Viveka Chudamani

বিবেক চূডামণি

শ্লোক 1

সর্ববেদান্তসিদ্ধান্তগোচরং তমগোচরম্ ।

গোবিন্দং পরমানন্দং সদ্গুরুং প্রণতোঽস্ম্যহম্

শ্লোক 2

জন্তূনাং নরজন্ম দুর্লভমতঃ পুংস্ত্বং ততো বিপ্রতা

তস্মাদ্বৈদিকধর্মমার্গপরতা বিদ্বত্ত্বমস্মাত্পরম্ ।

আত্মানাত্মবিবেচনং স্বনুভবো ব্রহ্মাত্মনা সংস্থিতিঃ

মুক্তির্নো শতজন্মকোটিসুকৃতৈঃ পুণ্যৈর্বিনা লভ্যতে

॥ 1॥

শ্লোক 3

॥ 2॥ (পাঠভেদঃ - শতকোটিজন্মসু কৃতৈঃ)

দুর্লভং ত্রযমেবৈতদ্দেবানুগ্রহহেতুকম্ ।

মনুষ্যত্বং মুমুক্ষুত্বং মহাপুরুষসংশ্রযঃ

শ্লোক 4

লব্ধ্বা কথঞ্চিন্নরজন্ম দুর্লভং (পাঠভেদঃ - কথঞ্চিন্)

তত্রাপি পুংস্ত্বং শ্রুতিপারদর্শনম্ ।

যস্ত্বাত্মমুক্তৌ ন যতেত মূঢধীঃ

স হ্যাত্মহা স্বং বিনিহন্ত্যসদ্গ্রহাত্

॥ 3॥

শ্লোক 5

॥ 4॥ (পাঠভেদঃ - আত্মহা স্বং)

ইতঃ কো ন্বস্তি মূঢাত্মা যস্তু স্বার্থে প্রমাদ্যতি ।

দুর্লভং মানুষং দেহং প্রাপ্য তত্রাপি পৌরুষম্

শ্লোক 6

বদন্তু শাস্ত্রাণি যজন্তু দেবান্ (পাঠভেদঃ - পঠন্তু)

কুর্বন্তু কর্মাণি ভজন্তু দেবতাঃ ।

আত্মৈক্যবোধেন বিনাপি মুক্তি- (পাঠভেদঃ - বিনা বিমুক্তিঃ ন)

র্ন সিধ্যতি ব্রহ্মশতান্তরেঽপি

॥ 5॥

শ্লোক 7

অমৃতত্ত্বস্য নাশাস্তি বিত্তেনেত্যেব হি শ্রুতিঃ ।

ব্রবীতি কর্মণো মুক্তেরহেতুত্বং স্ফুটং যতঃ

॥ 6॥

শ্লোক 8

অতো বিমুক্ত্যৈ প্রযতেত বিদ্বান্

সন্ন্যস্তবাহ্যার্থসুখস্পৃহঃ সন্ ।

সন্তং মহান্তং সমুপেত্য দেশিকং

তেনোপদিষ্টার্থসমাহিতাত্মা

॥ 7॥

শ্লোক 9

উদ্ধরেদাত্মনাঽঽত্মানং মগ্নং সংসারবারিধৌ ।

যোগারূঢত্বমাসাদ্য সম্যগ্দর্শননিষ্ঠযা

॥ 8॥

শ্লোক 10

সন্ন্যস্য সর্বকর্মাণি ভববন্ধবিমুক্তযে ।

যত্যতাং পণ্ডিতৈর্ধীরৈরাত্মাভ্যাস উপস্থিতৈঃ

॥ 9॥

শ্লোক 11

চিত্তস্য শুদ্ধযে কর্ম ন তু বস্তূপলব্ধযে ।

বস্তুসিদ্ধির্বিচারেণ ন কিঞ্চিত্কর্মকোটিভিঃ

॥ 10॥

শ্লোক 12

সম্যগ্বিচারতঃ সিদ্ধা রজ্জুতত্ত্বাবধারণা ।

ভ্রান্তোদিতমহাসর্পভযদুঃখবিনাশিনী

॥ 11॥

শ্লোক 13

॥ 12॥ (পাঠভেদঃ - ভ্রান্ত্যো)

অর্থস্য নিশ্চযো দৃষ্টো বিচারেণ হিতোক্তিতঃ ।

ন স্নানেন ন দানেন প্রাণাযামশতেন বা

শ্লোক 14

অধিকারিণমাশাস্তে ফলসিদ্ধির্বিশেষতঃ ।

উপাযা দেশকালাদ্যাঃ সন্ত্যস্মিন্সহকারিণঃ

॥ 13॥

শ্লোক 15

॥ 14॥ (পাঠভেদঃ - সন্ত্যস্যাং)

অতো বিচারঃ কর্তব্যো জিজ্ঞাসোরাত্মবস্তুনঃ ॥

সমাসাদ্য দযাসিন্ধুং গুরুং ব্রহ্মবিদুত্তমম্

শ্লোক 16

মেধাবী পুরুষো বিদ্বানূহাপোহবিচক্ষণঃ ।

অধিকার্যাত্মবিদ্যাযামুক্তলক্ষণলক্ষিতঃ

॥ 15॥

শ্লোক 17

বিবেকিনো বিরক্তস্য শমাদিগুণশালিনঃ ।

মুমুক্ষোরেব হি ব্রহ্মজিজ্ঞাসাযোগ্যতা মতা

॥ 16॥

শ্লোক 18

সাধনান্যত্র চত্বারি কথিতানি মনীষিভিঃ ।

যেষু সত্স্বেব সন্নিষ্ঠা যদভাবে ন সিধ্যতি

॥ 17॥

শ্লোক 19

আদৌ নিত্যানিত্যবস্তুবিবেকঃ পরিগণ্যতে ।

ইহামুত্রফলভোগবিরাগস্তদনন্তরম্ ।

শমাদিষট্কসম্পত্তির্মুমুক্ষুত্বমিতি স্ফুটম্

॥ 18॥

শ্লোক 20

ব্রহ্ম সত্যং জগন্মিথ্যেত্যেবংরূপো বিনিশ্চযঃ ।

সোঽযং নিত্যানিত্যবস্তুবিবেকঃ সমুদাহৃতঃ

॥ 19॥

শ্লোক 21

তদ্বৈরাগ্যং জিহাসা যা দর্শনশ্রবণাদিভিঃ । (পাঠভেদঃ - জুগুপ্সা যা)

দেহাদিব্রহ্মপর্যন্তে হ্যনিত্যে ভোগবস্তুনি

॥ 20॥

শ্লোক 22

॥ 21॥ (পাঠভেদঃ - ভোগ্যবস্তুনি)

বিরজ্য বিষযব্রাতাদ্দোষদৃষ্ট্যা মুহুর্মুহুঃ ।

স্বলক্ষ্যে নিযতাবস্থা মনসঃ শম উচ্যতে

শ্লোক 23

বিষযেভ্যঃ পরাবর্ত্য স্থাপনং স্বস্বগোলকে ।

উভযেষামিন্দ্রিযাণাং স দমঃ পরিকীর্তিতঃ ।

বাহ্যানালম্বনং বৃত্তেরেষোপরতিরুত্তমা

॥ 22॥

শ্লোক 24

সহনং সর্বদুঃখানামপ্রতীকারপূর্বকম্ ।

চিন্তাবিলাপরহিতং সা তিতিক্ষা নিগদ্যতে

॥ 23॥

শ্লোক 25

শাস্ত্রস্য গুরুবাক্যস্য সত্যবুদ্ধ্যবধারণম্ । (পাঠভেদঃ - সত্যবুদ্ধ্যাবধারণা)

সা শ্রদ্ধা কথিতা সদ্ভির্যযা বস্তূপলভ্যতে

॥ 24॥

শ্লোক 26

সর্বদা স্থাপনং বুদ্ধেঃ শুদ্ধে ব্রহ্মণি সর্বদা । (পাঠভেদঃ - সম্যগাস্থাপনং)

তত্সমাধানমিত্যুক্তং ন তু চিত্তস্য লালনম্

॥ 25॥

শ্লোক 27

অহঙ্কারাদিদেহান্তান্ বন্ধানজ্ঞানকল্পিতান্ ।

স্বস্বরূপাববোধেন মোক্তুমিচ্ছা মুমুক্ষুতা

॥ 26॥

শ্লোক 28

মন্দমধ্যমরূপাপি বৈরাগ্যেণ শমাদিনা ।

প্রসাদেন গুরোঃ সেযং প্রবৃদ্ধা সূযতে ফলম্

॥ 27॥

শ্লোক 29

বৈরাগ্যং চ মুমুক্ষুত্বং তীব্রং যস্য তু বিদ্যতে ।

তস্মিন্নেবার্থবন্তঃ স্যুঃ ফলবন্তঃ শমাদযঃ

॥ 28॥

শ্লোক 30

এতযোর্মন্দতা যত্র বিরক্তত্বমুমুক্ষযোঃ ।

মরৌ সলিলবত্তত্র শমাদের্ভানমাত্রতা

॥ 29॥

শ্লোক 31

মোক্ষকারণসামগ্র্যাং ভক্তিরেব গরীযসী ।

স্বস্বরূপানুসন্ধানং ভক্তিরিত্যভিধীযতে

॥ 30॥

শ্লোক 32

স্বাত্মতত্ত্বানুসন্ধানং ভক্তিরিত্যপরে জগুঃ ।

উক্তসাধনসম্পন্নস্তত্ত্বজিজ্ঞাসুরাত্মনঃ ।

উপসীদেদ্গুরুং প্রাজ্ঞং যস্মাদ্বন্ধবিমোক্ষণম্

॥ 31॥

শ্লোক 33

শ্রোত্রিযোঽবৃজিনোঽকামহতো যো ব্রহ্মবিত্তমঃ ।

ব্রহ্মণ্যুপরতঃ শান্তো নিরিন্ধন ইবানলঃ ।

অহেতুকদযাসিন্ধুর্বন্ধুরানমতাং সতাম্

॥ 32॥

শ্লোক 34

তমারাধ্য গুরুং ভক্ত্যা প্রহ্বপ্রশ্রযসেবনৈঃ । (পাঠভেদঃ - প্রহ্বঃ)

প্রসন্নং তমনুপ্রাপ্য পৃচ্ছেজ্জ্ঞাতব্যমাত্মনঃ

॥ 33॥

শ্লোক 35

স্বামিন্নমস্তে নতলোকবন্ধো

কারুণ্যসিন্ধো পতিতং ভবাব্ধৌ ।

মামুদ্ধরাত্মীযকটাক্ষদৃষ্ট্যা

ঋজ্ব্যাতিকারুণ্যসুধাভিবৃষ্ট্যা

॥ 34॥

শ্লোক 36

দুর্বারসংসারদবাগ্নিতপ্তং

দোধূযমানং দুরদৃষ্টবাতৈঃ ।

ভীতং প্রপন্নং পরিপাহি মৃত্যোঃ

শরণ্যমন্যদ্যদহং ন জানে

॥ 35॥

শ্লোক 37

॥ 36॥ (পাঠভেদঃ - অন্যং)

শান্তা মহান্তো নিবসন্তি সন্তো

বসন্তবল্লোকহিতং চরন্তঃ ।

তীর্ণাঃ স্বযং ভীমভবার্ণবং জনা-

নহেতুনান্যানপি তারযন্তঃ

শ্লোক 38

অযং স্বভাবঃ স্বত এব যত্পর-

শ্রমাপনোদপ্রবণং মহাত্মনাম্ ।

সুধাংশুরেষ স্বযমর্ককর্কশ-

প্রভাভিতপ্তামবতি ক্ষিতিং কিল

॥ 37॥

শ্লোক 39

ব্রহ্মানন্দরসানুভূতিকলিতৈঃ পূতৈঃ সুশীতৈর্যুতৈ- (পাঠভেদঃ - সুশীতৈঃ সিতৈঃ)

র্যুষ্মদ্বাক্কলশোজ্ঝিতৈঃ শ্রুতিসুখৈর্বাক্যামৃতৈঃ সেচয ।

সন্তপ্তং ভবতাপদাবদহনজ্বালাভিরেনং প্রভো

ধন্যাস্তে ভবদীক্ষণক্ষণগতেঃ পাত্রীকৃতাঃ স্বীকৃতাঃ

॥ 38॥

শ্লোক 40

কথং তরেযং ভবসিন্ধুমেতং

কা বা গতির্মে কতমোঽস্ত্যুপাযঃ ।

জানে ন কিঞ্চিত্কৃপযাঽব মাং প্রভো

সংসারদুঃখক্ষতিমাতনুষ্ব

॥ 39॥

শ্লোক 41

তথা বদন্তং শরণাগতং স্বং

সংসারদাবানলতাপতপ্তম্ ।

নিরীক্ষ্য কারুণ্যরসার্দ্রদৃষ্ট্যা

দদ্যাদভীতিং সহসা মহাত্মা

॥ 40॥

শ্লোক 42

বিদ্বান্ স তস্মা উপসত্তিমীযুষে

মুমুক্ষবে সাধু যথোক্তকারিণে ।

প্রশান্তচিত্তায শমান্বিতায

তত্ত্বোপদেশং কৃপযৈব কুর্যাত্

॥ 41॥

শ্লোক 43

মা ভৈষ্ট বিদ্বংস্তব নাস্ত্যপাযঃ

সংসারসিন্ধোস্তরণেঽস্ত্যুপাযঃ ।

যেনৈব যাতা যতযোঽস্য পারং

তমেব মার্গং তব নির্দিশামি

॥ 42॥

শ্লোক 44

অস্ত্যুপাযো মহান্কশ্চিত্সংসারভযনাশনঃ ।

তেন তীর্ত্বা ভবাম্ভোধিং পরমানন্দমাপ্স্যসি

॥ 43॥

শ্লোক 45

বেদান্তার্থবিচারেণ জাযতে জ্ঞানমুত্তমম্ ।

তেনাত্যন্তিকসংসারদুঃখনাশো ভবত্যনু

॥ 44॥

শ্লোক 46

শ্রদ্ধাভক্তিধ্যানযোগান্মুমুক্ষোঃ

মুক্তের্হেতূন্বক্তি সাক্ষাচ্ছ্রুতের্গীঃ ।

যো বা এতেষ্বেব তিষ্ঠত্যমুষ্য

মোক্ষোঽবিদ্যাকল্পিতাদ্দেহবন্ধাত্

॥ 45॥

শ্লোক 47

অজ্ঞানযোগাত্পরমাত্মনস্তব

হ্যনাত্মবন্ধস্তত এব সংসৃতিঃ ।

তযোর্বিবেকোদিতবোধবহ্নিঃ

অজ্ঞানকার্যং প্রদহেত্সমূলম্

॥ 46॥

শ্লোক 48

শিষ্য উবাচ ।

কৃপযা শ্রূযতাং স্বামিন্প্রশ্নোঽযং ক্রিযতে মযা ।

যদুত্তরমহং শ্রুত্বা কৃতার্থঃ স্যাং ভবন্মুখাত্

॥ 47॥

শ্লোক 49

কো নাম বন্ধঃ কথমেষ আগতঃ

কথং প্রতিষ্ঠাস্য কথং বিমোক্ষঃ ।

কোঽসাবনাত্মা পরমঃ ক আত্মা

তযোর্বিবেকঃ কথমেতদুচ্যতাম্

॥ 48॥

শ্লোক 50

শ্রীগুরুবাচ ।

ধন্যোঽসি কৃতকৃত্যোঽসি পাবিতং তে কুলং ত্বযা । (পাঠভেদঃ - পাবিতং)

যদবিদ্যাবন্ধমুক্ত্যা ব্রহ্মীভবিতুমিচ্ছসি

॥ 49॥

শ্লোক 51

ঋণমোচনকর্তারঃ পিতুঃ সন্তি সুতাদযঃ ।

বন্ধমোচনকর্তা তু স্বস্মাদন্যো ন কশ্চন

॥ 50॥

শ্লোক 52

মস্তকন্যস্তভারাদের্দুঃখমন্যৈর্নিবার্যতে ।

ক্ষুধাদিকৃতদুঃখং তু বিনা স্বেন ন কেনচিত্

॥ 51॥

শ্লোক 53

পথ্যমৌষধসেবা চ ক্রিযতে যেন রোগিণা ।

আরোগ্যসিদ্ধির্দৃষ্টাঽস্য নান্যানুষ্ঠিতকর্মণা

॥ 52॥

শ্লোক 54

বস্তুস্বরূপং স্ফুটবোধচক্ষুষা

স্বেনৈব বেদ্যং ন তু পণ্ডিতেন ।

চন্দ্রস্বরূপং নিজচক্ষুষৈব

জ্ঞাতব্যমন্যৈরবগম্যতে কিম্

॥ 53॥

শ্লোক 55

অবিদ্যাকামকর্মাদিপাশবন্ধং বিমোচিতুম্ ।

কঃ শক্নুযাদ্বিনাঽঽত্মানং কল্পকোটিশতৈরপি

॥ 54॥

শ্লোক 56

ন যোগেন ন সাঙ্খ্যেন কর্মণা নো ন বিদ্যযা ।

ব্রহ্মাত্মৈকত্ববোধেন মোক্ষঃ সিধ্যতি নান্যথা

॥ 55॥

শ্লোক 57

বীণাযা রূপসৌন্দর্যং তন্ত্রীবাদনসৌষ্ঠবম্ ।

প্রজারঞ্জনমাত্রং তন্ন সাম্রাজ্যায কল্পতে

॥ 56॥

শ্লোক 58

বাগ্বৈখরী শব্দঝরী শাস্ত্রব্যাখ্যানকৌশলম্ ।

বৈদুষ্যং বিদুষাং তদ্বদ্ভুক্তযে ন তু মুক্তযে

॥ 57॥

শ্লোক 59

অবিজ্ঞাতে পরে তত্ত্বে শাস্ত্রাধীতিস্তু নিষ্ফলা ।

বিজ্ঞাতেঽপি পরে তত্ত্বে শাস্ত্রাধীতিস্তু নিষ্ফলা

॥ 58॥

শ্লোক 60

শব্দজালং মহারণ্যং চিত্তভ্রমণকারণম্ ।

অতঃ প্রযত্নাজ্জ্ঞাতব্যং তত্ত্বজ্ঞৈস্তত্ত্বমাত্মনঃ

॥ 59॥

শ্লোক 61

॥ 60॥ তত্ত্বজ্ঞাত্তত্ত্ব

অজ্ঞানসর্পদষ্টস্য ব্রহ্মজ্ঞানৌষধং বিনা ।

কিমু বেদৈশ্চ শাস্ত্রৈশ্চ কিমু মন্ত্রৈঃ কিমৌষধৈঃ

শ্লোক 62

ন গচ্ছতি বিনা পানং ব্যাধিরৌষধশব্দতঃ ।

বিনাঽপরোক্ষানুভবং ব্রহ্মশব্দৈর্ন মুচ্যতে

॥ 61॥

শ্লোক 63

অকৃত্বা দৃশ্যবিলযমজ্ঞাত্বা তত্ত্বমাত্মনঃ ।

ব্রহ্মশব্দৈঃ কুতো মুক্তিরুক্তিমাত্রফলৈর্নৃণাম্

॥ 62॥

শ্লোক 64

॥ 63॥ (পাঠভেদঃ - বাহ্যশব্দৈঃ)

অকৃত্বা শত্রুসংহারমগত্বাখিলভূশ্রিযম্ ।

রাজাহমিতি শব্দান্নো রাজা ভবিতুমর্হতি

শ্লোক 65

আপ্তোক্তিং খননং তথোপরিশিলাদ্যুত্কর্ষণং স্বীকৃতিং (পাঠভেদঃ - পরিশিলাপাকর্ষণং)

নিক্ষেপঃ সমপেক্ষতে ন হি বহিঃশব্দৈস্তু নির্গচ্ছতি ।

তদ্বদ্ব্রহ্মবিদোপদেশমননধ্যানাদিভির্লভ্যতে

মাযাকার্যতিরোহিতং স্বমমলং তত্ত্বং ন দুর্যুক্তিভিঃ

॥ 64॥

শ্লোক 66

তস্মাত্সর্বপ্রযত্নেন ভববন্ধবিমুক্তযে ।

স্বৈরেব যত্নঃ কর্তব্যো রোগাদাবিব পণ্ডিতৈঃ

॥ 65॥

শ্লোক 67

॥ 66॥ (পাঠভেদঃ - রোগাদেরিব)

যস্ত্বযাদ্য কৃতঃ প্রশ্নো বরীযাঞ্ছাস্ত্রবিন্মতঃ । (পাঠভেদঃ - সম্মতঃ)

সূত্রপ্রাযো নিগূঢার্থো জ্ঞাতব্যশ্চ মুমুক্ষুভিঃ

শ্লোক 68

শঋণুষ্বাবহিতো বিদ্বন্যন্মযা সমুদীর্যতে ।

তদেতচ্ছ্রবণাত্সদ্যো ভববন্ধাদ্বিমোক্ষ্যসে

॥ 67॥

শ্লোক 69

মোক্ষস্য হেতুঃ প্রথমো নিগদ্যতে

বৈরাগ্যমত্যন্তমনিত্যবস্তুষু ।

ততঃ শমশ্চাপি দমস্তিতিক্ষা

ন্যাসঃ প্রসক্তাখিলকর্মণাং ভৃশম্

॥ 68॥

শ্লোক 70

ততঃ শ্রুতিস্তন্মননং সতত্ত্ব-

ধ্যানং চিরং নিত্যনিরন্তরং মুনেঃ ।

ততোঽবিকল্পং পরমেত্য বিদ্বান্

ইহৈব নির্বাণসুখং সমৃচ্ছতি

॥ 69॥

শ্লোক 71

যদ্বোদ্ধব্যং তবেদানীমাত্মানাত্মবিবেচনম্ ।

তদুচ্যতে মযা সম্যক্ শ্রুত্বাত্মন্যবধারয

॥ 70॥

শ্লোক 72

মজ্জাস্থিমেদঃপলরক্তচর্ম-

ত্বগাহ্বযৈর্ধাতুভিরেভিরন্বিতম্ ।

পাদোরুবক্ষোভুজপৃষ্ঠমস্তকৈঃ

অঙ্গৈরুপাঙ্গৈরুপযুক্তমেতত্

॥ 71॥

শ্লোক 73

অহম্মমেতি প্রথিতং শরীরং

মোহাস্পদং স্থূলমিতীর্যতে বুধৈঃ ।

নভোনভস্বদ্দহনাম্বুভূমযঃ

সূক্ষ্মাণি ভূতানি ভবন্তি তানি

॥ 72॥

শ্লোক 74

পরস্পরাংশৈর্মিলিতানি ভূত্বা

স্থূলানি চ স্থূলশরীরহেতবঃ ।

মাত্রাস্তদীযা বিষযা ভবন্তি

শব্দাদযঃ পঞ্চ সুখায ভোক্তুঃ

॥ 73॥

শ্লোক 75

য এষু মূঢা বিষযেষু বদ্ধা

রাগোরুপাশেন সুদুর্দমেন ।

আযান্তি নির্যান্ত্যধ ঊর্ধ্বমুচ্চৈঃ

স্বকর্মদূতেন জবেন নীতাঃ

॥ 74॥

শ্লোক 76

শব্দাদিভিঃ পঞ্চভিরেব পঞ্চ

পঞ্চত্বমাপুঃ স্বগুণেন বদ্ধাঃ ।

কুরঙ্গমাতঙ্গপতঙ্গমীন-

ভৃঙ্গা নরঃ পঞ্চভিরঞ্চিতঃ কিম্

॥ 75॥

শ্লোক 77

দোষেণ তীব্রো বিষযঃ কৃষ্ণসর্পবিষাদপি ।

বিষং নিহন্তি ভোক্তারং দ্রষ্টারং চক্ষুষাপ্যযম্

॥ 76॥

শ্লোক 78

বিষযাশামহাপাশাদ্যো বিমুক্তঃ সুদুস্ত্যজাত্ ।

স এব কল্পতে মুক্ত্যৈ নান্যঃ ষট্শাস্ত্রবেদ্যপি

॥ 77॥

শ্লোক 79

আপাতবৈরাগ্যবতো মুমুক্ষূন্

ভবাব্ধিপারং প্রতিযাতুমুদ্যতান্ ।

আশাগ্রহো মজ্জযতেঽন্তরালে

নিগৃহ্য কণ্ঠে বিনিবর্ত্য বেগাত্

॥ 78॥

শ্লোক 80

বিষযাখ্যগ্রহো যেন সুবিরক্ত্যসিনা হতঃ ।

স গচ্ছতি ভবাম্ভোধেঃ পারং প্রত্যূহবর্জিতঃ

॥ 79॥

শ্লোক 81

বিষমবিষযমার্গৈর্গচ্ছতোঽনচ্ছবুদ্ধেঃ (পাঠভেদঃ - বিষযমার্গে গচ্ছতো)

প্রতিপদমভিযাতো মৃত্যুরপ্যেষ বিদ্ধি । (পাঠভেদঃ - প্রতিপদমভিঘাতো মৃত্যুরপ্যেষ সিদ্ধঃ)

হিতসুজনগুরূক্ত্যা গচ্ছতঃ স্বস্য যুক্ত্যা

প্রভবতি ফলসিদ্ধিঃ সত্যমিত্যেব বিদ্ধি

॥ 80॥

শ্লোক 82

মোক্ষস্য কাঙ্ক্ষা যদি বৈ তবাস্তি

ত্যজাতিদূরাদ্বিষযান্বিষং যথা ।

পীযূষবত্তোষদযাক্ষমার্জব-

প্রশান্তিদান্তীর্ভজ নিত্যমাদরাত্

॥ 81॥

শ্লোক 83

অনুক্ষণং যত্পরিহৃত্য কৃত্যং

অনাদ্যবিদ্যাকৃতবন্ধমোক্ষণম্ ।

দেহঃ পরার্থোঽযমমুষ্য পোষণে

যঃ সজ্জতে স স্বমনেন হন্তি

॥ 82॥

শ্লোক 84

শরীরপোষণার্থী সন্ য আত্মানং দিদৃক্ষতি । (পাঠভেদঃ - দিদৃক্ষতে)

গ্রাহং দারুধিযা ধৃত্বা নদীং তর্তুং স গচ্ছতি

॥ 83॥

শ্লোক 85

॥ 84॥ (পাঠভেদঃ - স ইচ্ছতি)

মোহ এব মহামৃত্যুর্মুমুক্ষোর্বপুরাদিষু ।

মোহো বিনির্জিতো যেন স মুক্তিপদমর্হতি

শ্লোক 86

মোহং জহি মহামৃত্যুং দেহদারসুতাদিষু ।

যং জিত্বা মুনযো যান্তি তদ্বিষ্ণোঃ পরমং পদম্

॥ 85॥

শ্লোক 87

ত্বঙ্মাংসরুধিরস্নাযুমেদোমজ্জাস্থিসঙ্কুলম্ ।

পূর্ণং মূত্রপুরীষাভ্যাং স্থূলং নিন্দ্যমিদং বপুঃ

॥ 86॥

শ্লোক 88

পঞ্চীকৃতেভ্যো ভূতেভ্যঃ স্থূলেভ্যঃ পূর্বকর্মণা ।

সমুত্পন্নমিদং স্থূলং ভোগাযতনমাত্মনঃ ।

অবস্থা জাগরস্তস্য স্থূলার্থানুভবো যতঃ

॥ 87॥

শ্লোক 89

বাহ্যেন্দ্রিযৈঃ স্থূলপদার্থসেবাং

স্রক্চন্দনস্ত্র্যাদিবিচিত্ররূপাম্ ।

করোতি জীবঃ স্বযমেতদাত্মনা

তস্মাত্প্রশস্তির্বপুষোঽস্য জাগরে

॥ 88॥

শ্লোক 90

সর্বোঽপি বাহ্যসংসারঃ পুরুষস্য যদাশ্রযঃ ।

বিদ্ধি দেহমিদং স্থূলং গৃহবদ্গৃহমেধিনঃ

॥ 89॥

শ্লোক 91

স্থূলস্য সম্ভবজরামরণানি ধর্মাঃ

স্থৌল্যাদযো বহুবিধাঃ শিশুতাদ্যবস্থাঃ ।

বর্ণাশ্রমাদিনিযমা বহুধাঽঽমযাঃ স্যুঃ

পূজাবমানবহুমানমুখা বিশেষাঃ

॥ 90॥

শ্লোক 92

বুদ্ধীন্দ্রিযাণি শ্রবণং ত্বগক্ষি

ঘ্রাণং চ জিহ্বা বিষযাববোধনাত্ ।

বাক্পাণিপাদা গুদমপ্যুপস্থঃ (পাঠভেদঃ - উপস্থং)

কর্মেন্দ্রিযাণি প্রবণেন কর্মসু

॥ 91॥

শ্লোক 93

॥ 92॥ (পাঠভেদঃ - প্রবণানি)

নিগদ্যতেঽন্তঃকরণং মনোধীঃ

অহঙ্কৃতিশ্চিত্তমিতি স্ববৃত্তিভিঃ ।

মনস্তু সঙ্কল্পবিকল্পনাদিভিঃ

বুদ্ধিঃ পদার্থাধ্যবসাযধর্মতঃ

শ্লোক 94

অত্রাভিমানাদহমিত্যহঙ্কৃতিঃ ।

স্বার্থানুসন্ধানগুণেন চিত্তম্

॥ 93॥

শ্লোক 95

প্রাণাপানব্যানোদানসমানা ভবত্যসৌ প্রাণঃ ।

স্বযমেব বৃত্তিভেদাদ্বিকৃতিভেদাত্সুবর্ণসলিলাদিবত্

॥ 94॥

শ্লোক 96

॥ 95॥ (পাঠভেদঃ - বিকৃতের্ভেদাত্সুবর্ণসলিলমিব)

বাগাদি পঞ্চ শ্রবণাদি পঞ্চ

প্রাণাদি পঞ্চাভ্রমুখানি পঞ্চ ।

বুদ্ধ্যাদ্যবিদ্যাপি চ কামকর্মণী

পুর্যষ্টকং সূক্ষ্মশরীরমাহুঃ

শ্লোক 97

ইদং শরীরং শ‍ঋণু সূক্ষ্মসঞ্জ্ঞিতং

লিঙ্গং ত্বপঞ্চীকৃতভূতসম্ভবম্ ।

সবাসনং কর্মফলানুভাবকং

স্বাজ্ঞানতোঽনাদিরুপাধিরাত্মনঃ

॥ 96॥

শ্লোক 98

স্বপ্নো ভবত্যস্য বিভক্ত্যবস্থা

স্বমাত্রশেষেণ বিভাতি যত্র ।

স্বপ্নে তু বুদ্ধিঃ স্বযমেব জাগ্রত্

কালীননানাবিধবাসনাভিঃ

॥ 97॥

শ্লোক 99

কর্ত্রাদিভাবং প্রতিপদ্য রাজতে

যত্র স্বযং ভাতি হ্যযং পরাত্মা । (পাঠভেদঃ - স্বযঞ্জ্যোতিরযং)

ধীমাত্রকোপাধিরশেষসাক্ষী

ন লিপ্যতে তত্কৃতকর্মলেশৈঃ । কর্মলেপৈঃ

যস্মাদসঙ্গস্তত এব কর্মভিঃ

ন লিপ্যতে কিঞ্চিদুপাধিনা কৃতৈঃ

॥ 98॥

শ্লোক 100

সর্বব্যাপৃতিকরণং লিঙ্গমিদং স্যাচ্চিদাত্মনঃ পুংসঃ ।

বাস্যাদিকমিব তক্ষ্ণস্তেনৈবাত্মা ভবত্যসঙ্গোঽযম্

॥ 99॥

শ্লোক 101

অন্ধত্বমন্দত্বপটুত্বধর্মাঃ

সৌগুণ্যবৈগুণ্যবশাদ্ধি চক্ষুষঃ ।

বাধির্যমূকত্বমুখাস্তথৈব

শ্রোত্রাদিধর্মা ন তু বেত্তুরাত্মনঃ

॥ 100॥

শ্লোক 102

উচ্ছ্বাসনিঃশ্বাসবিজৃম্ভণক্ষু-

ত্প্রস্যন্দনাদ্যুত্ক্রমণাদিকাঃ ক্রিযাঃ । (পাঠভেদঃ - প্রস্পন্দনাদ্য্)

প্রাণাদিকর্মাণি বদন্তি তজ্ঞাঃ (পাঠভেদঃ - তজ্জ্ঞাঃ)

প্রাণস্য ধর্মাবশনাপিপাসে

॥ 101॥

শ্লোক 103

অন্তঃকরণমেতেষু চক্ষুরাদিষু বর্ষ্মণি ।

অহমিত্যভিমানেন তিষ্ঠত্যাভাসতেজসা

॥ 102॥

শ্লোক 104

অহঙ্কারঃ স বিজ্ঞেযঃ কর্তা ভোক্তাভিমান্যযম্ ।

সত্ত্বাদিগুণযোগেন চাবস্থাত্রযমশ্নুতে

॥ 103॥

শ্লোক 105

॥ 104॥ (পাঠভেদঃ - যোগেনাবস্থাত্রিতযম্শ্নুতে)

বিষযাণামানুকূল্যে সুখী দুঃখী বিপর্যযে ।

সুখং দুঃখং চ তদ্ধর্মঃ সদানন্দস্য নাত্মনঃ

শ্লোক 106

আত্মার্থত্বেন হি প্রেযান্বিষযো ন স্বতঃ প্রিযঃ ।

স্বত এব হি সর্বেষামাত্মা প্রিযতমো যতঃ ।

তত আত্মা সদানন্দো নাস্য দুঃখং কদাচন

॥ 105॥

শ্লোক 107

যত্সুষুপ্তৌ নির্বিষয আত্মানন্দোঽনুভূযতে ।

শ্রুতিঃ প্রত্যক্ষমৈতিহ্যমনুমানং চ জাগ্রতি

॥ 106॥

শ্লোক 108

অব্যক্তনাম্নী পরমেশশক্তিঃ

অনাদ্যবিদ্যা ত্রিগুণাত্মিকা পরা ।

কার্যানুমেযা সুধিযৈব মাযা

যযা জগত্সর্বমিদং প্রসূযতে

॥ 107॥

শ্লোক 109

সন্নাপ্যসন্নাপ্যুভযাত্মিকা নো

ভিন্নাপ্যভিন্নাপ্যুভযাত্মিকা নো ।

সাঙ্গাপ্যনঙ্গা হ্যুভযাত্মিকা নো (পাঠভেদঃ - অনঙ্গাপ্যুভযাত্মিকা)

মহাদ্ভুতাঽনির্বচনীযরূপা

॥ 108॥

শ্লোক 110

শুদ্ধাদ্বযব্রহ্মবিবোধনাশ্যা

সর্পভ্রমো রজ্জুবিবেকতো যথা ।

রজস্তমঃসত্ত্বমিতি প্রসিদ্ধা

গুণাস্তদীযাঃ প্রথিতৈঃ স্বকার্যৈঃ

॥ 109॥

শ্লোক 111

বিক্ষেপশক্তী রজসঃ ক্রিযাত্মিকা

যতঃ প্রবৃত্তিঃ প্রসৃতা পুরাণী ।

রাগাদযোঽস্যাঃ প্রভবন্তি নিত্যং

দুঃখাদযো যে মনসো বিকারাঃ

॥ 110॥

শ্লোক 112

কামঃ ক্রোধো লোভদম্ভাদ্যসূযা (পাঠভেদঃ - লোভদম্ভাভ্যসূযা)

অহঙ্কারের্ষ্যামত্সরাদ্যাস্তু ঘোরাঃ ।

ধর্মা এতে রাজসাঃ পুম্প্রবৃত্তি-

র্যস্মাদেষা তদ্রজো বন্ধহেতুঃ

॥ 111॥

শ্লোক 113

॥ 112॥ (পাঠভেদঃ - যস্মাদেতত্তদ্রজো)

এষাঽঽবৃতির্নাম তমোগুণস্য

শক্তির্মযা বস্ত্ববভাসতেঽন্যথা । শক্তির্যযা

সৈষা নিদানং পুরুষস্য সংসৃতেঃ

বিক্ষেপশক্তেঃ প্রবণস্য হেতুঃ

শ্লোক 114

॥ 113॥ (পাঠভেদঃ - প্রসরস্য)

প্রজ্ঞাবানপি পণ্ডিতোঽপি চতুরোঽপ্যত্যন্তসূক্ষ্মাত্মদৃগ্- (পাঠভেদঃ - সূক্ষ্মার্থদৃগ্)

ব্যালীঢস্তমসা ন বেত্তি বহুধা সম্বোধিতোঽপি স্ফুটম্ ।

ভ্রান্ত্যারোপিতমেব সাধু কলযত্যালম্বতে তদ্গুণান্

হন্তাসৌ প্রবলা দুরন্ততমসঃ শক্তির্মহত্যাবৃতিঃ

শ্লোক 115

অভাবনা বা বিপরীতভাবনাঽ- (পাঠভেদঃ - বিপরীতভাবনা)

সম্ভাবনা বিপ্রতিপত্তিরস্যাঃ ।

সংসর্গযুক্তং ন বিমুঞ্চতি ধ্রুবং

বিক্ষেপশক্তিঃ ক্ষপযত্যজস্রম্

॥ 114॥

শ্লোক 116

অজ্ঞানমালস্যজডত্বনিদ্রা-

প্রমাদমূঢত্বমুখাস্তমোগুণাঃ ।

এতৈঃ প্রযুক্তো ন হি বেত্তি কিঞ্চিত্

নিদ্রালুবত্স্তম্ভবদেব তিষ্ঠতি

॥ 115॥

শ্লোক 117

সত্ত্বং বিশুদ্ধং জলবত্তথাপি

তাভ্যাং মিলিত্বা সরণায কল্পতে ।

যত্রাত্মবিম্বঃ প্রতিবিম্বিতঃ সন্

প্রকাশযত্যর্ক ইবাখিলং জডম্

॥ 116॥

শ্লোক 118

মিশ্রস্য সত্ত্বস্য ভবন্তি ধর্মাঃ

ত্বমানিতাদ্যা নিযমা যমাদ্যাঃ ।

শ্রদ্ধা চ ভক্তিশ্চ মুমুক্ষুতা চ

দৈবী চ সম্পত্তিরসন্নিবৃত্তিঃ

॥ 117॥

শ্লোক 119

বিশুদ্ধসত্ত্বস্য গুণাঃ প্রসাদঃ

স্বাত্মানুভূতিঃ পরমা প্রশান্তিঃ ।

তৃপ্তিঃ প্রহর্ষঃ পরমাত্মনিষ্ঠা

যযা সদানন্দরসং সমৃচ্ছতি

॥ 118॥

শ্লোক 120

অব্যক্তমেতত্ত্রিগুণৈর্নিরুক্তং

তত্কারণং নাম শরীরমাত্মনঃ ।

সুষুপ্তিরেতস্য বিভক্ত্যবস্থা

প্রলীনসর্বেন্দ্রিযবুদ্ধিবৃত্তিঃ

॥ 119॥

শ্লোক 121

সর্বপ্রকারপ্রমিতিপ্রশান্তিঃ

বীজাত্মনাবস্থিতিরেব বুদ্ধেঃ ।

সুষুপ্তিরেতস্য কিল প্রতীতিঃ (পাঠভেদঃ - সুষুপ্তিরত্রাস্য)

কিঞ্চিন্ন বেদ্মীতি জগত্প্রসিদ্ধেঃ

॥ 120॥

শ্লোক 122

দেহেন্দ্রিযপ্রাণমনোঽহমাদযঃ

সর্বে বিকারা বিষযাঃ সুখাদযঃ ।

ব্যোমাদিভূতান্যখিলং চ বিশ্বং

অব্যক্তপর্যন্তমিদং হ্যনাত্মা

॥ 121॥

শ্লোক 123

মাযা মাযাকার্যং সর্বং মহদাদিদেহপর্যন্তম্ ।

অসদিদমনাত্মতত্ত্বং বিদ্ধি ত্বং মরুমরীচিকাকল্পম্

॥ 122॥

শ্লোক 124

অথ তে সম্প্রবক্ষ্যামি স্বরূপং পরমাত্মনঃ ।

যদ্বিজ্ঞায নরো বন্ধান্মুক্তঃ কৈবল্যমশ্নুতে

॥ 123॥

শ্লোক 125

অস্তি কশ্চিত্স্বযং নিত্যমহম্প্রত্যযলম্বনঃ ।

অবস্থাত্রযসাক্ষী সন্পঞ্চকোশবিলক্ষণঃ

॥ 124॥

শ্লোক 126

যো বিজানাতি সকলং জাগ্রত্স্বপ্নসুষুপ্তিষু ।

বুদ্ধিতদ্বৃত্তিসদ্ভাবমভাবমহমিত্যযম্

॥ 125॥

শ্লোক 127

যঃ পশ্যতি স্বযং সর্বং যং ন পশ্যতি কশ্চন । (পাঠভেদঃ - কিঞ্চন)

যশ্চেতযতি বুদ্ধ্যাদি ন তদ্যং চেতযত্যযম্

॥ 126॥

শ্লোক 128

যেন বিশ্বমিদং ব্যাপ্তং যং ন ব্যাপ্নোতি কিঞ্চন ।

আভারূপমিদং সর্বং যং ভান্তমনুভাত্যযম্

॥ 127॥

শ্লোক 129

যস্য সন্নিধিমাত্রেণ দেহেন্দ্রিযমনোধিযঃ ।

বিষযেষু স্বকীযেষু বর্তন্তে প্রেরিতা ইব

॥ 128॥

শ্লোক 130

অহঙ্কারাদিদেহান্তা বিষযাশ্চ সুখাদযঃ ।

বেদ্যন্তে ঘটবদ্যেন নিত্যবোধস্বরূপিণা

॥ 129॥

শ্লোক 131

এষোঽন্তরাত্মা পুরুষঃ পুরাণো

নিরন্তরাখণ্ডসুখানুভূতিঃ ।

সদৈকরূপঃ প্রতিবোধমাত্রো

যেনেষিতা বাগসবশ্চরন্তি

॥ 130॥

শ্লোক 132

অত্রৈব সত্ত্বাত্মনি ধীগুহাযাং

অব্যাকৃতাকাশ উশত্প্রকাশঃ । (পাঠভেদঃ - উরুপ্রকাশঃ)

আকাশ উচ্চৈ রবিবত্প্রকাশতে

স্বতেজসা বিশ্বমিদং প্রকাশযন্

॥ 131॥

শ্লোক 133

জ্ঞাতা মনোঽহঙ্কৃতিবিক্রিযাণাং

দেহেন্দ্রিযপ্রাণকৃতক্রিযাণাম্ ।

অযোঽগ্নিবত্তাননুবর্তমানো

ন চেষ্টতে নো বিকরোতি কিঞ্চন

॥ 132॥

শ্লোক 134

ন জাযতে নো ম্রিযতে ন বর্ধতে

ন ক্ষীযতে নো বিকরোতি নিত্যঃ ।

বিলীযমানেঽপি বপুষ্যমুষ্মি-

ন্ন লীযতে কুম্ভ ইবাম্বরং স্বযম্

॥ 133॥

শ্লোক 135

প্রকৃতিবিকৃতিভিন্নঃ শুদ্ধবোধস্বভাবঃ

সদসদিদমশেষং ভাসযন্নির্বিশেষঃ ।

বিলসতি পরমাত্মা জাগ্রদাদিষ্ববস্থা-

স্বহমহমিতি সাক্ষাত্সাক্ষিরূপেণ বুদ্ধেঃ

॥ 134॥

শ্লোক 136

নিযমিতমনসামুং ত্বং স্বমাত্মানমাত্ম-

ন্যযমহমিতি সাক্ষাদ্বিদ্ধি বুদ্ধিপ্রসাদাত্ ।

জনিমরণতরঙ্গাপারসংসারসিন্ধুং

প্রতর ভব কৃতার্থো ব্রহ্মরূপেণ সংস্থঃ

॥ 135॥

শ্লোক 137

অত্রানাত্মন্যহমিতি মতির্বন্ধ এষোঽস্য পুংসঃ

প্রাপ্তোঽজ্ঞানাজ্জননমরণক্লেশসম্পাতহেতুঃ ।

যেনৈবাযং বপুরিদমসত্সত্যমিত্যাত্মবুদ্ধ্যা

পুষ্যত্যুক্ষত্যবতি বিষযৈস্তন্তুভিঃ কোশকৃদ্বত্

॥ 136॥

শ্লোক 138

অতস্মিংস্তদ্বুদ্ধিঃ প্রভবতি বিমূঢস্য তমসা

বিবেকাভাবাদ্বৈ স্ফুরতি ভুজগে রজ্জুধিষণা ।

ততোঽনর্থব্রাতো নিপততি সমাদাতুরধিকঃ

ততো যোঽসদ্গ্রাহঃ স হি ভবতি বন্ধঃ শঋণু সখে

॥ 137॥

শ্লোক 139

অখণ্ডনিত্যাদ্বযবোধশক্ত্যা

স্ফুরন্তমাত্মানমনন্তবৈভবম্ ।

সমাবৃণোত্যাবৃতিশক্তিরেষা

তমোমযী রাহুরিবার্কবিম্বম্

॥ 138॥

শ্লোক 140

তিরোভূতে স্বাত্মন্যমলতরতেজোবতি পুমান্

অনাত্মানং মোহাদহমিতি শরীরং কলযতি ।

ততঃ কামক্রোধপ্রভৃতিভিরমুং বন্ধনগুণৈঃ (পাঠভেদঃ - বন্ধকগুণৈঃ)

পরং বিক্ষেপাখ্যা রজস উরুশক্তির্ব্যথযতি

॥ 139॥

শ্লোক 141

মহামোহগ্রাহগ্রসনগলিতাত্মাবগমনো

ধিযো নানাবস্থাং স্বযমভিনযংস্তদ্গুণতযা । (পাঠভেদঃ - নানাবস্থাঃ)

অপারে সংসারে বিষযবিষপূরে জলনিধৌ

নিমজ্যোন্মজ্যাযং ভ্রমতি কুমতিঃ কুত্সিতগতিঃ

॥ 140॥

শ্লোক 142

ভানুপ্রভাসঞ্জনিতাভ্রপঙ্ক্তিঃ

ভানুং তিরোধায বিজৃম্ভতে যথা ।

আত্মোদিতাহঙ্কৃতিরাত্মতত্ত্বং

তথা তিরোধায বিজৃম্ভতে স্বযম্

॥ 141॥

শ্লোক 143

কবলিতদিননাথে দুর্দিনে সান্দ্রমেঘৈঃ

ব্যথযতি হিমঝঞ্ঝাবাযুরুগ্রো যথৈতান্ ।

অবিরততমসাঽঽত্মন্যাবৃতে মূঢবুদ্ধিং

ক্ষপযতি বহুদুঃখৈস্তীব্রবিক্ষেপশক্তিঃ

॥ 142॥

শ্লোক 144

এতাভ্যামেব শক্তিভ্যাং বন্ধঃ পুংসঃ সমাগতঃ ।

যাভ্যাং বিমোহিতো দেহং মত্বাঽঽত্মানং ভ্রমত্যযম্

॥ 143॥

শ্লোক 145

বীজং সংসৃতিভূমিজস্য তু তমো দেহাত্মধীরঙ্কুরো

রাগঃ পল্লবমম্বু কর্ম তু বপুঃ স্কন্ধোঽসবঃ শাখিকাঃ ।

অগ্রাণীন্দ্রিযসংহতিশ্চ বিষযাঃ পুষ্পাণি দুঃখং ফলং

নানাকর্মসমুদ্ভবং বহুবিধং ভোক্তাত্র জীবঃ খগঃ

॥ 144॥

শ্লোক 146

অজ্ঞানমূলোঽযমনাত্মবন্ধো

নৈসর্গিকোঽনাদিরনন্ত ঈরিতঃ ।

জন্মাপ্যযব্যাধিজরাদিদুঃখ-

প্রবাহপাতং জনযত্যমুষ্য

॥ 145॥

শ্লোক 147

নাস্ত্রৈর্ন শস্ত্রৈরনিলেন বহ্নিনা

ছেত্তুং ন শক্যো ন চ কর্মকোটিভিঃ ।

বিবেকবিজ্ঞানমহাসিনা বিনা

ধাতুঃ প্রসাদেন শিতেন মঞ্জুনা

॥ 146॥

শ্লোক 148

শ্রুতিপ্রমাণৈকমতেঃ স্বধর্ম

নিষ্ঠা তযৈবাত্মবিশুদ্ধিরস্য ।

বিশুদ্ধবুদ্ধেঃ পরমাত্মবেদনং

তেনৈব সংসারসমূলনাশঃ

॥ 147॥

শ্লোক 149

কোশৈরন্নমযাদ্যৈঃ পঞ্চভিরাত্মা ন সংবৃতো ভাতি ।

নিজশক্তিসমুত্পন্নৈঃ শৈবালপটলৈরিবাম্বু বাপীস্থম্

॥ 148॥

শ্লোক 150

তচ্ছৈবালাপনযে সম্যক্ সলিলং প্রতীযতে শুদ্ধম্ ।

তৃষ্ণাসন্তাপহরং সদ্যঃ সৌখ্যপ্রদং পরং পুংসঃ

॥ 149॥

শ্লোক 151

পঞ্চানামপি কোশানামপবাদে বিভাত্যযং শুদ্ধঃ ।

নিত্যানন্দৈকরসঃ প্রত্যগ্রূপঃ পরঃ স্বযঞ্জ্যোতিঃ

॥ 150॥

শ্লোক 152

আত্মানাত্মবিবেকঃ কর্তব্যো বন্ধমুক্তযে বিদুষা ।

তেনৈবানন্দী ভবতি স্বং বিজ্ঞায সচ্চিদানন্দম্

॥ 151॥

শ্লোক 153

মুঞ্জাদিষীকামিব দৃশ্যবর্গাত্

প্রত্যঞ্চমাত্মানমসঙ্গমক্রিযম্ ।

বিবিচ্য তত্র প্রবিলাপ্য সর্বং

তদাত্মনা তিষ্ঠতি যঃ স মুক্তঃ

॥ 152॥

শ্লোক 154

দেহোঽযমন্নভবনোঽন্নমযস্তু কোশ- (পাঠভেদঃ - কোশো)

শ্চান্নেন জীবতি বিনশ্যতি তদ্বিহীনঃ । (পাঠভেদঃ - হ্যন্নেন)

ত্বক্চর্মমাংসরুধিরাস্থিপুরীষরাশি-

র্নাযং স্বযং ভবিতুমর্হতি নিত্যশুদ্ধঃ

॥ 153॥

শ্লোক 155

পূর্বং জনেরধিমৃতেরপি নাযমস্তি (পাঠভেদঃ - জনেরপিমৃতেরথ)

জাতক্ষণঃ ক্ষণগুণোঽনিযতস্বভাবঃ ।

নৈকো জডশ্চ ঘটবত্পরিদৃশ্যমানঃ

স্বাত্মা কথং ভবতি ভাববিকারবেত্তা

॥ 154॥

শ্লোক 156

পাণিপাদাদিমান্দেহো নাত্মা ব্যঙ্গেঽপি জীবনাত্ ।

তত্তচ্ছক্তেরনাশাচ্চ ন নিযম্যো নিযামকঃ

॥ 155॥

শ্লোক 157

দেহতদ্ধর্মতত্কর্মতদবস্থাদিসাক্ষিণঃ ।

সত এব স্বতঃসিদ্ধং তদ্বৈলক্ষণ্যমাত্মনঃ

॥ 156॥

শ্লোক 158

শল্যরাশির্মাংসলিপ্তো মলপূর্ণোঽতিকশ্মলঃ ।

কথং ভবেদযং বেত্তা স্বযমেতদ্বিলক্ষণঃ

॥ 157॥

শ্লোক 159

ত্বঙ্মাংসমেদোঽস্থিপুরীষরাশা-

বহম্মতিং মূঢজনঃ করোতি ।

বিলক্ষণং বেত্তি বিচারশীলো

নিজস্বরূপং পরমার্থভূতম্

॥ 158॥

শ্লোক 160

দেহোঽহমিত্যেব জডস্য বুদ্ধিঃ

দেহে চ জীবে বিদুষস্ত্বহন্ধীঃ ।

বিবেকবিজ্ঞানবতো মহাত্মনো

ব্রহ্মাহমিত্যেব মতিঃ সদাত্মনি

॥ 159॥

শ্লোক 161

অত্রাত্মবুদ্ধিং ত্যজ মূঢবুদ্ধে

ত্বঙ্মাংসমেদোঽস্থিপুরীষরাশৌ ।

সর্বাত্মনি ব্রহ্মণি নির্বিকল্পে

কুরুষ্ব শান্তিং পরমাং ভজস্ব

॥ 160॥

শ্লোক 162

দেহেন্দ্রিযাদাবসতি ভ্রমোদিতাং

বিদ্বানহন্তাং ন জহাতি যাবত্ ।

তাবন্ন তস্যাস্তি বিমুক্তিবার্তা-

প্যস্ত্বেষ বেদান্তনযান্তদর্শী

॥ 161॥

শ্লোক 163

ছাযাশরীরে প্রতিবিম্বগাত্রে

যত্স্বপ্নদেহে হৃদি কল্পিতাঙ্গে ।

যথাত্মবুদ্ধিস্তব নাস্তি কাচি-

জ্জীবচ্ছরীরে চ তথৈব মাঽস্তু

॥ 162॥

শ্লোক 164

দেহাত্মধীরেব নৃণামসদ্ধিযাং

জন্মাদিদুঃখপ্রভবস্য বীজম্ ।

যতস্ততস্ত্বং জহি তাং প্রযত্নাত্

ত্যক্তে তু চিত্তে ন পুনর্ভবাশা

॥ 163॥

শ্লোক 165

কর্মেন্দ্রিযৈঃ পঞ্চভিরঞ্চিতোঽযং

প্রাণো ভবেত্প্রাণমযস্তু কোশঃ ॥

যেনাত্মবানন্নমযোঽনুপূর্ণঃ

প্রবর্ততেঽসৌ সকলক্রিযাসু

॥ 164॥

শ্লোক 166

নৈবাত্মাপি প্রাণমযো বাযুবিকারো (পাঠভেদঃ - নৈবাত্মাযং)

গন্তাঽঽগন্তা বাযুবদন্তর্বহিরেষঃ ।

যস্মাত্কিঞ্চিত্ক্বাপি ন বেত্তীষ্টমনিষ্টং

স্বং বান্যং বা কিঞ্চন নিত্যং পরতন্ত্রঃ

॥ 165॥

শ্লোক 167

জ্ঞানেন্দ্রিযাণি চ মনশ্চ মনোমযঃ স্যাত্

কোশো মমাহমিতি বস্তুবিকল্পহেতুঃ ।

সঞ্জ্ঞাদিভেদকলনাকলিতো বলীযাং-

স্তত্পূর্বকোশমভিপূর্য বিজৃম্ভতে যঃ

॥ 166॥

শ্লোক 168

॥ 167॥ (পাঠভেদঃ - অনুপূর্য)

পঞ্চেন্দ্রিযৈঃ পঞ্চভিরেব হোতৃভিঃ

প্রচীযমানো বিষযাজ্যধারযা ।

জাজ্বল্যমানো বহুবাসনেন্ধনৈঃ

মনোমযাগ্নির্দহতি প্রপঞ্চম্

শ্লোক 169

॥ 168॥ (পাঠভেদঃ - মনোমযোঽগ্নির্দহতি)

ন হ্যস্ত্যবিদ্যা মনসোঽতিরিক্তা

মনো হ্যবিদ্যা ভববন্ধহেতুঃ ।

তস্মিন্বিনষ্টে সকলং বিনষ্টং

বিজৃম্ভিতেঽস্মিন্সকলং বিজৃম্ভতে

শ্লোক 170

স্বপ্নেঽর্থশূন্যে সৃজতি স্বশক্ত্যা

ভোক্ত্রাদিবিশ্বং মন এব সর্বম্ ।

তথৈব জাগ্রত্যপি নো বিশেষঃ

তত্সর্বমেতন্মনসো বিজৃম্ভণম্

॥ 169॥

শ্লোক 171

সুষুপ্তিকালে মনসি প্রলীনে

নৈবাস্তি কিঞ্চিত্সকলপ্রসিদ্ধেঃ ।

অতো মনঃকল্পিত এব পুংসঃ

সংসার এতস্য ন বস্তুতোঽস্তি

॥ 170॥

শ্লোক 172

বাযুনাঽঽনীযতে মেঘঃ পুনস্তেনৈব নীযতে । (পাঠভেদঃ - বাযুনা নীযতে মেঘঃ পুনস্তেনৈব লীযতে)

মনসা কল্প্যতে বন্ধো মোক্ষস্তেনৈব কল্প্যতে

॥ 171॥

শ্লোক 173

দেহাদিসর্ববিষযে পরিকল্প্য রাগং

বধ্নাতি তেন পুরুষং পশুবদ্গুণেন ।

বৈরস্যমত্র বিষবত্ সুবিধায পশ্চাদ্

এনং বিমোচযতি তন্মন এব বন্ধাত্

॥ 172॥

শ্লোক 174

তস্মান্মনঃ কারণমস্য জন্তোঃ

বন্ধস্য মোক্ষস্য চ বা বিধানে ।

বন্ধস্য হেতুর্মলিনং রজোগুণৈঃ

মোক্ষস্য শুদ্ধং বিরজস্তমস্কম্

॥ 173॥

শ্লোক 175

বিবেকবৈরাগ্যগুণাতিরেকা-

চ্ছুদ্ধত্বমাসাদ্য মনো বিমুক্ত্যৈ ।

ভবত্যতো বুদ্ধিমতো মুমুক্ষো-

স্তাভ্যাং দৃঢাভ্যাং ভবিতব্যমগ্রে

॥ 174॥

শ্লোক 176

মনো নাম মহাব্যাঘ্রো বিষযারণ্যভূমিষু ।

চরত্যত্র ন গচ্ছন্তু সাধবো যে মুমুক্ষবঃ

॥ 175॥

শ্লোক 177

মনঃ প্রসূতে বিষযানশেষান্

স্থূলাত্মনা সূক্ষ্মতযা চ ভোক্তুঃ ।

শরীরবর্ণাশ্রমজাতিভেদান্

গুণক্রিযাহেতুফলানি নিত্যম্

॥ 176॥

শ্লোক 178

অসঙ্গচিদ্রূপমমুং বিমোহ্য

দেহেন্দ্রিযপ্রাণগুণৈর্নিবদ্ধ্য ।

অহম্মমেতি ভ্রমযত্যজস্রং

মনঃ স্বকৃত্যেষু ফলোপভুক্তিষু

॥ 177॥

শ্লোক 179

অধ্যাসদোষাত্পুরুষস্য সংসৃতিঃ (পাঠভেদঃ - অধ্যাসযোগাত্)

অধ্যাসবন্ধস্ত্বমুনৈব কল্পিতঃ ।

রজস্তমোদোষবতোঽবিবেকিনো

জন্মাদিদুঃখস্য নিদানমেতত্

॥ 178॥

শ্লোক 180

অতঃ প্রাহুর্মনোঽবিদ্যাং পণ্ডিতাস্তত্ত্বদর্শিনঃ ।

যেনৈব ভ্রাম্যতে বিশ্বং বাযুনেবাভ্রমণ্ডলম্

॥ 179॥

শ্লোক 181

তন্মনঃশোধনং কার্যং প্রযত্নেন মুমুক্ষুণা ।

বিশুদ্ধে সতি চৈতস্মিন্মুক্তিঃ করফলাযতে

॥ 180॥

শ্লোক 182

মোক্ষৈকসক্ত্যা বিষযেষু রাগং

নির্মূল্য সন্ন্যস্য চ সর্বকর্ম ।

সচ্ছ্রদ্ধযা যঃ শ্রবণাদিনিষ্ঠো

রজঃস্বভাবং স ধুনোতি বুদ্ধেঃ

॥ 181॥

শ্লোক 183

মনোমযো নাপি ভবেত্পরাত্মা

হ্যাদ্যন্তবত্ত্বাত্পরিণামিভাবাত্ ।

দুঃখাত্মকত্বাদ্বিষযত্বহেতোঃ

দ্রষ্টা হি দৃশ্যাত্মতযা ন দৃষ্টঃ

॥ 182॥

শ্লোক 184

বুদ্ধির্বুদ্ধীন্দ্রিযৈঃ সার্ধং সবৃত্তিঃ কর্তৃলক্ষণঃ ।

বিজ্ঞানমযকোশঃ স্যাত্পুংসঃ সংসারকারণম্

॥ 183॥

শ্লোক 185

অনুব্রজচ্চিত্প্রতিবিম্বশক্তিঃ

বিজ্ঞানসঞ্জ্ঞঃ প্রকৃতের্বিকারঃ ।

জ্ঞানক্রিযাবানহমিত্যজস্রং

দেহেন্দ্রিযাদিষ্বভিমন্যতে ভৃশম্

॥ 184॥

শ্লোক 186

অনাদিকালোঽযমহংস্বভাবো

জীবঃ সমস্তব্যবহারবোঢা ।

করোতি কর্মাণ্যপি পূর্ববাসনঃ (পাঠভেদঃ - কর্মাণ্যনু)

পুণ্যান্যপুণ্যানি চ তত্ফলানি

॥ 185॥

শ্লোক 187

ভুঙ্ক্তে বিচিত্রাস্বপি যোনিষু ব্রজ-

ন্নাযাতি নির্যাত্যধ ঊর্ধ্বমেষঃ ।

অস্যৈব বিজ্ঞানমযস্য জাগ্রত্-

স্বপ্নাদ্যবস্থাঃ সুখদুঃখভোগঃ

॥ 186॥

শ্লোক 188

দেহাদিনিষ্ঠাশ্রমধর্মকর্ম-

গুণাভিমানঃ সততং মমেতি ।

বিজ্ঞানকোশোঽযমতিপ্রকাশঃ

প্রকৃষ্টসান্নিধ্যবশাত্পরাত্মনঃ ।

অতো ভবত্যেষ উপাধিরস্য

যদাত্মধীঃ সংসরতি ভ্রমেণ

॥ 187॥

শ্লোক 189

যোঽযং বিজ্ঞানমযঃ প্রাণেষু হৃদি স্ফুরত্যযং জ্যোতিঃ । (পাঠভেদঃ - স্ফুরত্স্বযঞ্জ্যোতিঃ)

কূটস্থঃ সন্নাত্মা কর্তা ভোক্তা ভবত্যুপাধিস্থঃ

॥ 188॥

শ্লোক 190

স্বযং পরিচ্ছেদমুপেত্য বুদ্ধেঃ

তাদাত্ম্যদোষেণ পরং মৃষাত্মনঃ ।

সর্বাত্মকঃ সন্নপি বীক্ষতে স্বযং

স্বতঃ পৃথক্ত্বেন মৃদো ঘটানিব

॥ 189॥

শ্লোক 191

উপাধিসম্বন্ধবশাত্পরাত্মা

হ্যুপাধিধর্মাননুভাতি তদ্গুণঃ । (পাঠভেদঃ - ঽপ্যুপাধি)

অযোবিকারানবিকারিবহ্নিবত্

সদৈকরূপোঽপি পরঃ স্বভাবাত্

॥ 190॥

শ্লোক 192

শিষ্য উবাচ ।

ভ্রমেণাপ্যন্যথা বাঽস্তু জীবভাবঃ পরাত্মনঃ ।

তদুপাধেরনাদিত্বান্নানাদের্নাশ ইষ্যতে

॥ 191॥

শ্লোক 193

অতোঽস্য জীবভাবোঽপি নিত্যা ভবতি সংসৃতিঃ ।

ন নিবর্তেত তন্মোক্ষঃ কথং মে শ্রীগুরো বদ

॥ 192॥

শ্লোক 194

শ্রীগুরুরুবাচ ।

সম্যক্পৃষ্টং ত্বযা বিদ্বন্সাবধানেন তচ্ছৃণু ।

প্রামাণিকী ন ভবতি ভ্রান্ত্যা মোহিতকল্পনা

॥ 193॥

শ্লোক 195

ভ্রান্তিং বিনা ত্বসঙ্গস্য নিষ্ক্রিযস্য নিরাকৃতেঃ ।

ন ঘটেতার্থসম্বন্ধো নভসো নীলতাদিবত্

॥ 194॥

শ্লোক 196

স্বস্য দ্রষ্টুর্নির্গুণস্যাক্রিযস্য

প্রত্যগ্বোধানন্দরূপস্য বুদ্ধেঃ ।

ভ্রান্ত্যা প্রাপ্তো জীবভাবো ন সত্যো

মোহাপাযে নাস্ত্যবস্তুস্বভাবাত্

॥ 195॥

শ্লোক 197

যাবদ্ভ্রান্তিস্তাবদেবাস্য সত্তা

মিথ্যাজ্ঞানোজ্জৃম্ভিতস্য প্রমাদাত্ ।

রজ্জ্বাং সর্পো ভ্রান্তিকালীন এব

ভ্রান্তের্নাশে নৈব সর্পোঽপি তদ্বত্

॥ 196॥

শ্লোক 198

॥ 197॥ (পাঠভেদঃ - সর্পোঽস্তি)

অনাদিত্বমবিদ্যাযাঃ কার্যস্যাপি তথেষ্যতে ।

উত্পন্নাযাং তু বিদ্যাযামাবিদ্যকমনাদ্যপি

শ্লোক 199

প্রবোধে স্বপ্নবত্সর্বং সহমূলং বিনশ্যতি ।

অনাদ্যপীদং নো নিত্যং প্রাগভাব ইব স্ফুটম্

॥ 198॥

শ্লোক 200

অনাদেরপি বিধ্বংসঃ প্রাগভাবস্য বীক্ষিতঃ ।

যদ্বুদ্ধ্যুপাধিসম্বন্ধাত্পরিকল্পিতমাত্মনি

॥ 199॥

শ্লোক 201

জীবত্বং ন ততোঽন্যস্তু স্বরূপেণ বিলক্ষণঃ । (পাঠভেদঃ - ততোঽন্যত্তু)

সম্বন্ধস্ত্বাত্মনো বুদ্ধ্যা মিথ্যাজ্ঞানপুরঃসরঃ

॥ 200॥

শ্লোক 202

॥ 201॥ (পাঠভেদঃ - সম্বন্ধঃ স্বাত্মনো)

বিনিবৃত্তির্ভবেত্তস্য সম্যগ্জ্ঞানেন নান্যথা ।

ব্রহ্মাত্মৈকত্ববিজ্ঞানং সম্যগ্জ্ঞানং শ্রুতের্মতম্

শ্লোক 203

তদাত্মানাত্মনোঃ সম্যগ্বিবেকেনৈব সিধ্যতি ।

ততো বিবেকঃ কর্তব্যঃ প্রত্যগাত্মসদাত্মনোঃ

॥ 202॥

শ্লোক 204

॥ 203॥ (পাঠভেদঃ - প্রত্যগাত্মাসদাত্মনোঃ)

জলং পঙ্কবদত্যন্তং পঙ্কাপাযে জলং স্ফুটম্ । (পাঠভেদঃ - পঙ্কবদস্পষ্টং)

যথা ভাতি তথাত্মাপি দোষাভাবে স্ফুটপ্রভঃ

শ্লোক 205

অসন্নিবৃত্তৌ তু সদাত্মনা স্ফুটং

প্রতীতিরেতস্য ভবেত্প্রতীচঃ ।

ততো নিরাসঃ করণীয এব

সদাত্মনঃ সাধ্বহমাদিবস্তুনঃ

॥ 204॥

শ্লোক 206

॥ 205॥ (পাঠভেদঃ - অসদাত্মনঃ)

অতো নাযং পরাত্মা স্যাদ্বিজ্ঞানমযশব্দভাক্ ।

বিকারিত্বাজ্জডত্বাচ্চ পরিচ্ছিন্নত্বহেতুতঃ ।

দৃশ্যত্বাদ্ব্যভিচারিত্বান্নানিত্যো নিত্য ইষ্যতে

শ্লোক 207

আনন্দপ্রতিবিম্বচুম্বিততনুর্বৃত্তিস্তমোজৃম্ভিতা

স্যাদানন্দমযঃ প্রিযাদিগুণকঃ স্বেষ্টার্থলাভোদযঃ ।

পুণ্যস্যানুভবে বিভাতি কৃতিনামানন্দরূপঃ স্বযং

সর্বো নন্দতি যত্র সাধু তনুভৃন্মাত্রঃ প্রযত্নং বিনা

॥ 206॥

শ্লোক 208

॥ 207॥ (পাঠভেদঃ - ভূত্বা নন্দতি)

আনন্দমযকোশস্য সুষুপ্তৌ স্ফূর্তিরুত্কটা ।

স্বপ্নজাগরযোরীষদিষ্টসন্দর্শনাদিনা

শ্লোক 209

নৈবাযমানন্দমযঃ পরাত্মা

সোপাধিকত্বাত্প্রকৃতের্বিকারাত্ ।

কার্যত্বহেতোঃ সুকৃতক্রিযাযা

বিকারসঙ্ঘাতসমাহিতত্বাত্

॥ 208॥

শ্লোক 210

পঞ্চানামপি কোশানাং নিষেধে যুক্তিতঃ শ্রুতেঃ । (পাঠভেদঃ - যুক্তিতঃ কৃতে)

তন্নিষেধাবধি সাক্ষী বোধরূপোঽবশিষ্যতে

॥ 209॥

শ্লোক 211

॥ 210॥ (পাঠভেদঃ - তন্নিষেধাবধিঃ)

যোঽযমাত্মা স্বযঞ্জ্যোতিঃ পঞ্চকোশবিলক্ষণঃ ।

অবস্থাত্রযসাক্ষী সন্নির্বিকারো নিরঞ্জনঃ ।

সদানন্দঃ স বিজ্ঞেযঃ স্বাত্মত্বেন বিপশ্চিতা

শ্লোক 212

শিষ্য উবাচ ।

মিথ্যাত্বেন নিষিদ্ধেষু কোশেষ্বেতেষু পঞ্চসু ।

সর্বাভাবং বিনা কিঞ্চিন্ন পশ্যাম্যত্র হে গুরো ।

বিজ্ঞেযং কিমু বস্ত্বস্তি স্বাত্মনাঽঽত্মবিপশ্চিতা

॥ 211॥

শ্লোক 213

॥ 212॥ (পাঠভেদঃ - স্বাত্মনাত্র বিপশ্চিতা)

শ্রীগুরুরুবাচ ।

সত্যমুক্তং ত্বযা বিদ্বন্নিপুণোঽসি বিচারণে ।

অহমাদিবিকারাস্তে তদভাবোঽযমপ্যনু

শ্লোক 214

॥ 213॥ (পাঠভেদঃ - ঽযমপ্যথ)

সর্বে যেনানুভূযন্তে যঃ স্বযং নানুভূযতে ।

তমাত্মানং বেদিতারং বিদ্ধি বুদ্ধ্যা সুসূক্ষ্মযা

শ্লোক 215

তত্সাক্ষিকং ভবেত্তত্তদ্যদ্যদ্যেনানুভূযতে ।

কস্যাপ্যননুভূতার্থে সাক্ষিত্বং নোপযুজ্যতে

॥ 214॥

শ্লোক 216

॥ 215॥ (পাঠভেদঃ - নোপপদ্যতে)

অসৌ স্বসাক্ষিকো ভাবো যতঃ স্বেনানুভূযতে ।

অতঃ পরং স্বযং সাক্ষাত্প্রত্যগাত্মা ন চেতরঃ

শ্লোক 217

জাগ্রত্স্বপ্নসুষুপ্তিষু স্ফুটতরং যোঽসৌ সমুজ্জৃম্ভতে

প্রত্যগ্রূপতযা সদাহমহমিত্যন্তঃ স্ফুরন্নৈকধা । (পাঠভেদঃ - স্ফুরন্নেকধা)

নানাকারবিকারভাগিন ইমান্ পশ্যন্নহন্ধীমুখান্ (পাঠভেদঃ - ভাজিন)

নিত্যানন্দচিদাত্মনা স্ফুরতি তং বিদ্ধি স্বমেতং হৃদি

॥ 216॥

শ্লোক 218

ঘটোদকে বিম্বিতমর্কবিম্ব-

মালোক্য মূঢো রবিমেব মন্যতে ।

তথা চিদাভাসমুপাধিসংস্থং

ভ্রান্ত্যাহমিত্যেব জডোঽভিমন্যতে

॥ 217॥

শ্লোক 219

ঘটং জলং তদ্গতমর্কবিম্বং

বিহায সর্বং বিনিরীক্ষ্যতেঽর্কঃ । (পাঠভেদঃ - দিবি বীক্ষ্যতেঽর্কঃ)

তটস্থ এতত্ত্রিতযাবভাসকঃ (পাঠভেদঃ - তটস্থিতঃ তত্ত্রি)

স্বযম্প্রকাশো বিদুষা যথা তথা

॥ 218॥

শ্লোক 220

দেহং ধিযং চিত্প্রতিবিম্বমেবং (পাঠভেদঃ - চিত্প্রতিবিম্বমেতং)

বিসৃজ্য বুদ্ধৌ নিহিতং গুহাযাম্ ।

দ্রষ্টারমাত্মানমখণ্ডবোধং

সর্বপ্রকাশং সদসদ্বিলক্ষণম্

॥ 219॥

শ্লোক 221

নিত্যং বিভুং সর্বগতং সুসূক্ষ্মং

অন্তর্বহিঃশূন্যমনন্যমাত্মনঃ ।

বিজ্ঞায সম্যঙ্নিজরূপমেতত্

পুমান্ বিপাপ্মা বিরজো বিমৃত্যুঃ

॥ 220॥

শ্লোক 222

বিশোক আনন্দঘনো বিপশ্চিত্

স্বযং কুতশ্চিন্ন বিভেতি কশ্চিত্ ।

নান্যোঽস্তি পন্থা ভববন্ধমুক্তেঃ

বিনা স্বতত্ত্বাবগমং মুমুক্ষোঃ

॥ 221॥

শ্লোক 223

ব্রহ্মাভিন্নত্ববিজ্ঞানং ভবমোক্ষস্য কারণম্ ।

যেনাদ্বিতীযমানন্দং ব্রহ্ম সম্পদ্যতে বুধৈঃ

॥ 222॥

শ্লোক 224

॥ 223॥ (পাঠভেদঃ - সম্পদ্যতে বুধঃ)

ব্রহ্মভূতস্তু সংসৃত্যৈ বিদ্বান্নাবর্ততে পুনঃ ।

বিজ্ঞাতব্যমতঃ সম্যগ্ব্রহ্মাভিন্নত্বমাত্মনঃ

শ্লোক 225

সত্যং জ্ঞানমনন্তং ব্রহ্ম বিশুদ্ধং পরং স্বতঃসিদ্ধম্ ।

নিত্যানন্দৈকরসং প্রত্যগভিন্নং নিরন্তরং জযতি

॥ 224॥

শ্লোক 226

সদিদং পরমাদ্বৈতং স্বস্মাদন্যস্য বস্তুনোঽভাবাত্ ।

ন হ্যন্যদস্তি কিঞ্চিত্ সম্যক্ পরমার্থতত্ত্ববোধদশাযাম্

॥ 225॥

শ্লোক 227

॥ 226॥ (পাঠভেদঃ - পরতত্ত্ববোধসুদশাযাম্)

যদিদং সকলং বিশ্বং নানারূপং প্রতীতমজ্ঞানাত্ ।

তত্সর্বং ব্রহ্মৈব প্রত্যস্তাশেষভাবনাদোষম্

শ্লোক 228

মৃত্কার্যভূতোঽপি মৃদো ন ভিন্নঃ

কুম্ভোঽস্তি সর্বত্র তু মৃত্স্বরূপাত্ ।

ন কুম্ভরূপং পৃথগস্তি কুম্ভঃ

কুতো মৃষা কল্পিতনামমাত্রঃ

॥ 227॥

শ্লোক 229

কেনাপি মৃদ্ভিন্নতযা স্বরূপং

ঘটস্য সন্দর্শযিতুং ন শক্যতে ।

অতো ঘটঃ কল্পিত এব মোহা-

ন্মৃদেব সত্যং পরমার্থভূতম্

॥ 228॥

শ্লোক 230

সদ্ব্রহ্মকার্যং সকলং সদেবং (পাঠভেদঃ - সদৈব)

তন্মাত্রমেতন্ন ততোঽন্যদস্তি । (পাঠভেদঃ - সন্মাত্রমেতন্ন)

অস্তীতি যো বক্তি ন তস্য মোহো

বিনির্গতো নিদ্রিতবত্প্রজল্পঃ

॥ 229॥

শ্লোক 231

ব্রহ্মৈবেদং বিশ্বমিত্যেব বাণী

শ্রৌতী ব্রূতেঽথর্বনিষ্ঠা বরিষ্ঠা ।

তস্মাদেতদ্ব্রহ্মমাত্রং হি বিশ্বং

নাধিষ্ঠানাদ্ভিন্নতাঽঽরোপিতস্য

॥ 230॥

শ্লোক 232

সত্যং যদি স্যাজ্জগদেতদাত্মনোঽ

নন্তত্ত্বহানির্নিগমাপ্রমাণতা ।

অসত্যবাদিত্বমপীশিতুঃ স্যা-

ন্নৈতত্ত্রযং সাধু হিতং মহাত্মনাম্

॥ 231॥

শ্লোক 233

ঈশ্বরো বস্তুতত্ত্বজ্ঞো ন চাহং তেষ্ববস্থিতঃ ।

ন চ মত্স্থানি ভূতানীত্যেবমেব ব্যচীক্লৃপত্

॥ 232॥

শ্লোক 234

॥ 233॥ (পাঠভেদঃ - ব্যচীকথত্)

যদি সত্যং ভবেদ্বিশ্বং সুষুপ্তাবুপলভ্যতাম্ ।

যন্নোপলভ্যতে কিঞ্চিদতোঽসত্স্বপ্নবন্মৃষা

শ্লোক 235

অতঃ পৃথঙ্নাস্তি জগত্পরাত্মনঃ

পৃথক্প্রতীতিস্তু মৃষা গুণাদিবত্ । গুণাহিবত্

আরোপিতস্যাস্তি কিমর্থবত্তাঽ-

ধিষ্ঠানমাভাতি তথা ভ্রমেণ

॥ 234॥

শ্লোক 236

ভ্রান্তস্য যদ্যদ্ভ্রমতঃ প্রতীতং

ব্রহ্মৈব তত্তদ্রজতং হি শুক্তিঃ ।

ইদন্তযা ব্রহ্ম সদৈব রূপ্যতে (পাঠভেদঃ - সদেব)

ত্বারোপিতং ব্রহ্মণি নামমাত্রম্

॥ 235॥

শ্লোক 237

অতঃ পরং ব্রহ্ম সদদ্বিতীযং

বিশুদ্ধবিজ্ঞানঘনং নিরঞ্জনম্ ।

প্রশান্তমাদ্যন্তবিহীনমক্রিযং

নিরন্তরানন্দরসস্বরূপম্

॥ 236॥

শ্লোক 238

নিরস্তমাযাকৃতসর্বভেদং

নিত্যং সুখং নিষ্কলমপ্রমেযম্ । (পাঠভেদঃ - নিত্যং ধ্রুবং)

অরূপমব্যক্তমনাখ্যমব্যযং

জ্যোতিঃ স্বযং কিঞ্চিদিদং চকাস্তি

॥ 237॥

শ্লোক 239

জ্ঞাতৃজ্ঞেযজ্ঞানশূন্যমনন্তং নির্বিকল্পকম্ ।

কেবলাখণ্ডচিন্মাত্রং পরং তত্ত্বং বিদুর্বুধাঃ

॥ 238॥

শ্লোক 240

অহেযমনুপাদেযং মনোবাচামগোচরম্ ।

অপ্রমেযমনাদ্যন্তং ব্রহ্ম পূর্ণমহং মহঃ

॥ 239॥

শ্লোক 241

॥ 240॥ (পাঠভেদঃ - পূর্ণং মহন্মহঃ)

তত্ত্বম্পদাভ্যামভিধীযমানযোঃ

ব্রহ্মাত্মনোঃ শোধিতযোর্যদীত্থম্ । (পাঠভেদঃ - শোধিতযোর্যদিত্থম্)

শ্রুত্যা তযোস্তত্ত্বমসীতি সম্যগ্

একত্বমেব প্রতিপাদ্যতে মুহুঃ ॥ 241-

এক্যং তযোর্লক্ষিতযোর্ন বাচ্যযোঃ

নিগদ্যতেঽন্যোন্যবিরুদ্ধধর্মিণোঃ ।

খদ্যোতভান্বোরিব রাজভৃত্যযোঃ

কূপাম্বুরাশ্যোঃ পরমাণুমের্বোঃ

শ্লোক 242

তযোর্বিরোধোঽযমুপাধিকল্পিতো

ন বাস্তবঃ কশ্চিদুপাধিরেষঃ ।

ঈশস্য মাযা মহদাদিকারণং

জীবস্য কার্যং শঋণু পঞ্চকোশম্

॥ 242॥

শ্লোক 243

॥ 243॥ (পাঠভেদঃ - পঞ্চকোশাঃ)

এতাবুপাধী পরজীবযোস্তযোঃ

সম্যঙ্নিরাসে ন পরো ন জীবঃ ।

রাজ্যং নরেন্দ্রস্য ভটস্য খেটক্-

স্তযোরপোহে ন ভটো ন রাজা

শ্লোক 244

অথাত আদেশ ইতি শ্রুতিঃ স্বযং

নিষেধতি ব্রহ্মণি কল্পিতং দ্বযম্ ।

শ্রুতিপ্রমাণানুগৃহীতবোধা- (পাঠভেদঃ - প্রমাণানুগৃহীতযুক্ত্যা)

ত্তযোর্নিরাসঃ করণীয এব

॥ 244॥

শ্লোক 245

নেদং নেদং কল্পিতত্বান্ন সত্যং

রজ্জুদৃষ্টব্যালবত্স্বপ্নবচ্চ । (পাঠভেদঃ - রজ্জৌ)

ইত্থং দৃশ্যং সাধুযুক্ত্যা ব্যপোহ্য

জ্ঞেযঃ পশ্চাদেকভাবস্তযোর্যঃ

॥ 245॥

শ্লোক 246

ততস্তু তৌ লক্ষণযা সুলক্ষ্যৌ

তযোরখণ্ডৈকরসত্বসিদ্ধযে ।

নালং জহত্যা ন তথাঽজহত্যা

কিন্তূভযার্থাত্মিকযৈব ভাব্যম্

॥ 246॥

শ্লোক 247

॥ 247॥ (পাঠভেদঃ - ভযার্থৈকতযৈব)

স দেবদত্তোঽযমিতীহ চৈকতা

বিরুদ্ধধর্মাংশমপাস্য কথ্যতে ।

যথা তথা তত্ত্বমসীতিবাক্যে

বিরুদ্ধধর্মানুভযত্র হিত্বা

শ্লোক 248

সংলক্ষ্য চিন্মাত্রতযা সদাত্মনোঃ

অখণ্ডভাবঃ পরিচীযতে বুধৈঃ ।

এবং মহাবাক্যশতেন কথ্যতে

ব্রহ্মাত্মনোরৈক্যমখণ্ডভাবঃ

॥ 248॥

শ্লোক 249

অস্থূলমিত্যেতদসন্নিরস্য

সিদ্ধং স্বতো ব্যোমবদপ্রতর্ক্যম্ ।

অতো মৃষামাত্রমিদং প্রতীতং

জহীহি যত্স্বাত্মতযা গৃহীতম্ ।

ব্রহ্মাহমিত্যেব বিশুদ্ধবুদ্ধ্যা

বিদ্ধি স্বমাত্মানমখণ্ডবোধম্

॥ 249॥

শ্লোক 250

মৃত্কার্যং সকলং ঘটাদি সততং মৃন্মাত্রমেবাহিতং (পাঠভেদঃ - মৃন্মাত্রমেবাভিতঃ)

তদ্বত্সজ্জনিতং সদাত্মকমিদং সন্মাত্রমেবাখিলম্ ।

যস্মান্নাস্তি সতঃ পরং কিমপি তত্সত্যং স আত্মা স্বযং

তস্মাত্তত্ত্বমসি প্রশান্তমমলং ব্রহ্মাদ্বযং যত্পরম্

॥ 250॥

শ্লোক 251

নিদ্রাকল্পিতদেশকালবিষযজ্ঞাত্রাদি সর্বং যথা

মিথ্যা তদ্বদিহাপি জাগ্রতি জগত্স্বাজ্ঞানকার্যত্বতঃ ।

যস্মাদেবমিদং শরীরকরণপ্রাণাহমাদ্যপ্যসত্

তস্মাত্তত্ত্বমসি প্রশান্তমমলং ব্রহ্মাদ্বযং যত্পরম্

॥ 251॥

শ্লোক 252

যত্র ভ্রান্ত্যা কল্পিতং তদ্বিবেকে (পাঠভেদঃ - যদ্বিবেকে)

তত্তন্মাত্রং নৈব তস্মাদ্বিভিন্নম্ ।

স্বপ্নে নষ্টং স্বপ্নবিশ্বং বিচিত্রং

স্বস্মাদ্ভিন্নং কিন্নু দৃষ্টং প্রবোধে

॥ 252॥

শ্লোক 253

জাতিনীতিকুলগোত্রদূরগং

নামরূপগুণদোষবর্জিতম্ ।

দেশকালবিষযাতিবর্তি যদ্

ব্রহ্ম তত্ত্বমসি ভাবযাত্মনি

॥ 253॥

শ্লোক 254

যত্পরং সকলবাগগোচরং

গোচরং বিমলবোধচক্ষুষঃ ।

শুদ্ধচিদ্ঘনমনাদি বস্তু যদ্

ব্রহ্ম তত্ত্বমসি ভাবযাত্মনি

॥ 254॥

শ্লোক 255

ষড্ভিরূর্মিভিরযোগি যোগিহৃদ্-

ভাবিতং ন করণৈর্বিভাবিতম্ ।

বুদ্ধ্যবেদ্যমনবদ্যমস্তি যদ্ (পাঠভেদঃ - ভূতি যদ্)

ব্রহ্ম তত্ত্বমসি ভাবযাত্মনি

॥ 255॥

শ্লোক 256

ভ্রান্তিকল্পিতজগত্কলাশ্রযং

স্বাশ্রযং চ সদসদ্বিলক্ষণম্ ।

নিষ্কলং নিরুপমানবদ্ধি যদ্ (পাঠভেদঃ - নিরুপমানমৃদ্ধিমত্)

ব্রহ্ম তত্ত্বমসি ভাবযাত্মনি

॥ 256॥

শ্লোক 257

জন্মবৃদ্ধিপরিণত্যপক্ষয-

ব্যাধিনাশনবিহীনমব্যযম্ ।

বিশ্বসৃষ্ট্যববিঘাতকারণং (পাঠভেদঃ - বনঘাতকারণং)

ব্রহ্ম তত্ত্বমসি ভাবযাত্মনি

॥ 257॥

শ্লোক 258

অস্তভেদমনপাস্তলক্ষণং

নিস্তরঙ্গজলরাশিনিশ্চলম্ ।

নিত্যমুক্তমবিভক্তমূর্তি যদ্

ব্রহ্ম তত্ত্বমসি ভাবযাত্মনি

॥ 258॥

শ্লোক 259

একমেব সদনেককারণং

কারণান্তরনিরাস্যকারণম্ । (পাঠভেদঃ - সকারণম্)

কার্যকারণবিলক্ষণং স্বযং

ব্রহ্ম তত্ত্বমসি ভাবযাত্মনি

॥ 259॥

শ্লোক 260

নির্বিকল্পকমনল্পমক্ষরং

যত্ক্ষরাক্ষরবিলক্ষণং পরম্ ।

নিত্যমব্যযসুখং নিরঞ্জনং

ব্রহ্ম তত্ত্বমসি ভাবযাত্মনি

॥ 260॥

শ্লোক 261

যদ্বিভাতি সদনেকধা ভ্রমা-

ন্নামরূপগুণবিক্রিযাত্মনা ।

হেমবত্স্বযমবিক্রিযং সদা

ব্রহ্ম তত্ত্বমসি ভাবযাত্মনি

॥ 261॥

শ্লোক 262

যচ্চকাস্ত্যনপরং পরাত্পরং

প্রত্যগেকরসমাত্মলক্ষণম্ ।

সত্যচিত্সুখমনন্তমব্যযং

ব্রহ্ম তত্ত্বমসি ভাবযাত্মনি

॥ 262॥

শ্লোক 263

উক্তমর্থমিমমাত্মনি স্বযং

ভাবযেত্প্রথিতযুক্তিভির্ধিযা । (পাঠভেদঃ - ভাবয প্রথিত)

সংশযাদিরহিতং করাম্বুবত্

তেন তত্ত্বনিগমো ভবিষ্যতি

॥ 263॥

শ্লোক 264

সম্বোধমাত্রং পরিশুদ্ধতত্ত্বং (পাঠভেদঃ - স্বং বোধমাত্রং)

বিজ্ঞায সঙ্ঘে নৃপবচ্চ সৈন্যে ।

তদাশ্রযঃ স্বাত্মনি সর্বদা স্থিতো (পাঠভেদঃ - তদাত্মনৈবাত্মনি)

বিলাপয ব্রহ্মণি বিশ্বজাতম্

॥ 264॥

শ্লোক 265

॥ 265॥ (পাঠভেদঃ - দৃশ্যজাতম্)

বুদ্ধৌ গুহাযাং সদসদ্বিলক্ষণং

ব্রহ্মাস্তি সত্যং পরমদ্বিতীযম্ ।

তদাত্মনা যোঽত্র বসেদ্গুহাযাং

পুনর্ন তস্যাঙ্গগুহাপ্রবেশঃ

শ্লোক 266

জ্ঞাতে বস্তুন্যপি বলবতী বাসনাঽনাদিরেষা

কর্তা ভোক্তাপ্যহমিতি দৃঢা যাঽস্য সংসারহেতুঃ ।

প্রত্যগ্দৃষ্ট্যাঽঽত্মনি নিবসতা সাপনেযা প্রযত্না-

ন্মুক্তিং প্রাহুস্তদিহ মুনযো বাসনাতানবং যত্

॥ 266॥

শ্লোক 267

অহং মমেতি যো ভাবো দেহাক্ষাদাবনাত্মনি ।

অধ্যাসোঽযং নিরস্তব্যো বিদুষা স্বাত্মনিষ্ঠযা

॥ 267॥

শ্লোক 268

জ্ঞাত্বা স্বং প্রত্যগাত্মানং বুদ্ধিতদ্বৃত্তিসাক্ষিণম্ ।

সোঽহমিত্যেব সদ্বৃত্ত্যাঽনাত্মন্যাত্মমতিং জহি

॥ 268॥

শ্লোক 269

লোকানুবর্তনং ত্যক্ত্বা ত্যক্ত্বা দেহানুবর্তনম্ ।

শাস্ত্রানুবর্তনং ত্যক্ত্বা স্বাধ্যাসাপনযং কুরু

॥ 269॥

শ্লোক 270

লোকবাসনযা জন্তোঃ শাস্ত্রবাসনযাপি চ ।

দেহবাসনযা জ্ঞানং যথাবন্নৈব জাযতে ॥ 271

সংসারকারাগৃহমোক্ষমিচ্ছো-

রযোমযং পাদনিবন্ধশঋঙ্খলম্ । (পাঠভেদঃ - নিবদ্ধ)

বদন্তি তজ্জ্ঞাঃ পটু বাসনাত্রযং

যোঽস্মাদ্বিমুক্তঃ সমুপৈতি মুক্তিম্

॥ 270॥

শ্লোক 271

জলাদিসংসর্গবশাত্প্রভূত- (পাঠভেদঃ - জলাদিসম্পর্কবশাত্)

দুর্গন্ধধূতাঽগরুদিব্যবাসনা ।

সঙ্ঘর্ষণেনৈব বিভাতি সম্য-

গ্বিধূযমানে সতি বাহ্যগন্ধে

॥ 272॥

শ্লোক 272

অন্তঃশ্রিতানন্তদুরন্তবাসনা-

ধূলীবিলিপ্তা পরমাত্মবাসনা ।

প্রজ্ঞাতিসঙ্ঘর্ষণতো বিশুদ্ধা

প্রতীযতে চন্দনগন্ধবত্ স্ফুটম্

॥ 273॥

শ্লোক 273

॥ 274॥ (পাঠভেদঃ - স্ফুটা)

অনাত্মবাসনাজালৈস্তিরোভূতাত্মবাসনা ।

নিত্যাত্মনিষ্ঠযা তেষাং নাশে ভাতি স্বযং স্ফুটম্

শ্লোক 274

॥ 275॥ (পাঠভেদঃ - স্ফুটা)

যথা যথা প্রত্যগবস্থিতং মনঃ

তথা তথা মুঞ্চতি বাহ্যবাসনাম্ । (পাঠভেদঃ - বাহ্যবাসনাঃ)

নিঃশেষমোক্ষে সতি বাসনানাং

আত্মানুভূতিঃ প্রতিবন্ধশূন্যা

শ্লোক 275

স্বাত্মন্যেব সদা স্থিত্বা মনো নশ্যতি যোগিনঃ । (পাঠভেদঃ - স্থিত্যা)

বাসনানাং ক্ষযশ্চাতঃ স্বাধ্যাসাপনযং কুরু

॥ 276॥

শ্লোক 276

তমো দ্বাভ্যাং রজঃ সত্ত্বাত্সত্ত্বং শুদ্ধেন নশ্যতি ।

তস্মাত্সত্ত্বমবষ্টভ্য স্বাধ্যাসাপনযং কুরু

॥ 277॥

শ্লোক 277

প্রারব্ধং পুষ্যতি বপুরিতি নিশ্চিত্য নিশ্চলঃ ।

ধৈর্যমালম্ব্য যত্নেন স্বাধ্যাসাপনযং কুরু

॥ 278॥

শ্লোক 278

নাহং জীবঃ পরং ব্রহ্মেত্যতদ্ব্যাবৃত্তিপূর্বকম্ ।

বাসনাবেগতঃ প্রাপ্তস্বাধ্যাসাপনযং কুরু

॥ 279॥

শ্লোক 279

শ্রুত্যা যুক্ত্যা স্বানুভূত্যা জ্ঞাত্বা সার্বাত্ম্যমাত্মনঃ ।

ক্বচিদাভাসতঃ প্রাপ্তস্বাধ্যাসাপনযং কুরু

॥ 280॥

শ্লোক 280

অনাদানবিসর্গাভ্যামীষন্নাস্তি ক্রিযা মুনেঃ । (পাঠভেদঃ - অন্নাদানবিসর্গা)

তদেকনিষ্ঠযা নিত্যং স্বাধ্যাসাপনযং কুরু

॥ 281॥

শ্লোক 281

তত্ত্বমস্যাদিবাক্যোত্থব্রহ্মাত্মৈকত্ববোধতঃ ।

ব্রহ্মণ্যাত্মত্বদার্ঢ্যায স্বাধ্যাসাপনযং কুরু

॥ 282॥

শ্লোক 282

অহম্ভাবস্য দেহেঽস্মিন্নিঃশেষবিলযাবধি ।

সাবধানেন যুক্তাত্মা স্বাধ্যাসাপনযং কুরু

॥ 283॥

শ্লোক 283

প্রতীতির্জীবজগতোঃ স্বপ্নবদ্ভাতি যাবতা ।

তাবন্নিরন্তরং বিদ্বন্স্বাধ্যাসাপনযং কুরু

॥ 284॥

শ্লোক 284

নিদ্রাযা লোকবার্তাযাঃ শব্দাদেরপি বিস্মৃতেঃ ।

ক্বচিন্নাবসরং দত্ত্বা চিন্তযাত্মানমাত্মনি

॥ 285॥

শ্লোক 285

মাতাপিত্রোর্মলোদ্ভূতং মলমাংসমযং বপুঃ ।

ত্যক্ত্বা চাণ্ডালবদ্দূরং ব্রহ্মীভূয কৃতী ভব

॥ 286॥

শ্লোক 286

ঘটাকাশং মহাকাশ ইবাত্মানং পরাত্মনি ।

বিলাপ্যাখণ্ডভাবেন তূষ্ণী ভব সদা মুনে

॥ 287॥

শ্লোক 287

॥ 288॥ (পাঠভেদঃ - তূষ্ণীং)

স্বপ্রকাশমধিষ্ঠানং স্বযম্ভূয সদাত্মনা ।

ব্রহ্মাণ্ডমপি পিণ্ডাণ্ডং ত্যজ্যতাং মলভাণ্ডবত্

শ্লোক 288

চিদাত্মনি সদানন্দে দেহারূঢামহন্ধিযম্ ।

নিবেশ্য লিঙ্গমুত্সৃজ্য কেবলো ভব সর্বদা

॥ 289॥

শ্লোক 289

যত্রৈষ জগদাভাসো দর্পণান্তঃ পুরং যথা ।

তদ্ব্রহ্মাহমিতি জ্ঞাত্বা কৃতকৃত্যো ভবিষ্যসি

॥ 290॥

শ্লোক 290

যত্সত্যভূতং নিজরূপমাদ্যং

চিদদ্বযানন্দমরূপমক্রিযম্ ।

তদেত্য মিথ্যাবপুরুত্সৃজেত (পাঠভেদঃ - সৃজৈত)

শৈলূষবদ্বেষমুপাত্তমাত্মনঃ

॥ 291॥

শ্লোক 291

সর্বাত্মনা দৃশ্যমিদং মৃষৈব

নৈবাহমর্থঃ ক্ষণিকত্বদর্শনাত্ ।

জানাম্যহং সর্বমিতি প্রতীতিঃ

কুতোঽহমাদেঃ ক্ষণিকস্য সিধ্যেত্

॥ 292॥

শ্লোক 292

অহম্পদার্থস্ত্বহমাদিসাক্ষী

নিত্যং সুষুপ্তাবপি ভাবদর্শনাত্ ।

ব্রূতে হ্যজো নিত্য ইতি শ্রুতিঃ স্বযং

তত্প্রত্যগাত্মা সদসদ্বিলক্ষণঃ

॥ 293॥

শ্লোক 293

বিকারিণাং সর্ববিকারবেত্তা

নিত্যাবিকারো ভবিতুং সমর্হতি । (পাঠভেদঃ - নিত্যোঽবিকারো)

মনোরথস্বপ্নসুষুপ্তিষু স্ফুটং

পুনঃ পুনর্দৃষ্টমসত্ত্বমেতযোঃ

॥ 294॥

শ্লোক 294

অতোঽভিমানং ত্যজ মাংসপিণ্ডে

পিণ্ডাভিমানিন্যপি বুদ্ধিকল্পিতে ।

কালত্রযাবাধ্যমখণ্ডবোধং

জ্ঞাত্বা স্বমাত্মানমুপৈহি শান্তিম্

॥ 295॥

শ্লোক 295

ত্যজাভিমানং কুলগোত্রনাম-

রূপাশ্রমেষ্বার্দ্রশবাশ্রিতেষু ।

লিঙ্গস্য ধর্মানপি কর্তৃতাদীং-

স্ত্যক্ত্বা ভবাখণ্ডসুখস্বরূপঃ

॥ 296॥

শ্লোক 296

সন্ত্যন্যে প্রতিবন্ধাঃ পুংসঃ সংসারহেতবো দৃষ্টাঃ ।

তেষামেবং মূলং প্রথমবিকারো ভবত্যহঙ্কারঃ

॥ 297॥

শ্লোক 297

॥ 298॥ (পাঠভেদঃ - তেষামেষাং)

যাবত্স্যাত্স্বস্য সম্বন্ধোঽহঙ্কারেণ দুরাত্মনা ।

তাবন্ন লেশমাত্রাপি মুক্তিবার্তা বিলক্ষণা

শ্লোক 298

অহঙ্কারগ্রহান্মুক্তঃ স্বরূপমুপপদ্যতে ।

চন্দ্রবদ্বিমলঃ পূর্ণঃ সদানন্দঃ স্বযম্প্রভঃ

॥ 299॥

শ্লোক 299

যো বা পুরে সোঽহমিতি প্রতীতো (পাঠভেদঃ - পুরৈষোঽহমিতি)

বুদ্ধ্যা প্রক্লৃপ্তস্তমসাঽতিমূঢযা । (পাঠভেদঃ - বুদ্ধ্যাঽবিবিক্তস্তমসা)

তস্যৈব নিঃশেষতযা বিনাশে

ব্রহ্মাত্মভাবঃ প্রতিবন্ধশূন্যঃ

॥ 300॥

শ্লোক 300

ব্রহ্মানন্দনিধির্মহাবলবতাঽহঙ্কারঘোরাহিনা

সংবেষ্ট্যাত্মনি রক্ষ্যতে গুণমযৈশ্চণ্ডেস্ত্রিভির্মস্তকৈঃ (পাঠভেদঃ - চণ্ডৈ)

বিজ্ঞানাখ্যমহাসিনা শ্রুতিমতা বিচ্ছিদ্য শীর্ষত্রযং (পাঠভেদঃ - দ্যুতিমতা)

নির্মূল্যাহিমিমং নিধিং সুখকরং ধীরোঽনুভোক্তুঙ্ক্ষমঃ

॥ 301॥

শ্লোক 301

যাবদ্বা যত্কিঞ্চিদ্বিষদোষস্ফূর্তিরস্তি চেদ্দেহে ।

কথমারোগ্যায ভবেত্তদ্বদহন্তাপি যোগিনো মুক্ত্যৈ

॥ 302॥

শ্লোক 302

অহমোঽত্যন্তনিবৃত্ত্যা তত্কৃতনানাবিকল্পসংহৃত্যা ।

প্রত্যক্তত্ত্ববিবেকাদিদমহমস্মীতি বিন্দতে তত্ত্বম্

॥ 303॥

শ্লোক 303

॥ 304॥ (পাঠভেদঃ - বিবেকাদযম্)

অহঙ্কারে কর্তর্যহমিতি মতিং মুঞ্চ সহসা (পাঠভেদঃ - অহঙ্কর্তর্যস্মিন্নহমিতি)

বিকারাত্মন্যাত্মপ্রতিফলজুষি স্বস্থিতিমুষি ।

যদধ্যাসাত্প্রাপ্তা জনিমৃতিজরাদুঃখবহুলা

প্রতীচশ্চিন্মূর্তেস্তব সুখতনোঃ সংসৃতিরিযম্

শ্লোক 304

সদৈকরূপস্য চিদাত্মনো বিভো-

রানন্দমূর্তেরনবদ্যকীর্তেঃ ।

নৈবান্যথা ক্বাপ্যবিকারিণস্তে

বিনাহমধ্যাসমমুষ্য সংসৃতিঃ

॥ 305॥

শ্লোক 305

তস্মাদহঙ্কারমিমং স্বশত্রুং

ভোক্তুর্গলে কণ্টকবত্প্রতীতম্ ।

বিচ্ছিদ্য বিজ্ঞানমহাসিনা স্ফুটং

ভুঙ্ক্ষ্বাত্মসাম্রাজ্যসুখং যথেষ্টম্

॥ 306॥

শ্লোক 306

ততোঽহমাদের্বিনিবর্ত্য বৃত্তিং

সন্ত্যক্তরাগঃ পরমার্থলাভাত্ ।

তূষ্ণীং সমাস্স্বাত্মসুখানুভূত্যা

পূর্ণাত্মনা ব্রহ্মণি নির্বিকল্পঃ

॥ 307॥

শ্লোক 307

সমূলকৃত্তোঽপি মহানহং পুনঃ

ব্যুল্লেখিতঃ স্যাদ্যদি চেতসা ক্ষণম্ ।

সঞ্জীব্য বিক্ষেপশতং করোতি

নভস্বতা প্রাবৃষি বারিদো যথা

॥ 308॥

শ্লোক 308

নিগৃহ্য শত্রোরহমোঽবকাশঃ

ক্বচিন্ন দেযো বিষযানুচিন্তযা ।

স এব সঞ্জীবনহেতুরস্য

প্রক্ষীণজম্বীরতরোরিবাম্বু

॥ 309॥

শ্লোক 309

দেহাত্মনা সংস্থিত এব কামী

বিলক্ষণঃ কামযিতা কথং স্যাত্ ।

অতোঽর্থসন্ধানপরত্বমেব

ভেদপ্রসক্ত্যা ভববন্ধহেতুঃ

॥ 310॥

শ্লোক 310

কার্যপ্রবর্ধনাদ্বীজপ্রবৃদ্ধিঃ পরিদৃশ্যতে ।

কার্যনাশাদ্বীজনাশস্তস্মাত্কার্যং নিরোধযেত্

॥ 311॥

শ্লোক 311

বাসনাবৃদ্ধিতঃ কার্যং কার্যবৃদ্ধ্যা চ বাসনা ।

বর্ধতে সর্বথা পুংসঃ সংসারো ন নিবর্ততে

॥ 312॥

শ্লোক 312

সংসারবন্ধবিচ্ছিত্ত্যৈ তদ্ দ্বযং প্রদহেদ্যতিঃ ।

বাসনাবৃদ্ধিরেতাভ্যাং চিন্তযা ক্রিযযা বহিঃ

॥ 313॥

শ্লোক 313

॥ 314॥ (পাঠভেদঃ - বাসনা প্রের্যতে হ্যন্তঃ)

তাভ্যাং প্রবর্ধমানা সা সূতে সংসৃতিমাত্মনঃ ।

ত্রযাণাং চ ক্ষযোপাযঃ সর্বাবস্থাসু সর্বদা

শ্লোক 314

সর্বত্র সর্বতঃ সর্বব্রহ্মমাত্রাবলোকনৈঃ । (পাঠভেদঃ - মাত্রাবলোকনম্)

সদ্ভাববাসনাদার্ঢ্যাত্তত্ত্রযং লযমশ্নুতে

॥ 315॥

শ্লোক 315

ক্রিযানাশে ভবেচ্চিন্তানাশোঽস্মাদ্বাসনাক্ষযঃ ।

বাসনাপ্রক্ষযো মোক্ষঃ সা জীবন্মুক্তিরিষ্যতে

॥ 316॥

শ্লোক 316

॥ 317॥ (পাঠভেদঃ - স)

সদ্বাসনাস্ফূর্তিবিজৃম্ভণে সতি

হ্যসৌ বিলীনাপ্যহমাদিবাসনা । (পাঠভেদঃ - বিলীনা ত্বহমাদিবাসনা)

অতিপ্রকৃষ্টাপ্যরুণপ্রভাযাং

বিলীযতে সাধু যথা তমিস্রা

শ্লোক 317

তমস্তমঃকার্যমনর্থজালং

ন দৃশ্যতে সত্যুদিতে দিনেশে ।

তথাঽদ্বযানন্দরসানুভূতৌ

নৈবাস্তি বন্ধো ন চ দুঃখগন্ধঃ

॥ 318॥

শ্লোক 318

দৃশ্যং প্রতীতং প্রবিলাপযন্সন্ (পাঠভেদঃ - প্রবিলাপযন্স্বযং)

সন্মাত্রমানন্দঘনং বিভাবযন্ ।

সমাহিতঃ সন্বহিরন্তরং বা

কালং নযেথাঃ সতি কর্মবন্ধে

॥ 319॥

শ্লোক 319

প্রমাদো ব্রহ্মনিষ্ঠাযাং ন কর্তব্যঃ কদাচন ।

প্রমাদো মৃত্যুরিত্যাহ ভগবান্ব্রহ্মণঃ সুতঃ

॥ 320॥

শ্লোক 320

ন প্রমাদাদনর্থোঽন্যো জ্ঞানিনঃ স্বস্বরূপতঃ ।

ততো মোহস্ততোঽহন্ধীস্ততো বন্ধস্ততো ব্যথা

॥ 321॥

শ্লোক 321

বিষযাভিমুখং দৃষ্ট্বা বিদ্বাংসমপি বিস্মৃতিঃ ।

বিক্ষেপযতি ধীদোষৈর্যোষা জারমিব প্রিযম্

॥ 322॥

শ্লোক 322

যথাপকৃষ্টং শৈবালং ক্ষণমাত্রং ন তিষ্ঠতি ।

আবৃণোতি তথা মাযা প্রাজ্ঞং বাপি পরাঙ্মুখম্

॥ 323॥

শ্লোক 323

লক্ষ্যচ্যুতং চেদ্যদি চিত্তমীষদ্

বহির্মুখং সন্নিপতেত্ততস্ততঃ ।

প্রমাদতঃ প্রচ্যুতকেলিকন্দুকঃ

সোপানপঙ্ক্তৌ পতিতো যথা তথা

॥ 324॥

শ্লোক 324

বিষযেষ্বাবিশচ্চেতঃ সঙ্কল্পযতি তদ্গুণান্ ।

সম্যক্সঙ্কল্পনাত্কামঃ কামাত্পুংসঃ প্রবর্তনম্

॥ 325॥

শ্লোক 325

অতঃ প্রমাদান্ন পরোঽস্তি মৃত্যুঃ

বিবেকিনো ব্রহ্মবিদঃ সমাধৌ ।

সমাহিতঃ সিদ্ধিমুপৈতি সম্যক্

সমাহিতাত্মা ভব সাবধানঃ

॥ 326॥

শ্লোক 326

ততঃ স্বরূপবিভ্রংশো বিভ্রষ্টস্তু পতত্যধঃ ।

পতিতস্য বিনা নাশং পুনর্নারোহ ঈক্ষ্যতে

॥ 327॥

শ্লোক 327

সঙ্কল্পং বর্জযেত্তস্মাত্সর্বানর্থস্য কারণম্ ।

অপথ্যানি হি বস্তূনি ব্যাধিগ্রস্তো যথোত্সৃজে ।

জীবতো যস্য কৈবল্যং বিদেহে স চ কেবলঃ ।

যত্কিঞ্চিত্ পশ্যতো ভেদং ভযং ব্রূতে যজুঃশ্রুতিঃ

॥ 328॥

শ্লোক 328

যদা কদা বাপি বিপশ্চিদেষ

ব্রহ্মণ্যনন্তেঽপ্যণুমাত্রভেদম্ ।

পশ্যত্যথামুষ্য ভযং তদৈব

যদ্বীক্ষিতং ভিন্নতযা প্রমাদাত্

॥ 329॥

শ্লোক 329

॥ 330॥ (পাঠভেদঃ - যদীক্ষিতং)

শ্রুতিস্মৃতিন্যাযশতৈর্নিষিদ্ধে

দৃশ্যেঽত্র যঃ স্বাত্মমতিং করোতি ।

উপৈতি দুঃখোপরি দুঃখজাতং

নিষিদ্ধকর্তা স মলিম্লুচো যথা

শ্লোক 330

সত্যাভিসন্ধানরতো বিমুক্তো

মহত্ত্বমাত্মীযমুপৈতি নিত্যম্ ।

মিথ্যাভিসন্ধানরতস্তু নশ্যেদ্

দৃষ্টং তদেতদ্যদচৌরচৌরযোঃ

॥ 331॥

শ্লোক 331

॥ 332॥ (পাঠভেদঃ - চোরচোরযোঃ)

যতিরসদনুসন্ধিং বন্ধহেতুং বিহায

স্বযমযমহমস্মীত্যাত্মদৃষ্ট্যৈব তিষ্ঠেত্

সুখযতি ননু নিষ্ঠা ব্রহ্মণি স্বানুভূত্যা

হরতি পরমবিদ্যাকার্যদুঃখং প্রতীতম্

শ্লোক 332

বাহ্যানুসন্ধিঃ পরিবর্ধযেত্ফলং (পাঠভেদঃ - বাহ্যাভিসন্ধিঃ)

দুর্বাসনামেব ততস্ততোঽধিকাম্ ।

জ্ঞাত্বা বিবেকৈঃ পরিহৃত্য বাহ্যং

স্বাত্মানুসন্ধিং বিদধীত নিত্যম্

॥ 333॥

শ্লোক 333

বাহ্যে নিরুদ্ধে মনসঃ প্রসন্নতা

মনঃপ্রসাদে পরমাত্মদর্শনম্ ।

তস্মিন্সুদৃষ্টে ভববন্ধনাশো

বহির্নিরোধঃ পদবী বিমুক্তেঃ

॥ 334॥

শ্লোক 334

কঃ পণ্ডিতঃ সন্সদসদ্বিবেকী

শ্রুতিপ্রমাণঃ পরমার্থদর্শী ।

জানন্হি কুর্যাদসতোঽবলম্বং

স্বপাতহেতোঃ শিশুবন্মুমুক্ষুঃ

॥ 335॥

শ্লোক 335

দেহাদিসংসক্তিমতো ন মুক্তিঃ

মুক্তস্য দেহাদ্যভিমত্যভাবঃ ।

সুপ্তস্য নো জাগরণং ন জাগ্রতঃ

স্বপ্নস্তযোর্ভিন্নগুণাশ্রযত্বাত্

॥ 336॥

শ্লোক 336

অন্তর্বহিঃ স্বং স্থিরজঙ্গমেষু

জ্ঞাত্বাঽঽত্মনাধারতযা বিলোক্য । (পাঠভেদঃ - জ্ঞানাত্মন্)

ত্যক্তাখিলোপাধিরখণ্ডরূপঃ

পূর্ণাত্মনা যঃ স্থিত এষ মুক্তঃ

॥ 337॥

শ্লোক 337

সর্বাত্মনা বন্ধবিমুক্তিহেতুঃ

সর্বাত্মভাবান্ন পরোঽস্তি কশ্চিত্ ।

দৃশ্যাগ্রহে সত্যুপপদ্যতেঽসৌ

সর্বাত্মভাবোঽস্য সদাত্মনিষ্ঠযা

॥ 338॥

শ্লোক 338

দৃশ্যস্যাগ্রহণং কথং নু ঘটতে দেহাত্মনা তিষ্ঠতো

বাহ্যার্থানুভবপ্রসক্তমনসস্তত্তত্ক্রিযাং কুর্বতঃ ।

সন্ন্যস্তাখিলধর্মকর্মবিষযৈর্নিত্যাত্মনিষ্ঠাপরৈঃ

তত্ত্বজ্ঞৈঃ করণীযমাত্মনি সদানন্দেচ্ছুভির্যত্নতঃ

॥ 339॥

শ্লোক 339

সর্বাত্মসিদ্ধযে ভিক্ষোঃ কৃতশ্রবণকর্মণঃ । (পাঠভেদঃ - সার্বাত্ম্য)

সমাধিং বিদধাত্যেষা শান্তো দান্ত ইতি শ্রুতিঃ

॥ 340॥

শ্লোক 340

আরূঢশক্তেরহমো বিনাশঃ

কর্তুন্ন শক্য সহসাপি পণ্ডিতৈঃ । (পাঠভেদঃ - কর্তুং ন)

যে নির্বিকল্পাখ্যসমাধিনিশ্চলাঃ

তানন্তরাঽনন্তভবা হি বাসনাঃ

॥ 341॥

শ্লোক 341

অহম্বুদ্ধ্যৈব মোহিন্যা যোজযিত্বাঽঽবৃতের্বলাত্ ।

বিক্ষেপশক্তিঃ পুরুষং বিক্ষেপযতি তদ্গুণৈঃ

॥ 342॥

শ্লোক 342

বিক্ষেপশক্তিবিজযো বিষমো বিধাতুং

নিঃশেষমাবরণশক্তিনিবৃত্ত্যভাবে ।

দৃগ্দৃশ্যযোঃ স্ফুটপযোজলবদ্বিভাগে

নশ্যেত্তদাবরণমাত্মনি চ স্বভাবাত্ ।

নিঃসংশযেন ভবতি প্রতিবন্ধশূন্যো

বিক্ষেপণং ন হি তদা যদি চেন্মৃষার্থে

॥ 343॥

শ্লোক 343

॥ 344॥ (পাঠভেদঃ - নিক্ষেপণং)

সম্যগ্বিবেকঃ স্ফুটবোধজন্যো

বিভজ্য দৃগ্দৃশ্যপদার্থতত্ত্বম্ ।

ছিনত্তি মাযাকৃতমোহবন্ধং

যস্মাদ্বিমুক্তস্তু পুনর্ন সংসৃতিঃ

শ্লোক 344

॥ 345॥ (পাঠভেদঃ - বিমুক্তস্য)

পরাবরৈকত্ববিবেকবহ্নিঃ

দহত্যবিদ্যাগহনং হ্যশেষম্ ।

কিং স্যাত্পুনঃ সংসরণস্য বীজং

অদ্বৈতভাবং সমুপেযুষোঽস্য

শ্লোক 345

আবরণস্য নিবৃত্তির্ভবতি হি সম্যক্পদার্থদর্শনতঃ ।

মিথ্যাজ্ঞানবিনাশস্তদ্বিক্ষেপজনিতদুঃখনিবৃত্তিঃ

॥ 346॥

শ্লোক 346

এতত্ত্রিতযং দৃষ্টং সম্যগ্রজ্জুস্বরূপবিজ্ঞানাত্ ।

তস্মাদ্বস্তুসতত্ত্বং জ্ঞাতব্যং বন্ধমুক্তযে বিদুষা

॥ 347॥

শ্লোক 347

অযোঽগ্নিযোগাদিব সত্সমন্বযান্

মাত্রাদিরূপেণ বিজৃম্ভতে ধীঃ ।

তত্কার্যমেতদ্দ্বিতযং যতো মৃষা (পাঠভেদঃ - তত্কার্যমেব ত্রিতযং)

দৃষ্টং ভ্রমস্বপ্নমনোরথেষু

॥ 348॥

শ্লোক 348

ততো বিকারাঃ প্রকৃতেরহম্মুখা

দেহাবসানা বিষযাশ্চ সর্বে ।

ক্ষণেঽন্যথাভাবিতযা হ্যমীষা- (পাঠভেদঃ - ভাবিন এষ আত্মা)

মসত্ত্বমাত্মা তু কদাপি নান্যথা

॥ 349॥

শ্লোক 349

॥ 350॥ (পাঠভেদঃ - মসত্ত্বমাত্মা তু কদাপি)

নিত্যাদ্বযাখণ্ডচিদেকরূপো

বুদ্ধ্যাদিসাক্ষী সদসদ্বিলক্ষণঃ ।

অহম্পদপ্রত্যযলক্ষিতার্থঃ

প্রত্যক্ সদানন্দঘনঃ পরাত্মা

শ্লোক 350

ইত্থং বিপশ্চিত্সদসদ্বিভজ্য

নিশ্চিত্য তত্ত্বং নিজবোধদৃষ্ট্যা ।

জ্ঞাত্বা স্বমাত্মানমখণ্ডবোধং

তেভ্যো বিমুক্তঃ স্বযমেব শাম্যতি

॥ 351॥

শ্লোক 351

অজ্ঞানহৃদযগ্রন্থের্নিঃশেষবিলযস্তদা ।

সমাধিনাঽবিকল্পেন যদাঽদ্বৈতাত্মদর্শনম্

॥ 352॥

শ্লোক 352

ত্বমহমিদমিতীযং কল্পনা বুদ্ধিদোষাত্

প্রভবতি পরমাত্মন্যদ্বযে নির্বিশেষে ।

প্রবিলসতি সমাধাবস্য সর্বো বিকল্পো

বিলযনমুপগচ্ছেদ্বস্তুতত্ত্বাবধৃত্যা

॥ 353॥

শ্লোক 353

শান্তো দান্তঃ পরমুপরতঃ ক্ষান্তিযুক্তঃ সমাধিং

কুর্বন্নিত্যং কলযতি যতিঃ স্বস্য সর্বাত্মভাবম্ ।

তেনাবিদ্যাতিমিরজনিতান্সাধু দগ্ধ্বা বিকল্পান্

ব্রহ্মাকৃত্যা নিবসতি সুখং নিষ্ক্রিযো নির্বিকল্পঃ

॥ 354॥

শ্লোক 354

সমাহিতা যে প্রবিলাপ্য বাহ্যং

শ্রোত্রাদি চেতঃ স্বমহং চিদাত্মনি ।

ত এব মুক্তা ভবপাশবন্ধৈঃ

নান্যে তু পারোক্ষ্যকথাভিধাযিনঃ

॥ 355॥

শ্লোক 355

উপাধিভেদাত্স্বযমেব ভিদ্যতে (পাঠভেদঃ - যোগাত্স্বযমেব)

চোপাধ্যপোহে স্বযমেব কেবলঃ ।

তস্মাদুপাধের্বিলযায বিদ্বান্

বসেত্সদাঽকল্পসমাধিনিষ্ঠযা

॥ 356॥

শ্লোক 356

সতি সক্তো নরো যাতি সদ্ভাবং হ্যেকনিষ্ঠযা ।

কীটকো ভ্রমরং ধ্যাযন্ ভ্রমরত্বায কল্পতে

॥ 357॥

শ্লোক 357

ক্রিযান্তরাসক্তিমপাস্য কীটকো

ধ্যাযন্নলিত্বং হ্যলিভাবমৃচ্ছতি । (পাঠভেদঃ - ধ্যাযন্যথালিং)

তথৈব যোগী পরমাত্মতত্ত্বং

ধ্যাত্বা সমাযাতি তদেকনিষ্ঠযা

॥ 358॥

শ্লোক 358

অতীব সূক্ষ্মং পরমাত্মতত্ত্বং

ন স্থূলদৃষ্ট্যা প্রতিপত্তুমর্হতি ।

সমাধিনাত্যন্তসুসূক্ষ্মবৃত্ত্যা

জ্ঞাতব্যমার্যৈরতিশুদ্ধবুদ্ধিভিঃ

॥ 359॥

শ্লোক 359

যথা সুবর্ণং পুটপাকশোধিতং

ত্যক্ত্বা মলং স্বাত্মগুণং সমৃচ্ছতি ।

তথা মনঃ সত্ত্বরজস্তমোমলং

ধ্যানেন সন্ত্যজ্য সমেতি তত্ত্বম্

॥ 360॥

শ্লোক 360

নিরন্তরাভ্যাসবশাত্তদিত্থং

পক্বং মনো ব্রহ্মণি লীযতে যদা ।

তদা সমাধিঃ সবিকল্পবর্জিতঃ (পাঠভেদঃ - স বিকল্পবর্জিতঃ)

স্বতোঽদ্বযানন্দরসানুভাবকঃ

॥ 361॥

শ্লোক 361

সমাধিনাঽনেন সমস্তবাসনা-

গ্রন্থের্বিনাশোঽখিলকর্মনাশঃ ।

অন্তর্বহিঃ সর্বত এব সর্বদা

স্বরূপবিস্ফূর্তিরযত্নতঃ স্যাত্

॥ 362॥

শ্লোক 362

শ্রুতেঃ শতগুণং বিদ্যান্মননং মননাদপি ।

নিদিধ্যাসং লক্ষগুণমনন্তং নির্বিকল্পকম্

॥ 363॥

শ্লোক 363

নির্বিকল্পকসমাধিনা স্ফুটং

ব্রহ্মতত্ত্বমবগম্যতে ধ্রুবম্ ।

নান্যথা চলতযা মনোগতেঃ

প্রত্যযান্তরবিমিশ্রিতং ভবেত্

॥ 364॥

শ্লোক 364

অতঃ সমাধত্স্ব যতেন্দ্রিযঃ সন্

নিরন্তরং শান্তমনাঃ প্রতীচি ।

বিধ্বংসয ধ্বান্তমনাদ্যবিদ্যযা

কৃতং সদেকত্ববিলোকনেন

॥ 365॥

শ্লোক 365

যোগস্য প্রথমদ্বারং বাঙ্নিরোধোঽপরিগ্রহঃ । (পাঠভেদঃ - প্রথমং দ্বারং)

নিরাশা চ নিরীহা চ নিত্যমেকান্তশীলতা

॥ 366॥

শ্লোক 366

একান্তস্থিতিরিন্দ্রিযোপরমণে হেতুর্দমশ্চেতসঃ

সংরোধে করণং শমেন বিলযং যাযাদহংবাসনা ।

তেনানন্দরসানুভূতিরচলা ব্রাহ্মী সদা যোগিনঃ

তস্মাচ্চিত্তনিরোধ এব সততং কার্যঃ প্রযত্নো মুনেঃ

॥ 367॥

শ্লোক 367

॥ 368॥ প্রযত্নান্মুনেঃ

বাচং নিযচ্ছাত্মনি তং নিযচ্ছ

বুদ্ধৌ ধিযং যচ্ছ চ বুদ্ধিসাক্ষিণি ।

তং চাপি পূর্ণাত্মনি নির্বিকল্পে

বিলাপ্য শান্তিং পরমাং ভজস্ব

শ্লোক 368

দেহপ্রাণেন্দ্রিযমনোবুদ্ধ্যাদিভিরুপাধিভিঃ ।

যৈর্যৈর্বৃত্তেঃসমাযোগস্তত্তদ্ভাবোঽস্য যোগিনঃ

॥ 369॥

শ্লোক 369

তন্নিবৃত্ত্যা মুনেঃ সম্যক্ সর্বোপরমণং সুখম্ ।

সন্দৃশ্যতে সদানন্দরসানুভববিপ্লবঃ

॥ 370॥

শ্লোক 370

অন্তস্ত্যাগো বহিস্ত্যাগো বিরক্তস্যৈব যুজ্যতে ।

ত্যজত্যন্তর্বহিঃসঙ্গং বিরক্তস্তু মুমুক্ষযা

॥ 371॥

শ্লোক 371

বহিস্তু বিষযৈঃ সঙ্গং তথান্তরহমাদিভিঃ । (পাঠভেদঃ - সঙ্গঃ)

বিরক্ত এব শক্নোতি ত্যক্তুং ব্রহ্মণি নিষ্ঠিতঃ

॥ 372॥

শ্লোক 372

বৈরাগ্যবোধৌ পুরুষস্য পক্ষিবত্

পক্ষৌ বিজানীহি বিচক্ষণ ত্বম্ ।

বিমুক্তিসৌধাগ্রলতাধিরোহণং

তাভ্যাং বিনা নান্যতরেণ সিধ্যতি

॥ 373॥

শ্লোক 373

অত্যন্তবৈরাগ্যবতঃ সমাধিঃ

সমাহিতস্যৈব দৃঢপ্রবোধঃ ।

প্রবুদ্ধতত্ত্বস্য হি বন্ধমুক্তিঃ

মুক্তাত্মনো নিত্যসুখানুভূতিঃ

॥ 374॥

শ্লোক 374

বৈরাগ্যান্ন পরং সুখস্য জনকং পশ্যামি বশ্যাত্মনঃ

তচ্চেচ্ছুদ্ধতরাত্মবোধসহিতং স্বারাজ্যসাম্রাজ্যধুক্ ।

এতদ্দ্বারমজস্রমুক্তিযুবতের্যস্মাত্ত্বমস্মাত্পরং

সর্বত্রাস্পৃহযা সদাত্মনি সদা প্রজ্ঞাং কুরু শ্রেযসে

॥ 375॥

শ্লোক 375

আশাং ছিন্দ্ধি বিষোপমেষু বিষযেষ্বেষৈব মৃত্যোঃ কৃতি- (পাঠভেদঃ - মৃত্যোঃ সৃতি)

স্ত্যক্ত্বা জাতিকুলাশ্রমেষ্বভিমতিং মুঞ্চাতিদূরাত্ক্রিযাঃ ।

দেহাদাবসতি ত্যজাত্মধিষণাং প্রজ্ঞাং কুরুষ্বাত্মনি

ত্বং দ্রষ্টাস্যমনোঽসি নির্দ্বযপরং ব্রহ্মাসি যদ্বস্তুতঃ

॥ 376॥

শ্লোক 376

॥ 377॥ (পাঠভেদঃ - দ্রষ্টাস্যমলো)

লক্ষ্যে ব্রহ্মণি মানসং দৃঢতরং সংস্থাপ্য বাহ্যেন্দ্রিযং

স্বস্থানে বিনিবেশ্য নিশ্চলতনুশ্চোপেক্ষ্য দেহস্থিতিম্ ।

ব্রহ্মাত্মৈক্যমুপেত্য তন্মযতযা চাখণ্ডবৃত্ত্যাঽনিশং

ব্রহ্মানন্দরসং পিবাত্মনি মুদা শূন্যৈঃ কিমন্যৈর্ভৃশম্

শ্লোক 377

॥ 378॥ (পাঠভেদঃ - কিমন্যৈর্ভ্রমৈঃ)

অনাত্মচিন্তনং ত্যক্ত্বা কশ্মলং দুঃখকারণম্ ।

চিন্তযাত্মানমানন্দরূপং যন্মুক্তিকারণম্

শ্লোক 378

এষ স্বযঞ্জ্যোতিরশেষসাক্ষী

বিজ্ঞানকোশো বিলসত্যজস্রম্ । বিজ্ঞানকোশে

লক্ষ্যং বিধাযৈনমসদ্বিলক্ষণ-

মখণ্ডবৃত্ত্যাঽঽত্মতযাঽনুভাবয

॥ 379॥

শ্লোক 379

এতমচ্ছিন্নযা বৃত্ত্যা প্রত্যযান্তরশূন্যযা ।

উল্লেখযন্বিজানীযাত্স্বস্বরূপতযা স্ফুটম্

॥ 380॥

শ্লোক 380

অত্রাত্মত্বং দৃঢীকুর্বন্নহমাদিষু সন্ত্যজন্ ।

উদাসীনতযা তেষু তিষ্ঠেত্স্ফুটঘটাদিবত্

॥ 381॥

শ্লোক 381

॥ 382॥ (পাঠভেদঃ - তিষ্ঠেদ্ঘটপটাদিবত্)

বিশুদ্ধমন্তঃকরণং স্বরূপে

নিবেশ্য সাক্ষিণ্যববোধমাত্রে ।

শনৈঃ শনৈর্নিশ্চলতামুপানযন্

পূর্ণং স্বমেবানুবিলোকযেত্ততঃ

শ্লোক 382

॥ 383॥ (পাঠভেদঃ - পূর্ণত্বমেবানু)

দেহেন্দ্রিযপ্রাণমনোঽহমাদিভিঃ

স্বাজ্ঞানক্লৃপ্তৈরখিলৈরুপাধিভিঃ ।

বিমুক্তমাত্মানমখণ্ডরূপং

পূর্ণং মহাকাশমিবাবলোকযেত্

শ্লোক 383

ঘটকলশকুসূলসূচিমুখ্যৈঃ

গগনমুপাধিশতৈর্বিমুক্তমেকম্ ।

ভবতি ন বিবিধং তথৈব শুদ্ধং

পরমহমাদিবিমুক্তমেকমেব

॥ 384॥

শ্লোক 384

ব্রহ্মাদিস্তম্বপর্যন্তা মৃষামাত্রা উপাধযঃ । (পাঠভেদঃ - ব্রহ্মাদ্যাঃ স্তম্ব)

ততঃ পূর্ণং স্বমাত্মানং পশ্যেদেকাত্মনা স্থিতম্

॥ 385॥

শ্লোক 385

যত্র ভ্রান্ত্যা কল্পিতং তদ্বিবেকে (পাঠভেদঃ - যদ্বিবেকে)

তত্তন্মাত্রং নৈব তস্মাদ্বিভিন্নম্ ।

ভ্রান্তের্নাশে ভাতি দৃষ্টাহিতত্ত্বং (পাঠভেদঃ - ভ্রান্তিদৃষ্টা)

রজ্জুস্তদ্বদ্বিশ্বমাত্মস্বরূপম্

॥ 386॥

শ্লোক 386

স্বযং ব্রহ্মা স্বযং বিষ্ণুঃ স্বযমিন্দ্রঃ স্বযং শিবঃ ।

স্বযং বিশ্বমিদং সর্বং স্বস্মাদন্যন্ন কিঞ্চন

॥ 387॥

শ্লোক 387

অন্তঃ স্বযং চাপি বহিঃ স্বযং চ

স্বযং পুরস্তাত্ স্বযমেব পশ্চাত্ ।

স্বযং হ্যাবাচ্যাং স্বযমপ্যুদীচ্যাং (পাঠভেদঃ - হ্যবাচ্যাং)

তথোপরিষ্টাত্স্বযমপ্যধস্তাত্

॥ 388॥

শ্লোক 388

তরঙ্গফেনভ্রমবুদ্বুদাদি

সর্বং স্বরূপেণ জলং যথা তথা ।

চিদেব দেহাদ্যহমন্তমেতত্

সর্বং চিদেবৈকরসং বিশুদ্ধম্

॥ 389॥

শ্লোক 389

সদেবেদং সর্বং জগদবগতং বাঙ্মনসযোঃ

সতোঽন্যন্নাস্ত্যেব প্রকৃতিপরসীম্নি স্থিতবতঃ ।

পৃথক্ কিং মৃত্স্নাযাঃ কলশঘটকুম্ভাদ্যবগতং

বদত্যেষ ভ্রান্তস্ত্বমহমিতি মাযামদিরযা

॥ 390॥

শ্লোক 390

ক্রিযাসমভিহারেণ যত্র নান্যদিতি শ্রুতিঃ ।

ব্রবীতি দ্বৈতরাহিত্যং মিথ্যাধ্যাসনিবৃত্তযে

॥ 391॥

শ্লোক 391

আকাশবন্নির্মলনির্বিকল্পং (পাঠভেদঃ - নির্বিকল্প)

নিঃসীমনিঃস্পন্দননির্বিকারম্ ।

অন্তর্বহিঃশূন্যমনন্যমদ্বযং

স্বযং পরং ব্রহ্ম কিমস্তি বোধ্যম্

॥ 392॥

শ্লোক 392

বক্তব্যং কিমু বিদ্যতেঽত্র বহুধা ব্রহ্মৈব জীবঃ স্বযং

ব্রহ্মৈতজ্জগদাততং নু সকলং ব্রহ্মাদ্বিতীযং শ্রুতিঃ । (পাঠভেদঃ - জগদাপরাণু সকলং)

ব্রহ্মৈবাহমিতি প্রবুদ্ধমতযঃ সন্ত্যক্তবাহ্যাঃ স্ফুটং

ব্রহ্মীভূয বসন্তি সন্ততচিদানন্দাত্মনৈতদ্ধ্রুবম্

॥ 393॥

শ্লোক 393

॥ 394॥ (পাঠভেদঃ - আনন্দাত্মনৈব ধ্রুবম্)

জহি মলমযকোশেঽহন্ধিযোত্থাপিতাশাং

প্রসভমনিলকল্পে লিঙ্গদেহেঽপি পশ্চাত্ ।

নিগমগদিতকীর্তিং নিত্যমানন্দমূর্তিং

স্বযমিতি পরিচীয ব্রহ্মরূপেণ তিষ্ঠ

শ্লোক 394

শবাকারং যাবদ্ভজতি মনুজস্তাবদশুচিঃ

পরেভ্যঃ স্যাত্ক্লেশো জননমরণব্যাধিনিলযঃ । (পাঠভেদঃ - ব্যাধিনিরযাঃ)

যদাত্মানং শুদ্ধং কলযতি শিবাকারমচলম্

তদা তেভ্যো মুক্তো ভবতি হি তদাহ শ্রুতিরপি

॥ 395॥

শ্লোক 395

স্বাত্মন্যারোপিতাশেষাভাসবস্তুনিরাসতঃ ।

স্বযমেব পরং ব্রহ্ম পূর্ণমদ্বযমক্রিযম্

॥ 396॥

শ্লোক 396

সমাহিতাযাং সতি চিত্তবৃত্তৌ

পরাত্মনি ব্রহ্মণি নির্বিকল্পে ।

ন দৃশ্যতে কশ্চিদযং বিকল্পঃ

প্রজল্পমাত্রঃ পরিশিষ্যতে যতঃ

॥ 397॥

শ্লোক 397

॥ 398॥ (পাঠভেদঃ - ততঃ)

অসত্কল্পো বিকল্পোঽযং বিশ্বমিত্যেকবস্তুনি ।

নির্বিকারে নিরাকারে নির্বিশেষে ভিদা কুতঃ

শ্লোক 398

দ্রষ্টুদর্শনদৃশ্যাদিভাবশূন্যৈকবস্তুনি । (পাঠভেদঃ - দ্রষ্টৃদর্শন)

নির্বিকারে নিরাকারে নির্বিশেষে ভিদা কুতঃ

॥ 399॥

শ্লোক 399

কল্পার্ণব ইবাত্যন্তপরিপূর্ণৈকবস্তুনি ।

নির্বিকারে নিরাকারে নির্বিশেষে ভিদা কুতঃ

॥ 400॥

শ্লোক 400

তেজসীব তমো যত্র প্রলীনং ভ্রান্তিকারণম্ । (পাঠভেদঃ - যত্র বিলীনং)

অদ্বিতীযে পরে তত্ত্বে নির্বিশেষে ভিদা কুতঃ

॥ 401॥

শ্লোক 401

একাত্মকে পরে তত্ত্বে ভেদবার্তা কথং বসেত্ । (পাঠভেদঃ - কথং ভবেত্)

সুষুপ্তৌ সুখমাত্রাযাং ভেদঃ কেনাবলোকিতঃ

॥ 402॥

শ্লোক 402

ন হ্যস্তি বিশ্বং পরতত্ত্ববোধাত্

সদাত্মনি ব্রহ্মণি নির্বিকল্পে ।

কালত্রযে নাপ্যহিরীক্ষিতো গুণে

ন হ্যম্বুবিন্দুর্মৃগতৃষ্ণিকাযাম্

॥ 403॥

শ্লোক 403

মাযামাত্রমিদং দ্বৈতমদ্বৈতং পরমার্থতঃ ।

ইতি ব্রূতে শ্রুতিঃ সাক্ষাত্সুষুপ্তাবনুভূযতে

॥ 404॥

শ্লোক 404

অনন্যত্বমধিষ্ঠানাদারোপ্যস্য নিরীক্ষিতম্ ।

পণ্ডিতৈ রজ্জুসর্পাদৌ বিকল্পো ভ্রান্তিজীবনঃ

॥ 405॥

শ্লোক 405

চিত্তমূলো বিকল্পোঽযং চিত্তাভাবে ন কশ্চন ।

অতশ্চিত্তং সমাধেহি প্রত্যগ্রূপে পরাত্মনি

॥ 406॥

শ্লোক 406

কিমপি সততবোধং কেবলানন্দরূপং

নিরুপমমতিবেলং নিত্যমুক্তং নিরীহম্ ।

নিরবধিগগনাভং নিষ্কলং নির্বিকল্পং

হৃদি কলযতি বিদ্বান্ ব্রহ্ম পূর্ণং সমাধৌ

॥ 407॥

শ্লোক 407

প্রকৃতিবিকৃতিশূন্যং ভাবনাতীতভাবং

সমরসমসমানং মানসম্বন্ধদূরম্ ।

নিগমবচনসিদ্ধং নিত্যমস্মত্প্রসিদ্ধং

হৃদি কলযতি বিদ্বান্ ব্রহ্ম পূর্ণং সমাধৌ

॥ 408॥

শ্লোক 408

অজরমমরমস্তাভাববস্তুস্বরূপং (পাঠভেদঃ - ভাসবস্তু)

স্তিমিতসলিলরাশিপ্রখ্যমাখ্যাবিহীনম্ ।

শমিতগুণবিকারং শাশ্বতং শান্তমেকং

হৃদি কলযতি বিদ্বান্ ব্রহ্ম পূর্ণং সমাধৌ

॥ 409॥

শ্লোক 409

সমাহিতান্তঃকরণঃ স্বরূপে

বিলোকযাত্মানমখণ্ডবৈভবম্ ।

বিচ্ছিন্দ্ধি বন্ধং ভবগন্ধগন্ধিতং (পাঠভেদঃ - গন্ধগন্ধিলং)

যত্নেন পুংস্ত্বং সফলীকুরুষ্ব ॥ 411-

সর্বোপাধিবিনির্মুক্তং সচ্চিদানন্দমদ্বযম্ ।

ভাবযাত্মানমাত্মস্থং ন ভূযঃ কল্পসেঽধ্বনে

॥ 410॥

শ্লোক 410

ছাযেব পুংসঃ পরিদৃশ্যমান-

মাভাসরূপেণ ফলানুভূত্যা ।

শরীরমারাচ্ছববন্নিরস্তং

পুনর্ন সন্ধত্ত ইদং মহাত্মা

॥ 412॥

শ্লোক 411

সততবিমলবোধানন্দরূপং সমেত্য (পাঠভেদঃ - স্বমেত্য)

ত্যজ জডমলরূপোপাধিমেতং সুদূরে ।

অথ পুনরপি নৈষ স্মর্যতাং বান্তবস্তু (পাঠভেদঃ - পুনরপি নৈব)

স্মরণবিষযভূতং কল্পতে কুত্সনায

॥ 413॥

শ্লোক 412

সমূলমেতত্পরিদাহ্য বহ্নৌ (পাঠভেদঃ - পরিদহ্য)

সদাত্মনি ব্রহ্মণি নির্বিকল্পে ।

ততঃ স্বযং নিত্যবিশুদ্ধবোধা-

নন্দাত্মনা তিষ্ঠতি বিদ্বরিষ্ঠঃ

॥ 414॥

শ্লোক 413

প্রারব্ধসূত্রগ্রথিতং শরীরং

প্রযাতু বা তিষ্ঠতু গোরিব স্রক্ ।

ন তত্পুনঃ পশ্যতি তত্ত্ববেত্তা-

ঽঽনন্দাত্মনি ব্রহ্মণি লীনবৃত্তিঃ

॥ 415॥

শ্লোক 414

অখণ্ডানন্দমাত্মানং বিজ্ঞায স্বস্বরূপতঃ ।

কিমিচ্ছন্ কস্য বা হেতোর্দেহং পুষ্ণাতি তত্ত্ববিত্

॥ 416॥

শ্লোক 415

সংসিদ্ধস্য ফলং ত্বেতজ্জীবন্মুক্তস্য যোগিনঃ ।

বহিরন্তঃ সদানন্দরসাস্বাদনমাত্মনি

॥ 417॥

শ্লোক 416

বৈরাগ্যস্য ফলং বোধো বোধস্যোপরতিঃ ফলম্ ।

স্বানন্দানুভবাচ্ছান্তিরেষৈবোপরতেঃ ফলম্

॥ 418॥

শ্লোক 417

যদ্যুত্তরোত্তরাভাবঃ পূর্বপূর্বন্তু নিষ্ফলম্ ।

নিবৃত্তিঃ পরমা তৃপ্তিরানন্দোঽনুপমঃ স্বতঃ

॥ 419॥

শ্লোক 418

দৃষ্টদুঃখেষ্বনুদ্বেগো বিদ্যাযাঃ প্রস্তুতং ফলম্ ।

যত্কৃতং ভ্রান্তিবেলাযাং নানা কর্ম জুগুপ্সিতম্ ।

পশ্চান্নরো বিবেকেন তত্কথং কর্তুমর্হতি

॥ 420॥

শ্লোক 419

বিদ্যাফলং স্যাদসতো নিবৃত্তিঃ

প্রবৃত্তিরজ্ঞানফলং তদীক্ষিতম্ ।

তজ্জ্ঞাজ্ঞযোর্যন্মৃগতৃষ্ণিকাদৌ

নোচেদ্বিদাং দৃষ্টফলং কিমস্মাত্

॥ 421॥

শ্লোক 420

॥ 422॥ (পাঠভেদঃ - নোচেদ্বিদো)

অজ্ঞানহৃদযগ্রন্থের্বিনাশো যদ্যশেষতঃ ।

অনিচ্ছোর্বিষযঃ কিং নু প্রবৃত্তেঃ কারণং স্বতঃ

শ্লোক 421

॥ 423॥ (পাঠভেদঃ - বিদুষঃ কিং)

বাসনানুদযো ভোগ্যে বৈরাগ্যস্য তদাবধিঃ ।

অহম্ভাবোদযাভাবো বোধস্য পরমাবধিঃ ।

লীনবৃত্তৈরনুত্পত্তির্মর্যাদোপরতেস্তু সা

শ্লোক 422

॥ 424॥ (পাঠভেদঃ - বৃত্তের)

ব্রহ্মাকারতযা সদা স্থিততযা নির্মুক্তবাহ্যার্থধী-

রন্যাবেদিতভোগ্যভোগকলনো নিদ্রালুবদ্বালবত্ ।

স্বপ্নালোকিতলোকবজ্জগদিদং পশ্যন্ক্বচিল্লব্ধধী-

রাস্তে কশ্চিদনন্তপুণ্যফলভুগ্ধন্যঃ স মান্যো ভুবি

শ্লোক 423

স্থিতপ্রজ্ঞো যতিরযং যঃ সদানন্দমশ্নুতে ।

ব্রহ্মণ্যেব বিলীনাত্মা নির্বিকারো বিনিষ্ক্রিযঃ

॥ 425॥

শ্লোক 424

ব্রহ্মাত্মনোঃ শোধিতযোরেকভাবাবগাহিনী ।

নির্বিকল্পা চ চিন্মাত্রা বৃত্তিঃ প্রজ্ঞেতি কথ্যতে ।

সুস্থিতাঽসৌ ভবেদ্যস্য স্থিতপ্রজ্ঞঃ স উচ্যতে

॥ 426॥

শ্লোক 425

যস্য স্থিতা ভবেত্প্রজ্ঞা যস্যানন্দো নিরন্তরঃ ।

প্রপঞ্চো বিস্মৃতপ্রাযঃ স জীবন্মুক্ত ইষ্যতে

॥ 427॥

শ্লোক 426

লীনধীরপি জাগর্তি জাগ্রদ্ধর্মবিবর্জিতঃ ।

বোধো নির্বাসনো যস্য স জীবন্মুক্ত ইষ্যতে

॥ 428॥

শ্লোক 427

শান্তসংসারকলনঃ কলাবানপি নিষ্কলঃ ।

যস্য চিত্তং বিনিশ্চিন্তং স জীবন্মুক্ত ইষ্যতে

॥ 429॥

শ্লোক 428

॥ 430॥ (পাঠভেদঃ - যঃ সচিত্তোঽপি নিশ্চিত্তঃ)

বর্তমানেঽপি দেহেঽস্মিঞ্ছাযাবদনুবর্তিনি ।

অহন্তামমতাঽভাবো জীবন্মুক্তস্য লক্ষণম্

শ্লোক 429

অতীতাননুসন্ধানং ভবিষ্যদবিচারণম্ ।

ঔদাসীন্যমপি প্রাপ্তং জীবন্মুক্তস্য লক্ষণম্

॥ 431॥

শ্লোক 430

॥ 432॥ (পাঠভেদঃ - প্রাপ্তে)

গুণদোষবিশিষ্টেঽস্মিন্স্বভাবেন বিলক্ষণে ।

সর্বত্র সমদর্শিত্বং জীবন্মুক্তস্য লক্ষণম্

শ্লোক 431

ইষ্টানিষ্টার্থসম্প্রাপ্তৌ সমদর্শিতযাঽঽত্মনি ।

উভযত্রাবিকারিত্বং জীবন্মুক্তস্য লক্ষণম্

॥ 433॥

শ্লোক 432

ব্রহ্মানন্দরসাস্বাদাসক্তচিত্ততযা যতেঃ ।

অন্তর্বহিরবিজ্ঞানং জীবন্মুক্তস্য লক্ষণম্

॥ 434॥

শ্লোক 433

দেহেন্দ্রিযাদৌ কর্তব্যে মমাহম্ভাববর্জিতঃ ।

ঔদাসীন্যেন যস্তিষ্ঠেত্স জীবন্মুক্তলক্ষণঃ

॥ 435॥

শ্লোক 434

॥ 436॥ (পাঠভেদঃ - স জীবন্মুক্ত ইষ্যতে)

বিজ্ঞাত আত্মনো যস্য ব্রহ্মভাবঃ শ্রুতের্বলাত্ ।

ভববন্ধবিনির্মুক্তঃ স জীবন্মুক্তলক্ষণঃ

শ্লোক 435

॥ 437॥ (পাঠভেদঃ - স জীবন্মুক্ত ইষ্যতে)

দেহেন্দ্রিযেষ্বহম্ভাব ইদম্ভাবস্তদন্যকে ।

যস্য নো ভবতঃ ক্বাপি স জীবন্মুক্ত ইষ্যতে

শ্লোক 436

জীবেশোভযসংসাররূপদুর্বাসনোজ্ঝিতা ।

সা সর্বদা ভবেদ্যস্য স জীবন্মুক্ত ইষ্যতে ॥

ন প্রত্যগ্ব্রহ্মণোর্ভেদং কদাপি ব্রহ্মসর্গযোঃ ।

প্রজ্ঞযা যো বিজানিতি স জীবন্মুক্তলক্ষণঃ

॥ 438॥

শ্লোক 437

॥ 439॥ (পাঠভেদঃ - স জীবন্মুক্ত ইষ্যতে)

সাধুভিঃ পূজ্যমানেঽস্মিন্পীড্যমানেঽপি দুর্জনৈঃ ।

সমভাবো ভবেদ্যস্য স জীবন্মুক্তলক্ষণঃ

শ্লোক 438

॥ 440॥ (পাঠভেদঃ - স জীবন্মুক্ত ইষ্যতে)

যত্র প্রবিষ্টা বিষযাঃ পরেরিতা

নদীপ্রবাহা ইব বারিরাশৌ ।

লিনন্তি সন্মাত্রতযা ন বিক্রিযাং

উত্পাদযন্ত্যেষ যতির্বিমুক্তঃ

শ্লোক 439

বিজ্ঞাতব্রহ্মতত্ত্বস্য যথাপূর্বং ন সংসৃতিঃ ।

অস্তি চেন্ন স বিজ্ঞাতব্রহ্মভাবো বহির্মুখঃ

॥ 441॥

শ্লোক 440

প্রাচীনবাসনাবেগাদসৌ সংসরতীতি চেত্ ।

ন সদেকত্ববিজ্ঞানান্মন্দী ভবতি বাসনা

॥ 442॥

শ্লোক 441

অত্যন্তকামুকস্যাপি বৃত্তিঃ কুণ্ঠতি মাতরি ।

তথৈব ব্রহ্মণি জ্ঞাতে পূর্ণানন্দে মনীষিণঃ

॥ 443॥

শ্লোক 442

নিদিধ্যাসনশীলস্য বাহ্যপ্রত্যয ঈক্ষ্যতে ।

ব্রবীতি শ্রুতিরেতস্য প্রারব্ধং ফলদর্শনাত্

॥ 444॥

শ্লোক 443

সুখাদ্যনুভবো যাবত্তাবত্প্রারব্ধমিষ্যতে ।

ফলোদযঃ ক্রিযাপূর্বো নিষ্ক্রিযো ন হি কুত্রচিত্

॥ 445॥

শ্লোক 444

অহং ব্রহ্মেতি বিজ্ঞানাত্কল্পকোটিশতার্জিতম্ ।

সঞ্চিতং বিলযং যাতি প্রবোধাত্স্বপ্নকর্মবত্

॥ 446॥

শ্লোক 445

যত্কৃতং স্বপ্নবেলাযাং পুণ্যং বা পাপমুল্বণম্ ।

সুপ্তোত্থিতস্য কিন্তত্স্যাত্স্বর্গায নরকায বা

॥ 447॥

শ্লোক 446

স্বমসঙ্গমুদাসীনং পরিজ্ঞায নভো যথা ।

ন শ্লিষ্যতি চ যত্কিঞ্চিত্কদাচিদ্ভাবিকর্মভিঃ

॥ 448॥

শ্লোক 447

॥ 449॥ (পাঠভেদঃ - শ্লিষ্যতে যতিঃ কিঞ্চিত্)

ন নভো ঘটযোগেন সুরাগন্ধেন লিপ্যতে ।

তথাত্মোপাধিযোগেন তদ্ধর্মৈর্নৈব লিপ্যতে

শ্লোক 448

জ্ঞানোদযাত্পুরারব্ধং কর্মজ্ঞানান্ন নশ্যতি ।

অদত্বা স্বফলং লক্ষ্যমুদ্দিশ্যোত্সৃষ্টবাণবত্

॥ 450॥

শ্লোক 449

ব্যাঘ্রবুদ্ধ্যা বিনির্মুক্তো বাণঃ পশ্চাত্তু গোমতৌ ।

ন তিষ্ঠতি ছিনত্যেব লক্ষ্যং বেগেন নির্ভরম্

॥ 451॥

শ্লোক 450

প্রারব্ধং বলবত্তরং খলু বিদাং ভোগেন তস্য ক্ষযঃ

সম্যগ্জ্ঞানহুতাশনেন বিলযঃ প্রাক্সঞ্চিতাগামিনাম্ ।

ব্রহ্মাত্মৈক্যমবেক্ষ্য তন্মযতযা যে সর্বদা সংস্থিতাঃ

তেষাং তত্ত্রিতযং নহি ক্বচিদপি ব্রহ্মৈব তে নির্গুণম্

॥ 452॥

শ্লোক 451

উপাধিতাদাত্ম্যবিহীনকেবল-

ব্রহ্মাত্মনৈবাত্মনি তিষ্ঠতো মুনেঃ ।

প্রারব্ধসদ্ভাবকথা ন যুক্তা

স্বপ্নার্থসম্বন্ধকথেব জাগ্রতঃ

॥ 453॥

শ্লোক 452

ন হি প্রবুদ্ধঃ প্রতিভাসদেহে

দেহোপযোগিন্যপি চ প্রপঞ্চে ।

করোত্যহন্তাং মমতামিদন্তাং

কিন্তু স্বযং তিষ্ঠতি জাগরেণ

॥ 454॥

শ্লোক 453

ন তস্য মিথ্যার্থসমর্থনেচ্ছা

ন সঙ্গ্রহস্তজ্জগতোঽপি দৃষ্টঃ ।

তত্রানুবৃত্তির্যদি চেন্মৃষার্থে

ন নিদ্রযা মুক্ত ইতীষ্যতে ধ্রুবম্

॥ 455॥

শ্লোক 454

তদ্বত্পরে ব্রহ্মণি বর্তমানঃ

সদাত্মনা তিষ্ঠতি নান্যদীক্ষতে ।

স্মৃতির্যথা স্বপ্নবিলোকিতার্থে

তথা বিদঃ প্রাশনমোচনাদৌ

॥ 456॥

শ্লোক 455

কর্মণা নির্মিতো দেহঃ প্রারব্ধং তস্য কল্প্যতাম্ ।

নানাদেরাত্মনো যুক্তং নৈবাত্মা কর্মনির্মিতঃ

॥ 457॥

শ্লোক 456

অজো নিত্যঃ শাশ্বত ইতি ব্রূতে শ্রুতিরমোঘবাক্ । (পাঠভেদঃ - অজো নিত্য ইতি ব্রূতে শ্রুতিরেষা ত্বমোঘবাক্)

তদাত্মনা তিষ্ঠতোঽস্য কুতঃ প্রারব্ধকল্পনা

॥ 458॥

শ্লোক 457

প্রারব্ধং সিধ্যতি তদা যদা দেহাত্মনা স্থিতিঃ ।

দেহাত্মভাবো নৈবেষ্টঃ প্রারব্ধং ত্যজ্যতামতঃ

॥ 459॥

শ্লোক 458

শরীরস্যাপি প্রারব্ধকল্পনা ভ্রান্তিরেব হি ।

অধ্যস্তস্য কুতঃ সত্ত্বমসত্যস্য কুতো জনিঃ । (পাঠভেদঃ - সত্ত্বমসত্ত্বস্য)

অজাতস্য কুতো নাশঃ প্রারব্ধমসতঃ কুতঃ

॥ 460॥

শ্লোক 459

জ্ঞানেনাজ্ঞানকার্যস্য সমূলস্য লযো যদি ।

তিষ্ঠত্যযং কথং দেহ ইতি শঙ্কাবতো জডান্

॥ 461॥

শ্লোক 460

সমাধাতুং বাহ্যদৃষ্ট্যা প্রারব্ধং বদতি শ্রুতিঃ ।

ন তু দেহাদিসত্যত্ববোধনায বিপশ্চিতাম্ ।

যতঃ শ্রুতেরভিপ্রাযঃ পরমার্থৈকগোচরঃ

॥ 462॥

শ্লোক 461

পরিপূর্ণমনাদ্যন্তমপ্রমেযমবিক্রিযম্ ।

একমেবাদ্বযং ব্রহ্ম নেহ নানাস্তি কিঞ্চন

॥ 463॥

শ্লোক 462

সদ্ঘনং চিদ্ঘনং নিত্যমানন্দঘনমক্রিযম্ ।

একমেবাদ্বযং ব্রহ্ম নেহ নানাস্তি কিঞ্চন

॥ 464॥

শ্লোক 463

প্রত্যগেকরসং পূর্ণমনন্তং সর্বতোমুখম্ ।

একমেবাদ্বযং ব্রহ্ম নেহ নানাস্তি কিঞ্চন

॥ 465॥

শ্লোক 464

অহেযমনুপাদেযমনাদেযমনাশ্রযম্ । মনাধেযমনা

একমেবাদ্বযং ব্রহ্ম নেহ নানাস্তি কিঞ্চন

॥ 466॥

শ্লোক 465

নির্গুণং নিষ্কলং সূক্ষ্মং নির্বিকল্পং নিরঞ্জনম্ ।

একমেবাদ্বযং ব্রহ্ম নেহ নানাস্তি কিঞ্চন

॥ 467॥

শ্লোক 466

অনিরূপ্য স্বরূপং যন্মনোবাচামগোচরম্ ।

একমেবাদ্বযং ব্রহ্ম নেহ নানাস্তি কিঞ্চন

॥ 468॥

শ্লোক 467

সত্সমৃদ্ধং স্বতঃসিদ্ধং শুদ্ধং বুদ্ধমনীদৃশম্ ।

একমেবাদ্বযং ব্রহ্ম নেহ নানাস্তি কিঞ্চন

॥ 469॥

শ্লোক 468

নিরস্তরাগা বিনিরস্তভোগাঃ (পাঠভেদঃ - নিরপাস্তভোগাঃ)

শান্তাঃ সুদান্তা যতযো মহান্তঃ ।

বিজ্ঞায তত্ত্বং পরমেতদন্তে

প্রাপ্তাঃ পরাং নির্বৃতিমাত্মযোগাত্

॥ 470॥

শ্লোক 469

ভবানপীদং পরতত্ত্বমাত্মনঃ

স্বরূপমানন্দঘনং বিচার্য । (পাঠভেদঃ - নিচায্য)

বিধূয মোহং স্বমনঃপ্রকল্পিতং

মুক্তঃ কৃতার্থো ভবতু প্রবুদ্ধঃ

॥ 471॥

শ্লোক 470

সমাধিনা সাধুবিনিশ্চলাত্মনা (পাঠভেদঃ - সুনিশ্চলাত্মনা)

পশ্যাত্মতত্ত্বং স্ফুটবোধচক্ষুষা ।

নিঃসংশযং সম্যগবেক্ষিতশ্চে-

চ্ছ্রুতঃ পদার্থো ন পুনর্বিকল্প্যতে

॥ 472॥

শ্লোক 471

॥ 473॥ (পাঠভেদঃ - পুনর্বিকল্পতে)

স্বস্যাবিদ্যাবন্ধসম্বন্ধমোক্ষা-

ত্সত্যজ্ঞানানন্দরূপাত্মলব্ধৌ ।

শাস্ত্রং যুক্তির্দেশিকোক্তিঃ প্রমাণং

চান্তঃসিদ্ধা স্বানুভূতিঃ প্রমাণম্

শ্লোক 472

বন্ধো মোক্ষশ্চ তৃপ্তিশ্চ চিন্তাঽঽরোগ্যক্ষুধাদযঃ ।

স্বেনৈব বেদ্যা যজ্জ্ঞানং পরেষামানুমানিকম্

॥ 474॥

শ্লোক 473

তটস্থিতা বোধযন্তি গুরবঃ শ্রুতযো যথা ।

প্রজ্ঞযৈব তরেদ্বিদ্বানীশ্বরানুগৃহীতযা

॥ 475॥

শ্লোক 474

স্বানুভূত্যা স্বযং জ্ঞাত্বা স্বমাত্মানমখণ্ডিতম্ ।

সংসিদ্ধঃ সম্মুখং তিষ্ঠেন্নির্বিকল্পাত্মনাঽঽত্মনি

॥ 476॥

শ্লোক 475

॥ 477॥ (পাঠভেদঃ - সুসুখং তিষ্ঠেন্)

বেদান্তসিদ্ধান্তনিরুক্তিরেষা

ব্রহ্মৈব জীবঃ সকলং জগচ্চ ।

অখণ্ডরূপস্থিতিরেব মোক্ষো

ব্রহ্মাদ্বিতীযে শ্রুতযঃ প্রমাণম্

শ্লোক 476

॥ 478॥ (পাঠভেদঃ - ব্রহ্মাদ্বিতীযং)

ইতি গুরুবচনাচ্ছ্রুতিপ্রমাণাত্

পরমবগম্য সতত্ত্বমাত্মযুক্ত্যা ।

প্রশমিতকরণঃ সমাহিতাত্মা

ক্বচিদচলাকৃতিরাত্মনিষ্ঠতোঽভূত্

শ্লোক 477

॥ 479॥ (পাঠভেদঃ - আত্মনিষ্ঠিতো)

কিঞ্চিত্কালং সমাধায পরে ব্রহ্মণি মানসম্ । (পাঠভেদঃ - কঞ্চিত্কালং)

উত্থায পরমানন্দাদিদং বচনমব্রবীত্

শ্লোক 478

॥ 480॥ (পাঠভেদঃ - ব্যুত্থায)

বুদ্ধির্বিনষ্টা গলিতা প্রবৃত্তিঃ

ব্রহ্মাত্মনোরেকতযাঽধিগত্যা ।

ইদং ন জানেঽপ্যনিদং ন জানে

কিং বা কিযদ্বা সুখমস্ত্যপারম্

শ্লোক 479

॥ 481॥ (পাঠভেদঃ - সুখমস্য পারম্)

বাচা বক্তুমশক্যমেব মনসা মন্তুং ন বা শক্যতে

স্বানন্দামৃতপূরপূরিতপরব্রহ্মাম্বুধের্বৈভবম্ ।

অম্ভোরাশিবিশীর্ণবার্ষিকশিলাভাবং ভজন্মে মনো

যস্যাংশাংশলবে বিলীনমধুনাঽঽনন্দাত্মনা নির্বৃতম্

শ্লোক 480

ক্ব গতং কেন বা নীতং কুত্র লীনমিদং জগত্ ।

অধুনৈব মযা দৃষ্টং নাস্তি কিং মহদদ্ভুতম্

॥ 482॥

শ্লোক 481

কিং হেযং কিমুপাদেযং কিমন্যত্কিং বিলক্ষণম্ ।

অখণ্ডানন্দপীযূষপূর্ণে ব্রহ্মমহার্ণবে

॥ 483॥

শ্লোক 482

ন কিঞ্চিদত্র পশ্যামি ন শঋণোমি ন বেদ্ম্যহম্ ।

স্বাত্মনৈব সদানন্দরূপেণাস্মি বিলক্ষণঃ

॥ 484॥

শ্লোক 483

নমো নমস্তে গুরবে মহাত্মনে

বিমুক্তসঙ্গায সদুত্তমায ।

নিত্যাদ্বযানন্দরসস্বরূপিণে

ভূম্নে সদাঽপারদযাম্বুধাম্নে

॥ 485॥

শ্লোক 484

যত্কটাক্ষশশিসান্দ্রচন্দ্রিকা-

পাতধূতভবতাপজশ্রমঃ ।

প্রাপ্তবানহমখণ্ডবৈভবা-

নন্দমাত্মপদমক্ষযং ক্ষণাত্

॥ 486॥

শ্লোক 485

ধন্যোঽহং কৃতকৃত্যোঽহং বিমুক্তোঽহং ভবগ্রহাত্ ।

নিত্যানন্দস্বরূপোঽহং পূর্ণোঽহং ত্বদনুগ্রহাত্

॥ 487॥

শ্লোক 486

অসঙ্গোঽহমনঙ্গোঽহমলিঙ্গোঽহমভঙ্গুরঃ ।

প্রশান্তোঽহমনন্তোঽহমমলোঽহং চিরন্তনঃ

॥ 488॥

শ্লোক 487

॥ 489॥ (পাঠভেদঃ - ঽহমতান্তোঽহং)

অকর্তাহমভোক্তাহমবিকারোঽহমক্রিযঃ ।

শুদ্ধবোধস্বরূপোঽহং কেবলোঽহং সদাশিবঃ

শ্লোক 488

দ্রষ্টুঃ শ্রোতুর্বক্তুঃ কর্তুর্ভোক্তুর্বিভিন্ন এবাহম্ ।

নিত্যনিরন্তরনিষ্ক্রিযনিঃসীমাসঙ্গপূর্ণবোধাত্মা

॥ 490॥

শ্লোক 489

নাহমিদং নাহমদোঽপ্যুভযোরবভাসকং পরং শুদ্ধম্ ।

বাহ্যাভ্যন্তরশূন্যং পূর্ণং ব্রহ্মাদ্বিতীযমেবাহম্

॥ 491॥

শ্লোক 490

নিরুপমমনাদিতত্ত্বং ত্বমহমিদমদ ইতি কল্পনাদূরম্ ।

নিত্যানন্দৈকরসং সত্যং ব্রহ্মাদ্বিতীযমেবাহম্

॥ 492॥

শ্লোক 491

নারাযণোঽহং নরকান্তকোঽহং

পুরান্তকোঽহং পুরুষোঽহমীশঃ ।

অখণ্ডবোধোঽহমশেষসাক্ষী

নিরীশ্বরোঽহং নিরহং চ নির্মমঃ

॥ 493॥

শ্লোক 492

সর্বেষু ভূতেষ্বহমেব সংস্থিতো

জ্ঞানাত্মনাঽন্তর্বহিরাশ্রযঃ সন্ ।

ভোক্তা চ ভোগ্যং স্বযমেব সর্বং

যদ্যত্পৃথগ্দৃষ্টমিদন্তযা পুরা

॥ 494॥

শ্লোক 493

ময্যখণ্ডসুখাম্ভোধৌ বহুধা বিশ্ববীচযঃ ।

উত্পদ্যন্তে বিলীযন্তে মাযামারুতবিভ্রমাত্

॥ 495॥

শ্লোক 494

স্থুলাদিভাবা মযি কল্পিতা ভ্রমা-

দারোপিতানুস্ফুরণেন লোকৈঃ ।

কালে যথা কল্পকবত্সরায-

ণর্ত্বাদযো নিষ্কলনির্বিকল্পে

॥ 496॥

শ্লোক 495

আরোপিতং নাশ্রযদূষকং ভবেত্

কদাপি মূঢৈরতিদোষদূষিতৈঃ । মূঢৈর্মতি

নার্দ্রীকরোত্যূষরভূমিভাগং

মরীচিকাবারি মহাপ্রবাহঃ

॥ 497॥

শ্লোক 496

আকাশবল্লেপবিদূরগোঽহং (পাঠভেদঃ - আকাশবত্ কল্পবি)

আদিত্যবদ্ভাস্যবিলক্ষণোঽহম্ ।

অহার্যবন্নিত্যবিনিশ্চলোঽহং

অম্ভোধিবত্পারবিবর্জিতোঽহম্

॥ 498॥

শ্লোক 497

ন মে দেহেন সম্বন্ধো মেঘেনেব বিহাযসঃ ।

অতঃ কুতো মে তদ্ধর্মা জাগ্রত্স্বপ্নসুষুপ্তযঃ

॥ 499॥

শ্লোক 498

উপাধিরাযাতি স এব গচ্ছতি

স এব কর্মাণি করোতি ভুঙ্ক্তে ।

স এব জীর্যন্ ম্রিযতে সদাহং (পাঠভেদঃ - এব জীবন্)

কুলাদ্রিবন্নিশ্চল এব সংস্থিতঃ

॥ 500॥

শ্লোক 499

ন মে প্রবৃত্তির্ন চ মে নিবৃত্তিঃ

সদৈকরূপস্য নিরংশকস্য ।

একাত্মকো যো নিবিডো নিরন্তরো (পাঠভেদঃ - নিবিডো)

ব্যোমেব পূর্ণঃ স কথং নু চেষ্টতে

॥ 501॥

শ্লোক 500

পুণ্যানি পাপানি নিরিন্দ্রিযস্য

নিশ্চেতসো নির্বিকৃতের্নিরাকৃতেঃ ।

কুতো মমাখণ্ডসুখানুভূতেঃ

ব্রূতে হ্যনন্বাগতমিত্যপি শ্রুতিঃ

॥ 502॥

শ্লোক 501

ছাযযা স্পৃষ্টমুষ্ণং বা শীতং বা সুষ্ঠু দুঃষ্ঠু বা ।

ন স্পৃশত্যেব যত্কিঞ্চিত্পুরুষং তদ্বিলক্ষণম্

॥ 503॥

শ্লোক 502

ন সাক্ষিণং সাক্ষ্যধর্মাঃ সংস্পৃশন্তি বিলক্ষণম্ ।

অবিকারমুদাসীনং গৃহধর্মাঃ প্রদীপবত্ ।

দেহেন্দ্রিযমনোধর্মা নৈবাত্মানং স্পৃশন্ত্যহো

॥ 504॥

শ্লোক 503

॥ 505॥ এক্ষ্ত্র

রবের্যথা কর্মণি সাক্ষিভাবো

বহ্নের্যথা দাহনিযামকত্বম্ । (পাঠভেদঃ - বাঽযসি দাহকত্বম্)

রজ্জোর্যথাঽঽরোপিতবস্তুসঙ্গঃ

তথৈব কূটস্থচিদাত্মনো মে

শ্লোক 504

কর্তাপি বা কারযিতাপি নাহং

ভোক্তাপি বা ভোজযিতাপি নাহম্ ।

দ্রষ্টাপি বা দর্শযিতাপি নাহং

সোঽহং স্বযঞ্জ্যোতিরনীদৃগাত্মা

॥ 506॥

শ্লোক 505

চলত্যুপাধৌ প্রতিবিম্বলৌল্য-

মৌপাধিকং মূঢধিযো নযন্তি ।

স্ববিম্বভূতং রবিবদ্বিনিষ্ক্রিযং

কর্তাস্মি ভোক্তাস্মি হতোঽস্মি হেতি

॥ 507॥

শ্লোক 506

জলে বাপি স্থলে বাপি লুঠত্বেষ জডাত্মকঃ ।

নাহং বিলিপ্যে তদ্ধর্মৈর্ঘটধর্মৈর্নভো যথা

॥ 508॥

শ্লোক 507

কর্তৃত্বভোক্তৃত্বখলত্বমত্ততা-

জডত্ববদ্ধত্ববিমুক্ততাদযঃ ।

বুদ্ধের্বিকল্পা ন তু সন্তি বস্তুতঃ

স্বস্মিন্পরে ব্রহ্মণি কেবলেঽদ্বযে

॥ 509॥

শ্লোক 508

সন্তু বিকারাঃ প্রকৃতের্দশধা শতধা সহস্রধা বাপি ।

কিং মেঽসঙ্গচিতস্তৈর্ন ঘনঃ ক্বচিদম্বরং স্পৃশতি

॥ 510॥

শ্লোক 509

॥ 511॥ (পাঠভেদঃ - তৈঃ কিং মেঽসঙ্গচিতের্ন হ্যম্বুদডম্বরোঽম্বরং)

অব্যক্তাদিস্থূলপর্যন্তমেতত্

বিশ্বং যত্রাভাসমাত্রং প্রতীতম্ ।

ব্যোমপ্রখ্যং সূক্ষ্মমাদ্যন্তহীনং

ব্রহ্মাদ্বৈতং যত্তদেবাহমস্মি

শ্লোক 510

সর্বাধারং সর্ববস্তুপ্রকাশং

সর্বাকারং সর্বগং সর্বশূন্যম্ ।

নিত্যং শুদ্ধং নিশ্চলং নির্বিকল্পং (পাঠভেদঃ - নিষ্কলং)

ব্রহ্মাদ্বৈতং যত্তদেবাহমস্মি

॥ 512॥

শ্লোক 511

যত্প্রত্যস্তাশেষমাযাবিশেষং

প্রত্যগ্রূপং প্রত্যযাগম্যমানম্ ।

সত্যজ্ঞানানন্তমানন্দরূপং

ব্রহ্মাদ্বৈতং যত্তদেবাহমস্মি

॥ 513॥

শ্লোক 512

নিষ্ক্রিযোঽস্ম্যবিকারোঽস্মি

নিষ্কলোঽস্মি নিরাকৃতিঃ ।

নির্বিকল্পোঽস্মি নিত্যোঽস্মি

নিরালম্বোঽস্মি নির্দ্বযঃ

॥ 514॥

শ্লোক 513

সর্বাত্মকোঽহং সর্বোঽহং সর্বাতীতোঽহমদ্বযঃ ।

কেবলাখণ্ডবোধোঽহমানন্দোঽহং নিরন্তরঃ

॥ 515॥

শ্লোক 514

স্বারাজ্যসাম্রাজ্যবিভূতিরেষা

ভবত্কৃপাশ্রীমহিমপ্রসাদাত্ ।

প্রাপ্তা মযা শ্রীগুরবে মহাত্মনে

নমো নমস্তেঽস্তু পুনর্নমোঽস্তু

॥ 516॥

শ্লোক 515

মহাস্বপ্নে মাযাকৃতজনিজরামৃত্যুগহনে

ভ্রমন্তং ক্লিশ্যন্তং বহুলতরতাপৈরনুদিনম্ । (পাঠভেদঃ - রনুকলম্)

অহঙ্কারব্যাঘ্রব্যথিতমিমমত্যন্তকৃপযা

প্রবোধ্য প্রস্বাপাত্পরমবিতবান্মামসি গুরো

॥ 517॥

শ্লোক 516

নমস্তস্মৈ সদৈকস্মৈ কস্মৈচিন্মহসে নমঃ । (পাঠভেদঃ - সদেকস্মৈ নমশ্চিন্মহসে মুহুঃ)

যদেতদ্বিশ্বরূপেণ রাজতে গুরুরাজ তে

॥ 518॥

শ্লোক 517

ইতি নতমবলোক্য শিষ্যবর্যং

সমধিগতাত্মসুখং প্রবুদ্ধতত্ত্বম্ ।

প্রমুদিতহৃদযং স দেশিকেন্দ্রঃ (পাঠভেদঃ - হৃদযঃ)

পুনরিদমাহ বচঃ পরং মহাত্মা

॥ 519॥

শ্লোক 518

ব্রহ্মপ্রত্যযসন্ততির্জগদতো ব্রহ্মৈব তত্সর্বতঃ (পাঠভেদঃ - সত্সর্বতঃ)

পশ্যাধ্যাত্মদৃশা প্রশান্তমনসা সর্বাস্ববস্থাস্বপি ।

রূপাদন্যদবেক্ষিতং কিমভিতশ্চক্ষুষ্মতাং দৃশ্যতে (পাঠভেদঃ - বিদ্যতে)

তদ্বদ্ব্রহ্মবিদঃ সতঃ কিমপরং বুদ্ধের্বিহারাস্পদম্

॥ 520॥

শ্লোক 519

কস্তাং পরানন্দরসানুভূতি-

মৃত্সৃজ্য শূন্যেষু রমেত বিদ্বান্ । (পাঠভেদঃ - মুত্সৃজ্য

চন্দ্রে মহাহ্লাদিনি দীপ্যমানে)

চিত্রেন্দুমালোকযিতুং ক ইচ্ছেত্

॥ 521॥

শ্লোক 520

অসত্পদার্থানুভবেন কিঞ্চিন্

ন হ্যস্তি তৃপ্তির্ন চ দুঃখহানিঃ ।

তদদ্বযানন্দরসানুভূত্যা

তৃপ্তঃ সুখং তিষ্ঠ সদাত্মনিষ্ঠযা

॥ 522॥

শ্লোক 521

স্বমেব সর্বথা পশ্যন্মন্যমানঃ স্বমদ্বযম্ । (পাঠভেদঃ - সর্বতঃ)

স্বানন্দমনুভুঞ্জানঃ কালং নয মহামতে

॥ 523॥

শ্লোক 522

অখণ্ডবোধাত্মনি নির্বিকল্পে

বিকল্পনং ব্যোম্নি পুরপ্রকল্পনম্ ।

তদদ্বযানন্দমযাত্মনা সদা

শান্তিং পরামেত্য ভজস্ব মৌনম্

॥ 524॥

শ্লোক 523

তূষ্ণীমবস্থা পরমোপশান্তিঃ

বুদ্ধেরসত্কল্পবিকল্পহেতোঃ ।

ব্রহ্মাত্মনো ব্রহ্মবিদো মহাত্মনো

যত্রাদ্বযানন্দসুখং নিরন্তরম্

॥ 525॥

শ্লোক 524

নাস্তি নির্বাসনান্মৌনাত্পরং সুখকৃদুত্তমম্ ।

বিজ্ঞাতাত্মস্বরূপস্য স্বানন্দরসপাযিনঃ

॥ 526॥

শ্লোক 525

গচ্ছংস্তিষ্ঠন্নুপবিশঞ্ছযানো বাঽন্যথাপি বা ।

যথেচ্ছযা বসেদ্বিদ্বানাত্মারামঃ সদা মুনিঃ

॥ 527॥

শ্লোক 526

ন দেশকালাসনদিগ্যমাদি-

লক্ষ্যাদ্যপেক্ষাঽপ্রতিবদ্ধবৃত্তেঃ । (পাঠভেদঃ - প্রতিবদ্ধ

সংসিদ্ধতত্ত্বস্য মহাত্মনোঽস্তি)

স্ববেদনে কা নিযমাদ্যবস্থা

॥ 528॥

শ্লোক 527

ঘটোঽযমিতি বিজ্ঞাতুং নিযমঃ কোঽন্ববেক্ষতে । (পাঠভেদঃ - অপেক্ষ্যতে)

বিনা প্রমাণসুষ্ঠুত্বং যস্মিন্সতি পদার্থধীঃ

॥ 529॥

শ্লোক 528

অযমাত্মা নিত্যসিদ্ধঃ প্রমাণে সতি ভাসতে ।

ন দেশং নাপি বা কালং ন শুদ্ধিং বাপ্যপেক্ষতে

॥ 530॥

শ্লোক 529

দেবদত্তোঽহমিত্যেতদ্বিজ্ঞানং নিরপেক্ষকম্ ।

তদ্বদ্ব্রহ্মবিদোঽপ্যস্য ব্রহ্মাহমিতি বেদনম্

॥ 531॥

শ্লোক 530

ভানুনেব জগত্সর্বং ভাসতে যস্য তেজসা ।

অনাত্মকমসত্তুচ্ছং কিং নু তস্যাবভাসকম্

॥ 532॥

শ্লোক 531

বেদশাস্ত্রপুরাণানি ভূতানি সকলান্যপি ।

যেনার্থবন্তি তং কিন্নু বিজ্ঞাতারং প্রকাশযেত্

॥ 533॥

শ্লোক 532

এষ স্বযঞ্জ্যোতিরনন্তশক্তিঃ

আত্মাঽপ্রমেযঃ সকলানুভূতিঃ ।

যমেব বিজ্ঞায বিমুক্তবন্ধো

জযত্যযং ব্রহ্মবিদুত্তমোত্তমঃ

॥ 534॥

শ্লোক 533

ন খিদ্যতে নো বিষযৈঃ প্রমোদতে

ন সজ্জতে নাপি বিরজ্যতে চ ।

স্বস্মিন্সদা ক্রীডতি নন্দতি স্বযং

নিরন্তরানন্দরসেন তৃপ্তঃ

॥ 535॥

শ্লোক 534

ক্ষুধাং দেহব্যথাং ত্যক্ত্বা বালঃ ক্রীডতি বস্তুনিঃ । (পাঠভেদঃ - বস্তুনি)

তথৈব বিদ্বান্ রমতে নির্মমো নিরহং সুখী

॥ 536॥

শ্লোক 535

চিন্তাশূন্যমদৈন্যভৈক্ষমশনং পানং সরিদ্বারিষু

স্বাতন্ত্র্যেণ নিরঙ্কুশা স্থিতিরভীর্নিদ্রা শ্মশানে বনে ।

বস্ত্রং ক্ষালনশোষণাদিরহিতং দিগ্বাস্তু শয্যা মহী

সঞ্চারো নিগমান্তবীথিষু বিদাং ক্রীডা পরে ব্রহ্মণি

॥ 537॥

শ্লোক 536

বিমানমালম্ব্য শরীরমেতদ্

ভুনক্ত্যশেষান্বিষযানুপস্থিতান্ ।

পরেচ্ছযা বালবদাত্মবেত্তা

যোঽব্যক্তলিঙ্গোঽননুষক্তবাহ্যঃ

॥ 538॥

শ্লোক 537

দিগম্বরো বাপি চ সাম্বরো বা

ত্বগম্বরো বাপি চিদম্বরস্থঃ ।

উন্মত্তবদ্বাপি চ বালবদ্বা

পিশাচবদ্বাপি চরত্যবন্যাম্

॥ 539॥

শ্লোক 538

কামান্নিষ্কামরূপী সংশ্চরত্যেকচরো মুনিঃ । (পাঠভেদঃ - কামান্নী কামরূপী)

স্বাত্মনৈব সদা তুষ্টঃ স্বযং সর্বাত্মনা স্থিতঃ

॥ 540॥

শ্লোক 539

ক্বচিন্মূঢো বিদ্বান্ ক্বচিদপি মহারাজবিভবঃ

ক্বচিদ্ভ্রান্তঃ সৌম্যঃ ক্বচিদজগরাচারকলিতঃ ।

ক্বচিত্পাত্রীভূতঃ ক্বচিদবমতঃ ক্বাপ্যবিদিতঃ

চরত্যেবং প্রাজ্ঞঃ সততপরমানন্দসুখিতঃ

॥ 541॥

শ্লোক 540

নির্ধনোঽপি সদা তুষ্টোঽপ্যসহাযো মহাবলঃ ।

নিত্যতৃপ্তোঽপ্যভুঞ্জানোঽপ্যসমঃ সমদর্শনঃ

॥ 542॥

শ্লোক 541

অপি কুর্বন্নকুর্বাণশ্চাভোক্তা ফলভোগ্যপি ।

শরীর্যপ্যশরীর্যেষ পরিচ্ছিন্নোঽপি সর্বগঃ

॥ 543॥

শ্লোক 542

অশরীরং সদা সন্তমিমং ব্রহ্মবিদং ক্বচিত্ ।

প্রিযাপ্রিযে ন স্পৃশতস্তথৈব চ শুভাশুভে

॥ 544॥

শ্লোক 543

স্থূলাদিসম্বন্ধবতোঽভিমানিনঃ

সুখং চ দুঃখং চ শুভাশুভে চ ।

বিধ্বস্তবন্ধস্য সদাত্মনো মুনেঃ

কুতঃ শুভং বাঽপ্যশুভং ফলং বা

॥ 545॥

শ্লোক 544

তমসা গ্রস্তবদ্ভানাদগ্রস্তোঽপি রবির্জনৈঃ ।

গ্রস্ত ইত্যুচ্যতে ভ্রান্ত্যাং হ্যজ্ঞাত্বা বস্তুলক্ষণম্

॥ 546॥

শ্লোক 545

॥ 547॥ (পাঠভেদঃ - ভ্রান্ত্যা)

তদ্বদ্দেহাদিবন্ধেভ্যো বিমুক্তং ব্রহ্মবিত্তমম্ ।

পশ্যন্তি দেহিবন্মূঢাঃ শরীরাভাসদর্শনাত্

শ্লোক 546

অহির্নির্ল্বযনীং বাযং মুক্ত্বা দেহং তু তিষ্ঠতি । (পাঠভেদঃ - অহিনি)

ইতস্ততশ্চাল্যমানো যত্কিঞ্চিত্প্রাণবাযুনা

॥ 548॥

শ্লোক 547

স্ত্রোতসা নীযতে দারু যথা নিম্নোন্নতস্থলম্ ।

দৈবেন নীযতে দেহো যথাকালোপভুক্তিষু

॥ 549॥

শ্লোক 548

প্রারব্ধকর্মপরিকল্পিতবাসনাভিঃ

সংসারিবচ্চরতি ভুক্তিষু মুক্তদেহঃ ।

সিদ্ধঃ স্বযং বসতি সাক্ষিবদত্র তূষ্ণীং

চক্রস্য মূলমিব কল্পবিকল্পশূন্যঃ

॥ 550॥

শ্লোক 549

নৈবেন্দ্রিযাণি বিষযেষু নিযুঙ্ক্ত এষ

নৈবাপযুঙ্ক্ত উপদর্শনলক্ষণস্থঃ ।

নৈব ক্রিযাফলমপীষদবেক্ষতে স (পাঠভেদঃ - অপীষদপেক্ষতে সঃ)

স্বানন্দসান্দ্ররসপানসুমত্তচিত্তঃ

॥ 551॥

শ্লোক 550

লক্ষ্যালক্ষ্যগতিং ত্যক্ত্বা যস্তিষ্ঠেত্কেবলাত্মনা ।

শিব এব স্বযং সাক্ষাদযং ব্রহ্মবিদুত্তমঃ

॥ 552॥

শ্লোক 551

জীবন্নেব সদা মুক্তঃ কৃতার্থো ব্রহ্মবিত্তমঃ ।

উপাধিনাশাদ্ব্রহ্মৈব সন্ ব্রহ্মাপ্যেতি নির্দ্বযম্

॥ 553॥

শ্লোক 552

শৈলূষো বেষসদ্ভাবাভাবযোশ্চ যথা পুমান্ ।

তথৈব ব্রহ্মবিচ্ছ্রেষ্ঠঃ সদা ব্রহ্মৈব নাপরঃ

॥ 554॥

শ্লোক 553

যত্র ক্বাপি বিশীর্ণং সত্পর্ণমিব তরোর্বপুঃ পততাত্ । (পাঠভেদঃ - বিশীর্ণং পর্ণমিব)

ব্রহ্মীভূতস্য যতেঃ প্রাগেব তচ্চিদগ্নিনা দগ্ধম্

॥ 555॥

শ্লোক 554

সদাত্মনি ব্রহ্মণি তিষ্ঠতো মুনেঃ

পূর্ণাঽদ্বযানন্দমযাত্মনা সদা ।

ন দেশকালাদ্যুচিতপ্রতীক্ষা

ত্বঙ্মাংসবিট্পিণ্ডবিসর্জনায

॥ 556॥

শ্লোক 555

দেহস্য মোক্ষো নো মোক্ষো ন দণ্ডস্য কমণ্ডলোঃ ।

অবিদ্যাহৃদযগ্রন্থিমোক্ষো মোক্ষো যতস্ততঃ

॥ 557॥

শ্লোক 556

কুল্যাযামথ নদ্যাং বা শিবক্ষেত্রেঽপি চত্বরে ।

পর্ণং পততি চেত্তেন তরোঃ কিং নু শুভাশুভম্

॥ 558॥

শ্লোক 557

পত্রস্য পুষ্পস্য ফলস্য নাশবদ্-

দেহেন্দ্রিযপ্রাণধিযাং বিনাশঃ ।

নৈবাত্মনঃ স্বস্য সদাত্মকস্যা-

নন্দাকৃতের্বৃক্ষবদস্তি চৈষঃ

॥ 559॥

শ্লোক 558

॥ 560॥ (পাঠভেদঃ - বদাস্ত এষঃ)

প্রজ্ঞানঘন ইত্যাত্মলক্ষণং সত্যসূচকম্ ।

অনূদ্যৌপাধিকস্যৈব কথযন্তি বিনাশনম্

শ্লোক 559

অবিনাশী বা অরেঽযমাত্মেতি শ্রুতিরাত্মনঃ ।

প্রব্রবীত্যবিনাশিত্বং বিনশ্যত্সু বিকারিষু

॥ 561॥

শ্লোক 560

পাষাণবৃক্ষতৃণধান্যকডঙ্করাদ্যা (পাঠভেদঃ - কটাম্বরাদ্যা)

দগ্ধা ভবন্তি হি মৃদেব যথা তথৈব ।

দেহেন্দ্রিযাসুমন আদি সমস্তদৃশ্যং

জ্ঞানাগ্নিদগ্ধমুপযাতি পরাত্মভাবম্

॥ 562॥

শ্লোক 561

বিলক্ষণং যথা ধ্বান্তং লীযতে ভানুতেজসি ।

তথৈব সকলং দৃশ্যং ব্রহ্মণি প্রবিলীযতে

॥ 563॥

শ্লোক 562

ঘটে নষ্টে যথা ব্যোম ব্যোমৈব ভবতি স্ফুটম্ ।

তথৈবোপাধিবিলযে ব্রহ্মৈব ব্রহ্মবিত্স্বযম্

॥ 564॥

শ্লোক 563

ক্ষীরং ক্ষীরে যথা ক্ষিপ্তং তৈলং তৈলে জলং জলে ।

সংযুক্তমেকতাং যাতি তথাঽঽত্মন্যাত্মবিন্মুনিঃ

॥ 565॥

শ্লোক 564

এবং বিদেহকৈবল্যং সন্মাত্রত্বমখণ্ডিতম্ ।

ব্রহ্মভাবং প্রপদ্যৈষ যতির্নাবর্ততে পুনঃ

॥ 566॥

শ্লোক 565

সদাত্মৈকত্ববিজ্ঞানদগ্ধাবিদ্যাদিবর্ষ্মণঃ ।

অমুষ্য ব্রহ্মভূতত্বাদ্ ব্রহ্মণঃ কুত উদ্ভবঃ

॥ 567॥

শ্লোক 566

মাযাক্লৃপ্তৌ বন্ধমোক্ষৌ ন স্তঃ স্বাত্মনি বস্তুতঃ ।

যথা রজ্জৌ নিষ্ক্রিযাযাং সর্পাভাসবিনির্গমৌ

॥ 568॥

শ্লোক 567

আবৃতেঃ সদসত্ত্বাভ্যাং বক্তব্যে বন্ধমোক্ষণে ।

নাবৃতির্ব্রহ্মণঃ কাচিদন্যাভাবাদনাবৃতম্ ।

যদ্যস্ত্যদ্বৈতহানিঃ স্যাদ্ দ্বৈতং নো সহতে শ্রুতিঃ

॥ 569॥

শ্লোক 568

বন্ধঞ্চ মোক্ষঞ্চ মৃষৈব মূঢা

বুদ্ধের্গুণং বস্তুনি কল্পযন্তি ।

দৃগাবৃতিং মেঘকৃতাং যথা রবৌ

যতোঽদ্বযাঽসঙ্গচিদেতদক্ষরম্

॥ 570॥

শ্লোক 569

॥ 571॥ (পাঠভেদঃ - চিদেকমক্ষরম্)

অস্তীতি প্রত্যযো যশ্চ যশ্চ নাস্তীতি বস্তুনি ।

বুদ্ধেরেব গুণাবেতৌ ন তু নিত্যস্য বস্তুনঃ

শ্লোক 570

অতস্তৌ মাযযা ক্লৃপ্তৌ বন্ধমোক্ষৌ ন চাত্মনি ।

নিষ্কলে নিষ্ক্রিযে শান্তে নিরবদ্যে নিরঞ্জনে ।

অদ্বিতীযে পরে তত্ত্বে ব্যোমবত্কল্পনা কুতঃ

॥ 572॥

শ্লোক 571

ন নিরোধো ন চোত্পত্তির্ন বদ্ধো ন চ সাধকঃ ।

ন মুমুক্ষুর্ন বৈ মুক্ত ইত্যেষা পরমার্থতা

॥ 573॥

শ্লোক 572

সকলনিগমচূডাস্বান্তসিদ্ধান্তরূপং

পরমিদমতিগুহ্যং দর্শিতং তে মযাদ্য ।

অপগতকলিদোষং কামনির্মুক্তবুদ্ধিং (পাঠভেদঃ - বুদ্ধিঃ)

স্বসুতবদসকৃত্ত্বাং ভাবযিত্বা মুমুক্ষুম্

॥ 574॥

শ্লোক 573

ইতি শ্রুত্বা গুরোর্বাক্যং প্রশ্রযেণ কৃতানতিঃ ।

স তেন সমনুজ্ঞাতো যযৌ নির্মুক্তবন্ধনঃ

॥ 575॥

শ্লোক 574

গুরুরেব সদানন্দসিন্ধৌ নির্মগ্নমানসঃ । (পাঠভেদঃ - গুরুরেষ)

পাবযন্বসুধাং সর্বাং বিচচার নিরন্তরঃ

॥ 576॥

শ্লোক 575

ইত্যাচার্যস্য শিষ্যস্য সংবাদেনাত্মলক্ষণম্ ।

নিরূপিতং মুমুক্ষূণাং সুখবোধোপপত্তযে

॥ 577॥

শ্লোক 576

হিতমিদমুপদেশমাদ্রিযন্তাং

বিহিতনিরস্তসমস্তচিত্তদোষাঃ ।

ভবসুখবিরতাঃ প্রশান্তচিত্তাঃ (পাঠভেদঃ - সুখবিমুখাঃ)

শ্রুতিরসিকা যতযো মুমুক্ষবো যে

॥ 578॥

শ্লোক 577

সংসারাধ্বনি তাপভানুকিরণপ্রোদ্ভূতদাহব্যথা-

খিন্নানাং জলকাঙ্ক্ষযা মরুভুবি ভ্রান্ত্যা পরিভ্রাম্যতাম্ ।

অত্যাসন্নসুধাম্বুধিং সুখকরং ব্রহ্মাদ্বযং দর্শয-

ত্যেষা শঙ্করভারতী বিজযতে নির্বাণসন্দাযিনী

॥ 579॥

শ্লোক 578

॥ ইতি শঙ্করাচার্যবিরচিতং বিবেকচূডামণিঃ ॥

॥ ওঁ তত্সত্ ॥