

ପ୍ରତ୍ଯଗ୍ରୂପତଯା ସଦାହମହମିତ୍ଯନ୍ତଃ ସ୍ଫୁରନ୍ନୈକଧା । (ପାଠଭେଦଃ - ସ୍ଫୁରନ୍ନେକଧା)

ନାନାକାରଵିକାରଭାଗିନ ଇମାନ୍ ପଶ୍ଯନ୍ନହନ୍ଧୀମୁଖାନ୍ (ପାଠଭେଦଃ - ଭାଜିନ)

ନିତ୍ଯାନନ୍ଦଚିଦାତ୍ମନା ସ୍ଫୁରତି ତଂ ଵିଦ୍ଧି ସ୍ଵମେତଂ ହୃଦି

॥ 216॥

ଶ୍ଲୋକ 218

ଘଟୋଦକେ ବିମ୍ବିତମର୍କବିମ୍ବ-

ମାଲୋକ୍ଯ ମୂଢୋ ରଵିମେଵ ମନ୍ଯତେ ।

ତଥା ଚିଦାଭାସମୁପାଧିସଂସ୍ଥଂ

ଭ୍ରାନ୍ତ୍ଯାହମିତ୍ଯେଵ ଜଡୋଽଭିମନ୍ଯତେ

॥ 217॥

ଶ୍ଲୋକ 219

ଘଟଂ ଜଲଂ ତଦ୍ଗତମର୍କବିମ୍ବଂ

ଵିହାଯ ସର୍ଵଂ ଵିନିରୀକ୍ଷ୍ଯତେଽର୍କଃ । (ପାଠଭେଦଃ - ଦିଵି ଵୀକ୍ଷ୍ଯତେଽର୍କଃ)

ତଟସ୍ଥ ଏତତ୍ତ୍ରିତଯାଵଭାସକଃ (ପାଠଭେଦଃ - ତଟସ୍ଥିତଃ ତତ୍ତ୍ରି)

ସ୍ଵଯମ୍ପ୍ରକାଶୋ ଵିଦୁଷା ଯଥା ତଥା

॥ 218॥

ଶ୍ଲୋକ 220

ଦେହଂ ଧିଯଂ ଚିତ୍ପ୍ରତିବିମ୍ବମେଵଂ (ପାଠଭେଦଃ - ଚିତ୍ପ୍ରତିବିମ୍ବମେତଂ)

ଵିସୃଜ୍ଯ ବୁଦ୍ଧୌ ନିହିତଂ ଗୁହାଯାମ୍ ।

ଦ୍ରଷ୍ଟାରମାତ୍ମାନମଖଣ୍ଡବୋଧଂ

ସର୍ଵପ୍ରକାଶଂ ସଦସଦ୍ଵିଲକ୍ଷଣମ୍

॥ 219॥

ଶ୍ଲୋକ 221

ନିତ୍ଯଂ ଵିଭୁଂ ସର୍ଵଗତଂ ସୁସୂକ୍ଷ୍ମଂ

ଅନ୍ତର୍ବହିଃଶୂନ୍ଯମନନ୍ଯମାତ୍ମନଃ ।

ଵିଜ୍ଞାଯ ସମ୍ଯଙ୍ନିଜରୂପମେତତ୍

ପୁମାନ୍ ଵିପାପ୍ମା ଵିରଜୋ ଵିମୃତ୍ଯୁଃ

॥ 220॥

ଶ୍ଲୋକ 222

ଵିଶୋକ ଆନନ୍ଦଘନୋ ଵିପଶ୍ଚିତ୍

ସ୍ଵଯଂ କୁତଶ୍ଚିନ୍ନ ବିଭେତି କଶ୍ଚିତ୍ ।

ନାନ୍ଯୋଽସ୍ତି ପନ୍ଥା ଭଵବନ୍ଧମୁକ୍ତେଃ

ଵିନା ସ୍ଵତତ୍ତ୍ଵାଵଗମଂ ମୁମୁକ୍ଷୋଃ

॥ 221॥

ଶ୍ଲୋକ 223

ବ୍ରହ୍ମାଭିନ୍ନତ୍ଵଵିଜ୍ଞାନଂ ଭଵମୋକ୍ଷସ୍ଯ କାରଣମ୍ ।

ଯେନାଦ୍ଵିତୀଯମାନନ୍ଦଂ ବ୍ରହ୍ମ ସମ୍ପଦ୍ଯତେ ବୁଧୈଃ

॥ 222॥

ଶ୍ଲୋକ 224

॥ 223॥ (ପାଠଭେଦଃ - ସମ୍ପଦ୍ଯତେ ବୁଧଃ)

ବ୍ରହ୍ମଭୂତସ୍ତୁ ସଂସୃତ୍ଯୈ ଵିଦ୍ଵାନ୍ନାଵର୍ତତେ ପୁନଃ ।

ଵିଜ୍ଞାତଵ୍ଯମତଃ ସମ୍ଯଗ୍ବ୍ରହ୍ମାଭିନ୍ନତ୍ଵମାତ୍ମନଃ

ଶ୍ଲୋକ 225

ସତ୍ଯଂ ଜ୍ଞାନମନନ୍ତଂ ବ୍ରହ୍ମ ଵିଶୁଦ୍ଧଂ ପରଂ ସ୍ଵତଃସିଦ୍ଧମ୍ ।

ନିତ୍ଯାନନ୍ଦୈକରସଂ ପ୍ରତ୍ଯଗଭିନ୍ନଂ ନିରନ୍ତରଂ ଜଯତି

॥ 224॥

ଶ୍ଲୋକ 226

ସଦିଦଂ ପରମାଦ୍ଵୈତଂ ସ୍ଵସ୍ମାଦନ୍ଯସ୍ଯ ଵସ୍ତୁନୋଽଭାଵାତ୍ ।

ନ ହ୍ଯନ୍ଯଦସ୍ତି କିଞ୍ଚିତ୍ ସମ୍ଯକ୍ ପରମାର୍ଥତତ୍ତ୍ଵବୋଧଦଶାଯାମ୍

॥ 225॥

ଶ୍ଲୋକ 227

॥ 226॥ (ପାଠଭେଦଃ - ପରତତ୍ତ୍ଵବୋଧସୁଦଶାଯାମ୍)

ଯଦିଦଂ ସକଲଂ ଵିଶ୍ଵଂ ନାନାରୂପଂ ପ୍ରତୀତମଜ୍ଞାନାତ୍ ।

ତତ୍ସର୍ଵଂ ବ୍ରହ୍ମୈଵ ପ୍ରତ୍ଯସ୍ତାଶେଷଭାଵନାଦୋଷମ୍

ଶ୍ଲୋକ 228

ମୃତ୍କାର୍ଯଭୂତୋଽପି ମୃଦୋ ନ ଭିନ୍ନଃ

କୁମ୍ଭୋଽସ୍ତି ସର୍ଵତ୍ର ତୁ ମୃତ୍ସ୍ଵରୂପାତ୍ ।

ନ କୁମ୍ଭରୂପଂ ପୃଥଗସ୍ତି କୁମ୍ଭଃ

କୁତୋ ମୃଷା କଲ୍ପିତନାମମାତ୍ରଃ

॥ 227॥

ଶ୍ଲୋକ 229

କେନାପି ମୃଦ୍ଭିନ୍ନତଯା ସ୍ଵରୂପଂ

ଘଟସ୍ଯ ସନ୍ଦର୍ଶଯିତୁଂ ନ ଶକ୍ଯତେ ।

ଅତୋ ଘଟଃ କଲ୍ପିତ ଏଵ ମୋହା-

ନ୍ମୃଦେଵ ସତ୍ଯଂ ପରମାର୍ଥଭୂତମ୍

॥ 228॥

ଶ୍ଲୋକ 230

ସଦ୍ବ୍ରହ୍ମକାର୍ଯଂ ସକଲଂ ସଦେଵଂ (ପାଠଭେଦଃ - ସଦୈଵ)

ତନ୍ମାତ୍ରମେତନ୍ନ ତତୋଽନ୍ଯଦସ୍ତି । (ପାଠଭେଦଃ - ସନ୍ମାତ୍ରମେତନ୍ନ)

ଅସ୍ତୀତି ଯୋ ଵକ୍ତି ନ ତସ୍ଯ ମୋହୋ

ଵିନିର୍ଗତୋ ନିଦ୍ରିତଵତ୍ପ୍ରଜଲ୍ପଃ

॥ 229॥

ଶ୍ଲୋକ 231

ବ୍ରହ୍ମୈଵେଦଂ ଵିଶ୍ଵମିତ୍ଯେଵ ଵାଣୀ

ଶ୍ରୌତୀ ବ୍ରୂତେଽଥର୍ଵନିଷ୍ଠା ଵରିଷ୍ଠା ।

ତସ୍ମାଦେତଦ୍ବ୍ରହ୍ମମାତ୍ରଂ ହି ଵିଶ୍ଵଂ

ନାଧିଷ୍ଠାନାଦ୍ଭିନ୍ନତାଽଽରୋପିତସ୍ଯ

॥ 230॥

ଶ୍ଲୋକ 232

ସତ୍ଯଂ ଯଦି ସ୍ଯାଜ୍ଜଗଦେତଦାତ୍ମନୋଽ

ନନ୍ତତ୍ତ୍ଵହାନିର୍ନିଗମାପ୍ରମାଣତା ।

ଅସତ୍ଯଵାଦିତ୍ଵମପୀଶିତୁଃ ସ୍ଯା-

ନ୍ନୈତତ୍ତ୍ରଯଂ ସାଧୁ ହିତଂ ମହାତ୍ମନାମ୍

॥ 231॥

ଶ୍ଲୋକ 233

ଈଶ୍ଵରୋ ଵସ୍ତୁତତ୍ତ୍ଵଜ୍ଞୋ ନ ଚାହଂ ତେଷ୍ଵଵସ୍ଥିତଃ ।

ନ ଚ ମତ୍ସ୍ଥାନି ଭୂତାନୀତ୍ଯେଵମେଵ ଵ୍ଯଚୀକ୍ଲୃପତ୍

॥ 232॥

ଶ୍ଲୋକ 234

॥ 233॥ (ପାଠଭେଦଃ - ଵ୍ଯଚୀକଥତ୍)

ଯଦି ସତ୍ଯଂ ଭଵେଦ୍ଵିଶ୍ଵଂ ସୁଷୁପ୍ତାଵୁପଲଭ୍ଯତାମ୍ ।

ଯନ୍ନୋପଲଭ୍ଯତେ କିଞ୍ଚିଦତୋଽସତ୍ସ୍ଵପ୍ନଵନ୍ମୃଷା

ଶ୍ଲୋକ 235

ଅତଃ ପୃଥଙ୍ନାସ୍ତି ଜଗତ୍ପରାତ୍ମନଃ

ପୃଥକ୍ପ୍ରତୀତିସ୍ତୁ ମୃଷା ଗୁଣାଦିଵତ୍ । ଗୁଣାହିଵତ୍

ଆରୋପିତସ୍ଯାସ୍ତି କିମର୍ଥଵତ୍ତାଽ-

ଧିଷ୍ଠାନମାଭାତି ତଥା ଭ୍ରମେଣ

॥ 234॥

ଶ୍ଲୋକ 236

ଭ୍ରାନ୍ତସ୍ଯ ଯଦ୍ଯଦ୍ଭ୍ରମତଃ ପ୍ରତୀତଂ

ବ୍ରହ୍ମୈଵ ତତ୍ତଦ୍ରଜତଂ ହି ଶୁକ୍ତିଃ ।

ଇଦନ୍ତଯା ବ୍ରହ୍ମ ସଦୈଵ ରୂପ୍ଯତେ (ପାଠଭେଦଃ - ସଦେଵ)

ତ୍ଵାରୋପିତଂ ବ୍ରହ୍ମଣି ନାମମାତ୍ରମ୍

॥ 235॥

ଶ୍ଲୋକ 237

ଅତଃ ପରଂ ବ୍ରହ୍ମ ସଦଦ୍ଵିତୀଯଂ

ଵିଶୁଦ୍ଧଵିଜ୍ଞାନଘନଂ ନିରଞ୍ଜନମ୍ ।

ପ୍ରଶାନ୍ତମାଦ୍ଯନ୍ତଵିହୀନମକ୍ରିଯଂ

ନିରନ୍ତରାନନ୍ଦରସସ୍ଵରୂପମ୍

॥ 236॥

ଶ୍ଲୋକ 238

ନିରସ୍ତମାଯାକୃତସର୍ଵଭେଦଂ

ନିତ୍ଯଂ ସୁଖଂ ନିଷ୍କଲମପ୍ରମେଯମ୍ । (ପାଠଭେଦଃ - ନିତ୍ଯଂ ଧ୍ରୁଵଂ)

ଅରୂପମଵ୍ଯକ୍ତମନାଖ୍ଯମଵ୍ଯଯଂ

ଜ୍ଯୋତିଃ ସ୍ଵଯଂ କିଞ୍ଚିଦିଦଂ ଚକାସ୍ତି

॥ 237॥

ଶ୍ଲୋକ 239

ଜ୍ଞାତୃଜ୍ଞେଯଜ୍ଞାନଶୂନ୍ଯମନନ୍ତଂ ନିର୍ଵିକଲ୍ପକମ୍ ।

କେଵଲାଖଣ୍ଡଚିନ୍ମାତ୍ରଂ ପରଂ ତତ୍ତ୍ଵଂ ଵିଦୁର୍ବୁଧାଃ

॥ 238॥

ଶ୍ଲୋକ 240

ଅହେଯମନୁପାଦେଯଂ ମନୋଵାଚାମଗୋଚରମ୍ ।

ଅପ୍ରମେଯମନାଦ୍ଯନ୍ତଂ ବ୍ରହ୍ମ ପୂର୍ଣମହଂ ମହଃ

॥ 239॥

ଶ୍ଲୋକ 241

॥ 240॥ (ପାଠଭେଦଃ - ପୂର୍ଣଂ ମହନ୍ମହଃ)

ତତ୍ତ୍ଵମ୍ପଦାଭ୍ଯାମଭିଧୀଯମାନଯୋଃ

ବ୍ରହ୍ମାତ୍ମନୋଃ ଶୋଧିତଯୋର୍ଯଦୀତ୍ଥମ୍ । (ପାଠଭେଦଃ - ଶୋଧିତଯୋର୍ଯଦିତ୍ଥମ୍)

ଶ୍ରୁତ୍ଯା ତଯୋସ୍ତତ୍ତ୍ଵମସୀତି ସମ୍ଯଗ୍

ଏକତ୍ଵମେଵ ପ୍ରତିପାଦ୍ଯତେ ମୁହୁଃ ॥ 241-

ଏକ୍ଯଂ ତଯୋର୍ଲକ୍ଷିତଯୋର୍ନ ଵାଚ୍ଯଯୋଃ

ନିଗଦ୍ଯତେଽନ୍ଯୋନ୍ଯଵିରୁଦ୍ଧଧର୍ମିଣୋଃ ।

ଖଦ୍ଯୋତଭାନ୍ଵୋରିଵ ରାଜଭୃତ୍ଯଯୋଃ

କୂପାମ୍ବୁରାଶ୍ଯୋଃ ପରମାଣୁମେର୍ଵୋଃ

ଶ୍ଲୋକ 242

ତଯୋର୍ଵିରୋଧୋଽଯମୁପାଧିକଲ୍ପିତୋ

ନ ଵାସ୍ତଵଃ କଶ୍ଚିଦୁପାଧିରେଷଃ ।

ଈଶସ୍ଯ ମାଯା ମହଦାଦିକାରଣଂ

ଜୀଵସ୍ଯ କାର୍ଯଂ ଶଋଣୁ ପଞ୍ଚକୋଶମ୍

॥ 242॥

ଶ୍ଲୋକ 243

॥ 243॥ (ପାଠଭେଦଃ - ପଞ୍ଚକୋଶାଃ)

ଏତାଵୁପାଧୀ ପରଜୀଵଯୋସ୍ତଯୋଃ

ସମ୍ଯଙ୍ନିରାସେ ନ ପରୋ ନ ଜୀଵଃ ।

ରାଜ୍ଯଂ ନରେନ୍ଦ୍ରସ୍ଯ ଭଟସ୍ଯ ଖେଟକ୍-

ସ୍ତଯୋରପୋହେ ନ ଭଟୋ ନ ରାଜା

ଶ୍ଲୋକ 244

ଅଥାତ ଆଦେଶ ଇତି ଶ୍ରୁତିଃ ସ୍ଵଯଂ

ନିଷେଧତି ବ୍ରହ୍ମଣି କଲ୍ପିତଂ ଦ୍ଵଯମ୍ ।

ଶ୍ରୁତିପ୍ରମାଣାନୁଗୃହୀତବୋଧା- (ପାଠଭେଦଃ - ପ୍ରମାଣାନୁଗୃହୀତଯୁକ୍ତ୍ଯା)

ତ୍ତଯୋର୍ନିରାସଃ କରଣୀଯ ଏଵ

॥ 244॥

ଶ୍ଲୋକ 245

ନେଦଂ ନେଦଂ କଲ୍ପିତତ୍ଵାନ୍ନ ସତ୍ଯଂ

ରଜ୍ଜୁଦୃଷ୍ଟଵ୍ଯାଲଵତ୍ସ୍ଵପ୍ନଵଚ୍ଚ । (ପାଠଭେଦଃ - ରଜ୍ଜୌ)

ଇତ୍ଥଂ ଦୃଶ୍ଯଂ ସାଧୁଯୁକ୍ତ୍ଯା ଵ୍ଯପୋହ୍ଯ

ଜ୍ଞେଯଃ ପଶ୍ଚାଦେକଭାଵସ୍ତଯୋର୍ଯଃ

॥ 245॥

ଶ୍ଲୋକ 246

ତତସ୍ତୁ ତୌ ଲକ୍ଷଣଯା ସୁଲକ୍ଷ୍ଯୌ

ତଯୋରଖଣ୍ଡୈକରସତ୍ଵସିଦ୍ଧଯେ ।

ନାଲଂ ଜହତ୍ଯା ନ ତଥାଽଜହତ୍ଯା

କିନ୍ତୂଭଯାର୍ଥାତ୍ମିକଯୈଵ ଭାଵ୍ଯମ୍

॥ 246॥

ଶ୍ଲୋକ 247

॥ 247॥ (ପାଠଭେଦଃ - ଭଯାର୍ଥୈକତଯୈଵ)

ସ ଦେଵଦତ୍ତୋଽଯମିତୀହ ଚୈକତା

ଵିରୁଦ୍ଧଧର୍ମାଂଶମପାସ୍ଯ କଥ୍ଯତେ ।

ଯଥା ତଥା ତତ୍ତ୍ଵମସୀତିଵାକ୍ଯେ

ଵିରୁଦ୍ଧଧର୍ମାନୁଭଯତ୍ର ହିତ୍ଵା

ଶ୍ଲୋକ 248

ସଂଲକ୍ଷ୍ଯ ଚିନ୍ମାତ୍ରତଯା ସଦାତ୍ମନୋଃ

ଅଖଣ୍ଡଭାଵଃ ପରିଚୀଯତେ ବୁଧୈଃ ।

ଏଵଂ ମହାଵାକ୍ଯଶତେନ କଥ୍ଯତେ

ବ୍ରହ୍ମାତ୍ମନୋରୈକ୍ଯମଖଣ୍ଡଭାଵଃ

॥ 248॥

ଶ୍ଲୋକ 249

ଅସ୍ଥୂଲମିତ୍ଯେତଦସନ୍ନିରସ୍ଯ

ସିଦ୍ଧଂ ସ୍ଵତୋ ଵ୍ଯୋମଵଦପ୍ରତର୍କ୍ଯମ୍ ।

ଅତୋ ମୃଷାମାତ୍ରମିଦଂ ପ୍ରତୀତଂ

ଜହୀହି ଯତ୍ସ୍ଵାତ୍ମତଯା ଗୃହୀତମ୍ ।

ବ୍ରହ୍ମାହମିତ୍ଯେଵ ଵିଶୁଦ୍ଧବୁଦ୍ଧ୍ଯା

ଵିଦ୍ଧି ସ୍ଵମାତ୍ମାନମଖଣ୍ଡବୋଧମ୍

॥ 249॥

ଶ୍ଲୋକ 250

ମୃତ୍କାର୍ଯଂ ସକଲଂ ଘଟାଦି ସତତଂ ମୃନ୍ମାତ୍ରମେଵାହିତଂ (ପାଠଭେଦଃ - ମୃନ୍ମାତ୍ରମେଵାଭିତଃ)

ତଦ୍ଵତ୍ସଜ୍ଜନିତଂ ସଦାତ୍ମକମିଦଂ ସନ୍ମାତ୍ରମେଵାଖିଲମ୍ ।

ଯସ୍ମାନ୍ନାସ୍ତି ସତଃ ପରଂ କିମପି ତତ୍ସତ୍ଯଂ ସ ଆତ୍ମା ସ୍ଵଯଂ

ତସ୍ମାତ୍ତତ୍ତ୍ଵମସି ପ୍ରଶାନ୍ତମମଲଂ ବ୍ରହ୍ମାଦ୍ଵଯଂ ଯତ୍ପରମ୍

॥ 250॥

ଶ୍ଲୋକ 251

ନିଦ୍ରାକଲ୍ପିତଦେଶକାଲଵିଷଯଜ୍ଞାତ୍ରାଦି ସର୍ଵଂ ଯଥା

ମିଥ୍ଯା ତଦ୍ଵଦିହାପି ଜାଗ୍ରତି ଜଗତ୍ସ୍ଵାଜ୍ଞାନକାର୍ଯତ୍ଵତଃ ।

ଯସ୍ମାଦେଵମିଦଂ ଶରୀରକରଣପ୍ରାଣାହମାଦ୍ଯପ୍ଯସତ୍

ତସ୍ମାତ୍ତତ୍ତ୍ଵମସି ପ୍ରଶାନ୍ତମମଲଂ ବ୍ରହ୍ମାଦ୍ଵଯଂ ଯତ୍ପରମ୍

॥ 251॥

ଶ୍ଲୋକ 252

ଯତ୍ର ଭ୍ରାନ୍ତ୍ଯା କଲ୍ପିତଂ ତଦ୍ଵିଵେକେ (ପାଠଭେଦଃ - ଯଦ୍ଵିଵେକେ)

ତତ୍ତନ୍ମାତ୍ରଂ ନୈଵ ତସ୍ମାଦ୍ଵିଭିନ୍ନମ୍ ।

ସ୍ଵପ୍ନେ ନଷ୍ଟଂ ସ୍ଵପ୍ନଵିଶ୍ଵଂ ଵିଚିତ୍ରଂ

ସ୍ଵସ୍ମାଦ୍ଭିନ୍ନଂ କିନ୍ନୁ ଦୃଷ୍ଟଂ ପ୍ରବୋଧେ

॥ 252॥

ଶ୍ଲୋକ 253

ଜାତିନୀତିକୁଲଗୋତ୍ରଦୂରଗଂ

ନାମରୂପଗୁଣଦୋଷଵର୍ଜିତମ୍ ।

ଦେଶକାଲଵିଷଯାତିଵର୍ତି ଯଦ୍

ବ୍ରହ୍ମ ତତ୍ତ୍ଵମସି ଭାଵଯାତ୍ମନି

॥ 253॥

ଶ୍ଲୋକ 254

ଯତ୍ପରଂ ସକଲଵାଗଗୋଚରଂ

ଗୋଚରଂ ଵିମଲବୋଧଚକ୍ଷୁଷଃ ।

ଶୁଦ୍ଧଚିଦ୍ଘନମନାଦି ଵସ୍ତୁ ଯଦ୍

ବ୍ରହ୍ମ ତତ୍ତ୍ଵମସି ଭାଵଯାତ୍ମନି

॥ 254॥

ଶ୍ଲୋକ 255

ଷଡ୍ଭିରୂର୍ମିଭିରଯୋଗି ଯୋଗିହୃଦ୍-

ଭାଵିତଂ ନ କରଣୈର୍ଵିଭାଵିତମ୍ ।

ବୁଦ୍ଧ୍ଯଵେଦ୍ଯମନଵଦ୍ଯମସ୍ତି ଯଦ୍ (ପାଠଭେଦଃ - ଭୂତି ଯଦ୍)

ବ୍ରହ୍ମ ତତ୍ତ୍ଵମସି ଭାଵଯାତ୍ମନି

॥ 255॥

ଶ୍ଲୋକ 256

ଭ୍ରାନ୍ତିକଲ୍ପିତଜଗତ୍କଲାଶ୍ରଯଂ

ସ୍ଵାଶ୍ରଯଂ ଚ ସଦସଦ୍ଵିଲକ୍ଷଣମ୍ ।

ନିଷ୍କଲଂ ନିରୁପମାନଵଦ୍ଧି ଯଦ୍ (ପାଠଭେଦଃ - ନିରୁପମାନମୃଦ୍ଧିମତ୍)

ବ୍ରହ୍ମ ତତ୍ତ୍ଵମସି ଭାଵଯାତ୍ମନି

॥ 256॥

ଶ୍ଲୋକ 257

ଜନ୍ମଵୃଦ୍ଧିପରିଣତ୍ଯପକ୍ଷଯ-

ଵ୍ଯାଧିନାଶନଵିହୀନମଵ୍ଯଯମ୍ ।

ଵିଶ୍ଵସୃଷ୍ଟ୍ଯଵଵିଘାତକାରଣଂ (ପାଠଭେଦଃ - ଵନଘାତକାରଣଂ)

ବ୍ରହ୍ମ ତତ୍ତ୍ଵମସି ଭାଵଯାତ୍ମନି

॥ 257॥

ଶ୍ଲୋକ 258

ଅସ୍ତଭେଦମନପାସ୍ତଲକ୍ଷଣଂ

ନିସ୍ତରଙ୍ଗଜଲରାଶିନିଶ୍ଚଲମ୍ ।

ନିତ୍ଯମୁକ୍ତମଵିଭକ୍ତମୂର୍ତି ଯଦ୍

ବ୍ରହ୍ମ ତତ୍ତ୍ଵମସି ଭାଵଯାତ୍ମନି

॥ 258॥

ଶ୍ଲୋକ 259

ଏକମେଵ ସଦନେକକାରଣଂ

କାରଣାନ୍ତରନିରାସ୍ଯକାରଣମ୍ । (ପାଠଭେଦଃ - ସକାରଣମ୍)

କାର୍ଯକାରଣଵିଲକ୍ଷଣଂ ସ୍ଵଯଂ

ବ୍ରହ୍ମ ତତ୍ତ୍ଵମସି ଭାଵଯାତ୍ମନି

॥ 259॥

ଶ୍ଲୋକ 260

ନିର୍ଵିକଲ୍ପକମନଲ୍ପମକ୍ଷରଂ

ଯତ୍କ୍ଷରାକ୍ଷରଵିଲକ୍ଷଣଂ ପରମ୍ ।

ନିତ୍ଯମଵ୍ଯଯସୁଖଂ ନିରଞ୍ଜନଂ

ବ୍ରହ୍ମ ତତ୍ତ୍ଵମସି ଭାଵଯାତ୍ମନି

॥ 260॥

ଶ୍ଲୋକ 261

ଯଦ୍ଵିଭାତି ସଦନେକଧା ଭ୍ରମା-

ନ୍ନାମରୂପଗୁଣଵିକ୍ରିଯାତ୍ମନା ।

ହେମଵତ୍ସ୍ଵଯମଵିକ୍ରିଯଂ ସଦା

ବ୍ରହ୍ମ ତତ୍ତ୍ଵମସି ଭାଵଯାତ୍ମନି

॥ 261॥

ଶ୍ଲୋକ 262

ଯଚ୍ଚକାସ୍ତ୍ଯନପରଂ ପରାତ୍ପରଂ

ପ୍ରତ୍ଯଗେକରସମାତ୍ମଲକ୍ଷଣମ୍ ।

ସତ୍ଯଚିତ୍ସୁଖମନନ୍ତମଵ୍ଯଯଂ

ବ୍ରହ୍ମ ତତ୍ତ୍ଵମସି ଭାଵଯାତ୍ମନି

॥ 262॥

ଶ୍ଲୋକ 263

ଉକ୍ତମର୍ଥମିମମାତ୍ମନି ସ୍ଵଯଂ

ଭାଵଯେତ୍ପ୍ରଥିତଯୁକ୍ତିଭିର୍ଧିଯା । (ପାଠଭେଦଃ - ଭାଵଯ ପ୍ରଥିତ)

ସଂଶଯାଦିରହିତଂ କରାମ୍ବୁଵତ୍

ତେନ ତତ୍ତ୍ଵନିଗମୋ ଭଵିଷ୍ଯତି

॥ 263॥

ଶ୍ଲୋକ 264

ସମ୍ବୋଧମାତ୍ରଂ ପରିଶୁଦ୍ଧତତ୍ତ୍ଵଂ (ପାଠଭେଦଃ - ସ୍ଵଂ ବୋଧମାତ୍ରଂ)

ଵିଜ୍ଞାଯ ସଙ୍ଘେ ନୃପଵଚ୍ଚ ସୈନ୍ଯେ ।

ତଦାଶ୍ରଯଃ ସ୍ଵାତ୍ମନି ସର୍ଵଦା ସ୍ଥିତୋ (ପାଠଭେଦଃ - ତଦାତ୍ମନୈଵାତ୍ମନି)

ଵିଲାପଯ ବ୍ରହ୍ମଣି ଵିଶ୍ଵଜାତମ୍

॥ 264॥

ଶ୍ଲୋକ 265

॥ 265॥ (ପାଠଭେଦଃ - ଦୃଶ୍ଯଜାତମ୍)

ବୁଦ୍ଧୌ ଗୁହାଯାଂ ସଦସଦ୍ଵିଲକ୍ଷଣଂ

ବ୍ରହ୍ମାସ୍ତି ସତ୍ଯଂ ପରମଦ୍ଵିତୀଯମ୍ ।

ତଦାତ୍ମନା ଯୋଽତ୍ର ଵସେଦ୍ଗୁହାଯାଂ

ପୁନର୍ନ ତସ୍ଯାଙ୍ଗଗୁହାପ୍ରଵେଶଃ

ଶ୍ଲୋକ 266

ଜ୍ଞାତେ ଵସ୍ତୁନ୍ଯପି ବଲଵତୀ ଵାସନାଽନାଦିରେଷା

କର୍ତା ଭୋକ୍ତାପ୍ଯହମିତି ଦୃଢା ଯାଽସ୍ଯ ସଂସାରହେତୁଃ ।

ପ୍ରତ୍ଯଗ୍ଦୃଷ୍ଟ୍ଯାଽଽତ୍ମନି ନିଵସତା ସାପନେଯା ପ୍ରଯତ୍ନା-

ନ୍ମୁକ୍ତିଂ ପ୍ରାହୁସ୍ତଦିହ ମୁନଯୋ ଵାସନାତାନଵଂ ଯତ୍

॥ 266॥

ଶ୍ଲୋକ 267

ଅହଂ ମମେତି ଯୋ ଭାଵୋ ଦେହାକ୍ଷାଦାଵନାତ୍ମନି ।

ଅଧ୍ଯାସୋଽଯଂ ନିରସ୍ତଵ୍ଯୋ ଵିଦୁଷା ସ୍ଵାତ୍ମନିଷ୍ଠଯା

॥ 267॥

ଶ୍ଲୋକ 268

ଜ୍ଞାତ୍ଵା ସ୍ଵଂ ପ୍ରତ୍ଯଗାତ୍ମାନଂ ବୁଦ୍ଧିତଦ୍ଵୃତ୍ତିସାକ୍ଷିଣମ୍ ।

ସୋଽହମିତ୍ଯେଵ ସଦ୍ଵୃତ୍ତ୍ଯାଽନାତ୍ମନ୍ଯାତ୍ମମତିଂ ଜହି

॥ 268॥

ଶ୍ଲୋକ 269

ଲୋକାନୁଵର୍ତନଂ ତ୍ଯକ୍ତ୍ଵା ତ୍ଯକ୍ତ୍ଵା ଦେହାନୁଵର୍ତନମ୍ ।

ଶାସ୍ତ୍ରାନୁଵର୍ତନଂ ତ୍ଯକ୍ତ୍ଵା ସ୍ଵାଧ୍ଯାସାପନଯଂ କୁରୁ

॥ 269॥

ଶ୍ଲୋକ 270

ଲୋକଵାସନଯା ଜନ୍ତୋଃ ଶାସ୍ତ୍ରଵାସନଯାପି ଚ ।

ଦେହଵାସନଯା ଜ୍ଞାନଂ ଯଥାଵନ୍ନୈଵ ଜାଯତେ ॥ 271

ସଂସାରକାରାଗୃହମୋକ୍ଷମିଚ୍ଛୋ-

ରଯୋମଯଂ ପାଦନିବନ୍ଧଶଋଙ୍ଖଲମ୍ । (ପାଠଭେଦଃ - ନିବଦ୍ଧ)

ଵଦନ୍ତି ତଜ୍ଜ୍ଞାଃ ପଟୁ ଵାସନାତ୍ରଯଂ

ଯୋଽସ୍ମାଦ୍ଵିମୁକ୍ତଃ ସମୁପୈତି ମୁକ୍ତିମ୍

॥ 270॥

ଶ୍ଲୋକ 271

ଜଲାଦିସଂସର୍ଗଵଶାତ୍ପ୍ରଭୂତ- (ପାଠଭେଦଃ - ଜଲାଦିସମ୍ପର୍କଵଶାତ୍)

ଦୁର୍ଗନ୍ଧଧୂତାଽଗରୁଦିଵ୍ଯଵାସନା ।

ସଙ୍ଘର୍ଷଣେନୈଵ ଵିଭାତି ସମ୍ଯ-

ଗ୍ଵିଧୂଯମାନେ ସତି ବାହ୍ଯଗନ୍ଧେ

॥ 272॥

ଶ୍ଲୋକ 272

ଅନ୍ତଃଶ୍ରିତାନନ୍ତଦୁରନ୍ତଵାସନା-

ଧୂଲୀଵିଲିପ୍ତା ପରମାତ୍ମଵାସନା ।

ପ୍ରଜ୍ଞାତିସଙ୍ଘର୍ଷଣତୋ ଵିଶୁଦ୍ଧା

ପ୍ରତୀଯତେ ଚନ୍ଦନଗନ୍ଧଵତ୍ ସ୍ଫୁଟମ୍

॥ 273॥

ଶ୍ଲୋକ 273

॥ 274॥ (ପାଠଭେଦଃ - ସ୍ଫୁଟା)

ଅନାତ୍ମଵାସନାଜାଲୈସ୍ତିରୋଭୂତାତ୍ମଵାସନା ।

ନିତ୍ଯାତ୍ମନିଷ୍ଠଯା ତେଷାଂ ନାଶେ ଭାତି ସ୍ଵଯଂ ସ୍ଫୁଟମ୍

ଶ୍ଲୋକ 274

॥ 275॥ (ପାଠଭେଦଃ - ସ୍ଫୁଟା)

ଯଥା ଯଥା ପ୍ରତ୍ଯଗଵସ୍ଥିତଂ ମନଃ

ତଥା ତଥା ମୁଞ୍ଚତି ବାହ୍ଯଵାସନାମ୍ । (ପାଠଭେଦଃ - ବାହ୍ଯଵାସନାଃ)

ନିଃଶେଷମୋକ୍ଷେ ସତି ଵାସନାନାଂ

ଆତ୍ମାନୁଭୂତିଃ ପ୍ରତିବନ୍ଧଶୂନ୍ଯା

ଶ୍ଲୋକ 275

ସ୍ଵାତ୍ମନ୍ଯେଵ ସଦା ସ୍ଥିତ୍ଵା ମନୋ ନଶ୍ଯତି ଯୋଗିନଃ । (ପାଠଭେଦଃ - ସ୍ଥିତ୍ଯା)

ଵାସନାନାଂ କ୍ଷଯଶ୍ଚାତଃ ସ୍ଵାଧ୍ଯାସାପନଯଂ କୁରୁ

॥ 276॥

ଶ୍ଲୋକ 276

ତମୋ ଦ୍ଵାଭ୍ଯାଂ ରଜଃ ସତ୍ତ୍ଵାତ୍ସତ୍ତ୍ଵଂ ଶୁଦ୍ଧେନ ନଶ୍ଯତି ।

ତସ୍ମାତ୍ସତ୍ତ୍ଵମଵଷ୍ଟଭ୍ଯ ସ୍ଵାଧ୍ଯାସାପନଯଂ କୁରୁ

॥ 277॥

ଶ୍ଲୋକ 277

ପ୍ରାରବ୍ଧଂ ପୁଷ୍ଯତି ଵପୁରିତି ନିଶ୍ଚିତ୍ଯ ନିଶ୍ଚଲଃ ।

ଧୈର୍ଯମାଲମ୍ବ୍ଯ ଯତ୍ନେନ ସ୍ଵାଧ୍ଯାସାପନଯଂ କୁରୁ

॥ 278॥

ଶ୍ଲୋକ 278

ନାହଂ ଜୀଵଃ ପରଂ ବ୍ରହ୍ମେତ୍ଯତଦ୍ଵ୍ଯାଵୃତ୍ତିପୂର୍ଵକମ୍ ।

ଵାସନାଵେଗତଃ ପ୍ରାପ୍ତସ୍ଵାଧ୍ଯାସାପନଯଂ କୁରୁ

॥ 279॥

ଶ୍ଲୋକ 279

ଶ୍ରୁତ୍ଯା ଯୁକ୍ତ୍ଯା ସ୍ଵାନୁଭୂତ୍ଯା ଜ୍ଞାତ୍ଵା ସାର୍ଵାତ୍ମ୍ଯମାତ୍ମନଃ ।

କ୍ଵଚିଦାଭାସତଃ ପ୍ରାପ୍ତସ୍ଵାଧ୍ଯାସାପନଯଂ କୁରୁ

॥ 280॥

ଶ୍ଲୋକ 280

ଅନାଦାନଵିସର୍ଗାଭ୍ଯାମୀଷନ୍ନାସ୍ତି କ୍ରିଯା ମୁନେଃ । (ପାଠଭେଦଃ - ଅନ୍ନାଦାନଵିସର୍ଗା)

ତଦେକନିଷ୍ଠଯା ନିତ୍ଯଂ ସ୍ଵାଧ୍ଯାସାପନଯଂ କୁରୁ

॥ 281॥

ଶ୍ଲୋକ 281

ତତ୍ତ୍ଵମସ୍ଯାଦିଵାକ୍ଯୋତ୍ଥବ୍ରହ୍ମାତ୍ମୈକତ୍ଵବୋଧତଃ ।

ବ୍ରହ୍ମଣ୍ଯାତ୍ମତ୍ଵଦାର୍ଢ୍ଯାଯ ସ୍ଵାଧ୍ଯାସାପନଯଂ କୁରୁ

॥ 282॥

ଶ୍ଲୋକ 282

ଅହମ୍ଭାଵସ୍ଯ ଦେହେଽସ୍ମିନ୍ନିଃଶେଷଵିଲଯାଵଧି ।

ସାଵଧାନେନ ଯୁକ୍ତାତ୍ମା ସ୍ଵାଧ୍ଯାସାପନଯଂ କୁରୁ

॥ 283॥

ଶ୍ଲୋକ 283

ପ୍ରତୀତିର୍ଜୀଵଜଗତୋଃ ସ୍ଵପ୍ନଵଦ୍ଭାତି ଯାଵତା ।

ତାଵନ୍ନିରନ୍ତରଂ ଵିଦ୍ଵନ୍ସ୍ଵାଧ୍ଯାସାପନଯଂ କୁରୁ

॥ 284॥

ଶ୍ଲୋକ 284

ନିଦ୍ରାଯା ଲୋକଵାର୍ତାଯାଃ ଶବ୍ଦାଦେରପି ଵିସ୍ମୃତେଃ ।

କ୍ଵଚିନ୍ନାଵସରଂ ଦତ୍ତ୍ଵା ଚିନ୍ତଯାତ୍ମାନମାତ୍ମନି

॥ 285॥

ଶ୍ଲୋକ 285

ମାତାପିତ୍ରୋର୍ମଲୋଦ୍ଭୂତଂ ମଲମାଂସମଯଂ ଵପୁଃ ।

ତ୍ଯକ୍ତ୍ଵା ଚାଣ୍ଡାଲଵଦ୍ଦୂରଂ ବ୍ରହ୍ମୀଭୂଯ କୃତୀ ଭଵ

॥ 286॥

ଶ୍ଲୋକ 286

ଘଟାକାଶଂ ମହାକାଶ ଇଵାତ୍ମାନଂ ପରାତ୍ମନି ।

ଵିଲାପ୍ଯାଖଣ୍ଡଭାଵେନ ତୂଷ୍ଣୀ ଭଵ ସଦା ମୁନେ

॥ 287॥

ଶ୍ଲୋକ 287

॥ 288॥ (ପାଠଭେଦଃ - ତୂଷ୍ଣୀଂ)

ସ୍ଵପ୍ରକାଶମଧିଷ୍ଠାନଂ ସ୍ଵଯମ୍ଭୂଯ ସଦାତ୍ମନା ।

ବ୍ରହ୍ମାଣ୍ଡମପି ପିଣ୍ଡାଣ୍ଡଂ ତ୍ଯଜ୍ଯତାଂ ମଲଭାଣ୍ଡଵତ୍

ଶ୍ଲୋକ 288

ଚିଦାତ୍ମନି ସଦାନନ୍ଦେ ଦେହାରୂଢାମହନ୍ଧିଯମ୍ ।

ନିଵେଶ୍ଯ ଲିଙ୍ଗମୁତ୍ସୃଜ୍ଯ କେଵଲୋ ଭଵ ସର୍ଵଦା

॥ 289॥

ଶ୍ଲୋକ 289

ଯତ୍ରୈଷ ଜଗଦାଭାସୋ ଦର୍ପଣାନ୍ତଃ ପୁରଂ ଯଥା ।

ତଦ୍ବ୍ରହ୍ମାହମିତି ଜ୍ଞାତ୍ଵା କୃତକୃତ୍ଯୋ ଭଵିଷ୍ଯସି

॥ 290॥

ଶ୍ଲୋକ 290

ଯତ୍ସତ୍ଯଭୂତଂ ନିଜରୂପମାଦ୍ଯଂ

ଚିଦଦ୍ଵଯାନନ୍ଦମରୂପମକ୍ରିଯମ୍ ।

ତଦେତ୍ଯ ମିଥ୍ଯାଵପୁରୁତ୍ସୃଜେତ (ପାଠଭେଦଃ - ସୃଜୈତ)

ଶୈଲୂଷଵଦ୍ଵେଷମୁପାତ୍ତମାତ୍ମନଃ

॥ 291॥

ଶ୍ଲୋକ 291

ସର୍ଵାତ୍ମନା ଦୃଶ୍ଯମିଦଂ ମୃଷୈଵ

ନୈଵାହମର୍ଥଃ କ୍ଷଣିକତ୍ଵଦର୍ଶନାତ୍ ।

ଜାନାମ୍ଯହଂ ସର୍ଵମିତି ପ୍ରତୀତିଃ

କୁତୋଽହମାଦେଃ କ୍ଷଣିକସ୍ଯ ସିଧ୍ଯେତ୍

॥ 292॥

ଶ୍ଲୋକ 292

ଅହମ୍ପଦାର୍ଥସ୍ତ୍ଵହମାଦିସାକ୍ଷୀ

ନିତ୍ଯଂ ସୁଷୁପ୍ତାଵପି ଭାଵଦର୍ଶନାତ୍ ।

ବ୍ରୂତେ ହ୍ଯଜୋ ନିତ୍ଯ ଇତି ଶ୍ରୁତିଃ ସ୍ଵଯଂ

ତତ୍ପ୍ରତ୍ଯଗାତ୍ମା ସଦସଦ୍ଵିଲକ୍ଷଣଃ

॥ 293॥

ଶ୍ଲୋକ 293

ଵିକାରିଣାଂ ସର୍ଵଵିକାରଵେତ୍ତା

ନିତ୍ଯାଵିକାରୋ ଭଵିତୁଂ ସମର୍ହତି । (ପାଠଭେଦଃ - ନିତ୍ଯୋଽଵିକାରୋ)

ମନୋରଥସ୍ଵପ୍ନସୁଷୁପ୍ତିଷୁ ସ୍ଫୁଟଂ

ପୁନଃ ପୁନର୍ଦୃଷ୍ଟମସତ୍ତ୍ଵମେତଯୋଃ

॥ 294॥

ଶ୍ଲୋକ 294

ଅତୋଽଭିମାନଂ ତ୍ଯଜ ମାଂସପିଣ୍ଡେ

ପିଣ୍ଡାଭିମାନିନ୍ଯପି ବୁଦ୍ଧିକଲ୍ପିତେ ।

କାଲତ୍ରଯାବାଧ୍ଯମଖଣ୍ଡବୋଧଂ

ଜ୍ଞାତ୍ଵା ସ୍ଵମାତ୍ମାନମୁପୈହି ଶାନ୍ତିମ୍

॥ 295॥

ଶ୍ଲୋକ 295

ତ୍ଯଜାଭିମାନଂ କୁଲଗୋତ୍ରନାମ-

ରୂପାଶ୍ରମେଷ୍ଵାର୍ଦ୍ରଶଵାଶ୍ରିତେଷୁ ।

ଲିଙ୍ଗସ୍ଯ ଧର୍ମାନପି କର୍ତୃତାଦୀଂ-

ସ୍ତ୍ଯକ୍ତ୍ଵା ଭଵାଖଣ୍ଡସୁଖସ୍ଵରୂପଃ

॥ 296॥

ଶ୍ଲୋକ 296

ସନ୍ତ୍ଯନ୍ଯେ ପ୍ରତିବନ୍ଧାଃ ପୁଂସଃ ସଂସାରହେତଵୋ ଦୃଷ୍ଟାଃ ।

ତେଷାମେଵଂ ମୂଲଂ ପ୍ରଥମଵିକାରୋ ଭଵତ୍ଯହଙ୍କାରଃ

॥ 297॥

ଶ୍ଲୋକ 297

॥ 298॥ (ପାଠଭେଦଃ - ତେଷାମେଷାଂ)

ଯାଵତ୍ସ୍ଯାତ୍ସ୍ଵସ୍ଯ ସମ୍ବନ୍ଧୋଽହଙ୍କାରେଣ ଦୁରାତ୍ମନା ।

ତାଵନ୍ନ ଲେଶମାତ୍ରାପି ମୁକ୍ତିଵାର୍ତା ଵିଲକ୍ଷଣା

ଶ୍ଲୋକ 298

ଅହଙ୍କାରଗ୍ରହାନ୍ମୁକ୍ତଃ ସ୍ଵରୂପମୁପପଦ୍ଯତେ ।

ଚନ୍ଦ୍ରଵଦ୍ଵିମଲଃ ପୂର୍ଣଃ ସଦାନନ୍ଦଃ ସ୍ଵଯମ୍ପ୍ରଭଃ

॥ 299॥

ଶ୍ଲୋକ 299

ଯୋ ଵା ପୁରେ ସୋଽହମିତି ପ୍ରତୀତୋ (ପାଠଭେଦଃ - ପୁରୈଷୋଽହମିତି)

ବୁଦ୍ଧ୍ଯା ପ୍ରକ୍ଲୃପ୍ତସ୍ତମସାଽତିମୂଢଯା । (ପାଠଭେଦଃ - ବୁଦ୍ଧ୍ଯାଽଵିଵିକ୍ତସ୍ତମସା)

ତସ୍ଯୈଵ ନିଃଶେଷତଯା ଵିନାଶେ

ବ୍ରହ୍ମାତ୍ମଭାଵଃ ପ୍ରତିବନ୍ଧଶୂନ୍ଯଃ

॥ 300॥

ଶ୍ଲୋକ 300

ବ୍ରହ୍ମାନନ୍ଦନିଧିର୍ମହାବଲଵତାଽହଙ୍କାରଘୋରାହିନା

ସଂଵେଷ୍ଟ୍ଯାତ୍ମନି ରକ୍ଷ୍ଯତେ ଗୁଣମଯୈଶ୍ଚଣ୍ଡେସ୍ତ୍ରିଭିର୍ମସ୍ତକୈଃ (ପାଠଭେଦଃ - ଚଣ୍ଡୈ)

ଵିଜ୍ଞାନାଖ୍ଯମହାସିନା ଶ୍ରୁତିମତା ଵିଚ୍ଛିଦ୍ଯ ଶୀର୍ଷତ୍ରଯଂ (ପାଠଭେଦଃ - ଦ୍ଯୁତିମତା)

ନିର୍ମୂଲ୍ଯାହିମିମଂ ନିଧିଂ ସୁଖକରଂ ଧୀରୋଽନୁଭୋକ୍ତୁଙ୍କ୍ଷମଃ

॥ 301॥

ଶ୍ଲୋକ 301

ଯାଵଦ୍ଵା ଯତ୍କିଞ୍ଚିଦ୍ଵିଷଦୋଷସ୍ଫୂର୍ତିରସ୍ତି ଚେଦ୍ଦେହେ ।

କଥମାରୋଗ୍ଯାଯ ଭଵେତ୍ତଦ୍ଵଦହନ୍ତାପି ଯୋଗିନୋ ମୁକ୍ତ୍ଯୈ

॥ 302॥

ଶ୍ଲୋକ 302

ଅହମୋଽତ୍ଯନ୍ତନିଵୃତ୍ତ୍ଯା ତତ୍କୃତନାନାଵିକଲ୍ପସଂହୃତ୍ଯା ।

ପ୍ରତ୍ଯକ୍ତତ୍ତ୍ଵଵିଵେକାଦିଦମହମସ୍ମୀତି ଵିନ୍ଦତେ ତତ୍ତ୍ଵମ୍

॥ 303॥

ଶ୍ଲୋକ 303

॥ 304॥ (ପାଠଭେଦଃ - ଵିଵେକାଦଯମ୍)

ଅହଙ୍କାରେ କର୍ତର୍ଯହମିତି ମତିଂ ମୁଞ୍ଚ ସହସା (ପାଠଭେଦଃ - ଅହଙ୍କର୍ତର୍ଯସ୍ମିନ୍ନହମିତି)

ଵିକାରାତ୍ମନ୍ଯାତ୍ମପ୍ରତିଫଲଜୁଷି ସ୍ଵସ୍ଥିତିମୁଷି ।

ଯଦଧ୍ଯାସାତ୍ପ୍ରାପ୍ତା ଜନିମୃତିଜରାଦୁଃଖବହୁଲା

ପ୍ରତୀଚଶ୍ଚିନ୍ମୂର୍ତେସ୍ତଵ ସୁଖତନୋଃ ସଂସୃତିରିଯମ୍

ଶ୍ଲୋକ 304

ସଦୈକରୂପସ୍ଯ ଚିଦାତ୍ମନୋ ଵିଭୋ-

ରାନନ୍ଦମୂର୍ତେରନଵଦ୍ଯକୀର୍ତେଃ ।

ନୈଵାନ୍ଯଥା କ୍ଵାପ୍ଯଵିକାରିଣସ୍ତେ

ଵିନାହମଧ୍ଯାସମମୁଷ୍ଯ ସଂସୃତିଃ

॥ 305॥

ଶ୍ଲୋକ 305

ତସ୍ମାଦହଙ୍କାରମିମଂ ସ୍ଵଶତ୍ରୁଂ

ଭୋକ୍ତୁର୍ଗଲେ କଣ୍ଟକଵତ୍ପ୍ରତୀତମ୍ ।

ଵିଚ୍ଛିଦ୍ଯ ଵିଜ୍ଞାନମହାସିନା ସ୍ଫୁଟଂ

ଭୁଙ୍କ୍ଷ୍ଵାତ୍ମସାମ୍ରାଜ୍ଯସୁଖଂ ଯଥେଷ୍ଟମ୍

॥ 306॥

ଶ୍ଲୋକ 306

ତତୋଽହମାଦେର୍ଵିନିଵର୍ତ୍ଯ ଵୃତ୍ତିଂ

ସନ୍ତ୍ଯକ୍ତରାଗଃ ପରମାର୍ଥଲାଭାତ୍ ।

ତୂଷ୍ଣୀଂ ସମାସ୍ସ୍ଵାତ୍ମସୁଖାନୁଭୂତ୍ଯା

ପୂର୍ଣାତ୍ମନା ବ୍ରହ୍ମଣି ନିର୍ଵିକଲ୍ପଃ

॥ 307॥

ଶ୍ଲୋକ 307

ସମୂଲକୃତ୍ତୋଽପି ମହାନହଂ ପୁନଃ

ଵ୍ଯୁଲ୍ଲେଖିତଃ ସ୍ଯାଦ୍ଯଦି ଚେତସା କ୍ଷଣମ୍ ।

ସଞ୍ଜୀଵ୍ଯ ଵିକ୍ଷେପଶତଂ କରୋତି

ନଭସ୍ଵତା ପ୍ରାଵୃଷି ଵାରିଦୋ ଯଥା

॥ 308॥

ଶ୍ଲୋକ 308

ନିଗୃହ୍ଯ ଶତ୍ରୋରହମୋଽଵକାଶଃ

କ୍ଵଚିନ୍ନ ଦେଯୋ ଵିଷଯାନୁଚିନ୍ତଯା ।

ସ ଏଵ ସଞ୍ଜୀଵନହେତୁରସ୍ଯ

ପ୍ରକ୍ଷୀଣଜମ୍ବୀରତରୋରିଵାମ୍ବୁ

॥ 309॥

ଶ୍ଲୋକ 309

ଦେହାତ୍ମନା ସଂସ୍ଥିତ ଏଵ କାମୀ

ଵିଲକ୍ଷଣଃ କାମଯିତା କଥଂ ସ୍ଯାତ୍ ।

ଅତୋଽର୍ଥସନ୍ଧାନପରତ୍ଵମେଵ

ଭେଦପ୍ରସକ୍ତ୍ଯା ଭଵବନ୍ଧହେତୁଃ

॥ 310॥

ଶ୍ଲୋକ 310

କାର୍ଯପ୍ରଵର୍ଧନାଦ୍ବୀଜପ୍ରଵୃଦ୍ଧିଃ ପରିଦୃଶ୍ଯତେ ।

କାର୍ଯନାଶାଦ୍ବୀଜନାଶସ୍ତସ୍ମାତ୍କାର୍ଯଂ ନିରୋଧଯେତ୍

॥ 311॥

ଶ୍ଲୋକ 311

ଵାସନାଵୃଦ୍ଧିତଃ କାର୍ଯଂ କାର୍ଯଵୃଦ୍ଧ୍ଯା ଚ ଵାସନା ।

ଵର୍ଧତେ ସର୍ଵଥା ପୁଂସଃ ସଂସାରୋ ନ ନିଵର୍ତତେ

॥ 312॥

ଶ୍ଲୋକ 312

ସଂସାରବନ୍ଧଵିଚ୍ଛିତ୍ତ୍ଯୈ ତଦ୍ ଦ୍ଵଯଂ ପ୍ରଦହେଦ୍ଯତିଃ ।

ଵାସନାଵୃଦ୍ଧିରେତାଭ୍ଯାଂ ଚିନ୍ତଯା କ୍ରିଯଯା ବହିଃ

॥ 313॥

ଶ୍ଲୋକ 313

॥ 314॥ (ପାଠଭେଦଃ - ଵାସନା ପ୍ରେର୍ଯତେ ହ୍ଯନ୍ତଃ)

ତାଭ୍ଯାଂ ପ୍ରଵର୍ଧମାନା ସା ସୂତେ ସଂସୃତିମାତ୍ମନଃ ।

ତ୍ରଯାଣାଂ ଚ କ୍ଷଯୋପାଯଃ ସର୍ଵାଵସ୍ଥାସୁ ସର୍ଵଦା

ଶ୍ଲୋକ 314

ସର୍ଵତ୍ର ସର୍ଵତଃ ସର୍ଵବ୍ରହ୍ମମାତ୍ରାଵଲୋକନୈଃ । (ପାଠଭେଦଃ - ମାତ୍ରାଵଲୋକନମ୍)

ସଦ୍ଭାଵଵାସନାଦାର୍ଢ୍ଯାତ୍ତତ୍ତ୍ରଯଂ ଲଯମଶ୍ନୁତେ

॥ 315॥

ଶ୍ଲୋକ 315

କ୍ରିଯାନାଶେ ଭଵେଚ୍ଚିନ୍ତାନାଶୋଽସ୍ମାଦ୍ଵାସନାକ୍ଷଯଃ ।

ଵାସନାପ୍ରକ୍ଷଯୋ ମୋକ୍ଷଃ ସା ଜୀଵନ୍ମୁକ୍ତିରିଷ୍ଯତେ

॥ 316॥

ଶ୍ଲୋକ 316

॥ 317॥ (ପାଠଭେଦଃ - ସ)

ସଦ୍ଵାସନାସ୍ଫୂର୍ତିଵିଜୃମ୍ଭଣେ ସତି

ହ୍ଯସୌ ଵିଲୀନାପ୍ଯହମାଦିଵାସନା । (ପାଠଭେଦଃ - ଵିଲୀନା ତ୍ଵହମାଦିଵାସନା)

ଅତିପ୍ରକୃଷ୍ଟାପ୍ଯରୁଣପ୍ରଭାଯାଂ

ଵିଲୀଯତେ ସାଧୁ ଯଥା ତମିସ୍ରା

ଶ୍ଲୋକ 317

ତମସ୍ତମଃକାର୍ଯମନର୍ଥଜାଲଂ

ନ ଦୃଶ୍ଯତେ ସତ୍ଯୁଦିତେ ଦିନେଶେ ।

ତଥାଽଦ୍ଵଯାନନ୍ଦରସାନୁଭୂତୌ

ନୈଵାସ୍ତି ବନ୍ଧୋ ନ ଚ ଦୁଃଖଗନ୍ଧଃ

॥ 318॥

ଶ୍ଲୋକ 318

ଦୃଶ୍ଯଂ ପ୍ରତୀତଂ ପ୍ରଵିଲାପଯନ୍ସନ୍ (ପାଠଭେଦଃ - ପ୍ରଵିଲାପଯନ୍ସ୍ଵଯଂ)

ସନ୍ମାତ୍ରମାନନ୍ଦଘନଂ ଵିଭାଵଯନ୍ ।

ସମାହିତଃ ସନ୍ବହିରନ୍ତରଂ ଵା

କାଲଂ ନଯେଥାଃ ସତି କର୍ମବନ୍ଧେ

॥ 319॥

ଶ୍ଲୋକ 319

ପ୍ରମାଦୋ ବ୍ରହ୍ମନିଷ୍ଠାଯାଂ ନ କର୍ତଵ୍ଯଃ କଦାଚନ ।

ପ୍ରମାଦୋ ମୃତ୍ଯୁରିତ୍ଯାହ ଭଗଵାନ୍ବ୍ରହ୍ମଣଃ ସୁତଃ

॥ 320॥

ଶ୍ଲୋକ 320

ନ ପ୍ରମାଦାଦନର୍ଥୋଽନ୍ଯୋ ଜ୍ଞାନିନଃ ସ୍ଵସ୍ଵରୂପତଃ ।

ତତୋ ମୋହସ୍ତତୋଽହନ୍ଧୀସ୍ତତୋ ବନ୍ଧସ୍ତତୋ ଵ୍ଯଥା

॥ 321॥

ଶ୍ଲୋକ 321

ଵିଷଯାଭିମୁଖଂ ଦୃଷ୍ଟ୍ଵା ଵିଦ୍ଵାଂସମପି ଵିସ୍ମୃତିଃ ।

ଵିକ୍ଷେପଯତି ଧୀଦୋଷୈର୍ଯୋଷା ଜାରମିଵ ପ୍ରିଯମ୍

॥ 322॥

ଶ୍ଲୋକ 322

ଯଥାପକୃଷ୍ଟଂ ଶୈଵାଲଂ କ୍ଷଣମାତ୍ରଂ ନ ତିଷ୍ଠତି ।

ଆଵୃଣୋତି ତଥା ମାଯା ପ୍ରାଜ୍ଞଂ ଵାପି ପରାଙ୍ମୁଖମ୍

॥ 323॥

ଶ୍ଲୋକ 323

ଲକ୍ଷ୍ଯଚ୍ଯୁତଂ ଚେଦ୍ଯଦି ଚିତ୍ତମୀଷଦ୍

ବହିର୍ମୁଖଂ ସନ୍ନିପତେତ୍ତତସ୍ତତଃ ।

ପ୍ରମାଦତଃ ପ୍ରଚ୍ଯୁତକେଲିକନ୍ଦୁକଃ

ସୋପାନପଙ୍କ୍ତୌ ପତିତୋ ଯଥା ତଥା

॥ 324॥

ଶ୍ଲୋକ 324

ଵିଷଯେଷ୍ଵାଵିଶଚ୍ଚେତଃ ସଙ୍କଲ୍ପଯତି ତଦ୍ଗୁଣାନ୍ ।

ସମ୍ଯକ୍ସଙ୍କଲ୍ପନାତ୍କାମଃ କାମାତ୍ପୁଂସଃ ପ୍ରଵର୍ତନମ୍

॥ 325॥

ଶ୍ଲୋକ 325

ଅତଃ ପ୍ରମାଦାନ୍ନ ପରୋଽସ୍ତି ମୃତ୍ଯୁଃ

ଵିଵେକିନୋ ବ୍ରହ୍ମଵିଦଃ ସମାଧୌ ।

ସମାହିତଃ ସିଦ୍ଧିମୁପୈତି ସମ୍ଯକ୍

ସମାହିତାତ୍ମା ଭଵ ସାଵଧାନଃ

॥ 326॥

ଶ୍ଲୋକ 326

ତତଃ ସ୍ଵରୂପଵିଭ୍ରଂଶୋ ଵିଭ୍ରଷ୍ଟସ୍ତୁ ପତତ୍ଯଧଃ ।

ପତିତସ୍ଯ ଵିନା ନାଶଂ ପୁନର୍ନାରୋହ ଈକ୍ଷ୍ଯତେ

॥ 327॥

ଶ୍ଲୋକ 327

ସଙ୍କଲ୍ପଂ ଵର୍ଜଯେତ୍ତସ୍ମାତ୍ସର୍ଵାନର୍ଥସ୍ଯ କାରଣମ୍ ।

ଅପଥ୍ଯାନି ହି ଵସ୍ତୂନି ଵ୍ଯାଧିଗ୍ରସ୍ତୋ ଯଥୋତ୍ସୃଜେ ।

ଜୀଵତୋ ଯସ୍ଯ କୈଵଲ୍ଯଂ ଵିଦେହେ ସ ଚ କେଵଲଃ ।

ଯତ୍କିଞ୍ଚିତ୍ ପଶ୍ଯତୋ ଭେଦଂ ଭଯଂ ବ୍ରୂତେ ଯଜୁଃଶ୍ରୁତିଃ

॥ 328॥

ଶ୍ଲୋକ 328

ଯଦା କଦା ଵାପି ଵିପଶ୍ଚିଦେଷ

ବ୍ରହ୍ମଣ୍ଯନନ୍ତେଽପ୍ଯଣୁମାତ୍ରଭେଦମ୍ ।

ପଶ୍ଯତ୍ଯଥାମୁଷ୍ଯ ଭଯଂ ତଦୈଵ

ଯଦ୍ଵୀକ୍ଷିତଂ ଭିନ୍ନତଯା ପ୍ରମାଦାତ୍

॥ 329॥

ଶ୍ଲୋକ 329

॥ 330॥ (ପାଠଭେଦଃ - ଯଦୀକ୍ଷିତଂ)

ଶ୍ରୁତିସ୍ମୃତିନ୍ଯାଯଶତୈର୍ନିଷିଦ୍ଧେ

ଦୃଶ୍ଯେଽତ୍ର ଯଃ ସ୍ଵାତ୍ମମତିଂ କରୋତି ।

ଉପୈତି ଦୁଃଖୋପରି ଦୁଃଖଜାତଂ

ନିଷିଦ୍ଧକର୍ତା ସ ମଲିମ୍ଲୁଚୋ ଯଥା

ଶ୍ଲୋକ 330

ସତ୍ଯାଭିସନ୍ଧାନରତୋ ଵିମୁକ୍ତୋ

ମହତ୍ତ୍ଵମାତ୍ମୀଯମୁପୈତି ନିତ୍ଯମ୍ ।

ମିଥ୍ଯାଭିସନ୍ଧାନରତସ୍ତୁ ନଶ୍ଯେଦ୍

ଦୃଷ୍ଟଂ ତଦେତଦ୍ଯଦଚୌରଚୌରଯୋଃ

॥ 331॥

ଶ୍ଲୋକ 331

॥ 332॥ (ପାଠଭେଦଃ - ଚୋରଚୋରଯୋଃ)

ଯତିରସଦନୁସନ୍ଧିଂ ବନ୍ଧହେତୁଂ ଵିହାଯ

ସ୍ଵଯମଯମହମସ୍ମୀତ୍ଯାତ୍ମଦୃଷ୍ଟ୍ଯୈଵ ତିଷ୍ଠେତ୍

ସୁଖଯତି ନନୁ ନିଷ୍ଠା ବ୍ରହ୍ମଣି ସ୍ଵାନୁଭୂତ୍ଯା

ହରତି ପରମଵିଦ୍ଯାକାର୍ଯଦୁଃଖଂ ପ୍ରତୀତମ୍

ଶ୍ଲୋକ 332

ବାହ୍ଯାନୁସନ୍ଧିଃ ପରିଵର୍ଧଯେତ୍ଫଲଂ (ପାଠଭେଦଃ - ବାହ୍ଯାଭିସନ୍ଧିଃ)

ଦୁର୍ଵାସନାମେଵ ତତସ୍ତତୋଽଧିକାମ୍ ।

ଜ୍ଞାତ୍ଵା ଵିଵେକୈଃ ପରିହୃତ୍ଯ ବାହ୍ଯଂ

ସ୍ଵାତ୍ମାନୁସନ୍ଧିଂ ଵିଦଧୀତ ନିତ୍ଯମ୍

॥ 333॥

ଶ୍ଲୋକ 333

ବାହ୍ଯେ ନିରୁଦ୍ଧେ ମନସଃ ପ୍ରସନ୍ନତା

ମନଃପ୍ରସାଦେ ପରମାତ୍ମଦର୍ଶନମ୍ ।

ତସ୍ମିନ୍ସୁଦୃଷ୍ଟେ ଭଵବନ୍ଧନାଶୋ

ବହିର୍ନିରୋଧଃ ପଦଵୀ ଵିମୁକ୍ତେଃ

॥ 334॥

ଶ୍ଲୋକ 334

କଃ ପଣ୍ଡିତଃ ସନ୍ସଦସଦ୍ଵିଵେକୀ

ଶ୍ରୁତିପ୍ରମାଣଃ ପରମାର୍ଥଦର୍ଶୀ ।

ଜାନନ୍ହି କୁର୍ଯାଦସତୋଽଵଲମ୍ବଂ

ସ୍ଵପାତହେତୋଃ ଶିଶୁଵନ୍ମୁମୁକ୍ଷୁଃ

॥ 335॥

ଶ୍ଲୋକ 335

ଦେହାଦିସଂସକ୍ତିମତୋ ନ ମୁକ୍ତିଃ

ମୁକ୍ତସ୍ଯ ଦେହାଦ୍ଯଭିମତ୍ଯଭାଵଃ ।

ସୁପ୍ତସ୍ଯ ନୋ ଜାଗରଣଂ ନ ଜାଗ୍ରତଃ

ସ୍ଵପ୍ନସ୍ତଯୋର୍ଭିନ୍ନଗୁଣାଶ୍ରଯତ୍ଵାତ୍

॥ 336॥

ଶ୍ଲୋକ 336

ଅନ୍ତର୍ବହିଃ ସ୍ଵଂ ସ୍ଥିରଜଙ୍ଗମେଷୁ

ଜ୍ଞାତ୍ଵାଽଽତ୍ମନାଧାରତଯା ଵିଲୋକ୍ଯ । (ପାଠଭେଦଃ - ଜ୍ଞାନାତ୍ମନ୍)

ତ୍ଯକ୍ତାଖିଲୋପାଧିରଖଣ୍ଡରୂପଃ

ପୂର୍ଣାତ୍ମନା ଯଃ ସ୍ଥିତ ଏଷ ମୁକ୍ତଃ

॥ 337॥

ଶ୍ଲୋକ 337

ସର୍ଵାତ୍ମନା ବନ୍ଧଵିମୁକ୍ତିହେତୁଃ

ସର୍ଵାତ୍ମଭାଵାନ୍ନ ପରୋଽସ୍ତି କଶ୍ଚିତ୍ ।

ଦୃଶ୍ଯାଗ୍ରହେ ସତ୍ଯୁପପଦ୍ଯତେଽସୌ

ସର୍ଵାତ୍ମଭାଵୋଽସ୍ଯ ସଦାତ୍ମନିଷ୍ଠଯା

॥ 338॥

ଶ୍ଲୋକ 338

ଦୃଶ୍ଯସ୍ଯାଗ୍ରହଣଂ କଥଂ ନୁ ଘଟତେ ଦେହାତ୍ମନା ତିଷ୍ଠତୋ

ବାହ୍ଯାର୍ଥାନୁଭଵପ୍ରସକ୍ତମନସସ୍ତତ୍ତତ୍କ୍ରିଯାଂ କୁର୍ଵତଃ ।

ସନ୍ନ୍ଯସ୍ତାଖିଲଧର୍ମକର୍ମଵିଷଯୈର୍ନିତ୍ଯାତ୍ମନିଷ୍ଠାପରୈଃ

ତତ୍ତ୍ଵଜ୍ଞୈଃ କରଣୀଯମାତ୍ମନି ସଦାନନ୍ଦେଚ୍ଛୁଭିର୍ଯତ୍ନତଃ

॥ 339॥

ଶ୍ଲୋକ 339

ସର୍ଵାତ୍ମସିଦ୍ଧଯେ ଭିକ୍ଷୋଃ କୃତଶ୍ରଵଣକର୍ମଣଃ । (ପାଠଭେଦଃ - ସାର୍ଵାତ୍ମ୍ଯ)

ସମାଧିଂ ଵିଦଧାତ୍ଯେଷା ଶାନ୍ତୋ ଦାନ୍ତ ଇତି ଶ୍ରୁତିଃ

॥ 340॥

ଶ୍ଲୋକ 340

ଆରୂଢଶକ୍ତେରହମୋ ଵିନାଶଃ

କର୍ତୁନ୍ନ ଶକ୍ଯ ସହସାପି ପଣ୍ଡିତୈଃ । (ପାଠଭେଦଃ - କର୍ତୁଂ ନ)

ଯେ ନିର୍ଵିକଲ୍ପାଖ୍ଯସମାଧିନିଶ୍ଚଲାଃ

ତାନନ୍ତରାଽନନ୍ତଭଵା ହି ଵାସନାଃ

॥ 341॥

ଶ୍ଲୋକ 341

ଅହମ୍ବୁଦ୍ଧ୍ଯୈଵ ମୋହିନ୍ଯା ଯୋଜଯିତ୍ଵାଽଽଵୃତେର୍ବଲାତ୍ ।

ଵିକ୍ଷେପଶକ୍ତିଃ ପୁରୁଷଂ ଵିକ୍ଷେପଯତି ତଦ୍ଗୁଣୈଃ

॥ 342॥

ଶ୍ଲୋକ 342

ଵିକ୍ଷେପଶକ୍ତିଵିଜଯୋ ଵିଷମୋ ଵିଧାତୁଂ

ନିଃଶେଷମାଵରଣଶକ୍ତିନିଵୃତ୍ତ୍ଯଭାଵେ ।

ଦୃଗ୍ଦୃଶ୍ଯଯୋଃ ସ୍ଫୁଟପଯୋଜଲଵଦ୍ଵିଭାଗେ

ନଶ୍ଯେତ୍ତଦାଵରଣମାତ୍ମନି ଚ ସ୍ଵଭାଵାତ୍ ।

ନିଃସଂଶଯେନ ଭଵତି ପ୍ରତିବନ୍ଧଶୂନ୍ଯୋ

ଵିକ୍ଷେପଣଂ ନ ହି ତଦା ଯଦି ଚେନ୍ମୃଷାର୍ଥେ

॥ 343॥

ଶ୍ଲୋକ 343

॥ 344॥ (ପାଠଭେଦଃ - ନିକ୍ଷେପଣଂ)

ସମ୍ଯଗ୍ଵିଵେକଃ ସ୍ଫୁଟବୋଧଜନ୍ଯୋ

ଵିଭଜ୍ଯ ଦୃଗ୍ଦୃଶ୍ଯପଦାର୍ଥତତ୍ତ୍ଵମ୍ ।

ଛିନତ୍ତି ମାଯାକୃତମୋହବନ୍ଧଂ

ଯସ୍ମାଦ୍ଵିମୁକ୍ତସ୍ତୁ ପୁନର୍ନ ସଂସୃତିଃ

ଶ୍ଲୋକ 344

॥ 345॥ (ପାଠଭେଦଃ - ଵିମୁକ୍ତସ୍ଯ)

ପରାଵରୈକତ୍ଵଵିଵେକଵହ୍ନିଃ

ଦହତ୍ଯଵିଦ୍ଯାଗହନଂ ହ୍ଯଶେଷମ୍ ।

କିଂ ସ୍ଯାତ୍ପୁନଃ ସଂସରଣସ୍ଯ ବୀଜଂ

ଅଦ୍ଵୈତଭାଵଂ ସମୁପେଯୁଷୋଽସ୍ଯ

ଶ୍ଲୋକ 345

ଆଵରଣସ୍ଯ ନିଵୃତ୍ତିର୍ଭଵତି ହି ସମ୍ଯକ୍ପଦାର୍ଥଦର୍ଶନତଃ ।

ମିଥ୍ଯାଜ୍ଞାନଵିନାଶସ୍ତଦ୍ଵିକ୍ଷେପଜନିତଦୁଃଖନିଵୃତ୍ତିଃ

॥ 346॥

ଶ୍ଲୋକ 346

ଏତତ୍ତ୍ରିତଯଂ ଦୃଷ୍ଟଂ ସମ୍ଯଗ୍ରଜ୍ଜୁସ୍ଵରୂପଵିଜ୍ଞାନାତ୍ ।

ତସ୍ମାଦ୍ଵସ୍ତୁସତତ୍ତ୍ଵଂ ଜ୍ଞାତଵ୍ଯଂ ବନ୍ଧମୁକ୍ତଯେ ଵିଦୁଷା

॥ 347॥

ଶ୍ଲୋକ 347

ଅଯୋଽଗ୍ନିଯୋଗାଦିଵ ସତ୍ସମନ୍ଵଯାନ୍

ମାତ୍ରାଦିରୂପେଣ ଵିଜୃମ୍ଭତେ ଧୀଃ ।

ତତ୍କାର୍ଯମେତଦ୍ଦ୍ଵିତଯଂ ଯତୋ ମୃଷା (ପାଠଭେଦଃ - ତତ୍କାର୍ଯମେଵ ତ୍ରିତଯଂ)

ଦୃଷ୍ଟଂ ଭ୍ରମସ୍ଵପ୍ନମନୋରଥେଷୁ

॥ 348॥

ଶ୍ଲୋକ 348

ତତୋ ଵିକାରାଃ ପ୍ରକୃତେରହମ୍ମୁଖା

ଦେହାଵସାନା ଵିଷଯାଶ୍ଚ ସର୍ଵେ ।

କ୍ଷଣେଽନ୍ଯଥାଭାଵିତଯା ହ୍ଯମୀଷା- (ପାଠଭେଦଃ - ଭାଵିନ ଏଷ ଆତ୍ମା)

ମସତ୍ତ୍ଵମାତ୍ମା ତୁ କଦାପି ନାନ୍ଯଥା

॥ 349॥

ଶ୍ଲୋକ 349

॥ 350॥ (ପାଠଭେଦଃ - ମସତ୍ତ୍ଵମାତ୍ମା ତୁ କଦାପି)

ନିତ୍ଯାଦ୍ଵଯାଖଣ୍ଡଚିଦେକରୂପୋ

ବୁଦ୍ଧ୍ଯାଦିସାକ୍ଷୀ ସଦସଦ୍ଵିଲକ୍ଷଣଃ ।

ଅହମ୍ପଦପ୍ରତ୍ଯଯଲକ୍ଷିତାର୍ଥଃ

ପ୍ରତ୍ଯକ୍ ସଦାନନ୍ଦଘନଃ ପରାତ୍ମା

ଶ୍ଲୋକ 350

ଇତ୍ଥଂ ଵିପଶ୍ଚିତ୍ସଦସଦ୍ଵିଭଜ୍ଯ

ନିଶ୍ଚିତ୍ଯ ତତ୍ତ୍ଵଂ ନିଜବୋଧଦୃଷ୍ଟ୍ଯା ।

ଜ୍ଞାତ୍ଵା ସ୍ଵମାତ୍ମାନମଖଣ୍ଡବୋଧଂ

ତେଭ୍ଯୋ ଵିମୁକ୍ତଃ ସ୍ଵଯମେଵ ଶାମ୍ଯତି

॥ 351॥

ଶ୍ଲୋକ 351

ଅଜ୍ଞାନହୃଦଯଗ୍ରନ୍ଥେର୍ନିଃଶେଷଵିଲଯସ୍ତଦା ।

ସମାଧିନାଽଵିକଲ୍ପେନ ଯଦାଽଦ୍ଵୈତାତ୍ମଦର୍ଶନମ୍

॥ 352॥

ଶ୍ଲୋକ 352

ତ୍ଵମହମିଦମିତୀଯଂ କଲ୍ପନା ବୁଦ୍ଧିଦୋଷାତ୍

ପ୍ରଭଵତି ପରମାତ୍ମନ୍ଯଦ୍ଵଯେ ନିର୍ଵିଶେଷେ ।

ପ୍ରଵିଲସତି ସମାଧାଵସ୍ଯ ସର୍ଵୋ ଵିକଲ୍ପୋ

ଵିଲଯନମୁପଗଚ୍ଛେଦ୍ଵସ୍ତୁତତ୍ତ୍ଵାଵଧୃତ୍ଯା

॥ 353॥

ଶ୍ଲୋକ 353

ଶାନ୍ତୋ ଦାନ୍ତଃ ପରମୁପରତଃ କ୍ଷାନ୍ତିଯୁକ୍ତଃ ସମାଧିଂ

କୁର୍ଵନ୍ନିତ୍ଯଂ କଲଯତି ଯତିଃ ସ୍ଵସ୍ଯ ସର୍ଵାତ୍ମଭାଵମ୍ ।

ତେନାଵିଦ୍ଯାତିମିରଜନିତାନ୍ସାଧୁ ଦଗ୍ଧ୍ଵା ଵିକଲ୍ପାନ୍

ବ୍ରହ୍ମାକୃତ୍ଯା ନିଵସତି ସୁଖଂ ନିଷ୍କ୍ରିଯୋ ନିର୍ଵିକଲ୍ପଃ

॥ 354॥

ଶ୍ଲୋକ 354

ସମାହିତା ଯେ ପ୍ରଵିଲାପ୍ଯ ବାହ୍ଯଂ

ଶ୍ରୋତ୍ରାଦି ଚେତଃ ସ୍ଵମହଂ ଚିଦାତ୍ମନି ।

ତ ଏଵ ମୁକ୍ତା ଭଵପାଶବନ୍ଧୈଃ

ନାନ୍ଯେ ତୁ ପାରୋକ୍ଷ୍ଯକଥାଭିଧାଯିନଃ

॥ 355॥

ଶ୍ଲୋକ 355

ଉପାଧିଭେଦାତ୍ସ୍ଵଯମେଵ ଭିଦ୍ଯତେ (ପାଠଭେଦଃ - ଯୋଗାତ୍ସ୍ଵଯମେଵ)

ଚୋପାଧ୍ଯପୋହେ ସ୍ଵଯମେଵ କେଵଲଃ ।

ତସ୍ମାଦୁପାଧେର୍ଵିଲଯାଯ ଵିଦ୍ଵାନ୍

ଵସେତ୍ସଦାଽକଲ୍ପସମାଧିନିଷ୍ଠଯା

॥ 356॥

ଶ୍ଲୋକ 356

ସତି ସକ୍ତୋ ନରୋ ଯାତି ସଦ୍ଭାଵଂ ହ୍ଯେକନିଷ୍ଠଯା ।

କୀଟକୋ ଭ୍ରମରଂ ଧ୍ଯାଯନ୍ ଭ୍ରମରତ୍ଵାଯ କଲ୍ପତେ

॥ 357॥

ଶ୍ଲୋକ 357

କ୍ରିଯାନ୍ତରାସକ୍ତିମପାସ୍ଯ କୀଟକୋ

ଧ୍ଯାଯନ୍ନଲିତ୍ଵଂ ହ୍ଯଲିଭାଵମୃଚ୍ଛତି । (ପାଠଭେଦଃ - ଧ୍ଯାଯନ୍ଯଥାଲିଂ)

ତଥୈଵ ଯୋଗୀ ପରମାତ୍ମତତ୍ତ୍ଵଂ

ଧ୍ଯାତ୍ଵା ସମାଯାତି ତଦେକନିଷ୍ଠଯା

॥ 358॥

ଶ୍ଲୋକ 358

ଅତୀଵ ସୂକ୍ଷ୍ମଂ ପରମାତ୍ମତତ୍ତ୍ଵଂ

ନ ସ୍ଥୂଲଦୃଷ୍ଟ୍ଯା ପ୍ରତିପତ୍ତୁମର୍ହତି ।

ସମାଧିନାତ୍ଯନ୍ତସୁସୂକ୍ଷ୍ମଵୃତ୍ତ୍ଯା

ଜ୍ଞାତଵ୍ଯମାର୍ଯୈରତିଶୁଦ୍ଧବୁଦ୍ଧିଭିଃ

॥ 359॥

ଶ୍ଲୋକ 359

ଯଥା ସୁଵର୍ଣଂ ପୁଟପାକଶୋଧିତଂ

ତ୍ଯକ୍ତ୍ଵା ମଲଂ ସ୍ଵାତ୍ମଗୁଣଂ ସମୃଚ୍ଛତି ।

ତଥା ମନଃ ସତ୍ତ୍ଵରଜସ୍ତମୋମଲଂ

ଧ୍ଯାନେନ ସନ୍ତ୍ଯଜ୍ଯ ସମେତି ତତ୍ତ୍ଵମ୍

॥ 360॥

ଶ୍ଲୋକ 360

ନିରନ୍ତରାଭ୍ଯାସଵଶାତ୍ତଦିତ୍ଥଂ

ପକ୍ଵଂ ମନୋ ବ୍ରହ୍ମଣି ଲୀଯତେ ଯଦା ।

ତଦା ସମାଧିଃ ସଵିକଲ୍ପଵର୍ଜିତଃ (ପାଠଭେଦଃ - ସ ଵିକଲ୍ପଵର୍ଜିତଃ)

ସ୍ଵତୋଽଦ୍ଵଯାନନ୍ଦରସାନୁଭାଵକଃ

॥ 361॥

ଶ୍ଲୋକ 361

ସମାଧିନାଽନେନ ସମସ୍ତଵାସନା-

ଗ୍ରନ୍ଥେର୍ଵିନାଶୋଽଖିଲକର୍ମନାଶଃ ।

ଅନ୍ତର୍ବହିଃ ସର୍ଵତ ଏଵ ସର୍ଵଦା

ସ୍ଵରୂପଵିସ୍ଫୂର୍ତିରଯତ୍ନତଃ ସ୍ଯାତ୍

॥ 362॥

ଶ୍ଲୋକ 362

ଶ୍ରୁତେଃ ଶତଗୁଣଂ ଵିଦ୍ଯାନ୍ମନନଂ ମନନାଦପି ।

ନିଦିଧ୍ଯାସଂ ଲକ୍ଷଗୁଣମନନ୍ତଂ ନିର୍ଵିକଲ୍ପକମ୍

॥ 363॥

ଶ୍ଲୋକ 363

ନିର୍ଵିକଲ୍ପକସମାଧିନା ସ୍ଫୁଟଂ

ବ୍ରହ୍ମତତ୍ତ୍ଵମଵଗମ୍ଯତେ ଧ୍ରୁଵମ୍ ।

ନାନ୍ଯଥା ଚଲତଯା ମନୋଗତେଃ

ପ୍ରତ୍ଯଯାନ୍ତରଵିମିଶ୍ରିତଂ ଭଵେତ୍

॥ 364॥

ଶ୍ଲୋକ 364

ଅତଃ ସମାଧତ୍ସ୍ଵ ଯତେନ୍ଦ୍ରିଯଃ ସନ୍

ନିରନ୍ତରଂ ଶାନ୍ତମନାଃ ପ୍ରତୀଚି ।

ଵିଧ୍ଵଂସଯ ଧ୍ଵାନ୍ତମନାଦ୍ଯଵିଦ୍ଯଯା

କୃତଂ ସଦେକତ୍ଵଵିଲୋକନେନ

॥ 365॥

ଶ୍ଲୋକ 365

ଯୋଗସ୍ଯ ପ୍ରଥମଦ୍ଵାରଂ ଵାଙ୍ନିରୋଧୋଽପରିଗ୍ରହଃ । (ପାଠଭେଦଃ - ପ୍ରଥମଂ ଦ୍ଵାରଂ)

ନିରାଶା ଚ ନିରୀହା ଚ ନିତ୍ଯମେକାନ୍ତଶୀଲତା

॥ 366॥

ଶ୍ଲୋକ 366

ଏକାନ୍ତସ୍ଥିତିରିନ୍ଦ୍ରିଯୋପରମଣେ ହେତୁର୍ଦମଶ୍ଚେତସଃ

ସଂରୋଧେ କରଣଂ ଶମେନ ଵିଲଯଂ ଯାଯାଦହଂଵାସନା ।

ତେନାନନ୍ଦରସାନୁଭୂତିରଚଲା ବ୍ରାହ୍ମୀ ସଦା ଯୋଗିନଃ

ତସ୍ମାଚ୍ଚିତ୍ତନିରୋଧ ଏଵ ସତତଂ କାର୍ଯଃ ପ୍ରଯତ୍ନୋ ମୁନେଃ

॥ 367॥

ଶ୍ଲୋକ 367

॥ 368॥ ପ୍ରଯତ୍ନାନ୍ମୁନେଃ

ଵାଚଂ ନିଯଚ୍ଛାତ୍ମନି ତଂ ନିଯଚ୍ଛ

ବୁଦ୍ଧୌ ଧିଯଂ ଯଚ୍ଛ ଚ ବୁଦ୍ଧିସାକ୍ଷିଣି ।

ତଂ ଚାପି ପୂର୍ଣାତ୍ମନି ନିର୍ଵିକଲ୍ପେ

ଵିଲାପ୍ଯ ଶାନ୍ତିଂ ପରମାଂ ଭଜସ୍ଵ

ଶ୍ଲୋକ 368

ଦେହପ୍ରାଣେନ୍ଦ୍ରିଯମନୋବୁଦ୍ଧ୍ଯାଦିଭିରୁପାଧିଭିଃ ।

ଯୈର୍ଯୈର୍ଵୃତ୍ତେଃସମାଯୋଗସ୍ତତ୍ତଦ୍ଭାଵୋଽସ୍ଯ ଯୋଗିନଃ

॥ 369॥

ଶ୍ଲୋକ 369

ତନ୍ନିଵୃତ୍ତ୍ଯା ମୁନେଃ ସମ୍ଯକ୍ ସର୍ଵୋପରମଣଂ ସୁଖମ୍ ।

ସନ୍ଦୃଶ୍ଯତେ ସଦାନନ୍ଦରସାନୁଭଵଵିପ୍ଲଵଃ

॥ 370॥

ଶ୍ଲୋକ 370

ଅନ୍ତସ୍ତ୍ଯାଗୋ ବହିସ୍ତ୍ଯାଗୋ ଵିରକ୍ତସ୍ଯୈଵ ଯୁଜ୍ଯତେ ।

ତ୍ଯଜତ୍ଯନ୍ତର୍ବହିଃସଙ୍ଗଂ ଵିରକ୍ତସ୍ତୁ ମୁମୁକ୍ଷଯା

॥ 371॥

ଶ୍ଲୋକ 371

ବହିସ୍ତୁ ଵିଷଯୈଃ ସଙ୍ଗଂ ତଥାନ୍ତରହମାଦିଭିଃ । (ପାଠଭେଦଃ - ସଙ୍ଗଃ)

ଵିରକ୍ତ ଏଵ ଶକ୍ନୋତି ତ୍ଯକ୍ତୁଂ ବ୍ରହ୍ମଣି ନିଷ୍ଠିତଃ

॥ 372॥

ଶ୍ଲୋକ 372

ଵୈରାଗ୍ଯବୋଧୌ ପୁରୁଷସ୍ଯ ପକ୍ଷିଵତ୍

ପକ୍ଷୌ ଵିଜାନୀହି ଵିଚକ୍ଷଣ ତ୍ଵମ୍ ।

ଵିମୁକ୍ତିସୌଧାଗ୍ରଲତାଧିରୋହଣଂ

ତାଭ୍ଯାଂ ଵିନା ନାନ୍ଯତରେଣ ସିଧ୍ଯତି

॥ 373॥

ଶ୍ଲୋକ 373

ଅତ୍ଯନ୍ତଵୈରାଗ୍ଯଵତଃ ସମାଧିଃ

ସମାହିତସ୍ଯୈଵ ଦୃଢପ୍ରବୋଧଃ ।

ପ୍ରବୁଦ୍ଧତତ୍ତ୍ଵସ୍ଯ ହି ବନ୍ଧମୁକ୍ତିଃ

ମୁକ୍ତାତ୍ମନୋ ନିତ୍ଯସୁଖାନୁଭୂତିଃ

॥ 374॥

ଶ୍ଲୋକ 374

ଵୈରାଗ୍ଯାନ୍ନ ପରଂ ସୁଖସ୍ଯ ଜନକଂ ପଶ୍ଯାମି ଵଶ୍ଯାତ୍ମନଃ

ତଚ୍ଚେଚ୍ଛୁଦ୍ଧତରାତ୍ମବୋଧସହିତଂ ସ୍ଵାରାଜ୍ଯସାମ୍ରାଜ୍ଯଧୁକ୍ ।

ଏତଦ୍ଦ୍ଵାରମଜସ୍ରମୁକ୍ତିଯୁଵତେର୍ଯସ୍ମାତ୍ତ୍ଵମସ୍ମାତ୍ପରଂ

ସର୍ଵତ୍ରାସ୍ପୃହଯା ସଦାତ୍ମନି ସଦା ପ୍ରଜ୍ଞାଂ କୁରୁ ଶ୍ରେଯସେ

॥ 375॥

ଶ୍ଲୋକ 375

ଆଶାଂ ଛିନ୍ଦ୍ଧି ଵିଷୋପମେଷୁ ଵିଷଯେଷ୍ଵେଷୈଵ ମୃତ୍ଯୋଃ କୃତି- (ପାଠଭେଦଃ - ମୃତ୍ଯୋଃ ସୃତି)

ସ୍ତ୍ଯକ୍ତ୍ଵା ଜାତିକୁଲାଶ୍ରମେଷ୍ଵଭିମତିଂ ମୁଞ୍ଚାତିଦୂରାତ୍କ୍ରିଯାଃ ।

ଦେହାଦାଵସତି ତ୍ଯଜାତ୍ମଧିଷଣାଂ ପ୍ରଜ୍ଞାଂ କୁରୁଷ୍ଵାତ୍ମନି

ତ୍ଵଂ ଦ୍ରଷ୍ଟାସ୍ଯମନୋଽସି ନିର୍ଦ୍ଵଯପରଂ ବ୍ରହ୍ମାସି ଯଦ୍ଵସ୍ତୁତଃ

॥ 376॥

ଶ୍ଲୋକ 376

॥ 377॥ (ପାଠଭେଦଃ - ଦ୍ରଷ୍ଟାସ୍ଯମଲୋ)

ଲକ୍ଷ୍ଯେ ବ୍ରହ୍ମଣି ମାନସଂ ଦୃଢତରଂ ସଂସ୍ଥାପ୍ଯ ବାହ୍ଯେନ୍ଦ୍ରିଯଂ

ସ୍ଵସ୍ଥାନେ ଵିନିଵେଶ୍ଯ ନିଶ୍ଚଲତନୁଶ୍ଚୋପେକ୍ଷ୍ଯ ଦେହସ୍ଥିତିମ୍ ।

ବ୍ରହ୍ମାତ୍ମୈକ୍ଯମୁପେତ୍ଯ ତନ୍ମଯତଯା ଚାଖଣ୍ଡଵୃତ୍ତ୍ଯାଽନିଶଂ

ବ୍ରହ୍ମାନନ୍ଦରସଂ ପିବାତ୍ମନି ମୁଦା ଶୂନ୍ଯୈଃ କିମନ୍ଯୈର୍ଭୃଶମ୍

ଶ୍ଲୋକ 377

॥ 378॥ (ପାଠଭେଦଃ - କିମନ୍ଯୈର୍ଭ୍ରମୈଃ)

ଅନାତ୍ମଚିନ୍ତନଂ ତ୍ଯକ୍ତ୍ଵା କଶ୍ମଲଂ ଦୁଃଖକାରଣମ୍ ।

ଚିନ୍ତଯାତ୍ମାନମାନନ୍ଦରୂପଂ ଯନ୍ମୁକ୍ତିକାରଣମ୍

ଶ୍ଲୋକ 378

ଏଷ ସ୍ଵଯଞ୍ଜ୍ଯୋତିରଶେଷସାକ୍ଷୀ

ଵିଜ୍ଞାନକୋଶୋ ଵିଲସତ୍ଯଜସ୍ରମ୍ । ଵିଜ୍ଞାନକୋଶେ

ଲକ୍ଷ୍ଯଂ ଵିଧାଯୈନମସଦ୍ଵିଲକ୍ଷଣ-

ମଖଣ୍ଡଵୃତ୍ତ୍ଯାଽଽତ୍ମତଯାଽନୁଭାଵଯ

॥ 379॥

ଶ୍ଲୋକ 379

ଏତମଚ୍ଛିନ୍ନଯା ଵୃତ୍ତ୍ଯା ପ୍ରତ୍ଯଯାନ୍ତରଶୂନ୍ଯଯା ।

ଉଲ୍ଲେଖଯନ୍ଵିଜାନୀଯାତ୍ସ୍ଵସ୍ଵରୂପତଯା ସ୍ଫୁଟମ୍

॥ 380॥

ଶ୍ଲୋକ 380

ଅତ୍ରାତ୍ମତ୍ଵଂ ଦୃଢୀକୁର୍ଵନ୍ନହମାଦିଷୁ ସନ୍ତ୍ଯଜନ୍ ।

ଉଦାସୀନତଯା ତେଷୁ ତିଷ୍ଠେତ୍ସ୍ଫୁଟଘଟାଦିଵତ୍

॥ 381॥

ଶ୍ଲୋକ 381

॥ 382॥ (ପାଠଭେଦଃ - ତିଷ୍ଠେଦ୍ଘଟପଟାଦିଵତ୍)

ଵିଶୁଦ୍ଧମନ୍ତଃକରଣଂ ସ୍ଵରୂପେ

ନିଵେଶ୍ଯ ସାକ୍ଷିଣ୍ଯଵବୋଧମାତ୍ରେ ।

ଶନୈଃ ଶନୈର୍ନିଶ୍ଚଲତାମୁପାନଯନ୍

ପୂର୍ଣଂ ସ୍ଵମେଵାନୁଵିଲୋକଯେତ୍ତତଃ

ଶ୍ଲୋକ 382

॥ 383॥ (ପାଠଭେଦଃ - ପୂର୍ଣତ୍ଵମେଵାନୁ)

ଦେହେନ୍ଦ୍ରିଯପ୍ରାଣମନୋଽହମାଦିଭିଃ

ସ୍ଵାଜ୍ଞାନକ୍ଲୃପ୍ତୈରଖିଲୈରୁପାଧିଭିଃ ।

ଵିମୁକ୍ତମାତ୍ମାନମଖଣ୍ଡରୂପଂ

ପୂର୍ଣଂ ମହାକାଶମିଵାଵଲୋକଯେତ୍

ଶ୍ଲୋକ 383

ଘଟକଲଶକୁସୂଲସୂଚିମୁଖ୍ଯୈଃ

ଗଗନମୁପାଧିଶତୈର୍ଵିମୁକ୍ତମେକମ୍ ।

ଭଵତି ନ ଵିଵିଧଂ ତଥୈଵ ଶୁଦ୍ଧଂ

ପରମହମାଦିଵିମୁକ୍ତମେକମେଵ

॥ 384॥

ଶ୍ଲୋକ 384

ବ୍ରହ୍ମାଦିସ୍ତମ୍ବପର୍ଯନ୍ତା ମୃଷାମାତ୍ରା ଉପାଧଯଃ । (ପାଠଭେଦଃ - ବ୍ରହ୍ମାଦ୍ଯାଃ ସ୍ତମ୍ବ)

ତତଃ ପୂର୍ଣଂ ସ୍ଵମାତ୍ମାନଂ ପଶ୍ଯେଦେକାତ୍ମନା ସ୍ଥିତମ୍

॥ 385॥

ଶ୍ଲୋକ 385

ଯତ୍ର ଭ୍ରାନ୍ତ୍ଯା କଲ୍ପିତଂ ତଦ୍ଵିଵେକେ (ପାଠଭେଦଃ - ଯଦ୍ଵିଵେକେ)

ତତ୍ତନ୍ମାତ୍ରଂ ନୈଵ ତସ୍ମାଦ୍ଵିଭିନ୍ନମ୍ ।

ଭ୍ରାନ୍ତେର୍ନାଶେ ଭାତି ଦୃଷ୍ଟାହିତତ୍ତ୍ଵଂ (ପାଠଭେଦଃ - ଭ୍ରାନ୍ତିଦୃଷ୍ଟା)

ରଜ୍ଜୁସ୍ତଦ୍ଵଦ୍ଵିଶ୍ଵମାତ୍ମସ୍ଵରୂପମ୍

॥ 386॥

ଶ୍ଲୋକ 386

ସ୍ଵଯଂ ବ୍ରହ୍ମା ସ୍ଵଯଂ ଵିଷ୍ଣୁଃ ସ୍ଵଯମିନ୍ଦ୍ରଃ ସ୍ଵଯଂ ଶିଵଃ ।

ସ୍ଵଯଂ ଵିଶ୍ଵମିଦଂ ସର୍ଵଂ ସ୍ଵସ୍ମାଦନ୍ଯନ୍ନ କିଞ୍ଚନ

॥ 387॥

ଶ୍ଲୋକ 387

ଅନ୍ତଃ ସ୍ଵଯଂ ଚାପି ବହିଃ ସ୍ଵଯଂ ଚ

ସ୍ଵଯଂ ପୁରସ୍ତାତ୍ ସ୍ଵଯମେଵ ପଶ୍ଚାତ୍ ।

ସ୍ଵଯଂ ହ୍ଯାଵାଚ୍ଯାଂ ସ୍ଵଯମପ୍ଯୁଦୀଚ୍ଯାଂ (ପାଠଭେଦଃ - ହ୍ଯଵାଚ୍ଯାଂ)

ତଥୋପରିଷ୍ଟାତ୍ସ୍ଵଯମପ୍ଯଧସ୍ତାତ୍

॥ 388॥

ଶ୍ଲୋକ 388

ତରଙ୍ଗଫେନଭ୍ରମବୁଦ୍ବୁଦାଦି

ସର୍ଵଂ ସ୍ଵରୂପେଣ ଜଲଂ ଯଥା ତଥା ।

ଚିଦେଵ ଦେହାଦ୍ଯହମନ୍ତମେତତ୍

ସର୍ଵଂ ଚିଦେଵୈକରସଂ ଵିଶୁଦ୍ଧମ୍

॥ 389॥

ଶ୍ଲୋକ 389

ସଦେଵେଦଂ ସର୍ଵଂ ଜଗଦଵଗତଂ ଵାଙ୍ମନସଯୋଃ

ସତୋଽନ୍ଯନ୍ନାସ୍ତ୍ଯେଵ ପ୍ରକୃତିପରସୀମ୍ନି ସ୍ଥିତଵତଃ ।

ପୃଥକ୍ କିଂ ମୃତ୍ସ୍ନାଯାଃ କଲଶଘଟକୁମ୍ଭାଦ୍ଯଵଗତଂ

ଵଦତ୍ଯେଷ ଭ୍ରାନ୍ତସ୍ତ୍ଵମହମିତି ମାଯାମଦିରଯା

॥ 390॥

ଶ୍ଲୋକ 390

କ୍ରିଯାସମଭିହାରେଣ ଯତ୍ର ନାନ୍ଯଦିତି ଶ୍ରୁତିଃ ।

ବ୍ରଵୀତି ଦ୍ଵୈତରାହିତ୍ଯଂ ମିଥ୍ଯାଧ୍ଯାସନିଵୃତ୍ତଯେ

॥ 391॥

ଶ୍ଲୋକ 391

ଆକାଶଵନ୍ନିର୍ମଲନିର୍ଵିକଲ୍ପଂ (ପାଠଭେଦଃ - ନିର୍ଵିକଲ୍ପ)

ନିଃସୀମନିଃସ୍ପନ୍ଦନନିର୍ଵିକାରମ୍ ।

ଅନ୍ତର୍ବହିଃଶୂନ୍ଯମନନ୍ଯମଦ୍ଵଯଂ

ସ୍ଵଯଂ ପରଂ ବ୍ରହ୍ମ କିମସ୍ତି ବୋଧ୍ଯମ୍

॥ 392॥

ଶ୍ଲୋକ 392

ଵକ୍ତଵ୍ଯଂ କିମୁ ଵିଦ୍ଯତେଽତ୍ର ବହୁଧା ବ୍ରହ୍ମୈଵ ଜୀଵଃ ସ୍ଵଯଂ

ବ୍ରହ୍ମୈତଜ୍ଜଗଦାତତଂ ନୁ ସକଲଂ ବ୍ରହ୍ମାଦ୍ଵିତୀଯଂ ଶ୍ରୁତିଃ । (ପାଠଭେଦଃ - ଜଗଦାପରାଣୁ ସକଲଂ)

ବ୍ରହ୍ମୈଵାହମିତି ପ୍ରବୁଦ୍ଧମତଯଃ ସନ୍ତ୍ଯକ୍ତବାହ୍ଯାଃ ସ୍ଫୁଟଂ

ବ୍ରହ୍ମୀଭୂଯ ଵସନ୍ତି ସନ୍ତତଚିଦାନନ୍ଦାତ୍ମନୈତଦ୍ଧ୍ରୁଵମ୍

॥ 393॥

ଶ୍ଲୋକ 393

॥ 394॥ (ପାଠଭେଦଃ - ଆନନ୍ଦାତ୍ମନୈଵ ଧ୍ରୁଵମ୍)

ଜହି ମଲମଯକୋଶେଽହନ୍ଧିଯୋତ୍ଥାପିତାଶାଂ

ପ୍ରସଭମନିଲକଲ୍ପେ ଲିଙ୍ଗଦେହେଽପି ପଶ୍ଚାତ୍ ।

ନିଗମଗଦିତକୀର୍ତିଂ ନିତ୍ଯମାନନ୍ଦମୂର୍ତିଂ

ସ୍ଵଯମିତି ପରିଚୀଯ ବ୍ରହ୍ମରୂପେଣ ତିଷ୍ଠ

ଶ୍ଲୋକ 394

ଶଵାକାରଂ ଯାଵଦ୍ଭଜତି ମନୁଜସ୍ତାଵଦଶୁଚିଃ

ପରେଭ୍ଯଃ ସ୍ଯାତ୍କ୍ଲେଶୋ ଜନନମରଣଵ୍ଯାଧିନିଲଯଃ । (ପାଠଭେଦଃ - ଵ୍ଯାଧିନିରଯାଃ)

ଯଦାତ୍ମାନଂ ଶୁଦ୍ଧଂ କଲଯତି ଶିଵାକାରମଚଲମ୍

ତଦା ତେଭ୍ଯୋ ମୁକ୍ତୋ ଭଵତି ହି ତଦାହ ଶ୍ରୁତିରପି

॥ 395॥

ଶ୍ଲୋକ 395

ସ୍ଵାତ୍ମନ୍ଯାରୋପିତାଶେଷାଭାସଵସ୍ତୁନିରାସତଃ ।

ସ୍ଵଯମେଵ ପରଂ ବ୍ରହ୍ମ ପୂର୍ଣମଦ୍ଵଯମକ୍ରିଯମ୍

॥ 396॥

ଶ୍ଲୋକ 396

ସମାହିତାଯାଂ ସତି ଚିତ୍ତଵୃତ୍ତୌ

ପରାତ୍ମନି ବ୍ରହ୍ମଣି ନିର୍ଵିକଲ୍ପେ ।

ନ ଦୃଶ୍ଯତେ କଶ୍ଚିଦଯଂ ଵିକଲ୍ପଃ

ପ୍ରଜଲ୍ପମାତ୍ରଃ ପରିଶିଷ୍ଯତେ ଯତଃ

॥ 397॥

ଶ୍ଲୋକ 397

॥ 398॥ (ପାଠଭେଦଃ - ତତଃ)

ଅସତ୍କଲ୍ପୋ ଵିକଲ୍ପୋଽଯଂ ଵିଶ୍ଵମିତ୍ଯେକଵସ୍ତୁନି ।

ନିର୍ଵିକାରେ ନିରାକାରେ ନିର୍ଵିଶେଷେ ଭିଦା କୁତଃ

ଶ୍ଲୋକ 398

ଦ୍ରଷ୍ଟୁଦର୍ଶନଦୃଶ୍ଯାଦିଭାଵଶୂନ୍ଯୈକଵସ୍ତୁନି । (ପାଠଭେଦଃ - ଦ୍ରଷ୍ଟୃଦର୍ଶନ)

ନିର୍ଵିକାରେ ନିରାକାରେ ନିର୍ଵିଶେଷେ ଭିଦା କୁତଃ

॥ 399॥

ଶ୍ଲୋକ 399

କଲ୍ପାର୍ଣଵ ଇଵାତ୍ଯନ୍ତପରିପୂର୍ଣୈକଵସ୍ତୁନି ।

ନିର୍ଵିକାରେ ନିରାକାରେ ନିର୍ଵିଶେଷେ ଭିଦା କୁତଃ

॥ 400॥

ଶ୍ଲୋକ 400

ତେଜସୀଵ ତମୋ ଯତ୍ର ପ୍ରଲୀନଂ ଭ୍ରାନ୍ତିକାରଣମ୍ । (ପାଠଭେଦଃ - ଯତ୍ର ଵିଲୀନଂ)

ଅଦ୍ଵିତୀଯେ ପରେ ତତ୍ତ୍ଵେ ନିର୍ଵିଶେଷେ ଭିଦା କୁତଃ

॥ 401॥

ଶ୍ଲୋକ 401

ଏକାତ୍ମକେ ପରେ ତତ୍ତ୍ଵେ ଭେଦଵାର୍ତା କଥଂ ଵସେତ୍ । (ପାଠଭେଦଃ - କଥଂ ଭଵେତ୍)

ସୁଷୁପ୍ତୌ ସୁଖମାତ୍ରାଯାଂ ଭେଦଃ କେନାଵଲୋକିତଃ

॥ 402॥

ଶ୍ଲୋକ 402

ନ ହ୍ଯସ୍ତି ଵିଶ୍ଵଂ ପରତତ୍ତ୍ଵବୋଧାତ୍

ସଦାତ୍ମନି ବ୍ରହ୍ମଣି ନିର୍ଵିକଲ୍ପେ ।

କାଲତ୍ରଯେ ନାପ୍ଯହିରୀକ୍ଷିତୋ ଗୁଣେ

ନ ହ୍ଯମ୍ବୁବିନ୍ଦୁର୍ମୃଗତୃଷ୍ଣିକାଯାମ୍

॥ 403॥

ଶ୍ଲୋକ 403

ମାଯାମାତ୍ରମିଦଂ ଦ୍ଵୈତମଦ୍ଵୈତଂ ପରମାର୍ଥତଃ ।

ଇତି ବ୍ରୂତେ ଶ୍ରୁତିଃ ସାକ୍ଷାତ୍ସୁଷୁପ୍ତାଵନୁଭୂଯତେ

॥ 404॥

ଶ୍ଲୋକ 404

ଅନନ୍ଯତ୍ଵମଧିଷ୍ଠାନାଦାରୋପ୍ଯସ୍ଯ ନିରୀକ୍ଷିତମ୍ ।

ପଣ୍ଡିତୈ ରଜ୍ଜୁସର୍ପାଦୌ ଵିକଲ୍ପୋ ଭ୍ରାନ୍ତିଜୀଵନଃ

॥ 405॥

ଶ୍ଲୋକ 405

ଚିତ୍ତମୂଲୋ ଵିକଲ୍ପୋଽଯଂ ଚିତ୍ତାଭାଵେ ନ କଶ୍ଚନ ।

ଅତଶ୍ଚିତ୍ତଂ ସମାଧେହି ପ୍ରତ୍ଯଗ୍ରୂପେ ପରାତ୍ମନି

॥ 406॥

ଶ୍ଲୋକ 406

କିମପି ସତତବୋଧଂ କେଵଲାନନ୍ଦରୂପଂ

ନିରୁପମମତିଵେଲଂ ନିତ୍ଯମୁକ୍ତଂ ନିରୀହମ୍ ।

ନିରଵଧିଗଗନାଭଂ ନିଷ୍କଲଂ ନିର୍ଵିକଲ୍ପଂ

ହୃଦି କଲଯତି ଵିଦ୍ଵାନ୍ ବ୍ରହ୍ମ ପୂର୍ଣଂ ସମାଧୌ

॥ 407॥

ଶ୍ଲୋକ 407

ପ୍ରକୃତିଵିକୃତିଶୂନ୍ଯଂ ଭାଵନାତୀତଭାଵଂ

ସମରସମସମାନଂ ମାନସମ୍ବନ୍ଧଦୂରମ୍ ।

ନିଗମଵଚନସିଦ୍ଧଂ ନିତ୍ଯମସ୍ମତ୍ପ୍ରସିଦ୍ଧଂ

ହୃଦି କଲଯତି ଵିଦ୍ଵାନ୍ ବ୍ରହ୍ମ ପୂର୍ଣଂ ସମାଧୌ

॥ 408॥

ଶ୍ଲୋକ 408

ଅଜରମମରମସ୍ତାଭାଵଵସ୍ତୁସ୍ଵରୂପଂ (ପାଠଭେଦଃ - ଭାସଵସ୍ତୁ)

ସ୍ତିମିତସଲିଲରାଶିପ୍ରଖ୍ଯମାଖ୍ଯାଵିହୀନମ୍ ।

ଶମିତଗୁଣଵିକାରଂ ଶାଶ୍ଵତଂ ଶାନ୍ତମେକଂ

ହୃଦି କଲଯତି ଵିଦ୍ଵାନ୍ ବ୍ରହ୍ମ ପୂର୍ଣଂ ସମାଧୌ

॥ 409॥

ଶ୍ଲୋକ 409

ସମାହିତାନ୍ତଃକରଣଃ ସ୍ଵରୂପେ

ଵିଲୋକଯାତ୍ମାନମଖଣ୍ଡଵୈଭଵମ୍ ।

ଵିଚ୍ଛିନ୍ଦ୍ଧି ବନ୍ଧଂ ଭଵଗନ୍ଧଗନ୍ଧିତଂ (ପାଠଭେଦଃ - ଗନ୍ଧଗନ୍ଧିଲଂ)

ଯତ୍ନେନ ପୁଂସ୍ତ୍ଵଂ ସଫଲୀକୁରୁଷ୍ଵ ॥ 411-

ସର୍ଵୋପାଧିଵିନିର୍ମୁକ୍ତଂ ସଚ୍ଚିଦାନନ୍ଦମଦ୍ଵଯମ୍ ।

ଭାଵଯାତ୍ମାନମାତ୍ମସ୍ଥଂ ନ ଭୂଯଃ କଲ୍ପସେଽଧ୍ଵନେ

॥ 410॥

ଶ୍ଲୋକ 410

ଛାଯେଵ ପୁଂସଃ ପରିଦୃଶ୍ଯମାନ-

ମାଭାସରୂପେଣ ଫଲାନୁଭୂତ୍ଯା ।

ଶରୀରମାରାଚ୍ଛଵଵନ୍ନିରସ୍ତଂ

ପୁନର୍ନ ସନ୍ଧତ୍ତ ଇଦଂ ମହାତ୍ମା

॥ 412॥

ଶ୍ଲୋକ 411

ସତତଵିମଲବୋଧାନନ୍ଦରୂପଂ ସମେତ୍ଯ (ପାଠଭେଦଃ - ସ୍ଵମେତ୍ଯ)

ତ୍ଯଜ ଜଡମଲରୂପୋପାଧିମେତଂ ସୁଦୂରେ ।

ଅଥ ପୁନରପି ନୈଷ ସ୍ମର୍ଯତାଂ ଵାନ୍ତଵସ୍ତୁ (ପାଠଭେଦଃ - ପୁନରପି ନୈଵ)

ସ୍ମରଣଵିଷଯଭୂତଂ କଲ୍ପତେ କୁତ୍ସନାଯ

॥ 413॥

ଶ୍ଲୋକ 412

ସମୂଲମେତତ୍ପରିଦାହ୍ଯ ଵହ୍ନୌ (ପାଠଭେଦଃ - ପରିଦହ୍ଯ)

ସଦାତ୍ମନି ବ୍ରହ୍ମଣି ନିର୍ଵିକଲ୍ପେ ।

ତତଃ ସ୍ଵଯଂ ନିତ୍ଯଵିଶୁଦ୍ଧବୋଧା-

ନନ୍ଦାତ୍ମନା ତିଷ୍ଠତି ଵିଦ୍ଵରିଷ୍ଠଃ

॥ 414॥

ଶ୍ଲୋକ 413

ପ୍ରାରବ୍ଧସୂତ୍ରଗ୍ରଥିତଂ ଶରୀରଂ

ପ୍ରଯାତୁ ଵା ତିଷ୍ଠତୁ ଗୋରିଵ ସ୍ରକ୍ ।

ନ ତତ୍ପୁନଃ ପଶ୍ଯତି ତତ୍ତ୍ଵଵେତ୍ତା-

ଽଽନନ୍ଦାତ୍ମନି ବ୍ରହ୍ମଣି ଲୀନଵୃତ୍ତିଃ

॥ 415॥

ଶ୍ଲୋକ 414

ଅଖଣ୍ଡାନନ୍ଦମାତ୍ମାନଂ ଵିଜ୍ଞାଯ ସ୍ଵସ୍ଵରୂପତଃ ।

କିମିଚ୍ଛନ୍ କସ୍ଯ ଵା ହେତୋର୍ଦେହଂ ପୁଷ୍ଣାତି ତତ୍ତ୍ଵଵିତ୍

॥ 416॥

ଶ୍ଲୋକ 415

ସଂସିଦ୍ଧସ୍ଯ ଫଲଂ ତ୍ଵେତଜ୍ଜୀଵନ୍ମୁକ୍ତସ୍ଯ ଯୋଗିନଃ ।

ବହିରନ୍ତଃ ସଦାନନ୍ଦରସାସ୍ଵାଦନମାତ୍ମନି

॥ 417॥

ଶ୍ଲୋକ 416

ଵୈରାଗ୍ଯସ୍ଯ ଫଲଂ ବୋଧୋ ବୋଧସ୍ଯୋପରତିଃ ଫଲମ୍ ।

ସ୍ଵାନନ୍ଦାନୁଭଵାଚ୍ଛାନ୍ତିରେଷୈଵୋପରତେଃ ଫଲମ୍

॥ 418॥

ଶ୍ଲୋକ 417

ଯଦ୍ଯୁତ୍ତରୋତ୍ତରାଭାଵଃ ପୂର୍ଵପୂର୍ଵନ୍ତୁ ନିଷ୍ଫଲମ୍ ।

ନିଵୃତ୍ତିଃ ପରମା ତୃପ୍ତିରାନନ୍ଦୋଽନୁପମଃ ସ୍ଵତଃ

॥ 419॥

ଶ୍ଲୋକ 418

ଦୃଷ୍ଟଦୁଃଖେଷ୍ଵନୁଦ୍ଵେଗୋ ଵିଦ୍ଯାଯାଃ ପ୍ରସ୍ତୁତଂ ଫଲମ୍ ।

ଯତ୍କୃତଂ ଭ୍ରାନ୍ତିଵେଲାଯାଂ ନାନା କର୍ମ ଜୁଗୁପ୍ସିତମ୍ ।

ପଶ୍ଚାନ୍ନରୋ ଵିଵେକେନ ତତ୍କଥଂ କର୍ତୁମର୍ହତି

॥ 420॥

ଶ୍ଲୋକ 419

ଵିଦ୍ଯାଫଲଂ ସ୍ଯାଦସତୋ ନିଵୃତ୍ତିଃ

ପ୍ରଵୃତ୍ତିରଜ୍ଞାନଫଲଂ ତଦୀକ୍ଷିତମ୍ ।

ତଜ୍ଜ୍ଞାଜ୍ଞଯୋର୍ଯନ୍ମୃଗତୃଷ୍ଣିକାଦୌ

ନୋଚେଦ୍ଵିଦାଂ ଦୃଷ୍ଟଫଲଂ କିମସ୍ମାତ୍

॥ 421॥

ଶ୍ଲୋକ 420

॥ 422॥ (ପାଠଭେଦଃ - ନୋଚେଦ୍ଵିଦୋ)

ଅଜ୍ଞାନହୃଦଯଗ୍ରନ୍ଥେର୍ଵିନାଶୋ ଯଦ୍ଯଶେଷତଃ ।

ଅନିଚ୍ଛୋର୍ଵିଷଯଃ କିଂ ନୁ ପ୍ରଵୃତ୍ତେଃ କାରଣଂ ସ୍ଵତଃ

ଶ୍ଲୋକ 421

॥ 423॥ (ପାଠଭେଦଃ - ଵିଦୁଷଃ କିଂ)

ଵାସନାନୁଦଯୋ ଭୋଗ୍ଯେ ଵୈରାଗ୍ଯସ୍ଯ ତଦାଵଧିଃ ।

ଅହମ୍ଭାଵୋଦଯାଭାଵୋ ବୋଧସ୍ଯ ପରମାଵଧିଃ ।

ଲୀନଵୃତ୍ତୈରନୁତ୍ପତ୍ତିର୍ମର୍ଯାଦୋପରତେସ୍ତୁ ସା

ଶ୍ଲୋକ 422

॥ 424॥ (ପାଠଭେଦଃ - ଵୃତ୍ତେର)

ବ୍ରହ୍ମାକାରତଯା ସଦା ସ୍ଥିତତଯା ନିର୍ମୁକ୍ତବାହ୍ଯାର୍ଥଧୀ-

ରନ୍ଯାଵେଦିତଭୋଗ୍ଯଭୋଗକଲନୋ ନିଦ୍ରାଲୁଵଦ୍ବାଲଵତ୍ ।

ସ୍ଵପ୍ନାଲୋକିତଲୋକଵଜ୍ଜଗଦିଦଂ ପଶ୍ଯନ୍କ୍ଵଚିଲ୍ଲବ୍ଧଧୀ-

ରାସ୍ତେ କଶ୍ଚିଦନନ୍ତପୁଣ୍ଯଫଲଭୁଗ୍ଧନ୍ଯଃ ସ ମାନ୍ଯୋ ଭୁଵି

ଶ୍ଲୋକ 423

ସ୍ଥିତପ୍ରଜ୍ଞୋ ଯତିରଯଂ ଯଃ ସଦାନନ୍ଦମଶ୍ନୁତେ ।

ବ୍ରହ୍ମଣ୍ଯେଵ ଵିଲୀନାତ୍ମା ନିର୍ଵିକାରୋ ଵିନିଷ୍କ୍ରିଯଃ

॥ 425॥

ଶ୍ଲୋକ 424

ବ୍ରହ୍ମାତ୍ମନୋଃ ଶୋଧିତଯୋରେକଭାଵାଵଗାହିନୀ ।

ନିର୍ଵିକଲ୍ପା ଚ ଚିନ୍ମାତ୍ରା ଵୃତ୍ତିଃ ପ୍ରଜ୍ଞେତି କଥ୍ଯତେ ।

ସୁସ୍ଥିତାଽସୌ ଭଵେଦ୍ଯସ୍ଯ ସ୍ଥିତପ୍ରଜ୍ଞଃ ସ ଉଚ୍ଯତେ

॥ 426॥

ଶ୍ଲୋକ 425

ଯସ୍ଯ ସ୍ଥିତା ଭଵେତ୍ପ୍ରଜ୍ଞା ଯସ୍ଯାନନ୍ଦୋ ନିରନ୍ତରଃ ।

ପ୍ରପଞ୍ଚୋ ଵିସ୍ମୃତପ୍ରାଯଃ ସ ଜୀଵନ୍ମୁକ୍ତ ଇଷ୍ଯତେ

॥ 427॥

ଶ୍ଲୋକ 426

ଲୀନଧୀରପି ଜାଗର୍ତି ଜାଗ୍ରଦ୍ଧର୍ମଵିଵର୍ଜିତଃ ।

ବୋଧୋ ନିର୍ଵାସନୋ ଯସ୍ଯ ସ ଜୀଵନ୍ମୁକ୍ତ ଇଷ୍ଯତେ

॥ 428॥

ଶ୍ଲୋକ 427

ଶାନ୍ତସଂସାରକଲନଃ କଲାଵାନପି ନିଷ୍କଲଃ ।

ଯସ୍ଯ ଚିତ୍ତଂ ଵିନିଶ୍ଚିନ୍ତଂ ସ ଜୀଵନ୍ମୁକ୍ତ ଇଷ୍ଯତେ

॥ 429॥

ଶ୍ଲୋକ 428

॥ 430॥ (ପାଠଭେଦଃ - ଯଃ ସଚିତ୍ତୋଽପି ନିଶ୍ଚିତ୍ତଃ)

ଵର୍ତମାନେଽପି ଦେହେଽସ୍ମିଞ୍ଛାଯାଵଦନୁଵର୍ତିନି ।

ଅହନ୍ତାମମତାଽଭାଵୋ ଜୀଵନ୍ମୁକ୍ତସ୍ଯ ଲକ୍ଷଣମ୍

ଶ୍ଲୋକ 429

ଅତୀତାନନୁସନ୍ଧାନଂ ଭଵିଷ୍ଯଦଵିଚାରଣମ୍ ।

ଔଦାସୀନ୍ଯମପି ପ୍ରାପ୍ତଂ ଜୀଵନ୍ମୁକ୍ତସ୍ଯ ଲକ୍ଷଣମ୍

॥ 431॥

ଶ୍ଲୋକ 430

॥ 432॥ (ପାଠଭେଦଃ - ପ୍ରାପ୍ତେ)

ଗୁଣଦୋଷଵିଶିଷ୍ଟେଽସ୍ମିନ୍ସ୍ଵଭାଵେନ ଵିଲକ୍ଷଣେ ।

ସର୍ଵତ୍ର ସମଦର୍ଶିତ୍ଵଂ ଜୀଵନ୍ମୁକ୍ତସ୍ଯ ଲକ୍ଷଣମ୍

ଶ୍ଲୋକ 431

ଇଷ୍ଟାନିଷ୍ଟାର୍ଥସମ୍ପ୍ରାପ୍ତୌ ସମଦର୍ଶିତଯାଽଽତ୍ମନି ।

ଉଭଯତ୍ରାଵିକାରିତ୍ଵଂ ଜୀଵନ୍ମୁକ୍ତସ୍ଯ ଲକ୍ଷଣମ୍

॥ 433॥

ଶ୍ଲୋକ 432

ବ୍ରହ୍ମାନନ୍ଦରସାସ୍ଵାଦାସକ୍ତଚିତ୍ତତଯା ଯତେଃ ।

ଅନ୍ତର୍ବହିରଵିଜ୍ଞାନଂ ଜୀଵନ୍ମୁକ୍ତସ୍ଯ ଲକ୍ଷଣମ୍

॥ 434॥

ଶ୍ଲୋକ 433

ଦେହେନ୍ଦ୍ରିଯାଦୌ କର୍ତଵ୍ଯେ ମମାହମ୍ଭାଵଵର୍ଜିତଃ ।

ଔଦାସୀନ୍ଯେନ ଯସ୍ତିଷ୍ଠେତ୍ସ ଜୀଵନ୍ମୁକ୍ତଲକ୍ଷଣଃ

॥ 435॥

ଶ୍ଲୋକ 434

॥ 436॥ (ପାଠଭେଦଃ - ସ ଜୀଵନ୍ମୁକ୍ତ ଇଷ୍ଯତେ)

ଵିଜ୍ଞାତ ଆତ୍ମନୋ ଯସ୍ଯ ବ୍ରହ୍ମଭାଵଃ ଶ୍ରୁତେର୍ବଲାତ୍ ।

ଭଵବନ୍ଧଵିନିର୍ମୁକ୍ତଃ ସ ଜୀଵନ୍ମୁକ୍ତଲକ୍ଷଣଃ

ଶ୍ଲୋକ 435

॥ 437॥ (ପାଠଭେଦଃ - ସ ଜୀଵନ୍ମୁକ୍ତ ଇଷ୍ଯତେ)

ଦେହେନ୍ଦ୍ରିଯେଷ୍ଵହମ୍ଭାଵ ଇଦମ୍ଭାଵସ୍ତଦନ୍ଯକେ ।

ଯସ୍ଯ ନୋ ଭଵତଃ କ୍ଵାପି ସ ଜୀଵନ୍ମୁକ୍ତ ଇଷ୍ଯତେ

ଶ୍ଲୋକ 436

ଜୀଵେଶୋଭଯସଂସାରରୂପଦୁର୍ଵାସନୋଜ୍ଝିତା ।

ସା ସର୍ଵଦା ଭଵେଦ୍ଯସ୍ଯ ସ ଜୀଵନ୍ମୁକ୍ତ ଇଷ୍ଯତେ ॥

ନ ପ୍ରତ୍ଯଗ୍ବ୍ରହ୍ମଣୋର୍ଭେଦଂ କଦାପି ବ୍ରହ୍ମସର୍ଗଯୋଃ ।

ପ୍ରଜ୍ଞଯା ଯୋ ଵିଜାନିତି ସ ଜୀଵନ୍ମୁକ୍ତଲକ୍ଷଣଃ

॥ 438॥

ଶ୍ଲୋକ 437

॥ 439॥ (ପାଠଭେଦଃ - ସ ଜୀଵନ୍ମୁକ୍ତ ଇଷ୍ଯତେ)

ସାଧୁଭିଃ ପୂଜ୍ଯମାନେଽସ୍ମିନ୍ପୀଡ୍ଯମାନେଽପି ଦୁର୍ଜନୈଃ ।

ସମଭାଵୋ ଭଵେଦ୍ଯସ୍ଯ ସ ଜୀଵନ୍ମୁକ୍ତଲକ୍ଷଣଃ

ଶ୍ଲୋକ 438

॥ 440॥ (ପାଠଭେଦଃ - ସ ଜୀଵନ୍ମୁକ୍ତ ଇଷ୍ଯତେ)

ଯତ୍ର ପ୍ରଵିଷ୍ଟା ଵିଷଯାଃ ପରେରିତା

ନଦୀପ୍ରଵାହା ଇଵ ଵାରିରାଶୌ ।

ଲିନନ୍ତି ସନ୍ମାତ୍ରତଯା ନ ଵିକ୍ରିଯାଂ

ଉତ୍ପାଦଯନ୍ତ୍ଯେଷ ଯତିର୍ଵିମୁକ୍ତଃ

ଶ୍ଲୋକ 439

ଵିଜ୍ଞାତବ୍ରହ୍ମତତ୍ତ୍ଵସ୍ଯ ଯଥାପୂର୍ଵଂ ନ ସଂସୃତିଃ ।

ଅସ୍ତି ଚେନ୍ନ ସ ଵିଜ୍ଞାତବ୍ରହ୍ମଭାଵୋ ବହିର୍ମୁଖଃ

॥ 441॥

ଶ୍ଲୋକ 440

ପ୍ରାଚୀନଵାସନାଵେଗାଦସୌ ସଂସରତୀତି ଚେତ୍ ।

ନ ସଦେକତ୍ଵଵିଜ୍ଞାନାନ୍ମନ୍ଦୀ ଭଵତି ଵାସନା

॥ 442॥

ଶ୍ଲୋକ 441

ଅତ୍ଯନ୍ତକାମୁକସ୍ଯାପି ଵୃତ୍ତିଃ କୁଣ୍ଠତି ମାତରି ।

ତଥୈଵ ବ୍ରହ୍ମଣି ଜ୍ଞାତେ ପୂର୍ଣାନନ୍ଦେ ମନୀଷିଣଃ

॥ 443॥

ଶ୍ଲୋକ 442

ନିଦିଧ୍ଯାସନଶୀଲସ୍ଯ ବାହ୍ଯପ୍ରତ୍ଯଯ ଈକ୍ଷ୍ଯତେ ।

ବ୍ରଵୀତି ଶ୍ରୁତିରେତସ୍ଯ ପ୍ରାରବ୍ଧଂ ଫଲଦର୍ଶନାତ୍

॥ 444॥

ଶ୍ଲୋକ 443

ସୁଖାଦ୍ଯନୁଭଵୋ ଯାଵତ୍ତାଵତ୍ପ୍ରାରବ୍ଧମିଷ୍ଯତେ ।

ଫଲୋଦଯଃ କ୍ରିଯାପୂର୍ଵୋ ନିଷ୍କ୍ରିଯୋ ନ ହି କୁତ୍ରଚିତ୍

॥ 445॥

ଶ୍ଲୋକ 444

ଅହଂ ବ୍ରହ୍ମେତି ଵିଜ୍ଞାନାତ୍କଲ୍ପକୋଟିଶତାର୍ଜିତମ୍ ।

ସଞ୍ଚିତଂ ଵିଲଯଂ ଯାତି ପ୍ରବୋଧାତ୍ସ୍ଵପ୍ନକର୍ମଵତ୍

॥ 446॥

ଶ୍ଲୋକ 445

ଯତ୍କୃତଂ ସ୍ଵପ୍ନଵେଲାଯାଂ ପୁଣ୍ଯଂ ଵା ପାପମୁଲ୍ବଣମ୍ ।

ସୁପ୍ତୋତ୍ଥିତସ୍ଯ କିନ୍ତତ୍ସ୍ଯାତ୍ସ୍ଵର୍ଗାଯ ନରକାଯ ଵା

॥ 447॥

ଶ୍ଲୋକ 446

ସ୍ଵମସଙ୍ଗମୁଦାସୀନଂ ପରିଜ୍ଞାଯ ନଭୋ ଯଥା ।

ନ ଶ୍ଲିଷ୍ଯତି ଚ ଯତ୍କିଞ୍ଚିତ୍କଦାଚିଦ୍ଭାଵିକର୍ମଭିଃ

॥ 448॥

ଶ୍ଲୋକ 447

॥ 449॥ (ପାଠଭେଦଃ - ଶ୍ଲିଷ୍ଯତେ ଯତିଃ କିଞ୍ଚିତ୍)

ନ ନଭୋ ଘଟଯୋଗେନ ସୁରାଗନ୍ଧେନ ଲିପ୍ଯତେ ।

ତଥାତ୍ମୋପାଧିଯୋଗେନ ତଦ୍ଧର୍ମୈର୍ନୈଵ ଲିପ୍ଯତେ

ଶ୍ଲୋକ 448

ଜ୍ଞାନୋଦଯାତ୍ପୁରାରବ୍ଧଂ କର୍ମଜ୍ଞାନାନ୍ନ ନଶ୍ଯତି ।

ଅଦତ୍ଵା ସ୍ଵଫଲଂ ଲକ୍ଷ୍ଯମୁଦ୍ଦିଶ୍ଯୋତ୍ସୃଷ୍ଟବାଣଵତ୍

॥ 450॥

ଶ୍ଲୋକ 449

ଵ୍ଯାଘ୍ରବୁଦ୍ଧ୍ଯା ଵିନିର୍ମୁକ୍ତୋ ବାଣଃ ପଶ୍ଚାତ୍ତୁ ଗୋମତୌ ।

ନ ତିଷ୍ଠତି ଛିନତ୍ଯେଵ ଲକ୍ଷ୍ଯଂ ଵେଗେନ ନିର୍ଭରମ୍

॥ 451॥

ଶ୍ଲୋକ 450

ପ୍ରାରବ୍ଧଂ ବଲଵତ୍ତରଂ ଖଲୁ ଵିଦାଂ ଭୋଗେନ ତସ୍ଯ କ୍ଷଯଃ

ସମ୍ଯଗ୍ଜ୍ଞାନହୁତାଶନେନ ଵିଲଯଃ ପ୍ରାକ୍ସଞ୍ଚିତାଗାମିନାମ୍ ।

ବ୍ରହ୍ମାତ୍ମୈକ୍ଯମଵେକ୍ଷ୍ଯ ତନ୍ମଯତଯା ଯେ ସର୍ଵଦା ସଂସ୍ଥିତାଃ

ତେଷାଂ ତତ୍ତ୍ରିତଯଂ ନହି କ୍ଵଚିଦପି ବ୍ରହ୍ମୈଵ ତେ ନିର୍ଗୁଣମ୍

॥ 452॥

ଶ୍ଲୋକ 451

ଉପାଧିତାଦାତ୍ମ୍ଯଵିହୀନକେଵଲ-

ବ୍ରହ୍ମାତ୍ମନୈଵାତ୍ମନି ତିଷ୍ଠତୋ ମୁନେଃ ।

ପ୍ରାରବ୍ଧସଦ୍ଭାଵକଥା ନ ଯୁକ୍ତା

ସ୍ଵପ୍ନାର୍ଥସମ୍ବନ୍ଧକଥେଵ ଜାଗ୍ରତଃ

॥ 453॥

ଶ୍ଲୋକ 452

ନ ହି ପ୍ରବୁଦ୍ଧଃ ପ୍ରତିଭାସଦେହେ

ଦେହୋପଯୋଗିନ୍ଯପି ଚ ପ୍ରପଞ୍ଚେ ।

କରୋତ୍ଯହନ୍ତାଂ ମମତାମିଦନ୍ତାଂ

କିନ୍ତୁ ସ୍ଵଯଂ ତିଷ୍ଠତି ଜାଗରେଣ

॥ 454॥

ଶ୍ଲୋକ 453

ନ ତସ୍ଯ ମିଥ୍ଯାର୍ଥସମର୍ଥନେଚ୍ଛା

ନ ସଙ୍ଗ୍ରହସ୍ତଜ୍ଜଗତୋଽପି ଦୃଷ୍ଟଃ ।

ତତ୍ରାନୁଵୃତ୍ତିର୍ଯଦି ଚେନ୍ମୃଷାର୍ଥେ

ନ ନିଦ୍ରଯା ମୁକ୍ତ ଇତୀଷ୍ଯତେ ଧ୍ରୁଵମ୍

॥ 455॥

ଶ୍ଲୋକ 454

ତଦ୍ଵତ୍ପରେ ବ୍ରହ୍ମଣି ଵର୍ତମାନଃ

ସଦାତ୍ମନା ତିଷ୍ଠତି ନାନ୍ଯଦୀକ୍ଷତେ ।

ସ୍ମୃତିର୍ଯଥା ସ୍ଵପ୍ନଵିଲୋକିତାର୍ଥେ

ତଥା ଵିଦଃ ପ୍ରାଶନମୋଚନାଦୌ

॥ 456॥

ଶ୍ଲୋକ 455

କର୍ମଣା ନିର୍ମିତୋ ଦେହଃ ପ୍ରାରବ୍ଧଂ ତସ୍ଯ କଲ୍ପ୍ଯତାମ୍ ।

ନାନାଦେରାତ୍ମନୋ ଯୁକ୍ତଂ ନୈଵାତ୍ମା କର୍ମନିର୍ମିତଃ

॥ 457॥

ଶ୍ଲୋକ 456

ଅଜୋ ନିତ୍ଯଃ ଶାଶ୍ଵତ ଇତି ବ୍ରୂତେ ଶ୍ରୁତିରମୋଘଵାକ୍ । (ପାଠଭେଦଃ - ଅଜୋ ନିତ୍ଯ ଇତି ବ୍ରୂତେ ଶ୍ରୁତିରେଷା ତ୍ଵମୋଘଵାକ୍)

ତଦାତ୍ମନା ତିଷ୍ଠତୋଽସ୍ଯ କୁତଃ ପ୍ରାରବ୍ଧକଲ୍ପନା

॥ 458॥

ଶ୍ଲୋକ 457

ପ୍ରାରବ୍ଧଂ ସିଧ୍ଯତି ତଦା ଯଦା ଦେହାତ୍ମନା ସ୍ଥିତିଃ ।

ଦେହାତ୍ମଭାଵୋ ନୈଵେଷ୍ଟଃ ପ୍ରାରବ୍ଧଂ ତ୍ଯଜ୍ଯତାମତଃ

॥ 459॥

ଶ୍ଲୋକ 458

ଶରୀରସ୍ଯାପି ପ୍ରାରବ୍ଧକଲ୍ପନା ଭ୍ରାନ୍ତିରେଵ ହି ।

ଅଧ୍ଯସ୍ତସ୍ଯ କୁତଃ ସତ୍ତ୍ଵମସତ୍ଯସ୍ଯ କୁତୋ ଜନିଃ । (ପାଠଭେଦଃ - ସତ୍ତ୍ଵମସତ୍ତ୍ଵସ୍ଯ)

ଅଜାତସ୍ଯ କୁତୋ ନାଶଃ ପ୍ରାରବ୍ଧମସତଃ କୁତଃ

॥ 460॥

ଶ୍ଲୋକ 459

ଜ୍ଞାନେନାଜ୍ଞାନକାର୍ଯସ୍ଯ ସମୂଲସ୍ଯ ଲଯୋ ଯଦି ।

ତିଷ୍ଠତ୍ଯଯଂ କଥଂ ଦେହ ଇତି ଶଙ୍କାଵତୋ ଜଡାନ୍

॥ 461॥

ଶ୍ଲୋକ 460

ସମାଧାତୁଂ ବାହ୍ଯଦୃଷ୍ଟ୍ଯା ପ୍ରାରବ୍ଧଂ ଵଦତି ଶ୍ରୁତିଃ ।

ନ ତୁ ଦେହାଦିସତ୍ଯତ୍ଵବୋଧନାଯ ଵିପଶ୍ଚିତାମ୍ ।

ଯତଃ ଶ୍ରୁତେରଭିପ୍ରାଯଃ ପରମାର୍ଥୈକଗୋଚରଃ

॥ 462॥

ଶ୍ଲୋକ 461

ପରିପୂର୍ଣମନାଦ୍ଯନ୍ତମପ୍ରମେଯମଵିକ୍ରିଯମ୍ ।

ଏକମେଵାଦ୍ଵଯଂ ବ୍ରହ୍ମ ନେହ ନାନାସ୍ତି କିଞ୍ଚନ

॥ 463॥

ଶ୍ଲୋକ 462

ସଦ୍ଘନଂ ଚିଦ୍ଘନଂ ନିତ୍ଯମାନନ୍ଦଘନମକ୍ରିଯମ୍ ।

ଏକମେଵାଦ୍ଵଯଂ ବ୍ରହ୍ମ ନେହ ନାନାସ୍ତି କିଞ୍ଚନ

॥ 464॥

ଶ୍ଲୋକ 463

ପ୍ରତ୍ଯଗେକରସଂ ପୂର୍ଣମନନ୍ତଂ ସର୍ଵତୋମୁଖମ୍ ।

ଏକମେଵାଦ୍ଵଯଂ ବ୍ରହ୍ମ ନେହ ନାନାସ୍ତି କିଞ୍ଚନ

॥ 465॥

ଶ୍ଲୋକ 464

ଅହେଯମନୁପାଦେଯମନାଦେଯମନାଶ୍ରଯମ୍ । ମନାଧେଯମନା

ଏକମେଵାଦ୍ଵଯଂ ବ୍ରହ୍ମ ନେହ ନାନାସ୍ତି କିଞ୍ଚନ

॥ 466॥

ଶ୍ଲୋକ 465

ନିର୍ଗୁଣଂ ନିଷ୍କଲଂ ସୂକ୍ଷ୍ମଂ ନିର୍ଵିକଲ୍ପଂ ନିରଞ୍ଜନମ୍ ।

ଏକମେଵାଦ୍ଵଯଂ ବ୍ରହ୍ମ ନେହ ନାନାସ୍ତି କିଞ୍ଚନ

॥ 467॥

ଶ୍ଲୋକ 466

ଅନିରୂପ୍ଯ ସ୍ଵରୂପଂ ଯନ୍ମନୋଵାଚାମଗୋଚରମ୍ ।

ଏକମେଵାଦ୍ଵଯଂ ବ୍ରହ୍ମ ନେହ ନାନାସ୍ତି କିଞ୍ଚନ

॥ 468॥

ଶ୍ଲୋକ 467

ସତ୍ସମୃଦ୍ଧଂ ସ୍ଵତଃସିଦ୍ଧଂ ଶୁଦ୍ଧଂ ବୁଦ୍ଧମନୀଦୃଶମ୍ ।

ଏକମେଵାଦ୍ଵଯଂ ବ୍ରହ୍ମ ନେହ ନାନାସ୍ତି କିଞ୍ଚନ

॥ 469॥

ଶ୍ଲୋକ 468

ନିରସ୍ତରାଗା ଵିନିରସ୍ତଭୋଗାଃ (ପାଠଭେଦଃ - ନିରପାସ୍ତଭୋଗାଃ)

ଶାନ୍ତାଃ ସୁଦାନ୍ତା ଯତଯୋ ମହାନ୍ତଃ ।

ଵିଜ୍ଞାଯ ତତ୍ତ୍ଵଂ ପରମେତଦନ୍ତେ

ପ୍ରାପ୍ତାଃ ପରାଂ ନିର୍ଵୃତିମାତ୍ମଯୋଗାତ୍

॥ 470॥

ଶ୍ଲୋକ 469

ଭଵାନପୀଦଂ ପରତତ୍ତ୍ଵମାତ୍ମନଃ

ସ୍ଵରୂପମାନନ୍ଦଘନଂ ଵିଚାର୍ଯ । (ପାଠଭେଦଃ - ନିଚାଯ୍ଯ)

ଵିଧୂଯ ମୋହଂ ସ୍ଵମନଃପ୍ରକଲ୍ପିତଂ

ମୁକ୍ତଃ କୃତାର୍ଥୋ ଭଵତୁ ପ୍ରବୁଦ୍ଧଃ

॥ 471॥

ଶ୍ଲୋକ 470

ସମାଧିନା ସାଧୁଵିନିଶ୍ଚଲାତ୍ମନା (ପାଠଭେଦଃ - ସୁନିଶ୍ଚଲାତ୍ମନା)

ପଶ୍ଯାତ୍ମତତ୍ତ୍ଵଂ ସ୍ଫୁଟବୋଧଚକ୍ଷୁଷା ।

ନିଃସଂଶଯଂ ସମ୍ଯଗଵେକ୍ଷିତଶ୍ଚେ-

ଚ୍ଛ୍ରୁତଃ ପଦାର୍ଥୋ ନ ପୁନର୍ଵିକଲ୍ପ୍ଯତେ

॥ 472॥

ଶ୍ଲୋକ 471

॥ 473॥ (ପାଠଭେଦଃ - ପୁନର୍ଵିକଲ୍ପତେ)

ସ୍ଵସ୍ଯାଵିଦ୍ଯାବନ୍ଧସମ୍ବନ୍ଧମୋକ୍ଷା-

ତ୍ସତ୍ଯଜ୍ଞାନାନନ୍ଦରୂପାତ୍ମଲବ୍ଧୌ ।

ଶାସ୍ତ୍ରଂ ଯୁକ୍ତିର୍ଦେଶିକୋକ୍ତିଃ ପ୍ରମାଣଂ

ଚାନ୍ତଃସିଦ୍ଧା ସ୍ଵାନୁଭୂତିଃ ପ୍ରମାଣମ୍

ଶ୍ଲୋକ 472

ବନ୍ଧୋ ମୋକ୍ଷଶ୍ଚ ତୃପ୍ତିଶ୍ଚ ଚିନ୍ତାଽଽରୋଗ୍ଯକ୍ଷୁଧାଦଯଃ ।

ସ୍ଵେନୈଵ ଵେଦ୍ଯା ଯଜ୍ଜ୍ଞାନଂ ପରେଷାମାନୁମାନିକମ୍

॥ 474॥

ଶ୍ଲୋକ 473

ତଟସ୍ଥିତା ବୋଧଯନ୍ତି ଗୁରଵଃ ଶ୍ରୁତଯୋ ଯଥା ।

ପ୍ରଜ୍ଞଯୈଵ ତରେଦ୍ଵିଦ୍ଵାନୀଶ୍ଵରାନୁଗୃହୀତଯା

॥ 475॥

ଶ୍ଲୋକ 474

ସ୍ଵାନୁଭୂତ୍ଯା ସ୍ଵଯଂ ଜ୍ଞାତ୍ଵା ସ୍ଵମାତ୍ମାନମଖଣ୍ଡିତମ୍ ।

ସଂସିଦ୍ଧଃ ସମ୍ମୁଖଂ ତିଷ୍ଠେନ୍ନିର୍ଵିକଲ୍ପାତ୍ମନାଽଽତ୍ମନି

॥ 476॥

ଶ୍ଲୋକ 475

॥ 477॥ (ପାଠଭେଦଃ - ସୁସୁଖଂ ତିଷ୍ଠେନ୍)

ଵେଦାନ୍ତସିଦ୍ଧାନ୍ତନିରୁକ୍ତିରେଷା

ବ୍ରହ୍ମୈଵ ଜୀଵଃ ସକଲଂ ଜଗଚ୍ଚ ।

ଅଖଣ୍ଡରୂପସ୍ଥିତିରେଵ ମୋକ୍ଷୋ

ବ୍ରହ୍ମାଦ୍ଵିତୀଯେ ଶ୍ରୁତଯଃ ପ୍ରମାଣମ୍

ଶ୍ଲୋକ 476

॥ 478॥ (ପାଠଭେଦଃ - ବ୍ରହ୍ମାଦ୍ଵିତୀଯଂ)

ଇତି ଗୁରୁଵଚନାଚ୍ଛ୍ରୁତିପ୍ରମାଣାତ୍

ପରମଵଗମ୍ଯ ସତତ୍ତ୍ଵମାତ୍ମଯୁକ୍ତ୍ଯା ।

ପ୍ରଶମିତକରଣଃ ସମାହିତାତ୍ମା

କ୍ଵଚିଦଚଲାକୃତିରାତ୍ମନିଷ୍ଠତୋଽଭୂତ୍

ଶ୍ଲୋକ 477

॥ 479॥ (ପାଠଭେଦଃ - ଆତ୍ମନିଷ୍ଠିତୋ)

କିଞ୍ଚିତ୍କାଲଂ ସମାଧାଯ ପରେ ବ୍ରହ୍ମଣି ମାନସମ୍ । (ପାଠଭେଦଃ - କଞ୍ଚିତ୍କାଲଂ)

ଉତ୍ଥାଯ ପରମାନନ୍ଦାଦିଦଂ ଵଚନମବ୍ରଵୀତ୍

ଶ୍ଲୋକ 478

॥ 480॥ (ପାଠଭେଦଃ - ଵ୍ଯୁତ୍ଥାଯ)

ବୁଦ୍ଧିର୍ଵିନଷ୍ଟା ଗଲିତା ପ୍ରଵୃତ୍ତିଃ

ବ୍ରହ୍ମାତ୍ମନୋରେକତଯାଽଧିଗତ୍ଯା ।

ଇଦଂ ନ ଜାନେଽପ୍ଯନିଦଂ ନ ଜାନେ

କିଂ ଵା କିଯଦ୍ଵା ସୁଖମସ୍ତ୍ଯପାରମ୍

ଶ୍ଲୋକ 479

॥ 481॥ (ପାଠଭେଦଃ - ସୁଖମସ୍ଯ ପାରମ୍)

ଵାଚା ଵକ୍ତୁମଶକ୍ଯମେଵ ମନସା ମନ୍ତୁଂ ନ ଵା ଶକ୍ଯତେ

ସ୍ଵାନନ୍ଦାମୃତପୂରପୂରିତପରବ୍ରହ୍ମାମ୍ବୁଧେର୍ଵୈଭଵମ୍ ।

ଅମ୍ଭୋରାଶିଵିଶୀର୍ଣଵାର୍ଷିକଶିଲାଭାଵଂ ଭଜନ୍ମେ ମନୋ

ଯସ୍ଯାଂଶାଂଶଲଵେ ଵିଲୀନମଧୁନାଽଽନନ୍ଦାତ୍ମନା ନିର୍ଵୃତମ୍

ଶ୍ଲୋକ 480

କ୍ଵ ଗତଂ କେନ ଵା ନୀତଂ କୁତ୍ର ଲୀନମିଦଂ ଜଗତ୍ ।

ଅଧୁନୈଵ ମଯା ଦୃଷ୍ଟଂ ନାସ୍ତି କିଂ ମହଦଦ୍ଭୁତମ୍

॥ 482॥

ଶ୍ଲୋକ 481

କିଂ ହେଯଂ କିମୁପାଦେଯଂ କିମନ୍ଯତ୍କିଂ ଵିଲକ୍ଷଣମ୍ ।

ଅଖଣ୍ଡାନନ୍ଦପୀଯୂଷପୂର୍ଣେ ବ୍ରହ୍ମମହାର୍ଣଵେ

॥ 483॥

ଶ୍ଲୋକ 482

ନ କିଞ୍ଚିଦତ୍ର ପଶ୍ଯାମି ନ ଶଋଣୋମି ନ ଵେଦ୍ମ୍ଯହମ୍ ।

ସ୍ଵାତ୍ମନୈଵ ସଦାନନ୍ଦରୂପେଣାସ୍ମି ଵିଲକ୍ଷଣଃ

॥ 484॥

ଶ୍ଲୋକ 483

ନମୋ ନମସ୍ତେ ଗୁରଵେ ମହାତ୍ମନେ

ଵିମୁକ୍ତସଙ୍ଗାଯ ସଦୁତ୍ତମାଯ ।

ନିତ୍ଯାଦ୍ଵଯାନନ୍ଦରସସ୍ଵରୂପିଣେ

ଭୂମ୍ନେ ସଦାଽପାରଦଯାମ୍ବୁଧାମ୍ନେ

॥ 485॥

ଶ୍ଲୋକ 484

ଯତ୍କଟାକ୍ଷଶଶିସାନ୍ଦ୍ରଚନ୍ଦ୍ରିକା-

ପାତଧୂତଭଵତାପଜଶ୍ରମଃ ।

ପ୍ରାପ୍ତଵାନହମଖଣ୍ଡଵୈଭଵା-

ନନ୍ଦମାତ୍ମପଦମକ୍ଷଯଂ କ୍ଷଣାତ୍

॥ 486॥

ଶ୍ଲୋକ 485

ଧନ୍ଯୋଽହଂ କୃତକୃତ୍ଯୋଽହଂ ଵିମୁକ୍ତୋଽହଂ ଭଵଗ୍ରହାତ୍ ।

ନିତ୍ଯାନନ୍ଦସ୍ଵରୂପୋଽହଂ ପୂର୍ଣୋଽହଂ ତ୍ଵଦନୁଗ୍ରହାତ୍

॥ 487॥

ଶ୍ଲୋକ 486

ଅସଙ୍ଗୋଽହମନଙ୍ଗୋଽହମଲିଙ୍ଗୋଽହମଭଙ୍ଗୁରଃ ।

ପ୍ରଶାନ୍ତୋଽହମନନ୍ତୋଽହମମଲୋଽହଂ ଚିରନ୍ତନଃ

॥ 488॥

ଶ୍ଲୋକ 487

॥ 489॥ (ପାଠଭେଦଃ - ଽହମତାନ୍ତୋଽହଂ)

ଅକର୍ତାହମଭୋକ୍ତାହମଵିକାରୋଽହମକ୍ରିଯଃ ।

ଶୁଦ୍ଧବୋଧସ୍ଵରୂପୋଽହଂ କେଵଲୋଽହଂ ସଦାଶିଵଃ

ଶ୍ଲୋକ 488

ଦ୍ରଷ୍ଟୁଃ ଶ୍ରୋତୁର୍ଵକ୍ତୁଃ କର୍ତୁର୍ଭୋକ୍ତୁର୍ଵିଭିନ୍ନ ଏଵାହମ୍ ।

ନିତ୍ଯନିରନ୍ତରନିଷ୍କ୍ରିଯନିଃସୀମାସଙ୍ଗପୂର୍ଣବୋଧାତ୍ମା

॥ 490॥

ଶ୍ଲୋକ 489

ନାହମିଦଂ ନାହମଦୋଽପ୍ଯୁଭଯୋରଵଭାସକଂ ପରଂ ଶୁଦ୍ଧମ୍ ।

ବାହ୍ଯାଭ୍ଯନ୍ତରଶୂନ୍ଯଂ ପୂର୍ଣଂ ବ୍ରହ୍ମାଦ୍ଵିତୀଯମେଵାହମ୍

॥ 491॥

ଶ୍ଲୋକ 490

ନିରୁପମମନାଦିତତ୍ତ୍ଵଂ ତ୍ଵମହମିଦମଦ ଇତି କଲ୍ପନାଦୂରମ୍ ।

ନିତ୍ଯାନନ୍ଦୈକରସଂ ସତ୍ଯଂ ବ୍ରହ୍ମାଦ୍ଵିତୀଯମେଵାହମ୍

॥ 492॥

ଶ୍ଲୋକ 491

ନାରାଯଣୋଽହଂ ନରକାନ୍ତକୋଽହଂ

ପୁରାନ୍ତକୋଽହଂ ପୁରୁଷୋଽହମୀଶଃ ।

ଅଖଣ୍ଡବୋଧୋଽହମଶେଷସାକ୍ଷୀ

ନିରୀଶ୍ଵରୋଽହଂ ନିରହଂ ଚ ନିର୍ମମଃ

॥ 493॥

ଶ୍ଲୋକ 492

ସର୍ଵେଷୁ ଭୂତେଷ୍ଵହମେଵ ସଂସ୍ଥିତୋ

ଜ୍ଞାନାତ୍ମନାଽନ୍ତର୍ବହିରାଶ୍ରଯଃ ସନ୍ ।

ଭୋକ୍ତା ଚ ଭୋଗ୍ଯଂ ସ୍ଵଯମେଵ ସର୍ଵଂ

ଯଦ୍ଯତ୍ପୃଥଗ୍ଦୃଷ୍ଟମିଦନ୍ତଯା ପୁରା

॥ 494॥

ଶ୍ଲୋକ 493

ମଯ୍ଯଖଣ୍ଡସୁଖାମ୍ଭୋଧୌ ବହୁଧା ଵିଶ୍ଵଵୀଚଯଃ ।

ଉତ୍ପଦ୍ଯନ୍ତେ ଵିଲୀଯନ୍ତେ ମାଯାମାରୁତଵିଭ୍ରମାତ୍

॥ 495॥

ଶ୍ଲୋକ 494

ସ୍ଥୁଲାଦିଭାଵା ମଯି କଲ୍ପିତା ଭ୍ରମା-

ଦାରୋପିତାନୁସ୍ଫୁରଣେନ ଲୋକୈଃ ।

କାଲେ ଯଥା କଲ୍ପକଵତ୍ସରାଯ-

ଣର୍ତ୍ଵାଦଯୋ ନିଷ୍କଲନିର୍ଵିକଲ୍ପେ

॥ 496॥

ଶ୍ଲୋକ 495

ଆରୋପିତଂ ନାଶ୍ରଯଦୂଷକଂ ଭଵେତ୍

କଦାପି ମୂଢୈରତିଦୋଷଦୂଷିତୈଃ । ମୂଢୈର୍ମତି

ନାର୍ଦ୍ରୀକରୋତ୍ଯୂଷରଭୂମିଭାଗଂ

ମରୀଚିକାଵାରି ମହାପ୍ରଵାହଃ

॥ 497॥

ଶ୍ଲୋକ 496

ଆକାଶଵଲ୍ଲେପଵିଦୂରଗୋଽହଂ (ପାଠଭେଦଃ - ଆକାଶଵତ୍ କଲ୍ପଵି)

ଆଦିତ୍ଯଵଦ୍ଭାସ୍ଯଵିଲକ୍ଷଣୋଽହମ୍ ।

ଅହାର୍ଯଵନ୍ନିତ୍ଯଵିନିଶ୍ଚଲୋଽହଂ

ଅମ୍ଭୋଧିଵତ୍ପାରଵିଵର୍ଜିତୋଽହମ୍

॥ 498॥

ଶ୍ଲୋକ 497

ନ ମେ ଦେହେନ ସମ୍ବନ୍ଧୋ ମେଘେନେଵ ଵିହାଯସଃ ।

ଅତଃ କୁତୋ ମେ ତଦ୍ଧର୍ମା ଜାଗ୍ରତ୍ସ୍ଵପ୍ନସୁଷୁପ୍ତଯଃ

॥ 499॥

ଶ୍ଲୋକ 498

ଉପାଧିରାଯାତି ସ ଏଵ ଗଚ୍ଛତି

ସ ଏଵ କର୍ମାଣି କରୋତି ଭୁଙ୍କ୍ତେ ।

ସ ଏଵ ଜୀର୍ଯନ୍ ମ୍ରିଯତେ ସଦାହଂ (ପାଠଭେଦଃ - ଏଵ ଜୀଵନ୍)

କୁଲାଦ୍ରିଵନ୍ନିଶ୍ଚଲ ଏଵ ସଂସ୍ଥିତଃ

॥ 500॥

ଶ୍ଲୋକ 499

ନ ମେ ପ୍ରଵୃତ୍ତିର୍ନ ଚ ମେ ନିଵୃତ୍ତିଃ

ସଦୈକରୂପସ୍ଯ ନିରଂଶକସ୍ଯ ।

ଏକାତ୍ମକୋ ଯୋ ନିଵିଡୋ ନିରନ୍ତରୋ (ପାଠଭେଦଃ - ନିବିଡୋ)

ଵ୍ଯୋମେଵ ପୂର୍ଣଃ ସ କଥଂ ନୁ ଚେଷ୍ଟତେ

॥ 501॥

ଶ୍ଲୋକ 500

ପୁଣ୍ଯାନି ପାପାନି ନିରିନ୍ଦ୍ରିଯସ୍ଯ

ନିଶ୍ଚେତସୋ ନିର୍ଵିକୃତେର୍ନିରାକୃତେଃ ।

କୁତୋ ମମାଖଣ୍ଡସୁଖାନୁଭୂତେଃ

ବ୍ରୂତେ ହ୍ଯନନ୍ଵାଗତମିତ୍ଯପି ଶ୍ରୁତିଃ

॥ 502॥

ଶ୍ଲୋକ 501

ଛାଯଯା ସ୍ପୃଷ୍ଟମୁଷ୍ଣଂ ଵା ଶୀତଂ ଵା ସୁଷ୍ଠୁ ଦୁଃଷ୍ଠୁ ଵା ।

ନ ସ୍ପୃଶତ୍ଯେଵ ଯତ୍କିଞ୍ଚିତ୍ପୁରୁଷଂ ତଦ୍ଵିଲକ୍ଷଣମ୍

॥ 503॥

ଶ୍ଲୋକ 502

ନ ସାକ୍ଷିଣଂ ସାକ୍ଷ୍ଯଧର୍ମାଃ ସଂସ୍ପୃଶନ୍ତି ଵିଲକ୍ଷଣମ୍ ।

ଅଵିକାରମୁଦାସୀନଂ ଗୃହଧର୍ମାଃ ପ୍ରଦୀପଵତ୍ ।

ଦେହେନ୍ଦ୍ରିଯମନୋଧର୍ମା ନୈଵାତ୍ମାନଂ ସ୍ପୃଶନ୍ତ୍ଯହୋ

॥ 504॥

ଶ୍ଲୋକ 503

॥ 505॥ ଏକ୍ଷ୍ତ୍ର

ରଵେର୍ଯଥା କର୍ମଣି ସାକ୍ଷିଭାଵୋ

ଵହ୍ନେର୍ଯଥା ଦାହନିଯାମକତ୍ଵମ୍ । (ପାଠଭେଦଃ - ଵାଽଯସି ଦାହକତ୍ଵମ୍)

ରଜ୍ଜୋର୍ଯଥାଽଽରୋପିତଵସ୍ତୁସଙ୍ଗଃ

ତଥୈଵ କୂଟସ୍ଥଚିଦାତ୍ମନୋ ମେ

ଶ୍ଲୋକ 504

କର୍ତାପି ଵା କାରଯିତାପି ନାହଂ

ଭୋକ୍ତାପି ଵା ଭୋଜଯିତାପି ନାହମ୍ ।

ଦ୍ରଷ୍ଟାପି ଵା ଦର୍ଶଯିତାପି ନାହଂ

ସୋଽହଂ ସ୍ଵଯଞ୍ଜ୍ଯୋତିରନୀଦୃଗାତ୍ମା

॥ 506॥

ଶ୍ଲୋକ 505

ଚଲତ୍ଯୁପାଧୌ ପ୍ରତିବିମ୍ବଲୌଲ୍ଯ-

ମୌପାଧିକଂ ମୂଢଧିଯୋ ନଯନ୍ତି ।

ସ୍ଵବିମ୍ବଭୂତଂ ରଵିଵଦ୍ଵିନିଷ୍କ୍ରିଯଂ

କର୍ତାସ୍ମି ଭୋକ୍ତାସ୍ମି ହତୋଽସ୍ମି ହେତି

॥ 507॥

ଶ୍ଲୋକ 506

ଜଲେ ଵାପି ସ୍ଥଲେ ଵାପି ଲୁଠତ୍ଵେଷ ଜଡାତ୍ମକଃ ।

ନାହଂ ଵିଲିପ୍ଯେ ତଦ୍ଧର୍ମୈର୍ଘଟଧର୍ମୈର୍ନଭୋ ଯଥା

॥ 508॥

ଶ୍ଲୋକ 507

କର୍ତୃତ୍ଵଭୋକ୍ତୃତ୍ଵଖଲତ୍ଵମତ୍ତତା-

ଜଡତ୍ଵବଦ୍ଧତ୍ଵଵିମୁକ୍ତତାଦଯଃ ।

ବୁଦ୍ଧେର୍ଵିକଲ୍ପା ନ ତୁ ସନ୍ତି ଵସ୍ତୁତଃ

ସ୍ଵସ୍ମିନ୍ପରେ ବ୍ରହ୍ମଣି କେଵଲେଽଦ୍ଵଯେ

॥ 509॥

ଶ୍ଲୋକ 508

ସନ୍ତୁ ଵିକାରାଃ ପ୍ରକୃତେର୍ଦଶଧା ଶତଧା ସହସ୍ରଧା ଵାପି ।

କିଂ ମେଽସଙ୍ଗଚିତସ୍ତୈର୍ନ ଘନଃ କ୍ଵଚିଦମ୍ବରଂ ସ୍ପୃଶତି

॥ 510॥

ଶ୍ଲୋକ 509

॥ 511॥ (ପାଠଭେଦଃ - ତୈଃ କିଂ ମେଽସଙ୍ଗଚିତେର୍ନ ହ୍ଯମ୍ବୁଦଡମ୍ବରୋଽମ୍ବରଂ)

ଅଵ୍ଯକ୍ତାଦିସ୍ଥୂଲପର୍ଯନ୍ତମେତତ୍

ଵିଶ୍ଵଂ ଯତ୍ରାଭାସମାତ୍ରଂ ପ୍ରତୀତମ୍ ।

ଵ୍ଯୋମପ୍ରଖ୍ଯଂ ସୂକ୍ଷ୍ମମାଦ୍ଯନ୍ତହୀନଂ

ବ୍ରହ୍ମାଦ୍ଵୈତଂ ଯତ୍ତଦେଵାହମସ୍ମି

ଶ୍ଲୋକ 510

ସର୍ଵାଧାରଂ ସର୍ଵଵସ୍ତୁପ୍ରକାଶଂ

ସର୍ଵାକାରଂ ସର୍ଵଗଂ ସର୍ଵଶୂନ୍ଯମ୍ ।

ନିତ୍ଯଂ ଶୁଦ୍ଧଂ ନିଶ୍ଚଲଂ ନିର୍ଵିକଲ୍ପଂ (ପାଠଭେଦଃ - ନିଷ୍କଲଂ)

ବ୍ରହ୍ମାଦ୍ଵୈତଂ ଯତ୍ତଦେଵାହମସ୍ମି

॥ 512॥

ଶ୍ଲୋକ 511

ଯତ୍ପ୍ରତ୍ଯସ୍ତାଶେଷମାଯାଵିଶେଷଂ

ପ୍ରତ୍ଯଗ୍ରୂପଂ ପ୍ରତ୍ଯଯାଗମ୍ଯମାନମ୍ ।

ସତ୍ଯଜ୍ଞାନାନନ୍ତମାନନ୍ଦରୂପଂ

ବ୍ରହ୍ମାଦ୍ଵୈତଂ ଯତ୍ତଦେଵାହମସ୍ମି

॥ 513॥

ଶ୍ଲୋକ 512

ନିଷ୍କ୍ରିଯୋଽସ୍ମ୍ଯଵିକାରୋଽସ୍ମି

ନିଷ୍କଲୋଽସ୍ମି ନିରାକୃତିଃ ।

ନିର୍ଵିକଲ୍ପୋଽସ୍ମି ନିତ୍ଯୋଽସ୍ମି

ନିରାଲମ୍ବୋଽସ୍ମି ନିର୍ଦ୍ଵଯଃ

॥ 514॥

ଶ୍ଲୋକ 513

ସର୍ଵାତ୍ମକୋଽହଂ ସର୍ଵୋଽହଂ ସର୍ଵାତୀତୋଽହମଦ୍ଵଯଃ ।

କେଵଲାଖଣ୍ଡବୋଧୋଽହମାନନ୍ଦୋଽହଂ ନିରନ୍ତରଃ

॥ 515॥

ଶ୍ଲୋକ 514

ସ୍ଵାରାଜ୍ଯସାମ୍ରାଜ୍ଯଵିଭୂତିରେଷା

ଭଵତ୍କୃପାଶ୍ରୀମହିମପ୍ରସାଦାତ୍ ।

ପ୍ରାପ୍ତା ମଯା ଶ୍ରୀଗୁରଵେ ମହାତ୍ମନେ

ନମୋ ନମସ୍ତେଽସ୍ତୁ ପୁନର୍ନମୋଽସ୍ତୁ

॥ 516॥

ଶ୍ଲୋକ 515

ମହାସ୍ଵପ୍ନେ ମାଯାକୃତଜନିଜରାମୃତ୍ଯୁଗହନେ

ଭ୍ରମନ୍ତଂ କ୍ଲିଶ୍ଯନ୍ତଂ ବହୁଲତରତାପୈରନୁଦିନମ୍ । (ପାଠଭେଦଃ - ରନୁକଲମ୍)

ଅହଙ୍କାରଵ୍ଯାଘ୍ରଵ୍ଯଥିତମିମମତ୍ଯନ୍ତକୃପଯା

ପ୍ରବୋଧ୍ଯ ପ୍ରସ୍ଵାପାତ୍ପରମଵିତଵାନ୍ମାମସି ଗୁରୋ

॥ 517॥

ଶ୍ଲୋକ 516

ନମସ୍ତସ୍ମୈ ସଦୈକସ୍ମୈ କସ୍ମୈଚିନ୍ମହସେ ନମଃ । (ପାଠଭେଦଃ - ସଦେକସ୍ମୈ ନମଶ୍ଚିନ୍ମହସେ ମୁହୁଃ)

ଯଦେତଦ୍ଵିଶ୍ଵରୂପେଣ ରାଜତେ ଗୁରୁରାଜ ତେ

॥ 518॥

ଶ୍ଲୋକ 517

ଇତି ନତମଵଲୋକ୍ଯ ଶିଷ୍ଯଵର୍ଯଂ

ସମଧିଗତାତ୍ମସୁଖଂ ପ୍ରବୁଦ୍ଧତତ୍ତ୍ଵମ୍ ।

ପ୍ରମୁଦିତହୃଦଯଂ ସ ଦେଶିକେନ୍ଦ୍ରଃ (ପାଠଭେଦଃ - ହୃଦଯଃ)

ପୁନରିଦମାହ ଵଚଃ ପରଂ ମହାତ୍ମା

॥ 519॥

ଶ୍ଲୋକ 518

ବ୍ରହ୍ମପ୍ରତ୍ଯଯସନ୍ତତିର୍ଜଗଦତୋ ବ୍ରହ୍ମୈଵ ତତ୍ସର୍ଵତଃ (ପାଠଭେଦଃ - ସତ୍ସର୍ଵତଃ)

ପଶ୍ଯାଧ୍ଯାତ୍ମଦୃଶା ପ୍ରଶାନ୍ତମନସା ସର୍ଵାସ୍ଵଵସ୍ଥାସ୍ଵପି ।

ରୂପାଦନ୍ଯଦଵେକ୍ଷିତଂ କିମଭିତଶ୍ଚକ୍ଷୁଷ୍ମତାଂ ଦୃଶ୍ଯତେ (ପାଠଭେଦଃ - ଵିଦ୍ଯତେ)

ତଦ୍ଵଦ୍ବ୍ରହ୍ମଵିଦଃ ସତଃ କିମପରଂ ବୁଦ୍ଧେର୍ଵିହାରାସ୍ପଦମ୍

॥ 520॥

ଶ୍ଲୋକ 519

କସ୍ତାଂ ପରାନନ୍ଦରସାନୁଭୂତି-

ମୃତ୍ସୃଜ୍ଯ ଶୂନ୍ଯେଷୁ ରମେତ ଵିଦ୍ଵାନ୍ । (ପାଠଭେଦଃ - ମୁତ୍ସୃଜ୍ଯ

ଚନ୍ଦ୍ରେ ମହାହ୍ଲାଦିନି ଦୀପ୍ଯମାନେ)

ଚିତ୍ରେନ୍ଦୁମାଲୋକଯିତୁଂ କ ଇଚ୍ଛେତ୍

॥ 521॥

ଶ୍ଲୋକ 520

ଅସତ୍ପଦାର୍ଥାନୁଭଵେନ କିଞ୍ଚିନ୍

ନ ହ୍ଯସ୍ତି ତୃପ୍ତିର୍ନ ଚ ଦୁଃଖହାନିଃ ।

ତଦଦ୍ଵଯାନନ୍ଦରସାନୁଭୂତ୍ଯା

ତୃପ୍ତଃ ସୁଖଂ ତିଷ୍ଠ ସଦାତ୍ମନିଷ୍ଠଯା

॥ 522॥

ଶ୍ଲୋକ 521

ସ୍ଵମେଵ ସର୍ଵଥା ପଶ୍ଯନ୍ମନ୍ଯମାନଃ ସ୍ଵମଦ୍ଵଯମ୍ । (ପାଠଭେଦଃ - ସର୍ଵତଃ)

ସ୍ଵାନନ୍ଦମନୁଭୁଞ୍ଜାନଃ କାଲଂ ନଯ ମହାମତେ

॥ 523॥

ଶ୍ଲୋକ 522

ଅଖଣ୍ଡବୋଧାତ୍ମନି ନିର୍ଵିକଲ୍ପେ

ଵିକଲ୍ପନଂ ଵ୍ଯୋମ୍ନି ପୁରପ୍ରକଲ୍ପନମ୍ ।

ତଦଦ୍ଵଯାନନ୍ଦମଯାତ୍ମନା ସଦା

ଶାନ୍ତିଂ ପରାମେତ୍ଯ ଭଜସ୍ଵ ମୌନମ୍

॥ 524॥

ଶ୍ଲୋକ 523

ତୂଷ୍ଣୀମଵସ୍ଥା ପରମୋପଶାନ୍ତିଃ

ବୁଦ୍ଧେରସତ୍କଲ୍ପଵିକଲ୍ପହେତୋଃ ।

ବ୍ରହ୍ମାତ୍ମନୋ ବ୍ରହ୍ମଵିଦୋ ମହାତ୍ମନୋ

ଯତ୍ରାଦ୍ଵଯାନନ୍ଦସୁଖଂ ନିରନ୍ତରମ୍

॥ 525॥

ଶ୍ଲୋକ 524

ନାସ୍ତି ନିର୍ଵାସନାନ୍ମୌନାତ୍ପରଂ ସୁଖକୃଦୁତ୍ତମମ୍ ।

ଵିଜ୍ଞାତାତ୍ମସ୍ଵରୂପସ୍ଯ ସ୍ଵାନନ୍ଦରସପାଯିନଃ

॥ 526॥

ଶ୍ଲୋକ 525

ଗଚ୍ଛଂସ୍ତିଷ୍ଠନ୍ନୁପଵିଶଞ୍ଛଯାନୋ ଵାଽନ୍ଯଥାପି ଵା ।

ଯଥେଚ୍ଛଯା ଵସେଦ୍ଵିଦ୍ଵାନାତ୍ମାରାମଃ ସଦା ମୁନିଃ

॥ 527॥

ଶ୍ଲୋକ 526

ନ ଦେଶକାଲାସନଦିଗ୍ଯମାଦି-

ଲକ୍ଷ୍ଯାଦ୍ଯପେକ୍ଷାଽପ୍ରତିବଦ୍ଧଵୃତ୍ତେଃ । (ପାଠଭେଦଃ - ପ୍ରତିବଦ୍ଧ

ସଂସିଦ୍ଧତତ୍ତ୍ଵସ୍ଯ ମହାତ୍ମନୋଽସ୍ତି)

ସ୍ଵଵେଦନେ କା ନିଯମାଦ୍ଯଵସ୍ଥା

॥ 528॥

ଶ୍ଲୋକ 527

ଘଟୋଽଯମିତି ଵିଜ୍ଞାତୁଂ ନିଯମଃ କୋଽନ୍ଵଵେକ୍ଷତେ । (ପାଠଭେଦଃ - ଅପେକ୍ଷ୍ଯତେ)

ଵିନା ପ୍ରମାଣସୁଷ୍ଠୁତ୍ଵଂ ଯସ୍ମିନ୍ସତି ପଦାର୍ଥଧୀଃ

॥ 529॥

ଶ୍ଲୋକ 528

ଅଯମାତ୍ମା ନିତ୍ଯସିଦ୍ଧଃ ପ୍ରମାଣେ ସତି ଭାସତେ ।

ନ ଦେଶଂ ନାପି ଵା କାଲଂ ନ ଶୁଦ୍ଧିଂ ଵାପ୍ଯପେକ୍ଷତେ

॥ 530॥

ଶ୍ଲୋକ 529

ଦେଵଦତ୍ତୋଽହମିତ୍ଯେତଦ୍ଵିଜ୍ଞାନଂ ନିରପେକ୍ଷକମ୍ ।

ତଦ୍ଵଦ୍ବ୍ରହ୍ମଵିଦୋଽପ୍ଯସ୍ଯ ବ୍ରହ୍ମାହମିତି ଵେଦନମ୍

॥ 531॥

ଶ୍ଲୋକ 530

ଭାନୁନେଵ ଜଗତ୍ସର୍ଵଂ ଭାସତେ ଯସ୍ଯ ତେଜସା ।

ଅନାତ୍ମକମସତ୍ତୁଚ୍ଛଂ କିଂ ନୁ ତସ୍ଯାଵଭାସକମ୍

॥ 532॥

ଶ୍ଲୋକ 531

ଵେଦଶାସ୍ତ୍ରପୁରାଣାନି ଭୂତାନି ସକଲାନ୍ଯପି ।

ଯେନାର୍ଥଵନ୍ତି ତଂ କିନ୍ନୁ ଵିଜ୍ଞାତାରଂ ପ୍ରକାଶଯେତ୍

॥ 533॥

ଶ୍ଲୋକ 532

ଏଷ ସ୍ଵଯଞ୍ଜ୍ଯୋତିରନନ୍ତଶକ୍ତିଃ

ଆତ୍ମାଽପ୍ରମେଯଃ ସକଲାନୁଭୂତିଃ ।

ଯମେଵ ଵିଜ୍ଞାଯ ଵିମୁକ୍ତବନ୍ଧୋ

ଜଯତ୍ଯଯଂ ବ୍ରହ୍ମଵିଦୁତ୍ତମୋତ୍ତମଃ

॥ 534॥

ଶ୍ଲୋକ 533

ନ ଖିଦ୍ଯତେ ନୋ ଵିଷଯୈଃ ପ୍ରମୋଦତେ

ନ ସଜ୍ଜତେ ନାପି ଵିରଜ୍ଯତେ ଚ ।

ସ୍ଵସ୍ମିନ୍ସଦା କ୍ରୀଡତି ନନ୍ଦତି ସ୍ଵଯଂ

ନିରନ୍ତରାନନ୍ଦରସେନ ତୃପ୍ତଃ

॥ 535॥

ଶ୍ଲୋକ 534

କ୍ଷୁଧାଂ ଦେହଵ୍ଯଥାଂ ତ୍ଯକ୍ତ୍ଵା ବାଲଃ କ୍ରୀଡତି ଵସ୍ତୁନିଃ । (ପାଠଭେଦଃ - ଵସ୍ତୁନି)

ତଥୈଵ ଵିଦ୍ଵାନ୍ ରମତେ ନିର୍ମମୋ ନିରହଂ ସୁଖୀ

॥ 536॥

ଶ୍ଲୋକ 535

ଚିନ୍ତାଶୂନ୍ଯମଦୈନ୍ଯଭୈକ୍ଷମଶନଂ ପାନଂ ସରିଦ୍ଵାରିଷୁ

ସ୍ଵାତନ୍ତ୍ର୍ଯେଣ ନିରଙ୍କୁଶା ସ୍ଥିତିରଭୀର୍ନିଦ୍ରା ଶ୍ମଶାନେ ଵନେ ।

ଵସ୍ତ୍ରଂ କ୍ଷାଲନଶୋଷଣାଦିରହିତଂ ଦିଗ୍ଵାସ୍ତୁ ଶଯ୍ଯା ମହୀ

ସଞ୍ଚାରୋ ନିଗମାନ୍ତଵୀଥିଷୁ ଵିଦାଂ କ୍ରୀଡା ପରେ ବ୍ରହ୍ମଣି

॥ 537॥

ଶ୍ଲୋକ 536

ଵିମାନମାଲମ୍ବ୍ଯ ଶରୀରମେତଦ୍

ଭୁନକ୍ତ୍ଯଶେଷାନ୍ଵିଷଯାନୁପସ୍ଥିତାନ୍ ।

ପରେଚ୍ଛଯା ବାଲଵଦାତ୍ମଵେତ୍ତା

ଯୋଽଵ୍ଯକ୍ତଲିଙ୍ଗୋଽନନୁଷକ୍ତବାହ୍ଯଃ

॥ 538॥

ଶ୍ଲୋକ 537

ଦିଗମ୍ବରୋ ଵାପି ଚ ସାମ୍ବରୋ ଵା

ତ୍ଵଗମ୍ବରୋ ଵାପି ଚିଦମ୍ବରସ୍ଥଃ ।

ଉନ୍ମତ୍ତଵଦ୍ଵାପି ଚ ବାଲଵଦ୍ଵା

ପିଶାଚଵଦ୍ଵାପି ଚରତ୍ଯଵନ୍ଯାମ୍

॥ 539॥

ଶ୍ଲୋକ 538

କାମାନ୍ନିଷ୍କାମରୂପୀ ସଂଶ୍ଚରତ୍ଯେକଚରୋ ମୁନିଃ । (ପାଠଭେଦଃ - କାମାନ୍ନୀ କାମରୂପୀ)

ସ୍ଵାତ୍ମନୈଵ ସଦା ତୁଷ୍ଟଃ ସ୍ଵଯଂ ସର୍ଵାତ୍ମନା ସ୍ଥିତଃ

॥ 540॥

ଶ୍ଲୋକ 539

କ୍ଵଚିନ୍ମୂଢୋ ଵିଦ୍ଵାନ୍ କ୍ଵଚିଦପି ମହାରାଜଵିଭଵଃ

କ୍ଵଚିଦ୍ଭ୍ରାନ୍ତଃ ସୌମ୍ଯଃ କ୍ଵଚିଦଜଗରାଚାରକଲିତଃ ।

କ୍ଵଚିତ୍ପାତ୍ରୀଭୂତଃ କ୍ଵଚିଦଵମତଃ କ୍ଵାପ୍ଯଵିଦିତଃ

ଚରତ୍ଯେଵଂ ପ୍ରାଜ୍ଞଃ ସତତପରମାନନ୍ଦସୁଖିତଃ

॥ 541॥

ଶ୍ଲୋକ 540

ନିର୍ଧନୋଽପି ସଦା ତୁଷ୍ଟୋଽପ୍ଯସହାଯୋ ମହାବଲଃ ।

ନିତ୍ଯତୃପ୍ତୋଽପ୍ଯଭୁଞ୍ଜାନୋଽପ୍ଯସମଃ ସମଦର୍ଶନଃ

॥ 542॥

ଶ୍ଲୋକ 541

ଅପି କୁର୍ଵନ୍ନକୁର୍ଵାଣଶ୍ଚାଭୋକ୍ତା ଫଲଭୋଗ୍ଯପି ।

ଶରୀର୍ଯପ୍ଯଶରୀର୍ଯେଷ ପରିଚ୍ଛିନ୍ନୋଽପି ସର୍ଵଗଃ

॥ 543॥

ଶ୍ଲୋକ 542

ଅଶରୀରଂ ସଦା ସନ୍ତମିମଂ ବ୍ରହ୍ମଵିଦଂ କ୍ଵଚିତ୍ ।

ପ୍ରିଯାପ୍ରିଯେ ନ ସ୍ପୃଶତସ୍ତଥୈଵ ଚ ଶୁଭାଶୁଭେ

॥ 544॥

ଶ୍ଲୋକ 543

ସ୍ଥୂଲାଦିସମ୍ବନ୍ଧଵତୋଽଭିମାନିନଃ

ସୁଖଂ ଚ ଦୁଃଖଂ ଚ ଶୁଭାଶୁଭେ ଚ ।

ଵିଧ୍ଵସ୍ତବନ୍ଧସ୍ଯ ସଦାତ୍ମନୋ ମୁନେଃ

କୁତଃ ଶୁଭଂ ଵାଽପ୍ଯଶୁଭଂ ଫଲଂ ଵା

॥ 545॥

ଶ୍ଲୋକ 544

ତମସା ଗ୍ରସ୍ତଵଦ୍ଭାନାଦଗ୍ରସ୍ତୋଽପି ରଵିର୍ଜନୈଃ ।

ଗ୍ରସ୍ତ ଇତ୍ଯୁଚ୍ଯତେ ଭ୍ରାନ୍ତ୍ଯାଂ ହ୍ଯଜ୍ଞାତ୍ଵା ଵସ୍ତୁଲକ୍ଷଣମ୍

॥ 546॥

ଶ୍ଲୋକ 545

॥ 547॥ (ପାଠଭେଦଃ - ଭ୍ରାନ୍ତ୍ଯା)

ତଦ୍ଵଦ୍ଦେହାଦିବନ୍ଧେଭ୍ଯୋ ଵିମୁକ୍ତଂ ବ୍ରହ୍ମଵିତ୍ତମମ୍ ।

ପଶ୍ଯନ୍ତି ଦେହିଵନ୍ମୂଢାଃ ଶରୀରାଭାସଦର୍ଶନାତ୍

ଶ୍ଲୋକ 546

ଅହିର୍ନିର୍ଲ୍ଵଯନୀଂ ଵାଯଂ ମୁକ୍ତ୍ଵା ଦେହଂ ତୁ ତିଷ୍ଠତି । (ପାଠଭେଦଃ - ଅହିନି)

ଇତସ୍ତତଶ୍ଚାଲ୍ଯମାନୋ ଯତ୍କିଞ୍ଚିତ୍ପ୍ରାଣଵାଯୁନା

॥ 548॥

ଶ୍ଲୋକ 547

ସ୍ତ୍ରୋତସା ନୀଯତେ ଦାରୁ ଯଥା ନିମ୍ନୋନ୍ନତସ୍ଥଲମ୍ ।

ଦୈଵେନ ନୀଯତେ ଦେହୋ ଯଥାକାଲୋପଭୁକ୍ତିଷୁ

॥ 549॥

ଶ୍ଲୋକ 548

ପ୍ରାରବ୍ଧକର୍ମପରିକଲ୍ପିତଵାସନାଭିଃ

ସଂସାରିଵଚ୍ଚରତି ଭୁକ୍ତିଷୁ ମୁକ୍ତଦେହଃ ।

ସିଦ୍ଧଃ ସ୍ଵଯଂ ଵସତି ସାକ୍ଷିଵଦତ୍ର ତୂଷ୍ଣୀଂ

ଚକ୍ରସ୍ଯ ମୂଲମିଵ କଲ୍ପଵିକଲ୍ପଶୂନ୍ଯଃ

॥ 550॥

ଶ୍ଲୋକ 549

ନୈଵେନ୍ଦ୍ରିଯାଣି ଵିଷଯେଷୁ ନିଯୁଙ୍କ୍ତ ଏଷ

ନୈଵାପଯୁଙ୍କ୍ତ ଉପଦର୍ଶନଲକ୍ଷଣସ୍ଥଃ ।

ନୈଵ କ୍ରିଯାଫଲମପୀଷଦଵେକ୍ଷତେ ସ (ପାଠଭେଦଃ - ଅପୀଷଦପେକ୍ଷତେ ସଃ)

ସ୍ଵାନନ୍ଦସାନ୍ଦ୍ରରସପାନସୁମତ୍ତଚିତ୍ତଃ

॥ 551॥

ଶ୍ଲୋକ 550

ଲକ୍ଷ୍ଯାଲକ୍ଷ୍ଯଗତିଂ ତ୍ଯକ୍ତ୍ଵା ଯସ୍ତିଷ୍ଠେତ୍କେଵଲାତ୍ମନା ।

ଶିଵ ଏଵ ସ୍ଵଯଂ ସାକ୍ଷାଦଯଂ ବ୍ରହ୍ମଵିଦୁତ୍ତମଃ

॥ 552॥

ଶ୍ଲୋକ 551

ଜୀଵନ୍ନେଵ ସଦା ମୁକ୍ତଃ କୃତାର୍ଥୋ ବ୍ରହ୍ମଵିତ୍ତମଃ ।

ଉପାଧିନାଶାଦ୍ବ୍ରହ୍ମୈଵ ସନ୍ ବ୍ରହ୍ମାପ୍ଯେତି ନିର୍ଦ୍ଵଯମ୍

॥ 553॥

ଶ୍ଲୋକ 552

ଶୈଲୂଷୋ ଵେଷସଦ୍ଭାଵାଭାଵଯୋଶ୍ଚ ଯଥା ପୁମାନ୍ ।

ତଥୈଵ ବ୍ରହ୍ମଵିଚ୍ଛ୍ରେଷ୍ଠଃ ସଦା ବ୍ରହ୍ମୈଵ ନାପରଃ

॥ 554॥

ଶ୍ଲୋକ 553

ଯତ୍ର କ୍ଵାପି ଵିଶୀର୍ଣଂ ସତ୍ପର୍ଣମିଵ ତରୋର୍ଵପୁଃ ପତତାତ୍ । (ପାଠଭେଦଃ - ଵିଶୀର୍ଣଂ ପର୍ଣମିଵ)

ବ୍ରହ୍ମୀଭୂତସ୍ଯ ଯତେଃ ପ୍ରାଗେଵ ତଚ୍ଚିଦଗ୍ନିନା ଦଗ୍ଧମ୍

॥ 555॥

ଶ୍ଲୋକ 554

ସଦାତ୍ମନି ବ୍ରହ୍ମଣି ତିଷ୍ଠତୋ ମୁନେଃ

ପୂର୍ଣାଽଦ୍ଵଯାନନ୍ଦମଯାତ୍ମନା ସଦା ।

ନ ଦେଶକାଲାଦ୍ଯୁଚିତପ୍ରତୀକ୍ଷା

ତ୍ଵଙ୍ମାଂସଵିଟ୍ପିଣ୍ଡଵିସର୍ଜନାଯ

॥ 556॥

ଶ୍ଲୋକ 555

ଦେହସ୍ଯ ମୋକ୍ଷୋ ନୋ ମୋକ୍ଷୋ ନ ଦଣ୍ଡସ୍ଯ କମଣ୍ଡଲୋଃ ।

ଅଵିଦ୍ଯାହୃଦଯଗ୍ରନ୍ଥିମୋକ୍ଷୋ ମୋକ୍ଷୋ ଯତସ୍ତତଃ

॥ 557॥

ଶ୍ଲୋକ 556

କୁଲ୍ଯାଯାମଥ ନଦ୍ଯାଂ ଵା ଶିଵକ୍ଷେତ୍ରେଽପି ଚତ୍ଵରେ ।

ପର୍ଣଂ ପତତି ଚେତ୍ତେନ ତରୋଃ କିଂ ନୁ ଶୁଭାଶୁଭମ୍

॥ 558॥

ଶ୍ଲୋକ 557

ପତ୍ରସ୍ଯ ପୁଷ୍ପସ୍ଯ ଫଲସ୍ଯ ନାଶଵଦ୍-

ଦେହେନ୍ଦ୍ରିଯପ୍ରାଣଧିଯାଂ ଵିନାଶଃ ।

ନୈଵାତ୍ମନଃ ସ୍ଵସ୍ଯ ସଦାତ୍ମକସ୍ଯା-

ନନ୍ଦାକୃତେର୍ଵୃକ୍ଷଵଦସ୍ତି ଚୈଷଃ

॥ 559॥

ଶ୍ଲୋକ 558

॥ 560॥ (ପାଠଭେଦଃ - ଵଦାସ୍ତ ଏଷଃ)

ପ୍ରଜ୍ଞାନଘନ ଇତ୍ଯାତ୍ମଲକ୍ଷଣଂ ସତ୍ଯସୂଚକମ୍ ।

ଅନୂଦ୍ଯୌପାଧିକସ୍ଯୈଵ କଥଯନ୍ତି ଵିନାଶନମ୍

ଶ୍ଲୋକ 559

ଅଵିନାଶୀ ଵା ଅରେଽଯମାତ୍ମେତି ଶ୍ରୁତିରାତ୍ମନଃ ।

ପ୍ରବ୍ରଵୀତ୍ଯଵିନାଶିତ୍ଵଂ ଵିନଶ୍ଯତ୍ସୁ ଵିକାରିଷୁ

॥ 561॥

ଶ୍ଲୋକ 560

ପାଷାଣଵୃକ୍ଷତୃଣଧାନ୍ଯକଡଙ୍କରାଦ୍ଯା (ପାଠଭେଦଃ - କଟାମ୍ବରାଦ୍ଯା)

ଦଗ୍ଧା ଭଵନ୍ତି ହି ମୃଦେଵ ଯଥା ତଥୈଵ ।

ଦେହେନ୍ଦ୍ରିଯାସୁମନ ଆଦି ସମସ୍ତଦୃଶ୍ଯଂ

ଜ୍ଞାନାଗ୍ନିଦଗ୍ଧମୁପଯାତି ପରାତ୍ମଭାଵମ୍

॥ 562॥

ଶ୍ଲୋକ 561

ଵିଲକ୍ଷଣଂ ଯଥା ଧ୍ଵାନ୍ତଂ ଲୀଯତେ ଭାନୁତେଜସି ।

ତଥୈଵ ସକଲଂ ଦୃଶ୍ଯଂ ବ୍ରହ୍ମଣି ପ୍ରଵିଲୀଯତେ

॥ 563॥

ଶ୍ଲୋକ 562

ଘଟେ ନଷ୍ଟେ ଯଥା ଵ୍ଯୋମ ଵ୍ଯୋମୈଵ ଭଵତି ସ୍ଫୁଟମ୍ ।

ତଥୈଵୋପାଧିଵିଲଯେ ବ୍ରହ୍ମୈଵ ବ୍ରହ୍ମଵିତ୍ସ୍ଵଯମ୍

॥ 564॥

ଶ୍ଲୋକ 563

କ୍ଷୀରଂ କ୍ଷୀରେ ଯଥା କ୍ଷିପ୍ତଂ ତୈଲଂ ତୈଲେ ଜଲଂ ଜଲେ ।

ସଂଯୁକ୍ତମେକତାଂ ଯାତି ତଥାଽଽତ୍ମନ୍ଯାତ୍ମଵିନ୍ମୁନିଃ

॥ 565॥

ଶ୍ଲୋକ 564

ଏଵଂ ଵିଦେହକୈଵଲ୍ଯଂ ସନ୍ମାତ୍ରତ୍ଵମଖଣ୍ଡିତମ୍ ।

ବ୍ରହ୍ମଭାଵଂ ପ୍ରପଦ୍ଯୈଷ ଯତିର୍ନାଵର୍ତତେ ପୁନଃ

॥ 566॥

ଶ୍ଲୋକ 565

ସଦାତ୍ମୈକତ୍ଵଵିଜ୍ଞାନଦଗ୍ଧାଵିଦ୍ଯାଦିଵର୍ଷ୍ମଣଃ ।

ଅମୁଷ୍ଯ ବ୍ରହ୍ମଭୂତତ୍ଵାଦ୍ ବ୍ରହ୍ମଣଃ କୁତ ଉଦ୍ଭଵଃ

॥ 567॥

ଶ୍ଲୋକ 566

ମାଯାକ୍ଲୃପ୍ତୌ ବନ୍ଧମୋକ୍ଷୌ ନ ସ୍ତଃ ସ୍ଵାତ୍ମନି ଵସ୍ତୁତଃ ।

ଯଥା ରଜ୍ଜୌ ନିଷ୍କ୍ରିଯାଯାଂ ସର୍ପାଭାସଵିନିର୍ଗମୌ

॥ 568॥

ଶ୍ଲୋକ 567

ଆଵୃତେଃ ସଦସତ୍ତ୍ଵାଭ୍ଯାଂ ଵକ୍ତଵ୍ଯେ ବନ୍ଧମୋକ୍ଷଣେ ।

ନାଵୃତିର୍ବ୍ରହ୍ମଣଃ କାଚିଦନ୍ଯାଭାଵାଦନାଵୃତମ୍ ।

ଯଦ୍ଯସ୍ତ୍ଯଦ୍ଵୈତହାନିଃ ସ୍ଯାଦ୍ ଦ୍ଵୈତଂ ନୋ ସହତେ ଶ୍ରୁତିଃ

॥ 569॥

ଶ୍ଲୋକ 568

ବନ୍ଧଞ୍ଚ ମୋକ୍ଷଞ୍ଚ ମୃଷୈଵ ମୂଢା

ବୁଦ୍ଧେର୍ଗୁଣଂ ଵସ୍ତୁନି କଲ୍ପଯନ୍ତି ।

ଦୃଗାଵୃତିଂ ମେଘକୃତାଂ ଯଥା ରଵୌ

ଯତୋଽଦ୍ଵଯାଽସଙ୍ଗଚିଦେତଦକ୍ଷରମ୍

॥ 570॥

ଶ୍ଲୋକ 569

॥ 571॥ (ପାଠଭେଦଃ - ଚିଦେକମକ୍ଷରମ୍)

ଅସ୍ତୀତି ପ୍ରତ୍ଯଯୋ ଯଶ୍ଚ ଯଶ୍ଚ ନାସ୍ତୀତି ଵସ୍ତୁନି ।

ବୁଦ୍ଧେରେଵ ଗୁଣାଵେତୌ ନ ତୁ ନିତ୍ଯସ୍ଯ ଵସ୍ତୁନଃ

ଶ୍ଲୋକ 570

ଅତସ୍ତୌ ମାଯଯା କ୍ଲୃପ୍ତୌ ବନ୍ଧମୋକ୍ଷୌ ନ ଚାତ୍ମନି ।

ନିଷ୍କଲେ ନିଷ୍କ୍ରିଯେ ଶାନ୍ତେ ନିରଵଦ୍ଯେ ନିରଞ୍ଜନେ ।

ଅଦ୍ଵିତୀଯେ ପରେ ତତ୍ତ୍ଵେ ଵ୍ଯୋମଵତ୍କଲ୍ପନା କୁତଃ

॥ 572॥

ଶ୍ଲୋକ 571

ନ ନିରୋଧୋ ନ ଚୋତ୍ପତ୍ତିର୍ନ ବଦ୍ଧୋ ନ ଚ ସାଧକଃ ।

ନ ମୁମୁକ୍ଷୁର୍ନ ଵୈ ମୁକ୍ତ ଇତ୍ଯେଷା ପରମାର୍ଥତା

॥ 573॥

ଶ୍ଲୋକ 572

ସକଲନିଗମଚୂଡାସ୍ଵାନ୍ତସିଦ୍ଧାନ୍ତରୂପଂ

ପରମିଦମତିଗୁହ୍ଯଂ ଦର୍ଶିତଂ ତେ ମଯାଦ୍ଯ ।

ଅପଗତକଲିଦୋଷଂ କାମନିର୍ମୁକ୍ତବୁଦ୍ଧିଂ (ପାଠଭେଦଃ - ବୁଦ୍ଧିଃ)

ସ୍ଵସୁତଵଦସକୃତ୍ତ୍ଵାଂ ଭାଵଯିତ୍ଵା ମୁମୁକ୍ଷୁମ୍

॥ 574॥

ଶ୍ଲୋକ 573

ଇତି ଶ୍ରୁତ୍ଵା ଗୁରୋର୍ଵାକ୍ଯଂ ପ୍ରଶ୍ରଯେଣ କୃତାନତିଃ ।

ସ ତେନ ସମନୁଜ୍ଞାତୋ ଯଯୌ ନିର୍ମୁକ୍ତବନ୍ଧନଃ

॥ 575॥

ଶ୍ଲୋକ 574

ଗୁରୁରେଵ ସଦାନନ୍ଦସିନ୍ଧୌ ନିର୍ମଗ୍ନମାନସଃ । (ପାଠଭେଦଃ - ଗୁରୁରେଷ)

ପାଵଯନ୍ଵସୁଧାଂ ସର୍ଵାଂ ଵିଚଚାର ନିରନ୍ତରଃ

॥ 576॥

ଶ୍ଲୋକ 575

ଇତ୍ଯାଚାର୍ଯସ୍ଯ ଶିଷ୍ଯସ୍ଯ ସଂଵାଦେନାତ୍ମଲକ୍ଷଣମ୍ ।

ନିରୂପିତଂ ମୁମୁକ୍ଷୂଣାଂ ସୁଖବୋଧୋପପତ୍ତଯେ

॥ 577॥

ଶ୍ଲୋକ 576

ହିତମିଦମୁପଦେଶମାଦ୍ରିଯନ୍ତାଂ

ଵିହିତନିରସ୍ତସମସ୍ତଚିତ୍ତଦୋଷାଃ ।

ଭଵସୁଖଵିରତାଃ ପ୍ରଶାନ୍ତଚିତ୍ତାଃ (ପାଠଭେଦଃ - ସୁଖଵିମୁଖାଃ)

ଶ୍ରୁତିରସିକା ଯତଯୋ ମୁମୁକ୍ଷଵୋ ଯେ

॥ 578॥

ଶ୍ଲୋକ 577

ସଂସାରାଧ୍ଵନି ତାପଭାନୁକିରଣପ୍ରୋଦ୍ଭୂତଦାହଵ୍ଯଥା-

ଖିନ୍ନାନାଂ ଜଲକାଙ୍କ୍ଷଯା ମରୁଭୁଵି ଭ୍ରାନ୍ତ୍ଯା ପରିଭ୍ରାମ୍ଯତାମ୍ ।

ଅତ୍ଯାସନ୍ନସୁଧାମ୍ବୁଧିଂ ସୁଖକରଂ ବ୍ରହ୍ମାଦ୍ଵଯଂ ଦର୍ଶଯ-

ତ୍ଯେଷା ଶଙ୍କରଭାରତୀ ଵିଜଯତେ ନିର୍ଵାଣସନ୍ଦାଯିନୀ

॥ 579॥

ଶ୍ଲୋକ 578

॥ ଇତି ଶଙ୍କରାଚାର୍ଯଵିରଚିତଂ ଵିଵେକଚୂଡାମଣିଃ ॥

॥ ଓଁ ତତ୍ସତ୍ ॥