വേദ ആശീര്വചനമ്

വേദ ആശീര്വചനമ്

ശ്ലോക 1

നവോ॑നവോ॑ ഭവതി॒ ജായ॑മാ॒ണോ-ഽഹ്നാ᳚-ങ്കേ॒തുരു॒-ഷസാ॑മേ॒ത്യഗ്നേ᳚ ।

ഭാ॒ഗ-ന്ദേ॒വേഭ്യോ॒ വി ദ॑ധാത്യാ॒യ-ന്പ്ര ച॒ന്ദ്രമാ᳚-സ്തിരതി ദീ॒ര്ഘമായുഃ॑ ॥

ശ॒തമാ॑ന-മ്ഭവതി ശ॒തായുഃ॒ പുരു॑ഷശ്ശ॒തേന്ദ്രിയ॒ ആയു॑ഷ്യേ॒-വേന്ദ്രി॒യേ പ്രതി॑-തിഷ്ഠതി ॥

സു॒മ॒ങ്ഗ॒ലീരി॒യം-വഁ॒ധൂരിമാഗ്ം സ॒മേത॒-പശ്യ॑ത് ।

സൌഭാ᳚ഗ്യമ॒സ്യൈ ദ॒ത്വാ യഥാസ്തം॒-വിഁപ॑രേതന ॥

ഇ॒മാ-ന്ത്വമി॑ന്ദ്രമീ-ഢ്വസ്സുപു॒ത്രഗ്ം സു॒ഭഗാ᳚-ങ്കുരു ।

ദശാ᳚സ്യാ-മ്പു॒ത്രാനാധേ॑ഹി॒ പതി॑-മേകാദ॒സ-ങ്കൃ॑ധി ॥

ക്ഷ॒ത്രസ്യ॒ രാജാ॒ വരു॑ണോ-ഽധിരാ॒ജഃ । നക്ഷ॑ത്രാണാഗ്ം ശ॒തഭി॑ഷഗ്-വസി॑ഷ്ഠഃ । തൌ ദേ॒വേഭ്യഃ॑ കൃണുതോ ദീ॒ര്ഘമായുഃ॑ ॥

ശ॒തായ॒ സ്വാഹേത്യാ॑ഹ । ആയു॒ര്വൈ സ॒ഹസ്ര᳚മ് । ആയു॑രേ॒വാവരു॑ന്ധേ । സര്വ॒സ്മൈ॒ സ്വാഹേത്യാഹ । രമേ॒വാവ॑രുന്ധേ ॥

ശ്രേയോ॒-വസീ॑യ ആ॒യധ്സമ്ഭൂ॑ത-മ്ഭൂ॒തമ് । ചി॒ത്രഃ കേ॒തുഃ പ്ര॒ഭാനാ॒ഭാന്-ഥ്സ॒ഭാന് । ജ്യോതി॑ശ്മാ॒ഗ॒സ്തേജ॑-സ്വാനാ॒തപ॒ഗ॒സ്ത-പ॑ന്നഭിതപന്ന് ॥ രോ॒ച॒നോ രോച॑മാന-ശ്ശോ॒ഭ॒ന-ശ്ശോഭ॒മാനഃ കല്യാണഃ॑ ॥

ശ്രീ॒-ര്വര്ച॑സ്യ-മായു॑ഷ്യ॒-മാരോ᳚ഗ്യ॒മാവി॑ധാത്-ശോഭ॑മാന-മ്മഹീ॒യതേ᳚ ।

ധാ॒ന്യ-ന്ധ॒ന-മ്പ॒ശു-മ്ബ॒ഹുപുത്രലാ॒ഭം ശ॒തസം᳚​വഁത്സ॒ര-ന്ദീ॒ര്ഘമായുഃ॑ ॥