Surya Ashtottara Sata Nama Stotram

sUrya aSTottara zata nAma stotram

zloka 1

aruNAya zaraNyAya karuNArasasindhave |

asamAnabalAyA''rtarakSakAya namo namaH || 1 ||

AdityAyA''dibhUtAya akhilAgamavedine |

acyutAyA'khilajJAya anantAya namo namaH || 2 ||

inAya vizvarUpAya ijyAyaindrAya bhAnave |

indirAmandirAptAya vandanIyAya te namaH || 3 ||

IzAya suprasannAya suzIlAya suvarcase |

vasupradAya vasave vAsudevAya te namaH || 4 ||

ujjvalAyograrUpAya UrdhvagAya vivasvate |

udyatkiraNajAlAya hRSIkezAya te namaH || 5 ||

UrjasvalAya vIrAya nirjarAya jayAya ca |

UrudvayAbhAvarUpayuktasArathaye namaH || 6 ||

RSivandyAya rugghantre RkSacakracarAya ca |

RjusvabhAvacittAya nityastutyAya te namaH || 7 ||

RRkAramAtRkAvarNarUpAyojjvalatejase |

RRkSAdhinAthamitrAya puSkarAkSAya te namaH || 8 ||

luptadantAya zAntAya kAntidAya ghanAya ca |

kanatkanakabhUSAya khadyotAya namo namaH || 9 ||

lUnitAkhiladaityAya satyAnandasvarUpiNe |

apavargapradAyA''rtazaraNyAya namo namaH || 10 ||

ekAkine bhagavate sRSTisthityantakAriNe |

guNAtmane ghRNibhRte bRhate brahmaNe namaH || 11 ||

aizvaryadAya zarvAya haridazvAya zauraye |

dazadiksamprakAzAya bhaktavazyAya te namaH || 12 ||

ojaskarAya jayine jagadAnandahetave |

janmamRtyujarAvyAdhivarjitAya namo namaH || 13 ||

aunnatyapadasaJcArarathasthAyAtmarUpiNe |

kamanIyakarAyA'bjavallabhAya namo namaH || 14 ||

antarbahiHprakAzAya acintyAyA''tmarUpiNe |

acyutAya surezAya parasmai jyotiSe namaH || 15 ||

ahaskarAya ravaye haraye paramAtmane |

taruNAya vareNyAya grahANAM pataye namaH || 16 ||

OM namo bhAskarAyA''dimadhyAntarahitAya ca |

saukhyapradAya sakalajagatAM pataye namaH || 17 ||

namaH sUryAya kavaye namo nArAyaNAya ca |

namo namaH parezAya tejorUpAya te namaH || 18 ||

OM zrIM hiraNyagarbhAya OM hrIM sampatkarAya ca |

OM aiM iSTArthadAyA'nuprasannAya namo namaH || 19 ||

zrImate zreyase bhaktakoTisaukhyapradAyine |

nikhilAgamavedyAya nityAnandAya te namaH || 20 ||

iti zrI sUrya aSTottarazatanAma stotram |