Tripura Sundari Ashtakam (Stotram)

ত্রিপুর সুন্দরী অষ্টকং (স্তোত্রং)

শ্লোক 1

কদম্ববনচারিণীং মুনিকদম্বকাদম্বিনীং

নিতম্বজিতভূধরাং সুরনিতম্বিনীসেবিতাম্ ।

নবাম্বুরুহলোচনামভিনবাম্বুদশ্যামলাং

ত্রিলোচনকুটুম্বিনীং ত্রিপুরসুন্দরীমাশ্রযে

শ্লোক 2

কদম্ববনবাসিনীং কনকবল্লকীধারিণীং

মহার্হমণিহারিণীং মুখসমুল্লসদ্বারুণীম্ ।

দযাবিভবকারিণীং বিশদরোচনাচারিণীং

ত্রিলোচনকুটুম্বিনীং ত্রিপুরসুন্দরীমাশ্রযে

॥ 1 ॥

শ্লোক 3

কদম্ববনশালযা কুচভরোল্লসন্মালযা

কুচোপমিতশৈলযা গুরুকৃপালসদ্বেলযা ।

মদারুণকপোলযা মধুরগীতবাচালযা

কযাপি ঘননীলযা কবচিতা বযং লীলযা

॥ 2 ॥

শ্লোক 4

কদম্ববনমধ্যগাং কনকমণ্ডলোপস্থিতাং

ষডম্বুরুহবাসিনীং সততসিদ্ধসৌদামিনীম্ ।

বিডম্বিতজপারুচিং বিকচচন্দ্রচূডামণিং

ত্রিলোচনকুটুম্বিনীং ত্রিপুরসুন্দরীমাশ্রযে

॥ 3 ॥

শ্লোক 5

কুচাঞ্চিতবিপঞ্চিকাং কুটিলকুন্তলালঙ্কৃতাং

কুশেশযনিবাসিনীং কুটিলচিত্তবিদ্বেষিণীম্ ।

মদারুণবিলোচনাং মনসিজারিসম্মোহিনীং

মতঙ্গমুনিকন্যকাং মধুরভাষিণীমাশ্রযে

॥ 4 ॥

শ্লোক 6

স্মরেত্প্রথমপুষ্পিণীং রুধিরবিন্দুনীলাম্বরাং

গৃহীতমধুপাত্রিকাং মদবিঘূর্ণনেত্রাঞ্চলাম্ ।

ঘনস্তনভরোন্নতাং গলিতচূলিকাং শ্যামলাং

ত্রিলোচনকুটুম্বিনীং ত্রিপুরসুন্দরীমাশ্রযে

॥ 5 ॥

শ্লোক 7

সকুঙ্কুমবিলেপনামলকচুম্বিকস্তূরিকাং

সমন্দহসিতেক্ষণাং সশরচাপপাশাঙ্কুশাম্ ।

অশেষজনমোহিনীমরুণমাল্যভূষাম্বরাং

জপাকুসুমভাসুরাং জপবিধৌ স্মরাম্যম্বিকাম্

॥ 6 ॥

শ্লোক 8

পুরন্দরপুরন্ধ্রিকাচিকুরবন্ধসৈরন্ধ্রিকাং

পিতামহপতিব্রতাপটুপটীরচর্চারতাম্ ।

মুকুন্দরমণীমণীলসদলঙ্ক্রিযাকারিণীং

ভজামি ভুবনাম্বিকাং সুরবধূটিকাচেটিকাম্

॥ 7 ॥

শ্লোক 9

ইতি শ্রীমত্পরমহংসপরিব্রাজকাচার্যস্য শ্রীগোবিন্দভগবত্পূজ্যপাদশিষ্যস্য শ্রীমচ্ছঙ্করভগবতঃ কৃতৌ ত্রিপুরসুন্দর্যষ্টকম্ ।