Surya Kavacham
Surya Kavacham
Surya Kavacham
sUrya kavacham
shloka 1
shrIbhairava uvAcha
yo devadevo bhagavAn bhAskaro mahasAM nidhiH |
gayatrInAyako bhAsvAn saviteti pragIyate || 1 ||
tasyAhaM kavachaM divyaM vajrapa~njarakAbhidham |
sarvamantramayaM guhyaM mUlavidyArahasyakam || 2 ||
sarvapApApahaM devi duHkhadAridryanAshanam |
mahAkuShThaharaM puNyaM sarvaroganivarhaNam || 3 ||
sarvashatrusamUhaghnaM samgrAme vijayapradam |
sarvatejomayaM sarvadevadAnavapUjitam || 4 ||
raNe rAjabhaye ghore sarvopadravanAshanam |
mAtRRikAveShTitaM varma bhairavAnananirgatam || 5 ||
grahapIDAharaM devi sarvasa~NkaTanAshanam |
dhAraNAdasya deveshi brahmA lokapitAmahaH || 6 ||
viShNurnArAyaNo devi raNe daityA~njiShyati |
sha~NkaraH sarvalokesho vAsavo.api divaspatiH || 7 ||
oShadhIshaH shashI devi shivo.ahaM bhairaveshvaraH |
mantrAtmakaM paraM varma savituH sAramuttamam || 8 ||
yo dhArayed bhuje mUrdhni ravivAre maheshvari |
sa rAjavallabho loke tejasvI vairimardanaH || 9 ||
bahunoktena kiM devi kavachasyAsya dhAraNAt |
iha lakShmIdhanArogya-vRRiddhirbhavati nAnyathA || 10 ||
paratra paramA muktirdevAnAmapi durlabhA |
kavachasyAsya deveshi mUlavidyAmayasya cha || 11 ||
vajrapa~njarakAkhyasya munirbrahmA samIritaH |
gAyatryaM Chanda ityuktaM devatA savitA smRRitaH || 12 ||
mAyA bIjaM sharat shaktirnamaH kIlakamIshvari |
sarvArthasAdhane devi viniyogaH prakIrtitaH || 13 ||
atha sUrya kavachaM
OM aM AM iM IM shiraH pAtu OM sUryo mantravigrahaH |
uM UM RRiM RRIM lalATaM me hrAM raviH pAtu chinmayaH || 14 ||
~luM ~lUM eM aiM pAtu netre hrIM mamAruNasArathiH |
OM auM aM aH shrutI pAtu saH sarvajagadIshvaraH || 15 ||
kaM khaM gaM ghaM pAtu gaNDau sUM sUraH surapUjitaH |
chaM ChaM jaM jhaM cha nAsAM me pAtu yAraM aryamA prabhuH || 16 ||
TaM ThaM DaM DhaM mukhaM pAyAd yaM yogIshvarapUjitaH |
taM thaM daM dhaM galaM pAtu naM nArAyaNavallabhaH || 17 ||
paM phaM baM bhaM mama skandhau pAtu maM mahasAM nidhiH |
yaM raM laM vaM bhujau pAtu mUlaM sakanAyakaH || 18 ||
shaM ShaM saM haM pAtu vakSho mUlamantramayo dhruvaH |
laM kShaH kukShsiM sadA pAtu grahAtho dineshvaraH || 19 ||
~NaM ~naM NaM naM maM me pAtu pRRiShThaM divasanAyakaH |
aM AM iM IM uM UM RRiM RRIM nAbhiM pAtu tamopahaH || 20 ||
luM ~lUM eM aiM OM auM aM aH liNgaM me.avyAd graheshvaraH |
kaM khaM gaM ghaM chaM ChaM jaM jhaM kaTiM bhAnurmamAvatu || 21 ||
TaM ThaM DaM DhaM taM thaM daM dhaM jAnU bhAsvAn mamAvatu |
paM phaM baM bhaM yaM raM laM vaM ja~Nghe me.avyAd vibhAkaraH || 22 ||
shaM ShaM saM haM laM kShaH pAtu mUlaM pAdau trayitanuH |
~NaM ~naM NaM naM maM me pAtu savitA sakalaM vapuH || 23 ||
somaH pUrve cha mAM pAtu bhaumo.agnau mAM sadAvatu |
budho mAM dakShiNe pAtu naiRRityA gurareva mAm || 24 ||
pashchime mAM sitaH pAtu vAyavyAM mAM shanaishcharaH |
uttare mAM tamaH pAyAdaishAnyAM mAM shikhI tathA || 25 ||
UrdhvaM mAM pAtu mihiro mAmadhastA~njagatpatiH |
prabhAte bhAskaraH pAtu madhyAhne mAM dineshvaraH || 26 ||
sAyaM vedapriyaH pAtu nishIthe visphurApatiH |
sarvatra sarvadA sUryaH pAtu mAM chakranAyakaH || 27 ||
raNe rAjakule dyUte vidAde shatrusa~NkaTe |
sa~NgAme cha jvare roge pAtu mAM savitA prabhuH || 28 ||
OM OM OM uta OMuauM ha sa ma yaH sUro.avatAnmAM bhayAd
hrAM hrIM hruM hahahA hasauH hasahasauH haMso.avatAt sarvataH |
saH saH saH sasasA nRRipAdvanacharAchchaurAdraNAt sa~NkaTAt
pAyAnmAM kulanAyako.api savitA OM hrIM ha sauH sarvadA || 29 ||
drAM drIM drUM dadhanaM tathA cha taraNirbhAmbhairbhayAd bhAskaro
rAM rIM rUM rururUM ravirjvarabhayAt kuShThAchcha shUlAmayAt |
aM aM AM vivivIM mahAmayabhayaM mAM pAtu mArtaNDako
mUlavyAptatanuH sadAvatu paraM haMsaH sahasrAMshumAn || 30||
atha phalashRRitiH
iti shrIkavachaM divyaM vajrapa~njarakAbhidham |
sarvadevarahasyaM cha mAtRRikAmantraveShTitam || 31 ||
mahArogabhayaghnaM cha pApaghnaM manmukhoditam |
guhyaM yashaskaraM puNyaM sarvashreyaskaraM shive || 32 ||
likhitvA ravivAre tu tiShye vA janmabhe priye |
aShTagandhena divyena sudhAkShIreNa pArvati || 33 ||
arkakShIreNa puNyena bhUrjatvachi maheshvari |
kanakIkAShThalekhanyA kavachaM bhAskarodaye || 34 ||
shvetasUtreNa raktena shyAmenAveShTayed guTIm |
sauvarNenAtha saMveShThya dhArayenmUrdhni vA bhuje || 35 ||
raNe ripU~njayed devi vAde sadasi jeShyati |
rAjamAnyo bhavennityaM sarvatejomayo bhavet || 36 ||
kaNThasthA putradA devi kukShisthA roganAshinI |
shiraHsthA guTikA divyA rAkalokavasha~NkarI || 37 ||
bhujasthA dhanadA nityaM tejobuddhivivardhinI |
vandhyA vA kAkavandhyA vA mRRitavatsA cha yA~NganA || 38 ||
kaNThe sA dhArayennityaM bahuputrA prajAyaye |
yasya dehe bhavennityaM guTikaiShA maheshvari || 39 ||
mahAstrANIndramuktAni brahmAstrAdIni pArvati |
taddehaM prApya vyarthAni bhaviShyanti na saMshayaH || 40 ||
trikAlaM yaH paThennityaM kavachaM vajrapa~njaram |
tasya sadyo mahAdevi savitA varado bhavet || 41 ||
aj~nAtvA kavachaM devi pUjayed yastrayItanum |
tasya pUjArjitaM puNyaM janmakoTiShu niShphalam || 42 ||
shatAvartaM paThedvarma saptamyAM ravivAsare |
mahAkuShThArdito devi muchyate nAtra saMshayaH || 43 ||
nirogo yaH paThedvarma daridro vajrapa~njaram |
lakShmIvA~njAyate devi sadyaH sUryaprasAdataH || 44 ||
bhaktyA yaH prapaThed devi kavachaM pratyahaM priye |
iha loke shriyaM bhuktvA dehAnte muktimApnuyAt || 45 ||
iti shrIrudrayAmale tantre shrIdevirahasye
vajrapa~njarAkhyasUryakavachanirUpaNaM trayastriMshaH paTalaH ||