Vaidyanatha Ashtakam

vaidyanAthAShTakam

shloka 1

shrIrAmasaumitrijaTAyuveda ShaDAnanAditya kujArchitAya |

shrInIlakaNThAya dayAmayAya shrIvaidyanAthAya namaHshivAya || 1||

shambho mahAdeva shambho mahAdeva shambho mahAdeva shambho mahAdeva |

shambho mahAdeva shambho mahAdeva shambho mahAdeva shambho mahAdeva ||

ga~NgApravAhendu jaTAdharAya trilochanAya smara kAlahantre |

samasta devairabhipUjitAya shrIvaidyanAthAya namaH shivAya || 2||

(shambho mahAdeva)

bhaktaHpriyAya tripurAntakAya pinAkine duShTaharAya nityam |

pratyakShalIlAya manuShyaloke shrIvaidyanAthAya namaH shivAya || 3||

(shambho mahAdeva)

prabhUtavAtAdi samastaroga pranAshakartre munivanditAya |

prabhAkarendvagni vilochanAya shrIvaidyanAthAya namaH shivAya || 4||

(shambho mahAdeva)

vAk shrotra netrANghri vihInajantoH vAkshrotranetrANghrisukhapradAya |

kuShThAdisarvonnatarogahantre shrIvaidyanAthAya namaH shivAya || 5||

(shambho mahAdeva)

vedAntavedyAya jaganmayAya yogIshvaradyeya padAmbujAya |

trimUrtirUpAya sahasranAmne shrIvaidyanAthAya namaH shivAya || 6||

(shambho mahAdeva)

svatIrthamRRidbhasmabhRRitA~NgabhAjAM pishAchaduHkhArtibhayApahAya |

AtmasvarUpAya sharIrabhAjAM shrIvaidyanAthAya namaH shivAya || 7||

(shambho mahAdeva)

shrInIlakaNThAya vRRiShadhvajAya srakgandha bhasmAdyabhishobhitAya |

suputradArAdi subhAgyadAya shrIvaidyanAthAya namaH shivAya || 8||

(shambho mahAdeva)

bAlAmbikesha vaidyesha bhavaroga hareti cha |

japennAmatrayaM nityaM mahAroganivAraNam || 9||

(shambho mahAdeva)

|| iti shrI vaidyanAthAShTakam ||