Totakashtakam

toTakAShTakam

shloka 1

viditAkhila shAstra sudhA jaladhe

mahitopaniShat-kathitArtha nidhe |

hRRidaye kalaye vimalaM charaNaM

bhava sha~Nkara deshika me sharaNam || 1 ||

karuNA varuNAlaya pAlaya mAM

bhavasAgara duHkha vidUna hRRidam |

rachayAkhila darshana tattvavidaM

bhava sha~Nkara deshika me sharaNam || 2 ||

bhavatA janatA suhitA bhavitA

nijabodha vichAraNa chArumate |

kalayeshvara jIva viveka vidaM

bhava sha~Nkara deshika me sharaNam || 3 ||

bhava èva bhavAniti mè nitarAM

samajAyata chetasi kautukitA |

mama vAraya moha mahAjaladhiM

bhava sha~Nkara deshika me sharaNam || 4 ||

sukRRite.adhikRRite bahudhA bhavato

bhavitA samadarshana lAlasatA |

ati dInamimaM paripAlaya mAM

bhava sha~Nkara deshika me sharaNam || 5 ||

jagatImavituM kalitAkRRitayo

vicharanti mahAmAha sachChalataH |

ahimAMshurivAtra vibhAsi guro

bhava sha~Nkara deshika me sharaNam || 6 ||

gurupuNgava puNgavaketana te

samatAmayatAM na hi ko.api sudhIH |

sharaNAgata vatsala tattvanidhe

bhava sha~Nkara deshika me sharaNam || 7 ||

viditA na mayA vishadaika kalA

na cha kinchana kAnchanamasti guro |

dRRitameva vidhehi kRRipAM sahajAM

bhava sha~Nkara deshika me sharaNam || 8 ||