Sukra Ashtottara Sata Nama Stotram

ශුක්ර අෂ්ටෝත්තර ශත නාම ස්තෝත්රම්

ශ්ලොක 1

ශුක්රඃ ශුචිඃ ශුභගුණඃ ශුභදඃ ශුභලක්ෂණඃ .

ශෝභනාක්ෂඃ ශුභ්රරූපඃ ශුද්ධස්ඵටිකභාස්වරඃ .. 1 ..

දීනාර්තිහාරකෝ දෛත්යගුරුඃ දේවාභිවන්දිතඃ .

කාව්යාසක්තඃ කාමපාලඃ කවිඃ කල්යාණදායකඃ .. 2 ..

භද්රමූර්තිර්භද්රගුණෝ භාර්ගවෝ භක්තපාලනඃ .

භෝගදෝ භුවනාධ්යක්ෂෝ භුක්තිමුක්තිඵලප්රදඃ .. 3 ..

චාරුශීලශ්චාරුරූපශ්චාරුචන්ද්රනිභානනඃ .

නිධිර්නිඛිලශාස්ත්රජ්ඤෝ නීතිවිද්යාධුරන්ධරඃ .. 4 ..

සර්වලක්ෂණසම්පන්නඃ සර්වාවගුණවර්ජිතඃ .

සමානාධිකනිර්මුක්තඃ සකලාගමපාරගඃ .. 5 ..

භෘගුර්භෝගකරෝ භූමිසුරපාලනතත්පරඃ .

මනස්වී මානදෝ මාන්යෝ මායාතීතෝ මහාශයඃ .. 6 ..

බලිප්රසන්නෝ(අ)භයදෝ බලී බලපරාක්රමඃ .

භවපාශපරිත්යාගෝ බලිබන්ධවිමෝචකඃ .. 7 ..

ඝනාශයෝ ඝනාධ්යක්ෂෝ කම්බුග්රීවඃ කලාධරඃ .

කාරුණ්යරසසම්පූර්ණඃ කල්යාණගුණවර්ධනඃ .. 8 ..

ශ්වේතාම්බරඃ ශ්වේතවපුශ්චතුර්භුජසමන්විතඃ .

අක්ෂමාලාධරෝ(අ)චින්ත්යෝ අක්ෂීණගුණභාසුරඃ .. 9 ..

නක්ෂත්රගණසඤ්චාරෝ නයදෝ නීතිමාර්ගදඃ .

වර්ෂප්රදෝ හෘෂීකේශඃ ක්ලේශනාශකරඃ කවිඃ .. 10 ..

චින්තිතාර්ථප්රදඃ ශාන්තමතිඃ චිත්තසමාධිකෘත් .

ආධිව්යාධිහරෝ භූරිවික්රමඃ පුණ්යදායකඃ .. 11 ..

පුරාණපුරුෂඃ පූජ්යඃ පුරුහූතාදිසන්නුතඃ .

අජේයෝ විජිතාරාතිර්විවිධාභරණෝජ්ජ්වලඃ .. 12 ..

කුන්දපුෂ්පප්රතීකාශෝ මන්දහාසෝ මහාමතිඃ .

මුක්තාඵලසමානාභෝ මුක්තිදෝ මුනිසන්නුතඃ .. 13 ..

රත්නසිංහාසනාරූඪෝ රථස්ථෝ රජතප්රභඃ .

සූර්යප්රාග්දේශසඤ්චාරඃ සුරශත්රුසුහෘත් කවිඃ .. 14 ..

තුලාවෘෂභරාශීශෝ දුර්ධරෝ ධර්මපාලකඃ .

භාග්යදෝ භව්යචාරිත්රෝ භවපාශවිමෝචකඃ .. 15 ..

ගෞඩදේශේශ්වරෝ ගෝප්තා ගුණී ගුණවිභූෂණඃ .

ජ්යේෂ්ඨානක්ෂත්රසම්භූතෝ ජ්යේෂ්ඨඃ ශ්රේෂ්ඨඃ ශුචිස්මිතඃ .. 16 ..

අපවර්ගප්රදෝ(අ)නන්තඃ සන්තානඵලදායකඃ .

සර්වෛශ්වර්යප්රදඃ සර්වගීර්වාණගණසන්නුතඃ .. 17 ..

ඒවං ශුක්රග්රහස්යෛව ක්රමාදෂ්ටෝත්තරං ශතම් .

සර්වපාපප්රශමනං සර්වපුණ්යඵලප්රදම් .

යඃ පඨේච්ඡෘණුයාද්වාපි සර්වාන් කාමානවාප්නුයාත් .. 18 ..

ඉති ශ්රී ශුක්ර අෂ්ටෝත්තරශතනාම ස්තෝත්රම් .