Vinayaka Ashtottara Sata Nama Stotram

vinAyaka aShTottara shata nAma stotram

shloka 1

vinAyako vighnarAjo gaurIputro gaNeshvaraH |

skandAgrajo.avyayaH pUto dakSho.adhyakSho dvijapriyaH || 1 ||

agnigarvachChidindrashrIprado vANIpradAyakaH |

sarvasiddhipradaH sharvatanayaH sharvarIpriyaH || 2 ||

sarvAtmakaH sRRiShTikartA devAnIkArchitaH shivaH |

siddhibuddhipradaH shAnto brahmachArI gajAnanaH || 3 ||

dvaimAturo munistutyo bhaktavighnavinAshanaH |

ekadantashchaturbAhushchaturaH shaktisaMyutaH || 4 ||

lambodaraH shUrpakarNo harirbrahmaviduttamaH |

kAvyo grahapatiH kAmI somasUryAgnilochanaH || 5 ||

pAshANkushadharashchaNDo guNAtIto niranjanaH |

akalmaShaH svayaM siddhaH siddhArchitapadAmbujaH || 6 ||

bIjApUraphalAsakto varadaH shAshvataH kRRitI |

dvijapriyo vItabhayo gadI chakrIkShuchApadhRRit || 7 ||

shrIdo.aja utpalakaraH shrIpatistutiharShitaH |

kulAdribhettA jaTilashchandrachUDo.amareshvaraH || 8 ||

nAgayaj~nopavItI cha kalikalmaShanAshanaH |

sthUlakaNThaH svaya~NkartA sAmaghoShapriyaH paraH || 9 ||

sthUlatuNDo.agraNIrdhIro vAgIshaH siddhidAyakaH |

dUrvAbilvapriyaH kAntaH pApahArI samAhitaH || 10 ||

AshritashrIkaraH saumyo bhaktavA~nChitadAyakaH |

shAnto.achyutArchyaH kaivalyo sachchidAnandavigrahaH || 11 ||

j~nAnI dayAyuto dAnto brahmadveShavivarjitaH |

pramattadaityabhayado vyaktamUrtiramUrtimAn || 12 ||

shailendratanujotsa~NgakhelanotsukamAnasaH |

svalAvaNyasudhAsArajitamanmathavigrahaH || 13 ||

samastajagadAdhAro mAyI mUShakavAhanaH |

ramArchito vidhishchaiva shrIkaNTho vibudheshvaraH || 14 ||

chintAmaNidvIpapatiH paramAtmA gajAnanaH |

hRRiShTastuShTaH prasannAtmA sarvasiddhipradAyakaH || 15 ||

aShTottarashatenaivaM nAmnAM vighneshvaraM vibhum |

yaH pUjayedanenaiva bhaktyA siddhivinAyakam || 16 ||

dUrvAdalaiH bilvapatraiH puShpairvA chandanAkShataiH |

sarvAnkAmAnavApnoti sarvavighnaiH pramuchyate || 17 ||

iti bhaviShyottarapurANe vinAyakAShTottarashatanAma stotram |