Suvarnamala Stuti
Suvarnamala Stuti
Suvarnamala Stuti
suvarNamAlA stuti
shloka 1
atha kathamapi madrAsanAM tvadguNaleshairvishodhayAmi vibho |
sAmba sadAshiva shambho sha~Nkara sharaNaM me tava charaNayugam || 1 ||
AkhaNDalamadakhaNDanapaNDita taNDupriya chaNDIsha vibho |
sAmba sadAshiva shambho sha~Nkara sharaNaM me tava charaNayugam || 2 ||
ibhacharmAmbara shambararipuvapurapaharaNojjvalanayana vibho |
sAmba sadAshiva shambho sha~Nkara sharaNaM me tava charaNayugam || 3 ||
Isha girIsha naresha paresha mahesha bileshayabhUShaNa bho |
sAmba sadAshiva shambho sha~Nkara sharaNaM me tava charaNayugam || 4 ||
umayA divyasumaNgalavigrahayAliNgitavAmA~Nga vibho |
sAmba sadAshiva shambho sha~Nkara sharaNaM me tava charaNayugam || 5 ||
UrIkuru mAmaj~namanAthaM dUrIkuru me duritaM bho |
sAmba sadAshiva shambho sha~Nkara sharaNaM me tava charaNayugam || 6 ||
RRiShivaramAnasahaMsa charAcharajananasthitilayakAraNa bho |
sAmba sadAshiva shambho sha~Nkara sharaNaM me tava charaNayugam || 7 ||
RRIkShAdhIshakirITa mahokShArUDha vidhRRitarudrAkSha vibho |
sAmba sadAshiva shambho sha~Nkara sharaNaM me tava charaNayugam || 8 ||
luvarNadvandvamavRRintasukusumamivA~Nghrau tavArpayAmi vibho |
sAmba sadAshiva shambho sha~Nkara sharaNaM me tava charaNayugam || 9 ||
ekaM saditi shrutyA tvameva sadasItyupAsmahe mRRiDa bho |
sAmba sadAshiva shambho sha~Nkara sharaNaM me tava charaNayugam || 10 ||
aikyaM nijabhaktebhyo vitarasi vishvambharo.atra sAkShI bho |
sAmba sadAshiva shambho sha~Nkara sharaNaM me tava charaNayugam || 11 ||
omiti tava nirdeShTrI mAyAsmAkaM mRRiDopakartrI bho |
sAmba sadAshiva shambho sha~Nkara sharaNaM me tava charaNayugam || 12 ||
audAsyaM sphuTayati viShayeShu digambaratA cha tavaiva vibho |
sAmba sadAshiva shambho sha~Nkara sharaNaM me tava charaNayugam || 13 ||
antaHkaraNavishuddhiM bhaktiM cha tvayi satIM pradehi vibho |
sAmba sadAshiva shambho sha~Nkara sharaNaM me tava charaNayugam || 14 ||
astopAdhisamastavyastai rUpairjaganmayo.asi vibho |
sAmba sadAshiva shambho sha~Nkara sharaNaM me tava charaNayugam || 15 ||
karuNAvaruNAlaya mayi dAsa udAsastavochito na hi bho |
sAmba sadAshiva shambho sha~Nkara sharaNaM me tava charaNayugam || 16 ||
khalasahavAsaM vighaTaya ghaTaya satAmeva sa~NgamanishaM bho |
sAmba sadAshiva shambho sha~Nkara sharaNaM me tava charaNayugam || 17 ||
garalaM jagadupakRRitaye gilitaM bhavatA samo.asti ko.atra vibho |
sAmba sadAshiva shambho sha~Nkara sharaNaM me tava charaNayugam || 18 ||
ghanasAragauragAtra prachurajaTAjUTabaddhaga~Nga vibho |
sAmba sadAshiva shambho sha~Nkara sharaNaM me tava charaNayugam || 19 ||
j~naptiH sarvasharIreShvakhaNDitA yA vibhAti sA tvaM bho |
sAmba sadAshiva shambho sha~Nkara sharaNaM me tava charaNayugam || 20 ||
chapalaM mama hRRidayakapiM viShayadrucharaM dRRiDhaM badhAna vibho |
sAmba sadAshiva shambho sha~Nkara sharaNaM me tava charaNayugam || 21 ||
ChAyA sthANorapi tava tApaM namatAM haratyaho shiva bho |
sAmba sadAshiva shambho sha~Nkara sharaNaM me tava charaNayugam || 22 ||
jaya kailAsanivAsa pramathagaNAdhIsha bhUsurArchita bho |
sAmba sadAshiva shambho sha~Nkara sharaNaM me tava charaNayugam || 23 ||
jhaNutakajha~NkiNujhaNutatkiTataka-shabdairnaTasi mahAnaTa bho |
sAmba sadAshiva shambho sha~Nkara sharaNaM me tava charaNayugam || 24 ||
j~nAnaM vikShepAvRRitirahitaM kuru me gurustvameva vibho |
sAmba sadAshiva shambho sha~Nkara sharaNaM me tava charaNayugam || 25 ||
Ta~NkArastava dhanuSho dalayati hRRidayaM dviShAmashaniriva bho |
sAmba sadAshiva shambho sha~Nkara sharaNaM me tava charaNayugam || 26 ||
ThAkRRitiriva tava mAyA bahirantaH shUnyarUpiNI khalu bho |
sAmba sadAshiva shambho sha~Nkara sharaNaM me tava charaNayugam || 27 ||
DambaramamburuhAmapi dalayatyanaghaM tvada~NghriyugalaM bho |
sAmba sadAshiva shambho sha~Nkara sharaNaM me tava charaNayugam || 28 ||
DhakkAkShasUtrashUladruhiNakaroTIsamullasatkara bho |
sAmba sadAshiva shambho sha~Nkara sharaNaM me tava charaNayugam || 29 ||
NAkAragarbhiNI chechChubhadA te sharagatirnRRiNAmiha bho |
sAmba sadAshiva shambho sha~Nkara sharaNaM me tava charaNayugam || 30 ||
tava manvatisa~njapataH sadyastarati naro hi bhavAbdhiM bho |
sAmba sadAshiva shambho sha~Nkara sharaNaM me tava charaNayugam || 31 ||
thUtkArastasya mukhe bhUyAtte nAma nAsti yasya vibho |
sAmba sadAshiva shambho sha~Nkara sharaNaM me tava charaNayugam || 32 ||
dayanIyashcha dayAluH ko.asti madanyastvadanya iha vada bho |
sAmba sadAshiva shambho sha~Nkara sharaNaM me tava charaNayugam || 33 ||
dharmasthApanadakSha tryakSha guro dakShayaj~nashikShaka bho |
sAmba sadAshiva shambho sha~Nkara sharaNaM me tava charaNayugam || 34 ||
nanu tADito.asi dhanuShA lubdhadhiyA tvaM purA nareNa vibho |
sAmba sadAshiva shambho sha~Nkara sharaNaM me tava charaNayugam || 35 ||
parimAtuM tava mUrtiM nAlamajastatparAtparo.asi vibho |
sAmba sadAshiva shambho sha~Nkara sharaNaM me tava charaNayugam || 36 ||
phalamiha nRRitayA januShastvatpadasevA sanAtanesha vibho |
sAmba sadAshiva shambho sha~Nkara sharaNaM me tava charaNayugam || 37 ||
balamArogyaM chAyustvadguNaruchitAM chiraM pradehi vibho |
sAmba sadAshiva shambho sha~Nkara sharaNaM me tava charaNayugam || 38 ||
bhagavanbharga bhayApaha bhUtapate bhUtibhUShitA~Nga vibho |
sAmba sadAshiva shambho sha~Nkara sharaNaM me tava charaNayugam || 39 ||
mahimA tava na hi mAti shrutiShu himAnIdharAtmajAdhava bho |
sAmba sadAshiva shambho sha~Nkara sharaNaM me tava charaNayugam || 40 ||
yamaniyamAdibhira~Ngairyamino hRRidaye bhajanti sa tvaM bho |
sAmba sadAshiva shambho sha~Nkara sharaNaM me tava charaNayugam || 41 ||
rajjAvahiriva shuktau rajatamiva tvayi jaganti bhAnti vibho |
sAmba sadAshiva shambho sha~Nkara sharaNaM me tava charaNayugam || 42 ||
labdhvA bhavatprasAdAchchakraM vidhuravati lokamakhilaM bho |
sAmba sadAshiva shambho sha~Nkara sharaNaM me tava charaNayugam || 43 ||
vasudhAtaddharatachChayarathamaurvIshara parAkRRitAsura bho |
sAmba sadAshiva shambho sha~Nkara sharaNaM me tava charaNayugam || 44 ||
sharva deva sarvottama sarvada durvRRittagarvaharaNa vibho |
sAmba sadAshiva shambho sha~Nkara sharaNaM me tava charaNayugam || 45 ||
ShaDripuShaDUrmiShaDvikArahara sanmukha ShaNmukhajanaka vibho |
sAmba sadAshiva shambho sha~Nkara sharaNaM me tava charaNayugam || 46 ||
satyaM j~nAnamanantaM brahmetyetallakShaNalakShita bho |
sAmba sadAshiva shambho sha~Nkara sharaNaM me tava charaNayugam || 47 ||
hAhAhUhUmukhasuragAyakagItApadAnapadya vibho |
sAmba sadAshiva shambho sha~Nkara sharaNaM me tava charaNayugam || 48 ||
lAdirna hi prayogastadantamiha ma~NgalaM sadAstu vibho |
sAmba sadAshiva shambho sha~Nkara sharaNaM me tava charaNayugam || 49 ||
kShaNamiva divasAnneShyati tvatpadasevAkShaNotsukaH shiva bho |
sAmba sadAshiva shambho sha~Nkara sharaNaM me tava charaNayugam || 50 ||
iti shrImatparamahaMsaparivrAjakAchAryasya shrIgovindabhagavatpUjyapAdashiShyasya shrImachCha~NkarabhagavataH kRRitau suvarNamAlA stutiH sampUrNA ||