ತ್ರಿಪುರ ಸುನ್ದರೀ ಅಷ್ಟಕಂ (ಸ್ತೋತ್ರಂ)

ತ್ರಿಪುರ ಸುನ್ದರೀ ಅಷ್ಟಕಂ (ಸ್ತೋತ್ರಂ)

ಶ್ಲೋಕ 1

ಕದಮ್ಬವನಚಾರಿಣೀಂ ಮುನಿಕದಮ್ಬಕಾದಮ್ಬಿನೀಂ

ನಿತಮ್ಬಜಿತಭೂಧರಾಂ ಸುರನಿತಮ್ಬಿನೀಸೇವಿತಾಮ್ ।

ನವಾಮ್ಬುರುಹಲೋಚನಾಮಭಿನವಾಮ್ಬುದಶ್ಯಾಮಲಾಂ

ತ್ರಿಲೋಚನಕುಟುಮ್ಬಿನೀಂ ತ್ರಿಪುರಸುನ್ದರೀಮಾಶ್ರಯೇ

ಶ್ಲೋಕ 2

ಕದಮ್ಬವನವಾಸಿನೀಂ ಕನಕವಲ್ಲಕೀಧಾರಿಣೀಂ

ಮಹಾರ್ಹಮಣಿಹಾರಿಣೀಂ ಮುಖಸಮುಲ್ಲಸದ್ವಾರುಣೀಮ್ ।

ದಯಾವಿಭವಕಾರಿಣೀಂ ವಿಶದರೋಚನಾಚಾರಿಣೀಂ

ತ್ರಿಲೋಚನಕುಟುಮ್ಬಿನೀಂ ತ್ರಿಪುರಸುನ್ದರೀಮಾಶ್ರಯೇ

॥ 1 ॥

ಶ್ಲೋಕ 3

ಕದಮ್ಬವನಶಾಲಯಾ ಕುಚಭರೋಲ್ಲಸನ್ಮಾಲಯಾ

ಕುಚೋಪಮಿತಶೈಲಯಾ ಗುರುಕೃಪಾಲಸದ್ವೇಲಯಾ ।

ಮದಾರುಣಕಪೋಲಯಾ ಮಧುರಗೀತವಾಚಾಲಯಾ

ಕಯಾಪಿ ಘನನೀಲಯಾ ಕವಚಿತಾ ವಯಂ ಲೀಲಯಾ

॥ 2 ॥

ಶ್ಲೋಕ 4

ಕದಮ್ಬವನಮಧ್ಯಗಾಂ ಕನಕಮಣ್ಡಲೋಪಸ್ಥಿತಾಂ

ಷಡಮ್ಬುರುಹವಾಸಿನೀಂ ಸತತಸಿದ್ಧಸೌದಾಮಿನೀಮ್ ।

ವಿಡಮ್ಬಿತಜಪಾರುಚಿಂ ವಿಕಚಚನ್ದ್ರಚೂಡಾಮಣಿಂ

ತ್ರಿಲೋಚನಕುಟುಮ್ಬಿನೀಂ ತ್ರಿಪುರಸುನ್ದರೀಮಾಶ್ರಯೇ

॥ 3 ॥

ಶ್ಲೋಕ 5

ಕುಚಾಞ್ಚಿತವಿಪಞ್ಚಿಕಾಂ ಕುಟಿಲಕುನ್ತಲಾಲಙ್ಕೃತಾಂ

ಕುಶೇಶಯನಿವಾಸಿನೀಂ ಕುಟಿಲಚಿತ್ತವಿದ್ವೇಷಿಣೀಮ್ ।

ಮದಾರುಣವಿಲೋಚನಾಂ ಮನಸಿಜಾರಿಸಮ್ಮೋಹಿನೀಂ

ಮತಙ್ಗಮುನಿಕನ್ಯಕಾಂ ಮಧುರಭಾಷಿಣೀಮಾಶ್ರಯೇ

॥ 4 ॥

ಶ್ಲೋಕ 6

ಸ್ಮರೇತ್ಪ್ರಥಮಪುಷ್ಪಿಣೀಂ ರುಧಿರಬಿನ್ದುನೀಲಾಮ್ಬರಾಂ

ಗೃಹೀತಮಧುಪಾತ್ರಿಕಾಂ ಮದವಿಘೂರ್ಣನೇತ್ರಾಞ್ಚಲಾಮ್ ।

ಘನಸ್ತನಭರೋನ್ನತಾಂ ಗಲಿತಚೂಲಿಕಾಂ ಶ್ಯಾಮಲಾಂ

ತ್ರಿಲೋಚನಕುಟುಮ್ಬಿನೀಂ ತ್ರಿಪುರಸುನ್ದರೀಮಾಶ್ರಯೇ

॥ 5 ॥

ಶ್ಲೋಕ 7

ಸಕುಙ್ಕುಮವಿಲೇಪನಾಮಲಕಚುಮ್ಬಿಕಸ್ತೂರಿಕಾಂ

ಸಮನ್ದಹಸಿತೇಕ್ಷಣಾಂ ಸಶರಚಾಪಪಾಶಾಙ್ಕುಶಾಮ್ ।

ಅಶೇಷಜನಮೋಹಿನೀಮರುಣಮಾಲ್ಯಭೂಷಾಮ್ಬರಾಂ

ಜಪಾಕುಸುಮಭಾಸುರಾಂ ಜಪವಿಧೌ ಸ್ಮರಾಮ್ಯಮ್ಬಿಕಾಮ್

॥ 6 ॥

ಶ್ಲೋಕ 8

ಪುರನ್ದರಪುರನ್ಧ್ರಿಕಾಚಿಕುರಬನ್ಧಸೈರನ್ಧ್ರಿಕಾಂ

ಪಿತಾಮಹಪತಿವ್ರತಾಪಟುಪಟೀರಚರ್ಚಾರತಾಮ್ ।

ಮುಕುನ್ದರಮಣೀಮಣೀಲಸದಲಙ್ಕ್ರಿಯಾಕಾರಿಣೀಂ

ಭಜಾಮಿ ಭುವನಾಮ್ಬಿಕಾಂ ಸುರವಧೂಟಿಕಾಚೇಟಿಕಾಮ್

॥ 7 ॥

ಶ್ಲೋಕ 9

ಇತಿ ಶ್ರೀಮತ್ಪರಮಹಂಸಪರಿವ್ರಾಜಕಾಚಾರ್ಯಸ್ಯ ಶ್ರೀಗೋವಿನ್ದಭಗವತ್ಪೂಜ್ಯಪಾದಶಿಷ್ಯಸ್ಯ ಶ್ರೀಮಚ್ಛಙ್ಕರಭಗವತಃ ಕೃತೌ ತ್ರಿಪುರಸುನ್ದರ್ಯಷ್ಟಕಮ್ ।