Surya Kavacham

සූර්ය කවචම්

ශ්ලොක 1

ශ්රීභෛරව උවාච

යෝ දේවදේවෝ භගවාන් භාස්කරෝ මහසාං නිධිඃ .

ගයත්රීනායකෝ භාස්වාන් සවිතේති ප්රගීයතේ .. 1 ..

තස්යාහං කවචං දිව්යං වජ්රපඤ්ජරකාභිධම් .

සර්වමන්ත්රමයං ගුහ්යං මූලවිද්යාරහස්යකම් .. 2 ..

සර්වපාපාපහං දේවි දුඃඛදාරිද්ර්යනාශනම් .

මහාකුෂ්ඨහරං පුණ්යං සර්වරෝගනිවර්හණම් .. 3 ..

සර්වශත්රුසමූහඝ්නං සම්ග්රාමේ විජයප්රදම් .

සර්වතේජෝමයං සර්වදේවදානවපූජිතම් .. 4 ..

රණේ රාජභයේ ඝෝරේ සර්වෝපද්රවනාශනම් .

මාතෘකාවේෂ්ටිතං වර්ම භෛරවානනනිර්ගතම් .. 5 ..

ග්රහපීඩාහරං දේවි සර්වසඞ්කටනාශනම් .

ධාරණාදස්ය දේවේශි බ්රහ්මා ලෝකපිතාමහඃ .. 6 ..

විෂ්ණුර්නාරායණෝ දේවි රණේ දෛත්යාඤ්ජිෂ්යති .

ශඞ්කරඃ සර්වලෝකේශෝ වාසවෝ(අ)පි දිවස්පතිඃ .. 7 ..

ඕෂධීශඃ ශශී දේවි ශිවෝ(අ)හං භෛරවේශ්වරඃ .

මන්ත්රාත්මකං පරං වර්ම සවිතුඃ සාරමුත්තමම් .. 8 ..

යෝ ධාරයේද් භුජේ මූර්ධ්නි රවිවාරේ මහේශ්වරි .

ස රාජවල්ලභෝ ලෝකේ තේජස්වී වෛරිමර්දනඃ .. 9 ..

බහුනෝක්තේන කිං දේවි කවචස්යාස්ය ධාරණාත් .

ඉහ ලක්ෂ්මීධනාරෝග්ය-වෘද්ධිර්භවති නාන්යථා .. 10 ..

පරත්ර පරමා මුක්තිර්දේවානාමපි දුර්ලභා .

කවචස්යාස්ය දේවේශි මූලවිද්යාමයස්ය ච .. 11 ..

වජ්රපඤ්ජරකාඛ්යස්ය මුනිර්බ්රහ්මා සමීරිතඃ .

ගායත්ර්යං ඡන්ද ඉත්යුක්තං දේවතා සවිතා ස්මෘතඃ .. 12 ..

මායා බීජං ශරත් ශක්තිර්නමඃ කීලකමීශ්වරි .

සර්වාර්ථසාධනේ දේවි විනියෝගඃ ප්රකීර්තිතඃ .. 13 ..

අථ සූර්ය කවචං

ඕං අං ආං ඉං ඊං ශිරඃ පාතු ඕං සූර්යෝ මන්ත්රවිග්රහඃ .

උං ඌං ඍං ඎං ලලාටං මේ හ්රාං රවිඃ පාතු චින්මයඃ .. 14 ..

~ලුං ~ලූං ඒං ඓං පාතු නේත්රේ හ්රීං මමාරුණසාරථිඃ .

ඕං ඖං අං අඃ ශ්රුතී පාතු සඃ සර්වජගදීශ්වරඃ .. 15 ..

කං ඛං ගං ඝං පාතු ගණ්ඩෞ සූං සූරඃ සුරපූජිතඃ .

චං ඡං ජං ඣං ච නාසාං මේ පාතු යාරං අර්යමා ප්රභුඃ .. 16 ..

ටං ඨං ඩං ඪං මුඛං පායාද් යං යෝගීශ්වරපූජිතඃ .

තං ථං දං ධං ගලං පාතු නං නාරායණවල්ලභඃ .. 17 ..

පං ඵං බං භං මම ස්කන්ධෞ පාතු මං මහසාං නිධිඃ .

යං රං ලං වං භුජෞ පාතු මූලං සකනායකඃ .. 18 ..

ශං ෂං සං හං පාතු වක්ෂෝ මූලමන්ත්රමයෝ ධ්රුවඃ .

ලං ක්ෂඃ කුක්ෂ්සිං සදා පාතු ග්රහාථෝ දිනේශ්වරඃ .. 19 ..

ඞං ඤං ණං නං මං මේ පාතු පෘෂ්ඨං දිවසනායකඃ .

අං ආං ඉං ඊං උං ඌං ඍං ඎං නාභිං පාතු තමෝපහඃ .. 20 ..

~ලුං ~ලූං ඒං ඓං ඕං ඖං අං අඃ ලිඞ්ගං මේ(අ)ව්යාද් ග්රහේශ්වරඃ .

කං ඛං ගං ඝං චං ඡං ජං ඣං කටිං භානුර්මමාවතු .. 21 ..

ටං ඨං ඩං ඪං තං ථං දං ධං ජානූ භාස්වාන් මමාවතු .

පං ඵං බං භං යං රං ලං වං ජඞ්ඝේ මේ(අ)ව්යාද් විභාකරඃ .. 22 ..

ශං ෂං සං හං ලං ක්ෂඃ පාතු මූලං පාදෞ ත්රයිතනුඃ .

ඞං ඤං ණං නං මං මේ පාතු සවිතා සකලං වපුඃ .. 23 ..

සෝමඃ පූර්වේ ච මාං පාතු භෞමෝ(අ)ග්නෞ මාං සදාවතු .

බුධෝ මාං දක්ෂිණේ පාතු නෛඍත්යා ගුරරේව මාම් .. 24 ..

පශ්චිමේ මාං සිතඃ පාතු වායව්යාං මාං ශනෛශ්චරඃ .

උත්තරේ මාං තමඃ පායාදෛශාන්යාං මාං ශිඛී තථා .. 25 ..

ඌර්ධ්වං මාං පාතු මිහිරෝ මාමධස්තාඤ්ජගත්පතිඃ .

ප්රභාතේ භාස්කරඃ පාතු මධ්යාහ්නේ මාං දිනේශ්වරඃ .. 26 ..

සායං වේදප්රියඃ පාතු නිශීථේ විස්ඵුරාපතිඃ .

සර්වත්ර සර්වදා සූර්යඃ පාතු මාං චක්රනායකඃ .. 27 ..

රණේ රාජකුලේ ද්යූතේ විදාදේ ශත්රුසඞ්කටේ .

සඞ්ගාමේ ච ජ්වරේ රෝගේ පාතු මාං සවිතා ප්රභුඃ .. 28 ..

ඕං ඕං ඕං උත ඕංඋඖං හ ස ම යඃ සූරෝ(අ)වතාන්මාං භයාද්

හ්රාං හ්රීං හ්රුං හහහා හසෞඃ හසහසෞඃ හංසෝ(අ)වතාත් සර්වතඃ .

සඃ සඃ සඃ සසසා නෘපාද්වනචරාච්චෞරාද්රණාත් සඞ්කටාත්

පායාන්මාං කුලනායකෝ(අ)පි සවිතා ඕං හ්රීං හ සෞඃ සර්වදා .. 29 ..

ද්රාං ද්රීං ද්රූං දධනං තථා ච තරණිර්භාම්භෛර්භයාද් භාස්කරෝ

රාං රීං රූං රුරුරූං රවිර්ජ්වරභයාත් කුෂ්ඨාච්ච ශූලාමයාත් .

අං අං ආං විවිවීං මහාමයභයං මාං පාතු මාර්තණ්ඩකෝ

මූලව්යාප්තතනුඃ සදාවතු පරං හංසඃ සහස්රාංශුමාන් .. 30..

අථ ඵලශෘතිඃ

ඉති ශ්රීකවචං දිව්යං වජ්රපඤ්ජරකාභිධම් .

සර්වදේවරහස්යං ච මාතෘකාමන්ත්රවේෂ්ටිතම් .. 31 ..

මහාරෝගභයඝ්නං ච පාපඝ්නං මන්මුඛෝදිතම් .

ගුහ්යං යශස්කරං පුණ්යං සර්වශ්රේයස්කරං ශිවේ .. 32 ..

ලිඛිත්වා රවිවාරේ තු තිෂ්යේ වා ජන්මභේ ප්රියේ .

අෂ්ටගන්ධේන දිව්යේන සුධාක්ෂීරේණ පාර්වති .. 33 ..

අර්කක්ෂීරේණ පුණ්යේන භූර්ජත්වචි මහේශ්වරි .

කනකීකාෂ්ඨලේඛන්යා කවචං භාස්කරෝදයේ .. 34 ..

ශ්වේතසූත්රේණ රක්තේන ශ්යාමේනාවේෂ්ටයේද් ගුටීම් .

සෞවර්ණේනාථ සංවේෂ්ඨ්ය ධාරයේන්මූර්ධ්නි වා භුජේ .. 35 ..

රණේ රිපූඤ්ජයේද් දේවි වාදේ සදසි ජේෂ්යති .

රාජමාන්යෝ භවේන්නිත්යං සර්වතේජෝමයෝ භවේත් .. 36 ..

කණ්ඨස්ථා පුත්රදා දේවි කුක්ෂිස්ථා රෝගනාශිනී .

ශිරඃස්ථා ගුටිකා දිව්යා රාකලෝකවශඞ්කරී .. 37 ..

භුජස්ථා ධනදා නිත්යං තේජෝබුද්ධිවිවර්ධිනී .

වන්ධ්යා වා කාකවන්ධ්යා වා මෘතවත්සා ච යාඞ්ගනා .. 38 ..

කණ්ඨේ සා ධාරයේන්නිත්යං බහුපුත්රා ප්රජායයේ .

යස්ය දේහේ භවේන්නිත්යං ගුටිකෛෂා මහේශ්වරි .. 39 ..

මහාස්ත්රාණීන්ද්රමුක්තානි බ්රහ්මාස්ත්රාදීනි පාර්වති .

තද්දේහං ප්රාප්ය ව්යර්ථානි භවිෂ්යන්ති න සංශයඃ .. 40 ..

ත්රිකාලං යඃ පඨේන්නිත්යං කවචං වජ්රපඤ්ජරම් .

තස්ය සද්යෝ මහාදේවි සවිතා වරදෝ භවේත් .. 41 ..

අජ්ඤාත්වා කවචං දේවි පූජයේද් යස්ත්රයීතනුම් .

තස්ය පූජාර්ජිතං පුණ්යං ජන්මකෝටිෂු නිෂ්ඵලම් .. 42 ..

ශතාවර්තං පඨේද්වර්ම සප්තම්යාං රවිවාසරේ .

මහාකුෂ්ඨාර්දිතෝ දේවි මුච්යතේ නාත්ර සංශයඃ .. 43 ..

නිරෝගෝ යඃ පඨේද්වර්ම දරිද්රෝ වජ්රපඤ්ජරම් .

ලක්ෂ්මීවාඤ්ජායතේ දේවි සද්යඃ සූර්යප්රසාදතඃ .. 44 ..

භක්ත්යා යඃ ප්රපඨේද් දේවි කවචං ප්රත්යහං ප්රියේ .

ඉහ ලෝකේ ශ්රියං භුක්ත්වා දේහාන්තේ මුක්තිමාප්නුයාත් .. 45 ..

ඉති ශ්රීරුද්රයාමලේ තන්ත්රේ ශ්රීදේවිරහස්යේ

වජ්රපඤ්ජරාඛ්යසූර්යකවචනිරූපණං ත්රයස්ත්රිංශඃ පටලඃ ..