Suryashtakam

sUryASTakam

zloka 1

zAmba uvAca

Adideva namastubhyaM prasIda mama bhAskara |

divAkara namastubhyaM prabhAkara namo'stute || 1 ||

saptAzva ratha mArUDhaM pracaNDaM kazyapAtmajam |

zveta padmadharaM devaM taM sUryaM praNamAmyaham || 2||

lohitaM rathamArUDhaM sarva loka pitAmaham |

mahA pApa haraM devaM taM sUryaM praNamAmyaham || 3||

traiguNyaM ca mahAzUraM brahma viSNu mahezvaram |

mahA pApa haraM devaM taM sUryaM praNamAmyaham || 4 ||

bRMhitaM tejasAM puJjaM [tejapUjyaM ca] vAyu mAkAza meva ca |

prabhuM ca sarvalokAnAM taM sUryaM praNamAmyaham || 5 ||

bandhUka puSpasaGkAzaM hAra kuNDala bhUSitam |

eka cakradharaM devaM taM sUryaM praNamAmyaham || 6 ||

vizvezaM vizva kartAraM mahAtejaH pradIpanam |

mahA pApa haraM devaM taM sUryaM praNamAmyaham || 7 ||

taM sUryaM jagatAM nAthaM jJAna vijJAna mokSadam |

mahA pApa haraM devaM taM sUryaM praNamAmyaham || 8 ||

phalazRti

sUryASTakaM paThennityaM grahapIDA praNAzanam |

aputro labhate putraM daridro dhanavAn bhavet ||

AmiSaM madhupAnaM ca yaH karoti raverdhine |

sapta janma bhavedrogI janma karma daridratA ||

strI taila madhu mAMsAni ye tyajanti raverdine |

na vyAdhi zoka dAridryaM sUryalokaM sa gacchati ||

iti zrI zivaproktaM zrI sUryASTakaM sampUrNam ||