સૂર્ય મણ્ડલ સ્તોત્રમ્

સૂર્ય મણ્ડલ સ્તોત્રમ્

શ્લોક 1

નમોઽસ્તુ સૂર્યાય સહસ્રરશ્મયે

સહસ્રશાખાન્વિત સમ્ભવાત્મને ।

સહસ્રયોગોદ્ભવ ભાવભાગિને

સહસ્રસઙ્ખ્યાયુધધારિણે નમઃ

શ્લોક 2

યન્મણ્ડલં દીપ્તિકરં વિશાલં

રત્નપ્રભં તીવ્રમનાદિરૂપમ્ ।

દારિદ્ર્યદુઃખક્ષયકારણં ચ

પુનાતુ માં તત્સવિતુર્વરેણ્યમ્

॥ 1 ॥

શ્લોક 3

યન્મણ્ડલં દેવગણૈઃ સુપૂજિતં

વિપ્રૈઃ સ્તુતં ભાવનમુક્તિકોવિદમ્ ।

તં દેવદેવં પ્રણમામિ સૂર્યં

પુનાતુ માં તત્સવિતુર્વરેણ્યમ્

॥ 2 ॥

શ્લોક 4

યન્મણ્ડલં જ્ઞાનઘનન્ત્વગમ્યં

ત્રૈલોક્યપૂજ્યં ત્રિગુણાત્મરૂપમ્ ।

સમસ્તતેજોમયદિવ્યરૂપં

પુનાતુ માં તત્સવિતુર્વરેણ્યમ્

॥ 3 ॥

શ્લોક 5

યન્મણ્ડલં ગૂઢમતિપ્રબોધં

ધર્મસ્ય વૃદ્ધિં કુરુતે જનાનામ્ ।

યત્સર્વપાપક્ષયકારણં ચ

પુનાતુ માં તત્સવિતુર્વરેણ્યમ્

॥ 4 ॥

શ્લોક 6

યન્મણ્ડલં વ્યાધિવિનાશદક્ષં

યદૃગ્યજુઃ સામસુ સમ્પ્રગીતમ્ ।

પ્રકાશિતં યેન ચ ભૂર્ભુવઃ સ્વઃ

પુનાતુ માં તત્સવિતુર્વરેણ્યમ્

॥ 5 ॥

શ્લોક 7

યન્મણ્ડલં વેદવિદો વદન્તિ

ગાયન્તિ યચ્ચારણસિદ્ધસઙ્ઘાઃ ।

યદ્યોગિનો યોગજુષાં ચ સઙ્ઘાઃ

પુનાતુ માં તત્સવિતુર્વરેણ્યમ્

॥ 6 ॥

શ્લોક 8

યન્મણ્ડલં સર્વજનૈશ્ચ પૂજિતં

જ્યોતિશ્ચ કુર્યાદિહ મર્ત્યલોકે ।

યત્કાલકાલાદ્યમનાદિરૂપં

પુનાતુ માં તત્સવિતુર્વરેણ્યમ્

॥ 7 ॥

શ્લોક 9

યન્મણ્ડલં વિષ્ણુચતુર્મુખાખ્યં

યદક્ષરં પાપહરં જનાનામ્ ।

યત્કાલકલ્પક્ષયકારણં ચ

પુનાતુ માં તત્સવિતુર્વરેણ્યમ્

॥ 8 ॥

શ્લોક 10

યન્મણ્ડલં વિશ્વસૃજં પ્રસિદ્ધં

ઉત્પત્તિરક્ષપ્રલય પ્રગલ્ભમ્ ।

યસ્મિન્ જગત્સંહરતેઽખિલં ચ

પુનાતુ માં તત્સવિતુર્વરેણ્યમ્

॥ 9 ॥

શ્લોક 11

યન્મણ્ડલં સર્વગતસ્ય વિષ્ણોઃ

આત્મા પરં‍ધામ વિશુદ્ધતત્ત્વમ્ ।

સૂક્ષ્માન્તરૈર્યોગપથાનુગમ્યં

પુનાતુ માં તત્સવિતુર્વરેણ્યમ્

॥ 10 ॥

શ્લોક 12

યન્મણ્ડલં વેદવિદોપગીતં

યદ્યોગિનાં યોગ પથાનુગમ્યમ્ ।

તત્સર્વ વેદ્યં પ્રણમામિ સૂર્યં

પુનાતુ માં તત્સવિતુર્વરેણ્યમ્

॥ 11 ॥

શ્લોક 13

સૂર્યમણ્ડલસુ સ્તોત્રં યઃ પઠેત્સતતં નરઃ ।

સર્વપાપવિશુદ્ધાત્મા સૂર્યલોકે મહીયતે ॥

ઇતિ શ્રી ભવિષ્યોત્તરપુરાણે શ્રી કૃષ્ણાર્જુન સંવાદે સૂર્યમણ્ડલ સ્તોત્રમ્ ।