Surya Kavacham

sUrya kavacam

zloka 1

zrIbhairava uvAca

yo devadevo bhagavAn bhAskaro mahasAM nidhiH |

gayatrInAyako bhAsvAn saviteti pragIyate || 1 ||

tasyAhaM kavacaM divyaM vajrapaJjarakAbhidham |

sarvamantramayaM guhyaM mUlavidyArahasyakam || 2 ||

sarvapApApahaM devi duHkhadAridryanAzanam |

mahAkuSThaharaM puNyaM sarvaroganivarhaNam || 3 ||

sarvazatrusamUhaghnaM samgrAme vijayapradam |

sarvatejomayaM sarvadevadAnavapUjitam || 4 ||

raNe rAjabhaye ghore sarvopadravanAzanam |

mAtRkAveSTitaM varma bhairavAnananirgatam || 5 ||

grahapIDAharaM devi sarvasaGkaTanAzanam |

dhAraNAdasya devezi brahmA lokapitAmahaH || 6 ||

viSNurnArAyaNo devi raNe daityAJjiSyati |

zaGkaraH sarvalokezo vAsavo'pi divaspatiH || 7 ||

oSadhIzaH zazI devi zivo'haM bhairavezvaraH |

mantrAtmakaM paraM varma savituH sAramuttamam || 8 ||

yo dhArayed bhuje mUrdhni ravivAre mahezvari |

sa rAjavallabho loke tejasvI vairimardanaH || 9 ||

bahunoktena kiM devi kavacasyAsya dhAraNAt |

iha lakSmIdhanArogya-vRddhirbhavati nAnyathA || 10 ||

paratra paramA muktirdevAnAmapi durlabhA |

kavacasyAsya devezi mUlavidyAmayasya ca || 11 ||

vajrapaJjarakAkhyasya munirbrahmA samIritaH |

gAyatryaM chanda ityuktaM devatA savitA smRtaH || 12 ||

mAyA bIjaM zarat zaktirnamaH kIlakamIzvari |

sarvArthasAdhane devi viniyogaH prakIrtitaH || 13 ||

atha sUrya kavacaM

OM aM AM iM IM ziraH pAtu OM sUryo mantravigrahaH |

uM UM RM RRM lalATaM me hrAM raviH pAtu cinmayaH || 14 ||

~luM ~lUM eM aiM pAtu netre hrIM mamAruNasArathiH |

OM auM aM aH zrutI pAtu saH sarvajagadIzvaraH || 15 ||

kaM khaM gaM ghaM pAtu gaNDau sUM sUraH surapUjitaH |

caM chaM jaM jhaM ca nAsAM me pAtu yAraM aryamA prabhuH || 16 ||

TaM ThaM DaM DhaM mukhaM pAyAd yaM yogIzvarapUjitaH |

taM thaM daM dhaM galaM pAtu naM nArAyaNavallabhaH || 17 ||

paM phaM baM bhaM mama skandhau pAtu maM mahasAM nidhiH |

yaM raM laM vaM bhujau pAtu mUlaM sakanAyakaH || 18 ||

zaM SaM saM haM pAtu vakSo mUlamantramayo dhruvaH |

laM kSaH kukSsiM sadA pAtu grahAtho dinezvaraH || 19 ||

GaM JaM NaM naM maM me pAtu pRSThaM divasanAyakaH |

aM AM iM IM uM UM RM RRM nAbhiM pAtu tamopahaH || 20 ||

~luM ~lUM eM aiM OM auM aM aH liGgaM me'vyAd grahezvaraH |

kaM khaM gaM ghaM caM chaM jaM jhaM kaTiM bhAnurmamAvatu || 21 ||

TaM ThaM DaM DhaM taM thaM daM dhaM jAnU bhAsvAn mamAvatu |

paM phaM baM bhaM yaM raM laM vaM jaGghe me'vyAd vibhAkaraH || 22 ||

zaM SaM saM haM laM kSaH pAtu mUlaM pAdau trayitanuH |

GaM JaM NaM naM maM me pAtu savitA sakalaM vapuH || 23 ||

somaH pUrve ca mAM pAtu bhaumo'gnau mAM sadAvatu |

budho mAM dakSiNe pAtu naiRtyA gurareva mAm || 24 ||

pazcime mAM sitaH pAtu vAyavyAM mAM zanaizcaraH |

uttare mAM tamaH pAyAdaizAnyAM mAM zikhI tathA || 25 ||

UrdhvaM mAM pAtu mihiro mAmadhastAJjagatpatiH |

prabhAte bhAskaraH pAtu madhyAhne mAM dinezvaraH || 26 ||

sAyaM vedapriyaH pAtu nizIthe visphurApatiH |

sarvatra sarvadA sUryaH pAtu mAM cakranAyakaH || 27 ||

raNe rAjakule dyUte vidAde zatrusaGkaTe |

saGgAme ca jvare roge pAtu mAM savitA prabhuH || 28 ||

OM OM OM uta OMuauM ha sa ma yaH sUro'vatAnmAM bhayAd

hrAM hrIM hruM hahahA hasauH hasahasauH haMso'vatAt sarvataH |

saH saH saH sasasA nRpAdvanacarAccaurAdraNAt saGkaTAt

pAyAnmAM kulanAyako'pi savitA OM hrIM ha sauH sarvadA || 29 ||

drAM drIM drUM dadhanaM tathA ca taraNirbhAmbhairbhayAd bhAskaro

rAM rIM rUM rururUM ravirjvarabhayAt kuSThAcca zUlAmayAt |

aM aM AM vivivIM mahAmayabhayaM mAM pAtu mArtaNDako

mUlavyAptatanuH sadAvatu paraM haMsaH sahasrAMzumAn || 30||

atha phalazRtiH

iti zrIkavacaM divyaM vajrapaJjarakAbhidham |

sarvadevarahasyaM ca mAtRkAmantraveSTitam || 31 ||

mahArogabhayaghnaM ca pApaghnaM manmukhoditam |

guhyaM yazaskaraM puNyaM sarvazreyaskaraM zive || 32 ||

likhitvA ravivAre tu tiSye vA janmabhe priye |

aSTagandhena divyena sudhAkSIreNa pArvati || 33 ||

arkakSIreNa puNyena bhUrjatvaci mahezvari |

kanakIkASThalekhanyA kavacaM bhAskarodaye || 34 ||

zvetasUtreNa raktena zyAmenAveSTayed guTIm |

sauvarNenAtha saMveSThya dhArayenmUrdhni vA bhuje || 35 ||

raNe ripUJjayed devi vAde sadasi jeSyati |

rAjamAnyo bhavennityaM sarvatejomayo bhavet || 36 ||

kaNThasthA putradA devi kukSisthA roganAzinI |

ziraHsthA guTikA divyA rAkalokavazaGkarI || 37 ||

bhujasthA dhanadA nityaM tejobuddhivivardhinI |

vandhyA vA kAkavandhyA vA mRtavatsA ca yAGganA || 38 ||

kaNThe sA dhArayennityaM bahuputrA prajAyaye |

yasya dehe bhavennityaM guTikaiSA mahezvari || 39 ||

mahAstrANIndramuktAni brahmAstrAdIni pArvati |

taddehaM prApya vyarthAni bhaviSyanti na saMzayaH || 40 ||

trikAlaM yaH paThennityaM kavacaM vajrapaJjaram |

tasya sadyo mahAdevi savitA varado bhavet || 41 ||

ajJAtvA kavacaM devi pUjayed yastrayItanum |

tasya pUjArjitaM puNyaM janmakoTiSu niSphalam || 42 ||

zatAvartaM paThedvarma saptamyAM ravivAsare |

mahAkuSThArdito devi mucyate nAtra saMzayaH || 43 ||

nirogo yaH paThedvarma daridro vajrapaJjaram |

lakSmIvAJjAyate devi sadyaH sUryaprasAdataH || 44 ||

bhaktyA yaH prapaThed devi kavacaM pratyahaM priye |

iha loke zriyaM bhuktvA dehAnte muktimApnuyAt || 45 ||

iti zrIrudrayAmale tantre zrIdevirahasye

vajrapaJjarAkhyasUryakavacanirUpaNaM trayastriMzaH paTalaH ||