Tripura Sundari Ashtakam (Stotram)

ତ୍ରିପୁର ସୁନ୍ଦରୀ ଅଷ୍ଟକଂ (ସ୍ତୋତ୍ରଂ)

ଶ୍ଲୋକ 1

କଦମ୍ବଵନଚାରିଣୀଂ ମୁନିକଦମ୍ବକାଦମ୍ବିନୀଂ

ନିତମ୍ବଜିତଭୂଧରାଂ ସୁରନିତମ୍ବିନୀସେଵିତାମ୍ ।

ନଵାମ୍ବୁରୁହଲୋଚନାମଭିନଵାମ୍ବୁଦଶ୍ଯାମଲାଂ

ତ୍ରିଲୋଚନକୁଟୁମ୍ବିନୀଂ ତ୍ରିପୁରସୁନ୍ଦରୀମାଶ୍ରଯେ

ଶ୍ଲୋକ 2

କଦମ୍ବଵନଵାସିନୀଂ କନକଵଲ୍ଲକୀଧାରିଣୀଂ

ମହାର୍ହମଣିହାରିଣୀଂ ମୁଖସମୁଲ୍ଲସଦ୍ଵାରୁଣୀମ୍ ।

ଦଯାଵିଭଵକାରିଣୀଂ ଵିଶଦରୋଚନାଚାରିଣୀଂ

ତ୍ରିଲୋଚନକୁଟୁମ୍ବିନୀଂ ତ୍ରିପୁରସୁନ୍ଦରୀମାଶ୍ରଯେ

॥ 1 ॥

ଶ୍ଲୋକ 3

କଦମ୍ବଵନଶାଲଯା କୁଚଭରୋଲ୍ଲସନ୍ମାଲଯା

କୁଚୋପମିତଶୈଲଯା ଗୁରୁକୃପାଲସଦ୍ଵେଲଯା ।

ମଦାରୁଣକପୋଲଯା ମଧୁରଗୀତଵାଚାଲଯା

କଯାପି ଘନନୀଲଯା କଵଚିତା ଵଯଂ ଲୀଲଯା

॥ 2 ॥

ଶ୍ଲୋକ 4

କଦମ୍ବଵନମଧ୍ଯଗାଂ କନକମଣ୍ଡଲୋପସ୍ଥିତାଂ

ଷଡମ୍ବୁରୁହଵାସିନୀଂ ସତତସିଦ୍ଧସୌଦାମିନୀମ୍ ।

ଵିଡମ୍ବିତଜପାରୁଚିଂ ଵିକଚଚନ୍ଦ୍ରଚୂଡାମଣିଂ

ତ୍ରିଲୋଚନକୁଟୁମ୍ବିନୀଂ ତ୍ରିପୁରସୁନ୍ଦରୀମାଶ୍ରଯେ

॥ 3 ॥

ଶ୍ଲୋକ 5

କୁଚାଞ୍ଚିତଵିପଞ୍ଚିକାଂ କୁଟିଲକୁନ୍ତଲାଲଙ୍କୃତାଂ

କୁଶେଶଯନିଵାସିନୀଂ କୁଟିଲଚିତ୍ତଵିଦ୍ଵେଷିଣୀମ୍ ।

ମଦାରୁଣଵିଲୋଚନାଂ ମନସିଜାରିସମ୍ମୋହିନୀଂ

ମତଙ୍ଗମୁନିକନ୍ଯକାଂ ମଧୁରଭାଷିଣୀମାଶ୍ରଯେ

॥ 4 ॥

ଶ୍ଲୋକ 6

ସ୍ମରେତ୍ପ୍ରଥମପୁଷ୍ପିଣୀଂ ରୁଧିରବିନ୍ଦୁନୀଲାମ୍ବରାଂ

ଗୃହୀତମଧୁପାତ୍ରିକାଂ ମଦଵିଘୂର୍ଣନେତ୍ରାଞ୍ଚଲାମ୍ ।

ଘନସ୍ତନଭରୋନ୍ନତାଂ ଗଲିତଚୂଲିକାଂ ଶ୍ଯାମଲାଂ

ତ୍ରିଲୋଚନକୁଟୁମ୍ବିନୀଂ ତ୍ରିପୁରସୁନ୍ଦରୀମାଶ୍ରଯେ

॥ 5 ॥

ଶ୍ଲୋକ 7

ସକୁଙ୍କୁମଵିଲେପନାମଲକଚୁମ୍ବିକସ୍ତୂରିକାଂ

ସମନ୍ଦହସିତେକ୍ଷଣାଂ ସଶରଚାପପାଶାଙ୍କୁଶାମ୍ ।

ଅଶେଷଜନମୋହିନୀମରୁଣମାଲ୍ଯଭୂଷାମ୍ବରାଂ

ଜପାକୁସୁମଭାସୁରାଂ ଜପଵିଧୌ ସ୍ମରାମ୍ଯମ୍ବିକାମ୍

॥ 6 ॥

ଶ୍ଲୋକ 8

ପୁରନ୍ଦରପୁରନ୍ଧ୍ରିକାଚିକୁରବନ୍ଧସୈରନ୍ଧ୍ରିକାଂ

ପିତାମହପତିଵ୍ରତାପଟୁପଟୀରଚର୍ଚାରତାମ୍ ।

ମୁକୁନ୍ଦରମଣୀମଣୀଲସଦଲଙ୍କ୍ରିଯାକାରିଣୀଂ

ଭଜାମି ଭୁଵନାମ୍ବିକାଂ ସୁରଵଧୂଟିକାଚେଟିକାମ୍

॥ 7 ॥

ଶ୍ଲୋକ 9

ଇତି ଶ୍ରୀମତ୍ପରମହଂସପରିଵ୍ରାଜକାଚାର୍ଯସ୍ଯ ଶ୍ରୀଗୋଵିନ୍ଦଭଗଵତ୍ପୂଜ୍ଯପାଦଶିଷ୍ଯସ୍ଯ ଶ୍ରୀମଚ୍ଛଙ୍କରଭଗଵତଃ କୃତୌ ତ୍ରିପୁରସୁନ୍ଦର୍ଯଷ୍ଟକମ୍ ।