Varahi Kavacham

vArAhI kavacam

zloka 1

asya zrIvArAhIkavacasya trilocana RSiH, anuSTup chandaH, zrIvArAhI devatA, OM bIjaM, glauM zaktiH, svAheti kIlakaM, mama sarvazatrunAzanArthe jape viniyogaH ||

dhyAnam |

dhyAtvendranIlavarNAbhAM candrasUryAgnilocanAm |

vidhiviSNuharendrAdi mAtRbhairavasevitAm || 1 ||

jvalanmaNigaNaproktamakuTAmAvilambitAm |

astrazastrANi sarvANi tattatkAryocitAni ca || 2 ||

etaiH samastairvividhaM bibhratIM musalaM halam |

pAtvA hiMsrAn hi kavacaM bhuktimuktiphalapradam || 3 ||

paThettrisandhyaM rakSArthaM ghorazatrunivRttidam |

vArtAlI me ziraH pAtu ghorAhI phAlamuttamam || 4 ||

netre varAhavadanA pAtu karNau tathAJjanI |

ghrANaM me rundhinI pAtu mukhaM me pAtu jambhinI || 5 ||

pAtu me mohinI jihvAM stambhinI kaNThamAdarAt |

skandhau me paJcamI pAtu bhujau mahiSavAhanA || 6 ||

siMhArUDhA karau pAtu kucau kRSNamRgAJcitA |

nAbhiM ca zaGkhinI pAtu pRSThadeze tu cakriNi || 7 ||

khaDgaM pAtu ca kaTyAM me meDhraM pAtu ca khedinI |

gudaM me krodhinI pAtu jaghanaM stambhinI tathA || 8 ||

caNDoccaNDazcoruyugmaM jAnunI zatrumardinI |

jaGghAdvayaM bhadrakAlI mahAkAlI ca gulphayoH || 9 ||

pAdAdyaGguliparyantaM pAtu conmattabhairavI |

sarvAGgaM me sadA pAtu kAlasaGkarSaNI tathA || 10 ||

yuktAyuktasthitaM nityaM sarvapApAtpramucyate |

sarve samarthya saMyuktaM bhaktarakSaNatatparam || 11 ||

samastadevatA sarvaM savyaM viSNoH purArdhane |

sarvazatruvinAzAya zUlinA nirmitaM purA || 12 ||

sarvabhaktajanAzritya sarvavidveSasaMhatiH |

vArAhI kavacaM nityaM trisandhyaM yaH paThennaraH || 13 ||

tathA vidhaM bhUtagaNA na spRzanti kadAcana |

ApadaH zatrucorAdi grahadoSAzca sambhavAH || 14 ||

mAtA putraM yathA vatsaM dhenuH pakSmeva locanam |

tathAGgameva vArAhI rakSA rakSAti sarvadA || 15 ||

iti zrIrudrayAmalatantre zrI vArAhI kavacam ||