Vinayaka Ashtottara Sata Nama Stotram

විනායක අෂ්ටෝත්තර ශත නාම ස්තෝත්රම්

ශ්ලොක 1

විනායකෝ විඝ්නරාජෝ ගෞරීපුත්රෝ ගණේශ්වරඃ .

ස්කන්දාග්රජෝ(අ)ව්යයඃ පූතෝ දක්ෂෝ(අ)ධ්යක්ෂෝ ද්විජප්රියඃ .. 1 ..

අග්නිගර්වච්ඡිදින්ද්රශ්රීප්රදෝ වාණීප්රදායකඃ .

සර්වසිද්ධිප්රදඃ ශර්වතනයඃ ශර්වරීප්රියඃ .. 2 ..

සර්වාත්මකඃ සෘෂ්ටිකර්තා දේවානීකාර්චිතඃ ශිවඃ .

සිද්ධිබුද්ධිප්රදඃ ශාන්තෝ බ්රහ්මචාරී ගජානනඃ .. 3 ..

ද්වෛමාතුරෝ මුනිස්තුත්යෝ භක්තවිඝ්නවිනාශනඃ .

ඒකදන්තශ්චතුර්බාහුශ්චතුරඃ ශක්තිසංයුතඃ .. 4 ..

ලම්බෝදරඃ ශූර්පකර්ණෝ හරිර්බ්රහ්මවිදුත්තමඃ .

කාව්යෝ ග්රහපතිඃ කාමී සෝමසූර්යාග්නිලෝචනඃ .. 5 ..

පාශාඞ්කුශධරශ්චණ්ඩෝ ගුණාතීතෝ නිරඤ්ජනඃ .

අකල්මෂඃ ස්වයං සිද්ධඃ සිද්ධාර්චිතපදාම්බුජඃ .. 6 ..

බීජාපූරඵලාසක්තෝ වරදඃ ශාශ්වතඃ කෘතී .

ද්විජප්රියෝ වීතභයෝ ගදී චක්රීක්ෂුචාපධෘත් .. 7 ..

ශ්රීදෝ(අ)ජ උත්පලකරඃ ශ්රීපතිස්තුතිහර්ෂිතඃ .

කුලාද්රිභේත්තා ජටිලශ්චන්ද්රචූඩෝ(අ)මරේශ්වරඃ .. 8 ..

නාගයජ්ඤෝපවීතී ච කලිකල්මෂනාශනඃ .

ස්ථූලකණ්ඨඃ ස්වයඞ්කර්තා සාමඝෝෂප්රියඃ පරඃ .. 9 ..

ස්ථූලතුණ්ඩෝ(අ)ග්රණීර්ධීරෝ වාගීශඃ සිද්ධිදායකඃ .

දූර්වාබිල්වප්රියඃ කාන්තඃ පාපහාරී සමාහිතඃ .. 10 ..

ආශ්රිතශ්රීකරඃ සෞම්යෝ භක්තවාඤ්ඡිතදායකඃ .

ශාන්තෝ(අ)ච්යුතාර්ච්යඃ කෛවල්යෝ සච්චිදානන්දවිග්රහඃ .. 11 ..

ජ්ඤානී දයායුතෝ දාන්තෝ බ්රහ්මද්වේෂවිවර්ජිතඃ .

ප්රමත්තදෛත්යභයදෝ ව්යක්තමූර්තිරමූර්තිමාන් .. 12 ..

ශෛලේන්ද්රතනුජෝත්සඞ්ගඛේලනෝත්සුකමානසඃ .

ස්වලාවණ්යසුධාසාරජිතමන්මථවිග්රහඃ .. 13 ..

සමස්තජගදාධාරෝ මායී මූෂකවාහනඃ .

රමාර්චිතෝ විධිශ්චෛව ශ්රීකණ්ඨෝ විබුධේශ්වරඃ .. 14 ..

චින්තාමණිද්වීපපතිඃ පරමාත්මා ගජානනඃ .

හෘෂ්ටස්තුෂ්ටඃ ප්රසන්නාත්මා සර්වසිද්ධිප්රදායකඃ .. 15 ..

අෂ්ටෝත්තරශතේනෛවං නාම්නාං විඝ්නේශ්වරං විභුම් .

යඃ පූජයේදනේනෛව භක්ත්යා සිද්ධිවිනායකම් .. 16 ..

දූර්වාදලෛඃ බිල්වපත්රෛඃ පුෂ්පෛර්වා චන්දනාක්ෂතෛඃ .

සර්වාන්කාමානවාප්නෝති සර්වවිඝ්නෛඃ ප්රමුච්යතේ .. 17 ..

ඉති භවිෂ්යෝත්තරපුරාණේ විනායකාෂ්ටෝත්තරශතනාම ස්තෝත්රම් .