Tripura Sundari Ashtakam (Stotram)

tripura sundarI aShTakaM (stotraM)

shloka 1

kadambavanachAriNIM munikadambakAdambinIM

nitambajitabhUdharAM suranitambinIsevitAm |

navAmburuhalochanAmabhinavAmbudashyAmalAM

trilochanakuTumbinIM tripurasundarImAshraye || 1 ||

kadambavanavAsinIM kanakavallakIdhAriNIM

mahArhamaNihAriNIM mukhasamullasadvAruNIm |

dayAvibhavakAriNIM vishadarochanAchAriNIM

trilochanakuTumbinIM tripurasundarImAshraye || 2 ||

kadambavanashAlayA kuchabharollasanmAlayA

kuchopamitashailayA gurukRRipAlasadvelayA |

madAruNakapolayA madhuragItavAchAlayA

kayApi ghananIlayA kavachitA vayaM lIlayA || 3 ||

kadambavanamadhyagAM kanakamaNDalopasthitAM

ShaDamburuhavAsinIM satatasiddhasaudAminIm |

viDambitajapAruchiM vikachachandrachUDAmaNiM

trilochanakuTumbinIM tripurasundarImAshraye || 4 ||

kuchAnchitavipanchikAM kuTilakuntalAla~NkRRitAM

kusheshayanivAsinIM kuTilachittavidveShiNIm |

madAruNavilochanAM manasijArisammohinIM

mata~NgamunikanyakAM madhurabhAShiNImAshraye || 5 ||

smaretprathamapuShpiNIM rudhirabindunIlAmbarAM

gRRihItamadhupAtrikAM madavighUrNanetrA~nchalAm |

ghanastanabharonnatAM galitachUlikAM shyAmalAM

trilochanakuTumbinIM tripurasundarImAshraye || 6 ||

saku~NkumavilepanAmalakachumbikastUrikAM

samandahasitekShaNAM sasharachApapAshA~NkushAm |

asheShajanamohinImaruNamAlyabhUShAmbarAM

japAkusumabhAsurAM japavidhau smarAmyambikAm || 7 ||

purandarapurandhrikAchikurabandhasairandhrikAM

pitAmahapativratApaTupaTIracharchAratAm |

mukundaramaNImaNIlasadala~NkriyAkAriNIM

bhajAmi bhuvanAmbikAM suravadhUTikAcheTikAm || 8 ||

iti shrImatparamahaMsaparivrAjakAchAryasya shrIgovindabhagavatpUjyapAdashiShyasya shrImachCha~NkarabhagavataH kRRitau tripurasundaryaShTakam |