Varahi Kavacham

vArAhI kavacham

shloka 1

asya shrIvArAhIkavachasya trilochana RRiShiH, anuShTup ChandaH, shrIvArAhI devatA, OM bIjaM, glauM shaktiH, svAheti kIlakaM, mama sarvashatrunAshanArthe jape viniyogaH ||

dhyAnam |

dhyAtvendranIlavarNAbhAM chandrasUryAgnilochanAm |

vidhiviShNuharendrAdi mAtRRibhairavasevitAm || 1 ||

jvalanmaNigaNaproktamakuTAmAvilambitAm |

astrashastrANi sarvANi tattatkAryochitAni cha || 2 ||

etaiH samastairvividhaM bibhratIM musalaM halam |

pAtvA hiMsrAn hi kavachaM bhuktimuktiphalapradam || 3 ||

paThettrisandhyaM rakShArthaM ghorashatrunivRRittidam |

vArtAlI me shiraH pAtu ghorAhI phAlamuttamam || 4 ||

netre varAhavadanA pAtu karNau tathA~njanI |

ghrANaM me rundhinI pAtu mukhaM me pAtu jambhinI || 5 ||

pAtu me mohinI jihvAM stambhinI kaNThamAdarAt |

skandhau me pa~nchamI pAtu bhujau mahiShavAhanA || 6 ||

siMhArUDhA karau pAtu kuchau kRRiShNamRRigA~nchitA |

nAbhiM cha sha~NkhinI pAtu pRRiShThadeshe tu chakriNi || 7 ||

khaDgaM pAtu cha kaTyAM me meDhraM pAtu cha khedinI |

gudaM me krodhinI pAtu jaghanaM stambhinI tathA || 8 ||

chaNDochchaNDashchoruyugmaM jAnunI shatrumardinI |

ja~NghAdvayaM bhadrakAlI mahAkAlI cha gulphayoH || 9 ||

pAdAdya~NguliparyantaM pAtu chonmattabhairavI |

sarvANgaM me sadA pAtu kAlasaNkarShaNI tathA || 10 ||

yuktAyuktasthitaM nityaM sarvapApAtpramuchyate |

sarve samarthya saMyuktaM bhaktarakShaNatatparam || 11 ||

samastadevatA sarvaM savyaM viShNoH purArdhane |

sarvashatruvinAshAya shUlinA nirmitaM purA || 12 ||

sarvabhaktajanAshritya sarvavidveShasaMhatiH |

vArAhI kavachaM nityaM trisandhyaM yaH paThennaraH || 13 ||

tathA vidhaM bhUtagaNA na spRRishanti kadAchana |

ApadaH shatruchorAdi grahadoShAshcha sambhavAH || 14 ||

mAtA putraM yathA vatsaM dhenuH pakShmeva lochanam |

tathA~Ngameva vArAhI rakShA rakShAti sarvadA || 15 ||

iti shrIrudrayAmalatantre shrI vArAhI kavacham ||